دجن الضليع الفصل الحادي وستون 61 - بقلم رهف علي

نبدأ بذكر الله ﷽💛✨

البارتوووت الاخيرررر لاتنسوون تولعوا بتعليقاتكم
الحلوه وتصويتكم عيوناااااااي🥺🤍🤍🤍🤍🤍

من هؤلاء ؟
من هؤلاء الذي سكنوا قلبنا خلال مُدىً
قصيره !
من هُم ! ياتُرى
ما مدى غرابه هذهِ الدُنيا اشخاص لا نعرفهم
ولا نعلم عنهم شيء وليس بمُلتقين فيهُم
وعند الحديتُ عنهم
خلف شاشهً نصبح مَهووسون بِهم !!
أليس هذا الشي
بغريب
أليس هذهِ الدُنيا
بمَجنونهً
بعض الشيء ! لكن ،
جمرهً وضعوا في جوفنا
المً صاب فؤادنا
هزيمه غُلبت مشاعرنا
حُطام دمر قُلوبنا
احداث اختصرت حياتنا
جُروح شُفيت فينا
واخُرى أحتلت تفاصيلنا
ضحكنا وبكينا ، حزنا وفرحنا، تألمنا وعانينا
كُل هذا هؤلاء الأشخاص أبطالنا
" دجن الضليع " بقلمي انا الكاتبه رهف علي 🤍🦅

__________________

"ريـــــفـــــان"

كاعد رهبار كدامي ومايفارقني ولا لحظه
وحده من اول ما طلعت من المستشفى الحد هل لحظه
وهو ما تاركني كل شوي يحجيلي
شنو الي صار وشنو الي صار بي هوَ هم
واني ابجي ويه كل كلمه يكولها الي
سبعه وعشرين يوم واني بالمستشفى داخله غيبوبه
اول ما طلع الدكتور يبلغه
بخبر الغيبوبه وعدم استجابتي للعلاج
بوقتها رهبار قالبت الدنيا
ما مخلي شي يعتب عليه
هارج المستشفى ومخلي الناس
كلها تتفرج عليه
حتى ويه مدير المستشفى تعارك
ع اساس هاي الابره راح تكون شفاء
الي هو كال لو هيج لو هيج بس اساساً
دخلت غيبوبه يعني الحالتين ما صار
ورهبار كايل الهم
( مرتي حاطينها لتجاربكم الخايسه الي بسببها جاي يموتون ناس )
جاسر شكد حاول يمنعه بس ماكدر عليه
جان منهار إلى درجه كلش كبيره
حتى الدكتور خاف منه وخاف من
كلامه بخصوص الابره
هي جانت مصدر نجاه بالنسبه
الرهبار بس انعكست وزاد الوضع للأسوء
بعد ما صحيت من الغيبوبه
طلعت من المستشفى شهر كامل انتهيت بي
حسيت نفسي هاهيَ فارقت الحياه ..

اول ما صحيت جانوا خايفين لا
صارت اضرار بخصوص الابره ، اعاقه ، شلل
لهذا جانوا فوك راسي حتى رهبار وقتها
يمي بس احسه خايف اكثر من ما اني
خايفه
لكن الحمد الله ماتعرضت ل اي اضرار
وجانت النتيجه ايجابيه
وقتها يلا رهبار رضى عن الدكتور ههههه
خبله خطيه ..

اعاين ع ايدي صايره لونها ازرق من الإبر
الي ضربوها الي ضعفت كلش
وجهي تعب إلى درجه
بحيث ماكدر اعاين ع نفسي بالمرايا
لعبانه نفسي من نفسي
رهبار اعلن الحرب وياي بالتعقيمات
وكل ما يشوفني يجي يخليني اعقم اديه
لو اغسلهن
الاكل اهتم ب اكلي فد مره بحيث
من اريد انام واني ما ماكله
صياحه بهذا اليوم يوصل لآخر الدنيا
ماينطي مجال واني ازعل وابقى ابجي
لان يصيح عليه ويكعد ساعه يرضي بيه

رهبار : هسسسسه انا من اصيح عليج حتى تاكلين
غير المصلحتجججج !!! غير اريدج
اطيبين بسرعه جااا عاجبج هذا وضعج شوفي نفسج شلون صايره جلد ع عظم ماتاكلين
ومخلصتها عليه بس بجي
حسره احجيلي كلمه الا ما الكه عيونج غاديات
حمر شكوووو ع شنوووو ! غير تهتمين الصحتج
المفروض انتِ تكولين اي جيب الي واكل
لان شفتي الي صار بيج هناك
لج مووووووتوج الا شووويه لو ما ستر الله ولطفه
جان هسسه انتِ بالمقابر الجماعيه
خايف عليج واريد مصلحتج
بس فهمني تبجين لان اريد مصلحتج
لو لان اصيح يابه هذا حلكي ما ينفتح
اذا اكلتي بس اسندي نفسج
احسن ما كل شوي واكعه
وهذا مرضج ال **** مايروح الا ما تتغذين
اسندي نفسج وداريها بالأكل والفيتامينات
حتى تصير عندج مناعه
وهذن المعقمات اذا لمحتج ما تستخدميهن
ساعتها يصير وياج غير حساب

ريفان : هو يحجي واني مبنده من البجي
المشكله مازعلانه منه لا بس نبره صوته
وزعله مني زعلت عليهن
هو عاين عليه وشافني شلون مبنده من البجي
سكت وصار يستغفر الله هواي

رهبار : استغفر الله شبيج
ريفان : كعد يمي وسحب ايدي
رهبار : كافي بجي عيونج راح يروحن هسه غير افهم شكو البجي ، زعلانه ؟؟؟
ريفان : هزيت راسي ب اي
رهبار : ع شنو زعلانه ع الكلام الي حجيته
ريفان : هزيت راسي ب لا
رهبار : اااحجي شكو تهزين براسج
ريفان : زعلانه لان انتَ زعلان مني
رهبار : بروح ابوج !
ريفان : اي ، حجيتها وبجيت وهو صار يضحك
بصوت عالي ، واني اضرب بي
رهبار : والله عندج طلعات هذا راسج وابوسه
شحدي اخليج زعلانه الا ما رايد نفسي
ريفان : ضحكت ورجعت بسته بخده وهو يكزكز ب اسنانه عليه

رهبار : ففه كلبـــــي

ريفان : ها حبيبي
رهبار : ما تتخيلين حالتي من دونج
ريفان : ابتسم واني اعاين شلون يحجي وهو مقهور ردت اتشاقه ويا ف رديت عليه..
اصلاً عادي عندك إذا متت .. هو سريع
عقد حواجبه ورد
رهبار : منين استنتجتي هذا الكلام بله

ريفان : من الكُل هاي اني جاي اشوف
ماكو احد مات ورى احد يحبه وخاصه الزلم
اول مل تموت مغته يغوح يتزوج وغاها
ويعيش حياته عكس المغأة ( المرأه) تبقى دافنه نفسها
وما تتزوج من بعده الزوجها وابسط مثال
الي حجيتلي عنه انتَ زوجته
طلعت الأغبعين مالتها وغاح تزوج وغاها

ماحسيت الا نتر بوجهي

رهبار : انتِ شجاااي تليصين بالحجي شلون هذا
الكلام بعدين هذا الي حجيت الج عنه
بسبب ابنه الي عمره شهر وما تزوج وحده غريبه
اخذ اختها حتى تكون احنه من الغريبه ع ابنه

ريفان : هاااااا يعني لو عندي اخت عادي تاخذهااا ؟؟؟؟؟ غهبااااااغ

رهبار : دخيلك ربي

ريفان : اعتغف يلااااا لو عندي اخت تتزوجهاااا

رهبار : لااااا يعرضي لااااا شصخم بيها انا وحده ثانيه من بعدج ماااكو افهميها ماكو وحده تحلى بعيني

ريفان : كول والله مرتين

رهبار : ضحك مهتزه اكتافه ، كلهن بعيني زلم بس انتِ المرأه الي اخذت من حيلي حيل

ريفان : سنحت بوجهة ، شو بله عيدها الي

رهبار : ولج ***** كيفت ع هل شغله

ريفان : اوووو لا تغلط

رهبار : *****

ريفان : اااانوب !!!!

رهبار : جا شلون غير انتِ مالتي
ريفان : عيب ابني عيب
رهبار : صاغ ماما
ريفان : غهباااااااغ
رهبار : ضحك ، اقصد صااار
ريفان : ارجع كغغ وغايه ( كرر ورايه )
رهبار : شني كغغ هاي اكله جديده تنوجل تنشرب!!
ريفان : هاااااي شنو صايغ تستهزء بيه
رهبار : جا غير افهم
ريفان : اووووف شبييييك وياي اوووي
رهبار : شبيك انكلشش
ريفان : هو كالها واني بقيت اكركر من الضحك
حتى الزعل طارت وهو صافن عليه مبتسم ع ضحكتي
تقرب مني واني سكتت ..

رهبار : الله لا يحرمني من هاي الضحكه الحلوه
هي وصاحبه الضحكه
ريفان: ولا منك حبيبي

سحبني بسرعه وباسني بكل مره
يتقرب مني بهذا القرب احس نفسي
كأنها المره الأولى احس كل يوم يكون شعور
مختلف احلى من الي قبله
وبكل مره اتلهف اله اكثر عن قبل
مشاعري كل يوم تزيد واحساسي
بالحب كل يوم يزد
مستحيل اتخيل نفسي بدون هذا الانسان
القليله بحقه كلمه نعمه
مشاعري دائما تكون اتجاهة جديده
بس تكون بلهفة واقوه عن الي قبلها
كأن جاي يتجدد ويزيد
ابتعد عني وهو يتنفس بسرعه
عيونه بعيوني الهسه استحي منه
واهرب من نظراته من بعد كل مره يتقرب
الي بيها واني حتى اهرب من هذا الخجل
ادخل بصدره واحضنه بدون تفكير
حضنته وضميت نفسي بحضنه
وهو يضحك عليه ..

رهبار : *** بهذا مستحاج لج بابا بطلي انا رجلج
يمي لا تفكرين ب اي شي خليج بس وياي
لاتكولين هذا عيب وهذا ماعرف شنو
انا وياج واحد
ريفان : ماريد عليه بقيت ساكته
بقى يلعب بشعري واني ما ودي حتى ابتعد عنه
كلش احب هذا الانسان واحمد الله عليه لان صار من نصيبي
رجعت تذكرت وحجيت ويا ..

ريفان : حبيبي
رهبار : هدب عينه
ريفان : ما كغغت وغايه
رهبار : اكلج *** عمي كولي شنو الي اكرره بله
ريفان : اي صيغ حباب من البدايه
رهبار : انا دوم حباب
ريفان : اممم المهم كول وغايه
رهبار : اكول عوفي وتعالي اريدج بموضوع
ريفان : اووووووف كلبي ، ما انطاني مجال حتى
احجي الي اكوله ..

مرت الايام والحمد الله رجعت صحتي بخير
لكن الوباء بده يزيد اكثر واكثر
صرت يوميه اتابع الاخبار
وابقى ابجي عليهم كل ما اشوف حصيله
جديده اشبع قهر وخاصه من اشوف
المقابر الجماعيه شلون صاروا يدفنون
الناس حتى بدون اي شي
حتى اهله ما يلحكون يشوفوا
تخيلت نفسي وياهم شكد خفت وقتها
ورهبار كل ما يشوفني اعاين ع هاي الاخبار
يجي يصيح عليه ويسحب مني يا الجهاز
يا يطفي التلفزيون
حتى ما اتابع اي شي
لان كل ما يجي يشوف عيوني صايرات حمر
واني ما شاء الله عليه ع اي شي
انقهر مو النوب اشوف ناس تموت وتندفن
وفوك كل هذا لابسين لبس الأبيض ومغطين
نفسهم ويخلوهم بالحفره
بدون ما يمهم عوائلهم واني افرفح عليهم ..

من صرت زينه وتعافيت
نوب اني التفتت ع رهبار وصرت اركض
ورى ع التعقيمات

ريفان : اوووكف وين غايح نسيت
التعقيمات غهبااااغ
رهبار : شو دجيبي شنو ناويه تعيدين الي سويته بيج
ريفان : للااا بس اخاف عليك
رهبار : زلمه شطولني وتخافين عليه
ريفان : حبيبي اسم الله المغض مايعغف زلمه ولا يعرف امرأه تمام
رهبار : اي بله
ريفان : اي بس هيج
رهبار : ضحك ، شو جيبي اريد اروح الشغلي راح اتأخر من وراج
ريفان : الكِمامه لاتنسسساهااا البس كفوف هم
رهبار : بدون ما توصين لابس اثنين اثنين
ريفان : عفية ب ابني
رهبار : تدللين ماما
ريفان : يلا يلا غوح وتعال من وقت
رهبار : جا خوش ..

ريفان : راح رهبار عنده كم شغله هو ومراد ماعرف شنو هيَ بس كال مهمه
ويرجع بالليل اني زادت الضوجه
عندي نوب حتى ما نكدر نطلع بسبب كورونا
هو لو ماكو جان طلعت بس
هل الوباء ماعرف من وين اجه
وكفت بالمطبخ ليش ما اسوي حمله تنظيف ع البيت
صارلي من دخلت للمستشفى هملته
برغم جاسر يجيب عامله تنظيف تنظفه
بس ما ارتاح الا بيدي انظفه
رحت للغرفه طلعت ملابس مريحه
للتنظيف ودخل للمطبخ اني والمعدات مالتي
اممم هسه من وين نبلشش !
رحت ع الطباخ نظفته وسويته مرايا يلمع
والكاونتر كل المطبخ نظفته صار كلش نظيف
وحسيت براحه عجيبه
انتقلت للديوانية مر الوقت ومحاسه ع نفسي
بحيث تأخرت هواي بالتنظيف بس بقت الغرفه
مالتنا اخر شي
كلت اشرب ماي واروح انظفها
شربت ماي ودخلت الها
كلت حتى اسوي بيها تعديلات
اول ما رحت للكنتور حتى اعدل الملابس
عدلتهن وكملت

ردت أسد الباب بس انتبهت ع شي
مديت ايدي لكيته نفس الصندوق
الي ع شكل قاصه المقفله
الي لكيته هذاك اليوم مقفول وماكدرت
افتحه وهسه هم مقفول !!
ماعرف ليش الفضول زاد عندي بشكل مو طبيعي
كلت خلي افتح الصندوق حتى لو ينكسر
مو مهم المهم اشوف شنو بداخله
واذا اجه رهبار وعيط عليه احاول بوقتها اصلح
الخطأ
رحت جبت سجينه وصرت احاول افتح بي
تعبت وما مفتوح إلى أن انفتح
زفرت نفسي بقوه واني اضحك فرحانه
همزين انفتح الصندوق
شمرت السجينه وفتحته
استغربت من لكيت ورقه صغيره ومطويه
سحبت الورقه من الصندوق
وصارت عيني عليها
صار يدك كلبي شوي شوي
احس حتى النفس عندي صار يزيد
ابتلعت ريقي بصعوبه واني افتح الورقه
اول ما وكعت عيني ع المكتوب بيها
انهاااريت ، انهارت كل حصوني
توسعت عيوني وانا اقرا المكتوب بيها
لاااا يا الله دخيلك !!!!!!!

الورقه الي ماما الحقيقيه عافتها وياي
وتركتني يم الجامع وانا عمري شهرين!!
جان مكتوب بيها
( دموع 1/1/1995 الولاده ، لنا لقاء بإذن الله ،
امانه جامع شيخ عبد الغفار ) ....

احسن توقف الزمن عندي واني اقرا المكتوب بيهاااا
بقيت لازمه الورقه واني ماحسيت ع نفسي
دموعي تنزل عشره عشره
شنوو هاي هاي هاي معقوله !!!!
طلعت شهكه من داخل كلبي واني
ارجع اعيد قراءه المكتوب
يمكن قريتها الف مره بس حتى اصدك
الي تشوفه عيوني
معقوله هاي الرساله الي تركتها ماما وياي اول ما شمرتني يم الجامع
واني عمري شهرين !!!
شنو يعني اسمي الي هيَ
سمته الي
" دموع " !!!
معقوله هيج سوووت بيه وبكل دم بااار كاتبه
تاريخ ميلادي واسمي
وفوك هذذذذا
كاتبه الي
" لنا لقاء بإذن الله " !!!!!!
ومأمنتي يم الجاممممع
بفجررريه وبمكان مُرعب
واني طفله انفاااس
شكال الها كلبهااا
من سوت هاي العمله
شلون تكتب لنا لقاء
بإذن الله وهي عديمه الرحمه
تركتني بنص
الشارع بنص الكلاب !
الي تسووي هيج هاي ما تتسمى اااام
شنو استفادت
من سوت
هيج
شنوووو !!!
معقوله هنت عليها
شلون تركتني
راح اتخبل ..

بجيت بجي ما صاير انهااااريت
فد مره احس ماعندي قدره حتى
اعيششش حياتي من
جديد
خاصه بعد الي شفته
كرهت نفسي وكرهت
الدنيا كلها
اذا من اني وطفله وهنت عليها
شلون " بالنااااس "
ماخافت شي يووم يعيروني!
ما خافت شي يوم يكولون الي
كلمه " نغ** " لان ماعندي اهل
ماعندي اصل
مقطوعه من الشجره
ما خاااافت اتعذذذب والناس الي
اكون وياهم مو زينين وياي ابد !!!

وكفت ع طولي ركضت للمطبخ وبيدي
الورقه واني اشهك بالبجي
جاي ادور ع جداحه
لكيتها كدامي سحبتها وشغلتها
خليت الورقه ع نار الجداحه واني ابجيتى عيوني ما اشوف بيهن كد دموعي الي
تنزل
النار بدت تاكل الورقه ماحسيت الا
انسحبت مني بقوه
لتفتت لكيته رهبار
ماد ايده ع الورقه وطفاها ب ايده
جان أطرافها محتركه هو لحك عليها
وما خلاها تحترك
واني بس شفته عبالك
شفت حبل النجاه وكأن انكتب عليه
البجي
جانت نظراته تجاهي كأن نظرات شفقه
نظرته حزينه
واني من اشوف هيج ازيد ما انقص

فتح الي أديه واردف ..
رهبار : تعاي جاي بنيتي
ريفان : ارتميت بحضنه حضنته بقوه
وصرت اشهك بالبجي وهو يسكت بيه
أشكال كلام حجه الي بس حتى يهديني
واني ما اكدر أهدأ الكلام الي شفته كلش
صعب والورقة اول مره اشوفها
رهبار : هششش اهدي لاتنهارين هيج مو زين
ريفان : غهباااغ
رهبار : روحه ، عيونه ، كلبه
ريفان : ماما ليش هيج عافتني ليش هيج
سوت بيه والله ما استاهل
معقوله اني بالنسبه الها عااغ
رهبار : بالعكس لاتحجين هيج بس ظروف تجبر الشخص
ريفان : بالكوه تتطلع الكلمه مني ، لا اني تركتني
مو بسبب ظغف ولا جبغ، هي ماغادتني ، ابتعدت عنه واني ااشر ع الورقه واحجي ب انهيار ،
شششوف هذا الدليل كدامك هاي الورقه كدااامك
صارلها شكم سسسسنه ليش ما غجعت الي اذا كاتبه
لنا لقاء بإذن الله ليششش ماغجعت
هاي معناها هي ذبتني وما تغيدني ..
هو شافني كلش منهاره رجع سحبني لحضنه
حتى يسكتني واني فقدت
ماحسيت ع نفسي ...

صحيت من فقداني للوعي لكيت نفسي
بحضنه ع السرير وهو يمسح ع شعري
ع كيف شافني كعدت ابتسم الي ..

رهبار : الورقه الي شفتيها تنسيها هسه بدينا حياه
جديده اعتبري هاي الحياه عشناها من اليوم
وكل الماضي تنسي
احنه ولد اليوم
انتِ ماعندج احد واني ما عندي احد
واحد يكمل الثاني
ها شكلتي
ريفان: ابتسمت واني امسح دموعي ، تمام

رهبار : تردين يتغير اسمج يكون مثل ما مكتوب " دموع " مثل ما مكتوب بالورقه لو تبقين ع اسم ريفان
ريفان : لا ماغيد يتغيغ خلي يبقى غيفان
احسسن
رهبار : تأمرني ففتي

ريفان : مرت الايام ما اكول نسيت لا ابد
لان بكل لحظه ترجعني الذكرى اليوم الرساله
والكلام الي موجود بيها
وارجع انهار بس صرت احاول اتناسى الي صار
وارجع اعيش حياتي من جديد
حتى اكمل وما ارجع للماضي بس الشي
الي بقى يدك بكلبي
هي كلامها وليش الهسه ما وصلتني
ليش بعد كل هاي السنين ما حاولت
ادور عليه وتلكاني
خاصه احنه حاجين ل صاحب الجامع
عن قصتي وكلنه اله اذا شي يوم
اجوي ناس يدورون عن طفله
بهذاك الوقت اتصلوا علينا
حتى نعرف نتصرف
بس ولا مره اتصلوا علينا ولا مره
كالوا اجوي ناس يدورون ع طفله انفقدت
بسنه بالضبط بتاريخ 1995/1/1
مافهمت الأمل بس أملي ب الله اكبر من كل شي ...

بمره جنت اتابع مسلسل من الملل
جان رهبار يصير كدامي طفى التلفزيون
واني عطت ، لاااا حبيبي هاي ليششش
رهبار : عيونج راح تروح
ريفان : خليهااا تغوح والله من الملل حتى صغت
احسب الدوائغ الي بالحايط ، ضحك عليه بقوه
واردف
رهبار : والي يسد الج هذا الملل
ريفان : عدلت كعدتي ، شنو هو بله احجي
رهبار : عاينو البنت شلون فتحت عيونها ومتلهفه
ريفان : اي غيغ ملل صابني واغيد اتخلص منه
رهبار : جا خوش اسمعي
ريفان : جاي اسمع
رهبار : قدمت الج ع التمهيدي وراح ترجعين
تدرسين ، اريدج تشدين حيلج وتتخرجين من السادس بدرجه تفوق حتى ادخلج أرقى كليه
والتعجبج بالعراق كله
اريد ففتي تصير احسن وحده والكل يتمنى يكون
بمكانها ويحلم بالدراسه الي هي تدرسها
ريفان : من الصدمه ماعرف شنو اكول اله
هو طك أصبعه كدام عيوني واني فزيت
صرخت ، عليك الله تحجي صدك !!!
رهبار : وعيونج الحلوات بزون
ريفان : شمرت نفسي عليه واني مو مصدكه
فرحانه بقيت ابجي وهو يضحك لزمته
من خدوده واني ابوس بي
احس حياتي صارت تمشي
مثل ما أريدها كل شي جاي يرجع
الي شوي شوي واحس حالتي جاي تتحسن
ياربي اكون كد هذا الكلام واتفوق وأثبت
اله اني غير شكل واستاهل هاي الفرصه
رهبار : اريدج تثبتين شطارتج
ريفان : ان شاء الله
رهبار : كدها
ريفان : كدهاااا
رهبار : كفوو ..

تحديداً بتاريخ 6/12/2021 جنت اقلب
بالتيك توك وطلعت الي منشورات قصص
استغربت بس جانت مو بكميات كبيره
يعني مو دائماً تتطلع الي هيج منشورات
ف ماعرف شلون قريت المنشور
لكيتها مقطع من شي قصه ماعرفت الاسم
بس عجبني اكتب قصتي
لهذا رحت للفيس ماجنت اعرف اكو واتباد
ف رحت للفيس وصرت ادور ع كتابه
حتى تكتب الي قصتي
بحثت هواي بمنشورات
بحسابات بس اريد الكه كاتبه بس مالكيت
تركت الموضوع بس بقى براسي
وهم رجعت ادور ع كاتبه حتى اكتب يمها
قصتي إلى أن لكيت كاتبه
اسمها **** كلت خلي احفظ حسابها
افاتح رهبار بالموضوع يلا بعدين
اخليها تكتب قصتي
ماعرف ليش ردت تنكتب القصه
يمكن لان احب الناس تعرف الي عشته وتاخذ
عبره ، أو لان حتى يبطلون الناس يتركون
أطفالهم ويتخلون عنهم
ردت بس اوصل الهم فكره اذا تخلوا عن أطفالهم
شنو ممكن يصير بيهم وشنو ممكن
يعيشوا من عذاب والم جسدي ونفسي

سديت الجهاز من وصل رهبار للبيت
كلت ورى ما يتعشى احجي ويا
وصدك كمل عشه وكعد يحجي ويه
جماعته ع الفيس
واني اعضعض بشفتي متوتره فد مره
هو صح ما يرفض الي طلب
بس خايفه يرفض
كلت خلي احجي واليصير يصير

ريفان : حبيبي ، هو رد عليه بدون ما يعاين
وعيونه بالجهاز
رهبار : همم
ريفان : عاين عليه عندي وياك موضوع ، هو رفع عيونه
شاف مدى جديتي بالكلام
لهذا سد الجهاز وحطه بصفه
رهبار : احجي
ريفان : بدون مقدمات ، اريد اكتب قصتي
رهبار : عقد حاجبه ، شنو ؟
ريفان : حبيبي اريد اكتب قصتي شبيك
رهبار : يعني شلون فهميني
ريفان : يعني اكو كاتبه ع الفيس
تكتب قصص حقيقيه
اني ادز الها الأحداث وهي تكتبها ، رد عليه بنفي قاطع
رهبار : لا
ريفان : ليشششش
رهبار : بويه شغلي خطر وانتِ تتعرضين للخطر
ريفان : لااا مو هيج
رهبار : جا شلون بله ؟
ريفان : اني اطلب منها تغيغ الأسماء مثلا تغيغ اسمك
واي شي تحب ماينذكغ هم ما اخليها تذكغه( تذكره)
ها شكلت حبيبي

رهبار : شلج بيها ماتفيدج
ريفان : سبلت عيوني وقوست شفايفي بزعل ، حبااب لاتكسغ بخاطغي حباااب
رهبار : سحب نفس اردف، مثل ما تردين بس لا تصرعين راسي
وأهم شغله دراسستج ياويلج اشوفج هاملتها
صدكيني العب بيج طوبه
ريفان : لاااا وعد ما أهملها اصلاً بس انطيها الأحداث
وهي تكتبها
رهبار : ومو كل شي ينذكر
ريفان : سويتله حركه الاوكي بيدي وهو ضحك عليه ...

رحت طايره الحساب الكاتبه راسلتها
وهي من اول لحظه ما اعترضت كالت ماكو اي مشكله
عادي استلمها ف عاد دزيت الها الأحداث
بس شنو احس الحماس صار فول عندي
ماعرف ليش فرحانه يمكن لان راح اخلي الناس
كلها تعرفني
بس جنت كلش متوتره وحذره
حتى ماا انطي اشياء مايقبل بيهن رهبار
عاد هي الكاتبه كتبت الإعلان ونزلته بس جان
اسم القصه مو لائق ماعرف يمكن اني هيج
حسيته بس كلت يمكن هل شي عادي
الاعلان ماجان بي شي موحلو
لهذا ما اعترضت عليه
وبعدها هي كتبت الي البارت الأول ودزته
حتى أوافق عليه وهي تنشره
من قريت البارت شفته طبيعي
والأحداث الأولى تقريبا نفسها
لهذا اطمنت

رهبار أصر عليه أغلق الاجهزه حتى ابدي
ادرس لان سادس التمهيدي يحتاج اله دراسه
وتحديد مصير لهذا اضطريت
أغلق الجهاز مالتي بس قبل
لا اغلق الجهاز راسلت الكاتبه ..

ريفان : مرحبا حبيبتي ، بخصوص القصه
اني شفت البارت الأول وهو زين ما بي شي
لهذا تكدرين تنشرين باقي البارتات بدون ما اني
اشوفهن لان راح أغلق الجهاز عندي دراسه ، بس من تصير عندي فرصه و وقت افتح الجهاز واراسلج
،هي بوقتها ردت عليه ..
_ تمام حبيبتي بالتوفيق

عاد اني اطمنت وغلقت الجهاز او بالاصح رهبار غلقهن ..
مرت الايام وهو تشدد عليه بالدراسه اذا
شافني شوي غافلت الدراسه يعيط بيه
ويخليني ارجع اقرا ساعات اضوج
وانقهر بس من اسمع كلامه لا ارجع بنشاط
ع طول جان كلامه محفز الي
وينطي طاقه ايجابيه ويحثني ع النجاح
هو السبب بتغير حياتي للأحسن
والاحلى ..جان ع طول يكول الي ..

رهبار : ففه ادرسي وصير ناجحه اريد ارفع راسي بيج كدام كل شخص كال لا تاخذها ماتفيدك
اريد اشوفهم انتِ منو وانا ثقتي بيج ازيد من ثقتي بنفسي
اكسري عينهم ففتي ..

ريفان : واني مستحيل اخيب ضنه بيه
لهذا جاهدت النفسي واله اريد يكون عندي
شي احتمي بي من صدمات هاي الدنيا
ع الاقل اذا صار شي ف اكيد راح استفاد من
شهادتي بالمستقبل ،
تعبت وردت اغير شوي من نفسيتي
لهذا طلبت من رهبار افتح الجهاز وهو ما اعترض
بس انطاني وقت حتى ما التهي بي
وابتعد عن الدراسه
دزيت رساله للكاتبه
هم اشوف وين وصلت
ورحت اشوف فيديوهات ع التيك توك
اني وجاي اقلب بالفيديوهات
جان يطلع الي
فيديو لقصه بس احداث
القصه كلش سخيفه ومو حلوه بس
الي صدمني اسمي واسم رهبار موجودات
خاصه اسم رهبار وهو جان محافظ ع اسمه
وما يقبل ينعرف
قريت اسمها طلعت هي نفسها قصتي !!!!
هنا جانت الصدمه
حتى الأحداث الي بالقصه لعبت نفسي
منها شلون هيج تحرف بالقصه وتكتبها
بطريقه غير لائقه
اني حتى خفت من يمي
رحت للكاتبه اراسلها وهي ماترد عليه
كلبي صار يدك سريع
يبوو اذا رهبار يشوفها تخرب
انخبصت خبص روحي نخبصت
رهبار كال اذا القصه مو لائقه مستحيل
تنكتب وحتى ماخليت تكتبيها وتنزليها
هسه شلون اذا احجي اله هو
اكيد يحلها بس تحرم عليه كتابتها
نوب هي مارد عليه لزمت وحظرتني
يبوو هنا خرطت روحي
ماحسيت الا اجاني صوته

رهبار : شبيج !!!
ريفان : ها مابيه
رهبار : رد بهدوء ، احجي احجي وراج مصيبه واضح من شكلج
ريفان : احجيلك بس لاتعصب
رهبار : دخيلك ربي ، اي كولي
ريفان : الكاتبه الي نزلت القصه
رهبار : شبيها
ريفان : احم ، محغفه بالقصه
رهبار : إلى أي درجه ؟
ريفان : نزلت راسي ، هواي ماحسيت الا عاط
رهبار : اااااي هذذذا الي عرفته راح يصير
كتلج من البداااايه لا هسسسه شحصلتي من
حرفت بيهااا
ريفان : مو بس هيج ، حتى اسمك هم منزلته ، يبو اني كلت هيج لو صار نار كبره بحيث اني من يمي
خفت منه عصبي عصبي لو بيدي انهزم
منه بس المشكله احنه الوحدنا بالبيت حتى
لو نهزمت قابل اروح يم منو يلكاني ويسحلني
وتصير الكتله كتلتين
رهبار : خلي تحذفهااا القصه كلها تحذفهااا
ريفان : اي اي ميخالف بس ..
رهبار : بسس شنو ؟
ريفان : الكاتبه ما جاي تغد عليه وبعدين حظغتني ( حظرتني ) ، هو نوب
زاد عليه ما نقص

رهبار : شو جيبي الجهاز خلي اعرف شغلي وياها
ريفان : انطيته الجهاز ماعرف شسوه نوب طلع
جهازه وراسلها من حساب الفيس مالته
هم لزمت وحظرت الحساب
هنا اني صرت نار اكيد هسه
يرجع عليه ليش هيج جاي تسوي
يعني كلش تصرفها غير لائق
وراح يلعب بيها طوبه ويامن اندك
ويه رهبار يبوووو ..
رهبار : ال**** انا الها ..
ريفان : يمه عيونه صارت تخوف
نوب ع حسابها الانستا دزلها بصمه وهددها
بيها حتى تخاف وتحذف القصه
وتلغيها
عاد هي ماكو ثواني وحذفت القصه
جان نازل منها تقريباً اثنين بارتات
ومو منتشره بس اكيد بعدين تنتشر
والكل يعرفها
اول ما حذفت القصه راحت وغلقت كل
حساباتها شكلها حيل خافت من
تهديد رهبار الها
واني بعدها استلمني
رزاله يبو باالكوه يلا خلصت من رزالته
بعدها صارت عندي عبره من هل شي
هههههه مو اي وحده اراسلها

رجعت هم غلقت الجهاز لكم يوم
والتهيت بدراستي بس فجأه
صارت بنت تتردد عليه اول مره
من اجتي البيتنا ف لان بنت
اني طلعت حجيت وياها
جانت بنت لطيفه وحبابه وفرفوشه اسمها سهر
لهل سبب صارت تتردد ع بيتي
واني ماعندي صديقات هي بس غسق
ومو دائما ع تواصل وياها
لهذا دخلتها للبيت صارت تمر عليه كل فتره
وبوقتها رهبار ملتحق وجاسر اني كلت اله
هاي صديقتي لهذا دخلها بس من بعد معاناه
الا طلب مني اتصل ع رهبار او هو يتصل عليه
ويبلغه
عاد اني اتصلت ع رهبار وبلغته
هو اعترض ادخلها جوه لان مايعرف منو
بس بعدين كتله اني استفسر منها واعرف
معلومات عنها وادزلك كال تمام
ف اني هم نسيت وجاسر عباله اني
محاجيه رهبار عليها وهو قابل
لهذا الحمايه صاروا يدخلوها للبيت بدون
ما يكولون منو انتِ
لان عرفوها صارت
تتردد ع بيتنا بكل مره
رهبار يلتحق بيها
اني الي طمني هي تصير
زوجه صديق رهبار
بالدوام لهذا كلت هي هم خطيه
وادور صديقه لهذا عادي مابيها مشكله
من صارت تتردد ع البيت اني اطمنت وامنت
بيها

ف بمره من المرات اني جنت داخله للحمام
اسبح ف ماعرف بيهاا جايه للبيت
وهم كالعاده مدخليها للبيت
واول ما طلعت من الحمام ما لكيتها
اني بس سمعت صوتها وهي
تسألني شلوني وشلون صحتي
واني رديت عليها كلت الها
اصبري هسه اطلع بس من طلعت ما
لكيتها استغربت
رحت سألت الحمايه كالوا راحت مابقت هواي
وهي قبل شوي اجتي
بهذا اليوم جاسر ما جان من الموجودين بالحمايه
لهذا ورى يومين دخل جاسر للبيت يصيح ..

جاسر : ريفاان

ريفان : طبعا علاقتنا كلش قويه وعادي
يصيح ب اسمي بس للامانه كلش محترم وهو
متزوج وعنده عائله واطفال وبعمر رهبار
يعني مو صغير
ف اني حطيت شال ع راسي وطلعت اله ..
هااا شنو ؟

جاسر : هسه رجعت الكاميرات المراقبه
ريفان : اي شبيهن ؟
جاسر : البنت سهر الي تجيج قبل يومين
داخله للبيت وما مطوله ورجعت طلعت ليش ؟؟؟
ريفان : والله ماعغف اني جنت بالحمام وكلت الها
تنتظغني اطلع بس من طلعت ما لكيتها
جاسر : زين شنو انتِ كلتي الها تاخذ شي وياها ملابس او شي ثاني؟
ريفان : لاا ، ليش دانطيها ، تخبل
جاسر : تكذبيني !! لا تخبليني البنت داخله للبيت فارغه
مابيدها اي شي بس جنطتها الصغيره
ومن طلعت اديها بيدها جنطه غير مالتها
غيررر تنتبهين انا لازم اتصل برهبار بالشغل
لازم يكون عنده علم
ريفان: بس هو اليوم ينزل من دوامه
جاسر : وان يكون لازم يعرف جا نبقى هيج بله طلعت ماخذه شي مهم

ريفان : بقيت اتصفن معقوله تتطلع حراميه !
اتصل جاسر ب رهبار وبلغه عاد رهبار هم بيومها اجه من وقت اول ما دخل
راح للغرفه مالتنا يدور يدور إلى أن رفع ايده وضرب
ايد ب ايد الثانيه وجاسر برى يريد يفهم شكو ورهبار يصيح اني انهبطت من يمي
طلع رهبار وطلعت ورى صاروا وجهة بوجه هو
وجاسر واني باقيه اتفرج عليهم ماعرف شكو ..

جاسر : هاا بشر شكو ؟
رهبار : ال*** ماخذه الملفات المهمه كلهن وطالعه
بس عرفتها هاي تصير زوجه حسام
جاسر : لا تكولهاااا
رهبار : هاي بعد كلتها هل ناقص عرف شلون
يلعبها يريد يوكعني شكد **** وطلع ناقص
عرض حتى يستخدم مرته لهيج اشياء
تتدخل جاسوسه البيتي حتى تاخذ الملفات
مو انا اعرفه **** بس مو يستخدم عرضه
جاسر : وهسه شنو ناوي تسوي
رهبار : اتصل ع مراد ونشوف تاليها وين تصير

ريفان : كلش انصدمت يعني طول هاي الفتره
هي هل بنت خطر علينا واني مدخلتها
للبيت اكلت بهذله من هاي الزينه من
رهبار وتبت بعد كلت التوبه اذا
اكررها
رهبار حاط كاميرات جوه بالصاله بس بجهازه ومن فتحوا
التسجيل شافوها شلون دخلت ركض للغرفه اخذت
الجنطه البيها ملفات وطلعت
عاد همَ أخذوا التسجيل واتصلوا ع مراد وراحوا
ماكو لليل راجعين من بعد ما رفعوا عليه
دعوا سووها الها بدايه ما الها نهايه
وصدك مرت فتره البنت تعاقبت وحسام
انفصل من شغله وتعاقب خاصه لاكين
عنده هواي ملفات تزوير وقضايا ابتزاز
مو بس يبتز الناس لا حتى الضباط الي ويا
عاد صدك وقتها انكشف وانفصل من
شغله وتعاقب ..

مرت فتره ورجعت فتحت جهازي
اني كالعاده احب اتفرج تيك توك
لهذا اول ما دخلت صار بوجهي
فيديو حسابات الابطال من ضمنها
حسابي اني بوقتها مسويه حساب وخاص
مابي متابعين ومن ضمن هذن الحسابات
حساب بنت مكتوب عليه سيلي
ماعرف ليش رف كلبي ع هاي البنت
يمكن لان دلعها مثل دلع صديقتي سيلي
من الطفوله
لهذا رحت الحسابها ودزيت الها طلب
متابعه ورى فتره هي وافقت عليه
جنت اتابع بس ستورياتها وما ادز الها اي شي
حبيت اشوف لان احسها قريبه مني بسبب
اسمها ف مره من المرات لكيتها
ناشره صوره اكل ب احد مطاعم العماره
اني رديت عليها وكتبت الها " الف بالعافيه "
هي ردت ورى فتره الله يعافيج
من خلال هذا الستوري
صرت كل ما تنشر ستوري اني ارد عليها
إلى أن صار بينه حديث
وتواصل ع الانستا بعدها ردت المتابعه وصرنا
صديقات ع الانستا

بس جنت كلش حذره بتعاملي ومعرفتي بيها
لان ما اعرفها ولا عندي اي معلومه عنها خاصه من بعد الي صار بخصوص سهر كلت التوبه و
لان رهبار يلعب بيه طوبه

ريفان : انتِ بطله قصه لان شفت حسابج
موجود من ضمن الحسابات
سيلينا : لا اني مو بطله قصه بس ماعرف
ياهوَ منزل حسابي ع انُ اني بطله قصه
وكل فتره أبلغهم وهمَ ما مصدكين عبالهم ابعد
الشبهة عني
ريفان : ياا مو جاي اكول ، زين انتِ من العماره
سيلينا : اي وانتِ ؟
ريفان : شنو هاي الصدفه ، اني هم من العماره
سيلينا : متزوجه ؟

ريفان : ماكدرت اكول الها الحقيقه لان رهبار يموتني لهذا اخترعت من يمي كلام ودزيته الها كتب الها ، اي متزوجه صارلي سنين طويله وعندي اطفال ، وانتِ !

سيلينا : فدوه الله يحفظهم الج ، اي اني متزوجه عن حب بس لهسه ماصار عندنا اطفال الله مارزقنا
صارلنا سنين متزوجين بس بعد اراده الله

ريفان : ياعيوني الله يرزقكم ب اطفال ، ماعرف ليش خابت آمالي من عرفتها هاي مو نفسها سيلينا صديقتي
الي اعرفها من الطفوله والاكدلي هي مو نفسها
من كالت متزوجه عن حب واني الي اعرفه
قبل لا اتزوج تُليد واسافر البغداد اخر مره
عرفت اخبارها انُ الشخص الي تحبه اسمه دابر
جان يوم خطوبته من اخت صديقه
لهل سبب هي ما تزوجت الي تحبه وعرفت هي
مو نفسها الي ادور عليها
وقتها شكد بجيت وكلت مستحيل الكاها مره ثانيه
هاهيَ راحت مني صديقه طفولتي وماعرف عنها شي لا هي ولا دهليز كلش انقطعت عنهن ..

رجعت ادرس واني مالي اي خلك
بوقتها وصلت الي رساله منها مكتوب بيها
شلونج اني جاوبتها موزينه
بسبب الدراسه عاد عرفت بيها هي هم مادارسه
وتريد ترجع للدراسه

سيلينا : اكول انتِ كاتبه قصتج لو شنو
مافهمت السالفه

ريفان : اي ولج كتبتها بس طلعت الكاتبه
موزينه حجيت الها كل شي عاد هيَ ردت الي ..

سيلينا : يعني هسه انتِ ناويه ترجعين تكتبيها
ريفان : اي

سيلينا : زين ادزلج حساب كاتبه اعرفها اسمها رهف يدلعوها ريري
ريفان : اي بله دزيها بلكت تقبل القصه وتنكتب مثل ماهيَ بدون تحريف
سيلينا : لا أمني مابيها اي شي اماان
ريفان : دزي حتى ارسلها ..

ريفان : اول مادزت الحساب اني رحت الها دخلت الحساب مالتها مكتوب رهف علي سحبت نفسي
بس هل مره سويتها بدون علم رهبار
اكيد ماراح يقبل تنكتب قصتي
وساعتها راح أعلنها حرب بيني وبينه
دزيت رساله للكاتبه رهف تحديداً بتاريخ
دزيت ب تاريخ My , 23 , 2022 كتبت الها
" مرحبا " بس هي ماردت بنفس الحظه كلت حقها لان
اكيد عليها لود الرسائل وما ترد
ف بوقتها شفتها منزله بوكس الاسئله كتبت الها " ليش كل الكاتبات مايقبلن يكتبن قصتي شبيها " هي ردت عليه بالستوري واني رجعت دزيت الها بالخاص
وهي ردت عليه هاي من وقت الرساله يعني
ساعه وحده
هيَ رجعتلي " يامرحبا "
بوقتها كلش متحمسه واريد انطيها القصه
حتى تبدي بيها ودعيت حتى تستلمها

ريفان : حياتي اني اريد اكتب قصتي
عادي ادزلج الأحداث واذا عجبتج اكتبيها الي ؟
هي ردت الي

رهف : تمام قلبي دزيلي

ريفان : رحت طايره للمسدوه بقيت فوك الساعه اني
اكتب الها مختصر الحياتي واني جاي اطلع
منها ونسيت ما حفظته وانمسح كل شي
بقيت ادك والطم كل هذا التعب وراح
رجعت اكتب من جديد إلى أن كملت
نسخته سريع ودزيته للكاتبه وكتبت الها اخر شي
" هلو ريري هاي قصتي بأالاختصار شوفيها حبي واذا عجبتج كولي الي واذا لا هم كولي الي "
اول ما شافت الرساله بقت فتره تقرا
بالاختصار واني حاطه ايدي ع كلبي
وراها بفتره دزتلي رساله فتحتها سريع جانت مكتوب
بيها

رهف : هلا يروحي طبعاً قريت قصتج الله يساعدج الف مره وللصراحه مابيها اي شي غريب حتى متستلمها الكاتبه لان لصار وياج شي يصير ويه الغير يعني مو شي كاذب ، ماعندي مُشكله استلمها اني وانزل اعلان عنها إلى ان ااخلص العندي

ريفان : عادي حبيبي شوكت ميصير عندج مجال اني هم ع ماخلص امتحانات

رهف : اها يعني داتدرسين ؟

ريفان : اي حبيبتي تمهيدي

رهف : كُل التوفيق داده ، لكن عندي سؤال ، ليش ماحاولتوا تسوون اطفال أنابيب يُمكن الله يرزقكم بطفل ؟

ريفان : مايقبل يسوي والصراحه هو مشغلول دائماً مفارغ يادوب اني اشوفه بس بليل والله ، يعني هسه راح تستلمين القصه مالتي ، هي كالت ان شاء الله بعدين ارجع الج الجواب ، وقتها عرفت راح ترفض لان هواي راسلت كاتبات وماقبلن بالقصه بسبب طفولتي الي عشتها عاد ريري بقت فتره يلا رجعت الي

رهف : ولو اني ما استلم قصص كانوا ماخذيها قبل ، لكن اي قلبي استلمها اني ، بس دائماً خلي تكون بينه ثقه وكلام حقيقي حتى مايكون بينه اي سؤال مُبهم وتعرفين شلون يدققون بأ اسئلتهم ، ح انزل عنها اعلان وبوقتها ان شاء الله انتِ متوفقه ودارسه ومتخرجه
ومُمكن تصير مُعجزه والله يرزقكم بطفل راح ادعيلكم من كُل قلبي يَروحي

ريفان : اكيد حبي اهم شي الثقه وان شاء الله ، الله يسمع منج عمري فدوه الكلبج ربي يوفقج
بوقتها كلش فرحت وصار حماسي اقوه
حتى ادرس واتخرج من السادس واكتب
قصتي
ف صارت كل فتره افتح الجهاز واراسل الكاتبه
ف بوقتها هي دزتلي رساله مكتوب بيها

رهف : هلو حبيبي اكو بالج اسم للقصه ؟
ريفان : هلا ياروحي معانأة لقيطه اذا يعجبج سميها ؟
هيَ الله يسلمها ردت عليه رزاله بس ب اناقه حسستني بتأنيب الضمير هههههه
رهف : الاسم ما لازم يكون هيج اذا انتِ هيج تكولين لعد الناس شبقت الها ؟ مايصير حَبيبي
ريفان : ف تركت الاسم الها ورى فتره دزت الي الاسم

رهف : دجـــــن الضـــــليع اي يعني " ظُلمات القوي "

ريفان : يبو بوقتها كلش حبيت الاسم وهي شرحت الي
شنو يعني المعنى مالته شلون استوحتى من محتوى القصه شلون جانوا همَ ظالميني ومتسلطين عليه
بقوتهم وجبروتهم واني انسانه ضعيفه
ماعندي اي قوه حتى ادافع عن نفسي
حسيت هذا الاسم شرح هواي واختصر هواي للقصه

بوقتها جان تواصلي ويه سيلي وانطيتها اخر الأحداث انُ راح تنكتب قصتي ف هي كالت هم يجوز اكتب قصتي واني شجعتها وصرت شوي شوي
اعرف تفاصيل حياتها
راسلتني ريري وكالت نزلت اعلان عن القصه
رحت ركض اول ماقريت الإعلان
والكتابه بايو القصه احسن طرت من الفرح
كلششش انعجبت بيها وتختلف جذرياً عن
الكاتبه السابقه ، انشرت القصه وصرت اشوفها بكل مكان
إلى أن بمره كلت خلي اسأل سيلي لان بوقتها كلش صار الموضوع براسي دخلت
الها وكلت الها تنطيني اسمها الكامل
و المدراس الي جانت تتدرس بيهن
هي دزتهن عاينت عليها وانصدمت بيها ...

سيـــــلينا::-

زاد تواصلي ويه البنت الي اسمها ريفان
بس اني جان عندي احساس هي نفسها صديقتي
بس مامتاكده وخابت آمالي من كالت متزوجه بسنه 2019 واني الي اعرفه
هي متزوجه من تُليد قبل
سنين طويله لهذا ضاع الشك وتيقنت هي مو نفسها
صديقتي انقهرت وتوقعت هي نفسها
شكد اتمنيت هي ونرجع مثل قبل بس ما صارت
رادت تكتب قصتها ودزيتها ع الكاتبه
لان حبيتها البنت كلت اقرا قصتها
واتعرف عليها أكثر
بس بيومها بجيت وانقهرت لان ما طلعت هي

بيومها شافني دابر ابجي وصار يحجي عليه
وين راح تلكيها من بعد كل هل سنين الطويله
واني جان عند امل الكاها حتى لو من بعد
سنين طويله

بالبدايه جان تواصلي ويه الكاتبه برد ع الستوري
وهي تجاوب عليه وياخذنا الحديث
وعرفت بينا اني وريفان صديقات بالجديد
والنوب اني منا ردت اكتب قصتي
ف مره ريري دزتلي رساله

رهف : هلوو سوس تعالي مادري بس هسه فكرت بيها بما انُ انتِ وريفان تعرفون بعض ليش ما انزل قصتكم سوا ؟

سيلينا : يولو احس اجتي بعقلنا الصراحه جنت مفكره بهذا الشي وحتى ريفان كالت الي كتبي قصتج وياي
بس ريري تدرين شغله

رهف : شنو هيَ

سيلينا : عايني عليه اني شاكه انُ ريفونه هي نفس صديقتي الي نفسه جانت وياي بالمدرسه بس المشكله الي اعرفه انُ من جانت وياي هي عايشه عند خالتها ماعرف عمتها واني انتقلت المدرسه اهليه وهي اتزوجت ب بغداد شجاب ريفونه هنا ، دايخه من البارحه لليوم جنه نتواصل بعدها هي طفت النت او ماعرف وين صارت منتظره اشوفه هي او لا

رهف : يااا صدُك تحجين ؟ يعني مُمكن تطلعن صديقات زين ما اتصلتن وسمعتي صوتها مثلاً ؟ حتى تعرفيها هي لو لاا زين مو مره زوجها كال انتوا جيران اكيد وحده شايفه الثانيه لان زوجها يعرفج اذا شافج

سيلينا : لا والله مامتصله وعلاقتنه مو قويه واني ماطلع نادراً اطلع باليل من الباب للسياره اروح الاهلي وارجع واصلاً من كلي زوجي انُ رهبار متزوج تعجبت لان مايوم سمعنه صوت بيتهم لو شفت احد غير الحمايه حتى مرات احجي علي اكول المن مخلي حمايه يحرس البيت
لان هو دائماً مامتواجد
وحتى مشايفته زين مره لمحته من بعيد وكانوا مخبوصين هو و الحمايه مالته ماركزت بي يعني لو شايفه رهبار وكان هو نفسه
رهبار القديم اعرفه اكيد هسه المشكله ادز الها ماكو وحتى رقمها ماعندي واني لا طلبت منها صوره ولا اتصال حتى اعرف هي او لا
يعني ماشايفه ريفان ويا ابد حتى اعرف هي اولا ..
بس البارحه سالتها ع امتحاناتها وسألتني عن دراستي حجيت الها وطلبت اسمي ومدرستي واختفت المحروسه
واني بالجديد بهل منطقه جنت بغيرها
يعني ماعندي اي علاقه بالجيران واصلاً منطقتنا منطقه هادئه حيل و شي
ماتعرف شي مايختلطون ع ابو راقيه اني اسميها الفتحه السابعه مقبره عبالك محد عايش بيه

رهف : طيب لابد تلتقون وان شاء الله تتطلع هي نفسها صديقتج الي قبل سوا ودورتوا عليها ، اكيد هسه
تلكيها تدرس لان ما تكون متواجده هواي ع الفون
واذا صارت وطلعتن صديقات من صدُق وقتها
عهد عليه اكتب قصتجن انتن الاثنين بنفس
القصه

سيلينا : تدللين ياروحي بس خل ترد مو شلعته الكلبي واني منتظره اشعار منها
رهف : اصبري هسه ترد ياربي من يمي احس كلبي ديدك بقوه
سيلينا : انتظرت شوي جان تجي ريفان سريع دزيت الريري ، ولج رررريري اجتي بس ماعرف شتكتب
يمكن جريده لان صارلها ساعه تكتب
رهف : يلا ولجن دانتظر ع نااار
سيلينا : ولج اني هم بس شوي اااي وصلت الرساله منها

ركضت للمحادثه وقريت الي مكتوب هنا
صارت الدموع انهااااار يعني ريفان نفسههها
صديقه طفولتي !!!
شكد بجيت هي ادز الي واني ادز الها واثنينا نبجي
إلى أن اتصلنا ب بعض
وحده تشكي للثانية وحده تبجي للثانيه
الشعور الي حسيته ماكدر اوصفه
من بعد كل هاي السنين الطويله
يلا التقينا وسبب القاء ناس ما شايفينها بحياتنا
خلتنا نلتقي من جديد
اعرفها وتعرفني ..

بوقتها رجعت لريري رساله لان هي بالها يمنا
دزيت الها سكرين للمحادثه وكتبت الها
" يمه الفرحه الي بيه اني ما اصدك ابد الا اشوفه بعيني يول اني بحلم لو حقيقه "
هي رجعت الي
" عليج الله يعني صدُك طلعتن صديقات من زمان والتقيتن هسه " رديت عليها
"لج اااي ما جاي اصدك لو مكايلتلي لقبي الي تسميني بي خلص راح اموت من الفرح "
ولج ريري روحي دزيلها كلمه ( سغسغي ، بغبوك ) وهي راح تعرف شنو يعني جانت دائما من انداوم
تجي تحجي ع رهبار تشكي منه تكول
( هذا غهباغ السغسغي البغبوك )

من صدك جانت احلى لحظات حياتي لكيت
الانسانه الي اعتبرها صديقه عمري
وقتها سلمت قصتي للكاتبه
بس ما بدأت بيها لبين ما تخلص ريفان
امتحاناتها يلا تنزل القصه
لان هيَ سادس ورهبار مايقبل تلتهي بدراستها ...

ريفان : الي صار كلش هواي عليه
من عرفت هي نفسها سيلينا بجيت وماكدرت اسكت
بقيت فوك الساعه احجي وياها
بعدها وصلتني رساله من ريري اول ماقريتها
ضحكت بصوت عالي ..

ريري : يول سغسغي ..

ريفان : ههههههه عززززه وصلت الج لعد اضاهغ الموغ طلعت عن السيطغه ، الفرحه الي جاي اعيشها حالياً الفهد لو يطلبها مني
ماراح انطي قطره منها ماجاي اصدك الي جاي اعيشه حالياً
رابع امنيه بحياتي تحققت الي لو اشكر اللّٰه الف مره هم ماراح يكون كافي
االفرحه من عام 2010فارقتها واليوم رجعتلي أحيت مكان بقلبي صار سنين عايش ع ذكراها

هسه بما انُ عرفت صديقتي وروحي من الدنيا
قررت احجي الرهبار انُ راح اكتب قصتي مره
ثانيه قبل لا تنزل البارتات
شجعت نفسي وكلت اسوي اله أجواء
صح طايح حظ حظي من الدراسه بس المهم
يقبل وما يعارض
رحت سوي الاشياء الي نتمزمز بيها ع كولته
واجهز اله ليله حلوه
فرفشه ومتابعه فلم حتى اغير المود مالته وافجعه
بالخبر لان هو مايقبل تنزل القصه مره ثانيه
رحت طلعت الي فستان حلو ورتبت الشغلات الي
احتاجهن بحرب اليوم اقصد نقاش اليوم
اعاين ع الساعه صارت ب ال 11 وهو ماكو
اتصلت عليه كال 5 دقايق و اوصل
يبو التوتر يقرا الف عبالك ليله عرسي
مو نقاش
اول ما سمعت صوت سيارته وكفت استعداد
شوي شوي صار صوته يقترب
اول ما دخل جان ماعرف شيسوي بالجهاز
لان عيونه جانت بي وبعدين سجل بصمه هو ويمشي

رهبار : امشي لكك مراد العار تروح مني لا ادفنك ، عود الباجر اجي اطيح حظك واشوفك انا منو

ريفان : جان يحجي ورفع راسه شافني كدامه
صفن ثواني بعدين كمل البصمه ..

رهبار : روح روح الدنيااا احترررركت اااانشكيت

ريفان : دز البصمه وشمر الجهاز ماعرف وين وتقرب مني واني بقيت اكركر ع شكله حتى الخوف من الموضوع طيره بسبب رده فعله
وكف كدامي وسحبني من خصري صار يعاين ع الغرفه والاجواء مالتها نزل عيونه بعيوني غمز الي وهو يعض
شفته

رهبار : شصاير هنا ياحلو

ريفان : هيج تغيغ أجواء وكذا
رهبار : اهااا كلتي ، يعني اهجم
ريفان : لاااااا
رهبار : اي مو اكول يعني عندج شي
ريفان : مو هوَ
رهبار : شنو هوَ !

ريفان : حبيبي غاسلت الكاتبه ودزيت الها قصتي وهي قبلت تكتبها وبعدين نزلت اعلان عنها وغاح تكتب قصتي وقصه سيلي سوه ومن حجينا وياها قبلت
ف شنو هسه قصتنا صاغت ع الواتباد ف شنو تكول ، حجيت بنفس واحد حتى ما اتأتأه بالكلام اني احجي
وهو صافن بوجهي
ابتعد عني وصفك ايد ب ايد

رهبار : الميت ميتي واعرفه شلون مشعول الصفحه

ريفان : ياااا ليشش

رهبار : شنو نسيتي الي صااار قبل ؟
ريفان : لا والله بس هل مغه تختلف والله
رهبار : اي بله يالفطنه شلون ؟ اول مره كاتبه وطلعت نصابه ثاني وحده دخلت للبيت وباكتنا
هسه هاي مانعرفها يمكن تتطلع مثلهن ؟؟ شلون تأمنين تنطين كل حياتج بيدها شبيج بابا

ريفان : والله هل مغه غيغ عن القبلها
رهبار : جا انتِ تمشين وتسوين من ورى ظهري ففه ؟
ريفان : قوست شفايفي ، لا زين بس شوف
هو نزل باغت واحد واعلانين وانتَ احكم
رهبار : بله شوفيني ..

ريفان : ركضت للجهاز دخلت ع القصه وطلعت اله
اول اعلانين واول بارت سحب مني الجهاز وصار يقرا
بكل كلمه مكتوبه يصفن بيها ويقراها
واني دكات كلبي تزيد ما تنقص
بحيث كلش خايفه
لا تصير صحيح ومايقبل او مايعجبه الكلام
بعدها كمل رفع راسه صفن بيه وطول بصفنته حسيته
تذكر كل شي وانقلبت ملامح وجهة انقهرت
كلش عاد هو سد الجهاز ورفع أصبعه ك علامه تهديد ..

رهبار : لو صار مثل السابق صدكيني وقتها تتجازين انتِ والكاتبه مالتج مو وقتها تجين تتبجبجين يمي لان وقتها اثنينجن تروحن بيها ..

ريفان : اني جنت واثقه من ريري لهذا حاجيته بثقه ، وعد وقتها سوي الي يعجبك ..

رهبار : جا خوش سوي الي يعجبج وتعالي هسه
لا اكوم الج الوتيه ماتسوي شي الا ما تريد شي

ريفان : رحت اله واني اضحك المهم قبل اووف احس قالب ثلج نزل ع كلبي ، طبعاً رهبار ماعاد يأذيني مثل قبل صح مرات اي بس هسه احسن الحمد الله

ريري اول ما بدت تنزل القصه اني كملت الامتحانات
ولهذا صارت تنزل بيها لان جانت متوقفه عليه هي وسيلي
صارت فد مشكله لهذا تأخر البارت واني ما جنت اعرف بدهليز اي شي عنها وحتى راحت من بالي وما سألتها
لا سألت سيلي ولا ريري

طبعاً طول فتره الامتحانات وتعرفي ع سيلي
اني جنت ب بغداد علمود الامتحانات
لهذا ما جنت اعرف هي وين ساكنه بالضبط
خلصت الحمد الله ع خير
ورجعت للعمارة تحديداً بتاريخ 8/15
ف جانت متوقفه القصه بالعشره الأولى احترام الشهر محرم لهذا ماجانت تنزل
ف صادف العشره مال محرم 17 /8 ف سألت
سيلي وين راح تحجين بالعشره مال محرم
هي كالت بفلان مكان يم الحاجه نوريه هاي المره
معروفه وبيتها وقف للأمام الحُسين ( عليه السلام )
ف اني عرفت المكان وحفظته يمي وهي جانت تسألني..

سيلينا : شنو رفه ماتجين تحجين وحتى اشوفج
ريفان : لا ماكدر لان كلش تعبانه
سيلينا : تمام براحتج ، جنت كلش ضايجه توقعتها
راح تجي بس ما اجتي صارلي شكد احجي وياها
بس ماكو

ريفان : اعرفها زعلت بس اني اريد اسوي الها مفاجأه
حتى اشوفها وحددت بالعشره مال محرم اروح الها
رحت حاجيت رهبار وعادي ما عنده مانع
كال اني اخذج
يبو جنت كلش متشوقه
راسلت ريري وبلغتها راح اشوف سيلينا بس ماتكول الها وهي هم كلش فرحت وايدتني
اجه اليوم العاشر من محرم
واني من الصبح الح ع رهبار وهو يكلي بعد وكت
ف اتصلت ع سيلي باليل كالت اني يم الحاجه نوريه بس ليش تسألين كلت الها هيج
وهي هم ماحجت ، عاد اني غيرت ملابسي وطلعنا اني ورهبار للمكان الي موجوده بي سيلي
بس شنو احس كلبي دكاته سريعه كلش
احجي الرهبار وهو يضحك عليه
الدموع بطرف عيني كلش مشتاقه اشوفها
فاقدتها من سنين طويله
وهسه بعد دقايق اصير كدامها احضنها وابوسها
ياربي والله ما مصدكه ..
اول ما وصلنا جانوا اكو ناس هواي نزلني رهبار ومشى وياي إلى أن وصلنا الهذا البيت هو اطمن عليه وراح
كال اجي من تتصلين بيه

تحديدا بيوم ١٧ / ٨ العاشر من محرم الساعه 9
دخلت البيت واني جسمي كله يرجف
دخلت واني اسمع صوتها هي وتقرا زياره عاشوراء
دكات كلبي زادت دخلت للمكان الي كاعده بي لكيت هواي نسوان بس هي جانت كدامي
تقرا و واصله للنهايه مال زياره عاشوراء والكل يسمع الها
بقيت واكفه بمكاني دموعي صارت تنزل عشره
عشره احس حتى راح يغمى عليه
الله هااااي سيلينا صديقه طفولتي كدامي من بعد
كل هاي السنين معقوله !!!
بقيت واكفه بمكاني واني اسمع الها بتمعن واشوفها
هي مندمجه تقرا اول ما كملت
رفعت راسها اول ما شافتني وعينها صارت
بعيني بجت واني بجيت وياها حتى صرت اشهك بالبجي احس هل شي مثل الحلم وصعب
تصديقه جان ترجع ترفع
السماعه مره ثانيه شغلتها وصارت تقرا هي وتبجي

ما ادري واقع لو حلم وانه الي بعيوني شفته
يم راسي واگف مبتسم لكنها مجروحة شفته
تالي تدنه ويمي گعد .. صاح ونحب .. ياعمه ياعمه
گلي اجيلچ بلا جسد .. ياللعجب .. ياعمه ياعمه
باچر وعدنه بس الوعد .. ابطشت الذهب .. ياعمه ياعمه
وينه .. انه رقية وحسين اريده
وينه .. متى اضمه واشتم وريده
وينه .. ريته يمر على راسي بيده

ماكدرت تكمل نزلت السماعه وصارت تشهك بالبجي
انهااارت
اني رحت ركض الها من بين النسوان دخلت
كعدت كدامها سحبتها الحضني وحضنتها ب اثنين اديه بكل قووووتي داخل صدري هي
لزمتني بقوه حضنتني وصارت تبجي
اثنينا نبجي والكل يبجي ع بجينا
ابتعدت عنها ابوس بيها
وهي تبوس بيه وتبجي
اخر شي سحبتني وطلعنا من المجلس
وحده حاضنه الثانيه ..

سيلينا : لج ريفاااااان ما مصدكه هاي انتِ كدامي
لج والله ما مصدكه احس نفسي بحلم
ريفان : والله اني هم اكثرررر سيلييي

سيلينا : والله كلت من بعد خساره دهليز
مستحيل الكاج كلت هاهي خسرت صديقات
طفولتي ما مصدكه هسه رجعتيلي ..

ريفان : اني جنت اسمع الها من كالت خساره دهليز
توقفت تشهك واني مافاهمه شي ، شنو تقصدين ياخساره !!!!

سيلينا : ريفااان ، دهليز توفت انطتج عمرهااا من سنه 2021/11/9 ماااتت دهليز ماتت

ريفان : بقيت جامده بمكاني بحياتي كلها ما توقعت هذا الشي انهاااريت وصرت ابجي
احس حتى صوتي راح
احجي وابجي ، توقعتها متزوجه وعندها اطفال ومستقره حياتها بس ما توقعت هيج حياتها
صارت وكل هذا العذاب الي عاشته
كعدنا سوه وحجت الي كل شي
اني ابجي وهي تبجي إلى أن تعبنا
بعدها اجه رهبار حتى نرجع لان تأخرت هواي
بس قبلها سألتها .. وين بيتكم

سيلينا : بمنطقه ****
ريفان : عززززه سيلي هاي نفسها المنطقه الي ساكنه بيها اني هسه نطلع جيران بس ما نعرف
سيلينا : عود صدك !!!! اني بهذا المكان ***
ريفان : وصفته الي وطلع نفس الشارع الي بي بيتنا
شكد انقهرت طلعنا اثنينا بنفس الفرع
ومحد شايفه الثانيه بسبب هدوء المنطقه
وهي من التهديد الي صار بيهم ماصارت تتطلع هواي
الا قليل وباليل تتطلع
اتفقنا نلتقي بعدين وطلعت لرهبار خبصني
بالاتصالات
طوب الطريق واني احجي اله عن كل شي وهو يستمع الي وفرحان الفرحتي ...

مرت الايام والقصه جانت تنزل واني وسيلي
نتابعها بس ناقصتنا دهليز الله يرحمها
هي تعرف أدق تفاصيلي من القصه واني هم
صرنا نلتقي هواي
وحتى هي تجيني واني اروح الها
محرم ع طوله اني وياها
وما انقطعت عنها او هي انقطعت عني ..

بنص محرم تقريبا جاسر جان كاعد ويه
رهبار برى وماعرف شنو يحجون
ف دخلوا اثنينهم جوه
وصرت اني بوجهم جان رهبار يصيحني

رهبار : تعاي بويه تعاي
ريفان : ها شنو
رهبار : جاسر اقترح عليه شغله وانا عجبتني
ريفان : شنو هيَ
رهبار : نسوي حُسينيه
ريفان : الله شكد حلووو اي عفيه نسوي
رهبار : هو انا عجبتي هاي الفكره واسوي الحسينيه ع طريق العماره _ النجف
ريفان : لا حباب خليها ع طريق النجف _ كربلاء
رهبار : هاهي مثل ما تردين
ريفان : الله حبيت
جاسر : شوكت نبدي بيها
رهبار : من هسه نشوف النا مكان حتى هذا محرم
نخدم بيها
ريفان : يعني نروح كلنااااا مووو
رهبار : اي بويه هو نروح نفتح الحسينه للزوار
ريفان : من هسسه اتحمست الهاي الفكغه
رهبار : ع كيفج اصبري

ريفان : ضحكت بحماس ، اغوح ابلغ البنات واجي
رهبار : دخيلك ربي هاهي انشهرنااا
ريفان : عاينت عليه ، يااا شنو مسويه اني حتى ننشهغ
رهبار : جا من تنطين خبر الهن معناها انشهرنا
ريفان : يااااا ، جان جاسر يحجي وهو ما فاهم شي
جاسر : مافهمت يابنات

رهبار : جا مو المدام كدامك جاي تكتب قصتها يم الكاتبه وتبلغها بكل شي يصير وهاي هسه تروح تحجي الها وراحت علينا

ريفان : ردت احجي ماحسيت الا جاسر حجه بصوت عالي فززني

جاسر : الله عليك يعني جاي تنزل القصه

رهبار : بعدم استيعاب ، اي بعدين شبيك هلكد ملكوف

جاسر : جا غير تكولون الي حتى انا هم اقراها شنو هاي الخيانه

رهبار : جا انا تخلص من الي كدامك تجيني انتَ روح مني لا اهفك

ريفان : متت ضحك شلون اثنينهم يتعاركون اخر شي
جاسر رجع عليه

جاسر : وين تنزل القصه وشنو اسمها بله

ريفان : تنزل ع برنامج الواتباد القصه اسمها دجن الضليع و اسم الكاتبه رهف علي

جاسر : هاهي اليوم انا انزل هذا البرنامج والقصه
هلا يابه هلا

::( بنات ماعرف شلون اكولها الجن بس تعزززينااا جاسر ديقرا بالقصه ويانه واحس العرض اطشششر )

ريفان : اعاين رهبار يهز ب ايده ماعاجبه حالتنا شلون متلهفين للقصه وكل شوي وعاط بينه

رهبار : يضحكون عليكم بهاي القصص وانتوا عقل تنكه تصدكون هاي الأفلام

ريفان : هاي الأفلام الي تحجي عنها هي حياتنا الي عايشيها ف حقنا من نغيدها تنكتب

رهبار : خوش سدوا السالفه وانتَ جاسر مو تلتهي
عن الحسينيه
جاسر : تأمر لا شلون انساها هو انا هسه طالع
قبل الاربعينيه..
رهبار : ها هيَ امشي انا وياك ..

ريفان : راح رهبار هو وجاسر بس ما لكوا بالطريق
الا عبر السايدين لهذا أخذوا المكان بس جان ما مرتب
عاد رهبار وجاسر بلشوا بي وبدوا يرمموا
من بعد الترميم غيرنا كل الفرش
جبنا فرش جديده والمكان صار يلمع لمع حتى يفتح النفس
هاي السنه كلش حلوه من كل النواحي وخاصه من لكيت سيلينا وهسه راح اخدم الزوار ف هل شي
احسه غير حياتي كلش
من بعد ما كملوا كل شي بدينا نرتب الاشياء
الي نحتاجها
وكل هذا نشتغل بطيب نفس وخاطر
اول ما كمل انتقنا كلنا هناك ب ايام الزياره
اني ورهبار وجاسر وعائلته
زوجته وأمه
وحتى رفل بنت عمه الرهبار الي تزوجت بالخارج
رجعت استقرت بالعراق
وهم اجت ويانه
أقارب رهبار وأقارب جاسر ف انجمعنا
اغلبنه بالحسينية وصرنا نخدم بيها الزوار
للامانه الشعور كلش
حلو ومريح بنفس الوقت
رغم التعب الي نتعبه بس بي راحه عجيبه شلون ما نعرف

ناسيه جهازي صامت لهذا رحت اشوفه
لكيت رسائل من سيلي وريري يبو نسيتهن
التهيت بالخدمه وماطمنتهم رجعت دزيتلهن رسائل
ورجعت يم البنات
سوينا شفتين حتى ما نتعب ولو هو التعب تحسه
راحه بس هم كالوا الواحد يحتاج ينام
ف قسم منا بالنهار والقسم الثاني باليل
خالتي الي هي أم جاسر كلش تختف علينا اني ورفل
وزوجه جاير بحيث تاخذ منه الشغل وتشتغله
واحنه نتعارك وياها
فد حبابه وحنونه إلى درجه
رهبار محلي سيطره مقابيل الحسينه علمود
الزوار حتى لا يصير شي لا سامح الله
لان الزوار ما شاء الله هوايه وما ينعدون
الله يحفظهم

واكفه جاي اخدم وما حسيت الا الكاع افترت بيه
كعدت وبقوا يمسحون ع وجهي بالماي
ماحسيت الا رهبار داخل ويصيح شكلهم
وصلوا اله الخبر خطيه لان جاي خايف عليه
اخذني للمفرزه الطبيه لكوا ضغطي نازل
شكلوا الي مغذي ورجعنا بس شنو
اكلت بهذله من هاي الزينه من رهبار
لان صدك هملت نفسي فد مره والتهيت ويه الناس
بغير غرفه لهذا نمت
وخليت بصفي الجنطه مالتي والسيره مالتها ب ايدي بيها الجهاز خاف البنات
يتصلن عليه والفلوس لان اريد اجهز النفسي
للكليه لان راح تتطلع النتائج
بس قبل لا إنام جانوا هواي زوار موجودين بالمفرزه والي كعدن بقربي ايرانيات اني اطمنت ونمت ..
ورى فتره قصيره كعدت من النوم عاينت ع الجنطه
بصفي مفتوحه استغربت اني سادتها شلون انفتحت
اعاين ع الي بداخلها ماكو اي شي
انصدمت !!! الجنطه فارغه فد مره
بيها فلوس 600 الف مال تجهزي الدوام
وبيها اثنين اجهزه واحد 21s والثاني ايفون 13
اشترى الي رهبار للدوام
ماكو كل هذن ماكو حتى المرطب مال الادين
هم ماخذينه
بس مبقين رقم رهبار بالورقه
الي اني مخليته احتياط خاف يصير شي اتصل
بي شكد انقهرت يعني ليش
هيج جاي تشوفوني مريضه
ونايمه ليش تسرقون
عاد اتصلت ع رهبار واجه طلعني ورجعني

سيلينا ::- شكد احاولت اتصل ع ريفان بس ما حصلتها
راسلت ريري وهي هم ماتعرف اي شي
اثنينا نتصل عليها وما تجاوب اخر شي
طلع الجهاز مغلق انا خفت لا صاير بيها
شي وانوب ريري هم شغلت الي بالي لان هي هم خايفه ع هاي المصكوعه لا صاير بيها شي
لهذا لزمت واتصلت ع رهبار
وبلغني جهازها مسروق وكل شي
عاد اطمنت المهم ماصار شي بيها عاد رجعت راسلت ريري وطمنتها ..

مرت الايام وخلص محرم وقصتنا ماشيه بشكل
كلش حلو ومتسلسل جان دابر عادي عنده
القصه حتى ما اعترض من بلغته اريد
اكتب قصتنا هاي الشغله الحلوه لهل سبب
نزلت بدون مشاكل من جهته هوَ ..

باليل جنت كاعده والملل اموتني دابر
ما موجود واني كالعاده ماكدر اطلع الوحدي
هو مايقبل ويخاف عليه
جان يجي ، اني جنت طابخه احب الطبخ
والصراحه اكون مبدعه بي
اتفنن حتى رفه تكول طبخج يجنن لان اكيد
هي كدام بيتي تقريباً ب خمس بيوت
كاعدين سهرانين مرت الساعات وما اشوف الا دابر وكف ..بقت عيوني عليه

تقرب وصل يم الديجي رفع عيونه الي ..
دابـــــــــــــــر: تغير مود
سيلينا : شلون ؟
دابـــــــــــــــر: هسه تعرفين
سيلينا : اعاين شلون شغل الديجي بصوت عالي
وطلع اغنيه ساجده بقيت فاتحه حلكي
دابـــــــــــــــر: كومي ركصي الركص يغير المزاج المعكر
ويطير الطاقه السلبيه ويخلي مزاجج عدل
سيلينا : انا هم ما كلت باطل شديت الشال ع خصري
ونزل للساحه اركص وهو تقرب صار يمي هم تفاعل
وياي صدك حسيت مزاجي تغير
ع الرغم اني الوحدي ما اسويها بس هو يضحكني
ويخلي غصب عني اكوم
رحت للديجي غيرت الاغنيه وخليتها
هادئه ورجعنا نركص سلو جان اليوم كلش
حلو وانتهى ب أجواء حلوه كلش ..

ثاني يوم جانوا جاي يعلنون نتائج السادس
ورفه يعني طالعه النتائج مالتها
بعدني ما دازه الها رساله جان توصلني رساله
من ريري فتحتها لكيت دازتلي ..

ريري : ولج سيلول ريفو وينهاا ليش ماكو
ادز الها رسائل وما تجاوبني ترى طلعت نتائج
السادس واحس كلبي وكع ببطني وهي ماترد
شنو فطست من الفرح شوفيها من يمج انتِ قريبه عليها ، حتى راسلت الفهد وهم ما جاوب شكلها السالفه
مليوصه
ترى جلطتوووووني ناوين تموتني انتن ..

سيلينا : اني قريت الرساله بقيت اكركر من الضحك
رحت راسلت رفه وما ردت
اتصلت وهم ما ترد ولا تجاوب
ماكدر اطلع من البيت واروح الها لان دابـــــــــــــــر مايقبل عاد اتصلت ب الفهد هو نفسه رهبار بس يلقبوا بالفهد ، المهم اتصلت ع عليه هم ما رد
شغلوا بالي وقلقوني
وحتى ماعرف اطلع النتيجه مالتها عاد ورى فتره
رجعلي برساله ( مراحب بويه ، ريفان بالمستشفى يم غسق لان داخله العمليات )
عاد اطمنت عليها
وكلت النتيجه بعدين نعرفها ..
ورى شويه دزلي ( ريفان ناجحه )
يبووو الفرحه الي اني بيهاااا
سريع راسلت ريري وطمنتها ع النتيجه و ع رفه
بس كلت الها لاتكولين لان رهبار يريد يبشرها ..

ريفان : جنت بالمستشفى يم غسق خطيه مسويه
عمليه وناسيه الجهاز بالبيت
ف رهبار جان راجع يغير ملابسه ويجي يم ادم
واني يم غسق
جنت كاعده جان يجي من بعيد اني شفته و وكفت
ع طولي من اشوفه افرح احس بالأمان
بس جان يضحك بوجهي
شبيك ؟؟

رهبار : الف مبروك يا رفعه راسي ، ناجحه بمعدل ( 90.86 ) الذيبه كفو منج ..

ريفان : من الفرحه حضنته كدام ادم الدموع
بعيوني ابجي واضحك كلش فرحانه
وهمَ يباركون الي
يبووو هنا فرحتي غير
ردت بس ارجع للبيت حتى ابلغ البنات
هنَ هم حاي ينتظرن
عاد اطمنت ع غسق ورجعت للبيت
سحبت الجهاز اشترى الي جديد بعد ما نسرقن الي عندي
لكيت خابصات الجو بالرسائل والمكالمات
ريري تصيح من جهة وسيلي من جهة
ضحكت ع رسائلهن
سيلي كاتبه الي
( وينج ولج ، النتائج طلعت يمعوددده شطلعتي ، ترى ماعرف المدرسه حتى اني اطلع النتيجه وريري هم ماتعرف جان طلعناها ، يلاااا عاد بالي يمج، رفه وينج )

رجعت ع رسائل ريري
( يول ريفو اليوم النتائج ، بشري شطلعتي ، غير لو تجي ، تعزززيناااا وينج ، يولي وينج بس لا انقرضتي الله يقرض الي بالي ولج ريفااان ، بسيطه الا اعضج ، شهل دكه الناقصه ررررريفة ، حبيبي خما بيج شي اشو خوفتينا عليج )

عاد بقينا اني ورهبار ع حرب
اني اريد شكل وهو شكل
كال اقدم الج ع طب حتى لو اهلي وادفع الج
سيلي وريري ايدن هذا الشي وكالن طب عام افضل الج حتى لو تزرفين جيب رهبار المهم تجيبين الطب العام
عاد قررنا نقدم يا جامعه الإسراء بغداد او التراث
وريري مكيفه لان يمها
ف صارت عروجه رجع كال اقدم الج ع جامعه الامريكيه ب بغداد وحتى دخلت ادور ع حسابهم ع الانستا صدك تجنن الجامعه
بس كالوا لازم تدرس اللغه الانجليزيه حتى تتعلم يلا بعدين تقدم وتكدر اداوم اني هنا
لعبت نفسي ورهبار مأيد هذا الشي وحتى البنات
لهذا بقيت متحيره كلت رهبار يسأل و وقتها
نشوف شنو نقرر ...

طلبت من رهبار اروح يم سيلي
وهو وافق ف رحت يمها جان دابر ماكو بالشغل
ف بس اني وياها بالبيت كعدنا وسولفنا وضحكنا
انتبهت ع المكان التلفزيون بلازما كلش كبيره
والاركيله والبوشار يعني مسوين أجواء
السينما بالبيت أجواء حلوه وسهره يكعدون بالكاع
ويتابعون وهل شي كلش عجبني
ف من رجعت للبيت حبيت اسوي هاي الفيكه
حتى نسهر اني ويا

ريفان : غهباغ
رهبار : ها ففتي
ريفان : اليوم شفت هيج شي ب بيت سيلي
واغيد اسوي مثله أجواء سينما وكذا حتى نسهغ اني وياك عليهن
رهبار : عندي شي احلى نسوي
ريفان : شنو هوَ ؟ اشو هذا ماحسيت عليه
الا شالني ومشه بيه للغرفه دفر الباب
برجله وشمرني ع السرير واني اصيح ، يبوووو
شنو تغيد تسوي غهباااااغ
رهبار : غمز نسوي سهره ياحلو
ريفان : لااا اني كتلك ع مال سيلي حتى نصنع جو نشوف أفلام ونسهغ
رهبار : شلج بهاي الخرابيط الأجواء مالتنا احلى
ع شنو نتابع فلم واحنه نصنع فلم **** من يمنا
ريفان : شكد حاولت أفهمه بس للاسف
دومه هو الي يربح ..

جنت جايه احجي ويه البنات ع البارت واغششهم
ع التلي القناة مال ريري وجان تجينا ريري تصيح ..

رهف : تعزززيناااا لج ريفاااان شدسسوين حركتي الأحداث يبووووو

ريفان : بس اوكفي مامسويه شي بس غششتهن

رهف : الا انطيج بلوك بسيطه ، ولج البارتوت حنزله
امشي مني ..

ريفان : ههههههه عفتها محتركه ورحت اركض ع البارتوت ع كولتها
هستوها نزلت بارت واني كاعده يم الشباك
جان رهبار وجاسر كاعدين سوه
والجهاز مال جاسر بيده ماعرف شينتظر كل شوي
ويعاين عليه
اول ما نزلت ريري البارت هو فز اني اخترعت بسببه ..

رهبار : شبيك ولك
جاسر : بروح اهلك انتَ استلم الخفاره انا هسه جاي ماطول
رهبار : شبيك شنو مرتك راسلتك صاير شي
جاسر : لا يابويه يامرتي بس الكاتبه دزتلي استكان جاي اشربه وارجعلك
رهبار : شنو ولك ما فهمت
جاسر : الكاتبه رهف نزلت البارت بروح اهلك اروح اقرا واجي وانتَ استلم الخفاره بدل عني ما اطول وراجعلك
اخخخ الله شلون استكان جاي يعدل الراس ب اخر
اليل ..
رهبار : اشتعلت صفحتك ياجاااسررر هييييي ***** جنك دجاجه مهلسه تركض ورى القصه زلمه جيس
حب انتَ ..

( بناااات تعزززينااا ولجن لمن نفسجن البسن شالات لان اطشررر العرض حتى شبابز يقرون ويانا البارتوت😭😂)

ريفان : فقدت من الضحك عليه شلون جان متلهف
للبارت

سيلينا ::- طلعنا اني و دابـــــــــــــــر جان الجو حلو
وبوقتها جنت اني ويا متزاعلين طبعا انعديت من رفه وقلبت وياها بغدادي بالكلام
وصرت اخبط باللهجات ..
المهم طلعنا سوه الدنيا ليل والهدوء مالي المكان
ماكو اي احد موجود
جان لازم ايدي ب ايده واحنه ساكتين فجأه وكفنا صار كدامي وهو لازم ايدي ...

دابـــــــــــــــر: سيلينتي ..
سيلينا : ابتسمت احبه من ينطق اسمي بالياء ، عيونهاا
دابـــــــــــــــر: تدرين انتِ احسن شي صار بحياتي
سيلينا : وانتَ هم
دابـــــــــــــــر: لا مافهمتي قصدي ، شكد مريت ب أشياء و بعلاقات وصلت للزواج وترجع تخرب
وبكل مره اتجه الج بس ما تصير
سيلينا : ليش ؟
دابـــــــــــــــر: اخوتي السبب ع طول يكولون الي هاي ما تناسبك انتَ حالتك الماديه وسط وهي متعلمه ع الدلال والرفاهيه ماراح تقبل بيك
ولا تروح الها مع العلم انا من اول ما وكعت عيني
عليج حسيت ب مشاعر ما عرف شنو
اوصفها بهذاك الوقت
سيلينا : لعد ليش ما حاولت يمكن وقتها راح تغير تفكيرك وتعرفني اني شنو
دابـــــــــــــــر : كتلج اخوتي غيروا الي كل تفكيري
وحتى انتِ ماجنت الاحظ عليج شي
سيلينا : كل الي اسوي الك وما تلاحظ
دابـــــــــــــــر: نكول اتجاهل حتى ما امل احساسي بيج
سيلينا : عيوني دمعوا ، تدري شكد تعبت بسببك وتمرضت
دابـــــــــــــــر: اششش بويه اششش الي صار فات وراح نغلقت أبوابه وما تنفتح من جديد احنه اليوم ولد هذا اليوم متغيرين وحابين بعضنا ..
سيلينا : مسح دموعي ب اصابعه وهو يعاين
بعيوني ابتسم وهو يتلفت من كل الجهات
ما شاف احد موجود
سحبني وباسني بقوه روحي ماعت وبالكوه لازمته
خاف اوكع ابتعد عني وهو يبتسم بوجهي
اني خليت راسي ع صدره اسحب النفس
وهو يمسح ع راسي ..

دابـــــــــــــــر: ترى احبج انا سيلينتي محبوبتي انتِ
سيلينا : واني هك احبك ..
دابـــــــــــــــر: لاتفكرين ب اي شي حتى الاطفال
الله يرزقنا اذا مو اليوم ف الباجر
لا انا اتركج ولا انتِ تتركيني حتى لو السبب من احد الأطراف لكن هي الاراده من الله ..
سيلينا : همست ، اعرف ، ان شاء الله
حط أصبعه تحت فكي ورفع راسي
صارت عيونه بعيوني اني مسبله عيوني

دابـــــــــــــــر: مسكه ايدج ل ايدي احس بيها دفو
سيلينا : ابتسمت اله واردفت
أيادي الأَحبّه ، جيوبٌ نُخفي بِها رجفةَ أيدينا ..
دابـــــــــــــــر : سلطانتي..

سيلينا : اوعندي ما تتركني
دابـــــــــــــــر : ‏" اخترتكِ بنفسي ولنفسي فإنهيتُ علاقات كثيرة.."
احبج سلطانه روحي ..

_________________

ريفان ::- شبيك غهباغ
رهبار : اكلج شي
ريفان : لزمت كلبي ، كول ، انصدمت بكلامه

رهبار : بويه انا تدرين بيه ماردت
احجي قبل حتى ما اخليج تنقهرين
بس انا سويت شي بدون ما تدرين وشكد
حاولت بس حتى اوصل الحل بس ما وصلت
انا من زمان جنت ناوي ادور
ع اهلج الحقيقين حتى اخليج تلتقين بيهم
وزيدت بحثي عنهم من اول ما تزوجنا بسنه 2019
العماره كلها افتريتها ماخليت مكان يعتب
عليه حتى البغداد وكل المحافظات الي عندي
ناس بيها بس ما لكيت اي اثر الهم
حتى للجامع عبد الغفار رحت اله بس وقتها جان مرمم
وسموا جامع الأنصاري
بس الحلو بيهم باقين نفس الشخص من هذاك
الزمن لهذا من سألتهم اذا اكو احد شي يوم جاي
وسألهم عن طفله تاركيها
جان جوابهم ماكو اي احد
لهذا انا تركت من زمان بيدهم امانه الي هي
اي شخص يجي يسأل
عن طفله تاركيها بهذا التاريخ
يتصلون عليه وتركت يمهم رقمي
حتى بلكت يتصلون بس للاسف ما اتصلوا ولا مره
واليوم انا رحت للجامع كلت يمكن ناسين
وكعدت وياهم وجيت وياهم لان هم يعرفون
قصتج
بس للاسف ما وصل الهم اي شخص
ولا حتى سألوا عنج او عن اي طفله تاركيها
بهذاك الوقت

ريفان : هو يحجي واني صافنه بي ودموعي تنزل
مصدومه من كلامه ومصدومه اكثر
انُ محد حاول يوصل الي او يدور عليه طول هاي
السنين ، كعد كدامي يمسح دموعي

رهبار : انا كلت الج هيج بس حتى يكون
عندج علم وابلغت بالي صار
وتكونين قويه مو تضعفين جا انا شكو وياج
انا كل اهلج

ريفان : بس اذا اجوي ناس وكالوا احنه اهلها

رهبار : جا انا مو غبي ، الأشخاص الي تاركينج بيومها
تاركين وياج رساله وسلسلة ايه الكرسي ناعمه
بس الي محد يعرفه تاركين شغله وياج
محد يعرفها بس انا وابوي الله يرحمه
حتى الحجيه وامي ما يعرفن
هاي الشغله علمني بيها ابوي قبل لا يتوفى
حتى تكون هي المفتاح معرفتنا ب اهلج
الحقيقين بعيداً عن التحليل ال DNA ،
يعني اول ما يجون يسألون عنج انا اخذ كل المعلومات
وشنو تركوا وياج لا اسوي التحليل فهمتي الي اقصده ..

ريفان : اي ، زين حباب كول الي شنو هذا
الشي الي تغكوا( تركوا ) وياي

رهبار : انسي هل شي مستحيل اكول الج
ولا تسأليني لان ما راح اجاوب عليه لو شنو يصير

ريفان: شكد حاولت ويا بس ابد ما كال شنو هو
ايست ..

رهبار : انا كل اهلج اعرفي هذا الشي وما اعوفج بحياتي كلها
ريفان : انتَ كل اهلي احبك اني غهباغ
رهبار : احبج ياهدب عيني ..

ريفان : مرت الايام اليوم حابه اسوي حفله صغيره
الرهبار لان جان ملتحق وتأخر هواااي
واني مقضيتها بس مناااحه ف هو اول ما نزل
بس سلم عليه غير ملابسه لبس قاط وطلع ويه مراد وآدم وجاسر راحوا العرس واحد من جماعتهم
المهم
لهذا اليوم حبيت ادلل رهبار و يكون غيررر شكل
حابه تنذكر وتنعاد وما تنسي هاي اليله ع طوول العمر
لبست فستان احمر ناااري هو يموت ع هذا اللون
من الظهر مفتوح وبي جاكه للفخذ
لبست كعب عالي
شعري تركته مفتوح النهايه ظهري
وخليت مكياج وأهم شغله الحمره الي خليتها
حمره ناااار
طلعت الاغنيه الي اريد أريدها
بالذات اغنيها اله
تأخر وهو ما راجع
صارت الساعه 11:30 باليل يلا رجع اني اول
ما سمعت صوته وكفت استعداد اله
بس هل مره ما اريد اي خجل
انفتح الباب ودخل
اني جنت بالصاله مو بالغرفه
ومسويه أجواء تجنن

اول ما دخل شافني كدامه بقى صافن
عليه وعيونه عليه اكلتني اكل
ابتسمت بوجهة وعيونه كأن ما مصدك الي كدامه
اني تقربت منه امشي بخطوات هادئه

ريفان : هلا ياشيـــــخ كلبـــــي وعـــــزوته ودكتـــــه هلا يلـ أمه بس الحضـــــني جايبتـــــه

احسه حيل فرحان بيه وصلت
كدامه وهو يعاين
عليه خليت اديه ع صدره وهو لزمني من
خصري

رهبار : هاي شنو مسويه
ريفان : عجبك
رهبار : فحطت كلبي بجمالك كبد
ريفان : احبك اني هواي
رهبار : وانا ميت بيج

ريفان : احسه ما يعرف شنو يحجي مصدوم ع فرحان
بيه غمز الي
رهبار : شنو المناسبه ؟
ريفان : المناسبه هي حبي الك مايصيغ اسوي
رهبار : لا يصير بويه يصير
ريفان : رفعت رجليه وبسته من خده حسيت بي
ابتسم ابتعدت بس هو لزمني ماخلاني
نزل راسه ل اذني
رهبار : شجاي تسوين بيه انتِ
ريفان : ماسوي
رهبار : لا سوتي ناويه ع موتي
ريفان : يومي قبل يوم...
رهبار : هششش لا تكملين لاتجيبين طاري الموت
ع السانج
ريفان : الله لا يحغمني منك طول العمر
رهبار : العمر مره وحده ! وما تملين
ريفان : اما من نفسي وما امل منك
سحبني وحضني بقوه بدون ما يحجي
كأن ضاع الكلام منه بس تصرفاته
هي الي تحجي حسيت بي باسني من رقبته
وهو ما يلزم نفسه ابتعدت عنه اضحك هو
يستغفر
رهبار : ها شكو
ريفان : شنو حبيبي السهغه بعدها ب اولها
تعال
رهبار : هناا الحجي اي بله

ريفان : تعال نغقص( نرقص ) سلو مثل يوم عغسنا
شلون تتذكر
رهبار : جا بويه الا تذكريني
ريفان : اصلا احلى شي من غقصنا لو تنعاد هم اغجع اسويها

اتذكر بيومها شلون طفوا أضواء القاعه
وصار الضوه بس علينا نزلنا وصرنا بالوسط
كلهم صفقوا النا
وهو بالكوه اقتنع مايريد ردت ازعل منه يلا
وافق يكول عيب وزحمه
عاد شغلوا اغنيه ع بالي حبيبي
هو حط اديه ع خصري واني ع صدره
وصرنا نرقص سلو ع كيف فجأة فتحوا
الدخان الي يصير الوان والاضواء
احس صار العرس والرقصه تجنن
بحيث شكد جنت خجلانه بس ما اتمنيت
هاي الحظات تنتهي ..

رجعت من ذاكرتي اني واتركه توجهت اشغل
الاغنيه ابتسمت واني اختار اغنيه اصاله " للنهايه "
اول ما شغلتها لتفتت عليه هو جان ورايه
صرت اغني وياها وامشي ب تجاهة

ريفان : شايفة فيك
كُل حاجة حلوة أنا إتحرمت منها
كُل ضحكة شفايقي كانُوا مستنيينها
كُل إحسَاس بالأمان كان نِفسي أعيشُه
وسط دنيا غريبة وما حدش ضامنها

::-خليت ايدي ع صدره وهو ع خصري صرنا نتمايل
بهدوء وهو عينه ما شالهن من عيوني
مستمره اغنيه وياها
شايفة فيك
بيت وأهل وصُحبَة جَنبي مونسيني
لمة العيلة اللِي بتطمني إني
لما أغيب أنا بلقى ناس تقلق عليا
وأما برجع بلقى ناس مستنييني
::_خليت راسي ع صدره ورجعت اغني
ناسية بيك
ذكريات مش حلوة كانت بتهاجمني
دُنيَا على أحلامي كانت بتساومني
طُول مَا أنا مسنودة علىَ كتفك حَبِيبي
واقفة أنا في وش الحَياة دِي ومُش هاممني

بعدني جاي اغني هو رفع راسي ب ايده
وباسني بقوه وابتعد عني يكزكز ب اسنانه
ضحكت وهمست
للنهاية
هتلاقيني ماسكة قي إيديك للنهاية
أصلي من قبلك أنا مجرد حكاية
فيها خُوف وتعب وفيها جرَاح كتيرة
بس بقى مِسك الختام إنك معايا

ريفان : توعـــــدني ؟!
رهبار : وعد مســـــك الخـــــتام انـــــتِ ..

________________________________________

النهاية هي بدايه جديده 🤍💍..

.

تابعووووا الحسااااب akyta_98

النهاية 2023_3_3
#اشهباتي احبكم اني " رهف علي " 🤍🦅