رواية ضحية غلطة الشيخ الفصل الثاني 2 - بقلم *شغف الكتابة *

استمروا بالتفاعل فديتكم

ضحية—غلطة—شيخ
الجزء الرابع
بقلم نورا غدرني الزمن
سماء :من بعدت عن اطفالي لليوم ونفس النار بقلبي مشتعله اشتاقلهم بكل ثانيه وهم بعاد عني افكر بعبودي يمكن لو ماخذته ويايه جان مسوه سوايته الحقيره تندمت لان ضربته وخايفه عليه من يطلع يسبح لايروح يغرك وزهوره  بنيه وحساسه واخاف عليهه تنضرب وتتاذى وابني الزغير اووف ماادري بحاله يرادله عنايه ومداراة وحليب جنت ارضعه ماانطي ممه مااعرف بحاله بس هسه نشف حليب البصدري حتى لو اكو امل بقدرة قادر اللتقي بي هم راح يعرفني 😢التفكير اخذ من حياتي جانب كلش جبير شلون اذا بعد مااشفتهم وكبرو وكبرو واللتقينا هم راح يعرفوني من اجو اخواني يطمانون ع العقد تم او لا تمنيت اطلع اسئلهم عن اطفالي عن امي شنو حالهه بس ماشفتهم اما ايهم وسبب تعلقي بي جنت وحيده بس بالليل اطلع من اللتقيت بي صدفه جانت بعدهه استمرت لقائاتنا حسيت بحاجه اله خاصة من انطاني ايده اطلع من الماي ومن جان يكولي المي بارد لتتمرضين تفاجئت باهتمامه رياض جان عنده المره تشتغل وتربي الاولاد فقط عمري ماسمعت منه كلمه حلوه ولا حتى حبي احبج هي الكلمات مسامعتهن بحياتي المهم جت مرت الشيخ وكالت منا وجاي تشتغلين بالمطبخ طلعت اشتغل بالمطبخ وجانن وسن وامها بالمطبخ. دخلت مريم هي تصير اخت ابراهيم يعني بنت الشيخ متزوجه
مريم :اي ماشاء الله عروسة خليفة الشيخ حلوه
هههههه وسن لاعبالج عليج على العروسه الجديده
وسن :اي عيني عشيقة اخوج
مريم :هههههها لا عيني مو هي العشيقه غير ناس
ام وسن :مريم شو ذاكرتنه
مريم :مرت ابوي ماذاكرتج اجيت اشوف ابوي
سماء :اجت طبطبت عليه وكالت الله يهنيج وراحت
ابتسمت الهه انه
تمرر الايام اشوف ايهم من بعيد بس نضرات بينه اشوفه يم وسن نهار كله سوالف وضحك وتحشيش اسمعه يضحك صوته يجنن بس بداخلي اغار احسدهه شبي حظي انه هيج صارلي مرت الايام اشتاقله حييل احس اريده وبداخلي اكره وسن بس مابيدي شي مره شفته باوع عليه اتعمدت ابتسم اله ابتسم هو هم صار الليل دخلت لغرفتي انه الليل مو هالكد انام الي مثلي ضناهه بعيد عنهه شلهه بالنوم والراحه مو الي للبالهم صافي ومرتاح شفت الباب انفتحت شفته ايهم فرح گلبي وتمنيت اطفر علي واشبكه بس بقيت كاعده اجه كعد يمي
ايهم :اشو هالايام ماتطلعين ع شط
سماء :😊اي
ايهم :شنو بردتي سحبت ايدهه امشي نطلع شنو رايج
سماء :مو خاف يشوفنه احد
ايهم :امم قبل مجنتي تخافين يشوفنه احد هسه وانت زوجتي تخافين
سماء :اني مااريد اسويلك مشاكل
ايهم :اعرف يله كومي الكل نايم
طلعنه اني ويا ع الشط كال يله ننزل بالمي نزلنه رجليناتنه
سماء :ايهم انت مصدگني ؟
ايهم :بشنو ؟

سماء :الحجيتلك عنه
ايهم :اممم ميهم هالشي انتهى وصار
سماء :انه يهمني تصدكني
ايهم :واذا اكولج اني من البدايه من شفت عيونج حسيت بيهه حزن وانت مظلومه
سماء :اوف صدك فرحتني وانه مفارگني الفرح
احنه بالماي وواحد كبال الثاني ولازمني من ايدي
مشتاقه لاطفالي مشتاقه اعرف شنو اخبارهم
وبديت ابجي
ايهم :تعالي
خليت راسي ع صدره كله حنان ودفو
ايهم ؛ابجي هنا ع صدري يمكن ترتاحين
سماء :صدك ايهم انت حاس بيه وبالمي
ايهم :ليش مااحس بيج مو بشر
سماء :بس انه مااشوف احد حاس بيه
ايهم :وين بيت اهلج او بيت عمج اني ادز ناس يسألون عن اطفالج
سماء :صدك ايهم ؟
ايهم :اي والله
سماء :هم مو هنا بغير مكان بس ابن عمك جان يجي لكرايبه مااعرف عدهم هناك ملك مااعرف بالضبط وجان يباوع عليه
ايهم :ماشي ادز ناس يسالون تعالي نطلع نكعد هناك
طلعنه كعدنه خليت راسهه ع صدري
تعرفين تقرين وتكتبين سماء
سماء :لا مااتعلمت مادخلت مدرسه ماقبلو اهلي
ايهم :اوكي اني اعلمج
سماء :شون راح تعلمني واحنه نلتقي بس بالليل
ايهم :عادي اعلمج بالليل
وهسه يله ندخل لان برد
دخلنه وصلني لغرفتي تمنيت ابقه ويا اكثر بس دخلني للغرفه حسيته يريدني بس لزم نفسه وراح وكلي تصبحين على خير
ايهم :وسن تلح عليه علمود الزواج خابرت امي كالت جدك مريض مااكدر هسه اجي اجله شويه طبعا وسن عصبت ومن تعصب ماتلزم نفسهه كلشي تحجي هالشي يضوجني شلون راح اتعامل وياهه احس استعجلت بالخطوبه
دزيت واحد لبيت عم سماء علمود يشوفلي اخبارهم وكذا كلولي رجلهه تزوج وابنهه الجبير ابو راكض ورا وطالع بالشارع وداعمته سياره ومات وابنهه الزغير ناطينه الناس مايصير عدهم طفل يمكن اخت زوجهه ماخذته بس البنيه عند ابوها ؛حيل انقهرت عليهم وعلى ابنهه قررت مااكوللهه كلبي مينطيني رحت الهه بالليل  ها ترحين ع شط لو برد
سماء :كيفك
رحنه ع شط تمشينه وسولفنه وبعدين دخلنه لازمين ايد بايد اريد امشي صوب غرفتي الي جوه الدرج سحبني صوب الدرج وهمس بأذني امشي اعلمج الاحرف فوك يمي بغرفتي الفوك رحت ويا بس خايفه احد يشوفنه بس هو كال لتخافين صعدنه فوك بالاول شوفني صور امه وصوره بالكليه اباوع اله هو شكد حلو كله رجوله
غلطة 4
كله وسامه ورجوله عيونه عسلي كبار يسحرن اقارنه وي رياض شون جان يلعب النفس شواربه مغطلكه كله مايبين وشعره 24ساعه مكووش وزلوفه طافره وسبح كوه يسبح
ايهم :شبيج وين صفنتي
سماء :ماكو هه هيج حلوات الصور وامك حييل حلوه الله يحفظها
ايهم :حتى انت هم حلوه
سماء :😊
ايهم :يله لزمي القلم اول حرف هو حرفي راح تتعلمي أ
سماء :صدك يخبل لعد يكتبه الي بس انه مااعرف اكتب الهمزه صعبه عليه لزم ايدي وهو ظل يحركها حتى اكتبهه
ايهم :اممم مبين راح تشلعين قلبي
سماء :لاء اسم الله
اخذ ايدي وظل يبوس بيهه يمه 🙈خجلت حييل منه
ايهم :اباوع لعيونهه شون راح اكوللهه ابنج مات اوف سحبتهه من ايدهه حيل كلهه اجت الي لفيتهه لف بايدي وبديت ابوس بيهه منها اول مره بحياتي اتقرب لمره كلهه انوثه ورومانسيه تتعامل ويايه بحب عبالك صار النه سنين نحب بعض لم خلصنه نومتهه ع صدري  اني وهي انت
سماء :صدك يعني ماحبيت من قبل ابد 
ايهم :حبيت بس ماوصلت لهالشي العلاقه
سماء :انه ماحبيت من قبل انت اول حب الي
ايهم :يعني سماء بقينه الليل كله سهرانين لحد ماغفينه واحنه واحد حاظن الثاني
طلعت الشمس نسينه نفسنه
ايهم :كعدت شفتهه نايمه ع صدري وايدي بايدي والله اتمنى مااعوفهه بس اخاف عليهه سماء سماء
سماء :كعدت شفت الشمس طالعه واني يم ايهم وبدون ملابس 🙈خررب نزيت كمت بسرعه ايهم شون راح انزل خرب شراح يصيرلي هسه ولفيت جسمي بالغطه
سحبني وحظني حييل وباسني من شفتي وكال
ايهم :لج تعالي شبيج خايفه انت مو مرتي بعد عليش هالخوف
سماء :صفنت بوجهه اوف يربي خلي الي ولاتحرمني منه احبه ماشفت احد حن عليه مثله بس ايهم انت تعرف زواجنه مجرد اريد اكمل كلامي ايده خلاهه على شفتي وجرهه باصبعه اشش لتكملين وكافي بعد ويله كومي ولو مااريدج تكومين بس كافي بعد
راح قبلي هو لبس ملابسه وجيك الوضع واني هم لبست ونزلت مشفت احد
رحت سبحت وخلصت وكمت ع الشغل اشتغلت وكملت طبيت للغرفه ارتاح طبت وراي وسن
وسن :شوفي حبابه مو عبالج تاخذين ايهم الج مثل مااخذتي ابراهيم مني خاني وياج وخليتي يشرد مني تره عيونج اطلعها واذبهه بالطرشي صيري ادميه حبابه
سماء :😳😳😳انصدمت
يتبع
ضحية—غلطة—شيخ
الجزء الخامس
بقلم نورا غدرني الزمن
سماء خوفتني حييل وانقهرت ع ايهم شون راح يتزوجهه وهي عدهه سابق علاقه وي ابن عمه الحقير والله يعلم الي بينهم هف شبيج سماء ليش تشكين بشي مشايفته اني شمعرفني شنو بينهم المهم ايهم وسعادته بلكي تسعده ومن صدك تحبه المهم بالي كلش مشغول على اطفالي مرت الايام ايهم ماجاب الي خبر عنهم رحت شفته ديغسل
سماء :ايهم شنو الاخبار مادزيت احد يعرف عن اطفالي شي
ايهم :اووف باوعت بعيونهه شون راح اكوللهه اذا اكول هسه راح يبقى بالهه مشغول ع البقيه لا حبيبي دزيت واحد وكال عادي عايشين وي ابوهم
سماء :ها بالي مشغول على عبد يسبح بالشط خاف يغرك محد يديرله بال
ايهم :حبي يااسبح الجو بارد هسه
سماء :اي صح بس طكيته اخر مره اوف ندمانه هواي لان ضربته لو ماخذته وياي اخ گلبي طاك عليه احلم حلم اشوفه مره ثانيه
ايهم :اوف سماء مراح تشوفي 👉بقلبي حجيت
اجت وسن وانه جنت واكفه يم ايهم وقريبه عليه دفعتني
وسن :شعندج ها شعندج تبسبسين شكتلج انه
سماء :ماعندي شي بس رايدته يعرف شي عن اطفالي وسن :مدام تحبينهم ليش سويتي عملتج السوده ها
ايهم :اهووو وسن تعالي امشي ويايه امشي
راحو اخذهه من ايدهه وراحو ياربي شون وي الغيره تاكل بگلبي اكل اوف
ايهم :وسن شبيج اعصابج شدعواج هيج عصبيه انت
وسن :ايهم طلكهه وشمرها بالشارع هالساقطه
ايهم :وسن عيب هالحجي خوش ميصير هيج تكولين
اني اريد زوجتي مؤدبه مو هيج ماشي وكرصتهه من خدودهه بلكي تجي بالسياسه
بهالايام عمي وفه بوعده وسوالي وكاله ونقل ملكيه عن كل الاملاك
امي كالت جدي تحسنت حالته وراح تجي حتى نتزوج سماء بهالفتره ابتعدت عنها كلما اشوفهه انقهر
وصلت امي وخالتي وزوج خالتي وخوالي اثنين وراح يحضرون العرس وجهزنه كل شي وجنت مشغول بهالفتره ماسئلت عن سماء وبقينه بعاد عن بعض
سماء :ايهم هالفتره كلش مبتعد عني حييل انقهرت انه واشوفه يحضر ومهتم اريده بس الي بس هذا حقه وانه مو من حقي ابد ان اطالبه بأي شي
بس گلبي مهموم واحس بخنگه اتوقع الجهال بيهم شي وهم بعاد عني اكيد مامرتاحين واكيد رياض تزوج هسه
وسن :ايهم قبل لنتزوج طلگهه
ايهم :شون اطلگهه ميصير تره
وسن :طلگهه ونخليهه عدنه خدامه وشنو يعني
ايهم :شهالحجي وسن طلاك مااطلكهه وعدت عمي اني اتصده لهالمشكله وخلاص بعد لاتعيدين بالموضوع
وسن :(ماراح اخلي وحده تشاركني بالورث)ايهم طلكهه لو تشوف شي تندم عليه
ايهم :شنو تهدديني شتقصدين ؟؟
وسن ؛شون تشوفهه شوفهه بس ماراح اسكت كله من عمك مايموت ونخلص منه
ايهم :معقوله انت ولج تبناج وانت زغيره ورباج هذا رد الجميل
وسن :اي كله منه هف
****
ايهم :اخذت سماء وعرفتهه ع اهلي اني جنت حاجي وي امي بالتليفون عنهه وامي عارضت هالشي بس بعدين اقتنعت تعارفو ع بعضهم
صار يوم العرس وسوينه حفله ومعازيم ومن هالحجي بس وسن ماتربطني بيهه مشاعر ابد عصبيه ولسانهه طوييل كلش بس بعد هي صارت وتزوجنا
سماء :بيوم العرس اختنگت كلش راحو الناس وفرغ البيت تخيلته يمهه هسه وتذكرت من يكلي انت اول مره بحياتي الزمهه تمنيت ابقي بس انه بس هذا الي مقسوم يستاهل اتمناله يعيش. سعيد وياهه اختنكت كلش طلعت بره ع شط اشم هوا كعدت ابجي اوف شكد اريد ابجي بعد وياريت يفيد
ايهم :كملت ليلتنه وسن نامت وراحت بسابع نومه طلعت ادخن ع البلكون شفت سماء ع الشط نزلت يمهه
ايهم :شنو حنيتي للشط
سماء :شفته اجه راسا مسحت دموعي انت شتسوي هنا روح يم عروستك
ايهم :فديت الغيره والله
سماء :لا مااغار بس ميصير تعوفها وحدهه وبهاليله
ايهم :ليش يصير بيهه جني اشو هي جنيه اشو تعالي نطيني ايدج
سماء :ايهم روح الله يخليك مخنوكه اريد ابقه وحدي
ايهم :اممم اعرف ليش مخنوكه اشو تعالي سحبتهه قوي حظنتهه حييل وهي تحاول تبتعد عني بديت اعضعضهه برگبتهه وابوسهه هي استسلمت حظنتهه طكت بجي بصوت مسموع وتنشق

ايهم :اوف يبعد روحي ابجي ترتاحين
سماء :اوف مااعرف ابجي عليك ابجي ع اطفالي لو ع مصيري المجهول الماعرف شي عنه هالكلام جان بگلبي
ايهم :شفتهه سكتت ارتاحت حبي اريدج تروحين وي اهلي البغداد
سماء :شلت راسي من ع صدره باوعت اله ليش ؟
ايهم :احسن حبي امان الج هناك وبين فتره ولخ اجي اشوفج
سماء :ايهم مااكدر ابتعد عن اطفالي
ايهم :انت هيج وله هيج بعيده عنهم حياتي
سماء :ايهم انت ماحاس بيه ابد بس مو هالكد مسافه مااكدر ايهم مااكدر اكو امل اللتقي بيهم متاكده اني
ايهم :لمصلحتج  هي وقرر قبلل ليروحون
سماء :ماكو مااروح مااريد وتصبح على خير ياعريس
سحبني من ايدي لج تعالي لمصلحتج والله
سماء :مصلحتي اجمع اطفالي ويلتم شملي بيهم 
رحت فتت جوه ماادري شيقصد يريد يبعدني عنه لو عن اطفالي ماادري ياربي
مشت الايام يلح عليه اروح وياهم قبل ليروحون اني ارفض زعل عليه وميحاجيني موبيدي انه مااكدر وزعله عليه يضوجني ونوب يعيرني بوسن يكعد يمهه يغازله

ضحية 5
انه اهتم بس بداخلي راحو اهله وظل زعلان عليه مره جنت بالمطبخ اشتغل واجت النه مريم بنت الشيخ
خ سلمت عليه وكلتلي انه جوارين بيت عمج من جان ابراهيم يجي يمي وصارت الحادثه
سماء :اي انه ماجنت اطلع هناك ومااعرف احد
ماتعرفين عن جهالي شي
مريم : هذا الي اريد احجيلج عنه
سماء :گلبي ظل يدگ حييل حسيت اكو شي موزين
مريم :ابنج الجبير مات صارله شهر
سماء :اووووف يمه عبود لالالالا يمه لا ليش تعوف امك مااصدك ياربي مااصدك انهاريت بديت الطم واخرمش روحي ماارحمت نفسي فقدت ماصدك مات لا ماصدك ليش يربي ليش شسويت انه ماخنت وماذنبت ولا بگت ولاجذبت ماشيه بدربي عمري مااذيت احد هيج يصيرلي ليش اخخ والمشكله اخر مره جنت اطك بي فقدت بقيت اطك بروحي واخرمش ع صوتي اجو ايهم ووسن وامها لزمني ايهم من ايدي حتى لااذي نفسي
ايهم :كافي سماء كافي هذا امر الله انت تعترضين عليه
سماء :ايهم جنت تدري حرام عليك ليش ماگتلي ايهم
وسن ؛نجبي هو شعلي انت السبب انت جنيتي على نفسج وبدت تدفر بيه برجليهه مريم سحبتهه مني وكلتلهه حرام عليج وهي ماكو تغلط عليه لان ايهم لازمني ايهم كومني من الكاع وحظني حييل وداني لغرفتي وسد الباب دخلنه للغرفه. بقه حاظني ولازم ايديه
سماء :عوفني ايهم عوفني
ايهم :ابجي بس لتأذين نفسج
سماء :هي هاي ثقتي بيك ها ليش مكتلي اتركني وخر عني
هو لازم ايدي قوي ومحوطني بايدي مايخليني الطم واضرب نفسي
ايهم :كافي حبيبي ماردتج تعرفين حتى لتبقين تفكرين بالبقيه
سماء :اريدهم ايهم اريد اشوفهم اريد اروح هسه عفيه
ايهم :حبيبي اهدي انت لو تطيعيني وتاخذين كلامي جان كل الي تردي يصير
سماء :يعني شون ايهم اخذهم الي
ايهم :اي حبيبي بس انت اصبري كلشي بالصبر
سماء:ايهم اخذني اشوفهم
ايهم :تدللين حبيبي اخذج
مر كم يوم عذاب والم اخذ مني حيل وقوه ندم وحيره ايهم كال تحضري راح نطلع نروح نشوف جهالج بين فرحه والم شعور لايوصف طلعنه والطريق كله خايفه خاف لاامااشوفهم وماايسمحولي اشوفهم
وسن :شفته مصمم مايعوفها وبده يهتم بيهه اكثر دزيت رساله لابراهيم وكتله ع نقلة الورث والوكاله لايهم حتى انتقم منه لان مااخذ حجايتي وهم مشتاقه لابراهيم هواي وبقيت انتظر منه الرد
يتبع
غدرني الزمن:
ضحية-غلطة-شيخ
الجزء السادس
بقلم نو
وسن :جانت تحب ابراهيم بجنون وهو جان يگضي وكت وياهه لااكثر من سوه عملته السوده وراد ينهزم كلتله اروح وياك رفض هو وعافهه وراح من دز الشيخ على ايهم وكله راح ياخذ الشيخه منه توددت اله حتى يصير من نصيبهه ايهم والملك وكلشي من دخلت سماء حياة ايهم خافت هي لايتعلق بيهه ايهم وتصير زوجته ومن صدك وتشاركهه بكل شي وهي تكره سماء لان تعتقد هي السبب ببعدد حبيبهه عنهه
فقررت تصرف من يمهه
ابراهيم :اني عمري 30سنه ابن الشيخ محمد ابويه من تمرض استلمتهه اني عنه بس الكل ماجان راضي على تصرفاتي مره رحت يم اختي ونزلت اسبح بالشط شفت وحده حلوةةة حييل عجبتني وعجبني اسوي وياهه علاقه بعدهه طلعت متزوجه بقيت اراقبهه المحلهه وهي ع الشط ااشرلهه متهتم تخلي وتروح مره ظهريه نزلت اسبح شفتهه اجت هي مشافتني جنت بعيد عنهه بديت اغوص واطلع ومااخليهه تنتبه عليه الى ان وصلت الهه وهجمت عليهه اجه زوجهه انهزمت انه اهلهه سائلين عليه وعارفينه وعارفين انه ابن شيخ ومستلم الشيخه من ابوي اجو ورادوني اتزوجهه لان رجلهه طلكهه انه انهزمت راسا وماواجهت احد بقيت باوروبا يم اخوتي الا ان اجتني رساله من وسن تعال الملك كله باسم ايهم وتزوجني ايهم وتزوج سماء وهسه علاقتهم داتتحسن فحبيت ابلغك
ابراهيم اني جفلت معقوله كل هذا لايهم وخاصة اني ويا مانواطن بعض من قبل جنه اطفال
قررت اتخذ الاجرأأت باسرع وقت وارجع واشوف شنو الفلم
سماء :وصلنه لبيت عمي دكينه الباب طلع رياض باوعتله بگلبي اله حقد وكره الدنيه كلهه شويه كرهته كره العمه حرمني من اطفالي وحياتي وسمعتي واهلي وامي وانه البريئه بس اتمنيت لو عندي قوه بساعتهه اهجم عليه واقتله خلاص من الحقد الي بقلبي اله بس اللتفت للسمه وكلت ربي الك حكمه بيهه وانه صابره على بلائك بس انطيني رحمه من رحمتك الواسعه وخليني اكحل نضري بشوفة جهالي لاثنين وحنن گلبه وخلي يخليني اشوفهم
ايهم حجه ويا وقنعه ايهم عنده اسلوب ومثقف حييل وشخصيته كلش قويه ويعرف يتعامل وي اشكال الناس كلمن حسب معدنه وافق رياض وكال دخلو دخلنه شفت عمتي سلمت عليهه ردت سلامهه جابت الي زهراء بنتي 😢اووف شفتهه انكسر گلبي ليش هالبعد يربي مو انه امها ليش مالي حق اكون قريبه منها حظنتهه باوعت عليه شويه صفنت بوجهي تذكرتني ظلت تمشي ايدهه ع خدي وتمسح دموعي زهراء يمه تذكريني هزت راسهه اي مبتسمه منو انه انت انت مي كوه تلفظ الكلام حالتهه حاله شعرهه جان طويل وحلو مكصوص ومكرطف وضعفانه كلش اخخ شبكتهه جان تكول تعاي كتلهه وين كالت هنا واشرت ع غرفتي كبل كتلهه مااكدر بعد وطلعت وحده من الغرفه تعلج وبطنهه جبيره مبينه حامل حظنت زهراء حييل وشاورتهه صيري قويه وعاقله ويجي يوم اخذج يمي هي فرحت هزت راسهه اي كمت لزمت ايدي باوعت لعمتي كتلهه وين حسن ؟كالت حسن نطينا لبشرى عمته تدرين ماتخلف احسن اله هم انه گلبي فوگ الجروح البي احس صار مااكو مكان لجرح ثاني انقهرت نهاريت بجي ليش عمه ليش تبعدونه عن اخته مو كافي عبود راح ليش جيبو الي انه خو انه اولى بي مو امه مو سحبو روحه من روحي هزت بيدهه وكالت والج عين تحجين شحجي بعد
طلعت بره زهراء لازمه ايدي وصلت لايهم وهي لازمه بيدي بس هادئه ماتبجي احس بيهه شي مجروحه حقها شافت امها تتدمه كبال عينهه واخوها مات ونحرمت منه والزغير هم مو يمهه وامها ماتنومها بحظنهه حاله من حالي زهوري اوف يمه شبيدي عليج لزمهه ابوهه وخذاها وشالهه طلعت اباوعلهه دموعي ماتشفعلي ولو ابجي دم ظلت تحاول تنهزم من ابوهه تريد تجي االي بس ماتسوي صوت لسانهه ثكيل وصوت مايطلع الهه ودموع ماكو سوده عليه يمه احس بيج بس شبيدي عاجزه بكل معنى الكلمه باوعت لرياض ماشفت بروحي شوگ اله حسيت بكره اتجاهه حقد رغبه بالانتقام گتله بگلبي وحتى بعيوني راجعه الك وراح اخذ حقي وحق عبود ورجع جهالي وعد هذا لو بعد شكد حالة زهراء كسرت گلبي ومنضرهه مافارك عيوني حتى من  طلعت وصعدت بالسياره واجت ع بالي ذكرياتي كلها هناك جانت حياة طبيعيه مشيناهه بالطاعه نطيع عمتي واطيع رياض ولايوم كلت لا على شي تذكرت من جنت هنا اشر هدوم هنا اكنس هنا انضف غرفتي عفتهه وعفت ملابسي ومكياجي وحاجاتي كلهه مااخذت منهه اي شي طلعنه وبيت بشرى اندله بنفس المنطقه وصلنه اله دكيت الباب طلعت عمتها وراحت صاحت الهه اجت بشرى طبيت وياهه انه بقى ايهم ينتظرني جابتلي حسن ابني جان يبجي خالته بصندوگ وجاي تشتغل انطتنيا باوعت اله متغير شلته بين ايديه يباوع الي ودموعه نازله وصافن بوجهي حظنته شميته بوسته مايطفي نار البروحي هذا كله ربه اربع اشهر بعيد عني ماشبع من حليبي ولانام يمي اوووف اشمه اشمه اريد اشبع منه مااكو تذكرت مره سامعه اذا الطفل شاف امه من الولاده ماراح ينسه ريحتهه بعد حسوني 15يوم بس بقه وياي وفرگونه كتلهه بشره انطيني اياه عفيه ابني هذا كلت هذا الكلام
6
من لاجاره ادري ماينطو الي بس هيج ردت لمحة امل شي كالت لاعيني لا جيبي جيبي اخوي يكلب الدنيه عليه
غدرني الزمن:
كتلهه لعد من يكبر گليله هي امك عليه عفيه هزت بيدهه ودخلت بغرفتهه عمتهه مسحت عليه وكالت اكو الله الي ياخذ حگ كل مظلوم لاتأيسين من رحمته الي وسعت كل شي عمتهه مره جبيره خليت راسي على جتفهه بجيت وكتلهه مشكوره طلعت كتله اريد اروح اشوف امي وابوي هم رحنه اخواني كوه دخلوني رحت شفت ابوي مجبلينه القبله اخر ايامه شفت امي كالت هم زين جيتي تشوفينه حظنتهم وبوستهم فراكهم مايقل الم وعذاب عن فراك جهالي اجه اخوي كال شوفي مو تخف رجلج ع جيه هنا انه باوعتله  شجاوب شبكت امي وبوستهه وابوي هم وطلعت باوعت لابوي ادري هي اخر مره اشوفه شي يقهر وكلمة قهر ماتكفي وطلعت
اخذني ايهم لبيت مريم كالت ابقو ع الغده بقينه طلعت ع الشط اباوع المكان الجنت اغسل بي ملابس وهنا عبودي جان يسبح ويلعب جنت راضيه بعيشتي بكل شي راضيه
طشرنه الوكت مو جنه ملمومين
ياهو الي حسدنه وصابنه بعينه
ما اذينه احد لا حسدنه الناس
راضين بوضعنه برغم مابينه
حلم صار الملاكه وشوفة الاحباب
يادنيا عليج الله د لمينه
كالت تعاي فوتي يمي وحده تقره فنجان رحت يمهه من لاجاره اشوف تاليهه شنو باوعت الفنجاني كالت اووو دربج طوييل ومظلم وبي فراك وراها يله تشوفين النور بس اكو رزق جايلج مو شرط فلوس بس انه اشوف راح تحصلين شي من شخص تحبينه بس بعده دربج طوويل المهم مااهتميت واحس روحي عميه كلشي مامفتهمه من الديصير
رجعنه للبيت بطبتنه وسن ترفعلي تك حاجب اي شرفتو واخيرا انه مالي خلگها رحت للغرفه بس مبين يردون يطلعون مبدلين
رحت نزعت ودابدل بقيت بس بالكيمونه الي تنلبس جوه الدشداشه طب ايهم اجه يمي
ايهم :ها حبيبي شونج هسه
سماء :اووف شوني بعد نفس الشي ايهم درت اريد اخذ من الدولاب ملابس حظني من وره وبعد شعري وظل يبوس بركبتي وخدي  ايهم :ولج مشتاقلج حييل ياالله سماء :حسيته يريد شي مم كتله ايهم عفيه تعبانه ايهم :اوكي حبيبي اسف ع راحتج
عافني وراح رحت سبحت ومشطت تذكرته خطيه تعب ويايه ويريدني رحت ايهم :متجي تتاخر راحت للسوك ودكتوره ويلعب بشعري ويكرص خدي ويبوس
سماء :ليش شبيهه حامل
ايهم :لج لا مو حامل بس سوالفكم التعبانه
سماء :ماارتاح هنا امشي جوه
ايهم :دتعالي هو كله نفس الشي
نوب هو صار عليه بعد شعري عن وجهي وبوسني من خدي وركبتي 💋 اموووت على رموشج
سماء :هي كلهه بس رموشي جا  انه احبك كلك اشو 
ايهم :اي بس رموشج شي خيالي سحر
احبج مممم 🙈💏💏💏💏
مشت الايام وصل ابراهيم واول جيته گلبها عركه وي ابو لحد ماتمرض
وسن :ايهم ابراهيم شجابه
ايهم :شمعرفني
وسن :اذا ماجاي ع سماء ماطلع اني اصلا هي عشيقته جانت
ايهم :شهالحجي
وسن :واذا اثبت الك هالشي !!!؟تطلكها ؟؟
ايهم :شون تثبتينه
وسن :بالايام الجايه اثبتلك بس ها تطلكها
ايهم :ممممم
وسن :ماشي نشوف

يتبع