شكرا من القلب الكل متابعاتي المحترمات 😘
هسه عوفونه من الكلام المنمق 😁
خلونه نحجي بالجلفي احسن 😂
من مثلي احترگت اعصابها بسبب غصون؟؟
والله عن جد عدها كميه فطاريه مو طبيعيه
هي جاي اتابع التعليقات وياكم
فديتكم بنات بداعة الاعزاز خفو بالغلط لان خطيه
وثانيا هذا حد تفكيرها وفهمها اتكول من اشوف ذياب انثول مااعرف اتصرف
وذياب الغضبان من يشوفها يدور حقوق
وصايره بيناتهم مذبحه السبع يطلع دم
بس فعلا تنرفزت يشهد الله لو من غصون
الزم نور ارگع راسها بالحايط لو يطلع ابوها الملك
وشغله ثانيه بخصوص القصه
طبعا للاسف اكو بعض البنات بالواتباد جاي يعلقن تعليقات سلبيه ويتجاوزن
لان ماجاي انشر يغلطن
جاي اقره التعليقات وانقهر لان اضوج من اشوف متابعه من متابعاتي تتجاوز عليه يشهد الله ورسوله احبكم
والقصه متوقفه مو الغرض تصعد المشاهدات بالعكس لو انشر كان زادت مشاهداتها لان اكثر المتابعين ينتضروها تنتهي ياالله يقروها
الروايه استلمتها قبل ماانصاب بكورونا بكم يوم
واضطريت انشر الاعلان مالتها حتى تندعولي
لكن الوضع زاد سوء وتركت زينب مااخذت منها الاحداث
من رجعت وره اكثر من شهر لگيت كثير ناس اطالبني بنشر الروايه بوقتها اضطريت اخذ الاحداث وانشر
يعني مستمره بااخذ الأحداث من زينب ونشرها
لكن قبل الاصابه كنت مقرره اكتب القصه واكملها ياالله ابدي انزل بارتات بس دائماً يصير عكس الشي التخطط اله
حاليا باجر راح انشر بااذن الله بارتين واوقف الروايه لغايه يوم 15بالشهر لان والله لوتدرون ذني البارتين بشلاع الگلب ياالله اخذتهن مال مستعجل واختصرت بيهن كثير مشاهد
الابنيه عدها ضرف واني وعدتكم انطيكم السبب والدليل
لان تستاهلون اوضحلكم متابعيني على راسي عيوني تشلعوها وتاخذوها
ومن البدايه نوهت اليشوفني متأخره بالنشر وشالعه گلبه
خل يترك الروايه بين ماتنتهي
واذا تكولون ليش ماتذكرين السبب؟
اذا حجيت حاليا راح اكشف جزء كبير من القصه
ف مااريد اضلمها وخلي المفاجئه بالبارتات القادمه
راح تشوفون سبب التاخير
وكل شخص تجاوز راح يتندم ويدعيلها
لان مااعتقد اكو شخص يتمنى يكون بمكانها حاليا
اعتذر اطلت عليكم واتمنى تتفهمون سبب تاخير النشر
وهاي اول مره يصير بيه هيج برواياتي
وكلكم تعرفون بروايه راهب يوميه كنت انزل بارتين ومدللتكم يعني هاي اول مره هيج يصير وياي
اذا ماتتحملوني انتو منو يتحملني 😢
بنات من هسه اكلكم اذا تشوفوني اتاخر بالنشر
وشالعه كلبكم اتركوها للقصه بين ماتنتهي
وهي اول وتالي اليوم باجر بعد شهر تنتهي وتخلص حالها حال غيرها
يابه شكد احبكم متابعاتي كون المجن كلجن ونكعد
نحش بغصون وذياب 😂😂
منا لمن تنتهي الروايه اني مجلوطه
واليوم البارتات بدون تعديل ولا اضافات
وربي گبل نسخ ولصق ونشر
😂😂😂😂😂
النشر حيكون يوم 15بالشهر بااذن الله
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!