رواية ضحية غلطة الشيخ الفصل الثالث بقلم *شغف الكتابة *

ضحية-غلطة-شيخ
الجزء السابع
بقلم نورا غدرني الزمن
ايهم جية ابراهيم حييل ضوجتني بقيت طول اليوم واني بالي يم سماء مرات اشك لان اني مومثل طبعهم يعني اكول اذا طليقها شافه ديتحرش بيهه ليش عافهه يعني اني اذا بمكانه مااعوفها لا ابد وانما اخذ حقها بايدي مرات اخاف عليهه ليأذيهه مرات غيره مااريده يشوفهاا
وسن :ايهم متشوف ابراهيم شون يبصبص لسماء
ايهم :وسن كافي لخااطر الله ولصلت حدهه وواصله عندي لهنا كافي هالحجي اذا اكو شي اني راح اكتشفه واعرف منو دز على ابراهيم وخلاه يجي ومنو كله على سالفة الوكاله ونقل الملكيه هي هم خليهه ابالج تره مناسيهه
وسن :شتقصد شتقصد اني بلغته تره سماء خانم علاقتها بمريم قويه واحتمال هي الي من مريم وصلتله هالحجي
ايهم :وسن شتردين توصلين تره دتلحين هوايه كاافي وهذا الموضوع يبقى يمي واعرف اتصرف سدي واذا مسديتي اني اعرف اسده واسد حلكج ويا واااضح
عفتهه رحت لسماء شفتهه دتشتغل وابراهيم رايح جاي من يمها دخنننت عصببببت
ايهم :لزمتهه من ايدهه قوي واخذتهه وفوتتهه لغرفتهه
سماء :ايهم شبيك اذيت ايدي وجعتني وبديت افرك بيهه
ايهم :سماء اذا ابراهيم هنا متطلعين خوش مااريده يشوفج مااريده يلمح طرف ثوبج خيال ميبين يمه خووووش
سماء :ايهم شبيك تره ماعندي شي ويا انه واكرها بس غير ام وسن تريد مني شغل وانه من اجه لهسه كارهه روحي وكارهه الدنيه وكل الصار بسببه اتمنى احط سجينه بقلبه ع سوايته والصار بعدهه
ايهم :انت متحسين بيه اني اغار عليج احبج فكرة انو يوم من الايام مخلي عينه عليج دتموتني خليني اوديج لبغداد يم اهلي علما ينقشع يولي
سماء :والجهال شون اريد اشوفهم بين فتره وفتره
ايهم :علما يولي هذا ارجعج
سماء :عوف هالموضوع فدوه
ايهم :عصبت حييل اووف دفرت الباب قوي ابقي هنا طلعه ماكو
مشت الايام اخاف على سماء هوايه بالليل اروح يمهه كل ليله يمهه ماافاركهه وبالنهار اذا اشوفها بالبيت وابراهيم موجود حتى لو مو نفس المكان اروح اذيهه لو اكرصهه قوي ازوركها لو اسحبهه من ايدهه وافوتهه بالغرفه اما الليل فهو احلى شي عندي صرت احب يجي الليل حتى اروح يمهه نبقى نسهر ونسولف
ايهم ؛تدرين سماء اني بالبدايه عبالي انت شبح لو جنيه
سماء :يمه اسم الله صدك عود
نايمه على ايده وايدي على صدره
ايهم :اي والله لدرجه ارتفعت حرارتي وتمرضت
سماء :صدك عود اسم الله عليك
ايهم :لان انت گتيلي رفل اني وسن كالت ميته رفل تفاجئت بعدهه سئلت وسن منو وياكم عايش كالت بس احنه
سماء :اي صح الشيخ ميقبل احد يجيب سيرتي كدام احد ماادري ليش

سماء بقينه كله هيج تمنيت ابراهيم ميروح حتى ايهم يبقى يمي وميفارگني الليل كله بحظنه وسوالف ورومانسيه تجنن ومرات ابجي على صدره وبحظنه على عبود وعلى فراك الجهال وامي هو يحظني بكل حنان وحب ولمساته تريحني من ابجي ع صدره احس نفسي بامان وبقوه حبيته عشقته تمنيت حياتي ويا تستمر صرت اتنفس وجوده اذا ساعه وحده ينشغل وي عمه وبكعداتهم وعزايمهم احس روحي تايهه ضايعه ناقصهه شي
وسن :اي ابراهيم شراح نسوي ؟
ابراهيم ؛افكارج تخطيطاتج
وسن :لازم اول شي نتخلص من سماء ونقلعها منا
ابراهيم :ماشي وبعدهه لازم تطلگين من ايهم
وسن :ليش ابراهيم : احسن حبي اني اريد هيج وبعدهه اني اتصرف وي ايهم وازيحه من حياتنا كلها
وسن :اوكي 😊
ايهم :شفت ام وسن بغرفة سماء دتكوللهه اطلعي اشتغلي رحت عليهه ام وسن عوفيهه متطلع من الغرفه
ام وسن :ليش اسم الله جا منو يشتغل
ايهم :اني اكول هالحجي وخلص متطلع يعني متطلع وانت بنتج معدكم شي اشتغلو
وسن :لا صدك وليش الخاتونه ماتشتغل
ايهم :بكيفي اني مااريدهه تشتغل وبعدين انت مقاصرج شي اشتغلي وخلص يله كلمن على شغله وخرو من يمهه
وسن :ماشي ايهم ماشي
ايهم :تعالي اشو انت معاجبج
وسن :يعني شتريد يعجبني مثلا بس عوزك تجومها للخانم والله يااالله لو ما وحده سمعتها هالله هالله وجانت متزوجه واحد وحبت واحد وتزوجت غيره وأشر عليه
ايهم :ماتحملت ضربتها قوي سكتتها
وسن :بگلبي اي هذا الاريده حتى انفذ الي ابالي 😌
وسن رحت شكيت لعمه عليه لان صار كم يوم كله يمهه اريده ليله وحده حتى انفذ المخطط ذبيت كم دمعه الي كدامه صاحله عمه وحاجاه وصار الليل اجه يمي
ايهم :كلت لسماء بس تغفى وسن اجي يمج
رحت نمت فوك يم وسن
سماء :جنت قافله الباب وانتظره يجي سمعت همس يم الباب كال سماء طلعي ع الشط اريدج وسن نامت
انه كمت لبست بسرعه وطلعت ع الشط اجه غمض عيوني من وره وكال اششش
حسيت لمسته مو هو شي بداخلي حسيت مو ايهم وانما شي ممرتاحه منه
وسن :ايهم ايهم مو كتلك راح اثبتلك روح شوف من البلكون شوف حبيبة گلبك وي منو
ايهم :فزيت رحت للبلكون وشفت ابراهيم حاظن سماء من وره اعصار وصار بيه دفعت وسن من كدامي ورحت اركض الهم
سماء :وخرت ايده مني ودرت عليه شفته ابراهيم اخترعت اباوعله يبتسم ابتسامه كريهه كلهه مك

7
كلهه مكر اقشعر جسمي وكعت بالكاع شفت ايهم اجه صوبي ضربني طاح بيه ضرب ضرب سحلني ووداني للغرفه مو
كتلج اخذج لبغداد متاخذين حجي
سماء: ايهم والله عبالي انت والله والله
ايهم :اشششش كلمه زايده ماكو افتهمتي اباوع للدم بوجهه وزروكات عدلت شعري وتنفست وطلعت رحت للشط شفت ابراهيم ووسن دك سوالف وضحك هجمت على ابراهيم مثل الوحش اني اضخم منه واطول دك بوكسيات وسحلته ع الدرجات الي تنزل للمي وغطست راسه بالمي دااغركه اجت وسن تعيط عوفه عوفه رفعت راسهه شفته يذب دم تركته من ايدي قوي رحت على وسن هم ضربتهه صوابين وكتلهه انت وره هالشي كله اني اعرف بكيد النسوان ظلت تغلط وتسب وتكول طلكني طلكني كتلهه ماشي اطلكج واني الممنون بس خلي اخلص كم شغله دفعتهه من عصبيتي وكعت بالكاع رحت على سماء جانت تبجي وكالت ايهم والله عبالي انت اجه همس بالباب عبالي انت ماميزت الصوت ايهم اني بريئه
ايهم :اشش ولاكلمه اخذت امسح الدم منهه الفجر نطلع البغداد والنقاش منتهي وخلص نامت هي واني بقيت كاعد الفجر ترخصت من عمي وطلعت لبغداد واخذتهه ويايه وديته يم اهلي امي استغربت كتلهه راح تبقئ هنا كم يوم طلعت بعد يوم واحد بس مااحاجيهه
عفتهه ورجعت للبصره اخابر امي واسئل عنهه كالت تعبانه اكلهه قليل وهواي تبجي كتلهه تتعود
سماء :عافني وراح وميحجي وياي انقهرت حتى بالتليفون هم ميحجي بعدهه اجاني خبر وفاة ابوي هم زاد قهري ابوي جان مريض وضعيف لو قوي يمكن جان يحميني شوگي للجهال ولايهم وامي زاد
ابراهيم :هي سماء خلصنه منهه وسن تطلكي منه
وسن :طلبت الطلاك وطلكني
ايهم :ع هالمشاكل عمي زاد مرضه هوايه قررت اروح لبغداد بعد عشرة ايام
رحت وعقدنه محكمه اني وسماء
سماء :عرفت طلك وسن وكال لازم نعقد محكمه حتى يصير الج حقوق ونطانه مبلغ من الفلوس وكال هالفتره عمي موزين كلش تعبان حالته ولازم ابقى هناك اني بقه يمي اسبوع مااكدر اشبع منه ابد اشمه شم انام كل الليل على صدره وراح هي اخر مره شفته بيهه وصللنه خبر وفاة الشيخ وهو الي استلمهه بعده
انه بهالفتره داومت اميه وبديت اتعلم كتابه وقراءة بتشجيع من ام ايهم واللتقيت باختهه محاميه ورجلهه محامي وحجتلي عن حقوق المراه وكالت عن جهالي من حقي هم كتله انه مااعرف بهالشي بس هي علمتني كل شي وصنعت بداخلي اراده وعلمتني القانون وانو هذا الشي حقي واكدر اخذه بالاميه
تعرفت على صديقات صارن قريبات الي ام ايهم معاملتهه الي مثل ام عرفت سبب الطيبه الي بقلب ايهم من منو جده وبيبيته طيبين وميأذون جان ايهم دوم يتواصل ويايه بالتليفون بعدهه انقطعت اخبار ايهم ومااعرفنه اله جواب نخابر يكولون منعرف عنه شي يوم يومين اسبوع اسبوعين وشهر وايهم ماكو ولاعرفت اله خبر ولاجواب

ضحي-غلطة-شيخ
الجزء الثامن
بقلم نورا غدرني الزمن
ابراهيم بعد وفاة ابويه سويت نفسي امر بحاله عصبيه ونفسيه كلش صعبه ودموعي مانشفت وادك ع صدري واكول انه السبب بعد ماخليت وسن تطلك من ايهم وعدتهه بالزواج اخذتهه امها وراحن بغير بيت من بيوت الشيخ بقينه انه وايهم بالبيت ومريم اختي تجي النه تسوي اكل وكذا وغير اكو عدنه فلاح موجود هم يساعدنه ايهم شاف حالتي هيج انقهر عليه ووگف بجانبي
ابراهيم :خويه ايهم سامحني الشيطان لعب براسي وتحرشت ب
ايهم :ابراهيم لتكمل المهم هسه انت حالتك صعبه حيل اطلع من هالحاله وبعدين نحجي لازم ترجع لطبيعتك ونلزم الشيخه اني وياك الناس محتاجتنه
(من جاب سيرة التحرش وقتهه اتمنى امووته بايدي بس لزمت نفسي اباوعله مكسور وفاقد واخوته مو يمه وهو االوحيد الي رجع لابو حسبته صادق )
ابراهيم :اني مااتحمل بعد ياخويه اريد اروح ازور ابويه بقبره مااتحمل بعد
ايهم :ماشي اروح اوديك لقبره تدلل
ابراهيم :ياخويه راح ااذيك وياي
ايهم :ابوك مثل ابويه وهو عمي هم واله فضل عليه اني هم محتاج هالشي
ابراهيم :(طبعا مو وكلك على كل الاملاك وانطاك حصتك من ابوك كامله الي هي اكثر من حصته شون مااله فضل عليك )شوكت نطلع ايهم
ايهم :ان شاءالله الفجر باجر
ابراهيم:خليهه بالليل طلعتنه ياخويه مااتحمل
ايهم :ماشي اخويه ابو خليل تدلل
ابراهيم حشيت المسدس وزهبته وسن خابرتني وانه كتلهه على الخطه وهي جانت اكبر غلطه ارتكبهه
ابراهيم :اتصلت ع وسن ع التليفون الارضي هي جانت تلح هواي عليه وسن راح اخذه واروح ازور قبر ابوي واتخلص منه ويرجع كل شي الي
وسن :وسماء شون
ابراهيم ؛ماكو شي يثبت هي مرته عقد محكمه ماكو معناهه مامعترف بالزواج واذا ع ورقة عقد الشيخ فهي وي الاوراق وانه اتخلص منهه
وسن :وانه ؟
ابراهيم :انت حبي راح نتزوج بعدين بس خلصي عده
المهم راح انام وبعد شويه نطلع

وسن :خوش حبي باي
ابراهيم :طلعنا بالليل ويا السايق نويت اكتلهم اثنينهم واكلهم ماادري بيهم انه ماطلعت وياهم غيرت رأي وارجع للبيت واشمر السياره بغير مكان

طلعنه الدنيه ليل وصلنه المكان اظلم انه كاعد وره وايهم يم السايق طلعت المسدس
ابراهيم :اووكف لاافرغ المسدس براسك اووكف
ايهم :هاا ابراهيم هاا الغدار ولك هي مو رجوله تره
ابراهيم :انزل وسد حلكك ولك اخذت الاملاك كلها تريدني اسكت
ايهم :تره مااخذ حگ احد انه ورجعلك كلشي انت واخوتك بس اريدك تنعدل وتتصرف صح
ابراهيم :مو كلشي الك تره وهسه يله ليوره امشو
ايهم :اقتلني بس اني السايق عوفه عنده عائله
السايق :بركبتي عائله يمعود عوفني والله مامسوي شي
ابراهيم :اثنينكم اليوم منيتكم رميت عليهم بسرعه وكعو بمكان يصير عالي مثل الوادي بقو يتدحرجون بقيت ارمي ارمي شفت الدم فايض وماكو حركه ردت ارجع الهم اتاكد ميتين لو لا بس كلت لايشوفني احد وانه خارج المحافظه هسه اخذت السياره ورجعت راسا شمرت السياره بمكان معزول وبعيد ورجعت رحت ع الشارع العام اشرت للسيارات وركبت تكسي ووصلت للبيت خابرت وسن تمت المهمه ومن تطلعين من العده نتزوج
سماء :مر شهر كامل ماكو خبر عن ايهم متت بقهري وفوكاهه تمرضت ومادري شبيه فكري يم ايهم مايهمني اي شي وماافكرت شبيه
سماء :خاله اريد اروح للبصره ادور على ايهم
ام ايهم :سماء وين ترحين ياعيني وانت هم وحيده اوف شسوي لاعنده اخ لاعنده اخت وحيد ابو ماتزوج على مرته اله بعد ماماتت ومن ولدته صار عمره 10ومات ابو اوف يمه ايهم وينك انت كعدي سماء اني ادز اخويه عليه
سماء :اوف ياربي كون ايهم مابي شي
ام ايهم :سماء خابرت اخويه ابو نجاح وكال راح يروح لبصره يسال عنه
سماء :ماشي خاله
ام ايهم :بعدين انت تعبانه وجهج اصفر واكل متاكلين خاف حامل
سماء :ها خاله ماادري مامنتبهه ع نفسي
ام ايهم :مو جايبه انت من قبل ياعمري
سماء :خاله فكري يمه حتى اطفالي ناسيتهم
ام ايهم :هيجي ويجي طفل يشبه ايهم بس هو وينه ياربي گلبي وجعني عليه
ابراهيم :اجه خال ايهم يسال على ايهم
ابراهيم :هله ابو نجاح تفضل شخبارك الاهل شونهم
ابو نجاح :اهلا ابني جيت اسال على ايهم اشو مختفي ماكو
ابراهيم :اي والله عمي انه حجيت وي ام ايهم كتلهه اني رحت وياهم نص الطريق تعبت ونزلت بالمستشفى هم رادو يكملون طريقهم توقعت ينزلون ابغداد بعد مايزورون قبر ابويه بالنجف
ابو نجاح :اهاا ابني تسلم اذا من رخصتك اخابر ام ايهم ممكن تنطيني التليفون
ابراهيم :تدلل عمي تفضل
ابو نجاح :ام ايهم ابراهيم كلي نفس الحجي الي كاله الج بالضبط مراح وياهم هم مكملين طريقهم وحدهم ان شاءالله اني طالع بعد شويه وراجع لبغداد
ابراهيم :ابو نجاح ابقئ يمنه وين رايح
ابو نجاح :لاارجع احسن اني اتوكل من رخصتك
ام ايهم :يمه سماء كافي تحركين بروحج وامشي اخذج نسوي تحليل حمل
سماء :خاله وايهم شون بي خايفه حييل عليه وين راح يربي وين
ام ايهم :الله كريم بنتي

8
حالي من حالج يعمري كلبي نار وعندي امل بربي وبهالطفل الي ابطنج
سماء :اووف ليش هالحرمان ياالله ليش
كلما احب شخص انحرم منه اوووف
سماء :فتت حللت وبالفعل طلعت حامل بقيت احاجي ايهم بروحي ايهم ابنك ينتظرك فدوه ارجع ارجعلي ربي رجعلي ايهم يربي
رجعت للبيت بعد مااتحمل شهرين عليه حامل
سماء :خاله مااتحمل رايحه ادور على ايهم بنفسي راجعه للبصره
ام ايهم :بنتي اتعوذي من الشيطان وكعدي واذا الله قاسمله يرجع يرجع ياعمري اني هم مشتعله نار بس موبيدي شي
سماء :خاله انه ماعندي شي اخسره وهنا ماعندي شي رايحه للبصره كلشي عندي جهالي امي ايهم وسر اختفائه والي وراه وراجعه لو ايهم ويايه لو منتقمه من الي اذوني لو اجيب حقه واملاكه وماتصير للغير وماارجع خاليه خاله كولي لاحد يوديني لو اروح وحدي والي يصير يصير معندي شي اخسره بعد كافي سكتت هوايه ع الظلم ع الحر مان ع كل شي مااسكت بعد مستعده اواجه الدنيا والزمن واوكف بوجهم ومااخليهم يحرموني من احبابي
ام ايهم :ماشي بنتي اذا مصممه اني شبيدي اني مااكدر اعوف امي وابوي وحدهم راح اشوف اختي حنان المحاميه وزوجها بلكي تفيدج من تاخذيهه وياج امانه سماء ديري بالج ع ابن ايهم
سماء :ان شاء الله عمه بس انت لاتبجين يصير بيج شي ابن ايهم هم محتاجج ....طلعنه اني وحنان وزوجهه وتوجهنا للبصره حالفه اله اواجه الدنيا كلهه والي ظلمني واخذ حقي منهم وصلنه للبصره
سماء :عمو انه وديني ع بيت الشيخ
زوج حنان :ليش مترحين ويانه للفندق ترتاحين وبعدهه نروح سوه
سماء :لاعمو هيج احسن ماتقصر انه اي شي يصير ابلغكم واجي الكم
حنان :ديري بالج ع نفسج عيني سماء
سماء :لاتخافين ست حنان محاضراتج نطتني جرعه من القوه مراح انساهه دوم ع بالي
حنان :تدللين عيني سماء
سماء ؛دخلت لبيت الشيخ باوعت للشط تذكرت اول من جنه نلتقي ذكرياتنه كلشي حلو ويااايهم
اه ياايهم وينك
وينك انت ؟؟
رؤحي ملت .. كلبي مات...
والعمر ما خلص وانته!!!!!
وينك انته ؟؟
النفس بالروح خنكه .....
والحلم ضحكاته صنته؟؟
وينك انت!!!! اليل وحشه والدنيا ..
ضلمه .. والكلب ما معروفه علته...
دخلت شفت ابراهيم
ابراهيم :هله هله والله هله بالزين كله
سماء :ايهم وينه
ابراهيم :دسلمي بالاول
سماء :تقرب مني جنت اعرف وحده هو شايله بيدي سجينه محضرتهه اعرف سوالفه
ابراهيم :لالالا لتخافين راح استخدم وياج نفس اسلوب ايهم ماراح اغصبج بعد بلكي تحبيني
ايهم خلص بح بعمرج بعد متشوفينه اني اريدج سماء انت الي من البدايه مو اله تزوجيني راح ارجعلج جهالج وطليقج اطيح حظه وقبل هذا كله اسجل باسمج جزء من الاملاك وجزء كبير قبل لاتزوجيني سماء اريدج من زمان اني شگلتي سماء تقبلين بيه واصلح كل شي واتغير علمودج ؟؟
سماء :.....
يتبع اعذروني اذا ماكدرت اكمل راح اطلع واذا كدرت اكتب اكتب واذا لا اعذروني حبايب شكرا للي يعلقون ويشارككون اما الي بس يباوعون ويخمطون ومايكلفون نفسهم حتى يخلون متابعه او لايك للبيج ع اقل الف عافيه عندي هدف واريد اوصله بس مو بكثرة التفاعلات لا ماتهمني هي توصل كتاباتي
ضحية-غلطة-شيخ
الجزء التاسع
نورا
سماء :وي كلام ابراهيم جمدت ماارديت موماعرفت الاجابه بس الكلام مايفيد ولاالرد يشفي طلعت منه وبقلبي گلت راجعه الك رحت لمريم
سماء :مريم وين وسن وامها دليني فدوه
مريم :خوش راح انطيج العنوان
سماء :رحت لبيت ام وسن
وسن :خيير شرايده
سماء :ايهم وين مو زوجج وينه هانت عليج العشره
وسن :اطلعي مالي خلكج
سماء :تره ابراهيم خطبني
وسن ؛ولي يالجذابه يريد يتزوجني الي هو

ام وسن :ولج وسن صدگتي ابراهيم ياخذج ولج عافج مره يعوفج الف هف
سماء :طلعت جان تصيحلي ام وسن
ام وسن :سماء يمه ابراهيم مسؤؤل عن اختفاء ايهم
سماء :بس وينه ام وسن وينه
ام وسن :اكو طريقه ابراهيم من يشرب كلشي يعترف كلشي يحجي بعد وانت وشطارتج مودعه بالله هذا الكدر علي
وسن :خابرت ابراهيم صدك راح تخطب سماء
ابراهيم :اي ليش حبابه
وسن :وانه
ابراهيم :انت بح ههه ولج من صدكج
وسن :ليش جا كتلي تطلكي من ايهم
ابراهيم :حتى احرمج من ورثه

سماء :طلعت منهم رحت لخالة ايهم
خاله ام وسن تكول ابراهيم من يشرب يحجي كلشي بس شلون راح اوصل كلامه للامن
زوج حنان :اكو جهاز تسجيل زغير راح اجيبه الج سجلي بي
سماء :والشرب شلون وشون راح اعرف اي نوع يشرب زوج حنان :انت دوري منا منا اي علبه او بطل اقري اسمه وشوفيلي شكله وخابريلي ع رقم الفندق راح انطي الج وانت وشطارتج بعد
سماء :ماشي عمو مشكور رجعت وكلي امل ع خوف ع ارتباك وادعي ربي واتعذر منه ومن ايهم لو يعرف انه راح ابقئ وحدي وي ابراهيم راح يكلب الدنيه
دخلت وراح ابديهه وي المجرم الاول
سماء :سلام ✋
ابراهيم :هله هله توه مانور البيت اكيد فكرتي بكلامي
سماء :طبعا اكدر ارفض هيج عرض بس ها اني هسه مااكدر اصير الك منا لم اولد لان حامل
ابراهيم :اكيد اكيد تدللي
سماء :رايحه ارتاح ابو خليل 😊🔪
ابراهيم :براحتج
سماء :عفته ورحت ادور بالبيت اي شي من السم الي يشربه الحقير ولكيت بطاله فارغه خابرت زوج حنان وكتله ع الوصف الي ع البطل بالكتابه الانكليزيه لان تعلمت بالاميه الاحرف وصلتله الشكل وكال راح اجي اجيبه جابه الي بعد معاناة كدرت اتناوشه منه ماقصر الرجال دعيتله من كل قلبي
ودعيت ربي يسامحني ياربي سامحني اني مجبوره واحاجي ايهم بروحي لان هو بروحي عايش سامحني ايهم فدوه
رحت حضرت العشه اله وقدمته
سماء :تفضل ابو خليل
ابراهيم :ووو هاي شنو شرب يمعوده عود ناوي مااشرب الليله
سماء :بقلبي 👈اشرب يالغبي حسابك عسير
اي اسفه مو متعوده اقدم لايهم
ابراهيم :ماجنت اعرف ايهم يشرب
سماء :يشرب بس ويايه 😒
ابراهيم :اذا هيج اييي هه
سماء :بده يشرب ابراهيم ويشرب لحد ماابقيت اسئله شلون قتل ايهم حجالي وهو سكران شلون قتله وشمره والمكان الي قتله بي ودموعي تجري ماتوقفت سجلت كل كلمه گالهه لحد مااغفه ومكدر يكعد بعد لزمت السجينه ردت اذبحه بس جهالي يحتاجوني
رحت تفلت عليه 💦وشخطته بسجينه وتدمم وهو ولا حس مثل الميت رحت وديت كلشي الزوج حنان وهو تكفل بكل شي اخذو ابراهيم الشرطه يوم ثاني اما اني توجهت راسا لبيت عمي اشوف بنتي دخلت شفت زهراء يمه زهوره شبي خدج مزورك وايدج محروكه اشرت الي على مرت ابوهه رحت اكلج ليش هيج كاتلتهه مزوركتها مو طفله شتفتهم هي هاا شتفتهم
مرت ابوهه :عيني بتج وكحه ومامربايه عليمن تطلع علئ امها
انه فراك ايهم ماثر عليه مااتحملتهه رحت عليهه سحلتهه سحل من شعرها وعض بايدهه اجه رياض يركض
رياض :ولج شجاي تسوين يالساقطه وطكاني ع وجهي
سماء :ولك يظالم يشيطان هي شون تخلي خنزيرتك تطكها هاا
رياض :ماعليج انت وولي طلعي شجابج هنا
سماء :ولك كافي ظلم شنو من بشر انت انت كتلت عبود هيمته وطردته دمه بركبتك ضربني مره ثانيه زورك وجهي هجمت عليه مثل القطه 🐱ميو خرمشته وطكيته بالعضو الحساس وعضيته بزنده وييع قذر وصخ لزمني من راسي من فوك العبايه انه ماخايفه ع احد بس ابن ايهم الي ابطني اجو اخوانه فكونه
رياض :طلعي ولج طلعي مااريد اشوفج هنا
سماء »ولك طالعه يالوصخ يالظالم يالشيطان طالعه وراجعه الك اصبرلي
رحت بدربي للحزب وكتلهم هذا كتلني وياويله بذاك الوكت الي يطك مره اجو وياي وسحلو سحل خذيت زهوره وطرت بيهه لبيت مريم ارتاحيت وبعدهه كم يوم رحت لبيت بشره
طبيت شفت حسوني يلعب بالتراب وياكل الوصخ
ولج بشره بشره هي ليش هيج حسوني
بشره :سلمي بالاول 😒
سماء :جايه اخذ ابني
بشره :ولي يالساقطه مالج حك بي
سماء :منو ساقطه تعاي اشوفج الساقطه منو
هجمت عليهه وخليتهه تصرخ سحلت شعرها وخرمشتهه خوش اضافر عندي طكت روحي بعد ايهم عذبني حييل خمشت حسوني وهم طرت بي كبل لاارجع البغداد لازم اصفي كل حساباتي هنا رحت لبيت اهلي طبيت شفت امي حالتهه حاله
هم اخذتهه ورحت ع بيت الشيخ لكيت ابراهيم مااخذي اخذت الفلوس واوراق مهمه وقفلته وقفلت كل ذكرياتي ويا. رجعت لبغداد بعد شهر ماكو خبر عن ايهم شهرين هم سمعت ابراهيم معترف ولاكين جثة

9
ولاگين جثة السايق بس ايهم ماكو سئلنه كل المستشفيات القريبه هم ماكو عشت ب

غدرني الزمن:
حلم اسمه لقاء ايهم ايهم الامل القوه الحب الحياة من لگو جثة السايق وهو ماكو رجع الامل الي وشويه حسيت براحه خاصة اكو حياة ببطني تخص ايهم الروح
وصللنه خبر اعدام ابراهيم ووسن نسجنت لان جانت جزء من الخطه اما ايهم بقه ماكو اي خبر منه صار سقوط بغداد وزاد خوفي لان ناس هوايه اختفت ومالهم اثر مر شهر واكثر ع السقوط وتقدمت بالحمل وتاخرت ولادتي ويوميه احاجي ايهم ابنك كبر ماناوي ترجع ياروحي ذكرياته مااكدر انسئ منها شي امي گبالي وابني وبنتي وام ايهم كلهم يمي واحس فراغ جبير بعد ماااستقرت الاوضاع قابلت صديقتي وبدينه نحجي
سماء »اخ ميس راح اموت كلما يكبر الطفل كلما اشتاق لايهم اكثر
ميس :اكولج اخويه مترجم وي الامريكان تحبين اسئل الج عنه
سماء »شسالين ؟؟
ميس :لج وقت السقوط الامريكان ظلت تخم بالناس يمكن بالسجن ايهم
سماء :يمه اسم الله فديته اسئلي شنسوي بعد من لاجاره
ماشي
سماء :خاله ميس تكول راح تسئل بالسجون بلكي تلگاه
ام ايهم :اووف ابني الوحيد وشيودي للسجن يايمه
سماء :بلكي ياخاله ابنه راح يطلع وهو ماكو بس انه عندي امل اشوفه
ام ايهم :اوف يارب ياالله ان شاءالله
سماء :ميس خابرتني بعدهه بكم يوم وكالت اكو اسمين ايهم بس بسجن بوكا بالبصره
سماء :اروح لو لاخر الدنيه بس كون يطلع هو
وعديت العده حتى اروح للبصره واشوف ايهم الي بالسجن نفسه هو ايهم قلبي 😢💔لو لا
مؤلم
.....

مؤلم ان احتاجك ولا اجدك وأن اشتاق ولا احادثك وان أحبك ولا اكون معك

الاحق النوم حتى اراك فى احلامى.. احبك حتى ينتهى من الوجود وجودى
فما اجمل الحياة معك وما اتعسها فى البعد عنك انا بانتظارك حبيبي
بعدك حقا يؤلمنى جدا

ضحية-غلطة-شيخ النهايه
بقلم نورا غدرني الزمن
قصص ليل وعشگ
أتوق لرؤياك يا عمري فالعمر بدونك أحزانا
من قبل وجودك يا قلبي
لم أشعر أني إنسانا👉منقول
سماء :جنت مستعده اروح للبصره لحتى ادور ايهم وندائات امي وام ايهم ابد ماجانت نافعه ويايه
امي :الطريق طويل شتسوين ترحين انوب تجيبين بالطريق
سماء :يمه جا شون رجلي هذا مليت اريده اريد يشوف ابنه
ام ايهم :سماء خوش خبر هسه خابرت مريم وتگول عمام ايهم والعشيره جانو يدورون عليه كل هالفتره قبل الاحداث بس من صارت الاحداث توقفو دازه زوجها الهم وگايلتلهم ع الاسماء الموجوده بالسجن وراح هم يرحون ويتاكدون يا بنتي هذا شيخهم اكيد مراح يعوفو واني قلبي مو ابرد من قلبج بس خايفه على الطفل وانت تاخرتي هسه خليني اوديج للطبيبه وتجيكج
سماء :خاله راح اموت مااتحمل

ومالي خلك اطلع ابد راح انتظر العمام وامري لألله
بعدهه بالليل صار عندي الم قوي
سماء :اخ يمه مااتحمل اريد ايهم
امي :يمه عندج ولاده حبيبتي خلي يودوج للمستشفى سماء :ردت اجيب وايهم يمي
ام ايهم :كلشي مكتوب ياعمري خابرت اخويه ابو نجاح وجاي نروح المستشفى
والجهال يبقون وي امي وامج لاتفكرين بيهم
سماء :زهوره صيري عاقله وديري بالج ع حسوني ومو تاذون بيبي وع اي شي تتعاركون
حسوني طبعا كبر صار يمشي وزهوره حتروح للمدرسه ومنتظره بابني بفارغ الصبر ومنتظره خبر من ايهم اكثر من اي شي بالدنيا
وصلنه للمستشفى الالم مابطل بس الولاده تعسرت والدكتوره قررت انو تسوي عمليه قيصريه بعز الالم واني اصيح بس ايهم ايهم وعيوني ماتشوف غيره وفكري موشايل هم بس هو حتى الولاده مستعده اتحمل المها طول العمر بس ارجع
السسترات والقابلات يسئلوني منو ايهم هذا من كثر مااتصيحين باسمه عبالنه امام لو سيد 😁
ام ايهم :لا هذا شيخ
الممرضه :هاا شيخ يلبس عمامه احنه ابخته لعد 🙈
ام ايهم :لا هذا شيخ عشيره 😂
الممرضه :🙈يا خلي نجيب مرته لايطكنه بفصل 😝
سماء :😒👌
خفت من البنج خفت اغمض عيوني ومااشوفه بعد
في كل مكان أجد صورك، وكأن كل شيء يأبى إلا أن يذكرك، كل زاوية بالبيت تشتاقك، تفتقد ضحكاتك...
مزاحك "الثقيل" الذي كان يزعجني، أنا اليوم أشتاقه، أنا اليوم أتوق لرؤياك
سنجتمع يوماً ما، فظنّي بالله لا يخيب❤
فتحت عيوني بعد العمليه وصحصحت واول خبر سمعته ايهم طلع من السجن عيوني مابطلت دمع اخذت ابنه بين ايديه فرحتي مااوسعت الكون اثنينهم بوقت واحد الله رزقني اياهم الله اخذ مني عبودي ورزقني اثنين غيره وربي عوضني بيهم وجمعني بامي واطفالي وعوضني بام ايهم مثل امي وطيبة قلبها وصبرها وهدوئها وحلمها ماله مثيل عشق هالانسانه وهسه غير شوفة ايهم مابقالي وشاريتهه ورايدته ولو بعمري يوم من رجعت للبيت اول شي سويته خابرت ايهم
سماء :الو ايهم
ايهم :سماء حياتي حمدلله ع سلامتج
سماء :سلامتي من سلامتك انت ياروحي مشتاقتلك كد الدنيا كد الكوون كله احجيلي شنو صار وياك ايهم فراكك اخذ مني كلشي راحة البال الفرحه القوه وكلشي اريد اجيلك ايهم
ايهم :حبيبي اني اجي بس دااخلص من العزايم الي هنا جرت جر ومااكدر اعوفهم هم طلعوني والهم فضل عليه ولازم الزمها بعد وضرف كم يوم ويمج اني
سماء ؛مدااتحمل والله ايهم ابد
ايهم :واني بعد حبي مشتاق الج ولامي ولطفلنه وحتى اطفالج فرحت هواي من سمعت انتي اخذتيهم
سماء :كلنا منتظريك بفارغ الصبر
مرت ايام احس الوقت بيهه ميمشي اريده يجي متلهفه عليه الام العمليه اهون الي من هاللحظات الي مراضيه تخلص نتواصل بالتليفون الارضي بس ميكفي اريد اشوفه اريد اللمسه اباوع لعيونه اريد اشوف ردة فعله على ابنه ولهفته الي واريد اشوفه شون حيلتقي بامه ويحظنها واسولفله الي صار ويايه كله
سماء :ايهم مااتحمل اني راح اجي
ايهم :لج شتجين وعمليتج اصبري مبقه شي هي كم يوم واجي واني متلهف اكثر منج الكم
سماء :ان شاءالله 😔❤💋
ايهم ؛عفيه اصبري حبابه
بعد عدة ايام
ايهم :الووو سماء الفجر راح اطلع واجي الكم ان شاءالله مشتاق الكم هواي
سماء :المفروض اني اجيلك ياعمري دير بالك على نفسك
كنت كلش قلقه عليه طبعا والاوضاع جانت موخوش بقيت ادعي واندب كل حركه عبالي وصل وندكت الباب واكمز وانسئ عمليتي واتعورر
الى ان وصل ايهم الي كان استقبالنه اله مثل استقبال العريس بالجكليت والذبيحه الذبحناهه جوه رجله والهلاهل لو ما العمليه مالتي جان ركصت 😛بوس امه وحظنها والدمووع مانشفت من عيونه كلنا حتى امي الي متعرفه ولامعاشرته
وصار دوري اني حتى استقبله مومصدگه احس بحلم اني حظنته وحظني بقينه اكثر من ربع ساعه حاظنين بعض ومره ابوسه ويبوسني واشمه ويشمني دموعه ودموعي اختلطوا ببعض.
ايهم :واخيرا شفتج ولزمتج طول هالفتره وانت بعيوني اشوفج بس مااكدر الزمج من اغمض بس اشوفج مره شفتج وحيده وتصارعين الحياة ومره شفتج تبجين عليه ومره شفت مشتاقه الي ومن كد ماافكر بيج ومااكدر الزمج او اكون قربج صرت اتخيلج من صدك انت شبح او روح مثل او مره هالشي تعبني الحد ماا ئيست واني اشوفج بخيال

ي ومااكدر اشوفج بالحقيقه وصرت اقنع نفسي انو انت شبح وماالج وجود لحتى اخفف من الم فراقج
سماء :«بدموع »وهسه يانظر ياعيني اني شبح
ايهم :انت روح من روحي وانت احلى شبح صدمني وخوفني مرضني وبجاني ووكعني بالعشگ متغيره وصايره حلوه ماادري لان اني مشايفج صاير هواي مشايفج وعيوني تكحلت بشوفتج اشوفج هيج
سماء :اووف وانت شوفتك عندي احلى من شوفة كلشي حلوه ايهم فدوه لتعوفني بعد فدوه مااكدر هي اخر مره ثانيه امووت
ايهم :وعد ياعمري الجاي احلى وينه ابني وابن حبي اريد اشوفه
سماء :اخذت ايهم ودخلنه للغرفه بعد ماا تركنا الكل يبجي ويانه ايهم هذا ابنه منتظرتك تنطي اسم
ايهم :فدوه حياتي يخبل مثل امه شكد جنت منتظر اعوضج عن ابنج عبود حييل تاثرت بفقدج اله وهسه اجه الوقت الي اعوضج واسمي عبدالله بلكي اكدر افرحج ولو بس بالاسم
سماء :ياروحي انت الله ليحرمني منك ياقلبي جنت اتمنى هالاسم بس خليتك انت تختار قلبك على قلبي ياايهم قلبي انت
ارتاح هسئ وبعدين احجيلي فدوه عن كل شي وشنو الصار وشون طلعت منه اعوفك ترتاح هسه واروح احضر الك الاكل
ايهم :لج يااكل هم يجيبو تعالي اريد انام بحظنج صار هواي مشتاق الريحتج وسوالفج وضحكج ولشعرج ورموشج اهم شي 😛
سماء :تعال ياعمري وانا وحظني ورموشي وكل شي بيه مشتاق الك
غفه ايهم من التعب واشوف براسه اثر وبايده ريته بيه ولابيك ياعمري
رحت لامي وام ايهم اشوفها مرتاحه ووجهه يضحك غير عن كل يوم حسيتهه صدك سعيده اليوم غير عن كل الايام ام ايهم تضم بقلبهه خطيه وماتشكي ابد حتى من تتمرض يقهرني هالشي
ارتاح ايهم وتغدينه القوزي 😋😋مال الذبيحه ولاول مره بعد شهور حسينه بطعم الاكل الضهر رحت يمه وماامتحمله اريد اسمع منه الصار
سماء :ايهم احجيلي شون كدرت تخلص من ضربت ابراهيم
ايهم تعالي نامي ع ايدي حتى اسولف
سماء :لحظه اودي يم بيبياته حتى افهم زين

يله وديته احجيلي
ايهم :اسمعي ابراهيم بعد وفاة عمي حالته صارت كلش تعبانه يهذي ويبجي ومرات يضرب نفسه ويگول اني السبب تعاطفت ويا رغم بداخلي ابد ممرتاحله واتمنى اقتله ع السواه بيج بس الزم نفسي لان مااريد اوصخ ايدي بدمه
سماء :هه اني هم سمحت الي الفرصه اقتله بس ماردت اوصخ ايدي بدمه وراح بشر اعماله
ايهم: 😳😳شنو تقتلينه
سماء ؛😦😐كمل بعدين احجيلك «الزمي لسانج شبيج »
ايهم :ماشي 😒المهم كال اريد اروح ازور ابويه بنص الطريق رفع علينه المسدس وكال انزلو صوب علينه وگعنه اول مااضرب السايق مالنه الدم مالته صار عليه هو توقع انو خلص قتلني بس بالحقيقه الرصاصه جتي شطح ع راسي شخطته شخط بس مااصابتني اصابه مباشره وطلقه اجتي بايدي وتدحرجنا ونضرب راسي بحجره بينما السايق الله يرحمه المكان الي انضربنه بي مو خالي وانما بي طشار بيوت اعتقد احد گدر ينقذني بس اني فقدت ونتيجه بقيت فتره طويله بالمستشفى الخاصه بحالتي وبقيت فاقد وحالتي تعبانه ومااتذكر لااسمي ورقم تليفون ولاعنوان بس الشبح الي عشقته جان يجيلي ع شكل احلام وتخيلات
سماء ؛😊☺
ايهم :بعد فتره طويله گدرت اتعافه وارجع العافيتي من تأزمت الاوضاع خفت عليكم حييل وطلعت اثناء

10
واثناء الفوضى طلعت وجان شكلي غريب ويجيب الشك القت عليه قوات اجنبيه القبض وشمرتني بسجن بوكا المسؤؤله عنه القوات البريطانيه بالبصره بقيت هناك كل هالفتره شفت ابرياء هواي ومجرمين هواي العشيره هواي لعبت دور باطلاق سراحي من طلعت شفت الذبايح والاستقبال تفاجئت لان اني فتره قليله بقيت وياهم من لزمتهه وي عمي كدرت اكسبهم واحبهم وهم هم حبوني وماتخلو عني ابد لان شكد مانزرع طيب نحصد طيب ❤
وانت حجيلي شصار وياج
سماء :كل كلمه منك جنت متشوقه اسمعها ومتشوقه اعرف شصار وياك الفضل يرجع لام وسن هواي ساعدتني انتزع اعتراف من ابراهيم بتسجيل صوتي بالاضافه للمسدس وجثة السايق جان دليل قوي ضده وهو الغبي اعترف على وسن وهي هم شهدت عليه بعد ما جان مواعدهه بالزواج بس اخلف الوعد جان هيج يقشمرها حتى تطلك منك وماتحصل شي من ورثك
ايهم :وسن متهمني واعمالهه مااستغرب منهه ابد بس انت تهميني شون خليتي يعتراف 😒😞
سماء :شنو تشك بيه ايهم
ايهم :لا مااشك بيج بس اعرف شكد دنيئ هو بس يهمني اعرف وخلص
سماء :سجلتله اعتراف وبس ايهم جريته بالكلام ومالزم ولاشاف شعره مني ردت اقتله بس ابنك بطني ماردته يتوصخ ويصير ابن قاتله من گلي شون قتلكم متت بس تماسكت ورحت هجمت علئ بيت عمي وعلى بنت عمي واخذت جهالي غصب وحتى اهلي هجمت عليهم واخذت امي هم ماتحملت ابد طلعت حركة غيابك بيهم بس بقيت احس روحي ضعيفه بدونك واسفه گلت لابراهيم ايهم يشرب 🙈كذبت عليه انجبرت 😥
ايهم :اهاا جيد مرت الشيخ 😏👎
سماء :احبك ياشيخ گلبي وايهم روحي 😉😘
اي وتعلمت اكتب واقرا
ايهم :صدووك خوش لعد بعد هم استمري بالتعليم اريد مرتي الحلوه مثقفه ومتعلمه 💑
مرت الايام تعافيت من العمليه ورجعنا للبصره اول ماشفت مريم اعتذرت الهه
مريم اسفه على الصار وي اخوج
سماء لتتأسفين ابراهيم مو بس اذاكم انه هم اذاني مره جنت
غدرني الزمن:
نت حامل وهو سكران ضربني على بطني وضهري ووكع الطفل ومنها ماصار عندي ابد حقدت عليه وعلى سوالفه من تحرش بيج ومن قتل السايق وعائلته يتمهم ورملهم يستاهل هيج يصير بي
ايهم :صار شيخ محترم لانه طيب وحكيم وعادل احتواني واحتوه اطفالي وامي وماظلم احد
وسن :بعد احداث الفوضى طلعت من السجن
واجوا النه هي وامها
وسن :ايهم سامحني اني غلطت بحقك والله اسفه اعذرني ووكعت على رجله
ايهم :كومي وسن كومي انت خاينه للاسف بس اني لخاطر امج الهه موقف وياي حلو ماانساه راح انطيهه كل حقوقهه من ورث عمي ومراح اتخله عنهه بس انت هسه ماتهميني
وسن :ايهم ندمانه رجعني خدامه عندك ومراح ااذيك او ااذي سماء صدگني
ايهم :كتلج ماتهميني ومااثق بيج بعد ابد
بس انت ام وسن على راسي موقفج ماراح انساه ابد
ام وسن :الله يحفظك ابني ويحفظ وليدك ومرتك ماقصرت
سماء :خاله انت ماقصرتي اصلج طيب الله يحميج
وسن الله يهديج ويغفرلج بقت يمه اتمنى تفكرين بحياتج الجايه بعيد عن اذية الناس
وراحو كعدو بيت بعيد عنه
اما رياض زوجته عافته وماكو وحده تقبل بي لان شكاك ومؤذي هم اتهم زوجته الاخيره بالخيانه بس اهلهه جانو متفهمين مو مثل اخواني يردون يخلصون مني بس الله اله حكمه بيهه راد يخلص الناس من شر ابراهيم ويخلصني من الحياة الي جنت عايشتهه وي رياض ويعوضني بالافضل وكل موقف نمر بي نميز الخبيث من الطيب
والقصه وضحت منو الخبيث ومنو الطيب
ايهم :سماء تره هذول ال 3ميكفون سويلنه بعد واحد تره ميصير هيج
سماء :هي شنو صدك عود ميكفون
ايهم :اي بعد اريد بنوته وي زهوره
سماء :ليش مو ولد وخلي زهوره البنوته المدلله الوحيده
ايهم :لا اريد بنت تشبهج بعد
سماء :ولد يشبهك بعد واحد ميكفيني عبودي ولاتنسه حسوني دياخذ من طبعك هواي لان كله وياك 😀
ايهم :لعد يله شدي حيلج بعد نملي البيت بنات وولد
سماء :😳😳😳
انتهت القصه
اتمنى ان لااكون قد ادخلت الملل على قلوبكم وسامحوني على الهفوات التي في القصه واتمنى قد اوصلت رساله فهمتموها وانتظروني بقصه جديده تحياتي لكم
نورا Nora Naser