دهاليز القدر الفصل الحادي وثلاثون 31 - بقلم نهى

دهاليز القدر
دهاليز القدر
للكاتبة
Nuha-d-h

زهراء بتردد
صعدت لشقة نوال وردت احجي وية عمار

عمار ويعدل گعدتة- اتفضلي اسمعج
زهراء-عمار اني ما اريد ازعجك لان اعرف انت هواي مشغول وما فارغلي بس حبيت اطلب منك ان تسويلي غرفة خاصة الي اني وعلاوي واريد تجريلي مصرف
عمار-ليش
زهراء -شنو ليش حالي حال نسوانك اريد حقوقي لو بس هنة
و اني ما اريد مثلهن شقة لان انتة كاعد تجهز بشقة
محمد للعروس الجديد الله يهنيك بيها
بس گلت مادام جاي تجهز بعد فد مرة بدربك سويلي غرفة اني وعلاوي
وما اتوقع طلبت شي صعب غير حقي

عمار ويرفع تك حاجب -وبصفتي شنو اصرف عليج وانفذلج طلباتج
زهراء -بصفتك زوجي والي حقوق عليك لازم تسويهة بتجاهي
نهض عمار من السرير على كيف وراح وكف امام زهراء مباشرتاً-هَـا خوووش يعني انتي تعترفين انة زوجج
وجايتني تطالبين بحقوقج حالج حال نسواني
عمار بابتسامة خبيثة وقريبة للهمس- زين اني هم عندي حقوق يمج واريد اطالب بيهة
زهراء -مثليش اشو اطبخ وطبخي كلش طيب وام بيت ومعدلة وعلاوي ماعليه اي تقصير وملابسك يوم علية ويوم على شيخة بعد شنو
عمار وهو يقترب -مشكلتج تظلين دومج مطفية
يعني جايتني ومسوية روحج سباعية وتريدين حقوق وتكولين اني زوجتك زين اكو مرة تلبس حجاب من رجلهة
زهراء بتردد-لا والله اني مو من عندك البس الحجاب بس اتعودت الحجاب على راسي لان علاوي هواي يتحرك ومرات يطلع برة للمرجوحة يلعب بيه
ومنا البنگالي او محمد مرات يجي فجأة فأخذ احتياطاتي
عمار وبهمس وهو ينزل الحجاب من فوك راسهة
-اي كملي اسمعج

وزهراء گامت تمتمت -اة اة وبس هذا ماعندي شي بعد
عمار فتح شعر زهراء وسحب خصلة منة وشمهة
زهراء هنا تجمدت من الارتباك -اة اة اني راح اطلع وانت اخذ راحتك اني خلصت كلامي
التفتت اجت تروح تطلع
وعمار سحبهة ولطشهة على الحايط واقترب منهة
عمار-انتي خلصتي كلامج وطلبتي اللي تردي
بس اني ماخلصت كلامي شوفي ياحلو ة من تجين تطالبن وتردين حقوقج عرفي مثل ماتاخذين لازم تنطين
واني موجاهل وجاي تقشمريني تكليلي تنظيف وبيت وهدوم وعلاوي
اشو ماگلتي وگايمة بواجبي وية رجلي بفراشة وهسة انتي اجيتي برجلج الي وانة راح اخذ كامل حقوقي منج

عمار رفع راسه وقرب منهة ببطئ وحط شفايفة على شفايفهة

عمار دخلت علية زهراء وكانت تطالب بحقوقهة
هي تحجي واني اباوع على شفايفهة واتذكر علاوي شلون يبوس بيهن شفت روحي بعد ما اتحمل واكفة كدامي كمت سحبت شالهة وفتحت شعرهة
طبعا من خلال عشرتي وية زهراء اكتشفت بيهة خصلة السذاجة هي حيل طينة ورقة بيضة
بس اني استغليت هاي الفرصة لان سذاجتهة جابتهة لحد عندي ماكدرت امنع نفسي عنهة احس اتغلغلت جوة روحي بطفولتهة وبسذاجتهة وبطيبتهة وبضعفهة گمت كلشي احب بيهة
واقتربت منهة وخليت شفايفي على شفايفهة وشلتهة ورحت بيهة للسرير
حسيت بيهة ذابت بين ادية خبلتني بأستجابتهة وياي
فتحت دكم دشداشتهة وطلع كدام عيوني بياض صدرهة
واتذكرت علاوي شلون يخلي ايدة على صدرهة اني هنا ماظل براسي عقل مديت ايدي ورفعت ثوبة وانكشفت سيقانهة جانت عبالك منحوتة اني اتلمس وعيوني بعيونهة واشوف الاستجابة بعيونهة وهي جانت ذايبة وومشاعرهة وياي على طول الطريق
عمار -زهراء بعد ما اتحمل راح اخذج
زهراء وهي ذايبة وعيونهة مسبلة وبصوت هامس جنني -اني ملكك وبين ايدك
هي حجت هاي الكلمات واني احس گمت ارجف هجمت عليهة و
عمار -زهراء تدرين جنت منتظر هاي اللحظة من زمان وهسة حالي مثل الصايم وخلو يمة اكل يعني بأختصار راح اكلج
والله واقتربت من نقطت الصفر
والا اسمعلك الباب يندك حيل
شفت زهراء شلون كمزت ودفعتني من عليهة وخدودهة حمر وشفايفهة اخخخ شفايفهة مورمة وشعرهة مبعثر
وجانت دشداشته مرفوعة ليفوك وخطية كعدت تنزل بيهة من الخجل تريد تستر روحهة عني
بشكلهة المهوس عبالك جانت بمعركة
اي والله هي صدك معركة
كان اكو مثل امريكي يگول(لا ينفع اغلاق الباب بعد هروب الخيول )
يعني ماينع تغطين روحج عني واني شفت كلشي
رحت للباب واني عصبي وصاير نار بالقران اللي داك الباب الا اثرمة بسنوني واسوي زلاطة
فتحت الباب واشوف ست اسيل
عمار صبينا غدة تعال تغدة بسرعة يالله
عمار ويسحب اسيل من كصيبتهة
عمار -تعالي تعالي وين رايحة اخر ثولة اكو واحد يدك الباب هيج يعني شنو عندج مداهمة
اسيل -اخ اخ اخ والله عبالي ما راح تسمعني دكيت حيل لان امي راح كلساعة تصعدني الدرج علمود انت تنزل واني الضحية الوحيدة الي يصعدوهة وينزلونهة الدرج وردت اكعدك شفت شلون اني خطية
عمار بضحكة -يالله دروحي روحي

رجعت دخلت للغرفة شفت زهراء جاي تعدل بشعرهة بس اخ بوية شلون شعر
عمار واقترب منهة شنو هاي وين
زهراء بارتباك -اة اة. لا احد يشوفني هنا يمك والله عيب
عماروهو يسحبهة عليه ويحضنهة-شنو بوية بايكيين سايگيين شنو حلالي وانة حر بي محد الة غرض يمي

زهراء وهي حيل خجلانة وگلبهة يرف عبالك طبل
زهراء وتدفع عمار على كيف من صدرة -لا لاعفية والله استحي عمااار وخر عفية (حجتهة بدلع)

عمار-من احترك ابو عمار ولج شنو شعبالج دخول الحمام مثل خروجة بالله اشو دتعالي
رجع خمط بوسة منهة

وهم رجع اندك الباب مرة ثانية هنا زهراء كبل دفعتة اباوعلهة تريد تبجي وصارت طماطة وماتعرف وين تلبد روحهة
اسيل -يالله عمار والله هلكت من الدرج راح اضعف من وراك انت وامك
عمار بصوت عالي -يالله جاي جاي انتظروني راح انزل

التفت عمار على زهراء وشافهة تعدل بشالهة وايدهة ترجف هم رجع اقترب منهة ومد ايدة على ثوبهة وكعد يدكملهة الثوب
عمار -يالله اني نازل نزلي وراي بس لخاطرج هلمرة راح اتنازل عن حقوقي على گولتج بس حضري غراضج حتى تصعدين للشقة الجديدة مالت محمد لان هاي جنت جاي اجهزهة الج وانة ماناسيج وعلى بالي وجاي اشوفج شلون متبهذلة بغرفة اسيل وما ماخذة راحتج
لذلك گلت لنوال تجهزهة
زهراء -لعد شلون تكول انت راح تتزوج
عمار -والله ما اعرف منو نصب عليج وقشمرج وكلج راح اعرس
زهراء وبفرحة -يعني صدك ماراح تتزوج وحدة ثانية
عمار ببتسامة -هو اني خلي اكدر على العندي ونوب اروح اتزوج
زهراء من فرحتهة شمرت روحهة مثل الطفلة وباستة من خدة
وعافتة وطلعت من الغرفة ركض
عمار -اخ بوية شي يفكج مني بعد يازهرة

زهراء -
طبعا كان لنوال دور بتقوية شخصيتي تحررها
احس مثل العصفور من ينفتح باب القفص ويطير

جنت كلش فرحانة والكاع ماسايعتني من عرفت ان الشقة الجهزتهة نوال راح تصير الي
عرفت ان عمار ماناسيني ولا هاملني
مو مثل ماكالت شيخة

من خلصنا الغدة رحت ورة عمار للمغاسل
زهراء-عمار اريد اروح لاهلي
عمار توقف عن الغسل وظل ثابت-ليش تردين ترحين لاهلج
زهراء - عفيةوالله صارلي هواي ما شايفتهم والله طاك گلبي عليهم
عمار مايريد يصير مثل ياسر ويحرمهة من اهلة خطية شنو ذنبهة -هَـا يالله لعد جهزي نفسج بس ماكو مبيت

زهراء بتوسل على دلع اتذكرت توصية نوال حلاوة اللسان-لا حبووبي عفياا بس هلمرة (وكعدت ترمش بعيونهة كدامة مثل الطفلة)
عمار سمعهة شلون تتدلع بصوتهة كدامة وتسوي بعونهة هلحركات كام مايجمع حجي
عمر-من احترك شيب ابوك
يعمار هاي وين جانتلك شوفي ولج بس هلمرة راح اخلجيج تباتين عند اهلج بس بعد لو تحترك عشيرتج لاتجين وتكليلي ابات فاهمة

زهراء وببتسمامة فرح -صار ٺــڊٍلََُلَ اوعدك ماكو مبيت
عمار -وجهزي نفسج من ترجعين من اهلج تباتين بالشقة الجديدة وحضري نفسج ترة والله جوعان وعطشان موووت
زهراء استحت ودنكت وبصوت هامس-اي ان شاء الله
وراحت وعافتة حتى تحضر نفسهة

وكانت هناك عييون تترصد وتتسمع لكل كلام عمار وزهراء
شيخة بتوعد
اني الج يزهراء بسيطة

زهراء اخذني عمار لبيت اهلي بالسيارة
زهراء-عمار اخاف ابوي يظل يحجي لان هو گال لعمي مايريد يشوفك ولا يريدك توصلني لبابهم
عمار -اهوو انتي شكد قديمة

باك للاحداث
بعد ما تزوجت زهراء وابوهة كان كلش زعلان من عندي
بعدهة طلبت من زهراء تبطل من المدرسة وافتهمت هي ماتكدر لان اهلهة محتاجين راتب يصرفون من عندة
وحالت ابوهة الصحية ماتسمحلة بالعمل
اتفقت وية صدقي مدير المستشفى وطلبت منة ان يعين
ابو زهراء عندة كاتب بعني باختصار ينطي اعمال خفيفة بس يكتب وطلبت مايضغط عليه بالشغل
واني انطي الراتب لصديقي حتى يسلمة كل شهر مع
الموضفين
والله باشر ابو زهراء بالشغل لكن فقط شهر وبطل
عمار جنت رايح للمعمل استغربت من لكيت عمي ابو زهراء كاعد منتظرني
عمار -هلة عمي شلونك شنو هلزيارة الحلوة
ابو زهراء وهو يخزر عمار-شوف عمي انة ماجيتك علمود ازورك انة جيتك ارجعلك فلوسك انة مامحتاج لعطفك والعيشة كافلهة الله ترة النفس عزيزة فلاترخصهة بهاي سوايتك
عمار افتهمت من كلام ابو زهراء ان هو عرف منو ورة الوضيفة والراتب اللي جاريه الة
عمار -بوية طلبت ولاتردني اني داخل على الله وعليك تسامحني لان كثرت وياك سواياتي وما اعرف وين اودي وجهي منك بس ما اكدر اكلك غير اعتبرني ابنك العاق وغلط وانت گلب والد وتعرف تسامح
ابو زهراء من سمع كلام عمار كبر بعينة وحتى كانت طلعتة مالت الوضيفة جانت شهامة منة بس انة نفسي عزيزة ما اتقبل العطف حتى لو من اقرب ناسي
ابوزهراء-محشوم يابوية
گام عمار وباس ابو زهراء من راسة وايدة وكلة
عمار -عمي طلبتك وگول تم
ابو زهراء -اذا اكدر عليه ف تم
عمار والله صديقي دكتور ومحتاج احد يسجلة مواعيد المرضة ويرتب الدخولية وهاي المرة مالي غرض ولا راح اتدخل منك الة انت وياه وتفاهمو سوية
ابو زهراء -احلف براس علاوي ان انت ما راح تدفع راتبي من جيبك
عمار-احلفلك بداعت علاوي ابني مالي دخل والله هو صدفة سئلني واني اتذكرتك ان عندك خبرة لان جنت تشتغل بمستشفى وتعرف هيج اشياء وجنت اريد احجي وية زهراء حتى تگلك على الوظيفة
ابو زهراء-هذا هو بوية على بركة الله
عمار -عمي تدري
ابو زهراء- شنو ادري
عمار -ستوني عرفت علاوي ابني طالع عليمن راسة يابس اثاري طلع الجد منبع للعناد

ابو زهراء وهو يضحك-ولك انت اخر من يحجي على العناد اش خليهة سكتة
وتصافت الگلوب بين عمار وابو زهراء
بس عمار بي طبيعة كتوم من النوع اللي ميحجي
فمن فتحت زهراء موضوع ابوهة بوكتها يالله حجالهة السالفة

زهراء
وصلنا لبيت اهلي واني طايرة من الفرح
وشفت زينب اختي ورجلهة مثنى هناك لان اني انطيتهة خبر قبل لا اطلع من بيت عيالي
وكعد عمار ومثنى وابوي واباوع على عمار شلون متواضع ورزن وشلون يسولف وياهم عبالك يعرفهم من زمان
وشوية استأذن منهم وصاحلي اسد وراه الباب وقبل لا يطلع شال مصرف وخلة بيدي مادامج هنا جهزيلي نفسج اريدج عروس
اخذت الفلوس من عندة وابتسمت

واتصلت على تبارك صديقتي
والله للعصر واجتنا وكعدنا شوية وسلوفتلهن السالفة هي وزينب
تبارك -ولج يالعوبة مبين الرجال شاريج وانتي صايرة جنج خراعة خضرة تخوفين
زينب بضحك -هو زين ومنة ما يغلط ويصيحلج ابو شهاب من ورة شواربج
زهراء-انجبن انطيتجن وجه هواي
تبارك لعد خية يالله كومي ماظل عندنا وكت هم يالله نروح نعدلج بالصالون
والله ورحنا للحلاقة و حفيت و سوتلي تنظيف بشرة
وازلة شعر بالشمع لجسمي كلة
وتغذية لشعري ونوب صبغتة لون عسلي مطفي وخصلت فوكاه لون سلفري وشسورت شعري وعدلت الكصة مالتة بس خليتة على طولة صار يجنن
بحيث تبارك بقت بس تقرة علية المعوذات
تبارك وهي تضحك -دخلتي للحلاقة جبار وطلعتي نانسي عجرم
و
الحلاقة بضحك-لاوالله احلى من نانسي عجرم
زهراء اباوع لروحي بالمراية ما مصدكة هاي اني راح احسد نفسي بس صدك لوكالو الصالون لادين له
لان تحول الشكل لوفة بالتسعين

ورجعنا للبيت وشفت علاوي كاتل ابن زينب الصغير وماكل جبسة وعلاوي جنة مجرم گاعد بحضن بابا وهذا الولد المگرود كاعد بحضن امي واشوف امي وابوي صايرين من الروس هي تگلة خربت الولد صار متوحش من وراك بس يضرب بالجهال
وابوي يكللهة لاوالله انتي مخربة اللي بحضنج مسوية جنة بنية بسرعة يبجي
وكعدت اضحك عليهم
زهراء-هواني افتك من مداهر الحجي والحجية و اجي هنا و اشوفكم اضرب منهم
ربي يحفظكم الي وتشوفون احفاد احفادكم حتى تتعاروكون عليهم

يوم ثاني الصبح طلعت اني وزينب. للسوك واشتريت كم قطعة مال نوم تجنن واشتريت فستان نازك على حفلة المهر مالت اسيل كم ثوب بيتي قصير
ورحعت هلكانة اتغديت واتصل علية عمار گلي جهزي نفسج اني جاي عليكم اخذكم بس ادك الهورن طلعولي لان ماعندي وكت
شسورت شعري وخليت مكياج خفيف وحمرة مات وردي مطفي وخطيت عيوني
زينة -طالعة گمر
زهراء -تسلمين حبيبتي زينة مو ماتجين لمهر اسيل العب بيج طوبة بعد فستان واشتريتلج البارحة بعد ماعندج حجة
زينة -مشكورة حبيتي يا احلى اخت بالدنيا

زهراء
كملت ولبست فستان قالب بينصل لونة زيتوني صار مرتب على جسمي ولبست وياه شال كلش حلو
ولبست فوكاهم عباتي والبوشية
وسلمت على اهلي
واجة علينة عمار خطية بالباب سلم على بابا وما قبل يدخل ورحنا لبيت عيالي
-

ولحكايتي بقية اتمنى لكم متابعة ممتعة

تعليقكم على روايتي يزيدني حماساً
فلا تبخلو علية بتشجيعكم لي

مع تحيات كاتبتكم المخلصة Nuha-d-h

-

و