رواية ضحية لمن لايرحم الفصل الثاني وخمسون 52 - بقلم زهراء الحسناوي

البارت 37

ضحيه لمن لايرحم

بقلم زهراء الحسناوي

،،،،،،،،،.،،،،،،،،،،،،،،،،،،،

أسمــــيتك_من_جهلي_وطنآ

#ونسيت_آن_ٱلٱوطان_تسلب 💔

،،،،،،،،،،،،،،،،،،،،،،،،،،،،،،،،،،،،،،،،،،،،،،،

زينب،، خليت ايدي على خدي مصدومه بي
مستحيل يكون هذا لواء
رفع اصبعه بوجهي

لواء،، اخرر مرره اسمحلج تتهميين اهلي مفهوم؟؟

زينب،، قبل لايسمع جوابي تركني وگعد ع الجربايه مالته
مثل واحد مامصدك واگفه بمكاني كل ضني جاي احلم
باوعتله محني ومنتجي على عكوس ادي لازم گصته يعصر بيها
تركته وطلعت اريد اتنفس مااگدر حراره تطلع من عيوني واذاني صعدت الغرفتي وبدل ماافتح الباب الغرفه بوجهي صعدت للسطح بارده الدنيه

گعدت على صفحه بلگاع لميت رجليه الصدري وبجيت
دموعي تجري بدون صوت
مااعرف شگد بقيت لمن كلش بردت يالله نزلت دخلت الغرفتي ماطلعت بعد

تليفوني قافلته بالكنتور سمعت صوته يرن

نهضت مالي روح فتحت القفل وطلعته شفته لواء يتصل ماجاوبت

شويه واجتني رساله

لواء،، (اذا مانزلتي راح اصعدلج)

قريتها وادري يسويها ويصعد لان اعرفه من يحجي كلمه ينفذها
رغم كسرة خاطري بضربه الي بس ماانطاني گلبي اتركه وتالي يصعد ويتأذه

مسحت دموعي باوعت لوجهي خشمي صاير احمر وعيوني وارمه
لفيت حجابي عدل خاف انزل واشوف عمي لوحسن يمه

نزلت ماكو احد فتحت الباب شفته واگف يتعكز يريد يطلع
كتله واني مدنگه مااريد اباوع بعيونه
نعم رايد شي؟؟

اجه تقرب مني وحده من العكازات تركها وكعت بالكاع بدون وعي ومن خوفي لزمت ايده خفت يوگع
لان من يمشي بس على تك رجل والثانيه يرفعها عن الكاع

لزمت ايده ودنگت اريد ارفع الصولجان الثاني اريد انطيها اله
لزم ايدي يمنعني عدلت وگفتي بس مدنكه مبينه مخنوگه ومهضومه

تدرين ليش تركت العكازه؟؟

زينب،، رفعت راسي باوعت بعيونه

لواء،، لان انتي عكازتي وبنيتي وحبيبتي
زينب وداعة حيلي مامتقصد اضربج وهاي اول مره بحياتي ارفع ايدي على مره
ولج والله تعبان احس روحي واحد ثاني
يمكن من الحبسه لان صار ثلاث شهور كاعد بالبيت ونفسيتي تعبانه اريدج تتحمليني اذا الي خاطر يمج وتحبيني
تتحمليني هاي الفتره

زينب،، لزم وجهي دنگ المستواي لزمت ايده بكل قوتي اخاف علي لايوگع
دنگ على جهة خدي الضربني بيها باسها غمضت
باسني بعيني

لواء،، زينب تعبان

زينب،، فتحت عيوني حسيته مختنگ نسيت الزعل وضل بالي يمه مختنگ الدرجه يفرك بصدره
كتله خل اصيح العمي

لواء،، لا مابيه شي
بس اريدج يمي اريد اخلي راسي بحضنج

زينب،، من اشوف وضعه وحالته المتخربطه انسه كلشي وبالي يضل يمه
رحت كعدت على جربايته ذب الصولجانات اتمدد وحط راسه بحضني غمض عيونه وجر حسره طويله

حطيت ايدي على شعره سحبها باسها وحطها على حلگه يتنفس بباطن ايدي
ردت اسحبها

لواء،، عوفيها

زينب،، يجر حسرات احس حتى نفسه يرجف مااعرف شبي

لواء،، ماجاي اعرف شبيه زينب تعبان وضايع ونفسيتي مدمره
وعلي ماعرف اشلون مديت ايدي وضربتج
اتحمليني هاي الفتره زينب
بلكت الله من ارجع اوكف على حيلي واطلع واغير جو تتغير نفسيتي

زينب،،دنگت بسته براسه غمض عيونه شويه حسيت نفسه ثگل عرفته نام
ماردت اعاتبه على ضربه الي لان احس بي احسه مثل الجاي ينازع بلحضه تهجم عليه الافكار من كل صوب اكول هنه ماكو غيرهن هنه الخلنه يتغير اكيد مسوياتله شي
وارجع اگول اني اخوي چتل چتل وانهزم واني دفعت ثمن غلطته بس ماگدرت اكرها ابد وادعيله بكل صلاه الله يهدي وينور دربه

مو انوب نذيره الاخوها جان مدللها نص راتبه الها والبناتها تسوي بي هيج وتحاول تأذي

من حسيته غفه سحبت روحي فز باوع بوجهي ابتسم ورجع نام بس لزم ايدي كعدت على صفحه بالكاع وهو فوگ
خليت راسي ع الجربايه اباوع ل ايده والمحبس الابسه
مديت اصبعي امشي فوگ خرزه المحبس
مكتوب الله رسوله محمد
مره حجالي سالفه هذا المحبس واشلون انقتلو جماعته
اكثر من مره بفتره الاتصوب بالعبوه يتحسر يگول شسوي ناري ماتبرد عفت دوامي والتحقت بالحشد حتى ادافع عن ارضي وعرضي
ومايبرد گلبي ولاتطفئ ناري اذا مااشوف كل المناطق المحتلها داعش محرره بأذن الله

قبل جان اهواي يحجيلي عن دوامه وعن هجومهم على المناطق الموجودين بيها الدواعش
بس من تصوب مايحجي شي كانه منظر الموت المخيف بعده مرسوم بدماغه
موسهله شخص يشوف اشلاء جثث جماعته بكل مكان هو خارج البيت بمسافه بعيده وهيج صار بحاله يمكن لو داخل وياهم جان مالگينه اله اثر
دوم احمد الله واشكره رجعلي من الموت
لاااراديا ابجي على امهات الشهداء وزوجاتهم
كم ام انفجعت بوليدها
وكم مره ترملت وكم بنت تيتمت
ااااخ ياوطني الجريح
حتى ابناء شعبك يعانون من نفس الجرح
كانه انكتب علينه القهر من اول ماانخلقنه

تعبت احس ضهري صار يأذيني لان كعدت فتره طويله تركته وگمت مديت فراشي بالكاع واتمددت
تذكرت من ضربني نزلت دمعتي

اهواي ضليت اتگلب بمكاني
بين النايمه والگاعده سمعت صوت لواء رفعت راسي

لواء،، ب بسم بسم الله الرحمن الرحيم
ا اع اعوذ بالله م منك
ق قل اعوذ ب برب الناس مل ملك الناس

زينب،، نهضت بسرعه سابح بالعرگ مديت ايدي على وجهه اسمي بالرحمن اريده يگعد فز مرعوب دفعني ردت اوگع
اباوعله فاتح عيونه على وسعهن صار يفتح ويسد بيهن ويردد المعوذات حتى حسيت السانه ثثگيل ماجاي يقراها عدل عرفته ماجاي يشوفني لان حسيته جاي يشوف شخص بشع جدامه واگف

ثواني وضعه هدئ رجع حط راسه ع المخده غمض. عيونه وفتحهن جر نفس
باوعلي كتله اسم الله لواء شبيك؟؟

لواء،، احس واحد بشع يگعد على صدري يخنگني ويربط الساني يخليني مااكدر اقره الايه بصوره صحيحه عمري ماصايره وياي هاي الحاله

زينب،، نهض من مكانه انطيته عكازاته يتعكز عليهن ردت اطلع وياه للحمام ماقبل گال اطلع وحدي
شويه ورجع متوضي سحب الكرسي مال الصلاه وراح جاب القران وگعد يقره
يتلعثم ويعرگ يسد القران يستغفر ويرجع يفتحه

تالي ماكمل ربع ايه باسه وتركه على صفحه
من هذا اليوم شفت لواء ثاني
قرأن تركه صلاته يتأخر وقتها وتفوت وهو بعده مامصلي ومن اگعده تحسه نومه ثگيل

انتبهتله شعره من يمشط يترس المشاطه ترس
وحتى من يگعد من النوم اشوف اهواي شعر واگع ع المخده
معدته دوم يشكي منها

مرات اذا وصاني على شي وتاخرت شويه من ارجع يگلب الدنيه وصلت بي مرحله على ابسط شي نتعارك وتگب الهوسه
اني اسكت وهو يضل يرعد
مره منهن تعارك لان المحبس مالته من راد يتوضه نازعه ع المغسله من كالي روحي جيبي رحت مالگيته

ضل يصيح مايوم دزيتج على شغله وسويتيها مثل الاوادم

سمعه حسن جان بغرفته فوگ ولواء واگف اباب غرفته يصيح

نزل حسن

حسن،، شبيك ترعد خبصت الدنيا؟؟

لواء،، انجبب ولاتدخلل

حسن،، وعلي عائله شاربه وغف تايت كلها شاخطه واگص ايدي اذا ماطلعت اني اعقل واحد بيكم

لواء،، احترم نفسك وانجب مالي خلگك

حسن،، مبين طاگاتك بتي ان تي

زينب،،رحت ادور المحبس واسمع سوالف حسن دموعي تجري مهضومه لان لواء صار يتفنن اشلون ياذيني

مرات تحسه طفل يدور حنان امه الدرجه بليل من يريد ينام يكلي بس نيميني بحضنج من اغفه يالله توخرين

من يشوفني ضايجه يضل يعتذر ويتحجج بوضعه ونفسيته التعبانه ومرات لاتحس هذا لواء ثاني مونفسه لواء الحنين الطيب

مالگيت المحبس ع المغسله فتت للحمام لان هو سبح بليل شفت المحبس نازعه بالحمام وناسي

جبته واجيت روحي فايره فتحت ايده وحطيت بيها المحبس كتله هذاا محبسك الخبصتني بي
نازعه بالحمام وانت تصيح ع المغسله نزعته

ماحسيت غير جرني من حجابي قربني منه

لواء،، من تحجين وياي احجي عددل لاارگع راسج بالحاييط

زينب، بمجرد ماتركني عفته وطلعت صرت مااحب اكعد يمه لان يفشلني لويهيني
لذلك اتحمل صعدت الدرج والم ضهري وبطني ولااكعد يم لواء
واذا اتاخرت فوگ بغرفتي يحرگ التليفون حرگ بالمكالمات والرسائل

اضطر انزل يمه ويبقى يعتذر الف اعتذار ويگول ماجاي احس بتصرفاتي احس نفسي مسير موبيدي
يمكن راح اتخبل

عمتي گالتله خل ناخذك للساده يشوفوك شو هاذا انخبص وعرگ وضعه اتخربط وحتى امه عاط بيها گالها مااروح ماابيه شييي

لواء يخلص النهار بس يزمخ ويهين بيه جدام الكل
المغرب يختنگ ويصير يفتر بالغرفه لو يطلع بره يصيح راح اموت صدري مشتعل من الخنگه

اگله اقره قران. يخزرني لويرجع يرزلني

تعبت نفسيتي شهر كامل هو هاي حالته بعد يومين دورة السنه مال حسين وعمي جاب هايشه وعجله وياها يذبحهن لان عزم اهواي عالم
صح احنه مانطبخ بس النواعم توگع رجليك من الفره جيب هاي وسوي ذيج وخاصتا دخلت السابع وبطني صارت شكبرها مرتين كتله لواء اريد اروح للدكتوره
يگلي ميخالف اليوم وباجر

مره منهن عمتي كاعده وبطني اذتني كتله لواء احجزلي حتى نروح للدكتوره
فاتت نذيره سمعتني

نذيره،، طفلج يتحرك؟؟

زينب،، هزيت راسي بمعنى اي

نذيره،، جاا مابي شي لاتضلن تتعايرن

زينب،، لواء گاعد ابد ماحجه كانه اذنه مسدوده مايسمعها سكتت ماحجيت

شسوي هاي قسمتي من الله

بيوم دوره السنه من الصبح كعدنه لان هوسه والوادم معزومين غده الساعه ب العشره اجت ام سجاد من زمان ماجايه اجت هي ورجلها وسجاد ورفل

سلمت ع النسوان وعلى امها وعينها الي مبتسمه
كملت واجتني فتحت اديها بيها حاله من تبوس من الخد تشم بحيث بوستها اتخبل تحسها مليانه محنه

حضنتني هي ضخمه وطويله لمتني الحضنها نزلت دمعتي

ام سجاد،، اشلونج ام دميعه

زينب،، هزيت راسي مختنگه لان مهضومه من تصرفات لواء
اجت رفل وسلمت اول مادخلن ذبن عباياتهن واجن يساعدني لان نذيره من الفجر لسه بس تتامر وبتها مخلصتها تتختل تخابر خطيبها فتشة العين

رفل طلعت مواعين للنسوان تتغده لان الزلم جايبيلهم صواني كبار يصبون بيهن وبره جهزوهن بس المواعين نغسلهن وهمه يجون ياخذوهن لواء بعربانته. گاعد يمهم وهمه يطبخون

ماصدگت شوكت اتغدت الوادم وراحت للعصر احنه نفتر بطني كتلتني كتل ام سجاد زمخت بيه كالت اذا مارحتي گعدتي اكسر رجليج
رحت لان كل مااكعد تجي نذيره تكلي مخلصتها تتختلين واني والله ولاكعدت من الساعه ب 4الفجر للعصر افتر حتى احس ماي يوگع عليه من الفره والتعب

دخلت الغرفه لواء فارغه لان راح يصلي بالمضيف حطيت المخده وبدون وعي غفيت من التعب
اهنااك وجان اسمع صوت لواء هو وام سجاد يتهامسون بينهم يسولفون على باجر لطم مال النسوان وثالث يوم يرحون للمقبره

. فزيت وعدلت كعدتي

ام سجاد،، سوده عليه كعدناج ردي نامي بنيتي
اليوم هلكتي من التعب

لواء،، افترت اهواي مو؟؟

زينب،، رفعت راسي يباوعلي بغضب خزرني

لواء،، كم مره منبهج اذا صار شي بالطفل ماارحمج؟؟

ام سجاد،، صلو على نبيكم شنو السالفه وبعدين زينب كل ماتكعد يصخرنها ويخلنها تگوم غصب عنها

زينب،، سكت عني بس مبين ضايج
بليل نمنه من وكت لان تعبانين حتى عشه رفل حمته من غده الضهر هي وغفران ابو سجاد دخل تعشه يمنه بالغرفه رجال محترم ومتدين ابد مايرفع عينه

فرشوله بالاستقبال الداخلي هو ومرته واولاده لواء گال ل ام سجاد تعاي انتي ورفل نامي يمنه بالغرفه بس ماقبلت كالتله انام بالاستقبال انت مرتك نايمه يمك وتريدني اعوف رجيلي وحده ينام

لواء يخرب ضحك على سوالفها اخته الجبيره وماينه وياه بالسوالف خو حسن اذا كعد يمها حدث ولاحرج
لواء يشبعه رزايل وغلط وهو مستمر بسوالفه

اكثر المرات اسمعه يكول الواء على ام سجاد امي هاي مااستحي منها

نايمين وحدنه بالغرفه سمعته يهذي نفس كل يوم عدلت كعدتي اصيحله بصوت مسموع اسم الله لواء اگعد

فز من نومه عدل روحه وابتعد الجهة الحايط
همس

لواء،، زينب تعاي يمي

زينب،، نهضت حسبالي يريد اساعده ينهض يروح للحمام لو اجيبله شغله
وهو مغمض مدلي ايده همس بنفس النبره

لواء،، نيميني بحضنج

زينب،، صرت مااحزر تصرفاته المتناقضه ساعه اكره روحي بسببه وساعه تحسه طفل يدور حنان امه
اقتربت منه رفعت الغطه ونمت بصفه
حط خشمه بركبتي وجر حسره وياها

لواء،، زينب شبيه اني؟؟

زينب،، جاوبته بصوت ناصي شبيك؟؟

لواء،، مااعرف ضايع مااحس روحي مرتاح

زينب،، مد ايده طوق خصري

لواء،، وداعة امي اعز من روحي انتي
مرات من ازمخ بيج وره دقايق اندم اكول على شنو زمخت بيها وهي اصلا شغله ماتستوجب اهضمها الخاطرها

اتحمليني اذا تحبيني تحمليني هلفتره

زينب،، لميته الحضني من اشوفه هيج يكسر خاطري
من شفته غفه ردت اكوم ماقبل فز منعني كال من احضنج انام مرتاح مااحلم ابقي يمي

ثاني يوم صادف لطم مال النسوان وانعادت الجروح من جديد كل وحده بينه الها عزيز فاقدته اسمع صوت المله ابجي بقهر على ابوي
هنه يلطمن ويصيحن ياخويه واني اصيح يابويه

من ضمن الموجودات حنان الكتلت روحها تصيح ترملت بعز فرحتي حاطه جهالها واحد بحضنها والثاني بحضن ام لواء بعدهم كلش صغار
تصيح ماشفت جهالك ولاشبعت منهم
شنو ذنبهم يربون بدون اب؟؟

كلها بجت عليها لان ملخت روحها والله حتئ اني بجيت عليها
بيومها هم تعبت لان انقل الهن صواني ماي وجاي للنسوان ام سجاد ملتهيه تلطم بس رفل اجت ساعدتني

بليل من اريد انام ضهري يون غير الماي اليوگع يزيد ماينقص بليل حضرن سلال حطن بيهن فواكه ياخذوهن وياهم الصبح للمقبره
ردت اروح كتله لواء اخذوني وياكم ومناك امر بقبر ابوي مارايحتله ابد

بس ماقبل كال طريق طويل وموزين عليج السياره
ثاني يوم من الفجر الكل راحو للمقبره بس اني ضليت بلبيت مااجاني نوم لميت الفراش مال النوم وعدلت ورتبت الغرفه ورجعت نضفت البيت وعزلت ماخليت شغله وصخه لان اذا رجعن وشافن البيت بعده مامرتب ياكلن گلبي بسوالفهن كلت خل اخلص من الطلايب ودوخة الراس احسن للساعه عشره كملت وتمددت على جربايه لواء ولان كعدت من وكت غفيت ماادري بروحي

اهناك وجان احس شي ينغمش خدي فتحت عيوني صار بوجهي لواء ينغمش خدي بلحيته
ابتسمتله وَوكعدت

شوكت اجيتو؟؟

لواء،، قبل شويه
وشفتج نايمه عجبني اتحارش بيج

زينب،، عدلت كعدتي بطني وجعتني گلت الم عادي هسه يخف

جاي نحجي واساله منو راح وياكم للمقبره رجعت بطني مغصتني احسها نزلت بسرعه لزمتها وانحنيت صحت لواااء

لواء،، يااربي دخيلك زينببب شبيج؟؟

زينب،، بس عيوني فاتحتهن على كبرهن كتله ب بطني

اباوعله احتار شيسوي ذب وحده من الصولجانات واتعكز على وحده ناسي روحه فتح الباب وصاح بصوت عالي

لواء،، ااام سجااد حسسسن

زينب،، رجعلي خايف مرتبك اجو كلهم يتراكضون حتى عمي ونذيره وام سجاد

ام سجاد من شافتني بسرعه لبستني عباتي وجواريبي وصاحت بحسن يروح يشغل السياره بين مانطلع

المصيبه شهر السابع ولامجهزه للطفل ولامحضره كلشي رحنه للمستشفى بطرگ ارواحنه
ام سجاد طول الطريق ترزل بيه تكلي عندج تليفون وخابري وكولي يخالتي الطايحضج تره مامجهزه للطفل جهزيلي وياج
بدل ماجايبتنه ايد وره وايد كدام

حسن،، انشاءالله ماكو شي هاي تشليعات مال ولاده

زينب،، رغم ذيج وجعتي بس ضحكت واني ميته من الالم على سالفه حسن ام سجاد من الضحك صارت حمره دم
كالتله ولك شمدريك انت بالتشليع مال الولاده؟؟

حسن،، وداعتج نعرف سوالف احنه الزلم اكثر منجن
لتخافين اذا جابت انطيجن قميصي لفن بي الطفل
بس خل الله يسهل وتجيب

زينب،، عدل المرايه الجهتي وحجه

حسن،، انتي عرفتي حامل بشنو؟؟
فحل نثيه؟؟

ام سجاد،، عزاا العزاك وانت شعليك؟؟

حسن،، مو اذا فحل اريده يطلع سايب على عمه والله لعلمه على كل سالفه طايح حضها اريد ياادبهم بمكاني كون اذا اناملي ساعه الكاه اسد ماخذ مجان عمه بتخويفهم

زينب،، ماصدكت شوكت نوصل للمستشفى
خطيه نزل ويانه ام سجاد نزلتني وبوجهنه حولونه الصاله الولاده

وهاي ثاني مره ادخلها خايفه ارجف
الدكتوره كشفتني كالت ماما طفلج نازل هسه تاخذين سونر
رجعنه اخذنه سونر الدكتوره كالت الطفل الماي مالته ناقص لان اهواي متحركه
ام سجاد كالتلها دكتوره خاف يموت اشلون مايه ناقص؟؟

الدكتوره،، بيها بنيه ومايها قليل لعد شسويلها راح اكتبلها علاج خل تاخذه واتنام لان شكلها راح يصير عدها ولاده مبكره

زينب،، كتبت العلاج وطلعنه ام سجاد ماقبلت كالت الحسن لتشتري العلاج مال الدكتوره لان بالمستشفى تحجي من وره خشمها مالها خلك والله لو نروحلها للعياده تاكلك بالسلام لان العياده افلوس مومثل اهنا الك الله يالفقير

بطني هدئت شويه صح تخوفني لان نزلت بس الالم مومثل اول شي رجعنه للبيت بدون كلشي
ام سجاد باركت الواء كالتله راح تجيك بنوته
حتى هو فرح بس عمتي غندبت ماراضيه
حجتلها حجايه عمي كالها استغفر الله لاخالقين ايد ولارجل كل اليجي من الله رزق الف واحد غيرنه يتمنا
لواء يضحك كالهم اصلا اموت ع البنات راح تخليني من هسه افكر باسم حلو الها

للعصر ا ام سجاد اخذتني الغير دكتوره تكعد بعيادتها من اخذتلي سونر كالت ماما ماي الطفل طبيعي مابي نقص

ام سجاد،، الصبح اخذناها للمستشفى والدكتوره كالت الماي مال الطفله قليل

الدكتوره،، لاماما مابيها الشي باعي راح اقيسلج حجم الماي من اربع جهات وشوفي بنفسج

زينب،، الدكتوره بيدها الجهاز تمشي على بطني وكل جها تحجي ويه ام سجاد تكلها شوفي النسبه منا تمام ونفس الشي بكل الجهات

بس لان هي سابع ومبينه حركتة الام هواي فنزل الطفل خل ترتاح هاي الفتره بين ميكملن ذني الشهرين اصعب شي هنه بيهن يكتمل الطفل ويكبر

كون حركه ماااكو نهائيا والماي اليوگع طبيعي لان ثگل ع الرحم والمثانه ف عادي ماكو شي يخوف
والالم هم عاديه من التعب ف رجائا الراحه الراحه

انطتني علاج وكعدت تحذرني اذا افتريت واتحركت راح اجيب من وكت ويمكن الطفل يحطو بالخدج ولو يعيش لومايعيش اذا مادرت بالي وقللت حركتي حتى اتجنب كل هذا الخطر ع الطفله

كتبتلي علاج وطلعت لگينه حسن منتضرنه بالسياره
ام سجاد اخذت الوصفه تشتريها من الصيدليه الموجوده بصف عياده الدكتوره

حسن،، ها بشري خو الطفله مابيها شي؟؟

حجيت بصوت ناصي كتله لاالحمدالله مابيها شي

حسن،، احجي حيل بويه ادري تشاورين روحج
كتلتيني بفهاوتج

زينب،، ابتسمتله هز ايده مامقتنع
اجت ام سجاد جايبه الوصفه كالت هذا علاجج من نوصل اعلمج علي وسمعتي شنو حجت الدكتوره مااااكو شغل وفرره

حسن،، اكلج ام سجودي سؤال
انتي منتبها لتصرفات اخوج هاي الفتره؟؟

ام سجاد،، منو لواء؟؟

حسن،، عندج غيره؟؟
اكيد المسكرب

زينب،، ضحكت

حسن،، اضحكييي گرت عيني

ام سجاد،، ليش شبي؟؟

حسن،، تصرفاته ماعاجبتني يمكن راگعاته بعمل ابو الطمغه

ام سجاد،، يااا استغفر الله منين تجيب هاي السوالف

حسن،، لو ماشايف بعيني ماجنت كل فتره اشن عليهم غاره اخليهم يربدون العلوه بالنصه واحدهم مايشوف دربه من الخوف

ام سجاد،، استغفرالله حسن منو يسوي سحر بهذا الوكت؟؟

حسن،، وعلي اكبر جلبه اختج المسمومه اذا ماطلعت هي وره تغير لواء اطلع صدك خبل ابن خبل

ام سجاد،، عيب حسن مهما يكون هاي اختك حرام الله مايرضه

حسن،، وداعتج يرضئ لاغيبه للفاسقين
باجر اكو علويه تاخذ خيره اخذج ونروح نشوف اختج شمصخمه
يااابويه اذا طلع معموله عمل اله اشيلها فلقه

زينب،، اخوها ويعرف سوالفها ومتاكد من كلامه ماحجيت ولافتحت حلگي من شفت ام سجاد ماقبلت من حسن يحجي على نذيره گلت فشله اذا اخوها ورادت تزعل منه مو انوب اني اجي اكلها اختج سحاره

من رجعنه للبيت ام سجاد مدت فراشي وزمخت بيه

ام سجاد،، ياالله ناامي خل اشوفج گايمه اله اكسر هذا الصولجان على راسج

زينب،، شالت صولجان لواء وتحجي تتوعدلي ضحكتلها واتمددت
لواء مدري شبي مغندب الصبح كلشي مابي شو من رجعنه دنيه المغرب وضعه اختلف

ثاني يوم من الصبح حسن اخذ ام سجاد هي طلبت منه كالتله اخذني للسوگ اجهز للطفل خو مانتوازه مثل البارحه رحنه للمستشفى ادينه فارغه عاد واحد يجهز من وكت هاي دنيه مامعروفه ساعه الساعه تطلگ

للظهر ام سجاد مارجعت اتاخرت رجلها وابنها راحو البغداد بس هي ورفل ضلن يحضرن عرس غفران لان كلشي جهزت الها امها
بس الحنه عمي ماقبل گالهم اخوها ماصارله كم شهر من مات فشله من الوادم ابنه ميت وندگ ونرگص
ماكو حنه

ام الولد ماقبلت گالت هذا وليدي واول فرحتي تردون ازوجه سكتاوي شو بتكم صارت چنتنه
ومنه وبينه اذا ماتسوون حنه اخذها اسويلها حنه ابيت اختي وهم هيه تفرح وهم احنه يحضرن كل حبايبنه
عمي من سمع كلامها وافق لان الاهم الحنه ماراح تصير ابيتنه

للساعه ب 1الظهر رجعت ام سجاد محمله اشكال والوان بسطت بالغراض بالغرفه جايبه ملابس للطفله يخبلن عيني شاهت ارفع واحد وابوس الثاني فرحانه
اتقربت منها بستها كتلها والله خاله من فرحتي سويتيلي واهس كون هسه اجيب والبسها ذني الملابس

ام سجاد،، بالعافيه بنيتي الله يسهلج وتفرحين ببنيتج

زينب،، لواء فتح محفظته طلع ورقتين انطاهن ل ام سجاد
ماقبلت رادت تزعل منه گالتله اعتبرهم ذني هديه مني البنت اخوي

ام سجاد،، لواء لاتخليها تكوم خل تستر علينه بس ذني الشهرين عاد من توصل شهرها نرتاح واحنه نگلها كومي اشتغلي حتى تجيبين بسرعه ماتعبين بالولاده

زينب،، لواء ساكت يفرك برگبته وجها مطعون
عافنه وطلع يتعكز

ام سجاد ضلت يمي هي ورفل قايمات بواجبنا اني ولواء حتى يطبخن وينضفن البيت

الاربعاء صادفت حنه غفران اخذنها للصالون امها وام سجاد رفل راحت وياهن ع الواهس مبدله ومرتبه نفسها بس لان مناك راح ياخذوها البيت خاله العريس

مارجعن غير للمغرب رفل كل شويه وطگتها ضحكه امها تضربها ماترضه تكلها اسكتي فضحتينه فشله من خاللتج وهاي اطكهن ضحكات دموعها تجري من الضحك
اخر شي كالت وللج زينب العرريس تحففه

كتلها شبي؟؟

رفل،، كللشييي تلگين بييي هههههه
ولج صابغ الگذله شگره ولابس بنطرون اذا تنفخين علي يخرط وساعتها تخترع الوادم هههههههه

ام سجاد،، ومرض اسكتي يمكن خارط بنطرونه وخارعج موو؟؟

زينب،، غير تسكت رفل مددت بالگاع فحطانه من الضحك شبعت رزايل ومسبه ونعل وماترضه تصم حلگها تسكت وعلى غفله اطكها بضحكه خلتني حتى اني اضحَك تالي ام سجاد كالت اني اعلمجن رايحه اصيح النذيره اگلها يعيبن على نسيبج

عافتنه وطلعت يالله سكتنه همزين لواء ماموجود بالمضيف جان رزلنه ع الواهس

وره عرس غفران بيوم ام سجاد راحت لبيتها وخطيه وصتني الف وصيه لاتكومين ولاتتحركين

بعدها بدت المشاكل عمي ولواء يوميه ينفتح موضوع حنان لواء گالهم موشرط اخذها وجهال اخوي يوميه اجيبهم يمكم اشبعو منهم

ابو ماقبل كاله بعدهم اطفال تحرمهم. من امهم اخذها واحتوي اولاد اخوك وخلي يرتاح بكبره
بس جان المريحني رفض لواء القاطع بخصوص الموضوع
مادام هو ماموافق عليمن اضوج؟؟

وره اسبوعين اني نايمه مااتحرك حدي للحمام وبس حسن صار الفلبيني مالتنه هو يجيب اكل جاهز النه نكعد نتعشه سوه بغرفة لواء

ونذيره تسوي عشه ل امها وابوها لان اكلهم مشويات
وره كم يوم انتبهت لواء ماله خلگ
ضايج مايتحاجه ابد صاير نار كبره

بليل كال باجر روحي لهلج اخواتج وامج يدارنج اهناك لان فشله حسن تعب النهار كله يجيب ويحط جدامنه

اقتنعت بالفكره لان صدك فشله من حسن يجيبلي اكل واني نايمه تالي ثاني يوم لميت غراضي واخذني حسن لهلي من ردت اطلع سلمت على لواء جرني حضني بقوه
عبالك تراجع مايريدني اروح

بعدني عن حضنه وحط عيني بعينه حجه بهدوء ولمعه بعيونه

لواء،، زينب احبج والله
دائما اتذكري هذا الشي

يتتتبع

بليل باذن الله ينزل بارت الغصون وذياب بس يتاخر شويه
فدوه لتنسون التصويت 😘