دهاليز القدر الفصل السادس والعشرون 26 - بقلم نهى

دهاليز القدر
دهاليز القدر
للكاتبة
Nuha-d-h
رجع عمار باخوه ياسر محمل بتابوت لبيت اهلة
وهناك هبت اصوات البكاء والعويل الام الاخت الاصداقاء الاب الاخ واولاد العم الذين فارقتهم ابتسامة ياسر
وكانت معالم الحزن واضحة على بيت اهل ياسر الكل كان غركان بحزنة

زهراء
من سمعت بياسر انهاريت ما اريدة يموت
ما اريد ابني من هسة يتيتم احنا صيحيح متعاركين بس. ما اريدلة الموت

طلبت من بابا ان ياخذني لبيت ياسر
واجت امي وياي
وصلنا لبيت ياسر واني حسيت انفاسي ثقلت على صدري ودخلت للبيت وشفت ام عمار منهارة وثوبهة ممزق وشالهة واكع وشعرهة مملخ
واسيل وجهة احمر من اللطم
دخلت وشميت ريحة ياسربالبيت و هناك اني صرخت بصوت عالي هز اركان البيت هز لاؤل مرة بحياتي ما انخرس
من الصدمة
وركضت على حضن ام عمار وهي فتحت ايديهة وحضنتني
ام عمار -يمة زهراء تعالي حبيبج راح يمة ابو ضحكة الحلوة راح وما لحك يشوف ابنة يمة بعد ماكو ياسر
حبيبة زهورة سامحي وابريلة الذمة الله يرضى عليج
(

زهراء
كعدت انعي حظي اللي ماشبع من حضن الحبيب صحيح ماكنا اني وياسر على توافق لكن يبقى لياسر معزة بگلبي صحيح هو اذاني لكن ماكنت مستعدة للفراق الابدي عن الحبيب
راح تبقى لحياتي اللي عشتهة مع ياسر بحلوهة ومرهة
اثر طيب وجميل
ووعدت نفسي اني اسامح ياسر على اللي سوواه
مع السلامة مودع بالله يالحبيب

(ياسر كان مريض قبل لاتصير احداثة وية زهراء بس صارت زهراء سبب بأكتشاف لمرضه كلنا نعرف ان الحياة ليست منصفة شبيهة بالدهاليز المجهولة
ولانعرف مايخبئه لنا القدر في دهاليزه )

دهاليز القدر
للكاتبة
Nuha-d-h
وبعد مرور اربعة اشهر على وفاة ياسر
عمار يركض بالمستشفى هو وامة وابوه الشيخ سلمان
اتصل علينا ابو زهراء
ابو زهراء-هلة بوية عمار زهراء دخلناهة للمستشفى صارت عندهة ولادة انطي خبر للوالدة

عمار نهض على حييلهة -عمي بَــأي مستشفى هسة انتو
واخذ العنوان من ابو زهراء وركب سيارة بسرعة واتصل على اخوه محمد وطلب منة ان يجيب امة وابوه على المستشفى

طبعا من خلصت فاتحة المرحوم ياسر
طلبت ام عمار من زهراءان تبقى وياهم حتى يعتنون بيهة هي والطفل وعندهة شقة لوحدهة فوك وتگدر تلزم هناك يمهم العدة
لكن قوبلة اقتراح ام عمار بالرفض من قبل ابو زهراء
ابو زهراء-اعتذر منكم بس بنتي تجي تلزم العدة عندي بيت ابوهة موجود وانتوا ناس تعرف الاصول
محد كدر يحجي لان كلام ابو زهراء صحيح
بس ظلت ام عمار تتصل على. زهراء وتجيهة وتتطمن عليهة كل فترة لان زهراء عندهة ريحة ولد الغالي

دخل عمار وشاف ابوزهراء كاعد
منتظر
عمار -هَـا عمي بشر زهراء شلونهة
ابو زهراء - اخذوهة لصالة العمليات راح تصير ولادتهة فتح بطن لان تعسرت وخافوا على الطفل لايروح من ايدهم
وشوية دخلوا امي وابوي ومحمد وابن عمي هشام
وكعدوا يسئلون على زهراء
ام عمار -يارب يسر ولاتعسر اللهم يسر ولاتعسر
ام زهراء-اللهم امين
اجة ممرضة وكالت نحتاج متبرع للدم لان المريضة نزفت
وتحتاج دم هسة حالا
كبل عمار شنف ردان دشداشتة كلهة اني جاهز وخالي من الامراض ووضع الصحي يسمحلي ان انطي دم
الممرضة شنو نوع زمرتك
عمار +O
الممرضة -اخي تفضل وياي رجاءا
راح عمار وية الممرضة وبقو اهلة واهل زهراء ينتضرون على نار
وبعد مرور خلال ساعة ونصف من الانتظار
طلعت الدكتورة من غرفة العمليات وطمنتهم على وضع زهراء والولد
بعدهة طلعت الممرضة تسأل
الممرضة-منو وية المريضة انطوني جنطة الطفل اللي بيهة الملابس حتى نلبس الطفل
والله ركضت ام زهراء وانطتهة الجنطة لان جانو مسوين حسابهم لهيج شي
وبعدهة طلت الممرضة وببيدهة طفل يبجي

ام عمار وكفت من شافت ابن ياسر شايلتة الممرضة
مشت لعند الممرضة بلهفة وشوق وكأنما ياسر لقد عادة للحياة واكو من راح يحمل اسمه من بعده
الممرضة -انتي بيبية الطفل
ام عمار وهي تبجي-اي يمة انة حبوبتة
خلتة الممرضة بين ايديهة
خطية ام ياسر كعدت تشم بالطفل وتحجي - افييييشششششششش يايمة بيك ريحة ياسر
عمار واني راجع من غرفة تبرع الدم
شفت امي شايلة ابن ياسر بيدهة
احس لزمتني العبرة واخذتني رجلية لعند امي
وهي شافتني وبجت-يمة عمار شوف ولد اخوك يمة يشبه ياسر عمت عيني عليك يايمة اجة وليدك للدنيا ييتيم
عمار مديت ايدي لأمي واخذت ابن ياسر من ايدهة وشميتة وبستة من راسة -لايمة لانگولين على ابن ياسر ييتيم واني موجود
رفع عمار الطفل وقرب على اذانة
وكعد يأذن بصوت خاشع
عمار ونزلت دمعة من عينة-سميتك علي
ورفع راسة والغصة خانكتة
خوية ياسر تطمن وصلت الامانة ونفذت الوصية وربي يقدرني وواكون بكد حمل الامانة ياخوي

بعد ثلاث ايام
بالمستشفى
زهراء امي سندتني وكعدتني كوة لان ما اكدر من ورة الخياط وخلت علي ابني بحضني حتى ارضعة
سودة علية يبجي جوعان ويدور بحلكة الصغيرون يريد يرضع
والله قربت صدري من عندة كعد يرضع بشرراهة
دخلت علينا ام عمار وجايبة وياهة علب كيك وكاكاكو وحلويات تجنن عبالك تحف
اقتربت مني وباستني
ام عمار -هايمة زهورة شلونج الدكتور كال اليوم راح تطلعين
واجيت اخذج وياي انتي وولد الغالي للبيت
زهراء سكتت ودنكت وماحجت شي
ابو زهراء-لا ام عمار زهراء بنتي ترجع لبيت ابوهة معززة ومكرمة
ام عمار وهي تبجي-ليش تحجي هيج
زهراء بنتنا وان شاء الله ما راح انقصر وياهة
ابو زهراء-لا ام عمار عذريني امنت بنتي عندكم مرة
وما صنتوا الامانة
ام عمار انهارت -والله يابوزهراء مالي عين احجي بس هلمشاكل تصير بكل العوائل
ابو زهراء-اي صحيح كلامج يام عمار بس اني ماعندي عشر بنات واكعد اجرب عليهن القهر واللي سويتوا ببنتي موهين كلكم اشتركتوا بطعن شرفهة صغير وجبير ولوما الله وعمار وثبت برائتهة جان هسة الله العالم شنو يصير بسمعة وشرف بنتي وانة يام عمار ربيت وتعبت مامستعد افرط بيهة
ام عمار -زين خوية شلون يهون عليك تبعد ابنا من حضنا
ابن ياسر يربى ببيت ابوه يا ابو زهراء واظنك انت تعرف اطباعنا
دهاليز القدر
للكاتبة
Nuha-d-h
والله
وتالي صفت السالفة ان زهراء رجعت لبيت ابوهة
بس خطية ام عمار ماعافتهم
وراحت وية اهل زهراء وهي شايلة ابن ياسر بحضنهة بالسيارة اللي وصلهم بيهة عمار

زهراء
شفت عمتي مثل الطير المذبوح على ولد ابنهة بس مابيدهة شي خطية كسرت خاطري بس اني هم مابيدي شي لان ابوية معاند وحقة اللي صار بية سوالة درس

وصلنا لبيت اهلي
واشوفلك لمة رياجيل
وسيارات
وخطية عمي منتظرنا بالباب
اول ما نزلت خطية ذبحو اربع ذبايح يم رجلي
واجة عمار اخذ علاوي من عندي ولطخ خد علاوي بالدم
عماروبابتسامة -علمود يصير رجال ومايهاب الدم

دخلت للبيت واستقبلني زينب وزينة وتبارك بفرح وبالاحصان
و تبارك شالت علي
تبارك -سبحان الله شلون جميل
ام عماربحزن -يشبه ابوه

بعد مرور شهر
زهراء
صار عمرعلاوي شهر وثلاثة ايام
اليوم راح يجي عمار هو عمتي وعمي ياخذون علاوي يطهرونة
طبعا خلال هاي الفترة خطية ام عمار سوت اقامة بيتنا گابلتنا وكعدت وماتقبل اي واحد يعتني بعلاوي والا هي تغسلة وتبدلة بيديهة ولوما يرضع من صدري جان هم ماخلتني الزمة مو تعمد منهة اوخباثة لا بس جنت احس بتلهفهة عليه ان هي تشوف بي ياسر ومرات تگول الله رجعلي ياسر للحياة بأبنة علاوي
خطية گلب ام فاقدة ضناهة الله يصبر كل گلب ام على فراق ابنهة

خطية گامت ترجع لبيتهم بس الخميس والجمعة
طبعا بعد الحاح من عمار والشيخ سلمان يجون ياخذونهة گوة من عندنا
قبلت تطلع وتعوف ابن ياسر بس بشرط ان هي تبقى عندنا كل ايام الاسبوع وترجع لبيتهم كل خميس وجمعة
بس والله من ترجع لبيتهم افتقدهة احس روحي تعلگت بيهة لان عودتنا شلون تبدل وتعدل لعلاوي وتناغيلة وحتى مرات اضحك من اشوفهة تنشدلة اناشيد اجدادنا للطفل
واحس مرات هي وامي يصيرن ارويسية مثل الديوجة علمود علاوي
وطبعا عمار ما يفوت يوم اذا مايمر علينا ويكون محمل بانواع واشكال المسواك للبيت من غير ان هو كل يوم يجيب جدورة الغدة والعشا النا للبيت
وحتى ابوي كام يحجي عليه
ابو زهراء-بوية عمار ترة بسوالفك هاي تقلل من قيمتي وتحسسني ان اني ما اكدر اصرف على بنتي

عمار -محشوم عمي ماعاش اللي يقلل من قدرك بس ابن ياسر محد مسؤل عن مصاريفة غيري انة
ابو زهراء-اي حقك بس انت زودتهة كمت حتى الاكل تيجبة وهاي مو من مصاريف ابن اخوك هاي علينا

عمار ببتسامة -لاعمي غلطان شلون مو من مصارف ابن اخوي ليش هو مويرضع من صدر امة
و امة شتاكل راح يروح لابن الغالي
ابو زهراء بضحكة -والله يابوية ماجذب اللي سماك شيخ
والنعم منك
وما احجيلكم بيتنا شنو صار من ورة الهدايا اللي جابوهة لعلاوي انترس ترس
كمت اودي بيد عمتي بعض الهديا تاخذهم وياهة للبيت لان ماعندي مكان اخليهم بيهة
وبيوم طهور علاوي
انگلبت الدنيا بالرمي
والذبايح
لان هو مو بس ابن الغالي وهم هو اول ولد الهم لبيت الشيخ سلمان وهاي لوحدهة فرحة
وعمتي اصرت تسويلة مولولد ببيت اهلي وخطية وتكفلت بجميع المصاريف المولود واجت زينة ونوال وسلوى اتباركو لعلاوي
دهاليز القدر
للكاتبة
Nuha-d-h
وبعد مرور سنة ونص على وفاة ياسر
اني بديت شوية شوية ارجع لحياتي الطبيعية وعلاوي صار يگعد ويزحف على ركبتة وعمتي متخبلة بي وكل يوم جاية وجابتلة شغلة وياهة وخطية كامت موبس لعلاوي تجيب كامت حتى تجيب وياهة لجهال زينب تكول حتى مايظلون يباوعون هذولي جهال خطية
يوم تجيب حجلة ويوم عربانة ويوم ملاعيب ويوم كرسي للاكل مرات تجيب وياهة اسيل حتى تشوف علاوي وصارت كلش صديقات هي وزينة
وخلصت اجازتي مالت الامومة وصرت لازم ارجع اداوم
وهنا بدت المشاكل

رحت وسألت بابا
زهراء-بابا راح ارجع للدوام
ابو زهراء-اي بوية رجعي احسنلج هم شوية تلتهين انتي خطية لاطبة ولاطلعة هم شوية تغيرين جو

واتصلت على تبارك وطلبت ان يمرون علية واروح وية الخط مالت المدرسة

فصار يوم ثاني
يوم ثاني وقررت بأول يوم ان اخذ وياي علاوي حتى يشوفونة المعلمات وهو بعدة يشرب حليب من صدري
وفي اليوم اللي وصلت بيه للمدرسة اتونست وية المعلمات وكعدت اتذكر وياهم ايام الدوام
وخطية الطالبات اتخبلن على علاوي وهوابيض ومدنفش وشعرة نگروا محابس بي شوية شكار على ابوه طالع
وخطية وكعدن بس يبوسن بي وحتى خدودة صارن حمر وعمة ياسر فوزية اخذتني بالاحضان بعد ما صارت بيني وبينهة كعدت عتاب وهي كان حقهة باللي سوتة وكان اي واحد بمكانهة راح يسوي مثل ماهي سوت لان الموقف كان بوقتهة جدا جبير وصعب
وصارت الحلة
واني جنت شايلة علاوي جان نايم وخالته جوة العباية
وجاي اركب بالكية مال الخط
وما اشوفلك
الاسيارة تصف گدامي بسرعة وبقوة انفتح باب السايق ونزل واحد لابس دشداشة سودة ولابس شماغ لافة لفة عمانية على راسة
واقترب مني واني جنت مامنتبهة
رفعت راسي
وكمزت شفت عمار عيونة تجدح نار من الغضب
عمار وبصوت حاد ناصي -صعدي كدامي بالسيارة بسرعة بدون كلام
زهراء اني ظليت ارجف شفتة فتح الباب مالت السيار الامامي وباوعلي بخزرة اني كبل بدون حرف صعدت واني رجل تطك برجل- ركب عماربالسيارة وشخط السيارة بكل سرعتة
اني ظليت بس اقرة ايات
عمار وبغضب وكوة مسيطر على صووتة حتى ما يعلة-
اكدر اعرف شنو تسوين جاية للمدرسة
زهراء والحجاية كوة تطلع مني اني من غير كلشي جنت استحي من عمار واحترمة واسويلة ميت الف حساب لان اشوف اهلة وام وابوه كلهم يحترمونة والله مرات اشوف حتى خالتي تخاف منة اذا يغضب وتظل بس تدعم من وراه
زهراء بصوت ناصي-اة اة بدة الدوام وخلصت اجازتي مالت الامومة وصرت لازم اداوم
عمار التفت عليهة وهو يسوق-واحنا وين رحنا ليش ما تحجين تكولين تنطينا خبر تاخذين راينة تشوفينا نقبل على دوامج لولا
زهراء وهي تعدل بعلاوي من جوة العباية وعمار
عمار -شوفي ينت الناس اللي راح احجي علكي حلقة باذنج وحجاية ماتصير ثنين دوام ماتداومين منا لحد ما ينفطم علي من صدرج لان مانريد ابنا يتبهذل
والله اذا حجايتي انكسرت لسويهة دم للرجاب واشوف زلمة يطلعلي
زهراء
يمة واني گلبي كام يرجف يمة والله يخوف التفتت عليه وعيوني بيهة دموع
وصارت عينة بعيني ودنك
يمةوماحس الا السيارة وكفت فجاءةمن الكمزة احس بروحي اجيت اطلع من الجامة
عمار من شفت عيونيهة مدمعة اويلي الله شلون هزت گلبي هز كمت لزمت بريك السيارة وهي كمزت
عمار وهو يضرب الستيرن - اريد اعرف انة شحجيت وانتي گبل بجيتي
زهراء مثل الطفل كعدت تمسح بدموعة لان خافت منة
زهراء-لا لا والله بعد ما اعيدهة وابجي اسفة
وعمار وحس بگلبة تفتت وصار مثل التراب من سمع ردة فعلهة عبالك طفلة تخاف من ابوهة
عمار
اليوم اخذت امي حتى اوديهة لبيت زهراء كالعادة
طلبت من امي تطلعلي علاوي حتى اشوفة
دخلت امي ورة شوية طلعت وكالت علاوي ماموجود
اخذتة امة وياهة للدوام
اعمار اني صارن عيوني بكصتي شلون تطلع بدون علمنا وهي ارملة اخوي ومدرستهة تصير بنفس القرية مالتنة شتكول علينا الوادم

وصلتهة لبيت ابوهة وقبل لاتنزل شلت علاوي ونزلت وراهة وخليت بقاط علاوي فلوس وانيطتة الهة وحركت السيارة ومشيت

زهراء دخلت للبيت وبيدي علاوي
وسلمت عليهم واجت زينة اخذت علاوي مني حتى تغير ملابسة
زينة -زهراء شنو هذني الفلوس اللي بقاط علاوي
زهراء -اخذت الفلوس من زينة وحسبتهم شفتهم كلش هواي وعرفت ان عمار اللي خلة الفلوس بيوم اللي شالة واخذة مني
رحت اتصلت على عمار
زهراء-الو شلونك ابو ياسر
عمار باستغراب -الو منو زهراء؟

زهراء-اي اني زهراء ابوياسر شنو هاي الفلوس اللي حاطهن بقاط علاوي
عمار -هذني مصرف الج خليهن جوة ايدج خاف تحتاجين شي
زهراء-مشكور ابو ياسر ماتقصر بس فلوسك مردودات وانتو مامقصرين وية علاوي ومتكفلين بكل مصاريفة
بس مصاريفي مالكم دخل بيهة مامقبول منك تصرف علية

عمار بغضب غلق النقال بوجهي
ظليت بس صافنة معقولة اتجاوزت عليه بالكلام معقول
رحت كلت لبابا
زهراء-بابا مراح اداوم بالدرسة منا لحد ما افطم علاوي من صدري لان اليوم تعبت كلش خطية بس يبجي فطلبت من تبارك تاخذلي اجازة من المدرسة بدون راتب وبعدين ارجع من يكوم علي يعتمد على نفسة واحولة على الاكل
مردت احجي لبابا عن موقف عمار اليوم لان
خاف تصير السالفة مسألة عناد واني اعرف بابا كلشي ولا واحد يستفزة
يوم ثاني العصر اجو بيت اهل عمار وعمامه
ودخلو بالاستقبال
وسوينالهم جاي وقدمناه الهم وامي كلساع تسألني
عيالج جايين كلهم شكو شصاير وعمتج اليوم مابينت
ورة نص ساعة سمعت الاصوات بدت تعلة ونوب صار صياح عالي رحت اتسمع من ورة الباب اريد اعرف شكو شصاير

دهاليز القدر
للكاتبة

Nuha-d-h
يتبع