رواية دجن الضليع الفصل الثاني والعشرون 22 - بقلم رهف علي

نبدأ بذكر الله ﷽💛✨

أشهبيني التصويت 🤭..

#دجن_الضليع
#بقلمي_رهف_علي

المُشـــــكلَة جـــــرح الگلـــــب مالـــــة مَـــــچان تـــــشدَة ...

_______♤_______

سيلينا : بقيت ارمش بعيوني وانا اعاين
ع الكلام المكتوب اريد استوعب الكلمات بس احس عجزت شنو هاااي ؟؟؟! معقوووله
شنو اعترفلج شنو احبج لا والنوب احبج حيل

هلاوووو هذا شبي يمكن مصخن لو مانايم زين
لو مثل حظي يحب من طرف واحد
هو اكيد مثل حظي عزززززه يحبني وانا ما احبه
مثل ما احب دابر وهو ما يحبني اهههو هاي شلون شغله

الأفضل حتى ما اعيشه ب امل لو كذبه
خاف يصير مثل حالتي خلي احظره احسن
لان بده يزعجني برسائله
لزمت وحظرته بعدها شمرت الجهاز
بقيت اتقلب بمكاني
اريد انام ما اكدر

احس تأنيب الضمير بدا عندي
شلون حاله هاي بس الأحسن احظره اي الأحسن..

بس هو ما كف مني صار يوميه يدز
رسائل ومسجات غراميه بما ان انا حاظرته
من الرقم ف تتطلع الرسائل بالشريط
وحتى المكالمات تتطلع بس هو محظور يمي
ويمه يطلع مشغول مايعرف انا حاظرته

مره افتح الكه دازلي مسج
عن الاشتياق ومره الكه دازلي مسج عن الحب
وانا باقيه بحيره منو هذا لان مستحيل
يكون هذا الشخص
قريب بس المشكله محد يعرف رقمي
وانا ما انطيته ل اي واحد

بقيت ع مراجعه الدكتور ونفس الشي
ما حسيت ب اي إختلاف انا انا نفس رجفه الايد
ونفس الافكارر ونفس الاكتئاب والتفكير المستمر بنفس
الشخص لهذا ما جاي استلم اي شي وابقى انا انا ..

بقى هل حاله شهرين كاملين وهو بس يدز رسائل
غراميه وحب واشتياق وانا حاظرته
بخلال هاي الفتره اذا التقيت ب دابر ما اخلي عيني بعينه احاول أعود نفسي هذا الإنسان مو اليه
حتى اوعى ع واقعي واستسلم

هو صرت احس بي ينافخ لو يضوج من اتجاهلة
ومرات يغثني بتصرفاته
يخليني اشيل روحي والزنا بالكاع
بس اردها اله ب تطنيشني ويا
وهو مايحس بشي ماعنده اي احساس هذا البشر غير بس يغث

بمره جنت يم الدكتور وكالعاده هو ويانه
كاعد كدامي وانا منزله راسي
ماما وبابا جاي يحجون ويه الدكتور
جوه وانا ويا برى
اسمعه كل شوي ينفخ بملل
رفعت راسي وعاينت لكيت عيونه عليه
رجعت نزلت راسي ماعرف ليش رجفت من شفته يعاين عليه هزيت راسي وانا انفض أفكاري يمكن
صدفه لهذا ردت اتأكد مره ثانيه
رفعت راسي وهم لكيته يعاين عليه بنظرات ماعرفت افسرهن شنو اصلاً
استغربت هو اصلاً ما يخلي عيونه عليه
شكو هسه ؟؟

نزلت راسي واسمعه يكول " استغفر الله "
يااا شبي هذا ؟ تركت ما خليت فكري بالموضوع
لان مابيه حيل اصلاً ومشغول فكري بغير اشياء
و اولهن هوَ ..

مرت الايام وعبرت الشهرين وهذا المعجب مستمر
يدز شوقه واعجابه إلى أن طخت عني
وكفت وصرخت ...

وووووولج غبيه ليش مافكرتي بيهااا من زمان ليش الا هسسسه
نزلت طااايره جانت الساعه قرب ال 12 وصلت الغرفه ماما وبابا و وكفت هسه شلون ادخل الها وهم نايمين بهذا الووووقت ؟؟؟؟

بقيت واكفه بالباب كل شوي اخطي خطوه بعدها ارجع
خطوتين للورى خايفه لا افتح الباب ويكعدون
او لا هم بعدهم مانايمين حيل خايفه
خليت راسي ع الباب حتى اسمع إذا اكو صوت لولا
اذا اكو انهزم واذا ماكو انتظر شوي وادخل
خليت راسي ع لباب بس ما سمعت اي صوت
معناها نايمين

بقيت واكفه دقيقتين افكر اخرها ماتحملت
تقربت خليت ايدي ع اليده مال الباب
وفتحتها وانا ادعي مايكعدون
عضيت شفتي من صار صوت مال الباب بقيت واكفه من ماحسيت ع احد كعد فتحته سريع ودفعته
حتى إذا صار صوت يصير سريع مو بطيء
دخلت ع أطراف اصابعي عاينت عليهم نايمين
الحمد الله
رفعت جهازي ع الضوه الخفيف ادور ع جهاز بابا
إلى أن لكيته يم راسه
رحت ع أطراف اصابعي أخذته وتسحبت
من الغرفه وطلعت سديت الباب ورايه
ورحت ركض للمطبخ

بس شنو احس جسمي كله يرجف عبالك مسويه
جريمه مو ماخذه جهاز
فتحت جهاز بابا وصرت ادور ع رقم الي جاي يتصل عليه دخت ومالكيت بس بعدين كلت خلي اكتب الرقم بجهاز بابا واكيد اذا موجود راح يطلع الاسم
وساعتها اعرف منو هذا الي جاي يدزلي رسائل
حب وغرام
اول ما كتب الرقم بعدني بالنص وطلع الاسم المكتوب
ع الرقم... بقيت صافنه اريد اصدك منو هذا معقوله...

_ دابـــــــــــــــر !!!!

فتحت عيوني ع وسعهن شنووووووو !!!
هذا دابر دابر يعني هذا دابررررر معقوله
لااا ياربي معقوله يعني هذا هو نفسه
الي جاي يراسل ويدز سوالف حب وغرام !!!!!!

احس الهسه ما مستوعبه الي جاي اعاين عليه
كدامي كعدت ع الكرسي وانا
احس دكات كلبي يدكن بصوره سريعه
صخنت واذاني صارت بيهن وشه
قويه صدعت ماعرف شنو الي صار بيه
خليت راسي ع الميز والجهاز كدامي اعاين ع الرقم
ايدي صارت ترجف
مامصدكه يعني دابر يحبني !!!

غمضت عيوني ورفعت راسي خلي اكمل الرقم واكتبه كامل يمكن اكو تشابه بينه وبين الرقم
صدك كملته وبقى نفسه دابر
يعني هسه هذا هو

الضحكه شكد حلكي من اذن للاذن الثانيه
وكفت بطفره وانا اكمز حضنت الجهاز الصدري
وانا اضحك وصوتي واضح
يحبني يحبني ياربي
بعدها وعيت ع نفسي عزززززا هسه اهلي يكعدون ع صوتي ردت اصعد بس جهاز بابا بيدي
عفته ع الدرج وصعدت اركض
الكاع ما لامتني من الفرحه
دخلت الغرفتي وسديت الباب
ركضت شلت المخده وخليتها ع وجهي وصرخت بصوت عالي من فرحتي

اليل كله ما نمته حاطه رسائل مالته كدام
عيوني واعاين عليهن كل شوي عيوني تروح ع كلمه
احبج لا فوكاها يكول اعترفلج بويه انا احبج حيل
هلووووو يعني هذا من شوكت يحبني
وانا ماعرف اوووف ربي الحمد الله المهم
هو طلع يحبني مو بس انا احبه

اقرا برسالته مم كاتب الي ..

فلتـــــهربي ماشـــــئتِ عن عـــــيني،
فانـــــك في الضـــــلوع تسافريـــــن.

معناها هاي دزها الي من صرت اتجاهله
وما انطي وجه من جنه يم الدكتور وينافخ
ويستغفر ومن بطلت مادزيت اله اي
شي بعد الاعتراف
طلع الرجال مشعول شعل وانا اخر من يعلم
اووف

ثاني يوم طلعت السمش وانا ما نايمه
نزلت جوه بس اضحك ومتونسه
حتى اهلي استغربوا مني
حاولوا يسألون من شكلهم بس تراجعوا
يخافون تنتكس حالتي بس صاروا يضحكون وياي

صرت مثل النسمه اطير هنا وهنا
الى ان كعدت بعد هاي الفرحه الي فرحتها
وقررت اتعامل ويا واعاين شنو راح يسوي

العصر طلعت رحت للمكتبه جانوا يبيعون
كتاب اشعار غزل وحب اشتريته ورجعت للبيت
وانا اليوم ناويه عليه
الكتاب قبل لا ادخل للبيت دحسته بصدري
حتى اهلي ما يشوفوا واشتريت اقلام حتى اضيع السالفه
صعدت للغرفه طلعته وسحبت جهازي ..

اول شغله سويتها رفعت الحظر عنه
وانا اضحك الطوبه صارت بملعبي هسه
اكدر اسوي اي شي
رحت ع الرقم مالته و ع الرسائل
غيرت اسمه وسجلت ع اسمه ( مُـــــلاذ عيـــــوني )

بعدين صرت ادور بالاشعار حتى ادز اله وحده
وارجعها الها مز بس هو يدز وعباله ما اعرفه
خلي هسه اكيد ينصدم بالحالتين انا المستفاده والرابحه بهاي السالفه
فتحت الكتاب وادور دخت إلى أن صفيت ع وحده
غزليه بس الغزل مو فاضح يعني هيج بس شكم شغله يتغزل بيها الشاعر وعجبتني
كتبتها سريع ودزيتها اله

كعدت انتظر الرد مالته مرت كم ساعه وماكو
يمكن جاي يشتغل او مشغول
مر اليوم وانا متلهفة اريد اعرف شنو يرد
وشنو يكول من يعاين رسالتي
صار اليل وهو ماكو

الا ان سمعت صوت نغمه الجهاز
كمزت كمزززه نمت نيوم بيها حتى اوصل
الجهازي من الحماس رفعت الجهاز لكيت رقمه
عززززه جاااي يتصل عليه شسسسوي هسسه
يبووو بقيت مخبوصه وما اعرف شنو اسوي
افتح خط لو ما افتح
زين خلي افتح خط واشوف شنو يصير قابل
راخ يضربني لو خايفه منه عشتو

ردت افتح بس الاتصال خلص
بقيت كاعده وضاربه البوز
لان ما لحكت ثواني و وصلت رساله
فتحتها وفتحت حلكي عليها...

دابر : افتـــــح الخـــــط لا اجـــــي اكـــــسر راســـــج

شهكت بصوت عالي خليت ايدي ع حلكي وانا اعاين
ياااا هذا شبي شنو اكسر راسج شبي هذا هو شعرفه انا اعرفه هو منو شلون يحجي هيج
بعدين شقصده من هذا كلامه ؟؟؟

اشو ما افتح خط وخلي اشوف شنو
يسوي ثواني بعد الرساله و اتصل خليت رجل ع رجل وانا اعاين ع رقمه بس شنو احس دكات كلبي
صارت دمام كلش متحمسه افتح الخط واشوف
شنو يكول بس رسالته ماعرف شلونها
مال واحد يعرف بش خلي يموت بغيضه

خلص الاتصال ورجع هم دز رساله فتحتها اول ماقريت الكلمات وكفت ع طولي من الصدمه

دابر : اقســـــم بالله اذا مـــــا فتحـــــتي الخـــــط اجـــــي البيـــــتكم
واشـــــوفج شـــــلون العـــــناد يصيـــــر

بقيت افتر بالغرفه وأكل ب اظافري يبووو
اول ماا رجع اتصل سحبت نفس ترست بي ريتي
بعدين ضغطت وفتحت الخط خليته ع
اذني اسمعه شنو يكول ما حسيت الا صوته
العالي اليرعد صار بترس اذني يصيح ويغلط ..

اردف بصوت عالي بحه قويه ..

دابر : لج اذا اجي اكسرررر راسج هسسه اكو احد يكول ليششش ، هااا ادبسسزز شلون تراسلييين
شخص ماتعرررفينه وترديييين عليييييه شششلووووون

سيلينا : انا بقيت ابلع بريكي من الصوت العالي
هذا شبي هيج خلسني بصوته اكو واحد هيج يسوي
خرب ام المشاعر استغفر الله،  سحبت نفس وانا كلني ارجف ورديت عليه احاول اخفي رجفه صوتي

تـــــرى انـــــا اعـــــرفك انـــــتَ منـــــو ..

حسيت صار هدوووء وبس صوت انفاسه
الي يسحبه بقوه واضح ، رد عليه ورى ثواني

دابر : شلون ؟

سيلينا : ابتسمت الواضح هو محترك وغيران واصلاً فكر بتفكير حيل بعيد عباله احجي ويه ولد استغفر الله
مو هيج رديت عليه وانا متوتره وجسمي يرجف ...

ترى سهلة من دكيت رقمك بجهاز بابا وطلع اسمك ..
اردفت وانا ازفر انفاسي بهدوء ..

تحمحم وبعدها اردف بسؤال

دابر : جا انتِ شلون خطرت ع بالج حتى ادكين
رقمي بجهاز ابوج حتى تعرفين انا اولا

سيلينا : همست ، مجرد احساس وما متأكده منه
خاصه احساسي جان ضعيف لان اعرف برقمك القديم ماتوقعت هذا رقمك الجديد

دابر : أي بويه هذا رقمي الجديد ذاك تركته

سيلينا : همهمت بهدوء وسكتت احس حتى خجلانه من الحياطين وماكو اي كلمه اكدر اكولها
اله كل المواضيع طار وكل الاسئله نهزمت من بالي
وانا جنت مجهزه اله الف سؤال و سؤال براسي
بس من حجيت ويا راحن ..

اردف بهمس وهو يسمع صوت انفاسها العالي ..

دابر : أنفاسج عااليه..

سيلينا : ارتبكت ، هاا

ظهرت قهقهة طفيفيه من ثغره بعدها اردف ..

دابر : اخـــــخ بـــــويه صـــــغيره ولعـــــبت بـــــحالي شـــــوي شـــــوي ع كـــــلبي يابـــــنت الـــــناس

سيلينا : فتحت عيوني ع وسعهن من التوتر والخجل سديت الجهاز بوجهة وشمرت الجهاز جوه المخده
رفعت اديه ع وجهي مصخن ونااااار
احس كلبي يريد يطلع من مكانه صدك احس بشعور اور مره احس بي بس حييييل حلوووو

رجعت سمعت صوت الجهاز يتصل رفعت المخده
عاينت هو جاي يتصل
شربت ماي سريع وقبل لا يخلص الاتصال
فتحت الخط
اسمعه يدندن ب اغنيته الي غناها الي اول مره من رحت للارياف

( حلوه تخبز ع التنور صادت كلبي صيده طيور )

بقيت خجلانه منه وما اعرف شنو ارد
بعدها اردف بجمود وكأن شاد اعاصبه

دابر : ماتعرفين شصار بيه من وصلتني رساله
منج تفكيري راح البعيد

سيلينا : همست اله ، مو كلت الك دكيت رقمك بجهاز بابا وطلع اسمك يعني لاتفكر ب اي شي
ماكو من الي بالك ..

بعدني جاي احجي وما حسيت الا صوت ورايه
لتفتت لكيتها اختي فرح جمدت بمكاني
سألتني وهي تعاين عليه بصدمه ..

فرح : سيليييينا تحجين ويه ولد !!!!!!!!!

سيلينا : سديت الخط سريع وانا ارجف اعرفها تروح تخلي هذا الكلام بحلك بابا ومعناها اروح بيها
شكد حجيت وياها حتى تسكت بس ماكو اذن من طين وأذن من عجين عافتني وراحت وهي تتوعد الي
هزيت راسي ب اسف وانا خايفه حتى الجهاز ما عاينت عليه مره ثانيه دخلت بفراشي وانا ارجف
حتى ايدي رجعت ترجف من جديد

لثاني يوم وانا متوتره منهاا كاعدين سوا
جان تنط فرح من مكانها وكالت البابا ..

فرح : بابا ترى سيلينا جانت تحاجي ولد وهذا الولد يمكن دابر لان سمعتها دكول اله اخذت رقمك من بابا

سيلينا : فتحت عيوني بصدمه هاي سوتها الغبيه
وخلتني بحلك بابا
اعاين ع ماما حتى تنقذني لان هو صار طكني بخزره
خلاني ارجف بمكان
بابا بعمره ما ضاربني ولا بيوم مد ايده ع وحده منه
لان ع طول يحبنه ويحترمنا ويخاف يأذينه
لهذا جنت مطمنه من هاي الناحيه بس خفت من خزرني
عاد ماما لزكت السالفه من يمه وكالت
علمود اخت دابر اتصلت لان نريد منها شغلات
بخصوص الملابس تخيطهن النا
بابا سكت بوقتها لان مااما حاجته وهي كدامه
وانا التوتر والخوف يقرأ ألف
لو انا وفرح بغرفه وحده جان عرفت شسوي بيها
الخبيثه راحت حركت عليه يم ابويه
شكد فتانه

انا اعرفها من هي وصغيره تخبث وحيل حقوده
بس مو انُ توصل بيها تخرب عليه يم ابويه
هزيت راسي وكمت وانا جسمي يرجف
وعيون بابا عليه ساكت ما حجه اي كلمه

العصر ماما راحت للسوك تجيب كم شغله
وكالت انتن اخبزن احنه نعرف وعادي عدنا
يعني مو فد مشكله
كمت عجنت وانتظرت العجين يختمر حتى اخبز
كل هذا الوقت وانا بالي يم بابا
خايفه منه لا يجي يقررني وساعتها
اخرط الأول والتالي اله لان أنا من النوع الي
ما اضم شي واحجي الحقيقه
يعني لو سألني اكول اله كذا وكذا
وساعتها يصير كتلي عمل شعبي ..

عاينت ع العجين اختمر عاد كعدت اشنكَ بي
وانا فكري يم بابا ويم الاتصال الي
صار بيني وبين دابر حتى ما خلوني اتهنى
بي وافرح ابتسمت بمجرد ما اجه ع بالي

ثواني وماحســـــيت الا انســـــحبت من شعـــــري بـــــقوه
شـــــهكتةبصـــــوت عـــــالي مـــــتألمه وانـــــا اعايـــــن
ع الي ســـــحبني انـــــفزعت مـــــن عاينتـــــه بـــــابـــــا !!!!!!

_______♡________

دهليز : كاعده انا وماما نرتب بالمطبخ
ودخلت كيناز للبيت بس وجهاا ماعرف شلونه
حتى خفت عليها اتوقعت متعاركه
هي و اديب لو صاير شي وياها
سألتها ..

كيناز شبيج ؟؟؟

هي ابتسمت بهدوء وهزت راسها بمعنى ماكو
شي وسلمت علينا بس نظراتها كل شوي
عليه  بس الي زاد استغرابي تصرفها وهاي اول مره تسوي وكدامي انا !

كيناز : اردفت بهدوء ، ماما اريدج بموضوع

ام عمر : خير يمه شنو صاير

كيناز : لا ماما بس دا اخذ رأيج بشي

ام عمر : فهمت عليها و كامت تمشي للغرفه
وكيناز تتبعها

دهليز :  يااا ليش ماتحجن كدامي شبيه انا يولي كينااازه

لتفتت عليه ادحك بعيونها بقهر وبعدها ابتسمت
اردفت " راجعتلج "
عافني ومشن للغرفه نوب دخلن وسدن الباب وراهن
انا بقيت الوب بمكاني اريد اعرف شنو الي صاير
وليش هذت الارتباك كله

طبعا بابا واخواني مو هنا برى البيت
يعني بس انا وماما وكيناز بالبيت
بس زوجه عمر فوك بغرفتها تعزل

انا صابني الفضول الكلاص بيدي ماتركتوا نسيتو بيدي
من فضولي وتمشيت ع روس اصابعي
لعند الغرفه تا اسمع شنو يكولن
وصلت عند الباب وماهجست الا ضربه ايد ماما ع صدرها اعرف هذا الصوت سامعتوا هواي ف عرفت
هي ضربت صدرها بفزع معناها الموضوع جايد
وقوي تا امي تتصرف هيج

ماعرف ليش خفت لا الموضوع يخصني
هينا ساعتها اموت لو صاير شي اقوه من الي
صاير وياي
خليت راسي ع الباب وانا اسمع

وهناااااااك جان يجي اسمي واسم اللهيم وبشار
والاصعب من هيج كلامها بحق اللهيم
رجف جسمي وصرت اختض من الصدمه
ايدي ما سيطرت عليها وكع الكلاص مني
وصار صوت قوي ونكسر
انا بقيت جامده بمكاني من الصدمه
ماهجست الا انفتح الباب مال غرفه ماما وطلعن
اثنينهن ماما وكيناز وجهن مخطوف وخايفات لا سمعت كلامهن
هن من دحكن شكلي عرفني انا عرفت بيهن وسمعت
كلامهن

جسمي يرجف وما اسيطر عليه هن لزمني من الجهتين
وسحبني كعدني ماما صاحت ع كيناز تجيب ماي اطشه بوجهي الواضح وجهي تغير وخافن عليه
لا يصير بيه شي وفعلا صار ..

كيناز : ادحك ع اختي وجها انقلب وصارت تخوف
عيونها نرفعوا فوك وجسمها صار يختض بصوره
غريبه انا وماما نروح منا ونرجع منا واحنه نتصارخ ونبجي عليها كلنا اكيد هساع ماتت
عبن صارت بموقف صعب وهي حتى ما تحجي اي شي وترد علينا لزمناها وماما ادك وتلطم
تمسح بوجها وترجع اطش ماي عليها تاتوعى ع نفسها
بس ماااااكو حتى النفس صار ضعيف وبالكوه
تتنفس كعدت وسحبتها من حضن ماما
وصرت اشهك بالبجي واقرا فوك راسها تاتصحى
ورى وين يلا هدأت ورجع جسمها طبيعي
وجها سريع ذبل بلحظتها غمضت عيونها وكأن روحها راحت

عبالنا فقدناها وماتت حتى بجي بيجنا انتهينا
عليها بس من خليت ايدي ع رقبتها بيها نبض
يعني بعدها عايشه الحمد الله معناها غمضت لان هساع يلا ارتاحت كعدنا اانا وماما منتهين وحده ادحك بعيون الثانيه ونبجي ع حال دهليز

اخخ يادهليز شنو هذا الحب الي تحبينوا لل اللهيم تا يصير بيج هيج بس من سمعت بهذا الخبر
عجل لو صار صدك شنهو الي راح يصير
ياربي استرناا بسترك لولو اكيد تنتهي ...

مرت نص ساعه واحنه كاعدين كدامها واندحك بيها
ها اتحركت ها تنفست ها ماعرف شنو
الى ان صارت تفتح عيونها بهدوء
فزينا انا وماما وحتى غاده نزلت من سمعت بصوتنا وهي هم خطيه انخبصت ويانا
التمينا عليها اندحك بيها
اول ما دحكت بوجهنا جانت هادئه بس
عيونها تتحرك هنا وهنا
كأنها تريد تتأكد هذول احنه او كأنها تريد تتاكد
هي بيناتنا

دهليز : فتحت عيوني وانا اهجس جسمي دايسه عليه لوري ومكسرته تكسر مابيه احرك ايدي
ادحك ماما بوجهي تمسح وتبجي
درت عيوني كيناز وغاده يبجن بهدوء ويدحكن بيه
انا عيوني هينا وهين ادحك اريد استوعب الي صار
من هجست الموضوع صار حقيقي
نزلت دموعي وشهكت بالبجي
هن فوك راسي يسكتن بيه بس انا وين وهن وين ؟؟

ورى فتره كعدت بخمول همست بسؤال لكيناز ..

صحيح الي سمعتوا ؟؟ احجي لا ادحكين بيه هيج كيناز امانه كولي كل الي صار تا اعرف راسي من رجليه
انا هساااع ميته تدرين شنو يعني ميته

كيناز : مسحت دموعي وبالكوه حجيت الها كل الي صار بين اللهيم واهلوا واخر شي ختمتها من كال
خليها تتزوج شهرين وتفك النهوه بعدها تتطلك ونتزوج انا وياها . هو انا حجيت هيج لو تخبلت..

دهليز : هي تحجي وانا اسمع الها بس كل كلمه اهجس
سجينه تنبت بنص كلبي الالم الي هجستوا ما اتمنى لعدوي عبن يأذي كلش يأذي

رفعت اديه اثنينهن وضربت صدري بقوه صرخت بصوت عالي وانا اضرب ع كلبي بقوه واصرخ اريدوا يتوقف ما اريدو يدك ما اريدوووو
ولك اوكف وخلصصصني انتههههيت انااا انتههههيت
حاولوا يبعدون ايده ع صدري وانا ما اكدر اهجس
اريد اموت وارتاح سحبتني ماما لحضنها وضحنتني بقوه وصارت تبجي وياي وهي تمسح ع شعري

دحكككي ماما دحكي شلون هيج يعذبوني
فهميني انا لعبه عندهم هاا هساع اذا متت راح يستفادون شي ؟ ليش هيج يدمرون حياتي
والله انا بشر واذيتي الله يردهن اضعافهن الهم
انا شنو الي سويتوا بحياتي تا اتأذى هيج
مشكلتي حبيت من كل كلبي
وخسرت هواي اشياء واولهن مستقبلي
بس كل هذا يروح فدوا الو احبو وما ردت غيروا
ليش تجبروني اتزوج شخص ما اطيقوا
شلون اكضي هاي الشهرين ويا فهميني
والله ما اكدر انا ماريد غير اللهيم
رفعت راسي وبعدت من حضنها هن مستمرات يبجن
رفعت ادين ماما وبستهن وانا اتوسل بيها

الله عليج ماما والله ما اكدر اخذ غيروا
والله انجن واموت ترضين اناا اموت
يهون عليج ادفنيني جوه التراب وانا بعدني صغيره
واخاف من خيالي عجل اانا ولا مره سمعتوا حسي ولا مره طلبت منكم شي بس هساع جاي اطلب منكم
اللهيم وبس فدوه الج ماما كولي الهم يبتعدون عنا

صدكيني غيروا ما احب لو فرشلي الارض ورد
لو جابلي نجمه من الفضاء هم ما احبوا ..

ادحك ماما بس تبجي وماترد عليه لتفتت لكيناز
رحت زحفت يمها لزمت اديها
وانا ادحك بعيوني الي ماكدر اركز بيهن
من الدموع ..

الله يخليج كيناز كولي الو لا يتخلى عني
لا يطاوعهم وينفذ الي يكولوا هساع مو احنه
صبرنا سنتين خلينا نصبر اكثر والله مستعده
اصبر دهر كامل واحصلوا لا يتركني بنص الطريق
ويخليني اتزوجووووو

هم ماردت وكفت ع طولي وانا ابجي ، ولكم فهمووووني تردون انهززززم وانززززل راسكم
تردوني انتحررررر واخسر آخرتي ودنيتي وانزل راااسكم
فهموني ترى جززززعت مليييييت ادمررررت
وكلو بسببه بسبب بشاااار

كعدت ع الارض وانا ابجي تعبت هواي
رفعت راسي من سمعت كلامها وهينا انقطع اخر امل الي. .

كيناز : مايريد يبقى هنا من تتزوجين كال اطلع من العراق كله وبس تتطلك ارد الها واعقد عليها بنفس اليوم الي ارد بي

دهليز : هزيت راسي ب اسف تركتهم وصعدت فوك
هاهي يعني اللهيم تركني البشااار !!! شنو يضمن زواجنا يكون ع الورق شنووو

مرت الايام واهلي يقنعون بيه لان بقت بس موافقتي وانا معانده ما اقبل ولا حتى كلمه وحده انطق تاركتهم يجون يحاولون ويحجون وياي هواي بعدها
يعوفوني ويطلعون من الغرفه يملون

اللهيم ما تواصلت ويااا ابد ابد ابد زعلانه منه
ومكسور خاطري بسببه شلون هيج ياذيني بكلامه
شلون هنت عليه شلون هان عليه حبنا
ونطقها وكال خليها تتزوج شلوووون يتحمل

كاعده وصافنه بالفراغ وكالعاده الباب انفتح
ورجع نسد ما اهتميت ابد
وبالي اصلاً مو يمه منطيه ظهري للباب وعيوني ع الحايط صافنه بالفراغ
وحالتي حاله

ماسمعت حس احد بالغرفه توقعت بس دحكوا عليه يطمنون خاف اسوي بنفسي شي وبعدها يطلعون
طبعا بابا واخواني اسمعهم من جوا يتصايحون
وانا ما اهتم

من انام اهجس ب ادين بابا ع شعري اعرفوا من
عطروا واضح عليه شكد مهموم وشكد تعذب بسببي
هي قبل كيناز اخذت من حيلوا وهساع اانا اخذت كل حيلو ماعرف وين تصفى ولا وين تتوقف

هجست بخطوات ورايه معناها ماطلعوا
بس هم ما اهتميت
قشعر جسمي من اشتميت العطر نملن عيوني دموع
وانا اعرف صاحب هذا العطر منو
ذبذبات سمعيه ملت مسامعي بنغمات
سلسله وعذبه
اي هاي النغمه الي احبه انا هي هاي
حراره أنفاس قرب نحري
دغدغت مسام بشرتي

اللهيم : نـــــسمة روحـــــي ..

دهليز : شهكت وكأن غريق واستنشق الهوى من بعد صراع هو والماي لتفتت وانا ارجف من الهفة
والشوق وكعت عيوني ع اكثر انسان حبيتوا
بكل حياتي
دحكت عليه وهين أطلقت العنان لدموعي
المسجون بجوف عيوني ..

تقرب مني وهو عيونه ذبلانه والسواد القاتم بمحور
عيونو ماعاملين الا زياده جمال الخلوتي الزرقاء
نزلت دموعي وانا ادحك بي ..

اردف بتعب وهو يدحك بعيوني وحسرتو تهد جبال ..

اللهيم :
كـــــون ابـــــوس عيـــــونج وامســـــح تعبهـــــن
كـــــون تحـــــل عليـــــه اليـــــله واخـــــذ حقـــــي منهـــــن

دهليز : اول ما همس وعيونو بعيوني ما تحملت
طكيت بالبجي وهو يجر حسرات وانا كدامو
وهو كدامي مامصدكه هو هساع يمي وبغرفتي
اردفت من بين دموعي ..

_ ليش هيج ترى انتَ وعدتني ما تتخلى عني ليش هيج
دكول معقوله هنت عليك بهل سهوله

سحب نفس وعيونه نملت دموع بالكوه مسيطر ع نفسه

_ صدكيني بويه حاولت وما مستعد اخسرج اكثر من هيج انا كلش تعبت وروحي بيج وكلش تعبتج وياي
لو علي ابقى العمر كله انتظرج ولا امل تعرفين

شنو يعني انتِ نسمه روحي ؟؟؟
احنه من دون الهوى مانكدر نعيش وانتِ هذا الهوى الي عايش بي انا صدكيني من دون نسمه الهوى انا اموت
لهذا السبب انا من أطلقت عليج لقب
نسمه روحي ما جبته عبث لا بويه انتِ بكل مكان ادورين من يمي وين ما اروح انتِ وياي وانا عايش بيج انتِ وبس بدونج انا اموووت تفهمين شنو معنى هذا الكلام لو لا اللهيم بدون دهليز مايكون..

دهليز : ب...بس

اللهيم : رفع ايده حطها كدام شفايفها بدون ما يلمسهن
اردف بحزن وعيونه بعيونها ..

بس شهرين وتصيرين ب اسمي خلي نعدي هل
شهرين ونخلي غصب عن أهله يفك النهوه
ساعتها تصيرين الي الوحدي وشحده الي يتقرب منج
تصيرين ب اسمي انا وبس

دهليز : هزيت راسي بفزع ، لا لا مستحيل منو يكول ما يصير خبيث وبعدها مايقبل يطلكني هااا فهمتي

اللهيم : غمض عيونه ورجع فتحهن ، وانتِ تعتقدين ما نخلي شروط للزواج لا بويه نخلي شروط
وغصب عن أهله يطلك واذا ما طلك
اجرجره وين مايروح ورى الا ان اطيح حظه وأخذج منه

دهليز : بجيت بصوت عالي ، شلون تقبلها اكون ب اسم غيرك وانتَ جاي بنفسك تقنعني تا اتزوج غيرك هااااي شلون اللهييييييم

اللهيم : رفع ايده وحطها ع كلبه اردف وهو تنزل دمعه من عينه ..
هنااا بويه هنااا يدكن بالكلب يوجعن واكول تعدي
هنا يدكن كل دكه تاخذ مني عمر واطيح مني صحه وعافيه هناا بويه شايفه مريض شلون ويتألم وماله علاج انا اقوه منه شايفه جرح بدون نزف هذا انا
شايفه طعنات الخنجر بالظهر وبكل مكان بالجسم
هذا انا اقوه منه

كل ألم الي بالعالم مايكدر يوصف الالم الي جاي
اعيشه حاليآ ماكو ألم يفوق عن المي انا
ولج بويه هضيمه حبيبتي بيدي ازفها الغيري
شكبرها هاي الكلمه وشكد صعبه عندي  ...

دهليز : نزلت راسي وانا ابجي وهو يبجي
اول مره ادحك اللهيم ضعيف رفعت راسي وانا ارد اله ..

لاتبجي دموعك يغسلني انتَ نقطه قوتي وضعفي لهيمي..

اللهيم : من عمري ع عمرج حبيبي روحي ..

سكتنا وسأد الصمت بينا دقايق بعدها اردف .

اللهيم : جا نخطي هل خطوه ؟

دهليز : خايفه ما ارد

اللهيم : نرد وداعه عيونج

دهليز : شهرين بس ؟

اللهيم : وعد شهرين

دهليز : ..و.. واذا ح..اول يتقرب...

اللهيم : تقرب منها بسرعه وحط ايده ع شفتها
ضغط بقوه وهو يمنعها تكمل اردف بقوه وعيونه
تعاين عليها بقوه ، اشششش لاتحجين هيج اششش

كلامج هذا يزرف كلبي ما اتحمله ابوي انتِ

دهليز : : غمضت عيوني وانا اريد ابقى هنا وما اكعد طول حياتي فتحت عيوني واردفت ، ريت العمر يوكف هنا وما يتحرك تا اشبع منك شوف وابقى ادحك بعيونك لاخر نفس بيه ..

اللهيم : ميل راسه بهدوء ونظراته الحزينه تجاها
اردف وهو انفاسه علت

_ندخل بالحرام بس اليوم ؟ ..

هزيت راسي بقبول بدون ما اعرف شنو يريد اصلاً
اهجس كل الحرام ويا حلال عبن اعرف
اللهيم ما يسوي شي يغضب ربي
ثواني وما حسيت الا سحب ايدي بقوه
واحتضني بداخل صدره بقوه
انا كأن لكيت بر الأمان بحضنو
شهكت بقوه وبجيت وانا ادفن راسي بصدروا
بجيت بجي ماصاير اهجس هذا الحضن ماراح
احضنوا واختل بسدو مره ثانيه
خايفه كلش خايفه
هو حاضني بقوه وكأن يريد يدخلني بصدرو
روحي فرفحت عليه وهو اهجس انتهى وانا انتهيت
اثنينا انتهينا من البجي

نزل راسو وهمس ب اذني ..

اللهيم : راح نتلاكه سوا بيوم مذكور النا وراح نكون اسم ب اسم يلم حضنا وراح نجمع حبي وحبج
بصغيروني منج اتذكري هذا الشي دهليزي

دهليز : باسني من راسي وتركني وراح وأنا فحطتت من البجي وعيوني اهجسهم انتهوا
تركني وراح من بعد ما اخذ موافقتي ع هذا الزواج
المشؤؤم تركني وراح وانا راح اكون ب اسم غيروا
ع يوم بي امل نلتقي سوا بيومنا المذكور ..

مرت الايام واهلي انطوا خبر الموافقه ل بيت عمي
وهم نخبصوا راح يصير الزواج
ويتم العرس خاصه بشار الي
اهجسوا مو بس كسر خشمي لا هو كسر كل عظمه بجسمي وكسر كلبي كسر مايتصلح الا بلهيمي ..

كاعده وانا اسمع الشيخ يقرأ
"هل تقبلين اذا قبلتي قولي نعم "
نزلت دموعي وانا ادعي من الله يكون هذا حلم مو حقيقه بس للاسف حقيقه وهاي انا هساع
دايكتبون كتابي ع غير الشخص الي احبو
عاد اكثر من مره وانا ساكته الا ان سمعتوا كال
" البنت مغصوبه اذا مغصوبه انا ما أعقد " ردت اصرخ واكول الو اي مغصوبه وغصبوني الغير حبيبي
بس فجأه خيم عليه الحزن من ضغطوا عليه من كال الجهات وجبروني اتسجل ب اسم غيرو ..

ونطـــــقـــــت .. نـــــعـــــم ..

الكلمـــــه الي نهـــــت حياتي وانا بنـــــيه صغـــــيره ..

اللـــــهيـــــم يـــــكـــــول ...
" حـــــرام يـــــحـــــل شـــــعرها المـــــا تعـــــب بيـــــها "

________♡_______

ريفـــــان :-

- أنا لســـــت بخيـــــر، هناك ضيق بصـــــدري ، ودمـــــع يقف على أطـــــراف عيـــــني حتى قلبـــــي يـــــؤلمني جـــــدًا ، ووقفـــــتُ وحـــــدي في أيـــــامٍ لا يتـــــجاوزها المـــــرء بمفـــــرده.

الذكريات حلوه مره تحسسك بالحب ومره
تحسسك بالخيبه والألم
تفكيري وبالي يسافر لأماكن هو مشتاق الها و بأمس
الحاجه الها حتى يعيـــــش
ويصمد أمام الكثير من الأشياء الصعبه والمستحيل
الانسان يتخطاها لهذا السبب عقلي
كل شوي يسافر المكان انا اريده واحب اكون متواجده بي

ذكرياتي الحلوه وانا اعيدها من جديد..

_ أريد اســـــوي شي

ابتسمت وانا اعاين بعيونه بخجل واردفت ..

_ شـــــنو ؟؟

عض شفته وعيونه داخل عيوني بهيام همس ..

_ أعـــــض خـــــدودج

اعتلت قهقهة ع ثغري سلكت مسامعه ع شكل نغمات موسيقيه ميل راسه بهدوء للطرف الثاني
رادف ..

_ ها اعـــــض ؟

سأل ونظراته الحلوه تجاه عيوني هزيت راسي بنفسي وانا اضحك بفرحه عارمه ..

_ لأ

قلص عيونه وهو يسحب نفس من سكَارته دامت النظرات لوقت طويل إلى أن اردف ببحه خشنه
هادئه ..

_ أشـــــو تـــــعاي هـــــنا يمـــــي

طبطب بخفه بالمكان الي بصفه وكفت وانا خجلانه
منه بس شوقي ولهفتي اله اقوه احبه ورايده
قربه واحب عيونه تعاين عليه بهاي النظرات
تحسسني انا شي مهم بحياته
تمشيت بخطوات متثاقله إلى أن وصلت كدامه
رفع ايده وسحبني من ايدي وكعدني بصفه صرت تحت جناحه لتفتت اعاين بعيونه نفذ الدخان فوك ولتفتت الي ابتسمت ع شكله الحلو الي يجذبني بصوره غريبه ..

_ ها بـــــويه !

_ شنـــــو ؟ همست واحس انفاسي ثقلت بسبب قربه مني

_ ماناويتهـــــا بس انـــــا ناويهـــــا اريـــــد اجـــــرب طعمـــــها بيـــــن شـــــفافي

_ ابتلعت ريقي وانا احس بشفايفه صارت ع خدي
نبض كلبي بقسوه وكأن يريد يطلع من مكانه
انفاسه الحاره اقتحمت مسام وجهي
وتغلغلت بجوفي غمضت عيوني وانا احس ب قبله عميقه اقتحمت وجنتي
تلعثمت وردت ابتعد بس هو مسكه ايده اقوه
سحبني من خصري ب ايد وحده وايد الثانيه ماسك بيها سكَارته الملتهبة
حسيت ب اسنانه نبتت ب خدي وعضني بقسوه
غارس انيابه وكأن يريد يبصم ملكيته

انيت متألمه من قساوته بعد وجهة عن وجهي ومستمر بمسكه ايده حول خصري
ابتسم بطرف شفته وهو يرمي السكاره من ايده ويرفعها ع وجنتي ماسح ع اثر عضته
اردف بهمسات غامرها الحب والهيام ..

_ طعمها الذ واشهى من الأكلات الفاخره

ابتلعت ريقي ونزلت راسي بخجل مسكني من فكي ورفع راسي وعيونه داخل عيوني اردف بهدوء ..

_ عطـــــرج ، نظـــــراتج ، هـــــدوئج ، انفـــــاسج ، خـــــطواتج ، شـــــفايفج كلـــــهن يثيـــــرني الحـــــد الجنـــــون

علت انفاسي وانا خجلانه منه ضميت راسي
بصدره الدافي وانا اتهرب من نظراته وكلامه
المحرج همست بحجل وانا صوتي بالكوه يطلع

_ غهباغ كافي عفيه حباب

شد ع حضني وهو يستنشق عطري بقوه ويزفر انفاسه بقوه وكأن انا احلى شي بحياته

فزيت من ذاكرتي الحلوه ورجعت انغمست
بذاكره السيئه المؤلمه ..

فاطمه : ليش واكفه هنا شنو تسوين ؟؟

ريفان : هزيت راسي الها وهمست ، ماكو عمه بس جاي انظف

فاطمه : تقرب عليها وهي تخزرها رفعت ايدها وكرصتها بقوه من زندها وكأنها لسعه حيه
اردفت بقرف ، ابتعدي عن ابني لا أعرف شلون اطلعج من حياته كلها

ريفان : نملت عيوني بالدموع بسبب كرصتها وكلامها حاول ابعد ايدها عني لان اذتني بس هي اقوه مني
احس قلعت الحم من ايدي

فاطمه : انتَ من كل عقلج اخليج تتزوجين ابني ؟؟؟ حلم بليس بالجنه شايفه انا جبت لبتي تاج راسج
وزوجتها اله غصب عن الكل وهي هسه جنتي مو انتِ كلج خلك وحده نغـــ** وبنت ز** مايشرفني
اخليها ام احفادي وزوجه ابني الوحيد ..

ريفان : نزلت دموعي ، عفيه عمه عوفي ايدي اذيتيني
، احس كلامها خنجر ونبت بنص كلبي وسوا أشلاء

فاطمه : لج هاي اذيتي ماتجي ربع الي
اسويها بيج لو بس حاولتي تتقربين منه اشوفج شي
بعمرج ما شايفته

ريفان : هزيت راسي بقبول هي لوت ايدها والكرصه صارت توجه اكثر بعدها سحبت ايدها مني بنتر
حسيت الحم طار ويه ايدها من القوه
رفعت ايدي وخليتها ع زندي اخفي بي الالم وانا ابجي
ماحسيت الا اجتني ضربه قويه ع ظهري من يمها
شهكت بصوت عالي وانا التفت متالمه بقوه لكيتها لازمه العوده مال الطبخ بيدها يعني ضربتني بيها ع ظهري
حسيته انقسم قسمين
بقيت اكمز من الالم هي عافتني وطلعت
كعدت ع الكرسي واانا ابجي

جسمي ياذيني من الضرب
وكلبي يوجعني من الهم حرت اداوي اي واحد منهم
جسمي لو كلبي ؟؟؟

بله الضرب اتحمله بس جرح الكلب شلون يطيب ؟
من بعد وفاه ماما كل شي صار ضدي اضعااااف اضعااااف

رهبار ابد كا مقصر وياي بالعكس شنو اريد يجيبه الي وأمه تخلي يطمن من تعاملني بحنيه كدامه
تحسسه هي مامسويه بيه اي شي
وهو من يعاين هذا الوضع يطمن اكثر ويوصي بيه يمها يكول الها ..

رهبار : يمه ريفان اريدج تخليها بعيونج شايفه هاي ايلان اختي اريدج ازيد منها تعامليها ترى يتيمه ودمعتها تكسر الظهر لا تخليها تبجي لو تنزل دموعها صدكيني لو شفت دمعه من عيونها تنزل اهدم البيت فوك روسكم كل شي ولا ريفان هي خط أحمر عندي الي يأذيها معناها يأذيني ااناا

كلامه من يكوله الي احسه مثل البلسم يطيب جروحي
صح هو اذاني بزواجه بس جاي احاول اتأقلم و وفاه ماما اخذ من حيلي حيل
وقوه خلاني ما افكر هواي برهبار بس من يصيرون كدامي ترجعلي الذاكره وتخليني ابجي ليل نهار

هن من يشوفن كلامه هيج يضحكن ويكولن بعيونه لا توصي بس من يلتحق يلعبن بيه طوبه
ماكو شي يعتب عليهن اذا ما سونه
بيه واذا عارضت يتجمعن عليه ويضربني يخلني اليل كله اون من الالم ..

بيوم الي هو ماكو وابجي من وجع جسمي
الكه يتصل بيه ماعرف شلون يحس بس الي اعرفه بيني وبينه رابطه حيل قويه
بحيث من تأذيت من يمهن بيومها بليل جنت احاول انام بس ألم جسمي ما يخليني انام
بوقتها جهازي صار يرن
استغربت بس من شفت اسمه ع الشاشه احس روحي ردت الي

فتحت الخط وخليته ع اذني وانا اسمع اله ..

رهبار : رفـــــه كلـــــبي

ريفان : انا من يكول هيج لا ارادياً ابجي هو من سمعني ابجي انجن يريد يحاول يسكتني بطلعان الروح يلا سكتت وشكد حاول يخليني احجي بس ماكدر احجي اي شي خايفه لا تصير سالفه وآخرها توكع بيه
وراها بهواي من بعد هذا الكلام اردف ..

رهبار : بيـــــج شـــــي ابـــــوي انـــــتِ ؟ كـــــلبي جـــــاي يعـــــلمني رفـــــه كلبـــــه بيـــــها شـــــي

ريفان : سحبت نفس وانا اضم دموعي حتى ما يسمع ، اردفت بهمس ، مابيه شي

رهبار : لاتجذبين علي رفه !! شبي صوتج ليش هيج مخنوك

ريفان : ماتحملت وعلى صوتي حاولت أقنعه لان مشتاقه الماما وهو كال اول ما أنزل من الدوام
اخذج للنجف نروح نزورها
غلقت الجهاز وفعلاً اول ما رجع من الدوام
دخل للبيت بعد ما ارتاح صاحني كال يلا جهزي نفسج
نروح للنجف نزور امه عرف وقلبت وجها
شلون تروح وياها لوحدكم وزوجته سوتها ظلام
ماقبلت هو سوا وياها عركه الها اول ما الها اخر
ومشى كلمته ع الكل وصاح بيه حتى اجهز نفسي
شكد حاولت اخلي يبطل بس عند راسه ويبسه الا نروح

جهزت نفسي وطلعنا بسيارته طول الطريق يحاول
يغير الي جو صدك ما اكدر انسى اي شي منه صدك وكف وياي ع الحلوه و ع المره مستحيل يجي شخص غيره بمكانه عجزت اتخطى واموت الف موته من اعاين عليهم سوا هو وزوجته برغم ماكو اي شي
يدل ع علاقتهم حلوه وتمشي صحيح لأن اربعه وعشرين ساعه صياحهم بالبيت وعرايكهم مالها
نهاية وحتى من يصير كدامي
يبتعد عنها الف متر ويتجنبها ويحاول يطيب من خاطري

اول ما وصلنا للنجف بوجهنا للمقابر ردت أزور ماما لان حيل مشتاقه الها واحس اليوم عندي يمر بسنه
دخلت للمقابر واحس كلبي نقبض والحيل باد ..

نزلت دموعي وانا اعاين ع المقابر نزلت اتعثر بملابسي واركض من بعيد عاينت قبر ماما شهكت بنحيب والم ..

وصـــــلنا المـــــقبره والله وصـــــلنا هـــــاي المقبـــــره وذولاك اهـــــلنا ..

ارتميت ع قبرها وانا انحب توسلت بيها ترجع وطيب جروحي بكلامها الحلو بس ما ردت عليه ماردت
مر وقت طويل إلى أن غبت عن الوعي فزيت ع رشه ماي بوجهي لكيت نفسي بحضن رهبار وهو يعاين عليه بخوف سحبني سحب وطلعني من المقبره
بعد ما غسل الي و خلاني اوعى ع نفسي
زرنا وخلصنا
ردنا نرجع بس الوقت تأخر وخاف عليه لان ويا
كال نبقى هنا والباجر من الفجر نرجع
توسلت بي نبقى بالصحن بس ماقبل لان شباب هواي وما اقتنع
أخذنا غرفه بفندق وبقينا بيها
هو بمكان وانا بمكان اصلاً انا مابيه حيل ابد
وهو ساكت بس يجر حسرات

غمضت عيوني شكد حاولت انام ماكدرت
بس عيوني تدمع
ورى وين حسيت ب ايد تمسح ع شعري
بهدوء عرفته هو وجان يهمس بكلام يم اذني
نصه سمعته والنص الثاني غفيت وما ادري بنفسي
جان بوقتها يحجي وياي  بحسره ويسحب نفس بقوه..

رهبار : اخـــــخ شـــــكد اشـــــتاقيتلج وتـــــنقصني روحـــــج ...

فزيت من ذكرياتي البائسه وانا انظف البيت
بيت اخوها العمتي طبعا يوميه اجي واذا ما اجي هنا تسويلي زفه بس اكيد من زوجته ما موجوده بالبيت
وانا هم تعبت خاصه من تحرشاته المُبهمه
ع طول يتحرش بس تحرش مُبطن اما بكلام اما بفعل
غير مقصود بس هو يقصده اعرف بي

بس هل يوم غير يختلف عن كل الايام
من طلع من غرفته وهو بس لابس الشورت
هنا حيل خفت وارتعبت هو مو صغير بالعمر
شلون يسمح النفسه هيج يسوي اصلا شلون كدر
رجعت لتهيت بالتنظيف

وما حسيت الا انسحبت بقوه ونشمرت ع القنفه
شهكت بقوه وانا خايفه ومرعوبه
عيونه القذره تنبض ب قذاره وهي تعاين ع ملامح جسمي الهزيل
نام فوكي وبدون ما يسمح الي اتحرك اي حركه
قيدني بجسمه المُقرف ورفع اديه وشك التيشيرت الي لابسته شهكت بفزع وانا اصرخ برهبه
بجيت وانا اعاين شلون يعاين ع جسمي المكشوف من فوك انقرفت من الموقف وروحي تلوب صرت اتعارك ويا حتى يتركني وهو يشد وانا أشد رفع ايده وضربني كف ع وجهي يريد يخرسني لان اصرخ

هنااك وجان يندك الباب وينفتح بقوه
ودخل واحد يصيح شكوو شنو هذا الصوت
هو من سمع رخه قبضه ايده وانا دفعته وكمت جسمي كله يرجف وجان يدخل هذا الشخص علينا بهاي الحاله
انا روحي راحت هسه عباله انا الي اتحرش بي
بس شكلي واضح هو الي متحرش بيه
ركضت ع الصايه لبستها وانا ارجف هذا يصيح شكو
طلع اخو لهذا الخسيس
ردت اطلع بس لزمني اخو يسألني شبيج
وأنا بس ابجي بلكوه تحررت منه عفته وطلعت اركض للبيت

اول ما وصلت للبيت تلكوني فاطمه وانا ما سكتت
صرت اصيح عليها واحجي من حركه دمي وخوفي
حجيت وبررت الها وكلت الها اخوج
جاي يتحرش بيه وراد يعتدي عليه بس ماصدكتني

رفعت ايدهة مسحت عيوني بقوه واردفت بصوت راجف ..

ريفان _ انتِ ليش متصدكيني هاااا ! فهميني ليشش يعني اجيت وسولفت الج عن لصااغ ببيت هذاك وانتِ اتهمتيني وگلتي كلامج باطل مُستحيل يصير الي
دكولي ششششلون مُستحيل وانا اجيت وهاي حاالتي حاله كسيفة

فاطمه_ بصوت عالي ، ااااي ماصدك وانتِ ماصدكج وخري من وجهي جايه وجايبه مصيبه بگد راسها الخوثه ..

ريفان _ وكفت اباوع عليها ودموعي تنزل ليش هيج اني حياتي من دون البشر يعني اريد يوم ارتاح بي ماكو
يومية مسويلي هوسه ومُشكله مدخليني بيها فوك هذا كُلة همَ الي مو راضين مع هذا انا راضيه
وساكته اكول الحمد الله ع هل عيشه بس الى متى !!! هااا الى متى يكفي قهر يكفي حرمان
مابيه اتحمل بعد ..

هزيت راسي بـ اسف تركتها ورحت اركض للغرفه دخلت وسديت لباب كعدت واني افكر وافكر
زين اني ليش لهسه مطلعت منا وهربت !
يعني هاي الحياة هم حلوه مثلاً حتى متمسكه بيها لهل درجه ؟ لا لازم اطلع منا حتى اعيش حياتي مثل ما اريد أي يكفي عذاب شنو اني لمستفاده من حياتي هنا !

وكفت وركضت جريت جنطه الملابس وصرت اطلع بلملابس واخلي بيها وجسمي يرجف اول مره اخطي هيج خطوه بحياتي انا موكدها بس لازم اشوف حياتي هاهيَ ماريد اضيع لباقي من عمري هنا

حضرت الجنطه صغيره ع گدي وسديتها تركتها ع صفحه من يصير الليل اتجهز من كُلهم ينامون ..

رهبار نزل من دوامه بعد ما اجيت للبيت
يعني ما يعرف انا جنت برى البيت
واجه متأخر يعني لو بس راجع من وقت شوي
جان شاف حالتي هاي وبوقتها مايخلي الحال بما هو عليه يقلب الدنيا بس خايفه انا لاترجع عليه
اول ما رجع بس سبح وطلع حتى ما بقى
بالبيت وهو هاي الايام مايعجب يسهر هواي
برى الله اعلم وين بيا خرابه رجع
اكيد ويه جماعته السيئين لان حالته
صايره بالنازل

بقيت انتظر الى ان صار الليل وفعلاً كلها نامت بس هوَ ماكو بلبيت اكيد برى بس شلون ، اكيد ميجي هسه اي ميجي ..
طلعت واني اتختل خايفة ومرعوبه اريد وما اريد اخطي هيج خطوه هستوني طلعت من باب لمطبخ جان اشوفه يدخل للبيت بس لواضح عليه مو صاحي سريع ختلت حتى ميشوفني شفته دخل للبيت واني طكيتها بركضه وطلعت فتحت باب الشارع وطلعت ركض..

جسمي يرجف رجف خايفة مرعوبه افكار تراودني
اشكال اللوان يمكن من اطلع يعتدون عليه او يخطفوني او حتى يسحبوني للحرام زين اني وين اروح هسه من اتخذت هيج قرار ممفكره وين اروح او لعند منوو !!!! هسه شلون راح تحليها فهميني !!

واكفه وافكر ما حسيت الا صوت سياره وضوه قوي مالتها صار بعيوني جمدت بمكاني واني اشوف هذا الشخص كدامي ..

اردف بصوت عالي ..

" أصـــــعـــــدي "

ماجان كدامي الا هذا الحل مابيدي اسوي اي شي
سلمت نفسي وكُلني بيد الله هوَ الوحيد الي يعرف
شنو بحياتي الصح واكيد من اجى بهل ساعه ولمكان معناها اشاره حتى اروح ويا
صح ماكو ثقه بي بس يبقى افضل من لعيشه الي هنا
حزمت امري وحسمت قراري ..

اتجهت للسياره فتحت لباب خليت لجنطة وصعدت
هوَ هم حرك السياره ونطلق
انطلاق نحو المجهول ...

________♡_______

للحـــــكايـــــا بـــــقايـــــا ..

شنو تتوقعون يصير بالاحداث القادمه ؟؟؟

تعرفون هذا بارتين ب بارت واحد لولا ؟ صارلي يومين اكتب ايدي وكعت واصابعي شكلت حتى داتألم بسببهن ياريت تقدرون التعب شوي ياحلوين

تفاعلوا ولاتنسون التصويت ومتابعه للحساب
بطريقكم داده .. akyta_98

                   حسابي الانستا 🦋