رواية دجن الضليع الفصل السابع وثلاثون 37 - بقلم رهف علي

نبدأ بذكر الله ﷽💛✨

قبل القراءة مُتابعه للحساب قلبي akyta_98
للتواصل ع حساب الانستا akyta_98

لا نَظرة ظَلت ،
لا هلا لا كِلمة بيني وبينه
مَرينا بيهُم يَا حمد ، بس مَحد يمُر بينه .

__________________

عزيززاتي حبيبااتي التصويت لاتنسونه
صوتو ع البارتوت هذا و ع الباقيات قَدروا الجُهد
يابعد كبدي التصويت لاتنسوا الو التصويت الو 🫂💞

__________________

سيلينا : دخلت للبيت وانا خايبه الأمل ومهزومه
اي مهزومه لان طلعت منه فرحانه بالانسان
الي حبيته واخذته بعد معاناة وبعدين رجعت
خاليه الأيدي محمله فقط بأثار الخيبه والهزيمه
فعلا الي احسه حاليآ شي صعب ينحمل
وصعب افكر بي اساسًا

سحبت نفس وانا اعاين عليهم جانوا واكفين
ينتظروني بابا يعاين عليه بنظرات حزينه
وماما هم ركضت سريع ورميت نفسي
بحضن بابا بجيت بجي ما صاير
ولا داير وهو يحاول يهدي بيه ويسكتني حتى
ما اوكع او ارجع لحالتي القديمه
يخافون عليه
جان دائما يحاول يهديني بكلمته المعتاده
عليها دومه يكول الي

- سيلينتي انتِ غصن ابوها ..

وبكل مره يكولها االي احسه يكولها حتى ما انكسر لان بوقتها اكسره اله هو هم
كلهم تجمعوا يمي ويحاولون يهدوني
هلكت بالبجي ماجابوا سيره
دابر ابد بس يريدون ينسوني او ع الاقل ما انفعل
اخر شي تركتهم ورحت الغرفتي
شمرت نفسي ع السرير شكد حاولت انام بس ماكدرت
بقيت اتقلب منا ومنا
شلون هنت عليه لهل درجه شلون يسوي وياي هيج
شي شلووون
بقيت هيج لوحدي بالغرفه وياهوَ يجي اسوي نفسي
نايمه حتى ما احجي شي ولا أتعرض
ل اي كلام جارح ( الكلام الحقيقي يأذي اكثر )
ماريدهم يكولون كذا وكذا لان انهار
مر الوقت وصار وقت الأذن
رحت توضيت مديت السجاده
وصليت

سجدت ونزلت دموعي مو بيدي الانسان
الي احبه سنين هيج يسوي بيه مو كادره استوعبها
رفعت راسي وشلت ايدي ادعي
( يارب ماكدر ادعي عليه بس اكدر ادعي اله
مهما سوه ومهما صار بينه يبقى الانسان
الي حبيته وماكدر ادعي لا عليه ولا ع غيره
انا بشر واخاف بيوم ترد الدعوه الي وكل هذا الي اسوي
مه هذا و كل الأشياء تمشي عكس الي أريدها
بس الك بيها اراده )
كملت صلاتي وقريت الدعُاء الايام بعد الصلاه
وشلت سجادتي ورجعت لفراشي
شكد حاولوا ورادوا حتى اكوم اكل بس عاندت
وماردت لان فعلا شهيتي مقطوعه
ما الي اي نفس
صارت ساعه ب 11 وانا الوب ما متعوده ع هذا
البعد وشي بداخلي يغلي كلبي اشتعل نار
كابرت إلى أن جبرت نفسي ونمت
مرت الايام ثقيله عليه اتذكر شكو شي حلو
وذكرى سعيده حتى إلهي نفسي
واقويها
تذكرت من جنت مخطوبه وهو اجه زياره يشوفني ..

كاعده بصفه وبيني وبينه شبرين
تقريبا ف هو فجأه صفن عليه وتقرب
مني انا خجلانه جنت منه لهذا ابتعدت وهو
صار يتقرب وانا ابتعد إلى أن خلص المكان
وضاق ماحسيت الا ايده صارت ع ظهري
تمشي بهدوء قشعر جسمي كله فزيت وكفت
ع طولي منحرجه هو وكف
حاط اديه بجيوبه ويعاين عليه بنظرات مكر
وابتسامه ع شفايفه صار يتقرب وانا ويه كل
خطوه ارجع بيها للورى إلى أن انضربت
بالحايط ماتوقعت ولا جنت اعرف شنو
يريد يسوي بس اعرف تصرفاته سغسغيه ع كولت
ريفان وناوي ع نيه مو زينه من
نظراته الي مو مريحه هو تقرب وصار كدامي
قرب نفسه ونزل راسه صار وجهة بوجهي
فزيت من قربه وهو يضحك رفع ايده وحطها
ع الحايط صرت بنصه وحيل قريبين
من بعض توترت هواي
قرب راسه اكثر مني بحيث صار بس كم سم يفصل بينه

ماحسيت الا الباب انفتح بقوه
لتفتت مفزوعه من الاحراج والخجل منه ومن الي
دخل رفعت راسي لكيته بابا يبووو
هنا تمنيت الكاع تنشك وتبلعني ع هاي الفشله
صرت ابلع بريقي بصعوبه وجهي انخبط صار ألوان
وبابا ودابر يضحكون عليه سألني...

ابو سيلينا : اردف وهو مبتسم ، شبيج بابا ؟

سيلينا : انا من خجلني رديت عليه بتوتر ، ها بابا لل مابيه بس مصخنه ودابر يريد يلزم وجهي
يشوف الصخونه، انا بوقتها نسيت انُ
دابر وبابا ميانتهم قويه لهذا لتفت عليه دابر وهمس الي ...

دابر : الا اخليج وانتِ نايمه توكفين ع طولج تلطمين
بالمكلوبي وترجعين تنامين

سيلينا : فتحت عيوني ع وسعهن يااا شنو ناوي ماحسيت الا التفت ع بابا ورد عليه ..

دابر : عمي بنتك جذابه ماقيس حرارتها
وإنما انا حاصر بنتك بالديوانية

سيلينا : فتحت عيوني ع وسعهن مصدومه بهت لوني
ع الفشله الي انا بيها هم طلعني جذابه وهم حاصرني
بابا ضحك وطلع من الديوانيه بدون ما يحجي
رجع دابر صاح ورى...

دابر : عمي بلا زحمه سد الباب وراك ..

سيلينا : صدك خلاني الطم بالمكلوبي مثل ما كال
دفعته من صدره وانا اغلط وادردم عليه
فشلني وخلاني بموقف حيل مخجل ويه ابويه الخبيث
دابر علاقته ويه بابا وماما حيل قووويه خاصه
بابا الميانه الي بينهم تصدمني مرات حتى
فشار كدام بابا وعادي عنده وشقاهم ثقيل
هو بابا معتبره ابنه الأكبر لهذا صايرين اصدقاء
مو بس نسيب وعم ..

رجعت من ذاكرتي ع صوت جوه جان الصور عالي
بس ما فهمته لان جان يروح ويرجع
ومافهمت اي شي لان هوسه
بس تعاجزت انزل جوه
كلت اكيد ديجهزون لحفله راس السنه
ورى فتره نزلت جوه
وجوهم مخطوفه حسيت بالخوف ركضت عليهم

شكوووو ؟ شبيكم

ام سيلينا : ماكو شي ماما
سيلينا : اكيد صاير شي احجووو ليش هيج وجهكم مخطوف
نور : هسه ليش تصيحين اعصابج ع كيفج
سيلينا : اي غيرر تحجون راح توكعون كلبي
ام سيلينا : ماكو بنتِ بس ابوج تعب شوي
سيلينا : شهكت مصدومه عفتهم وركضت الغرفه
بابا لكيته متمدد ع السرير رحت يمه وانا دموعي تنزل
سوده عليه اكيد تعب بسببي
جان نايم لزمت ايده بستها ودموعي تنزل ع ايده
حسيت ب ايده الثانيه يمسح ع شعري
رفعت راسي هنا ماتحملت طكيت بالبجي ع صدره

كله بسببي مو وكعت بسببي انا الي وصلتك
لهاي الحاله ..

ابو سيلينا : اردف بهدوء مُتعب ، لا بابا لا تبجين
مو انتِ السبب شكتلج انا قبل كتلج بنتِ قويه
ومايضعفها اي شي ليش تخلين نفسج محطه ضعف
لازم تكونين قويه وما يضعفج اي شي
وتاخذين من ضعفج قوه تسندين عليها نفسج
انتِ بنتِ غصن ابوها مستحيل تهزمها هي اشياء
هاي الحياه شكد نعاند نفسنا عليها وشكد نقاتل
ونوصل مرحله مُتعبه بسببها بس مانحصل
الا ما مكتوب النا لهذا يا بابا كوني قويه
هذا المكتوب الج لابد تجتازي

سيلينا : كلام بابا قواني ابتسمت بوجها وهو هم

ابو سيلينا : يلا كومي نحتفل برأس السنه مثل كل مره وننسى الزعل ونبدي سنه جديده حلوه متفائلين بيها

سيلينا : تمام ، سندته وطلعنا برى وصدك احتفلنا
سوه بس الغصه بعدها بصدري اعرف تعب بابا
بسببي واعرف انا نقطه ضعفه لهذا هيج حزين
وجاي يضغط ع نفسه بس حتى اكون فرحانه وما احس بي ، من جهة ثانيه تمنيت اول سنه احتفل بيها ويه دابر لو ما عملته جان هسه اثنينه سوه
فرحانين ونحتفل لأول مره بزواجنه بس هو خربها
هزيت راسي ب اسف وانا احاول انفض هاي الافكار
من راسي ونسجمت ويه عائلتي...

يحتفلون بس يعاينون عليه بعيون حزينه
اعرف ع حالتي وانا ارد الهم ب ابتسامه
صارت ساعه 12 ودخلنا سنه جديده بس دخلتها وانا حزينه ومكسور كلبي بسببها شنو راح اشوف بعدين
ماعرف
خلص الاحتفال وكل واحد راح المكانه
سديت باب غرفتي والجهاز كدامي
بقيت اروح وارجع بالغرفه الوب
عبالك حامل وجاي اولد
رفعت الجهاز وتصلت بسرعه خليته ع اذني
ماعرف ليش هيج سويت
بس كلش حازه بنفسي وأريد ابرد كلبي
بس بنفس الحظه نزلت الجهاز سديت الاتصال وشمرت
الجهاز بعيد عني خليت ايدي ع وجهي وبجيت
بقله حيله شلون اسوي هيج شلوووون
لهل درجه وصلت بيه معقوله
دفنت راسي بالمخده وكتمت بيها دموعي
هاهي المخده هي راح تكون شاهده ع معاناتي
يارب هونهااا ...

ثاني يوم كعدت متأخره بدون ما افكر ب اي شي
اليوم ما اعرف ليش هيج نشاط غسلت وغيرت
ملابسي ونزلت جوه صبحت عليهم وردت
لطلع برى اشم هوى بالحديقه تركتهم جوه هم
ف عبرت وطلعت برى هستوني عبرت الباب
وانصدم بالكدامي!!!!!!!!!

بقيت فاتحه حلكي ع وسعه مصدومه
شنوووو هاي !!!!!! عيوني صارت تنتقل من مكان
المكان واحاول اصدك الي جاي اشوفه كدامي
ياربي معقوله ؟؟؟؟؟
حسيت ب ايد صارت ع كتفي لتفتت لكيته بابا
هزيت رأسي وهمست اله وأنا الغصه بكلبي ..

بابا دابر شوكت جاب اغراضي كلهم الأثاث الي يخصني
ملابسي كلهم شوكت جابهم ؟؟؟؟؟؟

ابو سيلينا : اردف بحزن ، امس

سيلينا :  فتحت عيوني فكي صار يرجف ، يعني وكعتك صارت بسبب هل شي مو
مارد عليه بس نظراته جانت كفيله ترد الجواب لسؤالي
بالكوه حفظت دمعتي ما انزلها ما اريد انهار لهاي
الدرجه اريد اكون قويه ...
عاملت الموضوع كأن عادي بس جسمي كله يرجف
واضح عليه بس لا بجيت ولا انفعلت
اتخذت موضوع السكوت
ورجعت امثل طبيعي ويه اهلي

هنا وصلني خبر استشهاد اخوان دهليز
رحت يمها وبجيت ع حالتها مو دهليز الاوليه
لاااا تختلف وكأن انطفت
والمعه الي بعيونها اختفت
ولاباقي اي شي منها ولاباقيه ضحكه ولا فرحه
كان لكيتها فرصه وبجيت ع حالها وحالي
هيج بلحظه وحده حياتنا ادمرت
نوب هي كل شوي توكع ويغمى عليها
ونحير بيها
امها ابوها اخوتها مدمرين دمار شامل
مو هينه الي فقدوهم

اربع اخوان واحد ورى واحد يستشهد صعبه
( جاسم ، محمد ، أمير ، احمد ) اخوانها يسدون
عين الشمس بلمحه وحده الموت سحبهم
واحد ورى الثاني وكل واحد وفاته اقوه من الثاني
وكلهم ع ايد داع١١ بيتهم بيت أقرب صديقه
الي انطفى طفت شمعته وخيم الحزن
إلى متى ؟؟ لا أعلم..

مرت تقريبا 4 ايام ورى ما دابر دز ملابسي
وما اتصل هنا أيقنت هو الي راد
يتخلص مني لهذا مايسوى ابجي وانقهر عليه
قويت نفسي وخلص هاهيَ
كاعدين سوه واندك الباب
كام بابا فتحه لكه كدامه واحد بس ماعرف شنو
يريد منه بس الي استغربته صدمه بابا
بقى يعاين ع الرجال بصدمه
انا ما تحملت لهذا طلعت ورى

شبيك بابا ؟؟؟ سألته بس هو لتفت عليه
وكأن مايعرف شنو يحجي
وبيده ورقه استغربت تقربت منه
سحبت الورقه من ايده
وانا اقرا بيها بعدني هستوني قريت واحس انصعقت
جمدت مصدومه ...

ورقه طلاق !!!! من المحكمه !!! دعوه طلاق !!!
بدون اي كلمه بدون اي حرف سحبت القلم
من الرجال وايدي ترجف وقعت ع الورقه
وانطيته اله وانا اعاين عليه همست وصوتي خاني ، اخذهاا ...

____________________

دهليز : صدمه صدمه صدمه ..

فعلاً تحولنا من النور إلى الظُلمات 
حياتنا انقلبت فوق لتحت والانقلاب الي صار
غيرنا للأسوء
ماجنت اظن بيوم من الايام نوصل لهل مرحله
تشتت ، ضياع ، شرود ، هروب ، تفكك ، هلاك ، دمار
سراب ، حطام ، انهيار ، عتمه ، تردم ، اصطدام
هزيمه ، قربان ....

اي قربان !!! اخواني كأنو قربان دمهم قربان لهذا
البلد فداء لهذا البلد الحزين
لا واحد ولا أثنين وإنما اربعه
قدموا أرواحهم قربان لبلدهم لحمايته حتى
يعيدون أمانه بس ....!

احنه شنو مصيرنا صابنا الضايع الالم
مشاعرنا وحنين واشتياق الهم
قلبنا الهالك اروحنا المتعذبه شلون بيها
شوكت ترضى حتى تقتنع
ويمتى تقتنع اصلاً ؟؟

مسحت دمعه هاربه من عيني ورفعت
ماما من سريرها ورجعت ظهرها ع تاج السرير
خليت وراها المخده وكعدتها عدل
كعدت كدامها خليت كاسه الشوربا بحضني
وانا ابتسم بوجها ادحك عليها
شلون مالت براسها وذبلت عيونها
انملت بالدموع غمضت عيوني كأن داطمنها
رجعت فتحتهن اردفت ...

دهليز : يلا ماما حبيبي اكلي حتى تاخذين
العلاج قابلتني بالرفض بدون كلام
بس اصريت عليها وكلتها وانا احجي عن ابني ، ماما ترضين ليمي يسوي هيج بيه والله تعبني
ماكدرلوا صاير وكح طيبي بسرعه حتى انتِ
تستلمينوا انا ما مدحكه دربي تعبت بينو وبين
دراستي وكيراز تعرفيها صغيره
وغاده والبنات الحبايب مايريدهن هو متعود عليج
انتِ حبيبتي
يلا ارجعي مثل قبل ترى احنه منتظرين رجعتج
ع ناار ..
ردت عليه ب ابتسامه وهي تستقبل الاكل مني
وكأن كلامي انطاها تحفيز ونشاط
اكبر وانا هم اخذني الواهس اوكلها
خلصت مسحت فمها خليت الكاسه
ع جهة وطلعت علاجها شربتها العلاج بعدها نومتها بمكانها غطيتها وطلعت ...

صارت غاده بوجهي خليت بيدها الكاسه وصعدت فوك
دخلت غرفتي وسديت الباب
اول ماغلقته هين انهارت قوتي كعدت ع الارض وانا
حاطه ايدي ع شفايفي امنع صوت شهكاتي
بس ماكدرت بعدت ايدي وصرت اشهك بالبجي
حياتنا مو مثل السابق
جثير اشياء تغيرت بينه
وماعدنا مثل الأول هزيت راسي بقوه ودموعي
تتسابق كان دمعه دكول لمعه ثانيه
انا احر منج من ذاك اليوم واحنه ادمرنا
اتذكرت شلون صار بينا ورجعت ذاكرتي

لحظه دخولهم لبيتنا اول ما صرخت ماما
بصرخه دوت البيت ع اثرها ماتحملت
و وكعت مغمي عليها
ايام واسابيع هي بالمستشفى ماتحرك لا ايد ولا رجل
الصدمه الي هي تعرضت الها ع اثرها
خسرت صحتها وانشلت!!
مرت ايام العزاء وكل شوي وحده توكع منه
اخواني ل اثنين لبقوا هلكوا من البجي والطم
ع اخواني كلهم مصابهم واحد
كان اربعتهم توفوا بيوم واحد
الناس ماتبجي ع المتوفين لا تبجي علينا
مابقى بوجهنا مكان ماتلف مابقى شعر
مابقت ملابس كل احنه انهارينا انهيار
تام
ابوي .... ابوي ابو كَلب الحنين ابو الكلام الطيب
والروح الحلوه صفى مكسور الظهر ومحني
ولده من صلبو تجايه ظهرو انطى زلم تسد
عين الشمس قربان لوطنو
27 حرف مايصوفو لشعورنا..

اخوتي ، تجايتي،  سندي ، الاربعه ..
دفناهم تحت التراب ودفنا ارواحنا وياهم

يا گـبـر اليلمك گـلي يا تابوت ؟
يادمعه العليك الخاطر اتجبره ؟
اسمك بالكبر ميفوت ادفنك وين
اذا دخلته يطلع كم حرف بره
چنت ويا اصدقائك خيط وابره اتصير
تخيطلهم مواقف لو شفت ثغره
واصد لجنازتك امك وكم مفجوع
موجودين بس ووجوهم صفره
العليهم هونت روحك فلا يسوون
گبل لتموت ماتت بيهم العشره
الگبر مو مالتك مال اليدفعك بي
تدگ الباب حتى ابطبة الحفره
ابمكانك لو متت يمكن اهواي ارتاح
يل ارتاحيت ابشرك ما شفت گطره
يطلع كم ضلع من اهد عبره اعليك
النفس من يدخل اگعد ساعه انتظره
كلشي ابغيبتك يوجعني حتى الشوف
على بدلت زواجك تكتل النظره
اذا تاخذ الصوتي صوره تلگه اكبور
امن اسولف بيك تطلع جثه بالنبره
دمعت امك عليك ابطول نهر النيل
واضافرها اعله موتك حفرت المجره
صارت ناي امك بالشكل والصوت
من اتسولف عليك الحايط اتكسره
من اتشوف اصدقائك تگعد اسبوعين
امك بالفراش وضيمها اشكبره
متت مره انته وادري ابموتك ارتاحيت
يذكروك وتموت امك الف مره
عفت مو بس مواقف ذكرى حلوه وياي
الف رحمة اعله روحك توجع الذكرى
احسك ما متت سفره اطلعت بس وين
عالفردوس گلي اشلونها السفره ؟

_دهليز دهليز افتحي الباب كافي بجي عمري

دهليز : مسحت دموعي بقوه من خدودي الترفه
المتعبه واردفت ، مابيه شي غاده بس انتبهي ل امي
انا تعبانه اريد انام شوي ..
هي راحت وانا كعدت ع السرير اتصفن ..
زوجات اخواني كلهن حبابات ولا وحده بيهن
تتعاجز او أطول السانها النا فقيرات والله
انطاهن النا دره ماال الله خلوقات فدوه الهن
زوجات اخواني الي استشهدوا وهم متزوجين
رجعن ل أهلهن خلصن العده هناك
وصارن يجن يمنه كل خميس وجمعه
والسبت العصر يرجعن ل اهلهن
علمود الاطفال نشوفهم وهن ما مقصرات وياهم
ولا احنه مقصرين وياهم بس وحده الي جانت بس مخطوبه ل اخوي لا هذيج تزوجت ابن عمها وسافرت للخارج بعد وفاه اخوي ب اربعه أشهر
اما زوجه محمد لا بقت ويانا وما تركتنا ولا تركت
اهلي بقت ع ذكرى زوجها ..

مرت الايام صح ما نسينا بس كدرنا نتعايش
ع الي صار ويانه الله يصبر اكبر فاجعه تصير ويه
الانسان ويتخطاها صح يبقى الأثر بالروح
لكن الجرح يطيب
وهذا حالنا وحال كل عراقي وكل شخص فاقد

ضحكت بخفه وانا ادحك بالرسائل الي توصلني وحده ورى الثانيه وكأن النار تلتهم صدره
الحنين فتحتهن وانا اقرا كل كلمه واضحك عليهن

اللهيـــــم:-
< شنووو هذا الي ع الواتسااااب مدام ؟>
<ويننجج مدااام مو جاي اكل *** ردي >
< وربي هسه اجي واشوفج شنو اسوي )
< تمسحين الحاله مالتج لو أشعل الغالي مالتج >
< خاااايبه دهليززززززز من *** من **** وينج >

دهليز : هاهي من كال دهليز مو دهليز ولا خيط النفس ولا نسمه روحي معناها واصل أقصى حدو وراح ينفجر
خلي شوي يحترك مو بس انا الي احترك من
ادحك البنات ياكلونه اكل بالكليه مالته
اخر مره رحت ويا للكليه لو اهجس روحي طلعت
بيومها سويت زعلها شكدها شكبرها بسببه تذكرت
شنو صار ورجعت اهجس بالغيرة

كاعدين انا ويا ع المسطبه وهو ملتفت الجهتي
ويحجي وياي ماهجسنا الا صوت بنات يتنعوص
كدامنه رفعت راسي دحكت اثنين بنات
واكفات اكلنه اكل بعيونهن عوزهن بس يكعدن
بحضنه بعد عقد حاجبي وانا استمع الهن

_ عفية اللهيـــــم هاي المسأله ما فهمناها مُمكن
تفهمنا عليهاا

ردت الثانيه ..

_ اي والله الدكتور ولا يعرف يفهم وانا كلت للبنات
الباقيات بس اللهيـــــم وبس هو يعرف يشرح
ويدخل الماده براسنه بسرعه

دهليز : فاتحه حلكي عليهن شنو هاي الميانه
رجعت عيوني عليه هو مؤدب اكثر منهن
ع الاقل نظراته مابيهن شي مو مثلهن اااايع
قلبت وجهي واردفت والغيره عمتني..

شنو عيني شنو تحجي انتن ما ادحكن انا هين بصفو
دنحجي ؟ شكو هل لطلطه ماتستحن تقاطعنا!!!
اكو هو شنو يسوي اذا انتن من الدكتور مافهتمن
هو هذا عقلجن هذا قدر استيعابه

_ اوي هاي شنووو هذا الكلام انتِ وحده همجيه

دهليز : فتحت عيوني ع وسعهن وكفت ع طولي
تخصرت الها واللهيم يحاول يهديني بس انا وين
احترررركت اشتعللللت وهاي بكل وقاحه
عبالك مو زميل عبالك حبيبها وهيج تتصرف

ول ول تعاااي بعد اخذيلج كف اشو انتِ ماتعرفين
تحجين ما تستحين ع نفسج تردين اخليج
ادحكين هين منو الهمجيه ؟؟ كولي اشو كولي

_ اردفت بعصبيه وحقد ، وانتِ منووو اصلاً
حتى هيج ماخذه الوضع بزودج

دهليز : رفعتلها حواجبي وهزيتهم سوه فوك وجوه
واردفت وانا امط ب حلكي ، مرررتوووو

هنَ كأن كطيت عليهن تيزاب ماكان كلت مرتو
هنَ خلن وراحن يتبسبسن سوه ويدحكن عليه
بوقاحه خازراتني
سحبت ايدي من ايد اللهيـــــم وكعدت وانا ضايجه
وهو نزل عليه دوسه ونص شلون فشلته
كدام البنات بس طريقه عصبيته وياي تختلف
اهجسها تخبل بس شبيه محتركه بناري حرك
ما ادحك كدامي

اللهيـــــم: بوويه هو هيج كالوهاا انا مو كلت الج
عوفيهن انا اردهن هاي مو اول مره ..

دهليز : فتحت عيوني ع وسعهن ، موووو اول مرررره
يعني داااكات ميانه ويااااك اللهيـــــم

اللهيـــــم: اردف بضحكه ، عيونه ال اللهيـــــم ابوي انتِ ماكو وحده تحلى بعيني
جاي تعاينين هاي البنات شكد ؟ صدكيني ماكو وحده
تجي ولو شوي الج انتِ غير
انا عاشكج تعرفين شنو يعني عاشكج ماكو مره
تجي بمكانج

دهليز : كلامه طير فراشات فوك راسي و وبطني
بس مع هذا خلي ابيع شوي ثكل عليه
تايعرف انا اطلع عيون الي تتقرب منو
انطيتو ظهري والعب ب اظافري
هو صار راسو قريب من كتفي انفاسو
صارت ع خدي انثولت وماعدت اعرف
راسي من رجليه وهو يعرف بخجلي مع هذا
يخجلني باسني من خدي واردف ..

اللهيـــــم: احب غيرتك عليه ول يابه اكرطك كرط انا ياحلووو

دهليز : انخفضت انفاسي ابتعدت عنو محرجه كاعدين
بالكليه صح الحديقه بيها قليل طلاب وبعاد عنه بس
نحرجت
هو طول ما هو وياي يحاول يغير مودي
بس النار الغيره بكلبي شلون
بيه هاي السنوات الكليه راح تموتني قبل
أواني
رجعني للبيت وكف سيارتو ردت انزل
بس هو لزم ايدي ما خلاني انزل

اللهيـــــم: انا شلون ويه الغيره بويه فكيها

دهليز : من توعدني ماتحجي وياهن افكها

اللهيـــــم: بس يطلبن مساعدتي شسوي

دهليز : بكيفك بعد تركتو ونزلت

رجعت من ذاكرتي ع صوت الاتصال مالتو
مثل ما احترك كلبي بالغيرة انا هم خليتو يغار
دورت ع صوره الي قصيت منها نص وجهي
وكتبت يمها عباره 
انتِ اربعينچ بالسِما نجمات .
وخليتها ع الحاله

من دحكها موجوده انجن يتصل وانا ما ارد
اضحك خيلي يعرف انا شلون هجست بوقتها
طول
مرت تقريبا دقيقتين واتصلت كيناز
عرفت هو الي دزها عليه
بعنادو فتحت خط عليها ، ألوو

كيناز : من فين الله حظج شمصخمه ولج

دهليز : قوست شفايفي ، شمسويه

كيناز : دروحي مسحي الحاله امشي

دهليز : كينااازز

كيناز : صخااام بكيناز امشي ولج

دهليز : مااا ، ماهجست الا اجاني صوتو

اللهيـــــم: دقايق وتلكيني مزروع كدامج بسيطه

دهليز : سد الجهاز بوجي يااااا رحت ركض ركض
للحاله وحذفتها اتصل عليه وما يجاوب يبووو
هساع شيخلصني منو
دزيتله رساله وهم ما جاوبني
مرت عشر دقايق ودخلت اختي عليه صفنت بوجها..

كيراز : اللهيـــــم يريدج جوه بالديوانية

دهليز : العب اليوم كتلي يصير عمل شعبي
وكفت كدام المرايا خلي استغلوا بنقطه ضعفو
تا مايعاقبني ع عنادي لبست تراك ورفعت ب إهمال
خليت كحل بسيط وحمره خفيفه وردت خدودي
وترست نفسي عطر عبالك سبحت بي
ونزلت اليوم مستحيل اخلص منو
وصلت للديوانية فتحت الباب بهدوء
وانا اقدم رجل وارجع رجل من التوتر
دخلت لكيتو يفتر وكف من دحكني كدامو
ماهجست الا تقدم عليه بخطوات سريعه
سحبي من ايدي وسد الباب وقفلو
وانا دكات كلبي تزيد ما تنقص 
وجهو صار بوجهي عاقد حواجبي اردف
بعصبيه ..

اللهيـــــم :تعانديني موو انا اعلمج

دهليز : سحبني من خصري اصطدمت بصدرو لزمني من راسي و بأيدو الثانيه
لفها من ورى راسي وسد حلكي فتحت عيوني ع
وسعهن هذا شنو ناوي يسوي
ماهجست الا نزل راسو ع رقبتي
توقعتو يبوسني بس صار العكس
فرفحت روحي وردت اصرخ بس هو لازم
حلكي مانعني من الصراخ عضني عضه بحياتي
مامجربت هيج ألم يمه فرفحت روحي ب ايدي
اضرب ع ظهرو وهو اهجسو يكز ب اسنانو
ع الحلم ابتعد عني دحك ابجي حط وجهو بوجهي واردف ..

اللهيـــــم : هذا عقاب الج بكل مره تثيرين غيرتي تلكيني مسوي جسمج كله ازرك اتقي شري
ولاتلعبين يم خط الاحمر دهليززز ...

دهليز : ردت ابتعد زعلانه منو شلون هيج يسوي والله توجع عضتو بس هو عاند سحبني بقوه وشمرني
ع القنفه وصار فوكي ..

اللهيـــــم : اناا شلون ويه عنااادج يعني
اتوبج منه ليش تعاندين هسه هو انتِ تزعلين لو انا

دهليز : دموعي تنزل ، اردفت ب اصرار ، انااا

اللهيـــــم : ااااه انتِ زعلانه بعيوني هسه اصالحج

دهليز : ماهجست الا شفايفي بين شفايفو
شعور جثير حلو خلاني انسى حتى الزعل
وهو استغل الوضع نزل راسو لرقبتي تحديداً
ع مكان عضتو باسني بهدوء وابتعد سحبني
الحضنو شد عليه وانا شديت ع حضنو اهجس
نعست ونسيت ابو الزعله هو يضحك عليه ..

باليل كاعده اقرا وسمعت صوت رساله
توقعتها من اللهيـــــم سحبت الجهاز
دحكت وفتحت عيوني

بشار !! ابتلعت ريقي وفتحت الرساله
جمدت بمكاني شنوو هاي !!!!؟

_____________________

ريفان :- احس نهبطت انصدمت لا ويكولها بكل بساطه
انُ هوَ طلكها !!! ابتلعت ريقي وسألته ، ليش ؟؟

رهبار : رفع حاجبه !

ريفان : اقصد ليش شسمه ليش أطلقتوا؟

رهبار : رفع اكتافه واردف بهدوء ، احسن

ريفان : سكتت لان الحجي ويا ضايع
هو أشر الي ع الغرفه واردف

رهبار : هاي الغرفه تكدرين تنامين بيها

ريفان : اممم ، شبي ليش هيج يتصرف احسه
بارد وحتى يتجنب يباوع بعيوني معقوله
مايطيقني او يكرهني زين والصار هناك ب بغداد
معقوله من حضني و اردف روحه الفاقدها شنو
جان يقصد بيها معقوله اتوهم
زين لو صحيح وين اهتمامه هسه ليش
هيج حدي وياي بتصرفاته كان يكرهني
هزيت راسي ماريد افكر هو وكف ع طوله
سريع اردفت ، ووين ؟

رهبار : اروح اجيب عشه الوقت تأخر والشقه مابيها اكل
الباجر اتسوك واخلي بالثلاجة

ريفان: ماحجيت وهو هم رد عليه وطلع
بقيت الوحدي حسيت بالخوف حتى صرت
اطكطك كل شوي التفت اتخيل ورايه واحد
بحيث كعدت بمكان وكورت ع نفسي سحبت
رجليه لصدري وخليت راسي بين رجليه وحتضنت نفسي كل شوي ارفع راسي من احس بشي
يمي دموعي بعيوني اريد ابجي ياربي
هاي شلون سالفه معقوله ابقى هنا الوحدي
والله اتخبل خايفه ورمعوبه

بقيت ع هل حال لمده ساعه كامله بس ماحسيتها
ساعه عبالك سنه كامله حسيت صار صوت يم
الباب فزيت وخفت
شوي ودخل رهبار سحبت نفس من كل كلبي
عبالك جنت كاتمه ع نفسي
هو من شافني هيج استغرب
تقرب مني هو عاقد حواجبه ..

رهبار : شبيج ؟؟؟؟؟

ريفان : اردفت بقله حيله ، خفت

هز راسه ميله لليمين بهدوء
ذبلت عيونه واردف بحنيه..

رهبار : انا يمج لاتخافين ابويِ انتِ

ريفان : ابتسمت بوجهة وهو سحب الميز صغير
حطه كدامي وحط العلاكه جانت ريحه الاكل
تدخل للراس كلش طيبه وااني جنت جوعانه
هو جان جايب صاج وفنكر وبيتزا
ببسي اكلت شكد جنت جوعانه بس ماكدرت اكل
هواي
عزلت الاكل وخليت الباقي بالثلاجه ورجعت
لكيته كاعد يدخن
شكد جان عندي فضول اعرف شنو صار بيهم
خلال هاي السنتين الي ابتعدت بيها عنهم
بس خايفه اسأله ويعيط بيه
شفت الساعه تأخر الوقت وهو تعبان
مو مال هسه افتح بيها الموضوع خليها
ع باجر احسن من اشوفه هادئ وقتها احجي
هو شافني كدامه

رهبار : محتاجه شي

ريفان : ها لا ، بس تصبح ع خير

رهبار : وانتِ من اهله وانتِ من اهله

ريفان : كررها مرتين بس يعاين عليه بنظرات ماعرفت
شنو افسرهن انحرجت وماعندي شي اكولها
لهذا تركته ورحت للغرفه بقيت كاعده
شكد تعبان جسمي بس عيوني ماتاخذ النوم
ورى شويه سمعت صوت موسيقى استغربت
وكفت ع طولي وفتحت الباب ع كيف ماريد
يطلع صوت ويحس عليه
تمشيت بخطوات وصلت للصاله

لكيته ساند ظهره ع القنفه ورافع راسه للسقف
بيده جكاره ساحب رجله وحاط ايده الي بيها جكاره عليها ورجله الثانيه منزلها واحسه بغير عالم
وفاتح اغنيه قديمه ركزت بكلماته
ماعرف ليش نغزني كلبي واني اسمعها جانت
كلماتها بيها هواي معاني والغاز

يم داركم
صدفة واخذني الدرب من يم داركم
والتمت بروحي المحنة واشتهيت اخباركم
ما اذكرت عايفكم و عفتوني
رد من جديد الشوگ بين عيوني
ما اذكرت عايفكم و عفتوني
رد من جديد الشوگ بين عيوني
لو ما احس اعبرت عتبة داركم
لو ما احس اعبرت عتبة داركم
والتمت بروحي المحنة واشتهيت اخباركم
والتمت بروحي المحنة واشتهيت اخباركم
كلتي انتهت قصة هوانا. انتهت قصة هوانا
لا وصل لا ذكريات
كلتي انتهت قصة هوانا. انتهت قصة هوانا
لا وصل لا ذكريات
ولا طيفكم يتوسد جفوني
ولا طيفكم يتوسد جفوني وعلى رموشي يبات
حتى الرسايل مابعد بعد ماتطوي الدرب بالامنيات...

ماعرف شوكت دموعي صارت تنزل
رفعت ايدي امسح دموعي وهو تخلص جكاره
ويورث الثانيه ع نفس كعدته بس من يسحب نفس
من الجكاره توصل للنص يلا يبتعد عنها ويزفر
الدخان خفت عليه للحظه توقعت يفكر بيه
معقوله اني موصلته لهاي المرحله
لو مهموم من شي ثاني
ماكدرت اتقرب منه ماعرف شنو احجي
لهذا رجعت للغرفه سديت الباب وبجيت
مخنوكه والقهر بكلبي صاير جمره ملتهبه
من النار
خليت راسي ع المخده ونمت والدمعه برموشي..

ماعرف لشوكت مر من الوقت بس حسيت
ب أنفاس وصوت همس كل الي سمعته بوقتها
كلمات متقطعه اثر النعاس والتعب الي غالب عليه
بس الي كدرت اتذكره كلماته

رهبـــــار : شبـــــيها اهـــــدب عـــــينج هلـــــكد متعـــــبه هـــــدب عـــــيني ..

فزيت من نومي ماكو احد يمي مسحت وجهي
يمكن اهلوس او شي ثاني اي يمكن
شفت الساعه 1 الظهر حيل شكد نايمه
طلعت برى غسلت وجهي لتفتت لكيت ريوك ع الميز
ورقه مكتوب بيها ( ما اتأخر اكمل شغلي وارجع )
ابتسمت شكد حنين فدوه الحنيته
صليت و كعدت تريكت غسلت المواعين رجعت افتر بالشقه اول مل دخلت ما انتبهت عليها اما هسه
لوحدي بقيت افتر بيها إلى أن تعبت وكعدت
ماكو شي لا مسواك حتى اسوي غده اله
ولا شي التهي بي شغلت التلفزيون وكعدت
اقلب بالقنوات
إلى أن رجع وكفت ..

الله يساعدك ..

رهبار : ويساعدج بويه ، تعاي ترتبي المسواك

ريفان : أخذته منه واني احجي ويا ، ماكو شي بالبيت لهذا ماكدغت اسوي غده

رهبار : مو مشكله اعرف لهذا جبت وياي غده

ريفان : رتبت المسواك وجهزت الغده واجيت كدامه
من شفته كمل كلت انسب وقت هسه اسأله
حتى اعرف شنو صاير
حمحمت واردفت ، اغيد اسألك

رهبار : كولي

ريفان : شنو غاح يصير بخصوص طلاقي

رهبار : ماكو شي يصير تتطلكون واخذ حقج منه
واخلي رصيد الج وتبقي يمي معززه مكرمه

ريفان : لتفتت ع شقه ورجعت نظري عليه اردفت ، هناا لوحدي بالشقه ؟

رهبار : اي
ريفان : بس اخاف

رهبار : انا يمج

ريفان : يعني تعيش وياي ليش انتَ عايش لوحدك
وين عائلتك ؟؟
رهبار : لا بس اجي هنا كل فتره ارتاح بيها
ريفان : احجيلي
رهبار : عن شنو ؟
ريفان : عن كل شي
رهبار : ماكو شي ينحجي

ريفان : شكد حاولت ويا بس ما انطى الي اي كلمه
تعبت وتركته اي غير افهم شبي
مر كم يوم واني لوحدي هنا بس هو يجي يمي
ومايسوي اي شي بالعكس حسيت بالأمان يمه
اكثر بس من ابقى لوحدي اكعد ابجي احس بالخوف
مامتعوده ولا اكدر اعيش الوحدي مو بيدي

رهبار : جاهزه
ريفان : هزيت راسي ب اي نزلت عيوني منطيني
ايده ابتسمت قربت نفسي وحطيت ايدي
ب ايده ودخلنا للمحكمة
التوتر والخوف الي حسيت بي كله طار واني احس
بحروره ايده بين اديه
هو جان لابس رسمي وكله اسود من فوك للجوه
والكوت الي لابسه محتضن اكتافه
للحظه وحده حسيته من المافيا ع اناقته وشخصيته
الحديه ويه الناس بس وياي يكون هادئ وحنين
كلش حنين مايحب يخدشني ابد
ساحبني من ايدي ومقربني يمه صايره بصفه ونص جسمي ورى ظهره حسيت الموقف كلش
اثر بيه ، ياهو الي يشوفه يسلم عليه
وياكلونه اكل بالسلام وهو يرد عليهم ب اسلوب
كلش حلو اول مره اشوف رهبار برى البيت
شلون يتعامل ويه الغير
لهذا حسيت نفسي مستغربه

من بعيد جان اشوف تُليد واكف نزلت راسي
وحتميت برهبار صار كدامنه ماحجوا شي بس
من رفعت عيوني لكيته صافن بوجهي
عقدت حاجبي ولتفتت لجهة رهبار هو سحبني وخلاني
جوه جناحه
مادار بيني وبينه حديث واكتفيت بالسكوت
دخلنا جوه يم القاضي
من بعد كلام وجر وعر إلى أن. 

تم الطلاق ..

طلعت من المحكمه ماعرف ليش مقهوره
مو علموده لا بس مقهوره لان بسببه حسيت
بالضعف بسببه وصلنا لهاي المرحله
اني صح ما حبيته حب بس حبيت حنيته
عليه واهتمامه بيه جزء بداخلي فقدته
مو هينه سنتين اني ويا وبهل سهوله يتخلى عني
علمود شنو علمود لان حجيت زين هو شعرفه
ماعرف

طلعنا من المحكمه ورهبار صعدني بالسياره
وراح ماعرف شحجى ويا بعدين رجع وهو عاقد
حواجبه من شافني ابتسم وصعد ..

رهبار : شلونها الحلوه

ريفان : ابتسمت بحزن ، زينه

رهبار : انا بظهرج لادكولين ماعندي احد ورب العز اكسر ظهر كل واحد يوكف بوجهج
خليج مرتاحه مادامني اشم الهوى انا وياج
ع الصح و ع الغلط ...

ريفان : خليت ايدي ع ايده واردفت ، بعمفي كله ما انسى هذا الشي شكغاً الك غهباغ

هو ابتسم الي هز راسه اني سريع بعدت ايدي
من حسيت بنفسي شنو سويت حتى توتر
الجو بس هو يمه عادي ما سوه
شي رجعنا للبيت وكل ما افتح ويا الموضوع
مال اهله مايحجي بيهم ماعرف شبي
ومن اسأله تروحلهم
يرد عليه ( اي اروح ) زين من يروح ليش مايبقى يمهم
يمكن لان وحدي ف باقي يمي اي صح شلون مافكرت بيها

كاعده اتفرج ع التلفزيون واسمعه يحجي بالجهاز
شوي واجه كعد

رهبار : رفه..

ريفان : دكات كلبي زادت بسرعه ع اسمي حيل صارلي شكد ما سامعه هل اسم منه
حتى اشتاقيت اله هواي لو ما عيب جان هسه
طكيتها ب بجيه اخلص دموعي كلها بيها
اردفت ، عيونها

رهبار : ريتهن سالمات بس انا ردت انطيج خبر
الباجر راح التحق

ريفان : فزيت ، هااا شلون واني ؟؟

رهبار : لا تخافين بويه اسبوع ارجع وانا جايب الج كل شي تحتاجي هنا الباب لا تفتحي ل احد
تبقين هنا وانا ما أطول ان شاء الله وارجع

ريفان : كلش خفت شلون هو اني ساعات يبقيني لوحدي اموت من لخوف نوب شلون اسبوع
والله انجن ، شكد توسلت بي يبقى بس ماكدر
لان رايدي هناك وضروري يلتحق

قبل لا يطلع انا واكفه كدامه ودموعي تنزل
اعاين عليه شلون لابس ملابسه العسكريه
والنجمات ع أكتافه حلق لحيته وبقى بس
شاربه متعطر ونظيف حيل أنيق إلى درجه مو معقوله
هو تقرب مني سحب راسي لصدره
طوقت خصره وبجيت

رهبار : هشش بويه ماميت كتلج ما أطول لاتخلين بالي يمج

ريفان : امممم ، ابتعدت عنه ودعته وهو باسني من
راسي بعمق وطول بعدها طلع تارك اكثر بروحي
بقيت الوحدي شلون بيه شلون راح
تصفى وياج ريفان شلوووون ...

.....

_ سيـــــدي
_ كـــــول ابنـــــي
_الـــــدعم وصـــــل
_ جاهزيـــــن ؟
_ وبكـــــل قـــــوه
_ ربـــــت ع كـــــتفه واردف بـــــفخر
" حـــــي الله النشـــــامه"

__________________

للحكايا بقايا ♤

التصـــــــــــــــــــــــــووووويت كاااايزززز قلبي لاتنسو♡