رواية دجن الضليع الفصل الثالث والعشرون 23 - بقلم رهف علي

نبدأ بذكر الله ﷽💛✨

اشهبيني التصـــــويت 🙈🔥
مُتابعه للحساب akyta_98

مُخيـــــف !
صَمُت إمَـــــرأة ثرثـــــارة
ومُرعـــــب !
قَســـــوه إمَـــــرأة حـــــنونه .

_______♡_______

سيلينا : شهكت بفزع وانا اعاين بابا لازمني من شعري وجرني بقوه اول مره بابا يسوي هيج
يعني بحياته ما يمد ايده ع وحده بينه
شلون هيج سوا يعني صدك انصدمت وحسيت
بالخوف شكله يخوف خازرني بقوه وكأز ع اسنانه
شعري حسيته انقلع من مكانه
يعت بي بقوه ويصيح عليه بصوت عالي
نوب ماكو ماما طالعه يعني حتى
ماكو احد يحاميني واخواتي صغار

فرح من شافت بابا هيج انهزمت وراحت تعاين من بعيد علينا خايفه
انا ابجي احاول احجي بس ماكدر
ضربني كف احس طير ملامح وجهي
استمر يضرب بيه ويصيح عليه
" تحجين وياااا ها لج بشنو قصرت وياج حتى هيج تسوووين اشو شايلج مثل الماي بالصينية
وما اخلي احد يتقرب منج تاليها هيج تسوووين "

استمر يحجي ويحجي وانا ابجي حتى الكلام ضاع مني شكد حاولت بس ضربه هو الي منعني
انا لو عليه بس يسألني بهدوء اكت الأول والتالي
ما انكر بس اسلوبه وهجوميته بهاي الطريقه
عليه هدمني وخلسني

اذا انكر اكيد راح دكول جذابه
وما يصدكني لهل سبب انا لو ع كص ركبتي
ما أكول الا الحقيقه
مانكدرت ابد وبلكوه طلعت الكلمه مني وكلت اله
" اي جنت احجي ويه دابر "

هو انا حجيت والضرب صار يجيني من كل مكان
وجهي شوية الي سوا خارطه
خشمي نزف دم وعيوني احسهم ورهم من البجي صوتي احسه راح من الصراخ

بعد فتره تركني وطلع وكفت ع طولي وانا كلي
ارجف احس جسمي كله ياذيني
وكلبي يريد يطلع من مكانه من القهر
اول مره يضربني هيج
وياذيني بهاي الطريقه ماتوقعت ابد
عضيت شفتي وانا اقوي نفسي حتى ابطل بجي

غمضت عيوني ورجعت للعجين كعدت اكمل
الشنك وانا مهضومه بلكوه كملتهن سحبت
الصينيه وطلعت اخبز
بالي كله يم بابا وبالسوا بيه
ايدي صارت ترجف بقوه

واكفه أخبر وانفتح الباب مال البيت
دخلت ماما انا بقيت مدنكه راسي
ماريدها تشوفني بهذا الحال لان اعرف اذا
شافتني راح تكَلب البيت علينا وتسوي جهنم
هي اجتي يميي تريد تحجي وياي وتسألني
ع شغلات اشترتها مم السوك
من عاينت عليه منزله راسي واجاوبها بالكوه
هي شكت اكو شي
تقربت مني ورفعت راسي ب ايدها
اول ماعيونها صارت ع وجهي يرخت مفزوعه
مني فتحت عيونها ع وسعهن مصدومه من شكلي
الحلو

انا احس بوجهي حتى مورم بس ماعرف
شلون شكله حتى ما شفته بالمرايا
لان رجعت المكاني من الصدمه ولان مهضومه
حتى نسيت شكلي اشوفه

هي قلبت البيت بهذا اليوم تعاركت ويه ابويه
شلون يمد ايده عليه وشلون يسوي هيج وياي
وانا ساكته ما احجي بس دموعي تنزل
وايدي ترجف
طبعا ايدي شكلت بيها الحاله وماتركتني ابد
ع اي شي يصير وياي تبقى ترجف حتى من انقهر

بابا عاقبني وسحب مني الجهاز وكال ك عقوبه
الج اسبوعين ماكو مدرسه

انا من سمعت هيج توقعت يتشاقه لان هو عنده كلشي ولا الدراسه يحب بناته يدرسن وياخذن شهاده
بيدهن بس ماتوقعت كلامه صحيح
كال عود اذا تريد ترجع هسه شرط الا تلبس عباه
عاد بقيت خلال هاي الاسبوعين
بالبيت لا اكل و لا نوم
حتى ما اختلطت وياهم مقهوره ومهضومه
كلشش

ماتهنيت بهاي المكالمه ولا فرحت بيها
اول ما حجيت ويا صار هيج
وانا جنت انتظر هاي الحظه بروح
تاليها انقطع عنه بهاي الطريقه والسهوله
ليش هيج
بقيت ابجي ودموعي ما نشفن عليه
ومن اشتاق اله الحد الهوس والجنون
اخلي عطره ع مخدتي ابقى اشم بيها يلا انام
هيج احسه هو يمي وبقربي

ورى فتره هاي الاسبوعين بابا من عاين عليه
كال الي اداومين الباجر هذا الكلام بعد ما مر اسبوعين
وانا مافاهمه منهن اي شي وبالكوه خلصن
ماصدكت يخلصن انا اعرف بي هو ماتحمل ع اعصابه
من بطلني وعاقبني بهذا العقاب كل شي ولا الدراسه
رجعوا الي الجهاز وماما حذرتني حتى ما اتواصل ويا
ورجعت للدوام
بس انا ماكدر اذا ما اتواصل ويا
امووت انا ما صدكت صار بينه هاي العلاقه واعترف
الي بحبه معقوله افرط بي وانا جنت ابجي عليه وحالتي صارت بالنازل بسببه ؟ اكيد ما افرط ..

رجعت تواصلت ويا بدون علم احد وبالختلات
اتواصل ويا بس هو من آخر موقف صار
رفض نتواصل سوا خاف عليه لا يسوون بيه شي
بس انا ماعرف ليش شاكه
هو من ناحيته اكو شي يمنعه من علاقتنا سوا
بس شنو ما اعرف !!!!
هواي علامه استفهام صارت بس كلها بدون اجوبه
وهذا الشي الي محيرني ..

ايام صارت تمر وأيام
صارت المكالمات ابينه قليله انا صرت اسجل
مكالماته ومن ينقطع عني ارجع اسمعهن
واروي شوقي بيهن صار صوته
ادمان الي والمسامعي ماكدر يوم واحد اذا ما اسمع
صوته احس بنقص كلش قوي

بمره جنت اسمع بالتسجيلات بس من سوء حظي
النحس ماما جانت ورايه

ام زياد : سيلينااااا !!!

انا هنا قطره دم ما بقت بجسمي خاصه
نظراتها المصدومه بيه
ابتلعت ريقي وانا اعاين عليها
بدون ما تحجي تقدمت عليه سحبت الجهاز مني
ومسحت كل التسجيلات
انا هنا صرت اكمز شلون تمسح كل التسجيلات
وبوقتها جانت خالتي موجوده واخواتي
كلهن التمن ع الصوت
وكلهن صارن يلومن بيه شلون اسوي هيج من وراهم و لو سامع أبوج ومن هذا الكلام
بحيث انتفضت عليهم وصرت ابجي
عطت بيهم

" تردوووون احرك روحي يلا ترتاحون
كاااافي تضغطون عليه من الجهاااات
انا هم مو بيدي حسوووا بيه ولكم راح انجن راح اتخخخبل بس محد يحس بيه "

حتى بوقتها رحت من صدك اريد احرك نفسي
لان من كل الجهات مليوصه ومسدود الباب بوجهي
منا دابر تواصله قليل وياي ومنا ماما حذفت
كل التسجيلات انهاريت كلش
وما تحملت هن من شافن حالتي هيج لزمني وبقن
يحجن وياي ساعه وانا اذن من طين وأذن من عجين
شنو يردن اعوفه من كل عقهلن !!!!

عفتهن ومشيت اتصلت ع دابر بوقتها
وشكت بجيت وهو يسكت بيه شكد حجه وياي
بس انا ما افهم هو هم تعبان خطيه
لان اخو مريض وصار يراجع بي
ب إيران يعني انا منا واخو منا
اعترف هو يحبني بس اكو شي يخوفه من هاي العلاقه
لهل سبب اشوفه دائما ينطني فرص
يروح يختفي كم يوم ويرجع
وزاد الطين بله هو اخو من تمرض بحيث دابر
بعد ما شفته بالكوه يتصل عليه واتصاله
يكون مجرد دقايق قليله بعدها يروح ويغلق الخط..

رجعتلي الأحلام الواقعيه وزاد عليه خاصه
من ابتعد عني دابر
وبوقتها من راجعت الدكتور النفسي كال الي

_ انتِ مـــــريضه ب احـــــلام اليقـــــظة اي يعني(day draem )

بوقتها ما فهمت شنو يعني احلام اليقظة
بس هو صار يشرح الي ويفهمني شنو يعني وليش تصير بيه وبسبب شنو

سيلينا : شنو يعني احلام اليقظة دكتور

الدكتور :- اسمعيني بابا
احلام اليقظه شنو هيَ ؟
هي اشباع الشخص لاشياء لايستطيع فعلها بالواقع لهذا السبب يشبع رغبته بيها بالخيال اي يعني يطبقها في لخيال لانه لايستطيع فعلها في الواقع

هواي اشخاص يعانون من هذا المرض
وهذا بسبب انغماسهم بالخيال منهم من يمارسون هاي الاحلام بدون ما يتعمقون بيها ومنهم يتعقمون بهاي الاحلام وبعدها يصعب تفريقهم بين الخيال والواقع

من يمارسون احلام اليقظه ويغرقون بيها هذول الاشخاص ديعانون من عدم التركيز وبطىء الاستيعاب وعدم الفهم مثال منهم الطلاب الي ميكدرون يركزون بالمحاضرات يمكن يقاومون 5 دقايق بالتركيز لكن سرعان ما يسرحون بالخيال وعقلهم يروح لمكان ثاني
منهم من يقرون هواي بس بنفس الوقت يشوفون الوقت مر بشكل مو طبيعي وهم مقارين اي شي ولا مفتهمين اي شي ( اي مثلج بالضبط )
هنا الطالب راح يمر الوقت يمه بشكل مو طبيعي لهذا راح يحس بالندم ويرجع يدرس من جديد لكن سرعان ما يرجع للغرق مره ثانيه وبهل حاله مراح يكدر يركز بـ شي

الاشخاص المصابين بهذا الشي راح تتعطل حياتهم ومراح تستمر لان هم عايشين بعالم خيال مو بواقع + راح يلقون الوم ع الاشخاص القريبين منهم لعدم قدرتهم ع استمرار حياتهم وعدم قدرتهم ع تحقيق انجازاتهم وميعرفون بهاي الحاله هم السبب مو شخص ثاني لان مكدرو يتخطون او ينقذون نفسهم من هاي الاحلام الي تعرقل حياتهم ..

سيلينا : ابتلعت ريقي وانا ارد اسأله بخوف ، زين دكتور احلام اليقظة هم تضر ؟ يعني اذا انغمست بيها راح تسبب ضرر الي وهي مرض نفسي ؟
عاينت عليه سحب القلم وصار يحرك بي بهدوء ونظراته عليه ثواني ورد ..

الدكتور :- لا مو مرض نفسي بحتً لكن لتخيلات الإيجابية لا تنطوي على التزام أو عناصر تحفيزية للعمل نحو الأهداف المتخيلة. وفي الوقت ذاته، قد يصبح الشخص مدمنًا على الخيال. وعلى غرار إدمان المخدرات، ف المفرطين في أحلام اليقظة يحصلون على متعة شديدة من تلك الأحلام، ويجدون صعوبة بالغة في الهروب من عالمهم الخاص
اي بهاي الحاله تكون صعبه الج انتِ

سيلينا : هزيت راسي وانا احاول أفهمه ، دكتور جاي يدكولون الدكاتره النفسيين هم بعيدين عن الدين بعلاجهم وما يؤمنون بهذا الشي
رفعه حاجبه وابتسم بهدوء

الدكتور: خطأ بابا مو كل الدكاتره هيج اكو البعض منهم صح بسبب انغماسهم بطريقه جنونيه
اما البعض الاخر لا

سيلينا : زين شنو دكول هذا التخيل حرام لو لا ؟؟

الدكتور: سحب نفس بعدها اردف وهو يدق بهدوء بطرف القلم ، تنقسم التخيلات إلى قسمين تخيلات مباحة وتخيلات غير مباحة، أمَّا التخيلات المباحة كتخيل أشخاص لا وجود لهم على الواقع ولكن من دون أفعال محرمة وما إلى ذلك فلا حرج فيه اما الغير مباحه ، الحرام من التخيلات هو ما يكون حرامًا بنفسه كالفواحش وغيرها

اعراض احلام اليقظه المفرطه وقد يواجه الانسان
اكثر من هذن الاعراض :-

■يعيش أحلام يقظة مع شخصياته الخاصة والأماكن والأحداث، وغيرها من التفاصيل التي تعبر عن عالم داخلي معقد.
■تتحرض هذه الأحلام بأحداث الحياة في الواقع.
■صعوبة إنهاء الواجبات اليومية.
■صعوبة النوم في الليل.
■رغبة شديدة في إكمال حلم اليقظة.
■أداء حركات متكررة في أثناء حلم اليقظة.
■إظهار تعابير وجهية في أثناء حلم اليقظة.
■ الهمس والتكلم في أثناء حلم اليقظة.
■استمرار حلم اليقظة لفترة طويلة قد تصل إلى عدة ساعات.
■قلق كبير حول حلم اليقظة.
■الحرص على اختلاف العالم الخيالي الداخلي عن الواقع الخارجي.
■وقد يعاني الشخص من اضطراب آخر، مثل ADHD اضطراب فرط الحركة مع نقص الانتباه

سيلينا : فاتحه حلكي واستمع الها جد خلاني انتبه ع شغلات ما منتبهة الها صايره بيه وما توقعت هاي الها
اساس او طرف بهذا المرض
زين دكتور شلون اتخلص منه ؟؟؟

الدكتور : اكو بعض من الممارسات الي تساعدج تتخلصين منه لكن اكيد بالبدايه تكون صعبه بس اذا انتِ عندج اراده قويه اكيد تساعدينا نخلصج منه

■ممارسة القراءة.
■حلّ الكلمات المتقاطعة.
■إشراك الجسد والعقل من خلال ممارسة كرة السلة أو الرقص.
■التحدّث مع الأصدقاء أو الزملاء في مكان العمل. ■ممارسة اليوغا.
■طهو الطعام في فترة المساء.
■ كتابة الأفكار بشكل يوميّ كحلّ يساعد على التخلّص من أحلام اليقظة، حيث تساهم في ترتيب الأفكار في العقل، وبالتالي الابتعاد عن أحلام اليقظة، والمساعدة على الاستمتاع باللحظة الحاليّة.

سيلينا : بقى عقلي يروح منا ومنا وانا بالي تشوش بالزايد يعني شلون اتخلص منه ماا اعرف اكيد بالبدايه حيل صعب بس هم لازم اتخلص منه
لان بهاي الطريقه راح أاذي نفسي واأذي اهلي وياي

رجعت للبيت بعد تعب هاي الجلسه والصداع الي اكل راسي اكل اول ما وصلت ماحجيت ويه اي احد بس غسلت ونمت كعدت ورى ساعات طويله
اعاين ع الوقت صارلي تقريبآ 4 ساعات نايمه ولا واحد جاي مكعدني مخليني ع راحتي
حسيت بالجوع نزلت جوه اريد شي اكله لان جوعانه
وانا جاي انزل سمعت صوتهم يحجون ما خليت للموضوع
اهميه بس من سمعت اسمي بالموضوع
لا هنا الوضع تغير غيرت الموجه من المطبخ للمكان الي كاعدين بي همَ جانوا يحجون ومندمجين بالموضوع
وانا فاتحه حلكي هذول شنو جاي يحجون ؟؟؟؟

سيلينا : ماااماا شنو هذا الكلام الي سمعته ؟؟؟

ام زياد : لتفتت عليها ، شنو ؟

سيلينا : هو انا ال شنو لو انتِ ماما شنو الي سمعته

ام زياد : اي صحيح الي سمعتي

سيلينا : وبكل سهوله دكولي ؟؟

ام زياد : غمضت عيونها ورجعت فتحتها، مابيها شي يا ماما احسن

سيلينا : ماعرفت شنو اجاوب ولا شنو اكول بس هزيت ايدي الها معاجبني ومصدومه اصلاً عفتها ورجعت لغرفتي
اصلاً مابيه حيل اناقشها ولا احجي بالي مو وياي
بالي يم دابر الي مختفي
وما مراسلني مقطوع. بالي يم الدكتور وكلامه صدعت إلى أن رجعت نمت
ثاني يوم رحت للمدرسه انا وجاي اطلع

ماحسيت الا شخص جر ايدي بقوه شهكت بصوت عالي
انسحبت بمكان شبه فارغ نضربت بالحايط
رفعت راسي وانا خايفه ، عاين ع الكدامي
ونصدمت فتحت عيوني ع وسعهن مصدومه !!!!

_______♡_______

دهليز ..
حيَل بينا .
احنا ضيعنا العمَر مَن بين ادينَا
واحنا تانينَا لقطار وما مشينا
وانتضرنا، وانتضرنا
بلكَي شي منكمّ يجينا
ردنا ننسَى ومَانسينا
ردنا نبچَي ومَابچَينا
ونعتب ونحچَي عليمن
ياهَو يسمع لو حچَينا ؟
تاكّل الحسَرات بينا ومابچَينا
كّلها مَن گلوبنا العمت علينا .

عشوائيات قاتله في داخلي ..
روحً تُنازع والحال غير مرغوبً بـــــه
ألم قـــــوي
أصوات ضوضاء قابتهً في داخلـــــي
حُزن دفين في جوفـــــي
مُهلكـــــهً روحـــــي
مُتعذبه في حُبـــــي
خاسرهً مُعاركاتـــــي
هجيـــــرهً مغاراتـــــي
كئيبـــــهً نزالاتـــــي
مُتعددهً المجالتـــــي
وانا هيَ الظُلماتـــــي ..

#بقلمي_رهف_علي ..

دهليز : الايام تمر وانا حالي مثل ما هوَ عليه
ايامي اشبهها بالنزالات الخاسره هي فعلاً هيج صارت
خسرت كل شي مابقى لا نزالات ولا جولات ولا صراعات
خسرت كل شي من بعد هذاك اليوم الي تم بي العقد
وتسجلت ب اسم شخص ثاني
هنا انحسمت حياتي وتقرر مصيري ..

بيوم العقد الي صار ..

غمضت عيوني وانا اسمع المباركات الشيخ
وهو يعلن الزواج وتسميه هذا الشخص
بالزوج رفعت راسي ادحك ماما واخواتي يبجن
والأقارب ساكتين مايحجون شي غير بس باركوا
ضغطت ع ايدي وانا اهجس
هموم الدنيا كلها فوك راسي

نظراتي وعيوني ادحك بكل مكان ماكو اي شي يدل
ع الفرحه جنت ادحك بكل مكان ادور بي
شكلو الي اعشكَو بس مالكيتو
ردت اسمع صوتو
ردت نظراتو وهمساتو الي أطيب مسامعي من يكول الي نسمه روحي اريد امانو اريد اختلي بصدرو
الدافي وعطروا
دكات كلبي اهجسها مسويه اضطراب عليه
وماترضى تهدأ عبن ذكرت خيالو لو اتسود صدرو
شنو يصير ؟

سمعت حسهم وهم يكولون العريس يريد يدخل يبارك العروستو لا واله عين يبارك ؟؟؟؟ اله عين
وكفت ردت اصعد الغرفتي بس ماما لزمتني
وتترجى بعيونها الي حاولت اتملص منها
بس ماكدرت وماردت اكسر خاطرها وافشلها
رجعت كعدت بس ع اعصابي اهجس اعصابي انشدت
وأريد اي شخص انفجر بي

سمعت حسو من دخل وكلها باركت اله
انا منزله راسي ما اريد ادحكوا لان بس يصير بوجهي انفجر بوجهو
شوي وهجستوا كعد بصفي واردف بهدوء ..

بشار : الـــــف مبـــــروك علينـــــا

دهليز : انعصر كلبي من سمعتو هيج يكول
هذا شبي تخبل اتمنيت هل كلمه من اللهيم مو منووو
رفعت راسي ودحكتلو يدحك بعيوني وبعيونه ابتسامه
نصر كزيت ع اسناني وهمست الو

راح تتندم وهذا الزواج مو بأرادتي وما مبارك ولا راح يتبارك بحياتك كلهااا ..

عفس وجهو تقرب مني وهو يهمس ..

بشار : مو مهم دحكي المهم صرتي ب اسمي

دهليز : خزرتو ، هذا مجرد وقت لا اكثر لاتحلم لاتوكع

بشار : هساع انتِ مرتي واكدر اسوي اي شي يحلالي عشر زلم ما يوكفوني

دهليز : يحجي وهو يدحك بعيوني ماتحملت اكثر
وهو قريب مني هجست انا خنت اللهيم
وكفت مفزوعه واردفت الو

دحك انتَ اخذت شي مو الك ولا بعمرو يكون
الك ولا بد ترجع الامانه الصاحبها
وانا ناطره ترد الامانه بوقتها بدون خدش
لان ساعتها ماتكون رجال وكد كلمتك ..

عفتو ومشيت بس اهجسو صار نار
ولو باقيه اكثر اكيد يحركني ويحرك الكل
راد ابقى وانا ما بقيت هو طلع وانا تركتهم وصعدت الغرفتي

من حركتي طشرت الغراض كلها وانا ابجي
حيل مقهوره يعني خلاص صرت ب اسم اكثر
انسان كرهتو بحياتي
ماخليت احد يدخل لغرفتي قفلت الباب وانا
ما اريد اشوف اي احد ماريد اسمع صوت اي
احد كارهة الدنيا كلها
حتى اهلي كرهتهم مو بيدي حتى نفسي كرهتها ما اريد اي شي من الدنيا بس تتطلع روحي وارتاح
لو يمرن هل شهرين برمشه عين

اهجس النار شابه بداخلي ما كدرت اتحمل أكثر
فتحت الباب ونزلت البيت جان هدوء وكلها بغرفتها
مشيت و وكعت عيني ع جهاز ماما أخذته
ورجعت صعت فوك قفلت الباب
وكعدت وانا اجر النفس بالكوه
من الركضه

فتحته وصرت ادور ع اسمو الا ان لكيت رقمو حافظتو حفظ اول ما دحكتوو ضغطت اتصال
رن رنه وحده بس وانفتح الخط
هو ساكت وانا ساكته بس انفاسه تنسمع
نتنفس بقوه
ماكدرت اتحمل وبجيت من بين شهكاتي همست الو

_ صرت لغيرك تسجلت ب اسمو

جر نفس بقوه والشوغه واجه بداخله

_ غصب عني

_ ماكدر اكمل ، همست وانا ارجف

_ تعاي شوفي داخلي والحرب الصايره لو اشوفج
الي بيه تبقين عمرج كله تبجين علي ، وانا ما يهون عليه تنزل دموعج

_ يعني شنو ، حجيت بقله حيله

_ نتحمل هل شهرين وبعدها نبقى العمر سوا

_ تعبت وتعصبت ماكدرت اسيطر ع نفسي صرخت بصوت بوجهوو ، كلووو بسبببك انتَ اي انتَ السببب لههييييم

احجي وهو ساكت اسمعو بس يجر النفس وانا ماسكتت
بقيت احجي وابجي اهجس روحي تا تتطلع من مكانها

فهمني هساع من صرت الغيرك ارتاااحيت هااا
ارتاحيت من ادحك بعيونك ززززفتي هااا

اردف بهمس والغصه واكفه ببلعومه ..
_ كافي لاتزيديها عليه دهليزي انا منتهي

_سكتت وانا اسمع الو غطيت عيوني وبجيت بنحيب كتلو تدري شكال الي اليوم وبرحابه صدر وهو
فرحان كال الي مبروك علينا ماتعرف هاي الكلمه شكد
ذبحتني من الوريد للوريد

ماهجس الا صوتو وهو يبجي هين ماعرفت شنو
اسوي اثنينا بيجنا سوا
عمري ما توقعت نوصل الهاي المرحله
ونبجي واحنه بعاد عن بعض
ماتوقعت ابد ابد اهجس الدينا ضاكت بعيونا

بعد البجي والعتاب ختمها بكلماتو ..

اللهيم : دهليـــــزي نســـــمه روحـــــي انـــــا ويـــــاج للوحـــــه ..

مرت الايام وانا ويا تواصلنا قل إلى أبعد درجه
بحيث من اتصل أو هو يتصل نبقى بس دقيقتين
وبعدها يروح هو ما يتحمل وانا هم ما اتحمل
يكول خلينا هيج احسن
لبين ما تعدي هل شهرين

ام عمر : يمه بشار جوه ينتظرج

دهليز : نترت ، شيريد ؟؟؟

ام عمر : وهي عيونها مدمعه ، ماعرف يايمه بس هو كال اريد احجي وياها

دهليز : سحبت نفس انا شلون انتر بوجها هيج
تمشيت عندها بست رأسها وحضنتها ، اعذريني يمه وربي نفسيتي تعبانه وما بيه حيل ولا ااي خلك
ل اي شي اهجس الدنيا طالعه من عيني عبن
مامرتاحه لاتاخذين بخاطرج حبيبتي

ام دهليز : حضنتها وهي تبوس راسها ، شعندي غيركم انا يا يمه والله اهجس معتلجه بناري
عليج

دهليز : سحبت نفس وغمضت عيوني هزيت راسي ب اسف مابيدي اسوي حل لنفسي حتى ما اكدر احجي وأطيب خاطر شخص ثاني هو انا نفسي ما مدبرتها

نزلت جوه وانا حتى شكلي ما انتبهت عليه
ولا الي خلك حتى اسرح شعري
دخلت لكيتو كاع وكان البيت بيته
شكد حقدت عليه بدون ما اسلم كعدت
بهدوء وانا انتظروا يحجي

بشار : السلام ل الله

دهليز : مارديت

بشار: ماتحجين شبيج

دهليز : زفرت انفاسي بقوه واردفت ، شنو تريد

بشار : وشبيج تحجين من طرفو ال خشمج ؟ اردف بنتر

دهليز : دحكت عليه وانا ماعاجبني ، كتلو خلصني شنو تريد يعني مثلا تريد اضحك بوجهك تريد اتشاقه وياك
ولا كان صاير شي

بشار : رفع حاجبه ، اي اكيد انا رجلج

دهليز : ابتسمت ب استهزاء ، رجلي !

بشار : خزرها ، احجي عدل لا انا اجي اعدلو لحكلج

دهليز : كزيت ع اسناني بغضب ، هسساع غير تفهمني شنو تريد مني ترى انا كاعده هين ع اعصابي

بشار : اردف بعصبيه ، ليش بله ع اصابج اشو انتِ ماتعرفين تحجين حيوانه

دهليز : ع اساااس ماتعرف ليش شنو ليكون نسيت زواجه مؤقت مجرد شهرين واطلكني شنو تريد
تمشي كلامك عليه من هساع

بشار : رجع ظهره وسندوا ، اردف بهدوء ، شي اكيد
يمشي كلامي عليج وتنفذي وانتِ الممنونه
انا ما تمشي عندي زواج مؤقت
حالج حال المتزوجة تا اشوف شلون كلامج الي يمشي

دهليز : مارديت الو عرفتو يريد يثير غضبي تا اتعصب واتنرفز بسببو ، زفرت انفاسي ، كول شنو تريد هساع ليش طالبني

بشار : اجـــــيت تا احـــــدد يـــــوم زواجـــــنا واســـــوي عـــــرس

دهليز : اعرف هذا الشي ورايه ورايه الا ان يتم
ونتزوج كدام الناس بس ماكدر استقبلوا اهجس
خنت اللهيم وانا اشم الهوى
بس لازم اخلص هل شهرين اليوم قبل باجر
تا ارتاح كل ما تقدم الموعد كل ما
خلصت اسرع

كتلو ، حدد ب أقرب وقت تانخلص من وقت ..

ماعجبوو كلامي كال بعد اسبوع ونتزوج
رديت بالموافقه عفتو وطلعت بلغتهم بالموعد
وتركتهم ماريد افكر ب اي شي ولا اريد
انقهر ازيد

مر هذا الأسبوع بطلعان الروح كل يوم يوم
اهجس سنين طويله تمر
والساعه اهجسها بدهر
نفستي كل يوم تسوء اكثر
وحالتي تصعب ع الكافر

اي تحضيرات للعرس ابد ما شاركت ولا انطيت
رأي بيهن شلت ايدي من كل شي
وبس هم الي يجهزون
اريد اعرف ليش كل هل مصاريف وآخرها
ننفصل والاضرب من هل شي الكل يعرف راخ يتم الانفصال بسبب النهوه يعني اهلي و اهلو يعرفون بهذا الشي ع شنو هل حركات ما اعرف

بيـــــوم الـــــزواج ..
زفوني غـــــصبن علي ريت العمر لأ طـــــال ...
وغيرگ ينزع بدلتي مآ جان أبد على بـــــال ...
مد أيـــــده گض الشعر والدمع راسآ ســـــأل ...
سجيـــــن أيده أحس گطعت گلبي وصـــــال ...

لبسوني البدله البيضه واهجسها كفن حوت
كل جسمي بروده اطرافي كأنها مسار
خروج الروح من الجسد
لمعه عيوني ونظرتهن كأنها فراق ما اله لقاء
جرح كلبي ماله طبيب
ونزف دمي مال حسيب

ادحك بصورتي بالمرايا وانا مهضومه بنت وفقدت
لذتها بالحياه كلش صعبه
سمعت صوت الزفه والطبول
لا ارادياً اتقبض كلبي تقربت قفلت الباب
وانا روحي تفرفح
ما اكدر انتظر اكثر
لزمت الجهاز واتصلت
يرن يرن وماكو اي رد دكات كلبي اهجسهن صارن
ببلعومي الى ان انفتح الخط واسمع حس شخص يجر النفس بالكوه
صرختةبفزع ..

اللهيم فدوا الله يخليك حبيبي تعال اخذني والله ما اكدر اهجسس روحي تا تتطلع ما اكدر اتحمل
اكثر ليششش ما تفهمون ...

هجستو يبجي بجي انا من يمي اتكطع كلبي
عليه مو بس حالتي تصعب ع الكافر لا هو اكثر
رد عليه من بين دموعو ..

اللهيم : تدرين شكد صعب عليه هذا اليوم لو لا ؟ بالله الكريم اتمنيت دفنتي ويه زفتج
ولا اعاين الهوسه هاي
تدرين انا هسه واكف واعاين بعيوني بس مابيدي اسوي شي سويت كل الي اكدر عليه
شيوخ ترست الديوان وما قسمج ربي الي بهاي الحظه يمكن يريدنا نتعذب اكثر حتى نحس بلذه النصر بعدين مو !

دهليز : رجف جسمي ، الله يخليك تعال اخذني

اللهيم : دهليزي ..

دهليز : بجيت ، عيونها ل دهليزك لهيمي

اللهيم : بأمانه الله تاركج بس روحي وياج
اسمع كل شي عنج و بعد شهرين ونرجع نلتقي من جديد واسمج ب اسمي

دهليز : م... ردت اكمل وقاطعني صوت الباب يندك

اللهيم : روحي حبيبي

دهليز : راح تروح يعني هاهي؟ شهكت بألم وانا احجيها

اللهيم : ماكدر ابقى بالعراق انا مسافر

دهليز : م..مو ت..تناسي و ولا ت..تنسى الوعد لهيمي

اللهيم : ما انسى مسكني ودنيتي كلها بامانه الله
احبج وابقى احبج لآخر نفس بيه

دهليز : وانا هم احبك ..

سد الخط وماسمعت منه أي شي بعد بجيت لما كال الله بس وجهي تخربط وكل الترتيب راح
فتحت الباب ودحكت كيناز كدامي ارتميت بحضنها وانا ابجي بالكوه سكتني
رتبت وجهي وهي تبجي وياي خاصه هي تعرف شنو الي بينه
طلعتني برى والهوسه عاجه البيت
ماحجيت اي شي
بس هجستو لزم ايدي وضغط عليها بقوه وانا دموعي تنزل ماكدرت اسيطر ع نفسي

طلعت من البيت وانا ميته من القهر صعدوني السياره
ومشت الحياتي الهزيله التعيسه

من بعد طريق وصلنا نزلوني ودخلوني جوه بالبيت
كعدوني وهم فرحانين ع شنو يفرحون ما اعرف
كيناز ما تركتني ابد وياي وياي خطوه خطوه
مر الوقت الى ان كالو راح يزفون العريس
ماعرف ليش هين خفت برغم اعرف هذا الزواج ع الورق دخلوني للغرفه
وانا بس ابجي ع حظي و ع اللهيم و ع كل شي صار هساع كيناز تسكت بيه واهلو فوك راسي
شكد كرهت نفسي وكرهتهم كلهم

بعد فتره طلعوا وانا بقيت لوحدي بالغرفه
سحبت نفس قوي وردت اكوم اغير ملابسي
ماهجست الا الباب انفتح
ودخل بشار وعيوني نظراتهن شر
وناوي ع نيه ما زينه خفكَ كلبي بخوف
وانا ادحك الو يتوجه الي بهدوء
ويدحك علي من فوك للجوه

بشار : هســـــاع وقـــــت الجـــــد ..

_______♤______

ريفـــــان :-
هلـــــي كل الـــــتعب مـــــنكم
هلـــــي لو بـــــيه اعـــــاتبكم
هلـــــي لو بيـــــدي مااكـــــبر
هلـــــي خلـــــو الحجـــــي مدثر
هلـــــي كون العمـــــر يرجـــــع
هلـــــي كبرت مواجـــــيعي ولا بيـــــهم بشر يسمع ..

كل الي جاي يصير بحياتي بسبب اهلي
لو ما هم تركوني لوحدي بعمر صغير ما جان
صار بيه الي صار هسه
ماجان تبهذلت ولا جان تعنفت ولا نهانيت وحاولوا يعتدون عليه كل هذا الي صار هو من أدين اهلي
اذا هم رايديني ليش خلفوني ليش تركوني اواجه
هذا العالم الوحدي ليش خلوني تحت مسمى بنت الحرام ليش خلو اليسوا والمايسوا يصيحون الي بنت الز** والنغ** لو هم من البدايه ما ولدوني ماجان
حالتي مثل هاي الحاله
هم جبروني اتبع غير طريق وغير أساليب بس في سبيل احمي نفسي وهاي نتيجه هسه انا
هاربه من الناس الي عشت وياهم طول حياتي
بسبب سوء المعامله والتعنيف

افترت بيه الدنيا إلى أن خلتني ب امس الحاجه
للانسان الي سبق واستغلني
وصلت بيه الحاله ألجأ للانسان الي حاول يعتدي عليه
ويشوه سمعتي الي هو بسببه تعرضت
لموقف كلش جارح بصغري
واتهمت اتهام باطل وانا طفله
لجأت لاكثر شخص خفت منه وحاولت ابتعد عنه
قدر الإمكان

بس للاسف القدر قرر يلعب لعبته وحطني بموقف
صعب...

عاينت كدامي السياره الاضاءه مالتها قويه
وكفت كدامي ركزت وانصدمت من الشخص الي كدامي
اردف الي ..

نشـــــوان :- اصـــــعـــــدي ..

ريفان : بقيت فاتحه حلكي نشوااان !! احتارت اصعد ويا وانقذ نفسي لو اورطها بالزايد
ماعرف شنو اسوي وانا بوقت صعب اخذ قرار
لهذا ما لكيت حل كدامي غير بس اصعد ويا
وهذا الي سويته صعدت ويا وهو شغل السياره ومشى

ابتلعت ريقي خايفه منه خاصه انا ويا بمكان واحد
هاف يستغلني ويسوي الي شي
نفضت الأفكار الي براسي وانا اقوي نفسي حتى ما يستضعفني ويستقوي عليه

سالته بتردد ، انتَ شنو تسوي هنا كدام البيت
رد عليه بهدوء وهو يعاين مره عليه ومره ع الطريق ..

نشوان : وصلت رهبار للبيت ..

ريفان : هزيت راسي وسكتت رجع هو سألني

نشوان : ليش طالعه من البيت شعندج بهذا الوقت وبيدج شنو هذا ؟؟؟

ريفان : همست بهدوء ، ملابس

نشوان : يعني ؟

ريفان : نزلت راسي واردفت وانا الدمعه بطرف عيني ،
هغبت من البيت ومحد يعغف بيه ..

هو وكف السياره ولتفت عليه مصدوم ..

نشوان : ليششش ؟؟؟

ريفان : ماعرف شبيه انفجرت بالبجي وحجيت اله الصار هو ساكت رجع سألني..

نشوان : وأم رهبار ماسوت اي شي ؟

ريفان : هزيت راسي بلا ..

نشوان : الي سويتي غلط ماجان لازم تنهزمين من البيت اذا رهبار مايصير خير المفروض تحجين ويا

ريفان : ماحجيت شي بقيت ساكته ودموعي تنزل

نشوان : وهسه وين ناويه تروحين وانتِ ماعندج احد

ريفان : هنا انكسر ظهري صدك انا وين ناويه اروح
وانا ما عندي احد ألجأ اله خليت ايدي ع وجهي وبجيت اردفت من بين شهكاتي ، ماعندي احد اغوح اله انا الي بس الله ..

نشوان : سكت بعدها اردف ، لاتهتمين انا موجود

ريفان : رفعت راسي ، شنو يعني

نشوان : عيب عليه اتركج بنص الطريق وانا وياج
اكيد ما اتركج واذا ما عندج مكان انا أأمن عليج بمكان اعرفه

ريفان : وين ؟

نشوان : البيـــــتنا القـــــديم

ريفان : بس !

نشوان : لاتخافين مستحيل اسوي الج انا
بس اريد اساعدج

ريفان : سكتت مابيدي شي اسوي لهل سبب
سكتت وفعلا رحنه انا ويا لبيتهم القديم
ماجان احد موجود بي من دخلنا جان مليان تراب وصارله فتره طويله تاركينه خفت لا يستغل الوضع ويسوي شي بس هو جان هادىء ما تقرب مني
ابد تركني بالبيت وراح كال اجيب الج اكل وارجع
وانا بقيت بالبيت الوحدي كاعده وساكته بس شنو جسمي كله يرجف
كلش خايفه من الي راح يصير وحتى خايفه من
رده فعل رهبار شنو راح تكون
بس من حركه كلبي وهمني تركت البيت
شنو يسوون بيه اكثر من هيج انا ما اتحمل ابد

أصوات الهوى برى حيل مرعبه
وظلمه وانا كلش خايفه واطكطك
ورى فتره رجع هوَ وجايب ويا علاكه مال اكل
تركها كدامي وكال اي شي تحتاجي بس كولي الي

سكت شوي بعدها اردف ..
نشوان : ابقى هنا ؟؟

ريفان : هزيت راسي بقوه وهمست ، لا اانا أدبغ نفسي
هو ما كال شي عافني وطلع
مرن كم يوم وانا ع نفس هاي الحطه يجيب الي اكل
ويروح وكل هذا لا انا سألت شنو صاير هناك بالبيت
ولا هو حجه شي

بمره هو موجود جاب الاكل وطلع ف انا طلعت ورى
ردت اوصي ع شغله بس سمعته يخابر بالجهاز
مالته انا بقيت واكفه انتظره يخلص صاير ورى ظهره
بس من سمعت اسمي بالموضوع انصعقت
سحبت نفسي بهدوء حتى ما يحس عليه
ورجعت للورى وختلت حتى اسمع شنو يكول

نشوان : اي شنو ؟ ريفان.... لا لا تمام يعني هيج ؟ اكيد ؟ خوش هذا هوَ مع السلامه .. غلق الخط

ريفان : غلق الخط وطلع حتى ما انتبه انا ورى بس استغربت شنو يريد وشنو يسوي بس بقى ببالي هل كلام وماراح معقوله جاي يخطط الشي
ثاني يوم اجه بس وجهة مقلوب سألته وصدمني بجوابه

شصايغ ؟؟؟

نشوان : زفر انفاسه بعصبيه واردف ، عمتي ام رهبار

ريفان : راقبت عيونه بخوف واردفت ، شبيها ؟؟

نشوان : غمض عيونه ورجع فتحهن زفر انفاسه واردف

_مطلعـــــه اشـــــاعه ع اســـــاس انـــــا ويـــــاج بـــــينه عـــــلاقه
ونـــــهزمتي ويـــــاي

ريفان : وكفت مفزوعه ، شنووووو مستحيل

نشوان : صدكيني هذا الي صار

ريفان : وهسه شنسوي عزززه

نشوان : ماكو غير بس الحل نترك هذا البيت واوديج المكان ثاني

ريفان : وووين ؟؟؟؟ اردفت بخوف

نشوان : لبيت ابو رهبار القديم ابوج ، مستحيل يخطر باله خاصه هو هسه مفكر انا وياج بعلاقه ف ما راح يخطر باله هذا المكان

ريفان : الصراحه كلامه قنعني لان مستحيل يشكون بهذا المكان خاصه انا خايفه لا يلزمني رهبار وينهيني
لان هسه هو يعتبرني انا عندي علاقه ويه نشوان

فعلا اخذت اغراضي ورحنا لبيت بابا الله يرحمه
بس الي استغربته هو شلون عنده المفتاح مال البيت
؟؟؟ هذا الي مافكرت بي ابد

بقيت بالبيت يوم واحد وثاني يوم كلت خلي ادخل اسبح واطلع مادام نشوان مل يجي هسه
دخلت للحمام سبحت وكملت اعاين ع الملابس ما جايبتهن بس المنشفه من ساحبتها الملابس واكعات
ع الارض زفرت انفاسي بقوه
وضربت جبيني

لشوكت تبقين غبيييه غيفااان غبيه ..

لفيت المنشفه ع جسمي وهي حيل قصيره
يعني ربع من فخذي مخطيته ونص صدري خزي حيل خزي تركت شعري مفتوح لان ماكو منشفه ثانيه
وطلعت من الحمام اركض ع روس اصابعي

ماحسيت الا انضربت بشي كدامي رفعت راسي
وانصدمت وانا اعاين ع الي كدامي شهكت بصوت
عالي من صدمتي وخوفي من الموقف الي انا بيه
هسه !!!!

_________♡________

للحكـــــايا بقـــــايـــــا ♤

ترى البارت طويل خاف دكولون ، تعبت وبالكوه كتبته
نت بلكوه يفتح يمي 4620 كلمه مامقصره بحقكم
داده ♡

حســـــابي الانـــــستا قـــــلبي 🦋🔥