دهاليز القدر الفصل الحادي والعشرون 21 - بقلم نهى

دهاليز القدر
للكاتبة
Nuha-d-h
بالمستشفى
دخل عمار على زهراء وشاف وجهة شلون مورم اول يوم كان بس زراك واليوم صار زواك وانتفاخ و

والله من شفته متت بدمي
استغفر الله هذا شمسوي بوجهة
سئلت الدكتور وطمني على وضعهة ان الورم حالة طبيعية للشخص المتعرض للضرب او السقوط
طبعا قبل كم يوم الدكتور اللي شرف على حالت زهراء كتب تقرير وگال هاي حالة ما ينسكت عليهة
لازم تتدخل الشرطة بالموضوع
لان المريضة معرضة للتعذيت كاد يؤدي لموتهة لوما مامتلاحكينهة جان هسة هي بعداد الموتى
اني طلبت من صديقي يصير مدير المستشقى ان يلم الموضوع ويكتب على التقرير ان المريضة وكعت من الدرج
عمار
والله احس بروحي بحلم ما اعرف شوكت اصحى منة
البنية مانعرف شنو مصيرهة واخوي اللي مانعرف هسة هو وين وما سمعنالة خبر صارلة اربعة ايام من اختفى
وكعدو اولاد عمي واخوي محمد يدورن عليه
دك نقالي
عمار -الو هلة محمد شلونك
محمد -هلة خوية عمار شلونك
عمار -الحمدلله زين
محمد-عمار لكينا ياسر طلع جان بشقة صديقة بالمدينة
عمار-شلون عرفتوا
محمد -صديقة اتصل علينا يكول لحكو على ابنكم تخربط وكلش. مريض
عمار-هسة انتو وين
محمد -هسة احنا راجعين للبيت وويانة ياسر
عمار -يالله اني جايكم انتظروني
وصل عمار للبيت وشاف السيارات موجودة بالباب وبالكراج عرف ان اولاد عمة ومحمد اخوه وياسر وصلو للبيت قبلة
دخل وسلم عليهم
وشاف ياسر جانت حالتة كلش تقهر وتصعب على الكافر صاير وجهة اصفر وتحت عيونة سواد اباوع عليه لازم جكارة يدخن وعيونة حمر
اتقرب عليه عمار وهو صارت عيونة بعيون عمار اجة ياسر ركض عليه وحضن اخوه حيل مثل الطفل االلي من يتأذة يروح يستمد القوة من حضن ابوه

عمار- ليش هيج تكسر ظهري خوية
ياسر والدمعة بعيونة والعبرة خانگتة-انة معذور يخوي معذور محد يعلم البركان اللي بگلبي بس الله
والله اتمنيت الموت ولايصير بية اللي صار من ورة هاي بنت الحرام انكسرت رگبتي
ليش ماخليتهة تموت ليش

عمار وبصوت ناصي -اششش مو وكتة هذا الحجي بعدين نحجي بي من يطلعون الولد وانت شوية ترتاح والي كعدة وياكم
ياسر سكت ودنك راسة وطلع من الديوان
وخطية شوية واستأذنو اولاد عم عمار وطلعوا
و دخل عمار
عليهم بالصالة
وجهة ثكيل سلم عليهم بس ببرود وكال
عمار-اليوم اريدكم كلكم موجودين الكل اريدة يحضر حتى عمتي فوزية دزو عليهة ورة صلاة المغرب (يقصد بالكل امة وابوه وياسر ومحمد ونوال وشيخة واسيل ىالحجي والحجية وفوزية)
عمار من خلص كلامة وصعد فوك لشقة نوال حتى يرتاح

بعد صلاة المغرب
اتجمعوا العائلة كلهة وكعدو بالصالة واجت عمتهم فوزية
دخل عليهم عمار بهيبة ووقار
سلم عليهم وكعد قريب على جدة -عمار وبصوت جوهري -الله بالخير شوفوا اني لحد هسة مافتحت الموضوع ولا عرفت شنو السالفة سكتت لان جانت اكو امور اولى والتهيت وية المكرودة المشمورة لوحدهة بالمستشفى فأجلت الموضوع وكلت بعدين واتناقش وياكم بهاي السالفة
كنت مصدوم بيكم ان انتو ولا واحد بيكم طلع حكيم وهدة الوضع لاجبير ولا صغير واللي قهرني ان انتم استقويتو على البنية وضربتوهة وياسر وصلهة للموت ومحد منكم حاول يخلصها منة او يحميهة
والله ذنبهة بركبتكم حتى محد منكم كلف نفسة وسئل شصار عليهة

ام عمار -يطبه طوب كون ميتة ومفتكين من عارهة
عمار بخزرة -موهيج العشم بيج يايمة
التفت عليهم -شوفو اريد واحد واحد يحجيلي شنو عندة واني احكم
يالله عمة احجيلي
فوزية -يمة عمار اني مالي دخل اني حجيت الي شافتة عيوني اني هم مثلك ماصدكت بحجي النساوين بس ما كدرت اجذب عيني
عمار -وشنو شفتي
فوزية-شفت هذا المايتسمة الله لا يوفقة اللي اسمة ناظم يمشي ورة. زهراء بطريق المدرسة بالروحة والرجعة
عمار -اي وبعد شنو شفتي
فوزية-واخر يوم شفتة وصلهة للبيت يمشي وراهة بنفس يوم اللي رجعتو بي من السفر بس ظل يحجي وياهة ما اعرف شنو
عمار -وزهراء شنو جانت واكفة وياه تحجي لو شنو جانت تسوي
ست فوزية-لا جانت مدنكة وتمشي حتى شفتهة هالمرة تمشي سريع عبالك تريد تركض
عمار حط ايدة على لحيتة - هااا زين احجيلي شنو سمعتي من النسوان
فوزية -سمعت بان ناضم وين ما يكعد يسولف بيهة ويوصف شكلهة كدام الزلم ويكللهم اني شايفهة بعيوني شايلة حسن ما شايلة بشر ويظل يوصف اووصافهة شعرهة طولة عيونهة كلشي
عمار يحس النار گامت تاكل بصدرة وعرف وافتهم الموضوع كله -اي كملي
فوزية -بس هذا الحجي بعد ما سمعت شي
عمار بسؤال-زين اسألكم كلكم انتو اللي بالبيت هم فد يوم شفتو على البنية تصرف شين يدين بأخلاقها
ام عمار-اني هذا اللي موتني قهر ما مبين عليهة كدرت تخدعنا ببرائتهة

اسيل -والله ياخوية الله فوك الراس اني ما شفت عليها شي ولوما حجي عمتي فوزية وشيخة جان والله ماصدكت ان. زهراء يطلع منهة هذا الشي

عمار-وانت عمة فوزية زهراء بالمدرسة شلونهة
فوزية-والله ياعمة كلش زينة وحبابة والمعلمات والمديرة كلهم يحبوهة ومايوم شفتهة اتجاوزت حدودهة بكلشي وبقت على نفس حشمتهة ما شفت عليهة غير اللي حجيتلك عنه
التفت عمار على شيخة -اي شيخة احجيلنا انت الثانية شنو شفتي على زهراء اللي خلاج تطعنين بشرفهة
شيخة ظلت اتمتمت-اة اة شيخنا انة والله مالي دخل لا تدخلوني
ام عمار بعصبية-احجيلة ولج اللي سمعتيه لاتخافين منة اني موجودة وعمج الشيخ موجود مايسويلج شي
عمار باوع لامة بعيون حمر-رحمة الله والديج يمة ماقصرتي تقللين مقداري والنعم منج
ام عمار بارتباك دنكت راسهة
عمار -اي شيخة احجي ولاتخافين مني ترة خالتج وعمج موجودين ما اسويلج شي احجي
شيخة وهي ترجف من الخوف وتدري بنفسهة ان هي ذبت البانزين بالنار بسالفة زهراء
شيخة-شيخنا خلي احجيلك بيوم من الايام سمعتك بشقة نوال تحجيلهة عن زهراء وحبك الهة وشلون انت هوايهة وميت عليهة
عمار بصدمة -اي كملي
شيخة-اي شيخنا وشفت زهراء شلون تتموع كدامك وتلبس وتتكشخ كدامك وتسويلك الاكل التحبة انتة وتحب تخدمك فحسيت بيها مو راحة وياك بتصرفاته وشفتك انت من تزوج ياسر كثرة سفراتك
عمار بغضب وصوت عالي يشبه صوت زئير الاسد-خلصتي بنت عمي كلامج
شيخة دنكت
عمار التفت الهم والعيون كلهة عليه-شوفو اني راح احجي وانتو تسمعون وما اريد اي واحد يقاطعني
اول شي راح احجيلكم عن هذا ناظم العار وهذا بس الزمة محد يفكة مني وحسابه بعدين
ناظم صحيح شايف زهراء وشايفهة حتى وهي مفرعة وما لابسة حجاب وشعرهة طالع

التفت على عمتة
عمة فوزية تتذكرين بيوم الهدو عليكم بالسلاح بالمدرسة
ست فوزية-اي عمة اتذكر شلون ما اتذكر
عمار -احجيلهم شصار بيومهة
ست فوزية-عندنا طالبة ضربتهة معلمة من معلماتنا الجدد واذت الابنية واجو اهل الطالبة علينة هدادة بالمدرسة وبيومه حركو المدرسة بالرمي
ودخلن علينة نسوان وصار اشتباه بالمعلمة حسبالهن ان زهراء هي الضاربة الطالبة لان بوكتهة جانت هم معلمة جديدة وما انطن مجال لزهراء تحجي كبل جرنهة وكتلنهة ونزعنهة حجابهة
عمار -اي عمة كملي
فوزية واتذكرت بصدمة-اي والله صدك اتذكرت جان بذاك اليوم العار ناظم موجود يمنة بباب الادارة وشافهن شلون نزعن زهراء حجابهة وهو ظل واكف ما غض نظرة عنهة واكلهة اكل بعيونة
وبوكتهة ركض عليه عمار لان اني اتصلت على عمار خفت لايسوون بينا شي واحنا بس نسوان بالمدرسة

عمار -شوفو انة ماحجيتلكم السالفة وخليت عمتي فوزية هي التحجي خاف تكولون يدافع عنهة بس الله ورسلة وملائكة يشهدون على الكلام اللي راح احجي
ناظم انة وياه مو على توافق كان بيني وبينة حزازيات بموضوع الشغل وهو من قبل فترة كلش طويلة راحت عليه صفقة عمل وصارت الي هاي الصفقة اني اللي استلمتهة من يومهة اني وناظم ما نتوالم وقبل اربعة اشهر اشتريت قطعة ارض كلش جبيرة وهو جان حاط عينة عليهة واني اشتريتهة قبلة ماجنت متعمد اخاذهة منه ولا ادري بي هو رايدهة بس قطعة الارض اخذتهة لانها تفيدني ردت افتح عليهة المعمل واسويلي فرع ثالث للمنتوج مال حلالنا
ومن يومه اشوف ناظم واكفلي مثل سجين بالخاصرة
وموبعيد من سمع بان المعلمة الي شافهة بالمدرسة بيوم الحادث صارت جنتنا و الي مثلة نكس وعار تعتبر هاي فرصة ان يطعن بشرف اهل بيتي

التفت عليهم وكعد يباوع بعيونهم وشاف الوجوه شلون تگلبت وام عمار لطمت على صدرهة
عمار-وسالفة شيخة مالهة اي صحة من الكلام اني ما انكر كنت احجي وية نوال عن زهراء واني
انعجبت باخلاقهة ووقارهة وسترهة وردت اخطبهة بس الله الشاهد هذا الحجي قبل لا يحجي ياسر بموضوعهة وقبل لايخطبهة وحتى من حجة بموضوعهة هم ما عرفت ان يقصدهة هي زهراء نفسهة
بس الله الشاهد من عرفت ان اخوي متقدملهة قبلي
سديت الموضوت وصارت. زهراء بحسبة اختي وماجبت طاريهة بشين لان صارت عرضي وحتى هي البنية
لاحاجي وياهة ولاهي حاجية وياي واصلا ماعندهة علم بالموضوع
لان جان الموضوع محد يدري بس انا ونوال
بس ما دريت اني ملفيلي شيطان بالبيت وكاعد يتسنط على خصوصيتي اني ومرتي

وترة البنية محشومة وبنت ناس ومترباية وهذا ناظم الا اجيبة يم رجلك يا ياسر واخليك انت تاخذ حقك بيدك وتشفي غليلك منة
والتفت على شيخة وعيونة حمر -شيخة هسة تلمين هدومج وتجيج ورقة طلاگح لعند اهلج
مايشرفني يبقى اسمي مرتبط باسم وحدة عار مثلج ردتج تنعدلين وتجرين عدل بس ماكو مافاد كل اللي سويتة وياج
والاعوج يبقى اعوج
شيخة ظلت تدك وتلطم على راسهة وتصرخ
وعمار كام وعافهم لان بعدة گلبة شايل عليهم
عمار قبل لايطلع كال-والله خيبتو ظني بيكم يا امي وابوي جرحكم وطعنكم لسمعتي ما راح اكدر انساه وباوع على ابوه والله ماجان هيج العشم بيك يبوي انت شيخنا ولازم تصير بهيج موقف ميزان عادل وتحكم بالعدل وماتظلم احد وبهذا موقفك راحت المظلومة بالرجلين وذيج هي مشمورة بالمستشفى وحامل وحالتهة خطرة وداخلة غيبوبة واهلة ما يدرون عنهةولا انتو الي سألتوا عنها سوايتكم مايسويهة حتى اليهود كام راح وتركهم مع ضمائرهم المعذبة

دهاليز القدر
للكاتبة
Nuha-d-h