رواية ضحية غلطة الشيخ الفصل الأول 1 - بقلم *شغف الكتابة *

تعالوووو
قصه جديده وكاتبه جديده اسمها نورا
التموا وحركوا هالاصابيع الحلوه بتعليق حتى اكمل القصه
والقصه بيها جراءه راح احذف الي اگدر عليه
علوش _عشقي:
ضحية—غلطة—شيخ
الجزء الاول
بقلم (نورا......غدرني الزمن )
يله ماما يله حبيبي يله نام امك  وراهه كود شغل هف شينيمك انت دللوول يلولد يبني دللول عدوك عليل وساكن الچوول
اي واخيراا نام خليته بفراشه هي طبعا سله مستطيله نايلون وبيهه فراشات خليت وانومه بيهه على گده هو بعده زغير اخذت الهدوم اريد اروح اغسلهم بالشط بيتنه قريب ع الشط اروح مشي الهدوم كوود لان ماكو حفاضات وحتى لو اكو حالتنه ووضعنه ماتسمح تلكتني بتي زهوره عمرها 4يمه اريد اكل جوعانه
انه حاطه سلة الهدوم على خصري واحاجيهه يايمه مو تونه تغدينه زهوره :جعت يمه
خوش :خليت السله بالكاع رحت ادور بالجدوره مال الغده اريد اصبلهه شويه
اجت عمتي: هاي شسوين
عمه اصبلهه اكل جاعت
عمتي ؛ماصار هالجوع لو تكعد وتسكت ماتجوع مية مره گايلتلكم الزايد من الغده للعشه نخلي لعد شتاكلون بالعشه
اي عمه خوش
عمتي انطيهه فندوس تمر وخبزه وهي تشبع وهم يفيدهه
انطيتهه تمر وخبز تناوشت سلة الهدوم ورحت جريت عبايتي خليتهه ع راسي تلكاني عبدالله ابني عمره 6سنوات يمه رايحه الشط
اي يمه رايحه اغسل هدوم
عبدالله :اروح وياج اريد اسبح
عبيد تنجب وتسكت لا والله اكطعك تكطع ماتشبع للظهاري انت بالشط غاط وهسه هم شوف شون صاير اسحن من الشموس ظل هنا اموص الهدوم وارجع لايكعد اخوك
عبدالله :ماكو ماكو اروح وياج اسبح
تعال انت جلدك يحكك تريد كتله تفوخ كلبي بيهه تعال طاب طاب طاب كتلته وراح ظل يبجي عفته وطلعت للشط مسافه قريبه امشي واوصل الشمس تصكع حاره وظهر احب اروح وكت الظهر اخذ راحتي حتى اتشكل واغسل وصلت للشط اباوعله الله شكد احب شكل الماي كلش حلو باوعت منا منا ماكو احد نزلت اكو درجات تصير تنزلك للماي مصبوبه صبابه شمرت العبايه شكلت دشداشتي من الصفحتين شالي لفيته على راسي بقت رگبتي وصدري طالع اتذكر حجي امي يمه لاتتوقعين انت بمكان وتتكشفين  ومحد يشوفج انه اكول يمه هسه منو يشوفني كبالي بس شط جبير نزلت الهدوم ونزلت كعدت ع البايه (الدرجه )وكعدت افرك هدوم صارلي 15يوم من جايبه ابني وامي توصيني يمه تلفلفي انت نفسه موزين عليج الهوه حتى لو صيف اوو الحر يكتل شتلفلف كعدت افرك وافرك صدري طالع وجسمي مليان توني جايبه مربربه وانه بيضه جبن تباوعت مناك شويه اشوف واحد اجالي يسبح نزيت انه شايفته كلما اجي اغسل هدوم يباوعلي يصفن عليه انه مااهتم اله ولااكل الرياض عليه اغلس اجه وصل يمي اريد اتلاحك روحي واطلع الشط فارغ ماكو احد بس انه ويا جاي اشرد زلكت بالماي هو صعد ع الدرج وكظاني وملخ دشداشتي من فوك جانت صفره وطلع ملابسي الداخليه سوده جانت اريد افلت منه مااكدر قوي ملخني ويبوس بيه
رياض ؛الجهال يبجون رادو امهم امي ظلت تكرك ماتعرف مرتك تاخذهم للشط وياهه نطيت كل واحد منهم صواب امشو اوديكم لامكم الجلبه رحت للشط شفت هذا كاعد يبوس بيهه وهدومها املخه تخيلت هي مرتاحه اله ومتونسه رحت اصيح شافني شمر روحه بالماي وراح سباحه رحت الهه تبعوني الجهال نزلت عليهه كالت رياض الحمدلله اجيت حبوبي كضيتهه من شعرها وطكيت راسهه بالصبه ظل الدم ينفر طاحت بالشط وصار لون الماي القريب منهه احمر بعد ماحاست والجهال صارو يصرخون
***********
في زمان اخر 👇👇👇
الو هايوم شونج اي وصلت وعدهم تليفون ارضي اتواصل وياج اني عود اي صارلي ساعتين من وصلت اي مرتاح يله ماشي ديري بالج ع نفسج وسلمي ع بيبي وجدو في امان الله
اني ايهم عمري 25سنه ابويه جان شيخ تزوج امي زغيره بالعمر وتوفى اخذتني امي لبغداد وبعد ماتزوجت عشنه وي اهل امي بقيت فتره بعيد عنهم كلش اهل ابويه من عمري 10مااشفتهم هسه دز عليه عمي هو الي استلم الشيخه بعد ابويه بس مريض ابنه استلمهه عنه فتره وطلع للخارج دز عليه حتى اني استلمهه او اساعده جنت محتار بس امي شجعتني كلتلي انت عندك شخصيه وحكمه مثل ابوك روح يمه وهم حلال ابوك هناك لازم تروح تشوفه رحت للبصره اول ماطبيت ارتاحيت شويه سلمت على عمي ومرته
جان عدهه بنات اثنين من غير رجال
عمي عنده 3ولد كلهم طلعو للخارج وعافو وحيد
خلصت مكالمه وي امي اجت وسن بنت مرت عمي
وسن :هاياشيخ راح تلزمهه
ايهم :هه ماادري والله
وسن :تلو گ الك
ايهم :البركه بعمي هو لازمهه
وسن :اي بس باخر ايامه
ايهم :شتردين منه ولج خطيه
وسن :كايله شي هسه هو هذا الصح
وسن مو كلش حلوه عيبهه كصيره حييل بس بيضه

غلطة شيخ 1
معانيهه حلوه زينه من اجيت الهسه وراي وراي وين مااروح
اني ابغداد متعود اسهر الكل نايم ضوجه وجعت رحت للمطبخ اكل شي
طبيت لكيت وحده ناطيه ظهر واكفه ع ميز الاكل وجنها دااتاكل مخليه شال ع راسهه بس شعرها طالع حييل طويل وثخين وبي برمات من وره ولابسه دشداشه لونهه اخضر فاتح ردن طويله وهي هم طويله هي مو وسن يمكن اختهه رفل لان ماشفتهه من اجيت لسه دخلت كلت مرحبا
مراحب 😳
ايهم :اسف تفاجئتي مو بيه
انت اكيد رفل بنت مرت عمي
اااي اي اني رفل هي جاوبت
اهاا شونج كبرانه اتذكر من جنه زغار نلعب سوه
اي اتذكرتك يله تصبح على
خير وطلعت
ايهم مرت يومين ماشفتهه بعد رفل بس وسن واستحيت اسئلهه عليهه كلت يمكن رفل انطوائيه مو مثل وسن اجتماعيه بيج قصص ليل وعشك
اني بالليل ماانام هواي اسهر بالنهار اخابر امي واكعد يم عمي يجوله ناس واتعلم منه واخذ معلومات تعامل ويا الناس والمشاكل بيت عمي صاير ع الشط كلت اطلع ع الشط اتمشى ساعه 1بالليل دااتمشى شفت رفل نازله بالماي وتاخذ مي بايدهه قطرات وتشمر ع رقبته وشعرها لابسه بدله سوده ضيكه حييل ومخصره جسمها حلو حيل امراه بمعنى الكلمه شعرها ثخين وحلو وردانات البدله ربع وكصة صدرها مربعه وعدهه عضمات بارزه وشامه ع العضمات جسمهه ويه فستانهه وشعرها مثل القمر من يكتمل شافتني تفاجئت
ايهم :شدتسوين معقوله انت الجو بارد وانت بنص المي
هي جانت مخليه شال خفيف وطويل ع الصبه مال الشط الي ينزلون بيهه للشط
مديت ايدي الهه حتى تطلع باوعت لعيوني وايدي اشوفهه متردده تخلي ايدهه بايدي كتلهه يله خلتهه سحبتهه صارت قريبه الي وعيني صارت بعيني انتبهت ع عيونها جوزيه وكبار ورموشها كثيفه وحواجبها مجروره بشكل كلش حلو وثخان بس عيونها مليانه حزن بدون متحجي بدون متبجي هو الحزن انطيت الهه شالهه ولفت نفسهه بي
مجاوبتي ؟؟
شنو اجاوب ؟
شدتسوين هنا بنص المي والجو بي بروده ؟
اهاا احبه احب الشط والماي
ايهم :امم اشو مدداشوفج بالببيت
ها ؟لا يتصورلك انه اروح انام نعست
ايهم :اي روحي نامي احسن رفوله
تصبح على خير
راحت وهم مرت يومين مااشفتهه ومرت الايام ابيت عمي عادي بالنهار يم عمي ووسن نكعد نسولف هواي بس بالي يم رفل ليش مدداشوفهه
اروح للشط بالليل هي ماكو هم وصرت اتشوق اشوفهه مرت ليلتين وراهه طلعت بالبلكونه الي ع الشط شفتهه طلعت ورحت يمهه هم جانت بالماي يعني شويه من رجليهه بالماي وشعرها مفتوح
كتلهه انت مخبله ؟
طلعت من الماي واجت يمي
انت شنو تشوف ؟
صارت عيوني يعيونها وهي تحجي
ايهم :اني اشوف انت مخبله ههه
مدام اني مخبله اسمع مني تقربت مني وخلت ايدهه ع صدري و شفتهه قرب اذني  وهمست انه احبك
اني بقيت مصدوم باوعتلي مبتسمه بمكر وراحت تمشي اللتفت الي مرتين وواصلت مشيتهه تمشي برقه وذيل ثوبها مبلل ورافعته شويه ومبينات رجليهه حافيه وايدهه الثانيه لازمه بايدهه شالهه واصل للكاع ويسح
راحت خلتني مصدوم مااشفتهه بعد
يوم ثاني تجرئت وسئلت وسن
ايهم :وسن اختج رفل وين اشو مااشوفهه بس بالليل بالنهار تنام شنو هي طكتهه ضحكه
وسن :تشوف منو بالله ؟؟
ايهم :شبيج اختج رفل
وسن :ههه ماتت من يمته صارلهه سنين
ايهم :شنووو 😳
يتبع
ضحية—غلطة—شيخ
الجزء الثاني
بقلم نورا غدرني الزمن
ايهم تفاجئت حييل لعد هي منو معقوله جن معقوله روح شبح نصدمت مكدرت اكمل وي وسن كتلهه راح انام
وسن :عيني شيخ ايهم وكت نوم هسه دكعد نسولف
ايهم :ياشيخ يا....عفتهه رحت للغرفه احس روحي ارتفعت حرارتي نمت من العصر ليوم الثاني الصبح اريد اكعد مااكدر انتهيت شنو هي معقوله مستني دخلت مرت عمي ووسن وشافوني هيج وسن سوتلي كمادات وجابولي دوه بقيت على هالحال كم يوم كعدت ع حيلي افكر بيهه عيونهه متفاركني الحزن البيهه شي واضح صرت افكر معقوله روح حزينه ومظلومه وتجي هنا تدور ظالتهه تذكرت من لزمت ايدهه بارده توقعت من المي او برودة الجو تذكرت الاموات اجسامهم بارده  مية فكره تجي ابالي نزلت يمهم عمي كلي ارتاح انه اطلع وحدي اكدر وسن وين مااروح ورايه بيج قصص ليل وعشگ
كعدنه وسئلتهه اختج شون رفل شون ماتت
وسن :اختي رفل تموت ع الشط نهارهه وليلهه كله بالشط تسبح يوم من الايام ماطلعت دورنه عليهه ماكو جانت اكو عاده عد اهلنه اذا واحد غركان ياخذون امه تطلع صدرهه قريب ع مكان الغرگ بي وهو يطلع وصح راحت امي وطلعت صدرها ع الشط وطلعت. جثة رفل ودفناهه
ايهم :هي مو تعرف تسبح شون ماتت ؟؟؟
وسن :مااعرف ياايهم بس يمكن راحت مكان بعيد وماكدرت ترجع لان تعبت وغركت
ايهم :او يمكن واحد غرگهه
وسن :مااعرف بعد
ايهم :شكد جان عمرهاا ؟؟؟
وسن :15
ايهم :لعد اشو مااسمعنه بالحادث
وسن :يمعود انتوا صارلكم سنين ممتواصلين ويانه حتى بالتليفون
ايهم :اي صح
صار الليل بقيت بفراشي اتكلب واتكلب وافكر بيهه معقوله هي روح رفل بس وسن كالت عمرها 15تكلبت ع صفحه ثانيه هي البنيه مبين عمرهه بالعشرين كمت اباوع للشباك اترددت اطلع ع البلكونه اباوع للساعه بالوحده اكيد هسه هي ع الشط تشجعت ورحت طلعت ع البلكونه شفتهه واكفه هناك ورافعه راسهه ع البلكونه تنتظرني بقيت اباوع الهه اشرتلي انزل مانزلت درت وجهي عنهه ودخلت نمت الصبح طلعت وي عمي ومن رجعت سوالف وي وسن كتلهه وسن منو بعد عايش وياكم هنا وسن ؛ليش تسال ايهم :هيج مجرد سؤال وسن ؛شنو شفت احد ايهم :لا مشفت بس هيج دااسئلج وسن ؛لعد شون كتلي شفت رفل ايهم :اممم هيج يمكن شفتج ومعرفتج عبالي هي وسن :ههه ممم *** يجي الليل اضوج احس محتاج اروح الهه احاجيهه بس اخاف منهه غامضه مجهوله
طلعت ع البلكون شفتهه كاعده ثانيه رجليهه ولافتهم بايديهه وراسهه ع رجليهه كعدتها حزينه حييل احس نضراتها من بعيد تريدني بس اني احس تعبان ومااريد مشاكل ومبين وراها مشاكل عفتهه دخلت نمت مرت الايام الي بعدهه عادي بين اخابر امي اطلع وي عمي اكعد ويا وي خطاره بالبيت ووسن وكعداتنه وسوالفنه وبصفناتي افكر بالبنيه الغامضه وشنو وراها اجه الليل اخخ يالليل طلعت بالبلكون اباوع ماكو هي بقيت انتظرها ع نار من كم ليله مشايفهه بعدهه شفت خيال تحرك وراها ضهرت هي عرفت اجت جنت بالكيمونه بسرعه لبست القميص وطلعت حتى ماشكلت الدكم وصلت الهه الجو بارد جان ملابسهه خفيفه الهوه يطخ بيهه يخليهه ترمش وشفتهه الجوه ترجف شكلها بريئ حزين يخليني دايخ بيهه
وصلت الهه ساكت هي حجت بهدوء وبرقه وي كل كلمه تغمض عيونهه الحزينه
ليش مأجيت صار كم يوم زعلت مني لان كتلك انه اح
خليت ايدي ع شفتهه اسكتهه سكتت
كتلهه انت منو ؟بقت ساكته عيونهه مفتوحه بعيوني وشفايفهه ممطبوكات ع بعض متفاجئه من سؤالي
جاوبتني مو مهم تعرف منو انه بس انه تعلقت بيك اريد اشوفك حتى لو كل كم يوم مره شوفتك تحسسني باحساس غريب مااعرف شنو هو
ايهم :انت منين من الجن من الانس تاذين انت لو لا ؟
مو مهم تعرف اني منين ومنو بس خلينه هيج لتعرف عني شي بس مراح ااذيك
ايهم :رفعت ايدي اتلمسهه اريد اعرف هي شنو جن انس تلمستها مررت اصابعي ع خدهه حسيت برودة وبنعومه لزمت شعرها رقبتها عجبني امرر اصابعي ع عضماته والشامات لزمت ايدهه وجفهه وعصرتهه احساس غريب من اقترب منهه جسمهه بي بروده رغم الجو خريف وجو البصره مو بارد كلش
ايهم مراح تكوليلي انت منو ؟
مراح تحب تعرف صدكني خلينه هيج نلتقي وبس
ايهم :راح اعوفج هسه واذا قررتي تعترفين راح تحصلين التردي اذا حبيتي تعترفين تعالي هنا اشوفج حتى نحجي اوكي باي
مرت ايام ماشفتهه بعد زادت كعداتنه اني ووسن حتى عمي ومرت عمي ظلو يلمحون النه حتى ننخطب اني بالي مو صافي ابد حاجيت امي ع وسن وكالت بكيفك انت شتكول كتلهه يصير خير بالليل اطلع ماكو هي ماتجي مرت الايام وخطبت وسن خطبتهه مو لان احبهه بس اقتنعت بيهه نكعد اني وياهه نسولف ونحجي سوالف عاديه بس لاهي تبادر بالرومانسيه ولااني تحب تحشش وتقلد وتصنف وتحجي ع ذاك وهذا وبس
بالليل باوعت من البلكون شفتهه حسيت محتاج لنظراتهه الحزينه ومحتاج اعرف شنوو وراهه نزلت ورحت الهه وصلت ليمهه
هاا واخيرا قررتي تحجين
اني... اني مااكدر بس احتاجيت اشوفك ونزلت دموعها من لمعت عيونها بالدمع

ونزل ع خدهه صار سحر ثاني لمنظر عيونها
ايهم ؛واني شنو گتلج لتجين هنا اله وحابه تحجين منو انت
عفيه
التفاعل ميشجع سالتكم قبل العيد اوقف النشر رفضتوا هذا البارت حنزله واشوف التفاعل اذا بقى ضعيف اكمل بكرا
مبقه شي واختفي من حياتك خليني التقي بيك بس هالكم يوم
ايهم :مااحب الغموض اني لو تحجين لو بعد متشوفيني
انه مااحب اعرف عنك شي ابد مجرد اشوفك وبس اكتفي
ايهم واني احب اعرف عنج كل شي
بقت دموع عيونهه تنزل بدون توقف حسيتهه شايله حزن كد رحمة الله قلبي انفطر عليهه حجت بصوت بي غصة الم وكالت ماعندي شي احجي رايحه اوعدك مااخدعك واجي هنا راحت تمشي ونضراتي تلاحكها الا ان اختفت
مرت ايام مااشفتهه ابد بعدهه ومااجت ع الشط وقرب وقت الزواج وجمعنه عمي وكال انه قررت قرار لازم الكل تلتزم بي وهذا لمصلحة الجميع وعلى الكل يوافق عليه
يتبع
ضحية—غلطة—شيخ
الجزء الثالث
بقلم نو
قرار عمي جان اعقد على وحده وكال هذا العقد راح يكون فقط شكلي حتى نخلص من المشاكل اني تفاجئت وسن عصبت وطلعت وامها كالت لعمي ابو ابراهيم شتحجي شتكول مالكيت غير ايهم ولد العشيره شكدهم اله هو كال اي قررت وخلص النقاش منتهي كتله عمي شنو الموضوع فهمني كلي راح تفتهم بس راح اكون ممنون الك ياابن اخوي اذا ساعدتني طول العمر وكل شي راح يكون من نصيبك انت حصتي بالورث والاملاك الك واولادي مالهم حق يطالبونك بي مرت عمي عدلت كعدتهه وكالت اي اذا هيج ميخالف بقيت متفاجأ واتسائل منو هي الي راح اعقد عليهه رحت لوسن وشفتهه معصبه وتدردم كتلهه منو هي وشنو قصتهه كالت هي سوت علاقه وي ابن عمك وكشفوهه اهلهه وجبرو يتزوجهه وجابوهه شمروها هنا وجبرو عمك يتزوجها ابنه وهسه راح يذبهه براسك لاتوافق ايهم عفيه دخلت امها وخزرتها وكالت اله انجبي وسكتي عمج خلص انطه الامر وكلكم لازم توافقون ظلت تغلط وتسب وتدعي تفاجئت باسلوبها موحلو ابد وطلعت خليت امها تهدي بيهه مرت ايام بلغني عمي بموعد العقد دخلت بالديوان انتظر الشيخ يجي يعقد النه دخلت البنيه الي راح اعقد عليها وجانت المفاجاه نفسهه البنيه الي جنت التقي بيهه بالليل تفاجئت وهي هم صارت عيوني بعيونهه مصدوم ومتفاجيئ عقدت عليها واخذوها من يمي ومرت ايام وماشفتهه وتفكير شاغل بالي معقوله كل هالبرائه بعيونهه وتطلع خاينه مثل ماكالت وسن
اقترب موعد العرس اني ووسن
ورادو يطلعون للسوك طلعو يتسوكون ويجهزون شغلات العرس اني بقيت بالبيت رحت افتر بالبيت ادور عليهه اريد اسمع منها شنو السالفه دورت البيت كله ماكو بعدهه شفت غرفه جوه الدرج فتحت الباب لگيت الي ادور عليهه جانت كاعده كعدتهه الحزينه نزلت كعدت يمها احجيلي ؟؟
شنو احجيلك
ليش انت هنا وشنو صار الج
ياتره اذا حجيت الك راح يفيد لو يرجع الراح لو راح تصدكني
ايهم :مااعرف احب اسمع
ماشي اني اسمي سماء عمري 20تزوجت ابن عمي وعمري 14سنه صار عندي ولد وبنيه ومن 4اشهر تقريبا صار عندي ولد عفته عمره 15يوم بفراشه بالسله ومن ذاك اليوم مااعرف عنهم شي اخذت الملابس حتى اغسلهم لان عمتي ماتقبل نغسل بالحمام واحنه عائله ويردون يسبحون وكلنه بحمام واحد وتكول عدكم جهال وملابسهم نكاسه وكذا اغسلهم بالشط رحت للشط جنت دائما اشوف هذا الشخص يباوعلي من اروح للشط جان يسبح هو انه ماعندي شي ويا اذا اشوفه مااكمل الهدوم اخذهم واروح بس مره مالحكت افلت اجه وصل الي وحاول يعتدي عليه شافني رجلي ركع راسي بالصبه مال الشط وبعد فقدت وعيي فتحت عيوني ابيت اهلي والدم متلفني راسي يوجعني من الالم واخوتي ملتمين عليه عندي 4اخوان متزوجين وابوي بي زهايمر ينسه هواي امي مره جبيره خواتي متزوجات المهم كعدت ماادري الدفر والرفس منين يجيلي تالي حبسوني بالمخزن وراها رجعو ونطوني هدوم اللبس وعبايه وجابوني هنا وكالو لعمك ابنك متحرش بيهه ورجلهه شمرهه علينه وطلكها  وهي عار علينه خليهه عندك بعد اربع اشهر نرجع الكم ونشوفكم مزوجينهم لبعض ابن عمك انهزم وماشفت اله وجه بعد وهو مااساوالي شي بس تحرش بيه صرت عار بقيت هنا بهذا مكاني اطلع بالليل اروح ع شط هلبت اشم ريحة جهالي هلبت عبودي يسبح بالشط واعرف عنه خبر هلبت وهلبت بس ماكو شفتك بالمطبخ انه ممنوع عليه اطلع بس نسوني بله اكل وطلعت اكل من كتلي انت رفل كتلك اي احتاريت شجاوبك وبعدهه شفتك ع شط كلت يمكن اكتشفني انه مو رفل بس انت ماجنت مكتشف هالشي حبيت ابقئ هيج وياك بس انت عرفت كلت بس ابقئ اشوفك علما تخلص العده مالتي وانه مااعرف مصيري لان ابن عمك انهزم كلت يمكن انكتل بس ماانكتلت ياريت انكتل الموت ارحم الي من البعد عن اطفالي الخلفتهم وعفتهم وادري محد الهم هسه رجلي شافني بعينه ادافع عن نفسي من لاحول ولاقوه بس تخيلني متونسه عافني هي كل القصه مااعرف اذا تصدكني لو لا بس ماجذبت بحرف واحد
ايهم عفتهه وطلعت بدون اي كلمه
للحكايه بقيه
وستبدأ رحلة سماء
🌹😘
تحياتي