رواية ضحية لمن لايرحم الفصل الرابع وأربعون 44 - بقلم زهراء الحسناوي

لو عاد معتذرآ
ساتمرد واطلب له فنجان قهوة بسكر زياده
واحسن استقباله كضيف يزورني للمره الأولى
وبعدها سأسأله ذكرني بك
فالوجوه تشابهت وصعب تذكرك
التوتر سيبدأ جليآ على وجهه ليبدأ بتدارك موقفه
ويبدأ بسرد اعذار واهيه لاتفيد
اعذار مضحكه وحجج بات قلبي لايلين بها
لأجيب
بعض القصص نعيشها لنتألم وندرك ان للحياة وجه قاس لايستحق الجميع ان يكون اهلآ للثقه
وانت كنت الدرس الاكبر والحجره القاسيه
التي عكرت صفو البحيره
ولكن البحيرة عاد لها سكونها
والكبرياء يجعل القلب اصم وابكم
لاحكم له ولا سلطان
وانت اصبحت صفحه مطويه في كتاب قديم بالي
لايستحق حتى تذكاره
اشرب قهوتك فهي بطعم حياتي من بعدك
شكرها حلو وافاقها بعيده
كل العزاء لك لم اعد اراك 💔

،،،،،،،،،،،،،،،،،،،،،،،
غصون،،، لزمت ايده ردت اوخرها گرصني حيل
شمرت الغطه

ذياب،، ياربي دخيلك اجتها الحاله

غصون،، باوعتله صفح اني الصخونه كتلتني وهو يقلد

ام ذياب،، مالك غرض بيها دميل عنها لغاد
كومي يمه اسبحي بلكت تفكج الصخونه

ذياب،، اني اسبحج

غصون،، فتحت عيوني ابتسم وغمز

ام ذياب،، افيسد وحگ الله دمش منااا

ذياب،، يمه بس اسبحها ليش تفكيرج منحرف

ام ذياب،، تفكيري منحرف لو انت كلك منحرف؟

ذياب،، افا عليج حجيه اصلا اليشوفني يصيحلي سيد لان وجهي نوراني

غصون،، درت وجهي همست اي كلش
ماادري اشلون لگفها

ذياب،، هاست غصون ماعاجبج؟؟

غصون،، ماحجيت وعمتي گالتله بس اطلع وهي تصير زينه سيدنه

طگها بضحكه عاليه

ذياب،، گومي اخذج للمستشفى

ام ذياب،، دگومي بنيتي ليش تعاندين مادام بعد وكت خل نشوفلج دكتور قبل لايعزلون

ذياب،، اي يمه مو همه يبيعون طماطه

غصون،، لميت گذلتي احسها مفجوره فوگ راسي خليتها وره اذني
كتلها مابيه شي عمه مااروح

گومي يمه اطلعي وسدي الباب وراج هسه بس انام يمها تصحى

غصون،، بسرعه طفرت كل ضني يسويها صدگ

ضحك بصوت عالي كال رايح انتضركم بالسياره
گمت بس لبست حجابي وعباتي جريت حذائي افلات لبستها عمتي راحت جابت عباتها واجت طلعت كدامي شفته گاعد ع الكرسي بالطارمه يشرب بجكارته

من شافنه كام من مكانه شمر الجكاره وسحگها بحذائه

صعد بالسياره عمتي يمه واني بالوره عدل المرايه الجهتي درت وجهي عنه

اخذنه الدكتور گال اگعدن بين مااخذ سره
راح للولد اليسجل اسماء
اخذ رقم وگعد گدامي بالجها الثانيه

درت وجهي صارت عيني بعينه دنگت
الدوخه لازمتني احس فصوص عيوني يردن يطلعن من الم راسي والصخونه عمتي كاعده بصفي حطيت راسي على متنها
انتبهتله يباوعلي رجعت دنگت
صاح بااسمنه الولد عمتي گامت تريد تدخل وياي وهو هم
بس الولد ماقبل گالهم واحد يفوت ويه المريضه

ام ذياب،،فوت يمه وياها

غصون،، والله ماردته ردت عمتي بس هو دخل وياي
كعدت ع الكرسي اجه الدكتور بعد ماسلم علي ذياب

الدكتور،، ابوهاا؟؟

ذياب،، لازوجها

الدكتور،، اهاا العفو

غصون،، رفعت راسي جوابه للدكتور جاف عبالك يريد يلكمه على وجها
حصرتني الضحكه رغم وضعي بس سكتت لا يصير كتلي بفلس بالعياده وگدام الوام

فحصني وانطاني علاج گال مابيها شي صخونه عاديه

انطانه الوصفه وطلعنه للسياره عمتي تمشي وياي وهو راح يجيب العلاج

احنه صعدنه وهو اجه بيده العلاگه مدلي ايده لوره انطاني العلاج

ذياب،، هاج بنيتي

غصون،، عرفته ضايج من حجي الدكتور

ام ذياب،، ياا اليوم بنيتي؟؟
الله يثخن لبنكم

ذياب،، والله انعل شرفه اليجي الهذا الدكتور الفاشل مره ثانيه

غصون،، فلتت مني ضحكه سمعني
وانوب محترگه روحه

ذياب،، وجع

غصون،، طول الطريق اني من اذكر شكل ذياب واسمع كلامه وهو منقهر اريد بس اضحك

وصلنه للبيت كال العمتي الدوه مأشر علي خل تاكل وتاخذ علاج

نزلنه وهو راح گال رايح يم جماعتي
دخلت الغرفتي اتمددت جريت موبايلي اگلب بي احب اخذ صور النهار كله اطگطگ

رفعت وجهي ومديت بوزي ورفعت اصابيعي مسويه علامه النصر ماادري عليمن منتصره بالظبط بس عجبتني الحركه اخذت صوره وحفضتها

حتى بفستان الدزته ساره رجعت لبسته قبل يومين واخذتلي بي لقطه

عمتي جابتلي عشه گالت اكعدي اكلي حتى تاخذين علاج

خطيه گابلتني وگعدت تاكل وياي
ماعافتني اله اخذت علاجي
صارت الساعه ب 10عمتي راحت نامت لان تنام من وكت واني هم نمت احس راسي انسطر

نايمه واحس الغطه انرفع بس مابيه حيل افتح عيني كل ضني حلمانه
شويه وحسيت بالجاي يصير طفرت قيدني بحضنه رجعني
نايم يمي ومتغطي وياي

والله من الخوف احس حلگي خدر والساني ثگل ردت انجلط وانوب اتذكرت كلام ساره
ردت اتخبل

ذياب،، بس احضنج وانام وداعة امي

غصون،، موبيدي احس عقلي جاي يرفضه
لزمت ايده اريد ابعده
حكم قبضته بقوه

من شافني ابعد بي سحبني بقوه عدل نومتي على ضهري لزم ثوبي من ياختي حيل مثل المجرم من ينلزم

ذياب،، اركدددي تره شليتي حاالي

غصون،، من الخوف وبدون وعي وبسبب خوفي من كلام ساره كتله وخر عني اكرهك
ماحسيت غير براجدي فر خدي

ذياب،، عيديها وشوفي اشلون حلگج اكسره

تركني وطلع جسمي يرجف يرجف
اني بنفسي ماجاي اعرف ليش هيج خايفه ومشمئزه منه؟؟
ليش من يتشاقه وياي اشوف روحي احبه ومن يحاول يلمسني اتخبل واصير شغلي الشاغل صده وعدم تقبله

بسبب صوته العالي اجت عمتي فتحت الباب فاتت مخترعه تسالني شبيج ماجاوبتها

ام ذياب،، ولج يمه احجي شبيج شسوالج؟؟

غصون،، مغطيه وجهي ابجي كتلها كلشي ماسوالي
رادت تفهم مني ماحجيت تالي عافتني وطلعت سمعت صوتها وهي تحجي ع الدرج عرفتها صعدت يم ذياب تريد تفهم السالفه دقايق ونزلت تصيح ناركم تاكل حطبكم هاي تبجي وذاك يرعد ومافهمنه شنو السالفه

ثاني يوم الصبح هو طالع للدوام اجت عذراء يمنه وهلمره مااعرف شعجب جايه بس هي بدون ماتجي نور وياها

كمت من مكاني لميت فراشي وطلعت يمهن عمتي
تثرم زلاطه مدنگه بس مبينه ضايجه

عذراء سالتها شبيج يمه ماجاوبت تالي سكتت عنها
بعدها عمتي گالت اني رايحه للصيدليه اليمنه اجيب حب ضغط خالص الشريط مالتي

لبست عبايتها وراحت باوعت عذراء تفتح بالثلاجه طلعت ماعون بي عجين كباب من الليل ولاول مره عذراء تحجي وياي بهذا الاسلوب

عذراء،، غصونه فدوه مصطفى يريد اكل جوعان
فدوه گليله ماعون كباب راسي يوجعني رايحه امدد بغرفه امي شويه

غصون،، من غبائي وفطاريتي صدگت بيها واخذت الطفل گعدته يمي احجي وياه واضحك خليت الطاوه ع الطباخ وبديت اگلي
حضرتله صينيه وخليتها ع الميز

وكلته ماقبل گال ماما توكلني تركت الاكل ورحت اصيحلها
فتحت باب غرفة عمتي تفاجئت بعدم وجودها
توني التفتت وجان اشوفها طالعه من غرفتي

عذراء،، دورت ع الشاحنه مالگيتها موبايلي انطفه شحن

غصون،، دخلت الغرفتي جبت الشاحنه وانطيتها الها كتلها ابنج مايقبل اوكله شو هاي تحولت تماما

عذراء،، لان مايحبج

غصون،، حجتها وراحت قبل شويه وجها تارسته الضحكه وهسه تنتر نتر بالحجي
عفتها رجعت للغرفه ادردم بيني وبين روحي يمكن مخبله هاي

ماطلعت لمن رجعت عمتي
والغريب انو عذراء ماقبلت تبقى لليل لبست عبايتها اخذت ابنها وراحت

حتى امها گالت اول تالي عذراء ترد لعيالها من وكت؟؟

بعدها سالتني على عركتنه اني وذياب
ردت احجيلها بس استحي
گلت افهم ساره تحجي ل امها لان اني اخجل من عمتي وخاصتا بهيج سالفه احسها عيب وزحمه

اتصلت بساره سالتها تجين؟؟
گالت لا مااجي لا اليوم ولاباجر عدنه عمال يسوون السطح

ذياب مارجع للبيت لليل وعمتي كل ماتتصل بي يگلها عندي شغل اتاخر
يومين وهو على هذا الوضع يطلع من الصبح للدوام ومن يرجع
يتعمد يرجع متاخر بليل اتصلت بااهلي فاجئني ابوي من گال زينب اليوم عدهم وتوه رجعها وگال انطيتها رقمج ونسيت اخذ رقمها
هي تتصل بيج لان مشتاقتلج وتبجي عليج
كتله والله يابه حتى اني ميته عليها وماتدري شكد فرحت من كتلي غصون يمكم اليوم

بعدها حجيت ويه امي دااحجي اجتني مكالمه ثانيه وخرت التلفون عن اذني اباوع للرقم احس گلبي فرح كل ضني زينب

كتلها يمه يمكن زينب جاي تتصل
نهيت المكالمه ويه امي وفتحت خط ع الرقم
جاوبت بلهفه لان محد يتصل بيه ورقمي بس عند عمتي وذياب وامي وابوي
ومن سمعت زينب ماخذه رقمي ماخطر ابالي غيرها
اول مافتحت خط انهضمت گتلها بعد وكت يبذاته

بس ماكو جواب
الوو
الوو
مرتين اصيح الو ماكو اي جواب سديته
گلت يجوز تليفونها بي خلل وبعدين ترجع تتصل
بس خليت الموبايل يمي خاف تتصل ومااسمعه

اجتني رساله ع الخط
فتحتها قريتها مكتوب بيتين شعر عن الفراق والاشتياق
دزيتلها يبعد روحي والله اني الاشوق من كل عقلي هاي زينب

ثبتت الرقم يمي رحت للواتساب موجود ومكتوب متصل بالانترنيت بس ماكو صوره
اتصلت محد يفتح خط
بداخلي گلت يجوز جهازها عطلان وماتريد افتح خط واخسر رصيد وبالتالي مااسمع صوتها

ثاني يوم مااتصل الرقم بس اني الاتصلت وهم محد يجاوب
رجعت اتصلت انفتح خط اصيح الو زنوبه تسمعيني؟؟
بس ماكو. جواب تالي سديته

رابع يوم يالله اجت ساره الضهر
وحجيتلها ع الصار بيني وبين ذياب
ضلت تخرمش بخدودها وكل شويه تغمني لو تعض اصبعها لو تضرب رجلها اتگلي راح يطير من ايدج تستاهلين ياخذ نور

ساره،، لاتبجين ولاتگولين اسكتي راح احجي ل امي بلكت تلگالكم حل لان ذياب وصله وياه حدها منج

تركتني وطلعت راحت يم عمتي
اكلت اضافري من القلق لمن خلصتهن صفن ع اللحم
باوعت على اضافر رجليه گتلهن والله لو الوحجن جان اكلتجن من القلق

نص ساعه وفاتت عمتي ساره لزمتها نترت ايدها واجت بااتجاهي اني كاعده وهي واكفه فوگ راسي

ام ذياب،، يعني هاي مشاكلكم لان ابني لسه مامتگرب ليج؟؟

غصون،، تحجي بحده محترگه روحها هزيت راسي بمعنى اي والدمعه نجمعت بعيني
كعدت يمي ضربت على رجلها بقوه
اباوعلها المره غده حمره ساعه تضرب رجلها ساعه تباوعلي بعين غضب
حجت بصوت عالي وساره كاعده يمها تهدي بيها

ام ذياب،، يمه غصون شببيج؟؟
تگلي عمه كلشي ماابيه
ووولج بنيتي ليش هيج ااانتي وابني تتمالخون؟؟
اتگلي عمه ماكوو شي
تاالي الماكو شي مالتها طيحنه بمصيبه مانعرف اشلون نطلع منهاا

غصون،، قصدها على نور نزلت دمعتي
مدنگه وابجي

ام ذياب،، على بختج عمه ليش هيج؟؟
والله كل ضني كامله سالفتكم واكول خليهم براحتهم يجوز جاي ينطون مجال النفسهم حتى واحد يعرف اطباع الثاني لان زواجهم لاهو عن حب ولاهو زواج تقليدي
خلهم براحتهم من يشوفون روحهم متفاهمين يتصالحوون
تاالي طلعت نايمه ورجليه بالشمس

تستتحين من ذياب؟؟
جان اجيتيني انه عمتج ومثل امج وجان گتيله يعمه السالفه هيج وهيج واني مااعرف شنو المطلوب مني بالضبط؟؟

ييييمه غير احطج بروحي واكيف اكول جنينتي طفله وبعدها بزيزينه مغمضه ماتعرف شي وابني يربيها على ايده لان بعدها صغيره وعجينه يشكلها بكيفه

ليش هيج بنيتي؟؟
شفتي بشنو فادج سكوتج؟؟
لو جايه وحاجيتلي مو جان ماورطنه بنت العالم ويانه وهي مالها ذنب؟؟

اشوف ابني جدامي يفتر محتركه روحه بس مااعرف شنهي علته
اساله يگلي كلشي ماكو ارد ليج اسالج تجاوبيني نفس جوابه

ولكم ليش هيج للييش؟؟

ساره،، كافي يمه لايصعد ضغطج

ام ذياب،، وعسنه صعد ومتت اي والله

وانتي يغصون وحگ السماج غصون
الليله بليل تصعدين يم زلمتج وهلمره انطرج بالباب لمن تگضي سالفتكم
واذا عاندتي يشهد الله اني بيدي اعرسه واخلي يجيب مره فوگج
المن ماخذج؟؟ يتنووع الطولج؟؟

غصون،، صرت ابجي بحرگه

ساره،، كافي يمه موهيج

ام ذياب،، لاهييج ونص
ولج وين صايره بيااازمن مره تسع شهور عد زلمتها ماكاضها؟؟؟
والله طلع وليدي معدل اماشيج برفضج اكيد يگول طفله مااريد اغصبها على شي
بس قسما برب العزه اليوم اذا ماتمت السالفه بيدي اخذج لبوج واكله هاي سالفه بنتك كيت وكيت وكيت ترضااها انت؟؟
خل نشوف ابوج شنوو جوابه

غصون،، مختنگه ابجي بصوت اتقربت يمها ردت ابوس ايدها جرتها مني

ام ذياب،، وخرري عني
لو تحبيني صدگ والي خاطر يمج جان اجيتي وحجيتيلي وجان ماوصلنه لهلمواصيل
ولج والله طايره بيج جدام النسوان اسولف بجنتي اگول الله يحبني دزلي بنية حلال حبابه ومالها صوت

غصون،، سكتت اديها ترجف بست راسها گتلها والله عمه موبيدي بالبدايه ماجنت اعرف ومن فهمتني ساره ماادري ليش من توصل السالفه للجد اكرها وانهزم منه

ام ذياب،، ولج ييمه زعاطيط عمرهن 12و 13
معرسات ويفهمن اكثرر مني
وانتي مره بطولي وكلشي ماكو

ساره،، خل تجي تشوف بنت حماي عمرها 11سنه والله من نحجي اني وامها بسوالف مال نسوان كبار تضل الطفله فاتحه حلكها اطردها امها تضحك
تگلي عوفيها تفهم اكثر مني اني وياج

قبل فتره رحتلهم اتلگتني تگلي عمه امي حطت لولب متريد اطفال

زمخت بيها گتلها شمعرفج بلولب انتي بطول النعال وكلشي تعرفين

ام ذياب،، ماتاخذين هاي الخوثه يمها حتى تفهماها

ساره،، هههههه اعصابج حجيه غصون خوش غصون وحقها اذا ماتعرف تره اكو اهواي مثلها

ام ذياب،، ولج يمه لاتخليني اشگ ثوبي واگوم ادغثها من حرگة گلبي
ماتفهم؟؟
تجي تسالنني لو تسالج وتفهم
قابل يرادلها روحه للشرع؟؟

ساره،، هذا هو حجيه اليوم انشاءالله اتم السالفه وبعدين نشوف حل بسالفه نور

غصون،، باوعتلي هزت راسها

ام ذياب،، ورطتي بسبب فهاوتج

غصون،، عافتنه وكامت تمشي وتسولف وحدها
رغم خوفي گلت هذا هو اليوم مااحجي ولاافتح حلگي لويذبحني هم مااحجي

ساره حفتلي صح خايفه بس الخاطر عمتي اسكت
بعدها سوت شيره بالبيت گالت اني اختج لاتستحين
سوت السالفه بضحكه ونكته كسرت حاجز الخجل

كملت طفرت سبحت وطلعت
لبست اتراك جديد من العندي وساره سحبت شعري
عمتي كل شويه واجت يمنه
من تشوف ساره تسحب بشعري تگول

ام ذياب،، وعلي اليوم اذا شردتي عطوبج امعشهن
گليلها يمه ساره
المره المثل وضعها لو سامعه بيها الوادم شتگول عنها؟؟

ساره،، وحده من الاثنين لو معيوبه لو رجلها بي صوج ومو زلمه

ام ذياب،، هسه يجي وليدي وافهمه خطيه بعد جبدي مخلصها ماااح وميييح كلشي ماكو

غصون،، ساره طگتها ضحكه گالتلها

ساره،، والمگروده تسالني عود ليش لسه ماحبلت؟؟

ام ذياب،، لو الزعاطيط تصير من الحبه جان هسه فروخنه تروش تارسه الحوش
وجان الارض ماشالتنه من كثر التكاثر
همزين اكو سالفه جبيره وراها ضيم يالله يصيرون الزعاطيط

غصون،، من تحجي هيج تخلي معدتي تخبط
جاي يسولفن وسمعنه صوت سيارته
بگلبي گلت اجاك الموت ياتارك الصلاة

يتتبع