رواية ضحية لمن لايرحم الفصل التاسع 9 - بقلم زهراء الحسناوي

لاخايروها بهل عرس بدفعه وضرب جابوها
تعاين غدة متوسله شمسويه وعابوها ?
والعتبة البيت العصر تدغب دفع طبوها
لابرگع ولاحنه،، ولامطرب الحي غنه
وكعدت علئ اكوام التبن حوريه ماكو نيشان
مگرودة يبنية السلف فصليه گاعدة بديوان
لا امها جتها وباركت ولاحصلت صبحيه
معذورة اختها من الوصل من يگرب الفصليه?
چنها ام جريمه ولاشرع لاحجل لاترجيه
حكم العشيره الساري نصل الخذاها اداري
تخدم وترعه من الصبح وترد تداري الرضعان
مكرودة يبنية السلف حوريه كاعده بديوان 💔

،،،،،،،،،،،،،

////ضحيه لمن لايرحم///

///بقلم هراء الحسناوي////

،،،،،،،،،،،،،،

لواء،، مر اسبوع واني مافايت للبيت مختنگ منه
اجي بليل اسبح وانام ومن الصبح اطلع مهزوم
بس مهزوم من منو ماادري

مرات الصبحيات امر ب ام علي اطمن عليها وارجع
مقبوض كلبي من هسه اشلون التحق ومامش علي وياي
جان هو المصبرني بايام التحاقنه يحشش مرات اكله سوالفك تكعد الميت من النوم علئ كد مايضحك

كاعد بالسيارة اباب بيتنه وعيني ع المحبس افر بي بيدي

جريت موبايلي اتصلت بالضابط مؤمل سالته شوكت التحق بس رفض هذا الشي كال جروحك بعدهن جديدات اتشافه زين والتحق

نهيت الاتصال ونزلت الساعه تقريبا 10بليل
فتحت الباب علئ كيف ودخلت
الممر مال البيت يصير بنهايته المخزن علئ صفحه
شفت الضوه مشتعل فضولي دفعني اشوف شكو بالمخزن

اتقربت بهدوئ صرت گدام الباب مابي قفل دفعته انفتح
اتفاجئت بوجود بنيه نايمه بالمخزن الله شاهد راحت من بالي هاي الفصليه لان مصايبي مو هينات فقدت اخوي وصاحبي بنفس اليوم
ف دوب امشي علئ حيلي وحتئ من امشي احس روحي تايه
ضليت واكف بمكاني قريب ع الباب وهي نايمه متفرهدة الثوب واصل الحباس العگال

اباوعلها نايمه فاتحه حلگها ماتدري الدنيا طشت لورشت ضليت مااعرف شنو اسوي
اتقرب واغطيها؟
لو اعوفها مكشفه وتالي يمر واحد من اهلي ويشوفها هيج
اخر شي اتقربت علئ كيف شلت طرف العبايه وبدن ماتحس غطيتها
بس سؤال اجه ابالي ليش نايمه هنا؟؟

عفتها وطلعت صعدت بغرفتي بدلت واتمددت بالفراش بس منضرها وشكلها مايرحن من بالي
ساعه استغفر الله وساعه اكول اني عاقد عليها يعني حلال مامسوي شي حرام وبعدين اني غطيتها مامرتكب جريمه
وارجع واكول لوفازة وشايفتني يمها يمكن ينگلب البيت بالصايح

صرت يوميه من ارجع بدون ماانتبه علئ نفسي الگه روحي اباب المخزن افوت اشوفها واغطيها

،،،،،،
زينب،،. اليوم تجي ام سجاد. لان اليوم خميس
وعازمين الناس ع العشه بثواب حسين
وهم اكو كم عشيرة سامعين بالخبر واجو يعزون ويسوون عراضه

َمن الفجر كعدتني جنه من النوم دفرتني برجلها
فزيت مرعوبه عبالي وكع عليه المخزن

جنه،، كومي ياالله فزي عدنه اهواي شغل

زينب،، لفيت حجابي وكمت وياها استلمني سوي هاي وجيبي ذيج ونضفي هاي للساعه 12الضهر اني افتر وهنه بس يتامرن
انفتح الباب ودخلت ام سجاد صدك فرحت بشوفتها عبالك امي اجت وهيج فرحانه من شفتها

سلمت ع الكل واجتني للمطبخ واني اشتغل جرتني هي وحضنتي همست يم اذني بدون ماواحد يسمعها

ام سجاد،، جبتلج اهواي غراض عفتهن بالسيارة بليل ينزلهن سجاد الج

زينب،، ابتسمت بوجها عافتني وراحت كعدت يم امها شويه واتحزمت وياي من شافتني اشتغل ماخلتهن يكعدن
كل مايصخرني اتكلهن عوفنها موجاي تشوفنها تشتغل المن تصير؟

ذبحو الذبايح والطبابيخ برة يطبخون احنه بس النواعم عود بس نواعميش انهد حيلي فرد هدة لو الطبخ علينه جان وكعت بجدر الفوح من التعب

للمغرب التمت العالم اولاد عمامهم وازلام غربه فاتت للمطبخ ياخذون الخضروات والفواكه والمحلبي كله مجهزي جوة جنه عود صارت نادرة سوة المحلبيه خلف الله عليها تعبناها

شفتهن كلهن محزمات بعباياتهن اني هم جريت عباتي ردت اتحزم وياهن

جنه،، انطيني عباتج

زينب،، بس عباتي اني اتحزم بيها

جنه،، دجيبي منو يباوعلج وعباتي مغسوله

زينب،، جرتها مني لفتها علئ خصرها واني ضليت بطرگ ثوبي احنه ريف عرب ماترهم هيج اضل وزلم غربه
ردت افوت للمخزن لزمتني نذيرة

نذيرة،، وين شاردة؟؟
ماتشوفينه مانلحك ابقي لاتختلين

زينب،، ضليت بس اتمنئ الكاع تبلعني عبن فشله ياهو اليفوت يشوفني
دخل الاسمه لواء اني احط الخيار بالسفريات
اباوعله وجها غدة احمر خزرني دنكت بسرعه مااهتميت
شو بنت اخته الفردشتني واخذت عباتي قابل اتحزم بالبردة؟

ضليت علئ وضعي وارتب وياهن كلهن فاتن لجوة ياخذن اكل لنسوان عمامهم

والمصيبه انحصرت وهنه مانعاتني افوت للتواليت الداخلي مالتهم كون لازم اطلع للتواليت الخارجي
واشلون اطلع؟
الزلم تطبخ بالحديقه وهي يمهم صايرة اكبالهم
قابل افوت كداهم؟

احس الادرار صعد لعيوني وراح يطلع من اذاني وانوب هذا كل مايفوت للمطبخ ويشوفني يخزرني

ضليت وحدي بالمطبخ ترست القواري الكبار ماي
ماحسيت غير صوته يمي ردت ابول من الرهبه
ويافضيحتي بين العربان انوب مايصيحولي فصليه
انوب يصيحولي ام شخه روحي ام شخه تعاي

لواء،، فوتي جوة لاتضلين بطرگ ثوبج تتمايزين

زينب،، بدون ولاحرف فتت يمهن للصاله صايره هوسه مال نسوان يتعشن وكل وحدة حاطتلها زعطوط كدامها
عفتهن وكعدت يم الدرج خنست
باوعت الجهت المطبخ شفته يحجي ويه الاسمها نذيرة وياشر عليه بس هي وجها انكلب اكيد كالها لاتخليها تطلع

شويه واجت بنيه يطلع. عمرها 16سنه بااتجاهي مبتسمه
رفعت اصبعها اشرت عليه

تغريد،، انتي مرت خالو لواء صح؟؟

زينب،، التفتت يمنه يسره ماكو احد بس اني
ضحكت هي

تغريد. اي انتي اكو احد غيرج وياج دااحجي
انتي زوجه خالي؟؟

زينب،، رفعت اديه اثنينهن كتلها والله ماادري

تغريد،، هههههه والله طلعتي كارثه

زينب،، اجت امها يمها كالتلها هي زنيبه مرت خالج لواء
طبعا اني مثل الاطرش بالزفه صار اسبوع يمهم ولسه ماشفت عريس الغفله
بس بالاسم عاقدين هو بالشرق واني بالغرب ومن يوم العقد ماشفته
غير اليوم وهو ينقل الاكل ويتخازر اتكول شايفني عريانه

ام سجاد،، هاي بنيتي تغريد

زينب،، كمت سلمت عليها مرحه وجها بشوش مثل امها سبحان الله كل بنيه لازم تطلع تشبه امها بالتصرفات وابسط مثال الفرق بين بنت نذيرة وبنت ام سجاد
ذيج نفس امها تنكط خباثه وهاي نفس امها مبينه من وجها حبابه

توها رادت تكعد يمي اجت جنه

جنه،، كومي حيرجعون الاكل لاتضلين كاعدة. تمسطرين سوالف

تغريد،، اني اجيت وياكم

جنه،، لاانتي اكعدي هي اتكوم

زينب،، كمت بس ابلع بريكي لايجي خالها وانوب موبس يخزرني هلمرة يفصخ راسي
لسه محصورة ومااكدر افوت للتواليت لان صايرات كبالي خاف افوت ويفشلني جدام النسوان

صحت ل ام سجاد اشرتلها كتلها فدوة بس افوت للتواليت اوكفيلي
ام سجاد،، فوتي يمه منو لازمج

زينب،، مو مو مايقبلن افوت للحمامات الداخليات

ام سجاد،، دفوتي يمه هو حمام قابل راح تنامين بي
ياالله فوتي واني واكفتلج

زيينب،، وفعلا ضلت المره منتضرتني لمن كملت وطلعت احس روحي ذبيت طشت ماي احس مثانتي غركانه حابستها من الضهر لسه زين اتحملت ومافشلت روحي

ما ادري جنن منتبها وشافتي
من راحت ام سجاد كرصتني احس زندي انشلع

جنه،، فوتي بيها مره ثانيه وشوفي اشلون اغط راسج بنصها

زينب. عافتتي وراحت كرصتها مال عكربه خرب بيها شلعت ايدي ضليت افرك بالمكان

بعدها نقلو الاكل للمطبخ بس اني خاتله وره النسوان منتضره الزلم تطلع

من شفتهم سدو باب المطبخ يالله طلعت
خدرت جاي وحضرت استكانات
ماصدكت شوكت تروح العالم وارتاح

للساعه 9بليل ياالله البيت صار هدوئ وخفت العالم
هنه راحن كعدن واني نضفت المطبخ ومسحته ومسحت الكاونتر والطباخ احس رجليه ثكلن وخدرن من التعب
فاتت ام سجاد

ام سجاد،، يالله بنيتي كافي ماتعبتي؟

روحي ارتاحي شو كلشي خلص بعد شعندج بالمطبخ؟

زينب،، ماصدكت اتكلي روحي بسرعه طلعت
شويه ولحكتني للغرفه هي وتغريد
وذنيج مدري وين راحن
ام سجاد اتصلت ب ابنها كالتله جيب الغراض للحديقه واني طالعتلك

وفعلا طلعت شويه ورجعت محمله علاليك اكبار
اندك الباب رجعت هي طلعت شفتها اخذت دوشك وبطانيتين ومخدة دخلتهن جوه
وكل شويه ابنها يدك الباب جايب علاكه شكل واني صافنه

ام سجاد،، اول شي خل اركب هذا القفل الباب الكنتور حتئ تقفلي

زينب. خطيه هي الركبت القفل للباب
انوب سدت باب المخزن وتغريد كاعدة مبتسمه
جرت العلاكه الجبيرة طلعت منها اهواي دشاديش سود جدد واكو لا

ام سجاد،، والله ييمه مالحكت اخيطلج غير ثلث قطع وخمسه دشاديش جبتهن حاضر عرفت قياسج لان انتي وتغريد تقريبا نفس الجسم

زينب،، طلعت شالات سود وجواريب وملابس(د)
رجعت جرت علاكه صغيره فتحتها حاطه بيها شامبو وصابونه ركي وليفه ومشط وخاولي

هي تحط كدامي واني صافنه
بعدها سحبت جنطه من هاي مال المسواك بيها سحابه جبيره تارستها نساتل وغراض مال اكل اشكال الوان وككو وباكيت حلقوم

والله العضيم احس روحي يتيمه وجايبيلي ملابس العيد
مدري افرح مدري ابجي احساس صعب

من شافتني مهضومه جرتني الحضنها باستني

ام سجاد، يشهد الله حالج حال بنيتي وماصدكت شوكت اجي وافرحج بالغراض

انشاءالله مااقصر عنج وكل مااجي اجيبلج شي حتئ ماتحتاجين شغله وماتلكيها

ذني كلهن ضميهن بكنتورج واقفليهن

زينب،، رجعت كالت اقفليهن موتصيرين فاهيه
وتاكلهن الزعاطيط منج

اني هم خليت الغراض كلهن بالكنتور وقفلتهن بس طلعتلي ثوب جديد وملابسه وياه والشامبو والخاولي اريد بس اسبح وانام

ام سجاد راحت يم امها واني ضليت وتغريد هم يمي كاعدة طبعها حلو بسرعه تنطلق وتبيع ميانه

شويه وراحت واني اخذت ملابسي ورحت بوجهي للتواليت البره اريد اسبح
فتحت الباب وفتت هم شطفت البريج وبديت اسبح وازيل التعب من جسمي
كملت بدلت وردت اطلع وعينك ماتشوف غير لوسي وجاكي كاعدات اباب التواليت من خوفي فتت وقفلت الباب من جوه
يبووو ياحبسه الكشره هسه اشلون اطلع بالله؟
ربع ساعه واني مخنوكه جوه جريت الطابوكه صعدت عليها وباوعتلهن من الشباج مال الحمس بعدهن ماخذات راحتهن بالكعدة واني راح احمض بالحمام

ضليت افتر بهدوووئ خاف يسمعن صوتي ويهجمن من غبائي قافله الباب وخايفه منهن

هسه يرحن وهسه يرحن وهسه يرحن
وساعه كامله اني خاتله منهن اخاف اطلع
بكلبي اكول يوميه كل عشر دقايق تجي جنه تصخرني اليوم ويه حضي الفكر انطمرن من وكت

رجعت صعدت اباوع للجلاب بلكت يكومن
اااي نهضن اول ماشفتهن اتحركن خطوتين فتحت الباب وطكيتها ركضه
ومن حضي الاغبر اجن طايرات وراي
مالكيت روحي غير فتحت حلكي متجهزة للصرخه

المسافه بين المخزن والتواليت موبعيدة كلش
بس احسها صارت شطولها من الخوف
دايره وجهي عليهن واكلهن ولجن انه الانطيجن اكلللل يوووميه ماحسيت غير انضربت بواحد
جرني حطني وره ضهره والثاني صار كدامي يمنعهن هنه سكتن

لازمه بدشداشه الرجال من ضهره وارعش

لواء،، خو ماعضنج؟؟

زينب.، لالا مابيه شي

ذياب،، بويه ليش ماتربطوهن بليل؟

لواء،، اخذهن المكانهن اربطهن وهسه الحكك

زينب،، ذاك الثاني يحجي ومنطينه ضهره واني خاتله بضهر هذا الكدامي عبالك نزلي من السما ونقذني زين مااخذن الهن عضه مني مال المرض. وكلني شوغه وهبطن كلبي

الكدامي ابتعد ودارلي وجها من غبائي الخاولي واكع بنص الدرب وماادري وهدومي والمصيبه الحبشكلات هم واكعات يعني بين قوسين العرض مطشر

بلعت ريكي اتكي صاير جوه رجله والباقيات وراه يعني شافوهن اثنينهن
يافشله الفشله احس وجهي دخن دنكت جريت الاتك شلته من الكاع
صاح الرجال ذاك من بعيد

ذياب،، اتفوتهن المكانهن لويضلن برررة؟؟

لواء،، لا خليهن بره بس اربطهن

زينب،، التفتلي وحجه

لواء،، ياالله فوتي لايجي ذياب ذني البلكاع الج؟؟

زينب،، رفعت ايدي لا وروح خالي اصلا مو الي

اباوعله كوه كتم ضحكته دار وجها واني طكيتها ركضه للمخزن وكل فكري يم الضلن بالكاع يبووو انفضحت وعلي

شويه واندك الباب خليت حجاب علئ راسي وفتحته مدلي الخاولي وهنه ملفوفات بي
جامعهن ولافهن بالخاولي
والله اليندسني ابجي من المستحه هو عرفني استحيت عافني وراح بس كال سدي الباب وراي

شمرت الهدوم بالكاع
عضيت اصبعي ياسسببحه الكشره عسنهم غسلوووني ولاهاي الفشله
مرض براااسج يلوسي
سم ابطنك يجاكي

من القهر حتئ مامشطت لفيت شعري اشلون ماجان وكل مااذكر الموقف اغطي وجهي لان يدخن لااراديا

بيومها مانمت من كثر التفكير بالصار همزين اجو فزعولي جان كلبت الصوبين بالصايح مالتي
ثاني يوم رجعت ام سجاد هي ورجلها واولادهم البغداد ورجعت ريمه العادتها القديمه
شغل وكند وتعب من غبشه الله لمن يجي الليل يالله افتك منهن ومن اوامرهن

مرت الايام واني علئ نفس وضعي صرت احس النهار يمر شطوله واكبر امنياتي يجي الليل وانام وارتاح من شغل البيت والتعب

ام جنه وجنه اتكابلن وياي مگابل هذا غير الغلط والتدمغ منهن

حسن ابنهم مرات اشوفه هادئ ماله شغل لابالراح ولابالاجه ومرات يتعارك هو وامه علئ شغلات تافها

كل شويه وطالع بحجه جديدة ساعه يكلهم ليش ماتشترولي سيارة وساعه ليش ماتنطوني افلوس اسافر خارج العراق
وساعه يتعارك وياهم علئ ابسط شي يخلي البيت داخل انذار

مااعرف شنو السبب المخلي هيج حالته
مرات اشوفه يفوت عيونه حمر مبين باجي
واكثر المرات اسمعه من يتعارك يعاتب امه يكلها انتي السبب كله من وراج لوموافقه ماصار الصار
لحد الان مااعرف شنو اللغز المخلي ماطايقهم ويكره اهله وخاصتا امه

اما بالنسبه ل ام لواء النهار كله تسولف بحنان شحجت حنان وشكالت حنان ولعبت نفسها حنان واتوحمت حنان

عاذرتها واكول حقها ابنها راح والله عوضها
بس ماكنت اعرف ام لواء شنو اتفكر

ورة كم يوم صادف جمعه وهمه اتفقو من اليلل يرحون للمقبره كلهم
حسن ماقبل كالهم مااروح

ف من الفجر طلعو للمقبرة وقبل لايرحون كعدني

نذيره،، اطلعين بوجهج للحديقه تنضفيها وتنضفين البيت كله كون من ارجع الكاه يلهث

زينب، اني هم ماجذبت الخبر واستلمت المكناسه
ماخليت شغله بلبيت مانضفتها
صارت الساعه ب٩الصبح تقريبا وهمه بعدهم ماجايين

انفتح باب البيت ودخل حسن بيدة حبل
مااهتميت لان ماجنت اعرف شنو غرضه من الحبل

ضليت انضف بالصاله بس اكو شي. بداخلي يكلي اصعدي فوگ

كل شويه عبالك واحد ويدفعني حتئ اصعد
اخر شي نعلت الشيطان هديت المكناسه وصعدت

وصلت يم باب غرفه حنان سمعت دبه قويه
اتقدمت بسرعه وكفت اباب غرفة حسن بس دكات گلبي احسهن يركضن ركض مدري شبيهن

حطيت اذني ع الباب اريد اسمع شكو
سمعت صوت مثل واحد يشخر
حطيت ايدي ع اليده مال الباب ردت افتحها
بس اتراجعت هذا طكه ونص واذا فتت بدون اذن هسه يشمرني من الطابق الثاني

ردت ادور وجهي وانزل نفس الصوت اسمعه ترس اذني يحثني افتح الباب
مالكيت روحي غير فتحته وطبيت جمدت واني اشوفه شانق روحه ويتلولح،،،،،،،،،، يتبع
،،،،،،،،،،،،،،،،،،،

مساء الورد بنات ادري البارت قصير
بس قسما بالله مريضه كلش عندي قرحه بالمعدة ماذيتني وكوة كتبت الكم البارت وبنتي هم مريضه

ف من هسه اكلكم اذا تشوفوني شلعت كلبكم بالنشر اتركوها للروايه ومن تكمل قروها وهي اصلا احداثها توها بدت
حتئ مااتكولون شلعت كلبنه
اني هم بشر حالي حالكم اتمرض ويصير عندي ضرف يمنعني اكتب يعني ضروف خارجه عن ارادتي

اني حستمر بتنزيل البارتات بس اذا اتعطلت يوم التمس منكم العذر

تابعو حساب ناقلة القصص ع برنامج الانستغرام

Wattpad. ___.iraq

،،،،،،،،،،،،،،،،،،،