مساء الخير عليكم
بنات اكو نقاط لازم اوضحها
اول نقطه كثير ناس تسأل منو يعرف بالقصه؟؟
الجواب ولا اي شخص ماعدا زينب وغصون
وكان لازم اتلاعب بمجريات القصه حتئ لاتنكشف هوياتهن الحقيقية
واني انطيتهن وعد بمجرد مايگولن انكشفت القصه
راح احذفها لو واصله 30مليون مشاهده
المهم عندي ماتسببلهن مشاكل
نقطه الثانيه سالتوني حاليا فاطمه ويه منو عايشه؟؟
الجواب،، عند ابوها لان ماتريد امها اتعلمت على ابوها
ثالثا،، تكولون ليش زينب مارجعتله؟؟
اني ماراح اگول حقها لان عاذره الطرفين
لان من سميت القصه (ضحيه لمن لايرحم)
لان همه الاربعه ضحايا لناس لاتعرف الله ولايعرفون الحلال والحرام
رابعا،، اتكولون ليش خصمتي احداث من 2017
لغاية 2019
بنات تره هنه يم اهلهن واذا اريد اكتب عن روتينهن اليومي نامن
اكلن
شربن
حجن
يعن بعد 50بارت ماتنهي القصه
ومن البداية گتلكم هاي مو مجرد قصه وانما رسالة توعيه لبعض وجهاء وشيوخ العشائر
المهم اوصل الاحداث بصوره صحيحه
وأيضاً رسالة اتمنى توصل صرخة زينب لمنظمة حقوق المرأة
لان للاسف عدنا منظمات لحقوق المرأة
بس قيد التنفيد ماكو اي انصاف
مثل ميگول ابو المثل صيت الغنئ ولاصيت الفگر
عدنا منظمات لحقوق المرأة
وبنفس الوقت المرأة عدنه وخاصتا بالعراق متصادره حقوقها من جميع النواحي
فقط لان هي امرأة لا اكثر ولااقل
اكو منكم كاتب اتندمت لان قريت القصه
يابه تره القصه للتوعيه مو قصه حبني واحبك
هاي حياتهم نقلتها مثل ماهي
يمكن اكثر المراهقات انصدمن بالنهايه
لان قاريات نهايات سعيده ورجعو واحد يحب الثاني
تره الشي الينكسر صعب يتصلح
وانشاءالله ماكون قصرت بسرد الروايه
واكو منكم كاتب ماكو هيج حجي بسرعه اتنفذت العداله الالهيه
استغفرالله يارب يعني بشر حالف جذب
بكلام الله اكو شخص نعرفه
حلف باطل بنفس اليوم انگلب بطريق بغداد هو واولاده اثنين
اولاده لسه يوميه عمليه شكل ساعه عين ساعه بلاتين ساعه اشكال والوان والاب مات بنفس اللحظه
تره كلام الله موشويه
الروايه بالبداية نقلتها الي غصون لان زينب مالها خلگ للقصص
غصون ضغطت عليها حتى شويه تخليها تطلع من القوقعه الدافنه نفسها بداخلها
قبل كم يوم متابعه عندي بالفيس والدها قاضي
شرعيه
حاجيتله الابنيه عن القصه والرجال عرض خدماته
حاله حال كثير ناس اهل خير من شافو وضع زينب وحالتهم الماديه التعبانه عرضو خدماتهم بس هي رفضت گالت اذا اقبل معناها انكشفت
بخصوص سالفة جنة وانهزامها
اكثركم تعرفون سانيات واعراف العشائر لان كلنه اولاد عشائر
بقانون المضايف التنهزم من زوجها يسموها (نهيبه او نهبت)
وهاي دمها مهدور حالها حال القاتل واكو اهواي مثل جنه مايعترفن لابأهل ولابطيحة عگل
المهم بعد بارتات غصون. لسه مانشرتهن
يومين وابدي اكتب لان تعبت وربي انتو هم اعذروني
اليوم اني وياكم اي سؤال راح اجاوبكم
وتدللون
والكاتبين عليه كاتبه مغروره ومتكبره
تره الغرور والتكبر لله عز وجل وحده
والكاتبين قصه فاشله حابه اكلهم روحو للقصص البيهم شامبو يكفخ عطره واصل لبو موزه
لان بقصتي الشامبو مخلص 😁
وبسلامتكم يارب الصحه والعافيه للجميع 🌹
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!