دجن الضليع الفصل الستون 60 - بقلم رهف علي

نبدأ بذكر الله ﷽💛✨

قبل القراءة مُتابعه للحساب akyta_98
للتواصل ع حساب الانستا akyta_98

ردت يكون بارت الاخير بس الأحداث هواي
ماردت اختصرهن استمتعوا بالقراءة 🤍🫂

- اثاري انت وجع مرغوب عد گلبي !.

____-_____-____-____-_____

ريفان ::-

ماعرف إذا هي الحياه تحاول تختبر
صبرنا ب أشياء
عزيزه ع قلبنا ك محبه بينه لو كره بينا
شكد ما نحاول نصبر
ونصبر بس بالنهاية
نكون خالين الوفاض ليش ما عندي اي علم
وبكل مره اكول
هاهيَ بس اطلع غلطانه
بكل مره يطلع الي اختبار جديد
يكون أقسى عن الي قبله
جسدي ، نفسي ، معنوي ، صحي ، وغيرها
اتمنى وابقى
اتمنى بس بكل امنيه تسبقها
صدمه !!!

الخوف والرجفه الي احتلتني
بهاي الحظه مو طبيعيه
احاول احجي بس هو ما انطاني فرصه حتى
احجي اله شي
ساحبني بحضنه مامخلي
الي مجال اتملص منه
كأن مدخلني بين ضلوعه
انقطع نفسي يلا
ابتعد عني
ابتعد عني وصارت عيوني بعيونه

ماعرف ليش حسيت نظراته مختلفه !!
مختلفه عن كل مره مو رهبار الي اعرفه
ما انكر خفت
اي خفت بصوره مو طبيعيه
بس ما ردت ابين هذا الشي ممكن راح يفهمني غير شي
بس حسيته تغير وجهة
احمممر ، عيونه تخوف، قطرات العرق الموجوده ع جبينه
سحبني من ايدي
للسرير بس جانت طريقته شوي
حده يمكن اني لان خايفه هيج حسيتها
هو اني منا خجلانه
منه احس اليوم مايريد يخلص
خاصه بهاي الحظه
صرت اتمنى يخلص من التوتر
تركني ع السرير و ابتعد
عني استغربت من شفته مشى بخطوات للورى وعيونه بعيوني
ريقي نشف منه
شفته توجه للكنتور
فتحه ماعرف شنو يريد منه
او شنو يطلع اني الرجفه لازمتني
فجأه سد الكنتور ولتفت
عليه نزلت عيوني للشي
الي لازمه ب يده عقدت
حاجبي بستغراب من شفت
الشي الي لازمه سألته ب استغراب واني خايفه ..

_ غهباغ شنو تسوي بالشال !؟؟

ما جاوبني تقرب
مني وصار كدامي اني كاعده
ع السرير وهو كدامي واكف
لازم بيده اثنين
شالات جد استغربت وماعندي اي
معلومه عن الي
يريد يسوي
وشنو نيته تجاهي ولا شنو يريد يسوي إلي
او بخصوص الي بيده حجيت ويا
بس هو كأن
رهبار ثاني مو نفسه
تغير كلش تغير
خفت منه ونرعبت
حسيت نفسي بقوقعه غريبه مظلمه
وماعرف شلون اطلع منها !!

بلحظه وحدها تغيرت
كل حياتي
اليوم السعيد الي جنت اتخيله وراسمته براسي
حتى يكون ذكرى حلوه طول حياتي
صار يوم تعيس
عشت اسوء لحظات
ماجنت متخيله انُ اعيشها !!
اسوء لحظات هي الي عرفت بيها انُ

رهبـــــار ســـــادي !!!!!!

ماجنت اعرف شنو يعني
سادي لكن من خلال تصرفه
وبحثي عنه بعدين يلا اكتشف هذا الشي
لكن اثبت بزواجنا هذا الشي !!

وما رحم حاالتي واني بعدني بنت !!

ورى الساعه حس ع نفسه وعى ع روحه فز مثل
المخروع مصدوم
من نفسه يتنفس بقوه
واني اشهك بالبجي ماكدر احرك نفسي
جسمي كله يوجعني
كأن حس ع الي صار ابتعد عني مصدوم
اخذ ملابسه
وطلع من الغرفه بلمح البصر
يمكن ما عباله اني
بيه شي عباله مجرد
ألم بسيط بس اني
احس روحي صرت مزق
سجينه و تكص ببطني ادمرت حرفياً
صرت ابجي من الالم النزف اخذني
والسرير صار قطعه
حمره اثار ع جسمي اثار عنفه
اتجاهي
ردت اكوم بس ماكدرت لتفتت
لكيت جهازي بصف السرير ع الميز مديت ايدي بالكوه
سحبته ايدي ترجف بالكوه طلعت رقم غسق
اتصلت عليها بس
ما حصلتها
بجيت بقله حيله
بعدها اتصلت ع زوجها ادم
هو فتح الخط طلبت منه ينطيني غسق هو
ما كال باطل بالعكس
سريع اجاني صوتها
جانت خايفه من سمعت صوتي
انصدمت طلبت
منها تجيني وتساعدني
سألتني شبيه وبالكوه حجيت الها بس ب اختصار
اريد بنت يمي تساعدني
ونوب رهبار ماعرف وين
راح ماشفت وجهة بعد اعرف بي ندمان هسه ع
الي صار بس اني حاليا
ماكدر احرك نفسي
مو نوب اعاتبه !
اليله الورديه الجميله الي الكل يحلم بيها وتكون ليله مميزه صارت ليله سوده بالنسبه اليه
ومستحيل انساها
طول حياتي
حسيت انغشيت بكلامهم من يكولون ليله ورديه
ماجنت اتوقع اكو شي
اسمه سادي
جنت اتوقع هي هيج العلاقه تكون
عشت ليله بعذاب
تعرضت للاغ*** لكن اغ*** شرعي

ماطولت غسق واجتي هي وزوجها
عرفت من دخلت
انُ رهبار اصلاً مو بالبيت
حيل انقهرت دخلت غسق ونصدمت بيه
خلتني اغسل بالكوه ولبستني
وبعدها هي وزوجها
اخذوني للمستشفى
النزف ماخذني ولا توقف
اول ما شافتني الدكتوره انصدمت
كلت الها عروسه
بس هي انفتحت ، شلون ، وليش ، ومايصير ، واني بالكوه مصبره نفسي ميته من الالم
الا ان خيطتني
ومنعت قربه اسبوع كامل
وانطتني علاج
اخذتني غسق وطلعنا برى
لكينا ادم ينتظرنا بس الواضح جان يتصل
عرفته يحجي ويه
رهبار بس ماعرف شنو الحديث الي
دار بينهم
صعدت بالسياره
ورجعنا للبيت بس كلش خجلت
من ادم كلش تفشلت من الموقف الي صار
الدمعه صارت بطرف عيني
رجعنا للبيت والوقت جان متأخر
نزلت وغسق ساعدتني
دخلت للبيت
شفت سياره رهبار هي هم
وصلتني وراحت
لان هم همَ تأخروا
ع بيتهم خطيه بهل ليل قلقتهم وياي ..

دخلت امشي ع كيفي لان مابيه حيل
لكيته كاعد بالصاله
ولازم راسه ب ادينه الاثنين
اول مل حس بيه اني موجوده
رفع راسه ونصدمت
من شفت نفس نظرات رهبار القديمه ، رهبار الحنين الي يخاف عليه من نسمه الهوى
جان
واضح عليه الندم ، الندم ماكله اكل
بحيث حتى نظراته تتهرب مني
وخجلان حتى
مني بسبب تصرفه وياي

تقربت شوي وانصدمت بي من شفته صار
يبجي !!!
نزل راسه عني يحاول يخفي دموعه
عن عيوني بس اني احس وجعني كلبي
عليه ماتحملت
رحت كعدت بصفه
احس رهبار مو هيج بس
ليش صار كل هل شي
وماعرف ليش حاسه
الي صار غصب عنه لان معاملته وياي وتصرفه
ما يدل ع العنف بالعكس جان حنين وياي
إلى درجه حتى
حسدت نفسي ع حنيته
شلون هيج تغير للوحش وبعدها رجع طبيعي !!!
تقرب ولزمت أديه
احاول افهم هو ليش يبجي
وليش هيج سووووه بينا !!

ريفان : غهبااغ بس فهمني ليش
تبجي الله يخليك والله احس بنفسي تايهة لاتبجي هيج ، ليش اذيتني بهاي
الطغيقه انتَ مو كلت ما اذيج هل مغه ليش
صاغت وسويت هيج شي فهمني
لاا تخليني تايهة الله يخليك

رهبار : اسف بويه اسف والله الي صار غصب عني
ما اقصده

ريفان : ضغطت ع ايده ، احجيلي
لا تخليني بدون علم وفهمني
شنو الي صاغ ، رفع
عيونه لعيوني
حسيته خايف من رده فعلي شنو الي ممكن تصير
همست اله ، احجي وياك اني مو ضدك

رهبار : ريفان انسان مريض
ريفان : لزمت كلبي خايفه من كلامه
بس كلش انصدمت من عرفت بي شنو مرضه
انُ هو سادي وشنو يعني السادي فهمني
شنو يسوي وبشنو
بقصد بهل كلمه ماجنت اعرفها وهسه
فهمتها من فهمني عن الي جاي
يعاني منه

_________________

■"السادية"؛
باختصار هي اللذة بإيقاع الألم على الآخرين سواء كان لفظيًا أو جسديًا، فالشخص السادي هو شخص
متسلط، عديم الرحمة، عديم المسامحة لمن أخطأ بحقه بقصد أو دون
قصد، يسعى بكل الطرق لتحقير وإهانة وإذلال الآخرين، وسحق آدميتهم، وجرح كرامتهم، ويتلذذ بذلك، ولا يشعر بالذنب
عند ارتكابه الأخطاء أبدًا، ويتصف
بعدم الثقة بمن حوله، والشك الدائم
بالآخرين، والتعصب
لرأيه وفكره، وعقاب من ينتقده، وغالبًا ما يعاني الشخص
السادي من الوسواس القهري.

■ أسباب اضطراب الشخصية السادية
قد يكون حدوث
اضطراب الشخصية السادية
مرتبطًا باضطراب في مناطق معينة من الدماغ، وقد يكون ھﺬا السلوك نوعًا من التعبير
عن الانفعالات
السلبية والمحتقنة داخل النفس، أو قد يكون نتاجًا لخبرات الطفولة، فالتجارب
السلبية خلال مرحلة
الطفولة أو النمو الجنسي في المراحل المبكرة قد تكون
أحد العوامل الرئيسية التي
تُسهم في تنمية الشخصية السادية، ومع أن هذا
الاضطراب يشاهد
في الذكور أكثر من
الإناث إلا أن الأدلة على
وجود أسباب وراثية ضعيفة.

■ علاج اضطراب الشخصية السادية
تتمثل مرحلة العلاج الأولى
في نصح الشخص من الناحية الدينية، إذ إنها المرجع الأقوى
الذي ينصاع له كل الأشخاص بمختلف الديانات.
●أما المرحلة الثانية
فهي العلاج النفسي، ويتم عن طريق
التفريغ النفسي بالحديث مع المريض وجعله يعبر عن مكنوناته الذاتية
واحتقاناته النفسية، والعلاج
السلوكي بإشغال المريض
بالأعمال التطوعية التي تخدم الآخرين حتي يلمس المشاعر الجميلة في مساعدة
غيره، وإبعاده عن حبه لمشاهدة
آلام الآخرين، وتتويجه بما فعل وشكره على
جهده لكن مع تذكيره بأنه كان عملًا جماعيًا والفضل يرجع للجميع وليس له وحده.
●والمرحلة الثالثة
هي العلاج الدوائي، مفعوله غير مضمون وقد لا يأتي بأي نتائج، ولذلك
يقتصر استخدام الأدوية
على وجود مرض آخر
مرافق كالاكتئاب أو الفصام مثلًا.
●يجب التعامل مع صاحب الشخصية السادية ..
ليس من السهل
التعامل مع هذه الشخصية، إذ ينبغي
مقاومتها وعدم الخضوع لها، ويجب محاولة إحراج السادي أمام الجميع
حين يقوم بتصرف عنيف، خاصة إذا تمت مقاومة عنفه أمام من يحب، فهو
يندهش حين يقوم
أحد بمقاومته حتى وإن كان
منفجرًا من الغضب، فيصاب وقتها
بالشلل في التفكير ويهدأ فجأة.

_____________________

ريفان : شرح الي مرضه بس بطريقه مختصره
بس جان يتهرب مني هو صح بحياتنا الطبيعيه كلش حنين وما يكون عنيف وياي ابد اصلاً بعيد كل
البعد عن العنف
بس بعلاقتنا الزوجيه تكون عنيفه وخلال العلاقه
عنده حب التملك اذا حاولت ابعده عني يزيد عنف
واذا تأذيت كذلك يزيد يتحول
ل انسان ثاني
سحبت نفس واني اعاين عليه
اردفت بهمس ..

غهباغ انتَ متخيل اني ممكن اعوفك !
وياك واساعدك ع كُل شي

ريفان : ماردت الح بالموضوع بس كلت شوي
شوي افتح ويا الموضوع حتى نحاول ويا ويتعالج
اخذني للغرفه جانت نظيفه والشراشف متغيره
ماحجيت شي رحت غيرت ملابسي
ورجعت لكيته كاعد ينتظرني
فتح الي ايده..

رهبار : تعاي هدب عيني ونظرها

ريفان : تمشيت بخطوات بطيئه لان بعده الالم
اول ما وصلت يمه سحبني لحضنه
واني هم دخلت الحضنه وخليت راسي ع صدره
سحبت نفس بقوه

رهبار : تدرين الي زاد الوضع سوء شنو !؟
ريفان : اردفت ب استغراب ، شنو !!
رهبار : جماعتي
ريفان : شبيهم !
رهبار : خالين الي *** بالعصير وزاد عندي الوضع سوء
ريفان : صحت ، شنوووووو
رهبار : وربج ، هذول ال **** مايدرون بيه انا شنو ومن حطوا خربوا ما عمروا

ريفان : نمت من بعد تعب طويل ومن التفكير الي
اكل راسي ثاني يوم مر طبيعي الالم شوي خف
خاصه هو هم مايصير يتقرب مني
اساساً هو ما يريد يتقرب حتى ما يأذيني
بس جان حيل حنون ومهتم بيه كلش
يريد يحاول ينسيني الي صار
بحيث بقيت كاعده طول اليوم واي شي
اريده يصير اسبوع كامل ع هذا الحال
إلى أن فيزنا ال إيران هم شهر عسل وهم
حتى تتغير نفسيتي
وفعلا تغيرت نفسيتي كلش
قويت نفسي وفاتحته بالموضوع الي
جنت اخطط اله طول هذا السبوع
كعدت كدامه وحاجيته ..

ريفان : غهباغ اطلب منك طلب
رهبار : أمري ياعيونه
ريفان : أتعالج ، اول مانطقت عقد حواجبه
ماعجبه كلامي
رهبار : لا
ريفان : حباااب أتعالج ليش تبقى هيج
عاجبك الوضع الي احنه بي
رهبار : رفه سدي الموضوع
ريفان : حباااب حبااااب ليش اسده
رهبار : كلت سدي
ريفان : الخاطغي ماعندي خاطغ عنك !!!؟
رهبار : مايفيد
ريفان : ليششش ؟
رهبار : لان انا راجعت ومالكيت علاج الحالتي ..

ريفان : سكتت بس كلش الموضوع براسي
اريده يتعالج يهل حاله احنه الاثنين نتأذى
بقينا ب ايران فتره طويله من احلى الايام
الي عشتها بحياتي
دللني دلال حسدت بي نفسي
بحيث حتى بجي بجيت مامصدكه كل
الي جاي يصير وياي
وانُ اني هسه فرحانه خلاص وانتهى الشي
الحزين بحياتي
طول هل فتره هو ماحاول يتقرب مني ولو شوي
من هل ناحيه اطمنت لان اني
الي اتأذى
وراها رجعنا للعراق لان هو خلصت الاجازه مالته
صح ما مسموح كل هذا الوقت بس هو دبرها
جماعته لوزوها بيناتهم

مرت سنه كامله ع زواجنا وكلش حلوه حياتنا وصار يتعالج علمودنا وحياتنا
صح بيها مناقشات حاده وبيها عركات ومشاكل
بس عادي تصير بكل العوائل
واحنه هم ما نبقى زعلانين نتراضى
الشي الي منغص علينا حياتنا بس مرضه
الي الحد هسه نفسه ماتغير

جاسر جان فعلا الانسان الخلوق
ومثل ما كال رهبار عنه ايده اليمنه
بكل شي يعتمد عليه حتى علاقتي بي صارت قويه
اي شي احتاجه هو موجود
يحترمني إلى درجه كبيره وما متجاوز عليه ولو
شعره وحده كان امين بشكل مو طبيعي
يعني من رهبار حط ثقته بي وهو مو اي شخص يحط ثقته بي ، ف ما ألومه لان يستاهلها هل انسان

المنطقه الي ساكنين بيها كلش هادئه
بحيث واحد ميدخل بالثاني
واني هم من اطلع ما اشوف اي احد وتكون
طلعاتي بوقت النهار نادراً اطلع باليل
وبكل ما اطلع واشوف اطفال كدامي
صح انقهر بس ما بين ل رهبار هل شي
ماريده ينقهر الله موجود وهو الي يعوضنه
يمكن تصير معجزه يمكن كل شي يصير
واني منتظره هذا الشي من ربي عسى
ولعل ..

هو جان كاعد بالغرفه واني بالمطبخ جنت اسوي
فواكه حتى اودي اله
كملت ورجعت للغرفه لكيته كاعد ع السرير يقلب بالقنوات اجيت من الجهة الثانيه
وكعدت صرت اسوي اله تفاح وانطي
فجأه جاي يقلب وطلع فلم مصري والبنت جانت
تركص ماحسيت الا رهبار التفت عليه

رهبار : اكلج اشو عاجبني تركصيلي
ريفان : لابله
رهبار : اي والله شو كومي بروح العزاز كومي ركصيلي
ريفان : نو حبيبي نو ما اغكص
رهبار : تكومين لو شلون يلا شو كومي كدامي
ريفان : صفنت بوجهة كلت خلي اوخر الخجل شوي
والعب عليه بسيطه رهبار
ابتسمت بوجهة ورديت عليه ، تمام ، هو صاح بصوت
عالي
رهبار : لج كفوووو ابوس عيونج بزون يلا كومي
ريفان : ضحكت عليه شلون متحمس
رحت للكنتور وهو يصيح شتسوين واني ماحجيت شي
سحبت فستان قصير ومدلع كلش حلو يجنن
وأخذت عندي شال قصير بي ليرات يطلعن صوت
ماعرف ليش عندي بس عجبني شكله واخذته
وهسه اجه وقته سحبتهن وطلعت من الغرفه للحمام الي بالبيت مو الي موجود بالغرفه حتى اسوي مفاجأه اله وهو ورايه يصيح
رهبار : لج بويه تعاااي هنا كدامي
ريفان : صببببغ حبيبي هسه جايه ..

رحت ركض همزين اني حاطه مكياج يعني بس
ابدل لبست الفستان طلع يجنن
وشديت الشال الصغير الي بي اليرات
ع خصري مثل المصريات يبو طلعت راقصه
مالبس اي شي برجلي ورحت للغرفه بس شنو
تأخرت عليه وهو اسمعه يصيح عليه
بصوت شخص صايبه الملل من الانتظار
سحبت نفس ودخلت للغرفه
اول ما صارت عيونه عليه فتحهن ع وسعه مصدوم بيه
عاط ...
رهبار : احتررررركت انااااا احتررررركت
ريفان : ضحكت ع شكله شلون يعاين عليه
هو جان مطلع موسيقى عاليه شوي
اول شي ميلت بجسمي بس هو وكفني
رهبار : اوكفي من اشتعلت صفحتي شعل

ريفان : شنو شبيك ، اشو هذا سحب الصينيه
مال التفاح وخر الماعون منها وقلبها
للجهة الثانيه
صاير يدك عليها وهو يغني يمه احس نصدمت
من تصرفه واحرجني بالزايد
بس شنوو كلش عجبتني الاغنيه واني وياها

رهبار : تمايل يا حلاته ومره شفته
مره يعض بصبعه ومره بشفه
ريفان : ع كلامه والدكه مالته صرت اميل بخصري
كدامه وهو يغني
رهبار : مره يعض بصبعه ومره بشفته
ريفان : صدك هنا ماتحملت ضحكت وعضيت شفتي
غاصه صح منحرجه بس نظراته حبيتهن
رهبار : عسل ياطعم شفته من رشفته
سبقني ونزلت دموعه بأديه
ريفان : احس الاحراج طار شوي شوي وتقربت من يمه
واني اتمايل وهو الابتسامه مافارقته حتى عيونه تبتسم
ومستمر يدك ويغني الي
رهبار : عليمن ، ياكلبي، انا من أمر انشد عليك ، عليمن ياكلبي ..

ريفان : وصلت يمه شمر الصينيه وسحبني من
ايدي وكعني بحضنه
خليت ايدي ع صدره واني اضحك ، بعد عني غهبااغ
هو رجع كم

رهبار : الك شفتين خايب ولعني
واحس بنار خايب ولعني
شني مسودن واكلك ولي عني
لو شارب نفط وجنون بيه !!

ريفان : استمرت ايامنا هادئه وحلوه
إلى أن اجه رهبار وبلغني عنده ندوه ب بغداد ولازم
يروح الها شهر كامل يلا يرجع
شبعت بجي معناها راح يبتعد عني شهر
كامل
كعد يقنع بيه وماعرف شنو الا ان كلت ما اعترض اله
وهو مارايح بطر رايح الشغل
جهزت جنطته واني ابجي
متعوده عليه وماكدر ع فراقه
كل ما يداوم ابجي وهو يكعد يضحك عليه
ويصنف واني ازعل منه ويرجع يصالحني
كملت كل شي وصار الوقت حتى يسافر البغداد

بوقتها احنه داخلين سنه 2020 وصادف
بدايه انتشار فايروس كورونا
الحد الان اتذكر التاريخ
بالضبط 14_3_2020
اول نوبه محد مهتم الها بس بعدين صارت الناس
تهتم لان الاصاباات صارت بالتزايد
ف بالبدايه هو جان عنده ندوه لازم يروح
الها

سحبت نفس واني اودعه بسته وحضنته
ماعرف ليش حاسه راح يصير شي
مو زين وماعرف ليش خايفه
شكد وصيته وهو مايعترض بالعكس مقدر خوفي
واهتمامي بي
وهو هم ماطلع الا ما شاف ضحكتي
سديت الباب ورجعت دخلت ابجي
والشهكه لازمتني رحت الغرفتي
ابجي حضنت قميصه الي لابسه
وما اشوف الا باب الغرفه ينفتح رفعت راسي لكيته
،رهبار كدامي
فتح الي أديه وهو يضحك
رهبار : عرفت هسه الكاج ناطه من البجي
مايهون عليه اترك بنيتي الا ما اشوفها تضحك
ومرتاحه
ريفان : رحت ركض عليه حضنته بقوه واني فرحانه
حبي اله زاد اضعاااف يهتم ب أدق التفاصيل
الي تخصني وهذا احلى شي عنده ويخلي متميز
وصحيح ماتركني الا ما ارتاحيت رغم هو
تأخر بس ما يهمه ..

زاد الوضع سوء وكثرت الاصابات واني كلبي صار
يدك من الخوف ع رهبار لان هو يطلع
اما اني طلعاتي قليله وجاسر وياي مايتركني
رهبار موصي بيه
اساساً هو معتبرني مثل اخت اله
ويخاف عليه مثل ما يخاف ع اخته
وهل شي حيل احبه
اتصل ع رهبار حتى يرجع وكل ما اتصل يكول
مو هسه بعد ما مكمل شغلي واني ابقى الوب
مرت الايام كالعاده بروتين ..

صرت احس صدري يأذيني وضيق بالتنفس
فقدت حاسه الذوق والشم
واحس جسمي يوجعني فد مره
بالكوه رحت الجاسر وكلت اله يجيب علاج
الفلاونزا هو ماقصر راح جاب ورجع
صرت ابلع حبوب فلاونزه عسى ولعل اصير زينه
بس كل يوم يزيد الوضع
حتى رهبار خطيه باله بقي يمي يسألني شبيه
واني ما اكول ال بيه
عاندت وما رحت المستشفى ولا راجعت علمود صحتي
ماعرف يمكن خايفه

رهبار : وتااااالي عاد احجي شبيج لج انا هنا محترك عليج وانتِ ماتحجين
ريفان : حبيبي مابيه مجغد فلاونزه عاديه وتعب بسيط
رهبار : وهذا صوتج شبي تتنعوصين عليه
ريفان : مجاي اتنعوص
رهبار : جاا شنو من شوكج الي
ريفان : كلش يلا شوكت تغجع والله مليت غاح يصير شهغ كامل
رهبار : هاهي مابقى هواي وراجع بس انتبهي
النفسج وخلي جاسر ياخذج اذا صرتي موزينه
وانا هم هسه انبه عليه يخلي باله منج
ريفان : ماكو داعي
رهبار : هشش بويه جاي اكلج بالي يمج بس غير شغلي الي مبعدني والا انا جان كابلتج وكعدت
ريفان : ان شاء الله حبيبي

ماتوقعت راح يزيد الطين بله وصارت حالتي
تسوء اكثر واكثر بحيث الأعراض اشتدت
عليه وانتكست حالتي وحتى حيل ماعندي
صرت بالكوه اجر النفس
حتى اختنق ويصعب عليه الهوى
إلى أن وكعت خلص صرت حلقه الاخيره
بحيث جاسر من راد يطمن عليه وشاف حالتي
غصب عني نقلني للمستشفى

جاسر : هسه لو درى شيخلصني منه يكول انا مُهمل
وما مداري زوجته ليش هيج غير
تحجين جا تبقين بهاي الحاله تردين تموتين ..

ريفان : مارديت لان حتى مابيه ارد انتهيت فد مره
و تعبت اول ما وصلنا للمستشفى
لكيناها مليانه ناس وأغلبهم مصابين كورونا
من شافوا حالتي سريع حولوني الغير مستشفى
لان وضعي جان كلش سيء
اول ما وصلنا همَ اخذوني
ودخلوني من بعد سيم وجيم
عرفوا اني مصابه بكورونا وعزلوني
بحيث الي يدخلون عليه لابسين لبس
معين حتى ما ينعدون
بوقتها شكد انقهرت ع حالتي وعزت عليه نفسي
وصحتي حالتي صارت بالنازل
وكل يوم تسوء اكثر
اشتاقيت الرهبار وكلش احتاجيته
خايفه كلش واتمنيت يكون يمي
ع الاقل بس اطمن هو موجود حتى
احس بالأمان يمه
ينطوني علاج بس ابد مايفيد بيه

هناااك وجان اسمع صوت رهبار !!
بجيت كلش محتاجته بس مايقبلون يدخل
عرفت جاسر بلغه وهو اجه
متت الف موته من آلالم الي احس بي
ومن بعدي عن رهبار
الانسان الي احس يمه بالأمان
جان يصيح عليهم يكول الهم
( خلوني ادخل اشوفها هيَ محتاجتني حتى لو من بعيد )
ومن يشتد النقاش يصيح عليهم
( شعلييكم بويه وأذا انعددديت انا اريد انعدي منها المهم اشوفها )
شكد بجيت حنين وكلش حنين عليه واحب حنيته
تجاهي ..

طلعت نسبه الكورونا مالتي 80% اني والميت سوه
العلاج صار ما يمشي بجسمي
وكلش تأذيت صرت اعيش بس بالمعجزات
خاصه اسمع الي موجودين باليوم يموتون
بالعشرات وماكو احد جاي يصحه منهم
بوقتها كلش خفت بعد ما اشوفه وخفت احس
نفسي رجعت وحيده من جديد ...

رهبار : بسسس فهمني ليشش ما اكدر اشوفهاااا
_ تعذرني ماكدر حالتها كلش حرجه ونسبه اصابتها 80% حالتها خطره
رهبار : حتى لووو انا ما يهمني اريد اشوفها، بعدددين
مو هاي مستشفى وهاالله هاالله ليش الهسه
بعدها مريضه ليش ماصحت وصحتها بالنازل يوم بعد يوم
_ اكو شي راح يساعدها
رهبار : شنووو هوَ
_ ابره تشتريها من بغداد بس هاي سعرها غالي وحتى هي خطره ممكن تؤدي ال شلل
هذا اول احتمال ممكن انطي الك أو تتعافى المريضه
رهبار : يعني شنووو !!!!
_ اما تتعوق أو تتعافى مانعرف شنو يصير حالتها جداً حرجه
رهبار : مو مشكله اجيب الابره احسن ما اتركها بيدكم تموت ..

رهبار ::-
رحت البغداد وانا عازم ع ضرب الابره
احسن من هل دكاتره الي المريض جاي يموت
كدامهم وما يسوون اله اي شي
وكأن عدهم اباده جماعيه والموت صار شي
طبيعي ، وحياه الانسان ما مهتمين الها
ابد
اول ما وصلت البغداد ماطولت اخذت الابره وانا ع تواصل ويه جاسر يطمني ع حالتها وكل شي تسوء ما تستعيد صحتها رديت
للعمارة وانا بيدي الكنز اي اعتبر هاي الابره
بالنسبه الي كنز كلش ثمين بي حياه أو موت
حياه الانسانه الي حبيتها من أول ما وعيت عليها
وصارت عيني عليها الانسانه الي
اموت لو صار بيها شي اذا خسرتها
معناها خسرت نفسي
سلمت الابره للدكتور وبقيت ع انتظار هو تأخر
جوه بعدين يلا طلع بس كل هذا الوكت
وانا اغلي ناار احس الدنيا كلها طالعه من عيني
بنيتي وكل دنيتي جوه كلش صعبه عليه
ماعرف ليش حسيت الدينا ضاكت عليه
يمكن السبب رفه كلبي صار بيها شي !!!
شفت الدكتور ورحت العنده وانا متلهف الكلامه
اذا ساعدتها هل ابره اوولا ..

الدكتور: سيدي المريضه دخلت غيبوبه ومانعرف شوكت تصحى منها !

_______________________

للحكايا بقايا ♡ .

بارت واحد فقط يفصلنا عن النهاية ، توقعاتكم ؟!
انتظروا شوي يتأخر لان البارتوت الاخير قلبي

لاتنسسسسون التصويت ابي حكي التصويتي بعد جبدي 💕💕💕

..