رواية ضحية لمن لايرحم الفصل الرابع 4 - بقلم زهراء الحسناوي

يخايب الغربه كلها اتصاحبت
بس احنه ضلينه غرب
لالمنه بعيونه الوطن
ولاگادك الحضني الدرب 💔

،،،،،،،،،،،.

///ضحيه لمن لايرحم///
//بقلم زهراء الحسناوي//

،،،،،،،،

مساء العافيه بنات
طبعا كلكم تعرفون شنو السبب الخلاني انزل الروايه قبل مااكمل كل الاحداث هي اصلا كنت مقررة انزلها 15/11
لازم اخذ كل الاحداث يالله ابدي بتنزيلها
ف اضطريت انزل حتئ ماينحذفن البارتات وارجع اكتب من جديد
ف انشاءالله كم يوم وابدي بتنزيل باقي الاحداث لان الروايه صعبه وتختلف ومااريد اتعبكم وياي
ف اليريد يحذفها ومن تنتهي يحملها حتئ ليگول شلعتي گلبنه بلتنزيل
والله الابنيه البارحه يالله حصلت حسابها ورجعت تكمل باقي التكمله

ف العذر لله والكم
احبكم بعد گلبي 😘😘😘😘

،،،،،

رجليه جمدن واني اشوف جماعتي جثث هامده
بس عيوني تفتر. ركضت عليهم واحد واحد كل واحد منهم غرگان بدمه خليت ايدي بحلگي عضيتها اكتم صرخه بيه تهز الكون كل واحد بيهم جان عندة حلم يحققه. من يرجع ومن الله يخلصنه ونطلع سالمين بعد ماتحاصرنه
محمد ماعندة اطفال سبع سنوات وحكم الله شاء انو
تحبل مرته بولد جان كل ماينزل مجاز يكول كون ارجع للبيت الكه مرتي جايبه من گد مامتلهف يشوف ابنه
سالم اهله منتضري بس ينزل مجاز ياخذ بنت عمه اليحبها وعلاوي يروح يخطب بنت خاله حلف اذا ماينطيها ابوها يفرش ابابهم ويگابلهم ويگعد
كل واحد بيهم عندة احلام بسيطه يتمنئ تتحقق من يرجع لهله

اباوعلهم كلهم اعزاز بس علي اخوي معزته تختلف
اعاين عليهم مامش نفس ولاحركه منهم واني مااختلف عنهم بشي وگفت متصنم بمكاني منضر مرعب عفتهم ساعات تالي الكاهم مذبحين

اهنااك وصار اكبالي علي صاير بنهاية السطح بصف الحايط ناحرينه بصورة بشعه
كوة نگلت اجدامي الصوب صاحبي

انهارت قواي وكعت يمه مفتح عيونه مسلهمهن
عيونه رسمتهن حلوة بيهن خيط صفار
داير مدايرة جيحه من دمه

جريته خليت راسه بحضني امسح بخده لازك بي دم واتراب
دموعي تنزل على وجها

احاجي مايسمع احس عقلي متبنج
اهواي مرت عليه مصايب بالموصل بس اول مرة اشوف هيج شي
الانذال امثلين بجثث الكل

علي صدرة مضروب ٦ضربات بالحربه
لزمت مسدسي ضربت بالاخمس على راسي لومستشهد وياهم ولا شايف هذا اليوم
شكول ل ام علي ؟
يوميه توصيني بوليدها

بسته بكصته وغمضت عيونه ابجي بصوت ناصي لان اسمع اصواتهم جوة بالبنايه محتفلين بموت جماعتنه
شاورته يم اذنه
كتله بالعافيه عليك الشهادة عرسك راح يكون بالجنه
ادعيلي عد ربك ياخذني وراك وانول شرف الشهاده

خليت راسه بالكاع ونهضت بيدي اسلاحي كل اليدور ابالي انزل اقاتلهم واخذ بثار اخوي

اتقربت للسياج اريد امد راسي اشوفهم شكم واحد
بس اتراجعت لان اعرف اكو قناصين متمركزين ع البنايات

باوعت من اثقوب الرصاص عددهم تقريبا ٢٥واحد
واني بطرك روحي اذا انزل قبل ماارميهم يكتلوني واني مااريد اموت اذا ماادزهم الجهنم

دنكت وارتديت للخلف اريد انزل من باب السطح
فكر ماكو براسي اتمنى الزمهم واحد واحد. اسلخ جلدهم عن عضمهم
افتر بمكاني مدوهن شبه فاقد موقف حيييل صعب

واكف اباب السطح اريد انزل اقاتلهم وارجع اكول اذا نزلت يقتلوني بدون مااقتل احد بيهم
واني ضايع بتفكيري ماحسيت غير واحد منهم طلع بوجهي هو انصدم واني كذلك

توه يريد يفتح حلكه يصيح جماعته جريته راسه خليته جوة ضلعي طوقت ركبته بثنين اديه ساد حلگه ومكتفه عن الحركه
سبحان الله من شخص يواجه الموت يصير عنده قوة عجيبه

سلاحي بحزامي بضهري اذا اضربه طلقه راح يسمعون صوتها ويجون وهو ماشايل اسلاح غير حربه حاطها بحزامه

صرنه نتماطل اني وياه بالكاع كل محاولته للخلاص من قبضتي وتحرير صوته بائت بالفشل لان كنت مسيطر تماما

خلال تدريبنه بهاي السنه المرت كدرت اكتسب مهارات بالقتال وهو موضخم رفيع مسلوع
حاطله حربه كلها دم بحزامه

طول ماكنت اتلاوة وياه ذكر ابو الحسن علي يتردد ابراسي مو خايف من الموت بس خايف اموت بدين واحد نجس بدون مااخذ ثار اخوتي

فلتت ايده جر السجينه مالته ضل يهمش مامسيطر هاي كلها الهوسه واني ماخليت قبضتي تفلت عن حلكه كاتم صوته تماما

جرحني بمتني ماحسيت من حلاة روحي
اشوفه يجرحني بس مااحس بضرباته الى ان جرح ركبتي وبلحضه وحدة طكيت ركبته كسرتها
بقيت متمدد بالكاع وهو على صدري

دفعته عني وعدلت كعدتي بصفه تفلت علي
گمت گوة لان تعبت الچلب كوة طكيت ركبته جنه ابو ابريص وكل القوة بي

اخذت نفس وجريته النهاية السطح اكو جياس بيهن رمل مسويهن ساتر ع السياج
خليته حتى خاف يصعدون جماعته يشوفو

جريت الجياس حطيتهن فوكاه ايده مبينه انتبهت بيها محبس اسود مكتوب بي شعارهم الله رسوله محمد

سحبت المحبس من اصبعه لبسته كتله هذا محبسك راح اضل لابسه منا لمن اخذ بثار صحباني من كل واحد خايس بيكم راح اضل لابسه حتى كل مااشوفه تزيد نار انتقامي منكم وماتبرد ولاتنطفي هاي النار غير لمن انفيكم عن بكرة ابيككم

كملت تغطية الجثه بالجياس والزباله الموجود فوك السطح
انتبهت على روحي ركبتي تنزف مشخوطه بس جرح بسيط لكن ذراعي جرحه غميج يحتاجله اخياط

رجعت يم جثة خويي وصاحبيي اعليوي
عندة اشماغ يلفه دوم على راسه عن حرارة الشمس
الشماغ بي طكعه دم من دمه جريته لفيت بي اذراعي وشديت ع الجرح حتى شويه اخفف من النزيف

اني سديت عيونه بس رجعت لكيته مفتحهن
بجيت يمه بدون صوت احاجي بصوت ناصي اشبه للهمس
كتله ها خويه ؟
مفتح عيونك اعله اخوك ؟
لان تشوفه يتماطل ويه جتالك

سديت حلكي لان بيه صرخه بس الله يعلم بيها
رجعت صميت عيونه وبسته براسه
كتله وعد ارجع اخذك وارجعك ال امك ملفوف بعلم النصر مااعوفك اهنا الجرذان داعش

كمت من مكاني اريد صرفه اطلع بيها منا
المشكله بقو كاعدين اباب. البنايه شويه وصعدو سياراتهم واعلام الغربان السود معلكيها
وجوهم مثل وجوه الشياطين والعياذ بالله

موبايلاتنه كلها مطفيه شحن والشبكه شبه معدومه اذا تجي دقايق وتروح
كل الابالي اتصل بواحد من الضباط بس اشلون اتصل بي?

رجعت اتشلبيت البوري بالتقاسيم مال التبريد خاف يرجعون يدورون علئ صاحبهم انتظرت بين ما

صارت الساعه تقريبا 12بليل شديت العزم واتكلت على الله بس الاعرفه الطرق كلها مزروعه بيها الدواعش بس اكو طريق واحد ع البساتين
وسمعت من الشباب الدواعش ملغمه المكان

نزلت على كيف اكو ورة البنايه سياج BRC
وبعدها يجي بستان كلش جبير مليان نخل وشجر
شبخت السياج وطكيتها ركضه بدون توقف ثلاث ساعات اركض وكل شويه اكول هسه تنفجر بيه عبوة وارجع اكول لومكتوبلي الموت اليوم جان متت ويه الشهداء السبقوني

للساعه 4الفجر تقريبا وصلت النهايه البستان من بعيد شفت سيارات جماعتنه الحشد شي بيه ارتاح
كملت طريقي بالركض
صرت قريب كلش عليهم كملت طريقي بجهتم
شافوني سحبو اقسامهم كل ضنهم واحد من جرذان داعش

لزموني الجيش العراقي واحد منهم ضربني بااخمس الرشاشه كل ضنهم اني داعشي نعتوني بالارهابي والخاين ردت افهمهم وانطيهم هويتي ماجان واحد منهم يسمع

وگفت علئ. حيلي بحركه وحدة اخذت اسلاح الجندي من ايدة مااحس غير ضربه من ورة علئ راسي بعدها فقدت ماادري بشي لان الضربه قويه

ماصحيت غير بكرفان وداير مدايري كم جندي ومن ضمنهم اثنين ضباط واحد منهم اعرفه

الضابط مؤمل، ،الحمدالله علئ سلامتك يابطل

لواء،،مد ايدة انطاني هوياتي ماخذيهن واني فاقد عدلت گعدتي گالي ابقه نايم ارتاح گتله شرتاح وجماعتي موذرين اجسادهم الانجاس
ولازم نرجع ناخذهم اني اجيت حتئ نجيب جثثهم

الضابط مؤمل،،اشلون نگدر انفوت والمنطقه احتلوها بالكامل واجتنه اخباريه قبل شويه قاصفين المبنئ الجنتو بي

لواء،،لزمت راسي دايخ گعدت بالگاع رجليه ماتشيلني
گتله سيدي اعليوي جان. مايخلي واحد من جماعتنه اذا مايجيبه حتئ لوميت مايترك جثته
وانته تريدني اتركه اهناك جاوبني اشلون اتركه?

الضابط مؤمل،،هنئيأ لهم الجنه ذوله شهداء لتخاف عليهم. وقسما بالله لو مامقصوف المكان هسه ارجع وياك ومااتركهم بس اذا رحنه روحتنه مابيها فايدة گوم ارتاح هسه تجي الطبابه يخيطون جرح ايدك ويداووك حتئ ارجعك وياي نازل لهلي اليوم

لواء،،مامقتنع بكلام الضابط شي بيه يحثني ارجع
كانه مقسوم نصين نص يريد ارجع ونص يقنعني ابقئ

حالتي النفسيه تحت الصفر تعبان من كلشي
عيون علي ماتروح من بالي
مواقف جماعتي واحد واحد اذكرهم
ضحكاتهم هتافاتهم تشجيعهم النه
جانو زلم اسباع وكفو بوجه الموت وبالاخير اتكافئو بالشهادة

حلفت اخذ بثارهم ومااتراجع ولايهزني شي
گلت للضابط خل اتصل بااهلي اول شي اطمنهم صار كم يوم مامتصل بيهم انطاني الضابط موبايله كتله بس اريد شاحنه اشحن موبايلي لان مطفي واني هم محافظ ولارقم من ارقامهم

خليت الموبايل ع الشحن وانتظرته كم دقيقه بين ماينفتح
واخيرا شغلته واتصلت ب اهلي بس العجيب ولاواحد منهم يفتح خط
مااعرف ليش نغزني كلبي رجعت اتصلت هم ماكو جواب
اخر شي اتصلت بذياب ابن عمي وصاحبي

جاوبني ملهوف لان صار اكثر من اسبوع مامتصل بواحد من اهلي واني منطيهم خبر انو شبكه ماكو حتى يطمنون سالته على اهلي كال خاف مشغولين
كتله هذا موعذر ذياب كلي شصاير؟

ذياب..خويه ماكو شي

لواء..ذياب احجي والله كلبي لاجمني ابوي وامي بيهم شي ؟
اخوتي بخير؟

ذياب..يابه كلشي ماكو بس الحجيه شويه مريضه صاعد ضغطها

لواء..متاكد هذا السبب؟؟

ذياب ..متاكد قابل شكو ولو اكو شي احجي وياك طبيعي هسه؟
هسه عوفنه من هاي السالفه انته شوكت تنزل؟

لواء..اليوم انشاءالله شويه واطلع

ذياب..توصل بالسلامه

لواء..نهيت الاتصال بس كلبي لاعب
ماصدكت شوكت انزل للبيت طلعنه اني والضابط
احس الطريق صار شطوله تعبان حد الهلاك اتمنئ الطم وابجي علئ جماعتي مخنوگ منضرهم مايروح من بالي
كل شويه تجي ابالي ام علي اشلون اروح واشلون اوصللها خبر استشهاد ابنها
الذبحني مااراح يكون الهم قبور نزورها
اذا راحلك عزيز ابسط شي تروح القبرة تبجي يمه شي بيك يرتاح بس علي والباقين ماراح نرتاح عليهم طول العمر لان مالهم قبر ينزار

اتمنيت مستشهد وياهم اتمنيت الشهادة من كل گلبي بداخلي گتله ربي شنو الذنب السويته بحياتي حتئ مااستاهل اكون شهيد?

وصلت المنطقتنه ريفيفه وطريقها يشلع الكلب
طريقها اتراب مامبلط

دنيه المغرب كلبي انقبض من شفت جادر منصوب ابابنه كل ضني امي ماتت بس ذياب ضم عني السالفه لان يخاف عليه

ماتحملت توصل السيارة للباب وانزل بعدها تمشي على كيف فتحت الباب ونزلت فحطان للبيت
بمجرد مافتحت الباب ودخلت اخواتي شافني ضجن بالصايح والبواجي هاي التحضني وهاي الازمه ذراعي محاوطتها

مااتحملت كعدت بالكاع ابجي وياهن وانحب وبلساني كلمه تتردد يايمممه

اخواتي يباوعن بوجهي ويتباجن رفعت راسي
شفت جنه بنت اختي تدفع امي بالعربانه
مثل واحد كفخني على راسي
انشل الساني كمت بسرعه حضنت امي وعدلت وكفتي اسال منو المات؟؟

كلها خنست

عطت بيهن

ولجن احجننن منوو الميييت؟؟

ابو لواء ..الله يجابرك بموت اخوك حسين يابه

لواء..سجينه وانغرزت بنص ظهري احسها
بذيج الساعه فقدت لان ضربتين ع الراس بنفس اليوم ينهنك ويدمرنك
بنفس اليوم راحولي اثنين اعز من روحي

ابوي حاضني يبجي وذياب فوگ راسي واولاد عمامي وامي واخواتي كلها ملتمه ضاجه بالبجي موقف مااتمنا ال اي شخص

الدمرني اكثر من اجت مرت حسين كعدت گبالي تبجي بصوت عالي مدت اديها الي

حنان،،خييي شوف اديه بعدهااا الحنه بيهنننن

لواء،،مرت حسين بعدها هم طفله موجبيرة عمرها مايتجاوز ال18سنه
جريت راسها بستها براسها حالها من حال جنه واخواتي صارت تبجي بصوت عالي

بعدها ذياب حجالي السالفه كلها واشلون انكتل حسين اتمنيت الكتله گدامي لا وبخت محمد افرغ حرگه. گلبي كلها بي يمكن اكطعه بسنوني ومايبرد گلبيي
يعني اليوم حسين اله رابع يوم ميت?

ذياب،اي

لواء،،الصدمني ابوي قابل باالفصل لان ماكادر يكسر كلمه الشيوخ والناس المدخله بالسالفه حتئ تهدي النفوس

گمت من مكاني جسمي يرعش من العصبيه وفوگها ماخذين فصليات
گتلهم صدكگككك تحجووون?

بمكان دممم حسسسين تاخذوون فصللل?

ذيااب،اهدئ خويه انته تعبان

لواء،،ولك شتعباان واني اسمع بيكم ماخذين فصلل?

تركتهم يحجون يردوني اهدئ ركضت للدرج سويته شبختين فتحت كنتوري طلعت رشاشتي ونزلت حالف انيمه بالگبور ومااخلي خشمه يشم الهوئ وحسين متوسد التربان

اتلگاني ذياب وابوي وگفو كدامي يمنعوني

شيخ منهل،،ورووح اخووك اذا طلعت اغضب عليك اليوم الدين

لوائ،،بووويه لاتگلي بروووح اخوك امشي اعليك الحسين اباعبدالله لاتحلف. بروحه وهو امس عريس واليوم جوة التراب بسبب هلساقط ال.....

ذياب اخذ السلاح وابوي لزمني كعدني يريد اهدئ

انوب القهرني يگلي اخذنه نسوانهم فصليه وحدة الك والثانيه لخوك حسن

حسن من سمعهم اتسودن گال اذبحهااا والله مااريدها
ذياب راد حسن يهدئ كاله محد ينطيها الك اني راح اخذها

ابوي بسرعه ايدة كال اي وحدة لذياب
والرجال ذياب مجرد حجايه حجاها راد يهدئ الوضع تالي صدك اتكربست براسه السالفه من سمع كلام ابوي سكت بعد ماگدر يحجي شي

شيخ منهل،،والثانيه الك بويه وخل نسد السالفه والموت قضاء وقدر
موعبالك موازلام ومانگدر ناخذ بثار حسين
بس احنه اتكفينه الشر لان لو كاتلين واحد منهم اولاد. جابر شرانيين وراح يرجعون يكتلون واحد من عدنه
وراح نعيش بدوامه الثار طول عمرنه وتصير بحر دم اله اول ماله تالي

لواء،،تريدني اخذ اخت جتال اخوي??

شيخ منهل،،اي يابه

لواء،،انسه السالفه حجي مستحيل هذا الشي

تركتهم ودخلت غرفتي منين اتلگاها حتئ منين?

صعبببه حييل صعبه حتئ ام علي نسيت سالفتها بسبب خبر موت حسين
احس روحي بكابوس خانگني اريد بس اصحئ منئ كل الجاي يصير فوق طاقتي

كتلهم مااريد واحد يدخلي تعبان اريد ارتاح وفعلا تركوني حتئ ماطلعت للمظيف للناس التجي تعزي

سمعت بالصدفه بعد جم يوم يجيبون الفصليات
ابوي بيومها الصبح حجه وياي يقنعني اعقد علئ وحدة منهن

بعد جدال طوووويل رضخت لان مهما يكون هذا ابوي ومااريدله الفشله بس حلفت وين مااشوف احمد ادفنه بگاعه لو اعرف ادفع كل حلالي فصل لهله

گاعد باالديوان وذياب وجعفر اولاد عمي گاعدين يمي وكم واحد جاي يقرون فاتحه
اجه ابن بت عمي زغير گال لبوي جدي جابو الفصليات طلع ابوي ولحگه. ذياب

سمعت الهوسه جوه گبت العيطه ماگمت ولادخلت جوة سندت راسي بيدي احسه راح ينفجر

شويه ورجع ابوي كعدله عشر دقايق واجه نفسه الطفل يركض شاور ابوي وراح نهض ابوي وصاح الجعفر وذياب يلحگو دخلو للبيت واني بس اباوع بعيوني فاصل عنهم

ربع ساعه ورجعو للديوان اسمع ذياب يحجي وي ابوي ويگله خطيه شنو ذنبهن يتراجفن من الخوف وموهيج الحجي

بداخلي انكسر خاطري عليهن لان مالهن ذنب وراحن ضحيه لعادات وتقااليد فاشله

زينب،،الشيخ حلفهن بروح حسين مايضربنه اني وغصون تركنه بس يتنافخن يردن بس يمرعدنه بسنونهن

ام لواء،،جاياتني لابسات الوان بنات الچلاااب اليشوفهن يگول عدهن عرررس

جنه،،بيبي وين انوديهن ??

ام لواء، ،اشمريهن بالمخزن مال الطحين وانطيهن الگونيه الحطيت بيهن الهدوم السود الردت اذبهن
انطيهن الهن خل يلبسنهن والله لخلي ايامهن بلون الاسود

زينب،،اجت الاسمها جنه جرتني من ياختي دفعتها ماحسيت غير ضربه علئ ضهري من الاسمها حنان

حنان،،ساقطه لدفعيهاا. ادبسزز

ام لواء،،اي بعد ايدي جسرنهن اريد كون. احرگ گلب اهلهن مثل ماابنهم حرگ گلبي

جنه،،ولج الساقطه اذا فتحتي حلگج اعبي تبن

زينب،،اني مااتحمل وحدة اطفر بالحجي ومنا روحي طافرة وگلبي مجمور گتلها احترمي نفسج ماكو غيرج ساقطه

لواء،،هاي ويامن اتگولين ساقطه??

يتتبع

اكثر بارت تعبني وقهرني بحيث اكتب وابجي بالقران
الله يرحم شهدائنا الابطال
ويجعل قبورهم روضه من رياض الجنه
اعتذر عن كميه الحزن بالبارت بس ماگدرت اتجاوز موت علي والابطال الي استشهدو وياه

هذا الفيديو اتحس لواء يشرح حالته بموت صاحبه

ذني حسابات المتفاعلات تابعوهن يعمري

Jasmiya7

stories_gray

user63132743

engy78

MariamAl_Husseini

user06488384