رواية دجن الضليع الفصل السادس وثلاثون 36 - بقلم رهف علي

نبدأ بذكر الله ﷽💛✨

قبل القراءة مُتابعه للحساب قلبي akyta_98
للتواصل ع حساب الانستا akyta_98

صرت هيّلة بوَسُط هَاون
العُطَر للغيَر وَالدَگات بيَة ..

_________________

سيلينا :- شعور موجع من تخيب آمالك
ب انسان كان كل حياتك
شي صعب من تواجه شي وانتَ تريد بكل مابيك
من مشاعر تكذب هذا الشي حتى يبقى هذا
الشخص حلو بنظرك ويبقى بحياتك انتَ
بس من توصل مرحله تكتشف اشياء
قويه وصعبه ع البشر ان يتحملها لا هنا يتغير
كل شي تحس نفسك عاجز
وفاقد لروحك ونصك الثاني تكره حياتك
والهموم تتراكم عليك وما اطيق حتى نفسك
تكره كل شي حلو بحياتك
تسوء حالتك وترجع مثل قبل واسوء
بهووواي
ساعتها راح تخسر مابين روحك وروحك
انا أخوض حرب مابين ارواحي
الاثنين وماعرف اذا اطلع منها خسرانه
او اطلع منها مُهلكه من بعد تعب طويل
ومعارك قويه
حتى ماعرف إذا افوز بهاي المعارك والحروب او لا
الي واجهته حيل صعب وردت اتغاضى عنه
بس ماكدر احس جزء من روحي تشتت
وقلب تمزق وظهر انكسر
شي ولا بالخيال
معقوله هذا الي انا حاربت وناضلت علموده !؟

ايدي ترجف وانا اقرا كل حرف هي دازته اله
بس هو كلامه جان عادي وياها
مو مثلها هي شامره نفسها عليه
بس الي قاهرني كلامها بحقه شلون
تحجي ويا بهاي الطريقه هي منو وليش
هيج جاي تسوي بس انتبهت ع كلامها
مو من يمنه يعني كلامها واضح من بغداد
بعده الجهاز بيدي واتصل اعاين ع الرقم
وانا صافنه ومصدومه
جسمي كله يرجف بصوره رهيبه
فتحت الخط وخليته ع اذني اجاني
صوت بنت شكد جنت اغالط نفسي
وتمنيت هذا ولد بس خابت امالي من سمعت
صوتها وهي تتموع تحجي بصوره مُقرفه

__ مرحبا حبيبي ليش ماتفتح الخط يعني شلون
بله انتظرك اني

سديت المكالمه بدون ما احجي اي شي
حفظت الرقم بجهازي ورجعت جهازه لمكانه
بس كُلنِ ارجف الدمعه صارت
بطرف عيني بالكوه لازمه دموعي
ماريد ابجي ماريد اكون ضعيفه
بسيطه انا الكم أثنينكم هيج احس
الماي يشمي من جوايه وانا مو داريه
والله حسيت بنفسي مُغفله ولان ما اعرف
هو ساكت شكله عاجبه الوضع هي تتغزل بيه
حتى لو يبيع عليها ثُكل بسسس متزوووج
شنو ما وكفت بعينه ليشش ما حظرهااا
ليششش سايسها وخلاها ادز وتحجي ويا
وما سوه اي شي

كعدت ع السرير وانا ضاغطه ع اديه
كل هذا وانا اقوي بنفسي
ماريد انهار سيلينا انتِ قويه
لاتسمحين الهم يهزوج سوي الي
انتِ ناويه عليه وطز بيهم كلهم اهم شي نفسج
انتِ

سمعت صوت فتحه الباب رفعت راسي عاينت
عليه طلع من الحمام وهو ينشف بشعره
شافني كدامه ابتسم رديت اله الابتسامه
بس خلفها الم كبير وعظيم
مارد ابين هسه خلي بس انتظر شوي
راد عشه
كمت سويت اله ورجعت اتصرف ويا كله طبيعي
ولا كأن صاير شي وياي
خليت الاكل كدامه خلص غسلت المواعين
ورجعت لكيته متمدد ع السرير وبيده الجهاز
ماناقشته انتظرته ينام هو هم تعبان شكله سريع نام
عاد انا اخذت جهازي وطلعت برى الغرفه
سديت الباب ورحت بالمطبخ
سحبت نفس وانا اعاين ع الرقم
ضغطت اتصال وانتظرته يفتح الخط
ماطول من ثاني طوط فتحت الخط
نار و وجت بيه من سمعت صوتها ..

_ الو منو وياي ؟

سيلينا : نزلت عليها دوسه ونص
ما خليتها تحجي ماكو كلمه بكلبي ما تركتها الا ما حطيتها بوجها
ارجف وصوتي يخوني وارجع اقوي نفسي
واحجي وياها ..
انتِ انساااانه لو حيوووانه اريد افهم
شلون الج الجُرأه تحبين واحد متزوج
وتحجين وياااا وين اخلاقج ووووين
شكد قذررره انتِ وحراامات بيج
الهوى الي تتنفسي الله يااخذج شكلتي لنفسج
من تتصلين برجال متزوج ب اخر اليل
تريدين تتمعشكين ويااا اكو غيره الف واحد
يدور شكول مثل شكولج روحي ع القذر والوصخ
مثلج بسسس كون ما متزوج حتى ما تتطلع
الج مرته وتسود عيشتج الوووصخه
لو عندج كرامه ولووو واحد بالميه تلمين
هاي كرامتج وبعد ما تتصلين عليه ترى عيونج
اشلعهن والله اجي ل اهلج وافضحج
كدام عشيرتج كلها واخلي الي ما يشتهي يتفرج
ياكلبه يابواكه الززززلم ...

لزمت وسديت الجهاز بوجها حتى مالحكت تحجي
بس اسمعها تريد ترد كأنها خايفه
بس طبها مرض تستاهل شمرت الجهاز
ع ميز الطعام سحبت الكرسي وكعدت
وانا ارجف
احجس ماعرف شنو اسوي
خليت ايدي ع وجهي حسيته نااار
كمت للمغسله اشمر ماي بارد ع وجهي بس
اريد اطفي النار الي بداخلي
ماكدر ملابسي كلها صارت مبلله
رجعت كعدت ع الكرسي وانا ارجف بجيت
بقله حيله ما متوقعه يصير هيج
بشنو قصرت ويا ياربي بشششنو
ليش هيج يجااازيني ليششش

للفجر وانا افتر ما نايمه كل شوي ادخل
للغرفه ودي الزمه واطلع حركه كلبي
بي بسس ماكدر شي يمنعني عن الي اسوي
سحبت نفس ونمت ع القنفه برى الغرفه ماعرف شلون وغفيت
فزيت الصبح ع صوته فتحت عيوني لكيته فوك راسي
يعاين عليه ومستغرب

دابر : شعندج نايمه هنا ؟؟

سيلينا : امم ماكو بس جنت اتابع فلم وغفيت
ماحسيت بنفسي

دابر : عقد حاجبه مو اكو تلفزيون بالغرفه ليش
ما تابعتي فلم هناك

سيلينا : عاينت بعيونه وطولت اريد اركز بيهن
ردت ابجي نزلت راسي واردفت ، لا بس ماهان عليه
اسوي صوت وانتَ نايم تعبان

دابر : ابتسم وتقرب باسها من راسها واردف ، فدوه المرتي الي تخاف عليه يلا كومي حبيبي

سيلينا : بالكوه جاملته بعدها راح للشغل وانا اتصلت
ب اختي وحجيت الها كل شي هي كالت واجهي
وانا قبل لا اتصل هم كلت اواجهة اشوف
شنو عذره بقيت انتظره للعصر
هو رجع للبيت ولا كأن مسوي مصيبه بكد راسه وراح يهجم بيته ب ايده هيييينه انا الك
حتى غده ما سويت اله كلش مو طايقته ولا طايقه نفسي ولعبانه نفسي من نفسي ومن كل شي حواليه

لكيته كاعد لزمت وكعدت كدامه رفع راسه
هز راسه مستغرب ليش هيج تعابير وجهي
سحبت نفس واردف وعيوني بعيونه ..

سيلينا : أسألك سؤال
دابر : شبيج ؟؟
سيلينا : عوفك مني وراح أسألك وأريدك تجاوبني
دابر : اسألي
سيلينا : شنو مسوي من دون ما اعرف ؟
دابر : عقد حاجبه ب استغرب ، شنو مسوي ؟؟
سيلينا : رفعت اكتافي ، انتً المفروض تجاوب
مو تقابلني ب سؤال
دابر : غير اعرف شنو مسوي
سيلينا : يعني انتَ ما مسوي اي شي ولا خايف من شي
اعرفه ؟؟؟
دابر : خزرها، خيرررر شبيج شنو هذا الكلام نوب

سيلينا : نملت عيوني بالدموع واردفت وانا اعاين
بعيونه ، دابر تخوني !!!!!!

دابر : شتحججين خيانه شنننووو نوب !!!

سيلينا : صرخت بصوت عالي ، لاااااا تنكر لااا تنكر
ولك بعييييوني شفت داااابر تخووووني
بسس فهههمني بشنوو قصرررت وياك
حتى هيج تسوووي بييييهه

دابر : بسسس اعصاابج فهميني خيانه شنو
شوكت انااا خاينج

سيلينا : ضربت بقوه ع رجلي ، نوووووب تنكر
يااااربي بس اريد اعرف شنو سوويت حتى يصير بيه
هيج ، اووووكف هسسه تريد تعرف خيانه شنوو
لحظه هسسه اشوووفك بعيونك
سحبت الجهاز وانا ايدي ترجف اريد افتحه
وكع من ايدي نوب ايدي خبلتني ترجف بقوه بجيت
من ماسيطرت عليها راد ياخذ الجهاز عطت بي
ووووووخر ايدك ماريد مساعدتك ، رجعت سحبت
الجهاز وفتحته طلعت الاستوديو وطلع
صور المحادثه هو وياها
انا حفظتهن من جهازه رفعت الجهاز وخليته بوجهة
وأنا اصرخ بوجهة ...

جاااي تشوف خيانتك تنكررر مو ترى هذا
دليل قاطع ع قذاارتك شووووف بعيونك
الله اكبر عليكم ولك بس كلي بشنو قصرت
وياااك ولك والله حاطتك مثل الماي بالصينية
اعاملك مثل الطفل ما يوم قصرت بحقك
ولك انااا تمرضت بسبببك انتَ وكل هذا مايهمك
ما اعنيييك شكد حقيررر انتَ

احجي واصرخ وهو منزل رأسه يعني يعرف
بغلطه عرررف بغلطه من سكت عنههاا وما سووه
شي هو انا شفته هيج وتهسترت
ملخت نفسي تملخ لا خليت وجه لا خليت شعر
شعري وكعته ب ايدي
انهااريت فد مره هو من شافني هيج سحبني
الحضنه يهدي بيه وانا ادفع بي بقوه
ضربته ع صدره بقوه ايدي وبعدته عني هو رفع ايده يريد يسحبني وفات وانضربت عيني بالغلط
نوب تهسترت بزايد ثرت عليه ودفعته بقوه وكع
ع القنفه فاتح عيونه ع وسعهن

دابر : لج شبيج تخبلتي اهدددي مو مثل ما انتِ مفكره
بس اهدي وانا افهمجج كل شي تريدي
اذا تبقين هيج تخسرررين كل شي

سيلينا : ابجي وامسح بدموعي يرجعن ينزلن ، اخسسسر ؟؟؟؟؟ هوووو شبقى حتى اخسرررره
خسرت صحتي ، دراااااستي ، حيااااتي ، خسرت كل ششششي بسببك انتَ نوب جايني هسسسه
دكول راح تخسرررين شنو قصدك اخسرك انتَ ؟؟؟
دروووح بابا روح شايف نفسك انتَ شلون هسه صغرت بعيني هااا شايف شلون جاي اكرهك هسه
احس حقاره الدنيا كلها انجمعت بيك
جاي اشوفك هسسسه غير شي اشوفك شخص
حقيرررر لا اكثر امداااني لان حبيتك
امداااني لان تزوجتك وانتَ واحد خاااين

طلكككني هسسسه اطلكننني والله اذا
ما طلكتني انتحر وابليييييك بيه
يا ماتخاااف من الله ...

ماكو ع لساني بس هاي الكلمه نهاريت
فد مره تعبت ، هسسسه توديني ل اهلي
يلاااا كوم شمنتظظظر بله كوووم اخذذذني ل اهلي ماريييدك بعد كرهتك

دابر : اردف بهدوء ، ما أخذج

سيلينا : ضربت ع راسي واصيح ، هسسسه تاخذني هسسسه ترى والله اتصل ع اهلي واكول الهم ،
ماسمع مني هو جان كاعد سحبت جهازي وركضت للغرفه وقفلت الباب وهو يدك يريد افتحه
بس ووووين وانا وييين

دكيت عليهم وانا ارجف صيحت بصوت
عالي اول ما انفتح الخط
، هسسه تجون تاخذوني انا ما ابقى يمه
شوي وسمعت صوت بابا رد عليه بهدوء

ابو سيلينا : خلي دابر يجيبج بنتِ البيت بيتج غصن ابوها..

سيلينا : حسيت حنيته غلبت ع مشاعري كعدت سديت الخط و بجيت شوي وكمت فتحت الباب صار بوجهي
اردفت وانا ما اعاين بوجهة
ابويه يكول خلي دابر يجيبج للبيت ..

دابر : اردف بهدوء ، امشي ..

سيلينا : رفعت راسي شلون هيج هنت عليه
بسهوله شلون بدون ما ارد عليه
خليت كم قطعه ملابس الي وطلعت جان ينتظرني
صافن ويحش جكاير ماهتميت صعدت بالسياره
وهو تحرك ..

طول الطريق وانا صافنه ع الطريق بالي مشى لحياتي
كلها شلون جانت وشلون صارت
معقوله انا مغفله لهل درجه معقوله هنت عليه لهل درجه ياحساافه ياااقههرر
لتفتت عليه لكيته صافن ع الطريق هزيت راسي
ورجعت اعاين ع الطريق
وكفت السياره كدام بيتنا لتفتت عليه واردفت وانا اعاين بعيونه ..

سيلينا : كل الي بينه انتهى لهنا وخلصنا انتظر ورقه الطلاق توصلني ب أقرب وقت وياريت تستعجل
وتكون رجال وتكفر عن ذنبك بالطلاق يا زوجي
تركت ونزلت بدون ما انتظر جواب
لهناا وأنتهيينااا خلصت قصه حُب عقيمه
مالها اي نهايه سوى الفراق ..

‏سأتذكر وجهك على هذا النحو دائمًا،
الملاذ الذي خدعني ومازلت أحبّه.
_________________

دهليز :
يوم الي
رحت مني
انخطف
لوني
طلع دخان
من گلبي
وعمه عيوني .

الخساره الي نخسرها سواء ماديه
او خساره معنويه ما الها اي قيمه روحيه
مالها اي قيمه ولا ننقهر عليها بكثر
قهرنا من نخسر شخص عزيز علينا
الأشياء الي معتزين بيها دائما نكون
حاملين همها لو خسرناها شنو ممكن يكون موقفنا ؟
شنوو ممكن تكون حياتنا لو فعلا خسرناهاا ؟
ياترى راح نتعود وتمشي الحياه ، لو نبقى عايشين
بسرابها !
لكن من نجرب هذا الشعور فجأه نحس
كأن القلب انقلع من مكانه والجسم
صار أشلاء كثر الالم الي نحس بي بس ماينوصف

كأن الأمر اشبه بشعره رمش دخلت في عين مَبتورط اليدين
كأن الأمر اشبه بغلق الباب على أصابع شخص أبكم

هيج الاحساس يكون وأكثر مو هين فقدان
اشخاص عزيزه ع القلب والروح ينقدون برمشه عين ..

...

كاعده وصافنه ادحك ع حياتنا شلون غيمت بهاي السهوله
مرت عشر ايام ع وفاه اخويه بس ما اهجسهن
عشر ايام لاااا الموضوع اكبر بهواي كان
دهر كامل وبكل يوم كأن هذا اليوم الأول بفقدانه
تعبنا وانهلكنا ماكو اي شخص من عائلتي
تمشي حياته كلها توقفت حياتها بيوم الي قتلوا
اخويه والمشكله مو بس هو
لااا جثير عوائل انذبحت ولدها بهاي المجزره الي صارت ساعات من نسمع الاخبار لو نسمع صياح من بيت
قريب علينا ننهار وياهم عبن جابوا ابنهم الشهيد
هواي عوائل فقدوا ولدها مو بس احنه
لا جثير وهذا الي ذابحنه وقاهرني

امي ابويه حالتهم الصحيه ادهورت بزايد بعد اخويه أمير الله يرحمه كل ما انجيب سيرتو نهجس الغصه
توكف بكلامنا وما نكمل كلام عنو
تبهذلنا ادمرنا حرب أعصاب صار بينا

اللهيـــــم واهلو ماتركونا لوحدنا ابد بالعكس صاروا
مثل العكازه يسندونه بكل يوم يجون يطيبون خاطرنا
وما تركونا ولا لحظه وحده
هملت نفسي وهملت ابني حتى ابو صار ياخذو
يمه ايام ومن يرجعه صح اوكف ع كولي تا اهتم الو
بس اهجس جسمي متكسر وصرت مريضه
نفسياً اهجس اتخيل اخويه بكل مكان
والله حقي مو شويه خاصه مات موته شنيعه
ع ايد انذال تخز بالخاطر جثير ...

صافنه ادحك بالسماء وهجست شخص
كعد يمي ما لتفتت عبن اعرفوا لهيمي ..

اللهيـــــم: ليش هيج انتِ ضعيفه هذا قدر ومكتوب
اله لازم يشوفه لابيدي ولا بيد اي شخص يكدر يغره
انا وانتِ نعرف هاي الروح امانه بيدنا ويجي يوم
نرجعها لصاحبها ب اي طريقه
لاتنسين هم السابقون ونحن اللاحقون
ليش هيج تتصرفين ترى جاي تعارضين حكم الله
مايجوز ياعيوني انتِ قويه
مايجوز هيج تاركه ابنج تاركه اهلج تاركه نفسج
مايصير هيج جاي تعذبين اخوج وهو بقبره
تريدي يرتاح اقري قرآن اله صلي ادعي
لاعبي أطفاله وكوني الهم ونعم العمه
لاتخليهم يحسون بفراق ابوهم اسنديهم
اسندي اهلج
هيج راح يفرح وراح يرتاح
لاتنسين بويه ترى اخوج شهيد والشهداء بإذن الله مُبشر بالجنه

وقال نبي الله صلى الله عليه وسلم: "للشهيد عند الله ست خصال يغفر له في أول دفعة ويرى مقعده من الجنة ويجار من عذاب القبر ويأمن من الفزع الأكبر ويوضع على رأسه تاج الوقار الياقوتة منها خير من الدنيا وما فيها ويزوج اثنتين وسبعين زوجةً من الحور العين ويشفع في سبعين من أقاربه

افرحي اله لا تحزنين عليه ..

دهليز : يحجي هو وانا ادحك كدامي نزلت دموعي
من كلامو شهكت وصرت ابجي بقوه هو سحبني
لحضنو انا حضنتو بقوه وانهااريت بالبجي
ماتحملت ..

اللهيـــــم: اشش ابوي انتِ لاتسوين هيج

دهليز : اريد اخويه أمير اريدووو فدوه ما تا اتحمل
اهجس كلبي يتقطع انا اموووت هساع داموووت

اللهيـــــم: اسم الله عليج نسمتي حبيبي سمي بالله

دهليز : اللهيـــــم

اللهيـــــم: عيون اللهيـــــم

دهليز : ليش هيج ليش هذا ثالث اخو انا افقدوا والله تعبت متت اخواني كلهم شهداء والله صرت
اخاف ع الباقيين اهجس ع اي ساعه اخسر الي
شخص غيرهم

اللهيـــــم: كولي يا الله ليش تحجين هيج عليهم
ادعيلهم حبيبتي

دهليز : مااكدر ما اتحمل

اللهيـــــم: انتِ ما تفرحين اخوانج شهداء
شكد حلو اتمنى انا هم شهيد

دهليز : فزيت من كلامو سديت حلكو ، اششششش
ما اتحمل اكلوووو ماتحمل شبييييك

اللهيـــــم: هاهيَ سكتت عيوني ..

دهليز : استمر يجي يمنا يوميه انا حتى دراستي
هملتها ورسبت تركت السنه وكلت ارجع ع السنه
الثانيه عبن ماكدرت اكمل يوميه طالع الي شغله
جديده وهساع بالجديد كسرت اخوي
اهجس كسروا الظهري...

مر عشرين يوم واحنه كاعدين كلنه جان ينزل
اخوي من فوك وهو لابس ملابسو العسكريه
كلنا انفزعناا وعطنا
- ماااااتروووووووح

هو ابتسم بهدوء واردف ...

_ شنو يابه خايفين عليه هيَ موته لو موتين
الروح بيد الله شوكت ما ياخذها هلا بي

ام دهليز : بجت ، انتووووو ناوين تمووتوني
كولو تا امووووت وارتاااح بززعت ماهجسسسون
انا شلون احسسس ولكم يمه
اهجس روحي تفرفح ع اخوتكم الراحوا
ما مستعده اخسر غيررررهم فهمتووو

دهليز : ادحك شلون تقرب نزل جنطتو وثنى ركباتو
واحتضن ماما وهي لزمتو بقوه وصارت تبجي بصوت
عالي عليه وكلنا بجينا ع بجيها

ام دهليز : يمه فدوه لعمرك اروح ابوس رجليك لاتروح ابوس اديك لاتروح والله كلبي يوجعني اهجس
يصير شي موزين ولك يمه انا امك واعرف اهجسس
بكل شي وكلبي يعلمني

دهليز : سحبت ايدو وباستها هو سحبها وباس ايدها منتفض شلون باست ايدو باس راسها
واردف وهو عيونه مدمعه ..

_ يوم فدوه اروحلج لاتعترضين روحتي المفروض دكومين توصليني وتدعين لرجعتي بالسلامه عبن
انا ان شاء الله راجعلكم اذا مو ع رجليه ف ملفوف بالعلم

دهليز : هو كال هيج وهي صرخت بفزع ..
لزمتو بقوه وانتفضت

ام دهليز : اخخخ ولكم يمه ناوين ع موتي ماتروووح
ابني وليدي ريت امك تروح بدالك فدوه لتراب رجليك لاتروح والله مامرتاحه كلبي ناغزني فدوه مااادحك وليداتك ومريتك شلون يتباجون عليك
ابو طول الحلو لا تروح ...

_ يمه فدوه العمرج لاتسوين هيج هذا شغلي
وانا جثير مهم عندهم يايمه انا مفكك ألغام
ماكدر اترك شغلي وهم معتمدين عليه
ترضين يكولون عليه جبان عبن استشهد اخو وهو ترك شغلو وكعد بالبيت مثل الحرمه ها ترضين ؟

دهليز : صار يقنع بيها جثير الا ان رضت وقبلت بس
بقت تبجي وتون عليه دكول كلبي عالم وناغزني
احنه هم خفنا من كلامها تبقى ام وكلبها دليلها

_ اطمنوا يابه قبل أربعين اخوي أمير انا انزل حتى لو مجاز الهم اكون وياكم

ام دهليز : وعد يمه ؟؟

_ وعد يمه وعد ..

دهليز : ودعنا كلنا ودع أطفاله الي شبعوا بجي عليه
وطلع اخذ كلبنا وراح ماردنا نبجي
تا ما نفاول عليه خاصه هو شغله خطر كطينا ورى ماي ورجعنا دخلنا للبيت
اهجس البيت انطفى بدون روح بدون ضحكه بدون فرحه اطشروا كل واحد لمكانوا ونعزلنا
كل شخص بقوقعتوا دخل
سحبت نفس وانا لازمه الالبوم الصور اتفرج عليه
واعيد الذكريات الحلوه عبن رايده شويه امل
تا اعيش ..

مر كم يوم واندك الباب واسمع جوه صار صوت
لزمت كلبي صرت اخاف من الاصوات العاليه
نزلت ابني من حضني غطيتو ونزلت
لاكتني كيراز بوجهي ...
شكووو منو هين عندنا ؟

كيراز : بشار واهلوا

دهليز : شنو يريدون ؟

كيراز : هيج اجوي علمود بابا وماما ياخذون من خاطرهم ولان عرفوا بيهم مرضى

دهليز : ااهاا تمام ، بقيت كاعده بمكاني شوي وطلعت ماما..
ام دهليز : حبيبتي بشار يريد ياخذ ابنو ويا بعدين يرجعوا
دهليز : بس ماما ابني نايم هساع
ام دهليز : ميخاف ماما حتى لو هم بعد اجو
دهليز : تمام ..

صعدت فوك جهزت شغلاتو ونزلت خليتهن بالمطبخ ورجعت صعدت لبستو ملابسو
شلتو خطيه نايم ما هان عليه اكعدوا بس شسوي
اجوي الا هساع تاياخذوا
زفرت انفاسي وانا انزل الدرج بحذر
تا مايفز ويكعد
خليت الشال ع راسي ودخلت سلمت عليهم
اول ما دخلت دحكت شلون بشار فز
وصار يدحك عليه بنظرات حنينه
الصراحه سلمت بهدوء عليهم وخليت ابني
بحضن بيبيتو وطلعت ما اهتميت ألو ..
همَ هم ما بقوا هواي وراحوا 

رن جهازي رفعتو ابتسمت بهدوء
اعرفوا يتصل تا يخليني انشغل وما افكر جثير ..

دهليز : الو لهيمي ..

اللهيـــــم: يابعد كل من كال الو فدوه لهل صوت الحلو

دهليز : ابتسمت ، ما اتوب انتَ
اللهيـــــم: لا ما اتوب اكول بويه جهزي نفسج
اليوم نطلع للحديقة نغير جو شويه
دهليز : لا ما اريد اطلع ما الي خلك
اللهيـــــم: ازعل منج حتى وياي ما الج خلك
دهليز : صار يحجي جثير ويقنع بيه
الا ان قبلت
اجه العصر اخذ اذن من بابا وطلعنا للحديقة
جنت لابسه اسود من فوك للجوه
وعيوني جواهن هالات سود
بشرتي الحنطيه عيوني الكبيره
ذبلانه مع هذا جان صافن بوجهي ويدحك..
ابتسمت بهدوء واردفت ،
بشنو صافن ؟

اللهيـــــم: بيج ، اكول شكد حلوه حتى هيَ حزينه
عيونج عميقات الحزن بس بنفس الوقت
جذابات السواد الي يحيطهن منطيهن جاذبيه
اكبر
لون بشرتج الجنطيه ويه الون الأسود الي لابسته
منطيج جماليه
عظيمه شكد حلوه حتى وانتِ حزينه ..

دهليز : هزيت راسي وانا عيوني تلمع بدموعي ، كلامك يطيب خاطري بس مايصلح الي بداخلي
لاتزعل مني انتَ شي كبير بحياتي
ولو مو انتَ بحياتي جان هساع انا مجنونه ع الأخير
انتَ ساندني بوقتي الصعب اشكرك لهيمي

اللهيـــــم: انا وياج واحد يكمل الثاني مستحيل
بيوم اتخلى عنج ولا انتِ تتخلين عني
انتِ وطن وانا أسير هذا الوطن ..

دهليز : رجعت للبيت شوي اهجس تغيرت نفسيتي
نمت وهيج مرت الايام الى ان صار
تقريبا ٢٩ يوم ع وفاه اخويه أمير
يعني تقريبا بعد ١١ يوم وتصير الأربعين مالته
بهل ايام احنه منتظرين اخويه ينزل من دوامو
وهو واعدنه ينزل

بيوم ال ٢٩ اتصلنا عليه وهو رد بوقتها
حجه ويه الكل حتى ويه أطفاله ماعرف ليش
حجى وياي و وصى عليه هم اهجس هو بي
شي بس ماعرف شنو
بيومها اتصل عليه اللهيـــــم ماعرف شبي بس
هو كال اشتاقيتلج واتصلت برغم مكالمته
ماعرف شبيها اهجس اكو شي خلل بالموضوع
شلون ما اعرف بس اتمنى يكون هذا الخللل
شي خير ..
اخويه حجى ويه الكل وهو ع وجهو ابتسامه حلوه
حتى فتح ويانه كام جان وجهو جثير تعبان
بس هو مبتسم واكو بعيونو سرر ماعرفت احزروا
بس بوقتها هجست صارت نغزه بصدري
شنو مصدرها ما اعرف ..

ثاني يوم جان مقرر اخويه ينزل تا نتحظر ع اربعينه
اخوي ونروح نزورو هو كال اخلص شغلي
وانزل يعني لساتو ما نازل
بقينا حاطين ادينه ع كلبنا خايفين عليه
شوكت ما اندحكوا بالبيت يلا نرتاح

بيومها نتصل عليه يطلع مغلق انرعبنا كلنا يمكن
ماكو تغطيه او شبكه
اتصلنا ع أصدقاء اخوي بس بيهم نازلين
وبيهم بعدهم ويا هناك منازلين
استغربنا وخفنا
بقينا ننتظر فاض الصبر واليوم خلص اجه
اليل واخوي ماكو ما نزل
واحنه ع فره الوحده مفرفحين عليه وخايفين
لايصيرلو شي
كل واحد نتصل عليه مايعرف اي شي عنو
مر الوقت إلى
ان كاعدين كلنا سوا وانفتح الباب مال بيتنه
بقوه ع وسعه وكفنا مفزوعين
كلنا صرخنا مره وحده واحنه اندحك
الي دخل النا ...

دخلوا زلم جثيره شايلين تابوت ملفوف
بالعلم واصواتهم عاليه الموقف خلانه
جامدين بمكانه مفزوعين وخايفين
ماهجسنا الا صرخت امي دوت البيت دوي ...

ام دهليز : لااااااااااا وووولكم اااابني لاااااااا ...

الاسم : احمد كريم ( حقيقي )
الوفاه : شهيد اثر عبوه أثناء ال تفكيك
الحاله : متزوج
الأطفال: ولد وبنت
انا الله وانا اليه راجعون( ترحموا اله )

_________________________

ريفان :-
بچَاني
وانه الي الچنت
مَا اقبل اتمشى بمُطر
ويَصير مِي بخدِي
كُد مَا شفت منِك حُزن
مَنا لحد يُوم الدفن
راحَ ابقِه عَايش وحُدي
لو عِندي حَظ چا مَارحت
بس انهَ حَظ مَاعندي .

صافنه واني اشوف حياتي شلون صارت خلال
دقايق معدوده وبسس صافنه وحالتي حاله
اشوف روحي بالمرايا شلون متبهذله
شعري مخربط عيوني وارمه من البجي
خشمي يابس الدم بي
وملابسي من الكتف مُمزقه
احس كل الي صار الي حلم وماعرف شلون او
شوكت اصحى منه
احس هاي مو اني مو ريفان
تختلف مليون مره عن الي جنت عليها
شبيه جانت شفايفي تبتسم هسه عيونها تبجي ليش
شنو الي تغير فجأه شنو الي صار
عيوني صارت ادور بالغرفه ليش هيج فوضى
ومكسره ملابس ع الارض
العطور وكل شي حزت بخاطري ودموعي مو راضيه
تنزل احس وكفت لدموع بعيوني بس الغصه
واكفه بلعومي والحركه بصدري

من بعد ما ضربني وسبني وطلكني كسر الغرفه
وطلع من البيت ب اكمله وين ما اعرف
نوب ماكو احد بالبيت حتى عمتي ماكو ع الاقل جان
هي فزعت الي وفهمت منه مو هيج يتصرف
ما توقعت تُليد العاقل الرزن يطلع
منه هيج تصرف ويصدمني ب افعاله
هزيت راسي ب اسف ما حسيت الا الباب انفتح بقوه
وشهكه قويه طلعت رفعت راسي لكيتها عمتي
ضربت خدها وصاحت بفزع ..

ام تُليد : صخاااام الصخمني شنو صااااير شبيكم
ليش هيج شكلج والغرفه هيج فهميييني ولج ماما احجي ليش ساااكته

ريفان : طلكني ..

همست بهدوء وانا عيوني بعيونها بس تحس كلش
مهضومه والهاضمني وضعي وشكلي
هي من سمعت هيج فتحت عيونها ع وسعها
وضربت صدرها

ام تُليد : صخام الصخمني تردون تجلطوني

ريفان : ماحجيت غير بس هاي الكلمه
هي حارت شنو تسوي مره تكعد مره توكف
وكل هذا هي تبجي حقها ما الومها حياتنا
نقلبت فجأه ومانعرف شنو السبب
حتى هي مصدومه من ابنها
تتصل عليه ما يجاوبها
لثاني يوم وهو ماكو عمتي غسلت وجهي
وانطتني ملابس حتى اغير ملابسي
لان متبهذله
وطلعت تتصل ع ابنها
لهسه ما مبين بيا عين يجي وهو هيج سوه بيه
حسافه والله حسافه

بقيت كاعده همست لنفسي ، شسوي لهسه
كاعده شنو انتظر ليش ما رحت
ليش ما اتصلت بس بيمن اتصل
لمنو اشكي معقوله ارجع لذل فاطمه معقوله ارجع
لحقارتها وخبثها هي وجنتها وبنتها !!!
ارجع الهن بعد ما جنت عايشه بخير وفرحانه
بحياتي ! ليش هيج ياربي والله يعز عليه نفسي
هيج تنذل وتنهان لهاي الدرجه
حقدت ع تُليد وحملته الوم مهما كان السبب
المفروض يجي يحجي وياي ويفهم يمكن
يطلع هو الغلطان يمكن مو مني السبب
بس خلص اني أعلمه هو خسر انسانه كانت صاينته
ومحافظه عليه وتحملت منه كل شي
وفوك هذا حرمني من الأطفال ومن كل شي
يجي آخر شي يسوي وياي هيج !
هل مره هو الخسران موو اني

وكفت ع طولي طلعت الجنطه الكبيره
وخليت بيها ملابسي وشغلاتي الي احتاجهن
دورت بجهازي اني نوب ماسحه رقمه
هسه شلون ماكو غير بجهاز عمتي اكيد موجود
لكيتها تتصل وتحجي ويه ابنها
قاطعت كلامها  ..

ريفان : عمه كولي اله يدزلي غقم غهباغ اغيد ( رقم رهبار اريد ) اتصل عليه يجي ياخذني ..

هي من سمعت هيج شهكت حاولت تهديني
اسمع صوته عالي من الحاكيه يكول الها ..

تُليد : يوم كولي الها اني راح اتصل عليه يجي ياخذج ..

ريفان : كلش حزت بخاطري بس ماحجيت بس هزيت راسي الها ورجعت كعدت بغرفتي او الي كانت غرفتي
هي شوي واجتي وراي شكد حاولت تقنعني بس خلاص
هاهي الروح طابت منه وكرهته وحتى كرهت نفسي
ولعبانه نفسي منه ومن كل شي
هي من شافتني هيج مصره سكتت وطلعت تبجي من
الغرفه كلش انقهرت عليها هي ما الها ذنب
بس اني حازه بخاطري الي صار ومستحيل
انجمع اني ويا مره ثانيه

للعصر انفتح الباب ودخل تُليد فات بهدوء للستقبال وما حجه اي شي شكد حجت ويا عمتي بس ما سمع منها
ورى بشويه اندك الباب اني اعرف
دكه الباب مالته شلون تصير واعرف هذا رهبار
فزيت ع طولي من شفت تُليد فتح الباب اله

دخل بطوله الفارع اني من شفته كدامي
فتحت باب وطلعت اركض اله
كأن شفت منقذي كدامي
المسافه الي بيني وبينه جانت قصيره
بس حسيتها حيل طويله
هو رفع راسه لتقت عيوني بعيونه
من شافني فتح عيونه ع وسعهن وتقرب مني وهو
فاتح اديه
اني بدون اي شعور فاقده الأمان
ارتميت بحضنه وحضنته بقوه
وأطلقت العنان الدموعي الي كاتمتهن
صرت اشهك بالبجي هو يمسح ع راسي ويهدي بيه ..

رهبار : هشش ابويِ انتِ انا يمج ما اعوفج ..

ريفان : اشهك وبالكوه اطلع الكلمه مني ، غ..غهبااغ
همس الي بهدوء

رهبار : روحه الفاقدها..

ريفان : تعلقت بي كأن متعلقه ب ابويه
هيج حسيت يمه بالأمان هو ساكت بس احسه
واكف ع اعصابه يمسح ع راسي بهدوء
ويطبطب ع كتفي ...

رهبار : شو بله

ريفان : حط ايده ع فكي ورفع راسي
صارت عيونه ع وجهي فتح عيونه ع وسعهن
شكد جان ساكت بس من شاف وجهي هيج
صاير بي لزمني من اكتافي وبعدني عنه
وهو كاز ع اسنانه بقوه بحيث
فكه واضح يريد ينكسر
راح بسرعه بتجاه تُليد حط بي بوكس ونومه
بالكاع ونهال عليه بالكمات ع وجهه وهذا
يفرفح جوه ايده ويريد بس يبعده عنه
وأمه تحاول تفكه من ابنها بس هو ما انطى مجال
خلص عليه نهى نهي بحيث
صار يجر النفس بقوه
ورهبار مستمر بالضرب شوه وجهة تشوه
مو بس هيج حتى شتائم شتمه
مايتغطى ابد اني لو بوعييّ جان انحرجت
بس مصدومه من الي اشوفه كدامي
شلون سوه بي هيج ماكسر خاطري
الا امه فرفحت عليه وهي عندها بس هل واحد
وحقها ما الومها يبقى ابنها مهما غلط
اني من شفت الوضع صار مال اله حدود
تقربت من رهبار ولزمته من ظهره ابجي واحجي ويا ..

ريفان : الله يخليج عوفه لا تسوي هيج شوف عمتي خطيه مقهوغه عليه غهباغ فدوه إلك كافي ، بعد عنه
وهو يسحب النفس بس عيونه رادن يطلعن برى
وهو خازره عاط بوجهة بصوت عالي
بحيث فزيت من الخوف ..

رهبار : **** هيييج تسسوي بيهااا حيووووان
الا **** حقير انطيتك ياها تسسسوه
راسك هيج تسوووي بيها ليششش تخليني اطلع
كل خياساتك وافضحك كدام امك وعشيرتك كلهااا
فوك ما متحمله واحد **** و****
تسوي هيج بيها وحك هذا الي فوك راسك
الا اسوي بيك شي بعمرك ما شايفه مني
انه بظهرها وهيج تسوي بيها اصخم عيشتك واطلع *** اذا ما خليتك تتوسل ومانعبرك
جنت محترمك وساكت بس انت *** شلون مابيك الا تتحرك ال **** يلا ترتاح

ريفان : ابجي واني حاطه ايدي ع حلكي ماريد
اشوف كل شي كدامي بس اريد اطلع منا وارتاح
نوب كلام رهبار مايتغطى ابد طلع اله السان
الدلاله ولا يهدأ مايستحي لا من ام تُليد ولا مني

ابتعد عنه وتقرب مني حط ايده ع كتفي وسحبني
تحت جناحه صرت تحت ايده
هنا فقدت وصرت ابجي واشهك هو ضمني لصدره
واردف بهدوء ..

رهبار : بيناتنا المحاكم وحقها اطلعه من عيونك ..

ريفان : تُليد ما يحجي بس يمسح الدم من وجهة ويخزر شنو يريد يرد مثلاً يستاهل الي صار بي
ولو مقهوره عليه بس حيل بي

رهبار : امشي نروح

ريفان : هزيت راسي ومشيت وانا تحت جناحه
صعدني بالسياره وجاب الجنطه حطها بالسياره
ولتفت للجهة الثانيه وصعد
شغل السياره وتحرك ..
الهدوء عم المكان بس صوت شهكاتي تتعالى
شفته شلون قبض ايده ع السكان السياره
عروق اديه وضحت زفر انفاسه واردف ..

رهبار : كافي مايستاهل دموعج ..

ريفان : رديت عليه ، هو لان مايستاهل هيج ابجي

رهبار : والله الا اندمه هل *** لاتخلين بخاطرج

ريفان : هزيت راسي بهدوء ومسحت دموعي
بالكوه يلا سكتت بس كلش مقهوره
وما الي خلك ل كل شي
الطريق طويل كل شوي انام وارجع افز
اخر شي غفيت من التعب واخر شي شفت لافته
مكتوب

بغداد تودعكم هاهي يعني الهنا وانتهت قصتي ويه
بغداد ! .

نمت واني مو حسابه بنفسي ورى فتره
كعدت لكيت نفسي نايمه ع الكرسي السياره ورهبار صافن عليه وكأن سارح بغير عالم
من شافني فتحت عيوني اردف بهدوء ..

رهبار : يلا ننزل وصلنا

ريفان : لتفتت عبالي جايبني البيت القديم
بس انصدمت من شفت المكان يختلف
مو هو نفس البيت فزيت ولتفتت عليه ..

شنو غيغتو بيتكم ( غيرتو ) ؟؟؟

رهبار : اردف ببرود ، لاا هاي شقتي يلا انزلي ..

ريفان : عافني ونزل استغربت ليش
هو هنا شبي معقوله عايش هنا الوحده
اني ما اعرف عنه أي شي
بس مع هذا ما خفت بالعكس اعرف بي
شلون يخاف عليه وميأذيني ابد
نزلت ورى هو يمشي كدامي واني ورى
فتح المصعد وصعدنا للطابق الرابع
انفتح الباب وطلعنا وكفنا كدام باب
هو طلع المفتاح وفتحها ودخلنا
اعاين ع الشقه نازكه ومرتبه
واضح شبابيه لان مابيها لمسات انثويه
شنو يعني هو عايش هنا الوحده !!! معقوله
حمحمت بهدوء وهمست ..

شنو غاح ابقى هنا ؟؟

رهبار : اي

ريفان : الوحدي !!!

اشو هذا التفت عليه عاين من فوك للجوه رفع حاجبه
وما جاوبني رجعت سألته ،
شنو انتَ ساكن هنا لوحدك ؟
همهم بدون رد وراح كعد ع القنفه بدون كلام
هذا شبي ليش اجوبته هيج مختصره
هزيت راسي بعدم مُبالاه ورحت كعدت بصفه
اريد احجي بس ماعرف من وين ابدي
بقيت كاعده وساكته
هو تمدد وغمض عيونه مايحجي خفت
ليش هيج ديعاملني ياربي اني ناقصني يعني ؟؟؟

مرت يمكن ربع ساعه هو غفى فجأه سمعته يهذي
بكلام ردت افهم شنو تقربت منه بهدوء
ماحسيت الا فتح عيونه ع وسعهن وفز اني
من خوفي رجعت لمكانه متوتره بس لا شافني
هو كعد حط ايد ع رجله ساند بيها جسمه وايد الثانيه يمسح بيها وجهة ..

شبيك ؟؟

رهبار : مابيه

متأكد؟؟

رهبار : أي

يا هذا شبي ورى فتره اني هم تعبت وردت انام بس
ماكدر فضولي موتني كعدت اسأله عن أهله
وهو اجوبته مختصره ضوجني وزهكني
اخر شي سألته ع زوجته ..

شلونها استبرق ؟

رهبار : ماعرف

ريفان : ابتلعت ريقي ، شلون ماتعرف هي مو زوجتك

رهبار : جججء

ريفان : شنو ؟؟؟ همست وانا ارجف ..
اردف ببرود..

رهبـــــار : طلكـــــتهااا ..

_______________

للحكايا بقايا ♡

شنو تتوقعون راح يصير ؟؟؟

               حسابي الانستا قلبي 🦋💞