دهاليز القدر الفصل الخامس والعشرون 25 - بقلم نهى

دهاليز القدر

دهاليز القدر
للكاتبة
Nuha-d-h
زهراء
ثاني يوم كعدت ارجف كنت خايفة خاف يدخل علية ياسر اتذكرت البارحة شلون جرني من شعري ياسر وضربني بالواير من ورة هذا الرجال
دخلت علية ماما واني كبل شمرت نفسي عليهة وحضنتهة جان بابا واكف باب الغرفة
زهراء وهي تبجي بخوف-يمة عفية اخذيني وياج حبوبة
عفية لاتخلين ياسر ياخذني حبوبة يمة والله يموتني

ام زهراء وابو زهراء مستغربين من ردة فعل بنتهم
ام زهراء- اسم عليج يمة زهراء احجي اشبيج
زهراء وبخوف وتبجي بحركة-يمة البارحة من رجعت من المدرسة من وكت لان البارحة رجعوا عمار ونوال من الامارات فعيالي سوو عزيمة
ابو زهراء مصدم وام زهراء مصدومة-
زهراء-فمن رجعت صاحت علية عمتي ودخلتني بغرفة الحجية الجبيرة وقفلت الباب وكامت ضربتني
وما افتمهت شي منهة
بس عرفت ان همة سمعو بسالفة الرجال اللي يتبعني بالطريق
ولج يمة والله هذا اللي جنت خايفة ان يكتلوني ظلم من ورة هذا الرجال هوصحيح كل يوم اشوفة كاعدلي بالفرع بس والله بابا مالي دخل بي ومادريت السان الناس ما يرحم كلة من وراي والله نصحتني تبارك احجي لياسر بس والله خفت منة مايتفاهم يمة البارحة من عرف ياسر بالسالفة انگلب علية شلون الشيطان
ام زهراء ابوزهراء شنوقصدهة زهراء وليش تصيح البارحة ويادوام
ام زهراء-يمة زهورة يابارحة اللي تحجين عليه يمة انتي صارلج ثلاث اشهر بغيبوبة بالمستشفى لان وكعتي من الدرج على وجهج
دخلت تبارك وسلمت عليهم
وشافت الصدمة على الوجوه
زهراء مصدومة وابو وام زهراء هم مصدومين
تبارك باستفسار -شنو صاير
ام زهراء-حجت الكلام اللي جانت زهراء تحجي بي
تبارك طلبت من ابو وام زهراء ان يكعدون
تبارك-راجاءاً اللي راح احجي ما اريد تصير مشاكل من وراي بس اني شفت ان الكم الحق بان واحد يفهمكم السالفة وجنت انتظر ان واحد من بيت اهل ياسر يفهمكم السالفة بس مع الاسف فضّلوا السكوت لان مالهم عين يحجون باللي سووه بزهراء
وحجت تبارك كل الحجتة الهة فوزية بالمدرسة كلشي من سالفة الرجال اللي جان متابعهة وسالفة شخية واتهامهة لعمار وزهراء وضرب ياسر وموقف عمار شنو سوة من سمع بالحجي وشلون حرك البيت على اهلة واخذ حق زهراء وبيض صفحتهة وشوسوة بالرجال اللي جان متبعهة
ام زهراء لطمت على صدرهة -يمة سودة علية بينيتي هذا كلة صاير بيج واحنا ماندري يمة
ابو زهراء بغضب -هذا هو بوية لاتخافين مايصير بخاطرج الا طيب ياسر بعد ماعندة مرة يمنة

ودخل الدكتور وعرف شنو جانت زهراء تحجي
الدكتور -المريضة تتذكر اخر الاحداث صارت وياهة على انه هي
البارحة صارت لان عقلهة جان يوحيلهة ان هي جانت نايمة وكعدت ماصارلهة هواي لذالك تشوفوهة مستغربة خبر حملهة

ورة ساعة اتصل ابو زهراء على عمار وياسر حتى يجون يريد يحجي وياهم بموضوع زهراء قبل لاتطلع بنتة من المستشفى لان كتبولهة خروجية

دخل عمار وياسر بالغرفة وزهراء ظلت ترجف بحضن امهة وتبجي بصوت صامت تخاف
ابو زهراء-تفضلو عمو كعدوا
ياسر وجهة صار صفر وافتهم ان ابو زهراء عرف بالسالفة لان وجهة مايكصة السيف وسلامة ثكيل وياهم
ابو زهراء -شوفوا عمي مثل ما دخلنا بالمعروف نطلع بالمعروف بعد ما الكم مرة عندنا لاحد يسألني شنو شلون وليش
اريد ورقة طلاك بنتي تجيني وكلشي ما نريد منكم
ياسر گام عمي- اوكف خلي افهمك
ابو زهراء بعصبية -انت جب ولا كلمة انت بالذات ما اريد اسمع صوتك والله لو ما اخوك الشيخ عمار ووكفتة وية بنتي جان هسة مسحت بيك الگاع بس احتراماً لاخوك العود سكتت
ياسر ويحس عيونة غوشت واذانة صارات بيهة وشة دار وجهة على زهراء وصارت عينة بعينهة وكأن هاي اخر مرة راح يشوفهة بيهة هي دارت راسهة لحضن امهة ماقبلت تباوع عليه
ياسر هنا اعلن استسلامه وكام گوة يحجي-زهراء سامحيني الله اخذ حقج مني لاتنقهرين بس اطلب منج السماح واعرف بيج ما راح تكدرين تسامحيني لان اني نفسي ما مسامحهة على اللي سويتة بيج بس اطلب الغفران منج لان انتي طيبة وحنونة وراح تگدرين تسامحين واحد ضعيف اكلة المرض
عمار ونهض بصدمة وانخمش گلبة من سمع كلام اخوه
ياسر ظل يرجف وتوجه للباب يريد يطلع
وهو منطيهم ظهرة ودموعة على خدة -زهراء ابني امانة عندج خلي يزورني ولاتحرميني منة جنت اتمنى اعوضكم على اللي سويتة وياج انتي وابني بس العمر ماظل بي وكت حتى الحك ارمم اللي هدمتة

ياسر وصل للباب وگع من طوله
اعادة لاحداث
من اختفى ياسر من بعد سالفة زهراء وبقى اربعة ايام محد يعرف بي وين مكانة هو راح بوكتهة لشقة صديقة الدكتورايوب وهناك اتخربط ووكع اغمى عليه واخذة ايوب للمستشفى واصر عليه ان يسويلة تحاليل مختبرية وجانت التحاليل تحتاج وقت يالله تطلع وياسر جان ما مهتم للموضوع وبقى بشقة صديقة راد يبقى لوحدة مختنك من اللي صار لكن ايوب بقة بتابع نتائج التحاليل وسوالة اكثر من فحص خطية وكان يروح على ياسر للشقة حتى ياخذ منه عدة عيّنات دم لان ياسر عاند وماقبل يكمل فحوصاتة ولا يسوي اي اشي وكام ايوب واجرة عدّة فحوصات وتحاليل على العيّنات اللي اخذهن من ياسر والفحوصات اللي سواهة قبل بالمستشفى من اغمى على ياسر
للاسف طلعت النتائج ان ياسر بي ورم خبيث بالدماغ
بيومهة ايوب اتصل على اهل ياسر وكللهم ياسر اتخربط واغمى عليه
بس ياسر حلّلف صديقة ان ما يحجي لكائن من كان
عن مرضه
وبمرور الايام عرفو اهل ياسر بمرضه
وخطية عمار ما قبل يستسلم ويريد يشتري حياة اخوه باي ثمن وما صدّك الاطباء اللي ببغداد
واخذة وسافر بي هناك للهند ونفس نتائج التحليل اللي بالعراق كانت نفسه بالهند
وهناك اقترحوا عليهم ان ينطوه جرعات كيميائية
و ياسر يوم عن يوم يذبل
وفي يوم من الايام
كان ياسر نايم على السرير بالمستشفى وحيلة مهدود من الاشعاع الكيمياوي اللي اخذة وعمار كاعد قريب عليه
ياسر -عمار خوية اني احس. مابقالي شي بهاي الدنيا واودع
خوية اوصيك بوصية بيوم يجي ابني على الدنيا تسميه علي جان حلمي يصير عندي ولد واسميه علي
اريدك انت اللي تكبر باذنه اريد اول صوت يسمعه صوتك لان ياخوي انت وصلة مني اريدك انت تربيه واريدة يربه بالبيت اللي انة تربيت بي
عمار بخنكة -لاتحجي هيج ياخوي ان شاء الله تتشافة وترجع لبيتك سالم وتشيل ابنك بين ايديك وتفرح بي
ياسر ببتسامة-ماظن ياخوي ماظن
خوية عمار اوصيك بزهراء امانة عندك هي وعلي ابني اتزوجهة لو استدعة الامر حتى تبقى تحت جناحك لان خاف ابوهة يزوجهة لرجال ثاني ويصيرابني عند ناس غرب ويتبهذل لاتخليني اغمض عيوني من الدنيا اني بالي مامرتاح
ياسر-خوية وصل سلامي لأمي وابوي ومحمد واسيل وامانة خلي زهراء تسامحني امانة خليهة تبريني الذمة

وبعد يومين ياسر فارق الحياة
وهنا عمار انهار ولاؤل مرة تنزل دمعتة
عمار -
ولك لاااياخوي لاااا على بختك يااااسر شلون تعوفني وتروح ولك يااااسر شگول لأمي
اخ يمة اخذت ياسر من حضنج يمشي على رجليه ورجعتة الج بتابوووت
عمار وانهارت اعصابة و بصوت عالي ولك خووووية ياسر ولك هذا مويومك لاتكسرني بموتك يحزام ظهري خوية
وهكذا انطوت صفحة من صفحات ابطال روايتي

دهاليز القدر
للكاتبة
Nuha-d-h

اقدم اعتذاري لكل من احزنه هذا البارت وان شاء الله تكون اخر الاحزان