رواية ضحية لمن لايرحم الفصل الخامس 5 - بقلم زهراء الحسناوي

أمنيتي ضلك من يمر

توگف عدل رجليه 💔

،،،،،،،،،،،،،،،،،

///ضحيه لمن لايرحم///

//بقلم زهراء الحسناوي//

،،،،،،

صبحكم الله بالخير ياوجه العافيه 😘

بنات يعمري انتن نوهت بالبارت الرابع گلت انشاء الله يبدي التنزيل من الاسبوع القادم يعني الجمعه القادمه راح يبدي تنزل الروايه باانتضام لان حاليا دااخذ الاحداث واكتب
واني مااريد كل حدث اخذه اكتبه وانشرة لان يجوز اكو اشيائ بالبارتات القادمه مرتبطه بالاحداث حاليا
ف الاتمنئ منكم اصبرولي فقط اسبوع ونبدي بااذن الله
احفضو الروايه بالمكتبه وسوتاكات المتابعيكم وها لتنسون التصويت
وانشاءالله بااخر بارت من الروايه عندي الكم مفاجئه حلوة 😘

،،،،،،،،،،،،،،

زينب التفتت المصدر الصوت شفته نفسه ابن الشيخ الي دوم اشوفه ينزل للبستان

سكتت درت وجهي ودنگت كاتمه غضبي
والگدامي اثنينهن صارن يبجن والاسمها جنه راحتله تبجي وكفت يمه تاشر عليه

جنه،،خالي ترضاها هااي اتگلي ساقطه??

زينب،،هم رجعت جفصت بمصراني رفعت راسي گتلها ترة عندي اسم

صدفه اجت عيني بعينه خزرني التفت ل امه

لواء،،حجييه قسماا بمحمد روحي ماحاملها ترة
وگوة واگف وياكم فهميهن ذني اذا سمعت صوت وحدة منهن هسه بالحسين الاسمع صوتها احط طلقه براسها واخلص من هاي الطلابه

زينب،،تركنه وراح عبارة عن كتله غضب تمشي الاسمها جنه غمتني وذيج الثانيه همست بصوت ناصي

حنان،،والله اله اربيلج سرطان بگلبج واموتج بس اصبريلي

ام لواء،،جنه اخذيهن اشمريهن بالمخزن ونفس مااريد اسمع

زينب،،كل هاي الهوسه وغصون ساكته بس عيونها تنتقل بيناتنه قهرتني اني اگدر ارادد وادافع عن نفسي بس غصون نصيحلها الخرسه من زمان هادئه عكسي تماما

رحت يمها لزمت ايدها اريد اگومها نزت ورفعت راسها فاتحه عيونها ادري مصدومه بس شنو بيدي?
اذا اني وياها واكعين بنفس المشكله

اخذتنه الاسمها جنه تمشي گدامنه وادردم

جنه،،والله وكت نجييب كتال خالي انگعده عدنه

زينب،،ردت اگلها قابل شايفته خالج حتئ اكتله ?
بس صار كدامي الاسمه لواء يريد يصعد للدرج

ماگدرت احجي كمل طريقه لفوگ واحنه طلعنه خارج البيت وگفنه گدام غرفه مفطورة بيها شباك نص الشبابيك مابيهن جام بابها حديد

جنه، ،فوووتن يالله

زينب، ،دخلنه للمخزن غصون لازمه ثوبي من ضهري احسها تستنجد بيه لو تتحامه بضهري ماتدري اني خايفه اكثر منها بس السان لاكن داخلي هش

اني دخلت وغصون تركت ثوبي وتمشي بخطوات ثگيله وراي
ماحسيت غير غصون اندفعت بقوة لمن وكعت علئ وجها

التفتت. بسرعه باوعت جنه مبتسمه بخبث نار شبت بروحي واني اشوف دمعت غصون وگعت
وگعدت عدلت روحها تلملم بثوبها

اتقدمت ردت اجرها من كفشتها بس دخلت الاسمها حنان

حنان،،هااا وين تردين?
هم عوزج اتمدين ايدج واتضربيها حتئ اكسر اديج ورجليج

زينب،،نفسي صار نار لو يوگعن بيدي واكتلهن عاد ابرد گلبي بس سكتت وذني مبينات شرانيات خاف انوب يتگابلن ويه غصون وهاي فاهيه

رجعتلها مسحت دموعها وجريت راسها بحضني ترجف وذني يباوعن علينه

اجت ام لواء تدفع بيها اخت جنه دخلت يمنه

ام لواء،،اسعني زين وكلامي مااعيدة وروح وليدي عزيز گلبي الي لاتهنه بشبابه ولاتهنه بعرسه اذا سمعت صوت وحدة منجن هاي الي الله كتبها عليجن ماتعرفن شسوي بحالجن فاهمات لولااا?

وهسه انجبن واسكتن اهنا وانتن اطلعن عنهن خليهن ينگبرن بمكانهن وانطنهن الگونيه البيها الهدوم السود خل يبدلن جاياتني لابسات احمر يتشمتن بنات الفگر بموت اوليدي

زينب،،امي فقيرة ومن صارت السالفه حتئ ماعدها عقل اتگلي يمه البسي اسود من ترحين شو احنه طلعنه اني وغصون من بيوت اهلنه مثل السبايه
مسبيين
التفتت للابنيه الوراها گالت الها غفران شوفي خالتج وين حاطه الگونيه?

راحت الاسمها غفران دقايق واجت المرة تمشي وراها نفسها الفزعتلي من ضربني بس اكو وحدة ثانيه عرفتها ام جنه لان گالتلها يمه مبينه شرانيه مثل بتها بس هاي تختلف عنهن ساكته ماتحجي حتئ صوتها ناصي

راحت للكنتور اكو كنتور ابو بابين بي بس باب واحد والثاني مشلوع فتحت الباب طلعت الگونيه
حطتها باالگاع وبدت تسحب الملابس منها وتحط بصفها
گالتلها

ام سجاد،،يمه ذني اخرگ)ملابس قديمه
شيلبسهن?
ذني ينفعن وصل للمسح مومال لبس
اني عندي اهدوم سود اهواي وانطيهن خل يلبسن

ام لواء،،انطيهن مرررض يلبسنه ذني الفگريات
هنه ذني الجرود ومستخسرتهن بيهن
انطيهننن خل يلبسسنهن. ويخلصنه

زينب،،المرة ام سجاد سكتت ماحجت شي بس مبينه انهضمت من كلام امها وزمخها بوجها
گامت عافتنه وطلعت دمعتها بعينها

اجت جنه جرت ثوبين وشالت الگونيه من الاخير فرغتها بالگاع

جنه،،يالله البسن وخلصنه

زينب،،اخذت ثوب الي وثوب الغصون الساكته
والباقي دفرته برجلها يم الكنتور

جنه،،ذني الجرود صارن اهدومجن وهذا الكنتور حطنهن بي

يالله بيبي موزين عليج الگعدة الهواي تعاي احطج بفراشج

زينب،،طلعن يبسسن بيناتهن واني رحت يم غصون باوعتلي بنضرة مليانه قهر وخوف وضياع
احاول اطمنها حتئ لو باالجذب
گتلها لتخافين وحقهم الجاي يسوو لان ابنهم وعزيزهم واي شخص بمكانهم يسوي نفس اسوايتهم واكثر

انشاءالله فترة وتخلص

غصون،،ماتخلص

زينب،،حجتها ودنكت تبجي مديت ايدي طوقتها الحضني كتلها كومي البسي ذني لاترجع ميساء السحارة والعجوز الشمطاء يگورعن روسنه

ابتسمت من بين دموعها نهضت نزعت عباتي سويتلها ستر تبدل بي حتئ محد يشوفها لان الشباك مابي جام وننشاف

كملت غصون واني وراها لزمتلي العبايه حتئ ابدل
والله الغصه انجمعت ترس روحي
لان كلهن ريحه اتراب
اني الجنت معتنيه بنفسي رغم اطلع للحلال والهوش بس امي تصيحلي ام حلاتي
لان كل ماتصخرني علئ شي خارج البيت لازم البس نگبه) نقاب
ياالله اطلع امي اتگلي والله الج خلگ
اگلها اخاف علئ حلاتي من الشمس

اتشاقه وياها وارجع اگلها يمه هو اني سمرة وانوب تضربني الشمس حتئ اضل علئ اكلبج محد يگلب سلعتي

المهم كملنه لبس واجت الاسمها غفران اخت جنه گالت ياالله. اطلعن يردوجن برة

نهضنه اني وغصون لابسات عباياتنه ملفلفات بيها نمشي ونتعثر بذياالها لان مرتبكين وخايفين

دخلنه وراها للصاله بيها تخم قنفات

ام لواء،،انگبرن اهنا اكعدن

زينب،،گعدنه اني وغصون وجان تزمخ بينه زمخه طفرنه اثنينه

ام لواء،،بالگااااع

زينب،،اتمنيت الگاع تنفتح وتبلعني من الفشله
كرهت الفلوس وكرهت الاغنياء الي يباوعون للفقير بنضرة احتقار
فشلتنه لان گعدنه علئ القنفات طفرنه اني وغصون گعدنه بالگاع يم القنفه جوة گالت

ام لواء،،مو اهنااااا گومن اهناك

زينب ،،اباوعلها تاشر يم الباب
التفتت غصون تباوعلي ودموعها تجري اني اتحمل بس غصون مدلله عمي روحها ترفه حييل

لزمت ايدها ترجف نهضت ورفعتها وياي من ايدها ورحنه گعدنه باالباب يم النعل
دخل الشيخ ضل يباوعلنه مستغرب مكان گعدتنه راد يحجي ماانطته مرته مجال سالته علئ لواء
مبين اكو شي صاير

شيخ منهل،،ماادري بي وين راح وغالق موبايله والسيد گاعد باالمضيف

زينب،،عرفت راح يعقدولنه احس گلبي انخمش

،،،،،،،

لواء،،ماگدرت اضل باالبيت لازم اروح احجي ويه ام علي واوصللها خبر استشهاد ابنها من الليل مانايم اشلون الي عين اروح واگلها ابنج مات
موقف صعب لاول مرة بحياتي انحط بهيج موقف

ربع ساعه گاعد ابابهم لان ماعندي القوة ادخللهم
ردت ارجع العبرة خانگتني مرتين اجيت البيت علي خلال معرفتي بي هاجت ويه جيتي كل المواجع

ردت انهض انفتح الباب طلع اخو لازم موبايله شافني. اتفاجئ
سلمت علي اني مدنگ واخو يدور بملامح وجهي مبين من نضراته القلق

ابلع بريگي احس ناشف يبس حلگي
دخلني الولد للبيت وراح يصيح للحجيه
شويه واجه هو وياها مرة وقرة

دخلت كعدت يمي الغصه انجمعت ابلعومي ارتبك صوتي واني احاول اوصللها خبر استشهاد ابنها

صدمتني صدمة حياتي من گالت

ام علي،،خاله يبعد خالتك ترة ادري جيتك لهنا حتئ اتگلي ابنج شهيد

لواء،،بجيت بصوت عالي واخو واگف هم خطيه گعد بالگاع يبجي بس امه دنگت تهز براسها متاسفه
تصفگ ايد بيد ذبحتني من گالت

ام علي،،يمه وايست منه
دفنت الولدد وأيست منه

لواء،،رفعت راسها وكعن ادموعها مسحتهن بشيلتها
گالت ولك خاله جبتلي جثته ادفنها ?
لو اوليدي بدون گبر يضل??

اتعالت اصواتنه بالنحيب كملت النعي مالتها

ام علي،،يمه دفنت الولد وأيست منه
يمه مامش محنه
يمه منه وبعد مامش محنه
ولك يمه الولد ونه اعله ونه
مابطل واضل ونه اعله ونه

حرامات ييمه من نفگد المثلك حرامات
ماتعرف اتبات يمه واعرفن بالگبر ماتعرف اتبات

،،،،،،،،،
صعب اكمل مشهد ام علي الله يصبر كل ام مفجوعه بوليدها

ماحدث في العراق ومايحدث حاليا هي امثله لكوارث تبلغنا كم أن الانفس لارهان عليها
فقدنا كثير من الشهداء كان منهم يعدون لخطة فرح او زواج او رحله اوعمل او حياة جديدة
يرسمون الف فكرة ويحلمون احلام بسيطه علئ امل ان تتحقق وعند ارادة الله يختلف المسار بين لحظة ولحظه قد لانكون بين شهيق الانسان وزفيرة
يكتب التاريخ الف حكايه ونهايه
اللهم ارحم شهدائنا الابطال واسكنهم جناة الخلد واحشرنا واياهم برحمتك ياارحم الراحمين

،،،،،،،،

لواء،،تعبنه من البجي هدئت ام علي كملت كلامها وهي تمسح دموعها

ام علي،،اول البارحه صليت الضهر ونمت
فتحت عيوني علي يم راسي باسني وباس ايدي والضحكه تارسه وجها
گتله مفزوعه هله بجيتك يبعد امك والله ميته من الخوف عليك نتصل بيك مانحصلك

جاوبني لاتاخفين يمه كلشي مابيه واحس روحي توني ارتاحيت يمه
باوعي بيتي البنيته اشگد حلو
طلع موبايله من جيبه يشوفني صور بيته الجديد بيت بالاحلام ماشايفته من حلاته وروعه مكانه

گتله يمه ينطيك گلبك تشيل عن امك?

جاوبني اني يمج يالغاليه مارايح المكان بس خليني مرتاح احس روحي مرتاح راحه بعمري ماشايفها

يخاله مد ايدة علئ صدري ايدة بيها مثل الضوة مررها علئ صدري احس ماي بارد نزل علئ گلبي
فزيت مامش علي
گمت افتر بالحوش كل ضني جاي
بس من كعدت بيني ويين روحي عرفت وليدي استشهد واجه يودع امه
وحط ايدة علئ گلبي حتئ تبرد ناري

يخاله لاتخاف. اعله خالتك ترة معلم علئ اللچمات گلبي

جانو عندي ثلاث اخوان
بوكت النضام قبل مالهم شغل لابالراح ولا ب الاجه فقرة الابعد الحدود
اولاد الحرام لزكو بيهم تهمه وابوي وياهم

اجة الجيش اخذ اخوتي الكبار اثنينهم وابوي وياهم
وبقه بس اخوي الزغير جان بعدة طفل بوكتها
عدمو ابوي واخوتي وانه وامي واخواتي شبعتنه الدنيه ضيم وقهر ولطشتنه تلطش من مصيبه المصيبه بس امي جانت كلمه وحدة بلسانها
(المؤمن مبتلئ)
هذا امتحان من الله يخاله لان الدنيا دار امتحان ومدرسه جبيرة واحنه طلابها
وهنيال النجح وفاز بالجنه
بالعافيه علئ اوليدي الشهادة ضمن الجنه ونعيمها

لواء،،ابد ماشايف امرأه مثلها مومنه بقضاء الله وقدرة الفرق بينها وبين امي جبير
امي انشلت نص احزامها والنهار كله اتفرفح

وام علي فرحانه بشهادة علي رغم دموعها التواسي بيهن روحها

احس حمل وانزاح گتلها خاله اني بمكان علي اني هم وليدج
ضلينه فترة من الوقت نسولف واتفقنه باجر ننصب جادر ونكتب قطعه تعزيه ابابهم

بعدها رجعت للبيت اتلگاني ابوي
عرفته منتضرني علمود عقد السيد بداخلي. گلت سبحان الله شگد جانت امي تتوسل بيه حتئ تخطبلي وجنت رافض مادري شنو مضموملي من قسمه

زينب،،كلهن اجن گعدن يتباجن وينحبن وام لواء تضرب علئ رجليها تبجي بحرگه وكلمه وحدة بلسانها ياحسين يايمه
واكو كم مرة اجت گعدت هم يبجن

دنگت والدمعه بعيني اذكر يوم الحنه مالت حسين واني وغصون نراقبهم من السطح قبل شهرين جان بهذا البيت عرس واليوم هم يعتبر عرس بس عرس موت
اي نعم هذا الاسم اطلقته علئ هيج اعراس وتقاليد عشائريه باليه
عادات وتقاليد لمجتمع متخلف وجاهل يبخس حق المرأة ويضلمها وكانها سلعه تباع وتشترئ

عمرة الدين ماكان ضالم للمرأة
بس التقاليد هي الي تضلم احيانا
كم انسانه دفعت عمرها ثمن لغلطة غيرها ??

واني وغصون احد تلك النساء الي قدمن حياتهن. ثمن غلطه مااقترفتها ايديهن الي وگعن ضحيه بيد ناس ماترحم

صحيت من تفكيري علئ كلام الشيخ

شيخ منهل،،گومن يابه وياي

زينب نهضنه اني وغصون طلعنه وراه فتح غرفه جبيرة مثل الاستقبال مخلين بيها ديوانيه بالگاع
لگينه رجال معمم گاعد والاسمه لواء وياه وبعد واحد گاعد من الطرف الثاني

گعدنه اني وغصون مدنگين وغصون لازمه ثوبي
الشيخ منهل سأل منو اخت احمد?

جاوبته واني مدنگه

اني

الشيخ منهل،،ابدي شيخنه اعقدلها علئ ابني

زينب،،گلبي من دگات الخوف يريد يفر من صدري
ردت انهض واگلهم مووو هذاا حلمي
ومو هاااي احلامي الحلمتهن

مو هذا العرس الاتمنيته لو استاهله
ياعروس تعقد بثوب اسود وسخ
ليش ?
وشنو ذنبي?
وشنو الاقترفته?
وشنو الجنيته حتئ استاهل هيج شي?

جريت نفس كاتمته وحصرة خايفه اطلعها لاتذبحني
ابلع بغصاتي الي انجمعن بريگي وحدة ورة الثانيه

ماادري شنو حجه السيد وشگال
كل الاعرفه من كمل عقد گال الله يتمملكم علئ خير
بعدها عقد الغصون علئ الاسمه ذياب
لازمه ايدي عاصرتها وترجف كانه تتحامه بيه
ماتدري اني اريد اليحميني ويطمني
من مستقبل مجهول مااعرف شنو ضاملي من مصايب ثانيه

كمل العقد والسيد گعد يحجي ويشرحلهم عن ضلم المرأه وكثير كلام كانه يوصللهم فكرة انو ذني مجرد فصليات جاي يدفعن ثمن غلطة غيرهن
لا تضلموهن

الشيخ گال گومن يابه فوتن جوة
گمنه اني وغصون مثل اعمئ يقودله بضرير
دخلنه للبيت
الزلم طلعو للمضيف والبيت بس نسوان
ماحسينه غير حنان اجتنه طايرة بثنين اديها لزمت شعرنه سحلتنه من حجاباتنه

حنان،،ولللجن بسبببب اخوانجن ترملللللت واااني عروووس
واللللله مااخليجن تتهنن واااللله

زينب اديها منبتتهن بشعرنه احس فروة راسي راح تنشلع من قوة لزمتها
اجت ام سجاد تركض تريد تحل ايد حنان ماتگدر
وهاي مستمرة تعت بشعرنه غصون بس حاطه ايدها علئ راسها فوگ ايد حنان وتبجي بخنيگ
بس اني لزمت ايدها عصرتها حييل لااني راضيه اهد ايدها ولاهي الراضيه تهد شعري

اجت ام جنه تريد توخر ام سجاد عن حنان اتگلها

ام جنه،،عوفيها تبرد گلبها بيهن لاتدخلين

ام سجاد،،ترة الله فوگ روسجن خلنه بين عيونجن حرام هذا ضلم
شنو ذنبهن واتحاسبنهن ?

حنان،،وتسأليين شنووو ذنبهن ام سجااااد?

ذنبهن اخوتهن هممممه السبب بموووت رجلللي

ام سجاد،،وانتي گلتيها بلسانج اخوتهن يعني مو هنه
ليش تحاسبيهن بذن غيرهن يايمه?

حنان،،ام سجاد وخري الخاطر الله خليني اضربهن بلكت يبرد گلبي وتهدئ ناري

ام سجاد،،اذا صدگ تحبين حسين هديهن
احلفج بروح اخوي توخرين عنهن

زينب،،هدت روسنه ودفعتنه غصون خلت وجها بمتني غطت وجها كاتمه بجيها ولزمتني قوي
عدلت حجابي ودخلت شعري لميت الطلع من الحجاب بداخله من اثر سحلة حنان

بداخلي اگول شنلملم?
اذا هي ارواحنه مطشرة

اني ادري بالعروس من تعقد تتلكاها الهلاهل والچكليت
بس احنه اتلگتنه ضربات وكسر خواطر ودموع

عرفنه انو هاذي حياتنه الجديدة المرة
الي راح نعيشها داخل جدران هذا البيت

دقايق ودخل شيخ منهم وحدة من النسوان مرة جبيرة گامت من مكانها كانه تعرف الشيخ جاي عليها
وفعلا سلمت علي بكل احترام

شيخ منهل،،ام ذياب انتي تدرين وحدة من الفصليات صارت لذياب

ام ذياب، ،هذا هو خويه شتفصل انته احنه نلبس

زينب،،المرة تحجي وعينها بالگاع مارفعتها ابد
رجع الشيخ گال

شيخ منهل،،الثانيه الي بصف ام سجاد صارت مرة ذياب من ترحين اخذيها وياج

ام ذياب،،انشاءالله

زينب، ،جان يحجي ويأشر علئ غصون

زادت رجفتها فتحت عيونها علئ. وسعهن عيونها بيهن علامه استفهام
كانه اتگلي وين راح ياخذوني?

شويه ودخل طفل گالها ياالله بيبي خالي يصيحلج

نهضت المرة واجت وگفت يمنه گالت ياالله نروح

اتشبثت بيدي غصون بكل قوتها بجت وهلمرة انسمع صوتها وهي اتگول

غصون،،مااروح زينب مااروح خليني يمج

ام ذياب،،اشلون اخليج يمها گومي وياي

زينب،،اتشابگنه اني واختي وصديقتي الي صدگ احسها تؤمي الي مشاركني بكلشي حتئ بمصايبي
كانه بيوم الي انولدنه سوة كانه الله كتب علئ گصتنه نفس القدر ونفس الضلم ونفس المعاناة
المرة لزمت ايد غصون گالتها گومي نروح
زادت بالبجي فرفحت روحها

گامت ويه المرة وعينها عليه
احس اني وياها روح وجسد
اذا طلعت الروح مات الجسد

راحت غصون بدموعها وحسرتها وعينها الضلت متشبحه الصوبي

رجعت الحياة تطعني طعنه جديدة
وكل طعناتها وحدة اقوة من الثانيه
بداخلي گلت شنو ضاملي بعد القدر بهذا البيت
الي جنت احلم اعيش بداخله??

يتبع، ،،،،،،،