دجن الضليع الفصل التاسع وخمسون 59 - بقلم رهف علي

نبدأ بذكر الله ﷽💛✨

قبل القراءة مُتابعه للحساب #akyta_98
للتواصل ع حساب الانستا akyta_98
التصوووويت لاتنسووا 🙈

ألا ليتني في آخر الليلِ نسمةٌ
بصدرِك تعلو تختفي تتأرجحُ
‏ويا ليت أبواب المدينةِ كلَّها
تُسدّ وبابًا في فؤادك يُفتحُ..

ريفان : من بعد الحوار الي دار بيني وبين رهبار بوقت
ما سوه الي مفاجأه بخصوص السياره
هنا اني لزمت كلبي هو صح بكُل مره قبل لا يلتحق الدوامه يوصيني بس هل مره تختلف خاصه آخر شي كلمته بقت ترن براسي من كال الي خليج ريفان الفهد
حسيت هل مره الشغله خطر ومو مثل قبل
بحيث بقيت صافنه بوجهة وابجي
وهو يضحك ويتشاقه وياي

رهبار : شبيج ادري الدمعه لازمه طارف عينج وبكل كلمه احجيها تنزليها
ريفان : انتَ ليش لهل دغجه باااغد اغيد افهم تغه
هاي موو حاااله
رهبار : انعل *** هسه غير افهم ليش تبجين و ع شنو البجي
ريفان : فهمني ليش جاي توصيني هيج غاح اتخبل
رهبار : شنو قابل هاااي اول مره ياعيني اشو كل ما اروح للدوام اكعد اوصيج
ريفان : بس هاي المغه حسيتها تختلف
رهبار : شلون بله يا الفطنه
ريفان : ما عغف من كل النواحي كلامك ، اسلوبك ، حتى جبتلي سياغه
رهبار : اسمعي بخصوص كلامي لازم احجي وياج بهاي الطريقه لان انا اقصده اما بخصوص السياره
ف اني ردت اعلمج واشتريها الج حتى ما تبقين
معتمده ع احد هاي الدنيا ومانعرف شنو يصير بيها
لهل سبب لازم تكون جوه ايدج
اذا احتاجيتي شي اطلعي بيها

ريفان : يعنيييي اطلع بييييها
رهبار : جا تنامين بيها وين عقلج حب
ريفان : الوحددددي ؟؟؟
رهبار : لا الجناني وياج
ريفان : غهبااااغ
رهبار : غير **** جا شكلج غير وحدج ادري عقلج شبي هيج مجيم
ريفان : غيغ بسببك
رهبار : اااه
ريفان : والله
رهبار : خوش
ريفان : خوشين
رهبار : لا طرمتين

ريفان : ضحكت بصوت عالي وهو سحبني الحضنه
بقى هواي تاركني ع راحتي واني ماعرف شبيه
عبالك ما راح اشوفه قرن كل شوي ازيد واحضنه
عاد هو كام حتى يغير ملابسه
لان راح يطلع للدوام بقيت كاعده بمكاني
انحب وابجي غصيت بس ماريده يسمعني ماريد
يضوج عليه

مر الوقت ورحت للغرفه لكيته كاعد ع السرير
يلبس بالبسطال مالته واني عيوني حمر دم
رفع راسه يعاين عليه بس ماريد احجي حتى لا انفجر بالبجي
مشيت من كدامه اريد ألم الملابس مالته
وهو عينه عليه شافني تخطيته هو سريع
جرني من ايدي و وكعني بحضنه عصرني عصر
وهو يتنفس بقوه من خدودي

رهبار : شبيها اهدب عينج هلكد محمره يولي ..

ريفان : هو حجه لو اني انفجرت بالبجي
كعد ساعه يسكت بيه إلى أن رضيت بالأمر الواقع
طلعنا برى
قبل لا يطلع من باب الشقه
سحبني من خصري وباسني بقوه

رهبار : استودعج الله ..

ريفان : راح وتركني الوحدي وهل مره هو بالموصل واني ب بغداد الوحدي ماكو اي احد يمي
شكد حسيت بالغربه الوحدي شششكد انقهرت شكد حسيت بالوحشه هو جان مالي عليه حياتي
هو معوضني عن الام ، الاب ، الأخ، الأخت، الابن ، عن كُل شخص بالعائلة وقريب هو معوضني عنهم
ومن يروح احس ياخذ روحي ويا
ابقى كم يوم يلا شويه اتقبل الموضوع ..

كلت ما عندي شي خلي اتونس بترتيب الملابس لان
الكنتور صاير هوسه
دخلت الغرفه وطلعت كل الملابس اني وجاي اطلع بيهن لكيت صندوق صغير
طلعته بس جان اكو فوكه ظرف
كلت خلي اشوف شنو بي الصندوق وبعدين اشوف الظرف
حاولت افتح الصندوق بس ما انفتح جان مقفول بقفل
استغربت وزاد استغرابي لان ما انفتح
ضجت بس ما ردت اكسر القفل نوب يصير شي ويجي رهبار يصخمني
لهذا تركته ع جهة كلت بعدين اشوف اله صرفه

لزمت الظرف بيدي وفتحته
اول ما فتحته وكع منه شي وصار صوت
نزلت نظراتي ع مصدر الصوت
انهبطت وبهت وجهي من شفتها طلقه !!
لزمتها بيدي صرت ارجف
فتحت الظرف لكيته فارغ بس بي دم جاف
هنا حسيت روحي راحت وعرفت وتأكدت هذا تهديد بالقتل
يعني مهددين رهبار بقيت كاعده بمكاني
احاول استوعب الي اشوفه والي اعرفه
بس ما جاي استوعب
ورى وين يلا حسيت ع الي صار ركضت للجهاز
اتصل عليه وما يشيل الخط
احس انتهيت اريد بس يفتح الخط
صارت روحي بي بس اريد اسمع صوته
راح اتخبل
بالعشر مكالمات يلا انفتح الاتصال
اول ما سمعت صوته عطت بي

ريفان : غهبااااااغ جاااايك تهدددديد وما كلت الي
ليششش هيج انتَ تغيد تموووتني
اني ششششسوي هسه فهميني ، احجي اني ومنهاره
وهو يحجي عادي كان ما واصل اله تهديد
وكل كلامه يكول ( قابل جديده عليه هواي اجاني منه ، ليش البجي هذا انا ما ميت ، لاتخافين ماكو شي )
واني كل ما يكول هيج ابجي اكثر
ع الاقل ينتبه النفسه صح ماكدر اسوي اله شي
بس ينتبه النفسه احسن ما يبقى بهذا البرود وعدم
الاهتمام للموضوع وهو كلش مهم
حياته متتعرضه للتهديد ونوب بالقتل
مو غير شي اخر شي ختم المكالمه
( لاتخافين عليه حبيبي دعواتج توصلني )
نوب بهذا كلامه اخاف أكثر

ماكدرت اتخطى رجعت الملابس شلون ما كان
بدون ترتيب وجسمي كله يرجف
رحت نمت ع السرير اريد رجفتي تخف موتتني
إلى أن غفيت واني مو حاسه ع نفسي
ماكعدت الا ورى فتره طويله
غسلت وصليت كعدت ادعي اله يحفظه الله
بس هو الي بقى الي

أللهم احفظ رهبار ب اسمك الأعلى..
اللهمَّ نسألك باسمك الأعظم الذي إذا دعوت به أجبت أن تحفظه ، اللهمَّ احفظه من بين أيديه ومن خلفه وعن يمينه وعن شماله ..

صحصحت شوي اتصلت عليه واطمنت لان هو بخير
ورجعت اكمل ترتيب الغرفه لان تركتها ع النص
صار بوجهي الصندوق الصغير يصير مثل القاصه
حاولت افتحه بس ماكدرت لهذا
رجعت للكنتور وغلقت الباب عليه مالي حتى واهس
او فصول اشوف شنو بي

مرت الايام واني ويا ع تواصل
صح مو هواي ويادوب يحجي وياي كم دقيقه
بس ع الاقل اسمع صوته ويروح خوفي
حبنا صار يزيد يوم بعد يوم اكثر واكثر
بحيث صرت مهووسه بي وهو هم

الشغله الي تغيرت بحياتي هي صرت اعتمد ع نفسي
اول يوم نزلت لكيت سيارتي مركونه ع جهة
فتحت الباب وصعدت ضحكت اول مره
راح اطلع الوحدي هل مره ما وصيت احد هل مره
اني اروح بنفسي واجيب الاشياء الي احتاجهن
سحبت نفس وخليت ايدي ع المقود وشغلت السياره
صح جنت اطلع بس رهبار بصفي
امل اليوم الوحدي صح حسيت بالخوف لكن
ع الاقل اهون لان تعلمت ومو لازم وياي
احد يلا اتحرك ضروري لوحدي حتى اعتمد ع نفسي
دست بانزين وتحركت السياره ابتسمت بفرحه
والخوف تارس كلبي مشيت شوي شوي إلى أن
تحول من شعور الخوف للحماس
حسيت الخوفه راحت صرت استمتع بالسياقه
وحبيت هذا الاحساس كلش حلو
وصلت للأسواق اخذت الي احتاجه ورجعت للشقه ..

صرت اقضي ايامي كلها هيج من اضوج احجي ويا
واذا قبل اطلع وهو خطيه بنص شغله
يتصل عليه يطمن ابد ما هملني ولا لحظه كل ما يصير عنده وقت فراغ يحجي وياي يكول ماريد
تحسين نفسج الوحدج ، فدوه العمره ..

الحد يوم بالتحديد التاريخ 7_11_2018
هوو موعد نزوله جنت منتظرته ع نااار
بحيث كل شوي اتصل عليه وهو يمه صديقه مراد
بس مايفصل الخط بالعكس يفتحه ويحجي وياي
بس بصيغه ولد مراد يعرف وكل شوي يصيح ع رهبار
(مراد : ها جاي تخوني ولك ) ، ورهبار مطنشه
مستمر يحجي وياي

إلى أن كال وصلت حبيبي ، هو اني سمعت هيج لو طفرت رحت وكفت يم الباب
اول ما فتحه صرت بوجهة بعده ما ساد الباب
طفرت عليه تعلكت برقبته ورجليه لفيتهن ع خصره
حضنته بقوه وخليت راسي برقبته
ابوس بيه واصيح ،
_واخيراااااااا غجعت غهبااغ
وهو سد الباب برجله ويضحك بتعب ، صح تعبان بس من يكون يمي
يشيل كل التعب مايخليني احس بتعبه
حتى ما ازعل واضوج عليه

رهبار : ياروح رهبار ، عمر رهبار ، حياه ، رهبار ، طحال رهبار ، **** رهبار

ريفان : فزيت وضربته ، عااااا شنوووو هااااي

رهبار : هاي ضربتني لج

ريفان : اي تستاهل شلون تكول هيج عيب ابني عيب

رهبار : ليش ماما

ريفان : اششش مشتاقتلك ابني ، رجعت حضنته
ماودي اتركه ابد ورى وين يلا تركته وهو يضحك عليه
دخل يسبح واني جهزت اله الاكل
طلع من الحمام راح للغرفه وراها رجع يمي كعد ياكل ويتشاقه وياي إلى أن صدمني بكلامه ...

رهبار : بويه رفه جهزي نفسج راح نرجع نسكن بالعماره ..

ريفان : احس انصدمت لا مو بس انصدمت تكهرب جسمي كن الكلام الي كاله بقيت فاتحه
حلكي شنو نرجع للعمارة واني صارلي شكددد مداخله الها من اول ما انطردت من البيت الهذا اليوم اني ما
شايفه العماره هو جان ياكل من ماسمع ردي
رفع راسه وشاف صدمتي

رهبار : شبيج ؟
ريفان : شلون !
رهبار : شنو شلون راح نرجع للعمارة نسكن هناك
ريفان : منين اجه هذا القرار وبعد كل هاي الفتره الي مرت
رهبار : مو كتلج انا عندي مهمه بالموصل ولهل سبب طولت طول هاي الاشهر لهذا من كملت المهمه
صار نقلي للعمارة يعني هسه راح يصير شغلي بالعماره
ف ليش تبقين هنا اكيد نرجع نسكن هناك
حتى اقرب الي
خاصه هي محافظتنا وطلعنا منها بدون رغبه
صح عشنا ب بغداد بس يبقى الأصل يحن
ولازم نرجع هناك
ريفان : والصار
رهبار : شنو
ريفان : اقصد وايلان ؟؟
رهبار : شعليج بيها هي بمكان وانتِ بمكان
ريفان : يعني تقنعني مانلتقي ولا مره
رهبار : اردف بنفي قاطع ، لا
ريفان : بقيت ساكته ماحجيت
واني ما متقبله وجودي وياها بنفس المكان
صح هي تزوجت بس حتى ما اعرف اي اخبار عنها
ولا مره سألت رهبار عنها حتى ما اعرف صاروا عندها
اطفال او لا
بس بقى الموضوع والدكه الي سووها بيها ما انساها
طول حياتي اذوني هواي ودمروني
وخلوا رهبار يفقد ثقته بيه الفتره من الوقت
كمت من يمه ورحت اسوي جاي
وهو ماعرف يخابر منو
شغله بيت ما بيت وما فهمت اي شي
بس يلا نفهم بعدين ...

مخبوصه الم ب اغراضنا فتحت الجنط الكبار
وارتب بالملابس مال رهبار وهو فوك
راسي كل شوي يكول ( لا تخربطين الملابس ، لج لا هيج راح يتكسرن، اي هاي البدله خليها هنا حتى ما اتيها ) سطرني سطر إلى أن عطت بي

ريفان : اوووووو غهباغ شبيك سطغتني غوح منا
رهبار : ها عيني قابل شسوويتلج حتى اغوح
ريفان : انوووب تقلد عليه اااامشي منااااا
، اني نار وهو يضحك ويقلد عليه
رهبار : جا خوش اعصابج انا طالع
ريفان : ووووووين
رهبار : عجيب مو انتِ الي تصيحين روح اشو هسه وين ع العموم راح اكول حتى ما تكَلبين هل خلقه
الحلوه عليه ، طالع ويه مراد اليوم هو ب بغداد
ريفان : امممم اذا هيج ماشي غوح حبيبي
رهبار : **** هسه صرت حبيبي وقبل شوي تصيحين بس بسيطه انا اعلمج
ريفان : هههههه طلع يدردم عليه واني غركت بالترتيب
انكسر ظهري إلى أن خلصته
جنه متفقين الباجر من الفجر نطلع حتى ماكو ازدحام
لان المعروف
بغداد تصير ازدحام هواي
خلصت ورتبت الشقه مابقى بيها بس الأثاث مالتها
حتى الاكل الي
بالثلاجه مامستخدمي انطيته الناس محتاجه وعندي هم ملابس انطيتهم
كعدت بعد ما صليت المغرب لان اذن
ورهبار ماجاي
والعشه ما مسويته
كلت والله ع هذا التعب ما اسوي عشه
اتصلت عليه و وصيته ع العشه
وغلقت الاتصال ..

ريفان : نايمه وحسيت بشي ع ايدي بعده ورجع مره
ثانيه إلى أن فتحت عيوني لكيت رهبار كدامي

رهبار : صباح الخير ياحلو
ريفان : صباح النور ، شجنت تسوي من شوي

رهبار : يمعوده صارلي ساعه اكعد بيج وانتِ ماكو
الحايط يحس وانتِ لا احساس ولا ضمير ، اعضعض بيج وانتِ مسلمتها

ريفان : عززززه جنت تعض بيه واني مو حاسه

رهبار : ولج لو **** هم ما تحسين

ريفان : ضربته ، شبيك لاتحجي هيج عيييب

رهبار : هههههه جت كومي يلا راح نتأخر هم مابقى وقت

ريفان : كمت رحت للحمام واني احجي عليه وهو يضحك غسلت وصليت رحت غيرت ملابسي
ما اكلنا شي اني ما اشتهي اكل وهو هم
نزلنا رهبار وصى البواب بعدها صعدنا

وانطلقنا للعمارة وهاي ثاني مره
ارجع ادخل آلها وبكل مره اطلع منها
غصب عني بس هل مره اتمنى مايصير شي
يجبرني اطلع منها مهما يكون احب
المكان الي عشت بي كل حياتي ..

دخلنا العماره سحبت نفس كلش قوي
واني ع وجهي ابتسامه عريضه
حسيت رجعت الموطني شكد حبيت بغداد
بس تبقى العماره مكاني
تفاجأه من شفت الطريق مو نفسه البيتنا
القديم
لتفتت ع رهبار وسألته ..

ريفان : وين غايحين ؟
رهبار : للشقه
ريفان : ليشششش والبيت ؟
رهبار : عرضته للبيع
ريفان : ياااا غهباغ ليش
رهبار : احسن بويه احسن
ريفان : ما اعترضت وسكتت
اكيد مايكدر يعيش بمكان امه توفت بي ومحد يعرف بيها خاصه المكان الي بقت بي ايام وهي متوفيه
حقه ما ألومه اصلا صعب عليه
يعيش بي وبي كل هل ذكريات
حتى اني صعب عليه ..

رجعت سألته ، شنو غاح نبقى بالشقه ؟
رهبار : لا جاي ادور ع بيت بمكان أمن حتى من اطلع أأمن عليج ومو بس هيج كلها تعرفني انا هنا ساكن العماره محد يعرفني جنت اسكن ب بغداد لهل سبب جنت مأمن عليج
اما هسه الوضع تغير حتى من ننتقل للبيت الجديد
ماتبقين الوحدج
ريفان : شتقصد منو وياي ؟؟
رهبار : مو وياج بس يكون كل حارس للبيت وهذا الشخص ايدي اليمين اعتمد عليه بكل شي
ريفان : بس غهباغ اني ما احب هل شي شيكولون علينه الناس حارس شنو
رهبار : افهمي انا شغلي خطر ولازم أأمن عليج مستحيل اتركج الوحدج هنا حتى إذا احتاجيتي
شي بس كولي اله وهو يجيبه الج
انا واثق بي ثقه عميه مثل ما واثق بيج انتِ
لهذا اطمني
ريفان : زين شنو اسمه ؟!
رهبار : جاســـــر

ريفان : ماعلقت ع اي شي وصلنا للشقه ونزلنا ارتاحينا
بيها مرت الايام ورهبار
من مستمر بعده يريد مكان زين حتى نستقر بي
شكد مراد جابله بيوت بس كلهن ما اقتنع بيهن
حتى اسمعه يحجي ويه جاسر وهم ما مقتنع
وبكل مره اسأله ليش هيج ادقق ع الاختيار
يرد عليه ( احسن حتى اعرف المنطقه شنو ما شنو واكو بيهن ما يعجبني لازم اتأكد منها يلا اخذ بيت بيها )
إلى أن لكه بيت بمنطقه ال ***** وفعلاً عجبته
حتى سأل عنها وتأكد منها حتى هي كلش هادئه
يعني الناس ماعليها بناس وحتى الأطفال قله ما نشوف بيها اقتنع بيها والحمد الله
واني هم عجبتني
اشتره بيت واثث البيت اثاث كامله
ماخله شي يعتب عليه ما أخذه بحيث من نروح اني ويا نختار جان يخليني ع راحتي مايكول لا بالعكس
وهل مره كلش عجبني اثاث البيت لان اختارينا سوه
وبكل ما نشتري شغله يتقرب مني ويهمس ب اذني

رهبار : عجبتج مرتي ! اخذيها اذا عجبتج حبيبي

ريفان : اني من يحجي هيج اموع ب ارضي
إلى أن وصلنا لغرفه النوم هنا الابتسامه الماكره انرسمت ع شفايفه بحيث ارتبكت بسببه

رهبار : غمز ، ها بعد طحالي الغرفه شوفيها بس اهم شي مريحه

ريفان : هاا اي هي حلوه ، اوووو ليش هيج تعاين عليه

رهبار : ههههههه شمسوي انا جاي اكلج ناخذ غرفه مريحه شنو رأيج بهذا السرير حلو ؟ شو بله
اي مو قوي شكله مريح

ريفان : يااا ، حطيت ايدي ع حلكي واني اعاين عليه
شلون يضغط ب ايده ع السرير ويحجي وياي ،اي هذا مريح مو قاسي ولا قوي، احسسس صرت مااي
وجهي فلت وبهت لوني هذا تفكيره كله انحراف
مستحيل يحجي شي بدون مايقصد شي مو منحرف

غهباغ عيب عليك هذا الكلام هسه الناس تسمع ..

رهبار : شنو ياكلام ليش هيج تفكيرج صاير منحرف صفي النيه كلبي ترى اقصد مريح حتى ما يكسر الظهر من انام عليه تعرفين ثاني يوم اكعد مكسر لان نومته مو مريحه ف نيتج ال *** عيب بابا عيب

ريفان : حول الموضوع عليه وخلاني اني ع خطأ وهو ع حق يبو لو ما عيب والناس جان ضربته
اختارينا الغرفه وكلش حلوه تجنن
انطاهم رهبار العنوان والمبلغ حتى يوصلوها
وطبعا جاسر هناك بالبيت هم وياهم
كملنا البيت وماعاد اي شي ينقصنا وهنا استقرت حياتنا
وكعدنا نخطط للعرس ...

طبعا البيت الي باعه رهبار وصل حصه ايلان الها
وهنا عرفت هيَ عندها تؤم ولد وحامل ب بنت
وعايشه حياتها هي ونشوان
بس ابد ما التقيت بيها ولا هي حاولت تلتقي بيه
هذا كل الي عرفته عنها عايشه هي وحبيبها نشوان
واطفالها مادعيت غير بس الله يوفقها بحياتها
اما غير شي ف سامحتها عليه

كاعدين اني ورهبار جاي نحجي وفجأه هو حجه ..

رهبار : رفه زواجنا راح يكون بتاريخ 1_1_2019

ريفان : عززززززه رهبار يعني بعد أقل من شهههر
شنو الحك اسوي لا عفيه

رهبار : هييي **** شنو قابل شنو تجهزين اشو كل شي جاهز بعد شكووو

ريفان : لا عفيه حبيبي هو صح تاريخ حلو ومميز
وحبيته بس ما الحك خاااصه اني الوحدي
زين شلون والله ماكدر

رهبار : لا بويه جا نسيتي غسق زوجه ادم صديقي
هي وياج

ريفان : بس عفيه اشو من يمي انخبصت هسه شلون

رهبار : ضحك بقوه ، شو تعاي جاي يمي ع شنو كل هاي الخبصه الخبصتي روحج بيها شكو

ريفان : سحبني من ايدي ودخلني بحضنه اني سكتت
غمضت عيوني ماعرف شبيه احس بالخوف
يمكن لان وحدي وهاي تعودتها بكل مره الوحدي
بس ماعرف ليش هيج مشاعري
اريد اتزوجه ونعيش حياتنا كامله
بس ليش اخاف ماعرف

حسيت عليه يبعد شعري من رقبتي حط راسه
برقبتي وباسني بهدوء قشعر جسمي
وسارت رجفه بيه
قرب شفايفه من اذني واردف بهمس

رهبار : شايفه هاي الرجفه شنو تسوي بيه !؟
انتهههي تبهذل احاولي تشعلني شعل

ريفان : اردفت بهمس كلش خجلانه منه ، غهباغ
رهبار : نبض كَلبه
ريفان : لاتعوفني ابد حباب اني بدونك اموت

رهبار : مخبل حتى اعوفج لج انتِ محتلتني احتلال ماكو مثله بتاريخ البشريه
شلون اعوفج يافهيمه

ريفان : ابتسمت ع كلامه وهو يمسح ع شعري
بهدوء ويدلك كتفي احسه يحاول يطمني من
خلال لمساته

رهبار : ها حبيبي هسه متفقين ع تاريخ العرس
ريفان : هاهيَ متفقين
رهبار : جا اتصل ع ادم حتى من باجر يدز غسق
علمود تجهزين وياها وتساعدج
ريفان : مثل ما تحب ..
رهبار : انا هيج احب

ريفان : شنو ؟ حط ايده تحت فكي ورفع راسي
التقن عيونا سوه تقرب مني واني دكات كلبي
زادت صح مو اول مره يبوسني بس بكل مره
احسها اول مره
من حسيت عليه تقرب مني غمضت عيوني
ما اندليت نفسي غصت بهدوني
من قربه ابتعد عني وهو ع وجهة ابتسامه محبه
سحب راسي الحضنه واني ماعرف شبيه
مثوله وهو يضحك عليه
غمضت عيوني ونمت ع صدره بعد ماعرف شوكت وداني للغرفه ...

ثاني يوم اجتي غسق وطلعنا اني وياها نجهز ملابس ، صالون ، حجز بدلات اتفقنا نسوي يوم واحد
هو حنه وهو عرس
وبقاعه لان الي راح يجون بالعرس هواي نااس
ورهبار عزم الدنيا كلها ماخلى شخص يعتب عليه
وكلها شدت ظهرها لعرس رهبار
يعرفوا لهذا اذا نسوي بالبيت ما يكفي

صرت اتهرب من رهبار ماعرف ليش يمكن لان
خجلانه منه وهو الله يسلمه من يشوفني
يحسسني مالابسه اي شي نظراته تحرجني
وتوترني لو يغمز لو ماعرف شنو يسوي
يحير شنو يسوي واني اتخبل عليه
واتهرب نوب المشكله اني ويا بنفس البيت
وين اكو عروس ببيت زوجها هاي وين صايره
ههههههه يلا بعد ظروف تحكمنا
اتمنيت عندي عائله اطلع منهم واني لابسه فستان
العرس الأبيض كلش جانت هاي امنيه من أمنياتي
بس للاسف ما تحققت ولا بعمرها راح تتحق
الله اله بيها اراده ..

ريفان : يعني هسه غاح تلتحق شنو !
رهبار : اي
ريفان : وعغسنااااا غهباغ
رهبار : بويه ما أطول هذا اخر التحاق قبل زواجنا
وعد انزل من وقت انا هم لازم ارجع حتى
ارتب وضعي واشوف شنو اسوي من ترتيبات
ريفان : توعدني
رهبار : وعد هدب عيني

التحق رهبار وجان هذا اخر التحاق قبل زواجنا
واني ويه غسق
بعدها رجع فعلاً نزل وجنت طايره من الفرح
صح متخوفه بس مو مهم
رهبار يبعد عني كل الخوف
خلال خمس ايام كملنا الجهاز اني وغسق هي
خطيه جانت بالنسبه اليه مثل الأخت
ونعمه الأخت ما قصرت ابد
تترك بيتها وزوجها وتجي وياي ماحسستني بشي
ع طول الابتسامه ع وجها
اخر شي رحت سويت وجهي ورتبت نفسي
ورجعت للبيت جان رهبار مو بالبيت همزين حتى اتفادى الاحراجات الي تصير
دخلت سبحت ع السريع وطلعت

كعدت اصفن الباجر عرسي !!!! الباجر هو 1_1
فجأه دموعي صارت تنزل
واشهك بالبجي يعني ليش اهلي تركوني ليش
ليش تخلو عني اذا مايريدوني ليش ولدوني
خليت ايدي ع وجهي وصرت ابجي احس
فرفحت بالبجي ماحس نفسي مثل أي عروسه
تتطلع من بيت أهلها اني طول هاي الفتره
وطول عمري مابجيت بكد ما بجيت بهاي الحظه
حسيت بالنقص حسيت بالوحده
شكد ردت ماما تكون يمي وبابا بيده يسلمني الزوجي
شكد اتمنيت هذا الشي
معقوله هسه اني ما اجي ببالهم معقوله ماكالوا
بنتنا هسه وين شبعانه جوعانه ليش هيج تركوني ،
كاعده ابجي وسمعت صوت الباب انفتح
ماكدر حتى ابطل بجي مو بيدي صوتي عالي
والشهكه لازمتني دخل رهبار ما اسمع بس صوته
المفجوع بيه ..

رهبار : الله الله شكووو شبيج شووو كووولي شبيج

ريفان : كعد كدامي ويحاول يبعد اديه من وجهي
واني مستمره ابجي
صوته جان خايف كلش عليه عبالك مخطوفه لو شوف شصاير بيه خطيه خوفته عليه
ماتحملت ارتميت بحضنه واني ابجي
وهو يحاول يبعدني حتى يحجي وياي واني لازكه بي
إلى أن حضني هو هم يمسح ع شعري وظهري ع كيف

رهبار : هششش ابويه انتِ تبجين وانا موجود ياحيف

احجي رفه شجاج يابويه ليش هاي حالتج
عفتج تضحكين رجعت لكيتج هلكانه بجي
لا اله الا الله غير تفهميني شبيج لاتخليني هسه اكوم
احرك البيت منو اذاج اكو شخص سمعج كلام

ددددوهنتيني يابنت احجي وريحي كلبي الي علعلته دموعج وفحطته..

ريفان : اني من يحجي هيج نوب ازيد خاصه من يحسسني اني بنته هو منا مفتقده حنان الاب نوب هيج ازيد اكثر بالكوه حجيت ويا ..

ليش اهلي عافوني غهباغ اني احس نفسي
وحيده معقوله ما اجيت ع بالهم ولو مغه وحده
معقوله ما كالوا بنتنا هسه يم منو الناس الي هي يمهم
اذوها لو خلوها بعيونهم
ماكالوا هسه جوعانه لو شبعانه ، بغدانه لو حغانه، نايمه لو ما تنام ابد ماعندها مكان يؤيها
معقوله اني اكون غلطه مغاهقة !!!
بس اغيد افهم اني بنت شنوووو ! صحيح مثل ما كالت عمتي فاطمه !!!
والله تعبت اغيد افهم اني منو وبنت منو وليش تغكوني
اتمنى مغه وحده اشوفهم اغيد افهم ليش
والله هسه ماجاي تحس بنفسي عغوسه ( عروسه )
العغوسات ( العروسات ) يطلعن من بيت اهلهن
والدها او عمها او امها تسلمها بيد زوجها
هسسه اني منو يسلمني بيدك
منو يوصيك بيه حتى ماما الي هيَ جدتك هم تغكتني وغاحت هسسه منو يوصيك ويكول الك
بنتنا امانه يمك لا تأذيها وداغيه بعيونك !!!
كلش جاي اتعب اني بس محد يحس بيه
اني بنت بدون اهل ماتعغف هي منو وبنت منو ..
غهباغ حاسه نفسي وحيده كلشش وحيده
اغيد كلبي يطفى ناغه جاي يشتعل ...

رهبار : هششش اهدي حبيبي اهدي ليش هذا
كلامج مايصير تحجين بهاي الطريقه بعدين الله سبحانه وتعالى اله بيها اراده من صارت حياتج بهذا الشكل خليني اكول الج صح انا انسان شايف وعايف أشكال الوان ومسوي كل شي بحياتي بس مو معناها
ماعرف ليش وشنو جاي يصير ، كل هذا الي جاي يصير
اراده الله ممكن اهلج الحقيقين اذا عشتي وياهم
ماتكون حياتج مثل هسه يجوز اسوء ويجوز احسن
العلم عند الله محد عاش حياته مرتاح الا القله
تشوفين كلامي منطقي اسمعي ، بعدين ليش
وانا وين رحت انا كل اهلج صح بالبدايه مانكر الصار بس هسه كل شي تغير واختلف
عيوني اقلعها وانطيها الج
لاتتخيلين بيوم من الايام اكون ضدج ابد
بالعكس اهلج انا وانتِ كل اهلي

انتِ وحيدتي وانا وحيدج..

ريفان : كلامه احسه جبر خاطري واني جنت ب امس الحاجه اله كلش اثر عليه وفرحت هواااي
سكتت ماحجيت شي بس الغصه بعدها بكلبي ..

رهبار : شو خانسه
ريفان : هيج
رهبار : شو اشوف وجهج نعلعلا بليسج ماخليتيني
اشوف وجهج بس لا لاعبه طوبه بي
ريفان : ضحكت ورفعت راسي اول ما شافني صاح
رهبار : ايااا ملعونه وانا اكول ليش ختلت بحضني
ماتريدني اعاين هذا الجمال واخذ المقسوم منه
ريفان : لا حبيبي وخر وخر ، دفعته واني اضحك
احس غيرتي مزاجي بكلامه وضحكني

ثاني يوم كعدني رهبار من الصبح احسه متحمس
كلش اكثر مني واني العروسه
كل شويه يتصلون عليه خاصه مراد
كل شويه ومتصل ورهبار يصيح عليه اخر شي فتح
السبيكر واني برى الغرفه بس صوتهم واضح

رهبار : هاا عار شبيك تتصل

مراد : ولك **** ادري هوَ عرسي لو عرسك مركضني من الفجر شطلعت هاااي

رهبار : اكل تبن واشتغل انتَ وساكت اذا ماتركض العرسي جا تركض الحسام ال****

مراد : افاا انا اركض لعرس هل خايس شبيه الا اذا مضروب بعقلي بعدين ولك اذا انضرب بعقلي وسويتها
أريدك **** وتكص ابو ابويه

رهبار : هههههههههههه شكد هتلي صم حلكك وبدون
ماتحجي انا اسويها

مراد : بروح ابوك ولك رهيب وربي رجليه راحت
اذا ما انطيتني جزاء تعبي وخليتني اكل من اكل الي وصيته الكم
ما اخليك تتهنى بيوم عرسك واكطع ليله عرسكم
وهاي انا بلغتك

رهبار : شو مجلوب صاير هذاك اكل كومه شكو جاي عليه

مراد : لا ولك الا من صينيه عرسكم ، ليله *** بعد روحي

رهبار : وليش بله لو الا تحط خشمك يلا ترتاح

مراد : لك لا مو علمود شي بس علمود اتزوج وراك
مو البنات ماعرف شنو يسوون للعروسه ويتزوجن وراهن جا انا صديقك هم سويلي وخليني اكل
من صينيه عرسكم حتى اتزوج وراكم
شبيك نحسسسس هو اكل

رهبار : عندي حل الك

مراد : اتححفني بعد روحي شنو الحل

رهبار : اخلي مرتي تكتب اسمك جوه الحذاء وهيج راح تتزوج ورانا

مراد : ***** ، ***** هاااي انااا تاليتي انكتب جوه حذاااء عرووووس مامرجيه منك عود انا صاااحبك
ياخاين العشره والخمسه حرام بالحرام الا اقطع صداقتي وياك واروح الحسام الخايس ع الاقل
احسن منك

عاط بي ..

رهبار : اممممشي لك هيييي سربوت اشوف ال *** الي يوصل للعشه مالتي الا اطلع بروحه انتَ والباقين الهتليه اوكلكم طن **** جربوا وشوفوا

مراد : ااااحوووي

رهبار : و وجعوووووي انقلع منا وشوف شغلك ما أوصيك القاعه اريده تلمع مثل *** حسام يلا لك

مراد : خوب مثلك حبي

ريفان : بقيت اكركر ع كلامكم يمه غصيييت بالضحك
وكلامهم كله فشار بحيث ماخذين راحتهم
دخلت للغرفه ورهبار لتفت عليه وسد الجهاز واني بالكوه لازمه حلكي ما اريد يعرف اني سمعت ولو هو صوته واصل لآخر الدنيا شلون ما اسمع

رهبار : ها راح تروحين
ريفان : اي مو حاجزه بهذا الوقت
رهبار : جا غسق ما اجت حتى اوصلكم
ريفان : بعدنا نحجي وندك الباب طلع لكه غسق جايبها ادم عاد اخذنا رهبار و وصلنا وهو رجع لان جهازه احترك حرك بالاتصالات مخبوصين بالعرس خبص

اول ما دخلت لكيتها جانت تتنتظرني
ماطولت سريع كعدت وهي بلشت بيه
بس طلبت منها كل شي يكون بسيط
خاصه اني بدله العرس مستوره لان القاعه ،اح تكون ضخمه وكلها موجوده حرام وعيب اكون مكشوفه
وبدله فاضحه
ومثل ما طلبت فعلا المكياج جان بسيط وفخم بنفس الوقت وكلش حبيته بحيث حسيت روحي وحده ثااانيه
حرفياً اتخلفت اختلاف جذذذري
وحبيت هذا الشي
ورى فتره اتصلت ع رهبار حتى يجي ياخذني
جان هو حاجز النا حتى ناخذ صور
لهذا قبل لا نروح للقاعه ناخذ الصور
اول ما وصل اتصل عليه حتى اطلع
وغسق رتبتني ومشيت بس شنو
احس نفسي ارجف ماعرف من البرد لو من التوتر
وهو جان يصادف 1/1 يعني بعز البرد
بس كل جسمي يرجف
طلعت من المركز وماشوف شي غير بس رجليه
شفت بس حذاء الاسود والبنطرون الاسود
هو اول ما شافني اجه عليه سريع
احتضني وهو ما مكشوف اي شي بيه
بس ماعرف شبي

رهبار : ها بويه ماعندكم شي بعد ؟
غسق : لا خويه ماكو شي
ريفان : ردتله غسق لان اني الرجفه لازمتني حتى ماكدر احجي
رهبار : جا خلينا نروح
ريفان : صعدت بالسياره بالكوه لان هي عاليه
ونوب البدله
سد الباب وغسق صعده ورى وهو صعد وتحرك
كل شوي يحجي وياي واني ماعرف شبيه
ليش هلكد متوتره ماعرف
وصلنا لمكان التصوير ونزلنا
عاد غسق رتبتني حتى ناخذ صور
والمصوره هم موجوده هو شوي ودخل
اول ما دخل بقى فاتح حلكه وعيونه ضحكت ع شكله
احسه مصدوم كلش من شكلي
انتبهت ع رقبته من بلع ريقه
هو اني فهيت ع شكله غير طالع يجنن هو والقاط مالته
طوله وضخامته حسيت بهاي الثواني حبيته
حب ازيد عن الي قبله بكل ثانيه يزيد ما ينقص
هو تقرب مني بس عيونه ما نزلت عني اكلني بنظراته
تقرب وحجه بهمس بس صوته وبحته قويه لهذا يبين

رهبار : ايا ملعونه هسسه انا شيصبرني
لج شكيتيني شك وين انطي وجهي دخيلك ربي

ريفان : اني ما احجي شي وهو يحوس ماعرف شبي
اجتي المصوره وصار تنطينا وضعيات للتصوير
بس حيل جريئه بحث صخننت ورهبار عادي عنده
احسه مستمتع من يشوفني بهذا الشكل طبيت بهدومي
وهو يضحك عليه
بس الله يسلمها المصوره كلش جريئه مو بس وضعيات التصوير
بطلعان الروح يلا خلصنا وهو كل شوي ناغزني ويهمس الي

رهبار : لج رفه شيصبرني هسه ، دخيل الكاظم راح تورطيني وهذول السربتيه يلزموها عليه

ريفان : طلعنا من التصوير وتوجهنه للقاعه
اول ما وصلنا رفعت راسي ونصدمت من كميه السيارات الموجوده!!! بهتتت من كميه الناااس
واغلبها من شغله زلم هووواي سادين الطريق سد
هم شافوا سياره رهبار لو تصركعوا يهوسوله بالشارع
وضحكهم شعلوا
بحياتي ما توقعت عرسي يكون بهذا الشكل والضخامه
صح ماعندي عائله بس هسه انصدمت من كميه هل ناس الموجوده بعرسي

رهبار يصيح عليهم بعدين ارجعلكم طيروا من وجهي
وهمَ يضحكون ويا ابتعدوا و وصل السياره يم الباب
ونزلني دخلت للغرفه حتى ارتب نفسي وغسق ابد ما تركتني ابد
هي هم جانت مرتبه نفسها وياي بالصالون
وراها بفتره اجه رهبار
يبووو شكد صار حلو بعيني بحيث اريد اضمه
بداخلي وما اخلي احد يشوفه
هو شافني والابتسامه مافارقته ابد طلعت غسق وبقينا بس اني ويا
شكد راد يبوسني واني ابعده واصيح

_ يبووو غهباغ لاتخغب الحمغه وننفضح

وهو يصيح ماطلعت سالفه هاي ، طلعنا اني ويا للقاعه
وكلها صارت تصفك النا شكدد خجلت بحيث صرت ماي بيده حاطه ايده بيده وهو لازمني ب ايده الثانيه
رفعت راسي واشوف القاعه مليانه بمعنى الكلمه رغم هاي القاعه حيل كبيره بس الاعداد الي بيها
يفوق الخيال
الكل جاي الضباط المسؤولين حتى القائد مالته
العساكر هم وعوائلهم واكو بيهم بس همَ جايين
بوقتها لمعت عيوني بالدموع حسيت بفخر اني زوجه رهبار لان فعلا ماخلاني احس بالنقص
ولا عرسي صار سكته بالعكس
صار ضجه وضخم ..

تونسيت كلش بالعرس خاصه من صاروا يلعبون
جوبي كل جماعته وهو وياهم يبو هنا
احس كلبي طاررر من صدري ودي احضنه
واضمه ببطني كزكزت عليه
شكد ما اكول العرس تحفه قليله بحقه
خلاني صدك اكول هو يوم وانطبع بالذاكره مايروح
من بالي بكل لحظه اتذكره ..

خلص العرس ولزموا جماعته ماتروح وهو يصيح عليهم

رهبار : تعوفوني لا ارميكم
_ شنو سيدي والله ماتعوفنا
_ ها ولك رهيب تخونه بهل سرعه وتبيعنا
رهبار : ابيعكم بنعال ابو الإصبع مكطع امشي ولكم

ريفان : بالكوه تملص منهم واني ماعرف ليش
اريده يتأخر يمكن هسه يلا رجعت تذكرت وصرت ارجف يبوو هاي شلون شغله
اني بالسياره كاعده انتظر وهو وياهم عافهم يصيحون
عليه وهو يضحك عليهم
صعد يمي وتحرك وهو بخصو الدينا
شلون اصدقاء والله كفو منهم

رهبار : ها حبيبي
ريفان : ها
رهبار : ان شاء الله تونستي
ريفان : اممم اي
رهبار : وشبيج هيج خانسه تتطلع الكلمه منج بلكوه
ريفان : ها مادري ، هو افتهم عليه بقى طول الطريق
يشاقيني حتى ما اخاف شوي كسر عندي الخوف
إلى وهاي شنو الزفه ورانه
وهذول عالكيهة علك
وصلونا للبيت ودخل السياره جوه
وهم بقوا برى سدوا الشارع
دخلتني غسق ، لغرفه لكيتها تجنن مزينه بالورد
مثل الأفلام عرفت هذا رهبار مرتبها
اسمع الأصوات برى حيل عاليه واني ارجف من يمي
غسق ماكدرت تبقى هواي بس قبل لا تتطلع هواي
حجت وياي حتى أهدأ بس اني وين
مايفيد بيه اي كلام

بعد ما مرت فتره طويله حسيت ع باب البيت نسد هنا
كلبي صار يدك بالدقيقه الف
يبو ماكدر اتحمل شوي. دخل للغرفه وسد الباب ورى
هنا حتى النفس انقطع تقرب مني شافني كاعده
ع السرير تقرب مني وهو يبتسم حط ايده ع راسي واردف

رهبار : اللهم إني أسألك خيرها وخير ما جبلتها عليه، وأعوذ بك من شرها وشر ما جبلتها عليه ..

ريفان : ابتسمت الكلامه وهو باسني براسي

حجه وياي بهدوء وجان عبالك يساير طفله صغيره
يحاول يهديني خلاني اغير ملابسي واسبح براحتي
بس كل هل شي احس امشي ع كلبه ماعرف شبي
لبست قميص النوم صح هو مفتوح بس يعني مو هواي
لهذا اطمنت بس هم مو هواي
طلعت لكيته هو كدامي سحبني من ايدي ..

ولأول مره بحياتنا اني ويا نفرش سجاده الصلاه ونصلي سوه هاي القطه بحياتي ما انساااها
انزرعت بكلبي قبل عقلي وفكري

خلصنا وجاب الاكل ضحك من تذكر مراد واني هم ضحكت ويا بخفه لان عرفت ع شنو يضحك سحبني بصفه شكد عاندت ما اريد بس هو ما اقتنع يسوي
الي لفات صغار ويخليني اكل فتح الي العصير ماشربت هو لزمه وشربه كله
رحت غسلت ورجعت هو جان شايل الاكل
رجع شفته دخل وسد الباب بس هل مره نظراته تعلن عن نفاذ الصبر هنا أيقنت مستحيل انفذ منها
حسيت الموقف حيل صعب ماعرف ليش
بس جسمي صار يرجف رجف وهو عيونه تمشي ع كل جزء بيه تقرب وصل يمي وصار كدامي سحبني
بلكوه حجيت ..

ريفان : غهباغ عفيه !
رهبار : هششش وشل صبري
ريفان : ما خلاني احجي شي وهو يقاطعني بقبله عميه هنا أعلن
عن بدأ حياتنا الجديده بسس !!!

- توقف قلبي ، بحياتي كلها ماتوقعت راح تكون ليلتنا بهاي الطريقه
انقلبت حياتي انقلاب تام جنت اتوقعها شي وصارت شي ثااني معقوله !!!!!

_________________

للحكايا بقايا..

شنوووووو رأيكم بالأحداث وشنو تتوقعون حيصير وياهم ؟؟؟! 😁😁
متحمسين للنهايه ؟!🥺🦅
الباارتوت طووويل و اخذ مني وووقت طووويل للكتابه

التصصصصصويت اخووووووان لاتنسسسون التصوويت ترى نتخاارب ☻️🤭 ومتابعه للحساب كبدبد akyta_98 ..

.

.