رواية ضحية لمن لايرحم الفصل الثالث وأربعون 43 - بقلم زهراء الحسناوي

البارت 31

ضحيه لمن لايرحم

بقلم زهراء الحسناوي

،،،،،،،،،،،،،

لاتتمنه
ياگلبي لاتتمنه
ماطول جافانا الهوى وبطلنه
ولك لاعين ضلت خاليه
ولاضل ولف يتعنئ
ولك لاتدگ يالدگك قهر
مقفول باب الجنه
وهينوب مامش ضنه
ااه ياوكتنه الماصفت نيته وزرگ عينه النه
طحنه بوسط شلوه هفه وكل ذيب يبرد سنه
ردنه نگف ونهوش نحمي الروح مامچنه
وانت بجلاده عين صحت اكلنه
وماطول راضي بموتنه استاطنه 💔
،،،،،،،،،،،

صباح العافيه عليكم
،،،،،،،،،،،،،،،،،،،،،،،،،،،،،

زينب،، اباوعله مبتسم اتقربت يمه اريد المه الحضني بس اشلون؟؟
من كل كتر متصوب ومضمد

گعدت يمه لزمت كف ايده الصاحيه بستها وحطيت خدي عليها غصب عني نزلت دمعتي

لواء،، اشلونج زنوبه؟؟

زينب،، خانگتني العبره وكوه احجي كتله هسه صرت زينه

لواء،، كافي يسباح گلبي لاتبجين (قل لن يصيبنا الا ماكتب الله لنا)

زينب،، ونعم بالله
عدلت گعدتي وجها بي جروح وشخوط وحاجبه بي خياط بس حاطين فوگه لاصق

باوعلي لزم عمليته وابتسم بهدوء من بانت الرصعه ضحكت سالته عليمن تضحك؟؟

لواء،، لان تبادلنه الادوار قبل جنت منتضرج اطيبين وتسددين ديني الضاهر اني الراح ابقه مديون
وشخوطي راح تترس الحايط

زينب،، هههه شنو شخوطك؟؟

لواء،، شايفه المساجين من ينتهي يوم يسون شخط بالحايط اني صرت مثلهم انتي كل يوم يمر حطي شخط صرنه اني وياج اعمه يگودله بضرير

زينب،، ابتسمت بخجل گتله بس شوفك گبالي عدل كلشي مابيك هاي تسوه عندي كلشي

لواء،، الله يرضه عنج

زينب،، اندگ الباب گمت وگفت وعدلت حجابي دخل حسن

حسن،، بعد اخوك عوف الحبچيات توك طالع من حلگ الموت انطي روحك فنتك الوادم تريد تشوفك

زينب،، دنگت مبتسمه خرب بحضك حسن ينطيها طگ بطك ماكو تحكم على السانه

تركته وطلعت رحت للمطبخ لليل الخطار كل شويه واحد يريد يفوت يسلم على لواء
ماكو مجال افوت يمه
حسن وگعن رجلي من گد ماياخذ صواني جاي للوادم

اخر شي گال

حسن،، خل اشوف كلب ابن كلب يجي بعد اله انعل والدي

ام سجاد،، ياااا ولك ليش تشتم الوادم موزين يجون يتحمدون لخوك على سلامته؟؟

حسن،، بالعباس مارايدلي واحد بيهم كلهم گواويد
لوگيه سيبنديه يضربون الغده ويمشون عبالج كاتلهم لواء؟؟
اكثرهم جااين على بطونهم

ام سجاد،، بالعافيه ع الوادم ماتخليهم ياكلون دام اخوك مابي شي والله التفتتله ورده لينه سالم

حسن،، هم صدگ شخاسر اني جير بسامير؟؟
شو ابوج الاثول قايم بالواجب ذابح عجلين
ومكلف روحه يمكن يريد يفطس؟؟

زينب،، ام سجاد خربانه ضحك بس رغم هذا الشي ماقبلت على كلام حسن صح تضحك بس شالت الماعون تريد تهفه بي طلع من المطبخ يضحك

يگلها قابل سبينه كوفي عنان هو ابوج الدثو

درت وجهي گوه كاتمه ضحكتي عبن فشله من ام سجاد خاف اتكول تضحك على ابوي
من شافتني اصمصم بحلگي لاتفلت الضحكه ضربتني على متني بخفه

بليل اجه ذياب بات يمه بلغرفه هو وحسن
لواء ماقبل گاله روح لهلك صارلك 9ايام مجابلني وجاعد بس ذياب ماقبل

اتمنيت اني انام يمه بالغرفه مشتاقه لحساس وجوده يمي مشتاقه افتح عيني الصبح بوجه

الساعه ب 11تقريبا كاعدات كلهن بالصاله واني ارتب المطبخ ورفل وياي ماتركتني
ام سجاد كالت باجر نرد بيتنه هسه نلگاه مبيوك وماندري
ضجت من سمعت بيها تريد تروح لان طول ماجانت اهنا اني مرتاحه ماتعوفني اشتغل وحدي ولاتخلي وحده تفتح حلگها
جنه جاي عمها ماخذها من جنت عد اهلي
وحتى من تصوب خالها مااجت ولاوصلت سمعت من رفل تكول خالتي خابرتها حتى تجي بس ماقبلت
تخاف تجي صارت الها توبه من زعلت

رفل كامت نزلت دواشگ لحسن وذياب اخذتهن الغرفتهم واني شلت المخاد
دخلت وره رفل عيني صارت بعينه باوع عليهم شافهم مامنتبهيله حرك شفايفه عود دز بوسه بالهوئ لوسحت ومعت وتسرسحت

ردت اگلهم اطلعو اليوم انام بصفه قابله حتى لوصاير سكراب المهم اتوسد يمه وانام

دنگت درت وجهي وابتسمت خليت المخاد يمهم
لواء،، روحي نامي زينب

زينب،، همست اي رايحه

حسن،، اي حقك هاي مرتك اتگلها روحي نامي
لان عندك فلبينين اليوم تنعل اجلاب اهلهم

زينب،، لواء،، عقج وجها مبتسم لان عمليته تاذي

لواء،، جفني شرك جزعتني اطلع عوف ذياب يمي احسن من درمتك فوگ راسي

حسن،، لو اني بمكان لواء جان تلگاهم كلهم مكيفين عبن ياخذولهم فتره محد راهبهم
بس والله متحلفلهم انعل سلفه سلفاهم
اله اخلي امك بدون علاج فيزيائي تركض مثل البيب بيب ويمكن من الخوف تشيل العربانه وتركض بيها

لواء،، انجب طايح الحض اطيح حضك والله

حسن،، حير بروحك هسه معليك بيهم معودهم ع الشوغات لتخاف

ذياب،، الله يساعدهم عليك

زينب،، اني ورفل نفرشلهم رفل خربانه ضحك واني استحي من ذياب ساكته بس گلبي يضحك

كملت وطلعت لحگتني رفل كتلها صاعده انام ضهري ذبحني من التعب البارحه مانمت من الفرحه مااجاني نوم

تركتها وصعدت نمت مرتاحه ماادري بروحي لان بالي مرتاح نمت بسرعه

ثاني يوم ام سجاد رجعت البيتها اخذهم رجلها
صفيت وحدي اشتغل
نسوان تجي ويه زلمهن يتحمدن لعمتي. على سلامه لواء
نذيره وبتها يگعدن يم النسوان يسفطن حجي هنه وامهن واني مااعرف المن اصير للجاي والماي لو الشغل البيت لو اللواء؟؟

حسن انتبهلي لان كل مايطلع ويرجع يشوفني وحدي واكفه بالمطبخ ع الجاي اخدر قوري جبير وافور الثاني حتى مايوازوني من يجي خطار

من شافني حسن اجه يمي

حسن،، عايفاتج وحدج ع الجاي؟؟

زينب،، سكتت ماحجيت كتله جا شسوي؟؟

فات لجوه يمهن سمعته صاح

حسن،، غفرران ماتگومين تساعدين زينب بالجااي؟؟

زينب،، اجت غفران ادردم والدمعه بطرف عينها لان حسن لايعرف خطار ولاهم يحزنون فشلها جدام النسوان

اجت نذيره ومبينه تريد تتعارك

نذيره،، هو چاي خبصتو الدنيا وفشلتو البنيه جدام النسوان لو بس تردن مشاكل؟؟

حسن،، امج كاعده مكفيه للنسوان لو اله الملكه ديانا تحضر الگعده؟؟گاعدات مسطر دواوين
تسفطن جذب وصدگ ومخلياتها وحدها تركض االجاي المضيف والجاي النسوان
وحده منجن توكف وياها

نذيره،، عمي والله خوش كلها صايره ادافعلج
يمكن مسويتلهم شحيمه فوگ الخطيط؟؟
ومخرستهم

حسن، سهمج الراحه وابصملج بالعشره هي ماتعرف شنو شحيمه فوگ الخطيط
هاي سوالفجن انتي وامج خلني ساكت لازوع الاكو والماكو وتدرين الساني من يفلت يصير زفر
اطلع خياساتجن

زينب،، واگفه بينهم مثل الاطرش بالزفه كلشي ماافاهمه نذيره انطعنت وجها صار اسود لان مبين حسن انطاها بسمار قوي خلاها ماتعرف تحجي

تالي عافتنه ورجعت تنافخ يم النسوان ضليت اني وغفران تدرم ماعاجبها وتتامر عليه ريت حسن لاصاحها ع الاقل جنت اشتغل بواهس محد بيهن تتامر

من راحت الوادم دخلت يم لواء لان الفضول كتلني اريده يفهمني المثل مال حسن
دخلت وسديت الباب

شفته ياخذ علاج كعدت يمه بالكاع كتله لواء
شنو معنئ شحيمه فوگ الخطيط؟؟

لواء،، منين سمعتي المثل؟؟

زينب،، من حسن

لواء،، ولايتوب

زينب،، ليش هو شنو المثل؟؟

لواء،، معنا سحر فوگ الورقه

زينب،، بگلبي گلت جا اخوهن يعيرهن بهيج سالفه
ليش؟؟

لواء،، زينب تعبان ونعسان بليل مانايم من الالم من اطلعين صيحيلي وياج الحسن

زينب،، تركته وطلعت لان صدك مبين وجها حيل تعبان لكيت حسن بالمطبخ يشرب جاي كتله لواء يريدك
عافني وراح شويه وطلع مغندب مدري شبي

ثاني يوم الضهر وكت صلاه دخلت يم لواء لان كلهم راحو للمضيف
توني ردت احجي انفتح الباب دخل حسن شايل كرسي الصلاه مصنوع من الخشب للمقعدين او العدهم مشاكل بالفقرات

لواء،، حسن تعال اخذني للحمام اتوضه

زينب،، وكفت يمه حتى اساعد حسن نسنده

لواء، انتي شكو؟؟

زينب،، حط ايدك على متني

لواء،، لابويه ينخسف متنج وخري حسن كافي

حسن،، اشتعل ابو حسن على هاي الطلابه

لواء،، انجب سربوت بس تريد تغلط

حسن،، الساني ماخذ الشمره ويه ابوك شسويله؟؟

زينب،، حسن ساعده حتى يگعد بالعربانه
اخذه للحمام توضه ورجع

دخل ابو لواء گاله بويه مايصير تكعد ع الكرسي ابقه بعربانتك گاعد بعده جرحك جديد

بس لواء ماقبل گاله صارلي 11 يوم مامصلي احسهن مو من عمري ذني الكم يوم

رغم اصرار عمي بس رفض وماقبل اله يصلي ع الكرسي

حسن قرب الكرسي يم الحايط حتى يسند ضهره للحايط

عمي وحسن طلعو واني بقيت جاعده يمه اسمعه يصلي بصوت عالي صوته وخشوعه والعبره الاحسها تتكسر بحنجرته كفيلات يخلن جسمي يقشعر

لگيت روحي دموعي تنزل وانتبهت صلاتي تختلف عن صلاته تماما قبل صح يصلي جدامي بس يحجي بصوت ناصي هلمره صوته عالي
حسيت صلاتي بيها غلط انتضرته يكمل واساله

ولواء بي طبع صلاته حيل طويله بحيث اسمع منه شغلات ماسامعتها

كمل والتفتلي

لواء،، زنوبه صيحيلي حسن

زينب،، گمت من مكاني فتحت الباب صار حسن گبالي نازل من غرفته گتله لواء يصيحلك

دخل ساعده سند ادي على متن حسن وكعده ع الجربايه مالته احسه يتالم من يتحرك بس يعاند

لواء،، يالله ولي

زينب،، حسن ضل يدردم ولواء مبتسم على سوالف اخو

كعدت يم رجلي كتله لواء اسالك سؤال

لواء،، جواب

زينب،، من سمعتك تصلي حسيت صلاتي غلط

لواء،، ليش

زينب،، ماادري اني جاي اسالك لان صلاتي بيها اختلاف

لواء،، زينب مهما كان التذكري بصلاتج اذا نابع من گلبج وحواسج خاشعه لله صدگيني احب شي لله الخشوع بالصلاه وراح توصل صلاتج مهما كان مضمونها اما اذا صليتيها بسرعه بدون مايكون اكو اتصال روحي وعقلي بكل حواسج وجوارحج بالله عز وجل ف الصلاه ماراح توصل مثل منريدها لان اكو درجات للقبول

راح احجيلج عن النبي موسى عليه السلام
بيوم من الايام كان النبي موسى يمشي بالجبال وحده
من بعيد شاف رجال راعي غنم جاثي على ركبته ورافع ادي للسما
فرح موسئ من شاف الرجل گاعد يصلي
بس من اقترب منه اتفاجأ بصلاة الراعي
كان يصلي بصوت عالي

يااللهي الحبيب اني احبك اكثر مما قد تعرف
ساافعل اي شيء من أجلك
فقط قل لي ماذا تريد؟؟
حتى لوطلبت مني ان اذبح من اجلك اسمن خروف في قطيعي
فلن اتردد في عمل ذلك
اشويه واضع دهن اليته في الرز ليصبح لذيذ الطعم

اقترب النبي موسى من الراعي حتى يسمعه اكثر
كمل الراعي صلاته

قال الراعي
ثم سااغسل قدميك وانظف اذنيك وافليك من القمل
هذا هو مقدار محبتي لك

من سمع النبي موسى كلام الراعي
ضاج وركضله صاحله
توقف ايها الرجل الجاهل ماذا تظن نفسك فاعلا؟؟
هل تظن ان الله يأكل الرز؟؟
هل تظن أن لله قدمين لكي تغسلهما؟؟
هذه ليست صلاه هذا كفر محض

الراعي حس بالخجل من النبي واعتذرله
وعده يصلي مثل صلاة الاتقياء وطلب منه يعلمه ع الصلاه الصحيحه
علمه موسئ الصلاه ومضى بطريقه
راضي عن نفسه لان حس هو علم شخص جاهل ع الصلاه بصوره صحيحه
لكن بذيج الليله سمع موسى صوت كان صوت الله سبحانه وتعالى

ناداه الجليل

ماذا فعلت ياموسئ؟؟

لقد أنبت ذلك الراعي المسكين ولم تدرك معزتي له
لعله لم يكن يصلي بالطريقه الصحيحه لكنه مخلص فيما يقوله أن قلبه صاف ونياته طيبه
أني راض عنه فقد تكون كلماته لأذنيك بمثابه كفر
لكنها كانت بالنسبه لي كفرآ حلوآ

فهم موسى انو الشي السواه غلط
وثاني يوم من الصبح راح للجبال حتى يدور ع الراعي ف لگاه يصلي بس هلمره جان يصلي بالطريقه الصحيحه العلمه عليها موسى
بس كان يتلعثم بصلاته حتى ياديها بنفس الطريقه الي علمه عليها النبي بس هلمره افتقد الحماس والعاطفه الجانت عنده قبل
اتندم موسئ وربت على متن الرجل وگاله
ياصديقي اني اخطأت بحقك ارجو ان تغفر لي
وان ترجع تصلي نفس صلاتك الي كنت تصليها قبل

لانها كانت صلاة ثمينه في عيني الله

اندهش الراعي من كلام موسئ لكن احساسه بالارتياح كان اعمق لكن ماحب يرجع الصلاته القديمه وحتى الصلاه الي علمه عليها موسئ مالتزم بيها
لان عرف واكتشف طريقه جديده يتواصل بيها مع الله
و رغم ارتياحه باايمانه الساذج
بس تجاوز مرحله مابعد كفره الحلو

فيازينب لاتحكمين على طريقة تواصلج مع الله سبحانه وتعالى
ف لكل شخص طريقته وصلاته الخاصه
لان الله ماياخذ كلمتنه لانه ينظر لاعماق گلوبنا
لان كل شخص ينرزق على نيته

زينب،، ارتاح نفسيا من اسمع كلامه وبنفس الوكت اتعلم منه

لواء،ها زنوبه وصلت الفكره؟؟

زينب،، هزيت راسي بمعنى اي

لواء،، الله يرضى عنج

زينب،، حبيت قصه موسى
گتله انوب يوميه احجيلي هيج لان من جنت تشرح احس اريد بعد اسمع واتعلم

لواء،، تدللين جسر للطيبين انه

زينب،، انفتح الباب دخلت عمتي تدفع بيها نذيره
گمت اريد اروح اتوضه واصلي
سمعت ام لواء گالت

ام لواء،، يمه راح يجون اهل حنان يتحمدولك بالسلامه

لواء،، كل الهلا

زينب،، تركتهم وصعدت الغرفتي توضيت وصليت وشويه اتمددت لان ضهري ياذيني واحس روحي تايها مدري شمشتهيه واكثر شي مشتهيه ملوحه بعدها
نزلت سمعت صوت يم لواء عرفت اهل حنان موجودين
اتلگتني نذيره

نذيره،، وين وليتي؟؟
سوي جاي يالله ولاتضلين تتختلين

زينب،، لازم تسمني بحجيها رحت للمطبخ انتبهت اكو صطل حجمه وسط ملفوف من فوگ جوه القبق نايلون ردت افتحه فاتت غفران اخذت السطل وراحت البيتهم حتى ماعرفت شنو بي

سويت چاي واخذته الهم من الباب انطيته الحسن لان ابو حنان كاعد يمهم جوه وفشله افوت

اسمع ام حنان تحجي على اطفال حنان اتگول اثنين وشيبوها حتى نوم ماتنام بليل واني اساعدها
وبنتي تبجي من هسه شايله هم اطفالها. تكول اشلون يربون بدون اب وابوهم الله يرحمه حتى مالحگ يفرح بيهم

ضلت تحجي وام لواء تبجي على حسين
المات وماشاف جهاله
ساعه وطلعو اهل حنان

حسن،، يالله نذيره اخذي امج واطلعي خلن الزلمه يرتاح

زينب، اباوع ام لواء تريد تحجي بس تخاف من حسن لان ماعنده جبير غير الله اما اهله ضاربهم بعرض الحايط واليتنفس منهم يشبع رزايل من حسن ويكون جنه على نفسه لان حسن مايسكت عنهم ابد ولابد يخرعهم بسالفه جديده

ردت اطلع صاحلي لواء
حسن،، ارجعي بويه ارجعي اخوي المفلش بهاي حالته يطلعنه كلنه وانتي تضلين

زينب،، ابتسمتله طلع وسد الباب

لواء،، وين شارده؟؟
بوسيني وروحي

زينب،، يماااا سحت ومعت وتسرسحت
عيونه على شفايفي والوشكل يخطف الگلب اتمنئ ماارمش من اباوعله صح وجها ضارب دقله بالجروح بس بعده حلو

اتقربت منه عيونه بحر تغرگ بي سبحانه الخالقهن ابدع برسمهن
گتله بس بوسه؟؟

لواء،، مريتي طالعه عينج بس مو وكتج دخيلج
وبطلت حتى بوسه مااريد خليني هيج اشرفلي

زينب،، ضحكت تقريت منه لاول مره اني الابوسه غمض ابتعدت عنه وهو مغمض

لواء،، احترگت عشيرتج اطلعي بره

زينب،، متت ضحك طلعت يم الباب العب بحواجبي
رفع ايده الصاحيه يسويلي بسيطه

طلعت وسديت الباب وراي اتلگتني رفل جايه من بيتهم مبينه لان بيدها طاسه بيها مخلل مال شوندر
عرفت السطل هذا جابو بيت حنان بي مخلل لان سمعت من ام سجاد اهل حنان عدهم محل مال مخلل

فاتت يم بيبيتها بابهم مفتوح سمعت ام لواء اتگلها اخذي مااريد لان بي ملح خاف يصعد ضغطي
صدگ اشتهيت الشوندر لان مالح حلگي صار يمطگ
وبلعومي ياكلني اريد منه تالي اخذت الطاسه ورجعت البيتهم

قبل جان لواء يتسوگلي هسه المن احجي ومن منو اطلب؟؟
حسن ماعندي ميانه وياه الدرجه اكله مشتهيه تشتريلي الشغله الفلانيه

تركت السالفه ورحت خليت اصبعي بالملح خليت شويه بحلگي
اتمنيت حاجيه ل حسن وطالبه منه بذاك اليوم

يوم يجر يوم ولواء بده وضعه يتحسن بس مقعد بالعربانه مايمشي على رجله
لكن عمليته وجروحه شويه احسن من قبل

صادف يوم مراجعه عنده للطبيب مالته
وذياب هو الياخذه

للعصر دخله حسن للحمام لف ع العمليه نايلون حتى ماتتبلل وسبحه
ساعده ذياب لبسه دشداشته لان ايده مايگدر يرفعها

للساعه ب4العصر اخذه وراح

دخلت الغرفته نضفتها وعدلت فراشه كنستها
وطلعت اتلگتني نذيره

نذيره،، روحي نضفي المضيف وعزلي
افتحي الشبابيج خل يتهوئ ونزعي المخاد الوجوه القديمه اغسليهن ولبسيهن وجوه جدد نضيفه

زينب،، بدون نقاش نفذت رحت نضفته وفتحت الشبابيج المخاد ب 40مخده مضيف كلش جبير
مرات اتشاقه ويه لواء اگله مضيفكم اذا ردتو توزعون جاي اصعدو ابايسكل وزعو لان منا لمن توصلون لاخر واحد يكون الجاي صاير ببسي من البرد

نزعت الوجوه لبست منهن 10تعبت بعد مااگدر
تركتهن واطلعت اخذت بيدي الشلتات الوسخه
اتلگتني نذيره

نذيره،، كملتني كل المخاد؟؟

زينب،، لا تعبت وهنه اهواي

نذيره،، ويطبج مرض شو الخطار جاي الرجلج المفروض من كيفج تغسليهن بدون محد يگلج

حسن،، رجلها مو اخوج؟؟

زينب،، سكتت عوجت حلگها ماعاجبها

حسن،، مو احجي وياااج؟؟
بنگلادش عند الخلفووج هيي؟؟
فوتي زينب وهي تروح تغسل الباقيات

نذيره،، خوش والله انوب عليه المخابيل

حسن،، دام انه مخبل والمخبل ماعلي حرج
والله لانعل ابوج لابو منهل الدثو وياج

زينب،، التفت منا ومنا يدور على شي يضرب بي نذيره
هي من شافت السالفه حمت طگتها ركضه الغرفه امها يشهد الله سحل الصونده الثخينه مال مجرى الماي
صونده سوده يابسه اخذها وراح يركض دفر باب غرفه امه،،،،،،، يتبع

👈⭐