رواية دجن الضليع الفصل التاسع وأربعون 49 - بقلم رهف علي

نبدأ بذكر الله ﷽💛✨

قبل القراءة مُتابعه للحساب قلبي akyta_98
للتواصل ع حساب الانستا akyta_98

مَا ناسيك ، أنا متانيك تفگُدني !!-

------------:--------------:-------------

سيلينا ::- هو انا نرعبت احس الخوف دب بجسمي
شلون يعني سياره تلحكنا معناها راح نموت
دابـــــــــــــــر يهدي بيه بس يريدني اسكت نوب انا زدت رجفه و خوف مد ايده ينطيني السلاح

دابـــــــــــــــر : لج خلي بخصرج هاي السيطره كدامنه ما يفتشون

سيلينا : اخذت السلاح منه وانا ارجف خايفه ومرعوبه
بالكوه مسحت وجهي ماريد ينتبهون عليه ونوب يشكون اول ما عبرنا السيطره
دابـــــــــــــــر مشى مسافه عنها وبعدها
داس بانزين وصار يمشي سريع يتراوغ بين السيارات إلى أن مرت فتره من الوقت لتفتت ماكو السياره ورانه
، وينهم دابـــــــــــــــر؟؟

دابـــــــــــــــر : ضيعتهم هسه نوصل البيت خالج

سيلينا : اي ، بابا كال اله روح البيت خال سيلينا ابقى هناك يمهم بالناصريه أأمن الكم وهو اقتنع
لهذا هدأت من عرفت السياره ماكو ورانه
بس بعدني خايفه ، اخاف تجي بوجهنا وتوكف
ونروح بيها صرت اتخيل هواي اشياء وخايفه لا
تصير لا سامح الله
حسيت ع ايده فوك ايدي الي حاطتها ع رجلي
رفعت راسي وانا اسمع صوت حسرتها شعلوها..

دابـــــــــــــــر : خايفه !!

سيلينا : هزيت راسي اي ، هو عصر ايدي بين ايده

دابـــــــــــــــر : لاتخافين مستحيل اخليهم يتقربون منج مستحيل

سيلينا : ماحجيت الهسه الخوفه بداخلي ورى فتره وصلنا البيت خالي ونزلنا من بعد السلام والكلام وهم اساسا يعرفون ليش احنه هنا بابا حاجي وياهم ومفهمهم
عاد بقينا يمهم يومين والثالث بابا اجه عليه يريد يرجعني ويا ويبقى بس دابـــــــــــــــر هنا
شكد حاولت ابقى بس هو وبابا رافضين ابقى هنا
بجيت مقهوره ، ليش هيج خلوني ابقى هنا احجي وابجي تقرب مني لزم وجهي بين اديه وهو يحجي بهمس ونظراته تتجول ع وجهي ...

دابـــــــــــــــر : وعد بس تهدأ الأوضاع ارجع بس ما ارجع هيج لا ، المهم انتِ بويه ماريد اعلعلج وياي
وحتى ببيت خالج هم ماكدر ابقى
مالهم ذنب نوب يجيهم تهديد بويه افهميني
روحي ويه ابوج هناك احسن الج ماريد كل شوي بمكان وأخذج وياي ع الاقل خليني مطمن انتِ يم اهلج ب امان ..

سيلينا : ماردت اروح بس هو أصر عليه اخر شي باسني براسي حضنته بقوه وبجيت خايفه عليه كلش
اخاف هاي اخر مره اشوفه والله انجن هو كل حياتي
بعدها سلمت ع بيت خالي وطلعنا انا وبابا
بس ابجي وبابا يسكت بيه ويحاول يهديني ..

ابو سيلينا : ولج بابا وعد مني يرجع الج
انا هم ما كاعد جاي احاول اوصل الراس الخيط حتى افتهم السالفه
بس شدتها هل ايام وتعدي خليج قويه بنيتي
اصبري والله ارجعه الج

سيلينا : سكتت ما حجيت شي مايحسون النار الي بكلبي تاكلني اكل خايفه ومرعوبه
فكره انُ هوَ مهدد ويحاولون بالقتل هاي ترعبني
شفت بعيني شلون يلحكونا شفت بعيني
لهذا ماكدر اطمن
احس الموت محاوطه بكل مكان
وصلنا للعمارة وكأن عبالك جايه من النجف هلكانه ومدمره جسمي تعبان
ونفسيتي بعد اتعب بهواااي احس ع ساعه اموت
حتى كلبي صار يأذيني
اول ما وصلت تركتهم ورحت الغرفتي ألجأ الها
اريد ارتاح اريد اعيش ب استقرار ليش
كل ما حياتي تستقر يطلعولي بشغله تخلي حياتنا تنقلب الف مره والله تعبت ..

بابا ما ترك السالفه ابد بالعكس صار يفتر يروح ويرجع
ماخلى شخص يعتب عليه بس يريد يوصل الشخص
حتى يوصلنا لمعلومه تخص دابـــــــــــــــر
بابا كان يفتر مو ع مود زوج بنته لا يفتر ويدور
علمود ابنه لان يعتبر دابـــــــــــــــر ابنه مو
بس زوجي
ماخلى مكان يعتب عليه حتى تعب كلش
تعب
إلى أن بمره رجع وكال وصلت المعلومه
كلنا كعدنا نراقب بابا وشنو الي راح يكوله
بس صدمنا بكلامه ...

ابو سيلينا : بويه وصلت لشخص جانت عندي علاقه صداقه ويا قديمه بس افترقنا من زمان
ومن لكيته تسالمت ويا وحجيت اله السالفه
وهو كال الي ( والله يا ابو زياد نسيبك اسمه بالقائمه )
عرفت بوقتها دابـــــــــــــــر ما يكدر يطلع منه
الجهة الي مهددي كلش قويه
لازم يلجأ وينضم الجهة ثانيه حتى يكدرون يحموا

سيلينا : نوب كلام بابا وكع علينا مثل الصاعقه
حرت وحيرنا ويا هاي شلون سالفه
كلبي انقبض والخوف ملاني
يعني دابـــــــــــــــر شلون راح يطلع من هاي السالفه
ماعرف

هيَ المشكله مو هنا وخلصنا لااا المشكله اهله
اول ماعرفوا دابـــــــــــــــر بالناصريه وانا هنا
اجوي ل اهلي
طلعت عود اسلم عليهم وهمَ استلموني بكلامهم
الي يزرف الكلب واتهاماتهم الباطله ..
كل شوي وحاجين ( اكلج اخاف هاي الي حبته
قبل ورادته هي الي دزت ناس عليه وتريد تخوفه ، اكلج اخاف هو ما مهدد وجذب ) وو كلام هووواي
بحيث أكلوا مخ راسي زرفوا كلبي مو انا ناقصه حتى يجون يكملوها عليه ..
وكل شوي كالوا ( والله لو طلعت السالفه وراها مره
دابـــــــــــــــر يبيع بيته ويفصل احنه متبرين منه لو هيج السالفه طلعت )
وكتها حركوا كلبي حرك يعني هو حياته بخطر وكلش زين نعرف السالفه مو يم بنت بس همَ يريدون
يشمرون السالفه براسه ويتهموا ظلم
عاد بابا رد عليهم وفهمهم السالفه وقتها يلا سدوا حلكهم بزعت وطلعت روحي وهمَ حايرين
اذا هيج نتبره منه واذا هيج مانعرفه
جا هذول شلون اخوه اذا بوقت الشده نكروا بي
شوكت يبين همَ إخوته عن حق وحقيق ماعرف
ليش كل هاي العداوه ويا معقوله لان ما مشى ع مايهم
معقوله لان اخذني وكسر كلمتهم هيج صاروا ويا
من بعد ما جانت علاقتهم حلوه؟ والله ماعرف..

ورى يوم وانصدمنا من وصل تهديد الدابر وهو بالناصريه شبيت للسماء وما انطفيت
يعني عرفوا مكانه
طلع هو فاتح الجهاز مالته و ع اثر الجهاز متبعينه
ولاكينه
عاد إخوته راحوا اله للناصريه حتى
يشوفون شنو يسسون
وكل هذا الوقت انا ما حاجيه ويا ولا حتى هو حاجي وياي ملتهي بالمصيبه
والمشكله هذول يهددون بس الحد هسه ما نفذوا
يعني بس ينطون تنبيهات يحاولون يخوفوا
لان هاي المره الثالثه الي يهددوا بيها
وماسووا الي شي اذن يريدون يخوفوا
علمود شغله..

يوم بعد يوم والاشتياق يزيد كأن احس الاشتياق والخوف اثنينهن يتسابقن سوه اي وحده اكثر من الثانيه
تعبت وهلكت ماعرف دابـــــــــــــــر وينه كل الي اعرفه عنه هو بخير لان بعيد
يوم يجر يوم سبوع يجر اسبوع وهاي صارلي شهر كامل لا شايفته ولا سامعه صوته
كلش استاقيتله اكعد بنص اليل اشبع بجي
بحيث الصبح بالكوه افتح عيوني مورمات من البجي
اهلي يحجون عليه ليش هيج مسويه بنفسج وليش
وانا ماحجي وياهم ولا ب اي شي
تعبت وهو ماكو اريده هذا حب حياتي
مشتاقه اله ولكل شي بي
لحد شوكت ابقى هيج
لشوكت تنحل هاي السالفه ونرجع سوه مثل قبل
ماطلعت هاي ..

اخوان دابـــــــــــــــر يجون ياخذون مفتاح البيت
مالتنا ماكدر أكول لا وافشلهم عيب كل واحد أكبر مني
لهذا انطي الهم
حتى ماعرف شنو يسوون بي
حالتي صارت اسوء مشتاقه اله كلش
عبر الشهر صار شهر ونص وما يكولون وينه
بس يكولون زين ومابي شي
اخر شي طكت روحي
بجيت وصيحت وكسرت ...

ولكم هذااااا زووووجي ليش ما دكولون وينه
ليش ماتحجووووون ترى خبلتوني
حرام عليكم ع الاقل خلوني احجي ويا
خلوني ارتاح وكلبي يرتاح ليش
هيج جاي تسوون بيه حرام عليكم ..

عفتهم وصعدت ابجي منهاررره فد مره
كلش جاي اتأذى ولا واحد بيهم يحس
عايشين حياتهم بس انا بس سيلي
الطايح حظ حظهاااا...

اهله حاربوني بي محاربه قويه
بحيث يجون يمي يكولون (خطيه دابـــــــــــــــر مخلصها
فنادق وحال الضيم حاله من تزوج الهذا اليوم
هو ما مرتاح من مكان المكان الله اعلم يا هو دخل الحياتها وخربها )
يخلوني اشتعل وانطفي مايكولون هو وين بالضبط
شهرين ضبط وانا تعبت نفسيتي ونهاريت

الصبح متمدده ع السرير و ظهري للباب
مغمضه عيوني كلش مهضومه
حسيت ع فتحه الباب ما التفتت بس غمضت عيوني
بقوه ماريد اشوف اي احد تعبانه
واريد بس انعزل لوحدي
حسيت ع الباب ينسد وخطوات صارت بعدها صار هدوء
ما التفتت بقيت ع نومتي شوي وحسيت السرير تحرك
ثواني وحسيت ب شخص حضني من ظهري
وايد صارت ع خصري شهكت من عرفته دابـــــــــــــــر
بجيت وانا لايبه روحي مقهوره هو من سمعني
لفني لجهته سحبني الحضنه وقيدني بين اديه وانا منهاره ابجي ..

دابـــــــــــــــر : اششش ياروح دابـــــــــــــــر لاتبجين هاهيَ خلصت اجيت انا رجعت

سيلينا : ابجي وانا لازمته بقوه عبالي راح يتركني مره ثانيه
بحيث يحجي وياي وانا لازمته ما اخلي يتركني
ورى فتره يلا هدأت بقيت نايمه ع صدره وحاضنته بقوه وهو يمشي ايده ع شعري وخصري
ويتنهد بقوه وانا ماريد اتركه ماريد اعوفه حتى يكوم مني كأن جاي نتعاتب بس بهدوء بسكوت نتعاتب ب انفاسنا وبفكرنا
انا مغمضه عيوني ورى فتره همس ..

دابـــــــــــــــر : سيلينتي ..

سيلينا : هممم ..
دابـــــــــــــــر : كومي نسبح حتى نطلع نتريك
عمتي مسويتلنا خوش ريوك
سيلينا : رفعت راسي ابتسم اله ، صدك ليش تعرف انتَ اجيت
دابـــــــــــــــر : اي انا خابرتها الصبح قبل لا اجي
كتلها رايد سياح من اديج الحلوه يلا شو كومي بويه زحمه من اهلج شكد عيب ماتستحين ع نفسج
هيج تسحبيني
سيلينا: فتحت عيوني مصدومه ، يااااا هوَ انا لو انتَ
دابـــــــــــــــر : انتِ انتِ
سيلينا : ياااا
دابـــــــــــــــر : عض شفته لاتكولين يااا
سيلينا: ليش !؟
دابـــــــــــــــر : ما اتحمل
سيلينا : نظراته ماكره ضحكت عرفت قصده
عفته ونهزمت منه

رحت اتختل من اهلي استحي يشوفوني
سبحت ع السريع وطلع وهو ورايه انا نزلت قبله
لكيت ماما مسويه الريوك والسياح مثل طلب دابر
شوي ونزل دابـــــــــــــــر
ماما ابتسمت بوجهي شكد عيب يعني عرفت
نزلت عيوني وما خليت عيوني بعيونها مره ثانيه
شوي وجهازه صار يدك وهو مايرد يرجع يدك وما يرد الا ان فتحه واسمع الصوت عالي صارت بترس
اذني عرفته اخوو يصيح لس ماعرف شنو
الي يكوله
دابر تعصب وبس اسمع جوابه ومافاهمه الموضوع
اخر شي سد الجهاز سألته ماما جاوبها ..

دابـــــــــــــــر : خنكوني موتوني طول هل فتره
انا يمهم بالبيت لاتتطلع يجون يكتلوك تريد كلنا نموت وراك اكيد من يكتلوك مو الوحدك احنه هم اخوتك وياك
عاد انا سكتت بس ع اعصابي ردت الأوضاع تهدأ حتى بعد ما الهم حجه يمي ولا يصير شي ويخلوها براسي
اخر شي طكت روحي كلت اطلع واليصير يصير
هسه خابروني يصيح سعود ويغلط
شلون طلعت وخلي اهل مرتك يفيدوك احنه ما علينا مانحميك روح الهم وابقى يمهم وهب تشوفين سديت الخط وما الي حجي ويا

سيلينا : انصدمت يعني كان كلامهم كله كذب
وهو مو من مكان المكان طلع ماخذينه يهم
وما يكولون الي معقوله توصل بيهم الهاي
الحقاره وياي !!! مو مصدكه دمروها النفسيتي
يريدون كل طريقه ابتعد عنه بس هو ما يسمح الهم
ماعرف احجي شي بقيت ساكته
ماحجيت شي لان شنو احجي اطلع انا الغلطانه
خلي نشوف وين تصير
وين تصفى بينه ..

دابـــــــــــــــر أصر نرجع البيتنا لهذا شكلنا كاميرات مراقبه وسلاحه بالبيت وبعد تكفلت بينا جهة خاصه بحمايتنا بعد ما دابـــــــــــــــر انضم الها
وهيج اي مكان نكدر نكون مأمنين ع حياتنا من الخطر
صح صارت حياتنا كلها رعب وخايفين لا نتأذى
بس ع الاقل عايشين والحمد الله

بمره ردنا نطلع نتعشى برى ضجت ومليت من البيت
ف هو كال كومي نطلع نتعشى برى البيت
وصدكت لبست وطلعنا
مشينا مسافه وماحسينا الا ع دراجه بيها اثنين صاعدين بيها لابسين خوذا ماينشاف وجهم
يراوغون ويانا هنا روحي راحت
وانا اشوفهم شلون يراوغون دابـــــــــــــــر بدراجتهم
نوب المشكله كلام دابـــــــــــــــر خوفني اكثر
جان يسب بيهم ويمشي سريع
شال الجهاز مالته واتصل ع الي متكفلين
بحمايته هو اصلا مايحب يطلعون ويانا يكول شكو قابل وزير لهذا ما رادهم بس اذا تعرض الاعتداء
لهذا هسه اتصل عليهم واسمع صوت هذاك يصيح عليه ( شعندك تتطلع بررررررى مو كلت لا تتطلع )
جان صوته عالي وينسمع انا بس اقرا قران وادعي
كون تعدي ع خير
بعدها كال ( لاتوكفون ابقوا امشوا بسرعه الحد ما توصلون للمطعم ودخلوا لاتبقون بمكان فارغ )
عاد دابـــــــــــــــر سد الجهاز وصار يمشي سريع
دموعي تنزل خايفه ورى فتره وصلنا لمطعم
والمكان جان مليان ناس سريع نزلني ودخلني
والدراجه شفناها وكفت دقايق بعدها راحت
سحبت نفسس بقوه ومسحت دموعي ..

بقينا كاعدين دابـــــــــــــــر طلب اكل
وانا ماردت بس ارجع للبيت ع هاي الهبطه
وهو يضحك عليه ويصيح
(شنو بويه بعد هذا التعب والاكشن ما ناكل )
سوالي واهس واكلنا وهمَ وصلوا النا عاد رجعنا للبيت وياهم ..

مرت ايام حياتنا كلها هيج خوف وقلق و ع طول حاطه ايدي ع كلبي من يطلع دابـــــــــــــــر للشغل
اخاف مايرجع اخاف يأخذوا مني
هذول ما عندهم لا ذمه ولا ضمير ..

كاعده بالبيت الوحدي العصر جان يندك الباب
شفت الكاميرات بنت بالباب واكفه لهذا اطمنت
رحت فتحت الباب جانت وراها سياره سوده
ماعرف ليش كلبي صار يدك بخوف سألتها وانا مترقبه السياره

سيلينا: تفضلي ؟
شيماء : مرحبا انا شيماء صديقه الاستاذ دابـــــــــــــــر بالشغل اجيت لحتى احجي ويا بموضوع هو موجود بالبيت !!

سيلينا : انا اعرف اصدقاء دابـــــــــــــــر كلهم وحاجيلي عنهم كلهم وماكو اي وحد اسمها شيماء
لتفتت للسياره سريع نزلوا الجامه جانوا كاعدين بيها اثنين شباب هنا أيقنت همَ ماجايين الا وناوين ع شي سيء بدون ما اجاوبهم سديت الباب واتصلت ع دابر وحجيت اله كل شي وهو حذرني اقفل الباب
وما افتحه ابد لاي شخص الا هو يجي

وبسبب هل صار ، قلت طلعاتي من البيت كلش
وما اطلع الا ماندر
لاا هو بعد صادق اشخاص مايعرفهم ولا انا صادقت بنات ما اعرفهن صرت اتجنب كل شي
اقاربي مو دائما نروح الهم بس بالمناسبات
وعلاقاتي صارت كلش محدوده ..

تعرفت ع برنامج اسمه الواتباد هنا دخلت اله وحبيت
اقرا القصص والروايات ساعه ابجي وساعه اضحك
ماخليت قصص الفصليه كلهن قريتهن
وكل ما ابجي يجي دابـــــــــــــــر يصيح عليه
(كله بسبب هل برنامج لاتخليني اخذ الجهاز منج اتركي ) وانا ما اسمع منه مستمره اقرا ..

صرت اقضي وقتي بالقصص اقرا قصص
صرت اقرا قصه ورى قصه حتى مرات اتعب
واكعد الحد ساعات متأخره من اليل وانا بس اقرا
احس هذا الجانب طلعني من نفسيتي المتعبه
بس تعبت من خلال المشاكل الي تعاني منها بطله
القصه ساعات اكول انا تحملت اكثر منها وساعات اكو بطله أكول حالتي يمها احسن شلون تحملت كل هذا
صرت اتابع قصص وكلش اتعجبت ب أشياء حتى مرات
الاشياء الي تعجبني اطبقها ساعات تنجح وساعات لا
خاصه الاشياء الناجحه والحلوه اطبقهن

انا مسويه حساب ع الانستا ب اسمي الحقيقي
سيلين ف بمره دخلت للحساب مال الانستا
وانصدمت بالعددل الهائل من الطلبات اني حسابي خاص ولكيت هواي طلبات
عبالي مو حسابي بس تأكدت هذا حسابي زين شلون
وصل الهذا العددل الهائل من المتابعين ما اعرف
بعدين ع اثر هذا عرفت ناشرين حسابي
ع انُ انا بطله قصه ل إحدى الكاتبات لهذا من بعد هذا الشي وضحت ونزلت ستوري الهم
وكلت الهم بوقتها ( انا مو بطله قصه ل اي كاتبه صح ناويه اكتب قصتي بس مو هسه انا زوجه الاستاذ بس مو نفسه الي ببالكم ) حتى بوقتها جنت انشر صور دابـــــــــــــــر وعادي عندي لان ما ناشره قصتي واغلب الي يتابعوني همَ اقاربي
بس زاد الموضوع اكثر من حده وحسابي صار يصعد
بصوره غريبه ساعات ما اقبل الطلبات لان راح يحجون عليه انتِ وانتِ بس بعدين كلت إلى متى
إلى أن وضحت بما فيه الكفايه بعدها بطلت ..

من اخلي ستوري جان اكو حساب ع طول يرد ع الستوري مالتي اشو عجبني احجي ويه هذا الحساب
رديت عليها هي بنت وعجبني اسلوبها
صرت احجي وياها بكل مره ترد بيها ع الستوري ونكعد
نتناقش سألتها عن حياتها وجاوبتني وهي هم سألتني
عن حياتي وصرنا صديقات بس مو علاقه عميقه

إلى أن اجه اليوم الي انصدمت بي صدمه حياااتي

÷÷÷÷÷÷÷÷÷÷÷÷÷÷÷÷÷÷÷

ريـــــفـــــان ::- اول ما نطق كلامه اني جمدت بمكاني
احس حتى الهوى شح عندي مصدومه
احس كلامه جان مثل الصاعقه الي نزلت عليه
هو يحجي بس ما اسمعه كلش صدمني
شنو قصده يعني من هذا كلامه ابتلعت ريقي وهمست ....
شكلت !!!؟ هو سحب شفايفه للداخل كأن مايريد
يصيح بعدها اردف ..

رهبار : اي لاتنصدمين انا الي ايد بطلاكج من ال***

ريفان : بهت وجهي بالكوه طلعت الكلمه من عندي ، ليش ؟؟ هو انا سألت ليش لو انفتح عليه وصار يصيح

رهبار : تسااااليني ليشششش المفروض انتِ اكثر وحده تعرفين ليششش هيج سسسويت
لج ماكدر افهمي ماكدر اشوفج يمه ماكدر
يوميه انااا هنا ب بغداد اششششوفج ويا اشتعل وانطفي كل يوميه من تتطلعون انا ورررراكم
اشوفه شلون لازم ايدج ودي اروح اكسر ايده ، لج ماكدر انتهيت ادمرررت كم مره وانا عقلي يمج سويت حادث هاي السياره غيرتها الف مره
بكل مره ادمرها وماعرف شلون اطلع منها سلامات
اعرف انتِ ب اسمه صرتي بس ششششنو يقنع كلبي
الي يريدج هذا عقلي شنو يقنعه

ساعات اجبر نفسي بس حتى ما افكر بيج بعدين الكه عقلي الك*** عايف الدنيا ومفتر عليج ويفكر بيج

بس فهميني شنو اسسسوي ماخليت أمام مانخيته
بس ردتج ترجعين الي حتى لو بعدها اموت المهم
انتِ ب اسمي ع الاقل هيج ارتاح بسسس لو يوم واحد
تعبت

هلكتيني بويه انا رجال شايف الموت وعايش ويا وما خاف منه بس يمج اتبهذل اشوف الموت كل يوم وانا اخاف لا تروحين مني وشيرجعج ..

سحب نفس بعدها اردف وهو يتنفس بقوه
وعيونه داخل عيونها الضايعه

اكثر من مره اجي اريد اخربها بس أتراجع بالحظه الاخيره ماعرف ليش كلت خلي تهدأ حياتي شوي واخلص من الخطر الي جاي اعيشه لان مريت بفتره مانزلت من الدوام الا ورى 6 أشهر لهذا ما جان عندي وقت النفسي بس بكل مره اريد اجي اخذج منه وارجع الي ، بعد فتره سمعت كلام وخلاني
ادك بوقتها وكلت هاهي هل مره من صدك
هي الي والله كاتبها الي غصب عن اليرضى والمايرضى
بيومها من سمعت
انتِ حاجيه ل بنت اخته لتُليد عن عجزه
ف هي ويه رفل بنت عمي صديقات حاجيات عنج وجايبات سيرتج وحاجيه الها عن كل شي
عاد رفل كومي وخلي هذا الكلام بحلك ايلان
وايلان ما مقصره حاجيته ل امي
بيومها وصلت يمهم عود حاي انطيهم مصروف
وهي صارت تبسمر بيه إلى أن جبرتها تحجي وحجت الي كل شي
بيومها حسيت هاي صدك اشاره من ربي
حتى ترجعين الي بنفس الحظه شغلت سيارتي وتوجهت البغداد اول ما وصلت
حجيت وتعاركت ويا بس ماعرفت هل ك*** واصل الج وضاربج
وهاي كل السالفه كل الي ردته ماترحين الغيري
لج انا حابج من انتِ وتناغين شلون تروحين الغيري شلون...

ريفان : خليت ايدي ع وجهي وصرت ابجي
يعني كل هاي المعاناة بسببه بس هو يحس بنفسه مسوي شي زين
ولا كأن هدم حياتي
بقى شكد يقنع بيه الا ان سكتت بعد ما يفيد شنو احجي مايفيد الي راح راح وخلص
صار هدوء بينه الا ان هو حجه

رهبار : اكلج شلون بعدج الحد هسه مانايمه !!! شنو السالفه

ريفان : رفعت حاجبي ، اي مانايمه

رهبار : اي ليش شلون كعدتي ؟؟؟

ريفان : عضيت شفتي اني مقهوره وهذا يفكر شلون ما تخدرت ونمت مثل كل مره وهو مايعرف عبرت عليه وانا امثل عليه مانايمه
سحبت نفس وضربته بقبضه ايدي ع كتفه

تغى اني اعرف بيك تخلي الي منوم بالعصغ
شفتك مغه لهذا صغت كل ما تجيب الي
اشمره بالسنك واخلي بمكانه واحد ثاني واشربه
بعدها امثل اني نايمه وانتَ مشت عليك ..
هو انا حجيت هيج وهو ضحك بصوت عالي غص بالضحك صار يكح سحب نفس بالكوه

رهبار : ينعل بليسج هاي شلون عبرت عليه وانا عبالي انتِ فاهيه وتمشي عليج طلعت انا الي الماي تمشي من جواي وما حاس.

ريفان : ابتسمت ع ضحكه ، عقدت حاجبي ، ليش هيج سويت !!

رهبار : شأسويلج ماتخليني احضنج وانا منا ميت عليج
وما تخليني الا بهاي الطريقه

ريفان : انصدمت من كلامه اني عصبيه وهو يضحك
بصوت عالي ولا كأن
ماخليت شي كدامي ماشمرته عليه وهو غاص بالضحك
اخر شي سحبني من راسي باسني براسي وطلع من الغرفه واني بقيت استرجع كل الي صار ماعرف شبيه
بس كلش أثرت بيه هاي الأحداث الاخيره

ثاني يوم اجه الرهبار اتصال فز ع السرعه
راح طلع يركض اخذ فلوس والسويج سياره
وكف كدامي جان يتنفس بقوه
اسأله شبيك خايفه من شكله بس هو ما رد عليه
بس سحبني الحضنه حضني بقوه ونبهني ع نفسي
واذا احتاج شي اتصل ع زوجه صديقه تجي يمي
والبيت ما اطلع منه وبعدها هو طلع وتركني
الوحدي ارجف خوف عليه حتى ماعرف شنو
صار ويا ...

يوم يومين ثلاث ايام الا ان صار اسبوع كامل ورهبار ماكو مختفي لا اتصال ولا حتى اطمن عني ولا اعرف
اي شي عنه احس الخوف سيطر عليه
ماعندي اي تواصل ويا
بس صديقه متكفل بيه يجي هو واخته يجيبون
الي مسواك والاغراض الي احتاج الهن
او مرات هو وزوجته يجون
مايدخل الوحده ابد الا ويا وحده من البنات
مايرفع عينه الي ابد بالعكس محترم الا درجه
وماقصر وياي ابد
بس الي مخوفني هو رهبار وينه ليش ماكو
كل هاي الفتره وهو ماكو
التعب والإرهاق تعدن حدودهن

صرت ابجي كل يوم عليه وينه ليش مختفي
ومن اسأل زوجه صديقه لو اخته ما يجاوبني
يكولون مانعرف عنه شي
صرت اخاف لا هو تركني وبعد مايريدني
صار تفكيري سلبي كله فراق اخاف مايريدني
لو مل مني اخر شي توصلت اله هو تزوج
وتركني هنا صدك نهاريت
لزمت الكوب جان كدامي وشمرته بمد ايدي تكسر صارت تراب
الكوشات الي ع التخم كلهم شلتهن واشمر بيهن
واصيح من اتخيله مخلى عني لو متزوج
ارجع انهار واعصابي تتلف
وراها من أهدأ اروح انظف البيت مثل ما دمرته
يعني اني اخرب وارجع بنفسي ارتب
شسوي ماكو احد وياي مثل ألبومه الوحدي ..

تعبت اخر شي من اجه صديقه هو واخته بعد مامرن اسبوعين يسألني اذا محتاجه شي عاد هنا خلص صبر ..

:: غهباغ وينه ؟؟؟؟؟
:: موجود
:: اي وينه ليش ما يغجع؟؟
اعاين عليه نزل عيونه
:: اختي اكيد عنده شغل من يخلصه يرجع
:: لا فهمني صايغ ويا شي ليش هيج يتهغب مني
:: ماعرف
:: الغصه صارت بصدري همست اله ، معقوله تزوج ؟
هو سريع رفع راسه
:: لا يابه وين يتزوج اطمني ما متزوج بس كتلج صار ويا شغل ضروري ولازم يخلصه يلا يرجع
:: زين بس كول وينه
:: هو مو ب بغداد
:: جا وينه ؟؟؟
:: بالعماره
:: احس الهوى شح عندي اذا بالعمارة اكيد منتظرتني مصيبه جديده ، همَ عاد سلموا وراحوا
واني هنا بقيت محتاره وخايفه
نوب شكد لحيت عليه وهو ما يرضى يحجي موتني
وتعبني

مر شهر كامل ورهبار مو يمي اتصل ما يفتح خط عليه
ادز رسائل ما يرد عليه
ادز كلام بيد صديقه مايرجعلي خبر
تعبني الا درجه

:: محضرلك هوااي حجي
بس كون اريدنك تجي
بـولها نكضيها عتب وتاليهاا نتشابگ بجي !

اخر شي مليت ف كلت اسوي حمله للشقه انظفها ولو هي نظيفه بس ردت اخلص من تفكيري
قلبتها ماخليت مكان بيها ما نظفته
هستوني كعدت جان اسمع صوت يم باب الشقه
سريع وكفت ع طولي خايفه اروح ارجع
سوي وسمعت صوت مفتاح والباب يحاول يفتح
طار كلبي من عرفته رهبار
ركضت قبل لا يفتحه اني فتحته
صار بوجهي هو غير كلبي وجعني اول ما شفت حالته
انصدمت هاي شصاااير بي بقيت فاتحه حلكي مصدومه
تركني بدون اي كلمه دخل للشقه سديت الباب ومشيت ورى عاينت سحب ملابسه ودخل للحمام
بقيت كاعده انتظره

مشتاقه اله كلش مشتاقه بس رده فعله و بروده
اتجاهي حطمتني وخلت أفكاري تفتر
طلع من الحمام ماعرف شنو سوه بعدين اجه كعد كدامي اني صافنه بي وبكل تفاصيله
عيوني الوحدهن يفترن ع كل تفصيله بي

:: شكله الصدمني تعبااان إلى درجه لابس اسود
وعيونه جواهن سوووود كأن محفوراات صايرات
نقره عميقه بيهن وجهة ذبلان
نظراته حزييينه " بس عيونه حتى بحزنهن حلوه "
ذقنه الكثيف المختلط بالشعر الأبيض ذبول ملامحه وجفاف شفايفه ادل ع ألم حزين
تصرفه الغير مدرك شرود باله
تأرجح فكره بطىء نطقه
رجفه ايده عبوس خطوط وجهة
حركته المتكرره بعدم الراحه
نظراتي تتجول ع كل تفصيله بيه
وكأن شخص ثاني مو نفسه !!!"

ماحجه وياي ابد تركني ونام واني بقيت اطحن بروحي ليش هاي حالته وليش شكله هيج تعبان
اكيد صاير شي ويا
مانمت الا الفجر كعدت ثاني يوم سويت ريوك ما اكل
رجعت سويت غده بلكت ياكل
بالكوه اكل شوي وبعدها ترك الاكل
سويت جاي كعد يشرب

سحبت نفس وتقربت منه احجي ويا بهدوء
بلكت يتجاوب وياي احس روحي طلعت واني اشوف
هذا شكله ..

:: غهباغ ليش هاي حالتك ؟؟؟ من البارحه اغيدك تحجي وماحجيت
ليش ساكت ما تغد ، احجي شي كول ، تعبت واني انتظغك طول هذا الشهغ وانتَ ماكو
ليش هيج شنو صايغ
احجي لا تخوفني عليك الله يخليك ..

رفع راسه الي وعيونه حمررر دم انهبطت من شكله
جان هادىء بس ملامحه تخوف ذبوله يخوف
رهبار مايكون بهاي الحاله الا ما صاير شي قوي
ماينهار الا ما صاير ويا شي قوي
بدون ما يحجي سحب باكيت الجكاير وصار يدخن
بس يدخن بصوره رهيبه عبالك يريد ينتحر
كل اثنين يطبكهن سوه يدخنهن

خفت عليه سحبت الباكيت منه خزرني حتى ارجعه
بس مارجعته لتفتت انطيته ظهري وخليت الباكيت بصدري ورجعت وجهي اله ..

:: شبييييك تغيد تنتحغ اذا صحتك ماتهمك ف تهمني اني لاتصيغ اناااااني الهاي الدغجه كول اكو وحده تخاف عليه وغوحها بيه اشو انتَ بس تفكغ بنفسك ..
شكد حجيت بس الي صدمني عدم جوابه
جان يكدر يسوي شي بس ما سوه بقى ساكت
تقربت لزمت ايده ، غهباغ خوفتني احجي شبيك ..ادف بهدوء وعيونه حمر

رهبار : تـــــعبـــــاان

ريفان : من تحس نفسك ماعندك احد تلجأ اله تعال الي اني موجوده ماعندك مكان اني اصير الك مكان يناسبك " كلبـــــي الصـــــغير " بيت الك احتضنك بكل سلبياتك بكل تعبك اني اكون الك ملجأ بس لا اتعب نفسك بهاي الطريقه ..

ماحسيت الا حط راسه بحضني وهو يسحب نفس
اردف بكلمه خلتني انصدم بخوف ..

رهبار : ماتـــــت

ريفان : رجف جسمي خليت ايدي ع كتفه ، احجي ويا صح خايفه من الاجابه بس اريد اعرف منو
هزيته من كتفه بخوف واني اسأله ، منووو ماتت ؟؟؟!

سحب نفس بقوه بعدها اردف..

رهبار : أمـــــي ماتـــــت ريفان ماتـــــت امـــــي مختـــــفيه ورى عـــــرس ايلان ب اربـــــعه ايـــــام من داخـــــلين عليها لاكـــــينها مـــــيته وريـــــحه البيـــــت تكـــــتل طلـــــعت ميته من ثانـــــي يوم العـــــرس ومحد داخـــــل عليـــــها وبالتشريح طلعت مـــــيته اثر سكته قلبيه ماتـــــت وهي محد يمها وحيـــــده
زعـــــلان منها انـــــا وطول هاي الفتره ما حجيت وياها
صارلي سنـــــه وهسه راحت بدون شي راحت ..

______________________

مُتابعه للحساب قلبي akyta_98

.