رواية ضحية لمن لايرحم الفصل الثالث وخمسون 53 - بقلم زهراء الحسناوي

تتذكرني؟؟؟؟

تذكرني بس كون
گلبك الذاكره تسعفه
انه اول نبض دگيت بي
واول هوئ ورجفه
لوحه وبيه نار وليل
بلابل شاردة وزفه
انه المن خذت چفك
كلشي مابقى بچفه
انه الظل اثر جدمك
لهسه طابع بچتفه
جمع صورتي من الريح
كض محارة العفه
الگالي بخيالك خيط
فك سنين ملتفه
دور وين ماشي الموت
واندل جرحي من نزفه
دور عن ملامح روح
ملامح وجهي مختلفه
دور مثلي من ظليت
ادور للدمع صرفه
من خليت بيه احبابي
والشمات تتشفه
صرت بموقف الينباگ
لحنه اواحد يعزفه 💔💔💔

غصون

،،،،،،،،،،،،،،،،،،،،،،

غصون،، ساره طلعت بره لان متفقين اني وياها تروح توكف خارج الاستقبال وتتصل ومن تسمع صوت نغمه موبايل نور راح تدخل ونكشفها
هي طلعت واني احس كاعده على نار الوب

نور تسولف وتضحك ومنطلقه وذياب يبتسم الها ادري بس لان اني كاعده هيج يتصرف لان احس بي يتعمد يخليني اغار

اتاخرت ساره وگلبي انقبض عيني ماشلتها عن نور كل شويه اگول هسه اسمع صوت موبايلها واكشفها واثبت برائتي
تالي من شفت ساره اتاخرت ردت اگوم عمتي گالت يمه شوفي الجدر وياج مال التمن

اجت تصخيرتها بوقتها گمت صارت بوجهي ساره اباب غرفتي اشرتلي اروحلها
رحت بسرعه فتت وسديت الباب

وينج صار ساعه انتضر كل شويه اگول هسه تتصلين

اباوع الساره صافنه بالموبايل رفعت راسها مثل واحد مصدوم
سالتها شبيج؟؟

ساره،، ولج اتصلت طلعلي رجال يگلي هله بغصونتي

غصون،، مثل واحد ضربني على راسي همست شنو؟؟

ساره،، والله اول مافتحت الجهاز اتصلت جاوب واحد يگلي ليش غالقه جهازج ومخليتني انتضرج؟؟
كل ضنه انتي

غصون،، مااتحملت نزلت دمعتي وگعدت بالگاع قوة ماعندي
كل افكاري بهذا الموضوع طارن جنت فرحانه ماصدگت ساره تصف وياي

ساره،، ادري على منو تبجين؟؟

غصون،، والله ساره والنبي جذاب مااعرفه

ساره،، اصلا ادري متعرفي لان مبين مدفوع
بس المشكله اشلون نثبت هذا الشي؟؟

اذا اتصلت هسه من رقمج ودگ موبايل نور اكيد ذياب راح يشوف الرقم ويمكن اصلا الصفيره حافضته وراح تتعمد تشوفه لذياب
وساعتها ذياب راح يكول الجهاز اني ضامه شنو الوصله يمكم؟؟

لازم نفكر زين حتى مانترك شي ورانه

غصون،، احنه بالبدايه اتصلنه ع الرقم الغريب لان فكرناه هاي نور وحاطه الرقم بجهازها ف گلنه اكيد اذا اتصلنه بيها راح يرن جهازها

وفكره ساره صحيحه لومتصلين من رقمي على رقم نور المعروف جان ذياب شك بينه

دخلت للغرفه لان بعد مالي نفس اطلع اصلا
بس ساره لحت گالت لاتضلين خانسه بغرفتج اطلعي وخليها تنقهر لاتبينين كدامها انتي وذياب متزاعلين بلكت تسوي شغله غيرها وساعتها نكشفها

طلعت يمهم بس مبينه ضايجه

نور احتارت شتسوي كدامه ساعه توگع جزدانها وادنگ والله من يمي استحيت
لان تنطي ضهرها اله من ادنگ

وهي لبسها ماشاءالله كله ستريج لزگ ع الجسم
ماتدري اني الستريج البسه جوه هدومي ادفه بي

عفتهم ورحت للمطبخ اساعد عمتي وساره استغلت الفرصه مال ذياب كاعد جوه قفلت الجهاز وصعدت تركض رجعته المكانه
من نزلت اجت تلهث حاطه ايدها على گلبها لان صعدت تركض ونزلت تركض
لايلگفها ذياب

بقت سالفه الولد ابالي منو هذا؟؟
ومنين جاب رقمي!؟؟
وشنو معرفه بااسمي؟؟

اجتني فكره بس متاخره گلت اخذ الرقم وادزه لمثنئ اخوي لان مثنئ من يقلد صوت البنت محد يكدر يفرق انو هو ولد گلت اخذ جهاز ساره لو عمتي وادزله الرقم يتصل بي يستدرجه بالحجي ويفهم منو هو بلكت الله يكت السالفه وينفضح هو والدازه

صبيت التمن وساره صبت مرگ رجعت حضرت اللبن والزلاطه دااخلي الزلاطه بالمواعين دخل ذياب
درت وجهي
بنص المطبخ حاطين ميز طعام داير مدايره كراسي
بدون ماانتبه ردت اعبر انضربت بصدره ك رده فعل. من عنده لزم ايدي

دخلت نور شافتنه نزلت ايدي منه تركتهم وطلعت
رحت فرشت السفره صرت انقل بالاكل شويه واجه كعد ونور كعدت بصفه تحاول تغثني بتصرفاتها بس غلست عنها

ساره كعدت بصفي اتقربت مني حجت بدون محد ينتبهلها

ساره،، اجتني فكره كون تضبط

غصون،، رفعت راسي ردت احجي خزرتني تمنعني احجي اشرتلي بعيونها بمعنئ اكلي

كملنه عشه وذياب ابد مايباوعلي شكد عيني الكاها تسرق النضرات اله بس هو ولاكأن اني كدامه
وره العشه سمعت عذراء اتكله

عذراء،، ذياب البارحه شفنه غرف نوم يخبلن واخذنالهن سكرينات وحفضنه رقم النجار حتى تسوون غرفتكم عنده يخبل شغله

غصون،، ذياب ماناقشها بس گالها الله كريم.
فاجئتني ساره من حجت

ساره،، نوره انطيني موبايلج خل اشوف الصور واخذ الرقم لان محتاجه اغير غرفتي

غصون،، نور مدت ايدها الجنطتها طلعت جهازها انطته الساره اني من يمي گلبي صار يدگ لان مبينه ساره تريد تشوف رقمي موجود بجهاز نور

شويه وساره رجعت الجهاز كالتلها شكره اخذت الرقم مال النجار

تركتنه وطلعت لحگتها بدون ماتنتبه نور لان من تشوف ذياب تفقد ماتعرف الخمسه من السته تضل صافنه على يوزر سيف تركتهم
ورحت للمطبخ
گتلها بشري؟؟

ساره،، لا ماكو رقمج عدها دكيت اول كم رقم ماطلع بالتنبئ مال الجهاز تالي مسحتهن لو موجود رقمج جان من اول اربع ارقام يطلع بجهازها

اتركيها هسه وداعتج السالفه ماتبقى فتره اذا ماتطلع ريحتها وساعتها امسح بيها طارمتنه ذهابا وايابآ

غصون،، خابت كل توقعاتي بعد ماطلعت يمهم لان ضجت كلش گلت مابيها مجال لازم اخذ الرقم من جهازي وانطي لخوي

للساعه عشره بليل يالله راحن اخذهن ذياب
وساره اجه عليها زوجها
احب اسبح وانام من واني صغيره متعلمه بالشته اسبح وادثر

اخذت ملابسي والخاولي ورحت للحمام سبحت بسرعه ذكرت ذياب ماموجود كملت سبحتي بسرعه لبست وطلعت باوعت من الشباك مال المطبخ بعده ماجاي وبسرعه طگيتها ركضه لفوگ

ساره گالت لگيت الموبايل ويه الكتب مالته اذا غرفته كلها عباره عن كتب وخرائط مال بناء ومخططات صايره هوسه ادور منا وارجع منا لافه راسي بالخاولي صايره فوگ راسي علوه شكبرها اليشوفها يخترع

اهواي دورت ماكو الموبايل مدري وين دحسته ساره تالي گلت خل اطلع لايرجع ويشوفتي وساعتها تصير طلابه

ركضت للباب اول مافتحته صار بوجهي
مو تكول شفت بشر لا عبالك جني ردت اصيح من الخوف لان حتى ماسمعت صوت سيارته

حجه بصوت ناصي مضيگ عيونه يتقدم واني ارجع لوره

ذياب،، شتسوين اهنا؟؟

غصون،، بقيت صافنه بوجها مااعرف اجاوب

ذياب،، موگلت لتصعدين؟؟

غصون،، تجاهلت كلامه ردت اتركه واطلع لان اعصابي تشنجت من الخوف وخاصتا احس روحي حراميه ولزمني متلبسه لان اجيت اخذ الجهاز تالي لزمني

ويه ماردت اعبر لزمني من ثوبي من جهة كتفي رجعني وكفت كدامه

ذياب،، وين شارده؟؟
سالتج جاوبي
شستوين اهنا؟؟

غصون،، تحس تيهت حلگي من الخوف اريد اجمع كلمتين واحجيهن مااكدر
اباوعله نزع جاكيته وشمره
بعدها جر البلوز نزعه وشمره هاي كلها واني صافنه وين يريد يوصل بالنزع؟؟

تالي بسرعه دگ عندي ناقوس الخطر ردت انهزم رجع لزمني ارتديت للخلف

ذياب،، اكيد صاعده ابالج شي

غصون،، مافهمت شيقصد
يحجي ويتقدم صفيت ويه حافة الجربايه

كتله مافهمت ش شنو قصدك؟؟

ذياب،، سبحانه ومترتبه وصاعده الغرفتي
شنو تريدين اوضح اكثر؟؟

غصوت،، طخت عندي السالفه بس بلحضتها فات الاوان اقترب مني جر الخاولي من راسي احس گلبي يريد يطلع
اباوع بعيونه تملكني خوف موطبيعي اجت ابالي من اتقربلي اول مره ردت انهزم ماتركني

بجيت همس اسكتي انتي الاجيتي

كرهت روحي لان صعدت الغرفته بتصرفه حسيت احساس بشع بعدين عرفت شنو معنئ
مثل وحده رخيصه شامره نفسها گوه
رغم طردني اهواي رجعت صعدت متاكده اعتبر وجودي بغرفته الخاطر يصير بيناتنه شي

ابتعد مني جامده بمكاني ارجف الثاني مره يتملكني هذا الشعور الحقير همس يم اذني

ذياب،، كل ماتصعدين لهنا راح يصير نفس هذا الشي لان انتي الجاي تجيني برجليج مبين عجبج الوضع

غصون غمضت عيوني حيل اتمنيت لاصعدت ولا دخلت للغرفه
تركني طلع ورگع الباب وراه تحس على ساعه يفقد اعصابه

اريد انهض رجليه احسهن ثگال
عقلي متبنج خوف ارتباك قهر كل احساس مؤلم وبشع احسه بداخلي
عدلت گعدتي ونهضت اسحل بروحي فتحت الباب ونزلت ابجي بحرگه يتعمد يهيني

بيومها مانمت للصبح ابجي سبحت مره ثانيه باوعت لرگبتي اكو اثر كرهته قاطات كرهي اله جسمي يرجف يرجف اريد اسيطر على اعصابي مااگدر

غمضت عيوني حيل مااريد اذكر شي
كرهت كلشي بذياب
للصبح عقلي يشتغل مانمت غير ب 6

كعدت اسمع صوته بالبيت يحجي بصوت عالي رفعت راسي باوعت الساعه 12ونص
عمتي ماتگعدني ابد اله اني اگعد

لان ماعنده شي بس اني وياها وشغلنه من الليل نغسل مواعينه لو نرتب لو نلف كبه نجمدها
يعني الصبح كلشي ماكو

اتعمدت مااطلع مااريد اشوفه صارت بيه خوفه من يكون موجود لان كل كلمه يحتقرني بيها يحسسني ماعندي اخلاق
وصلت المرحله كرهت كلشي بسببه

احس وياه استهلكت نفسي وطاقتي
حاولت احجي واشرح ماانطاني مجال
طاقتي نفذت ماعدت اتحمل شي
اتمنيت اطلع من هذا البيت انعزل بمكان مابي بس اني

وره يومين تفاجئت من عمتي گالت ذياب
مشتري غرفة خشاب مختارتها نور ودازه صورتها لذياب وهو رايح متفق ويه صاحبها ومشتريها وبعد يومين يجيبها

اتعمدت مااشوفه ولايشوفني خلصن اليومين وجاب الغرفه الجديده اسمع بس هوسه العمال يصعدوها للطابق الثاني
ماخلئ شي بغرفته لان اخذ الغرفه الثانيه گال غرفتي القديمه تبقى مكتب الي ولكتبي

اهواي ضلو العمال يشدون بالغرفه تعبت وانحصرت اريد اطلع للحمام
فتحت الباب ماكو احد كلهم فوگ
اشرت العمتي صحتلها
كتلها عمه اريد افوت للحمام
كالت روحي منو يمج كلهم فوگ
ردت البس عباتي كالت ولج يمه محد يشوفج فوگ ينصبون الخشاب

مالبست العبايه وطكيتها ركضه للحمام بس شامره الحجاب على راسي

من طلعت تفاجئت ذياب هو والرجال نزلو ماكدرت اتراجع لان وصلت يمهم اباوع ذياب وره الرجال ينزل
خزرني خزره ردت اوگع من الخوف
الرجال هم دنگ وطلع واني ركضت الغرفتي

دخلت وسديت الباب شويه وجان يندفع الباب بقوه تحسه يريد يتعارك

ذياب،، موگلت لحد تطللع؟؟

غصون،، اجت عمتي تركض كالتله ولك يمه اني كتلها اطلعي عبالي بعدكم ماتنزلون

خزرني وطلع تحسه واگفلي ع الزله بس يريد يرزلني
تركني وطلع

لليل مختنگه ردت بس ابجي
بالعشه ماطلعت يمهم ماالي نفس الكلشي
سمعت صوت سيارته شتغلت عرفته طلع

الساعه بالعشره تقريبا ضجت وحدي بالغرفه رحت الغرفة عمتي لگيتها نايمه
رجعت اخذت مخده وبطانيه ورحت للاستقبال دفعت الباب ورديته وراي ماسديته حطيت المخده هي والبطانيه ع القنفه ورحت شغلت التفلزيون
جبت الريمونت خليته بيدي اگلب بالقنوات ساعه اشوفلي لقطه مال مسلسل

ساعه برنامج ومستمره صارت كداميه لقطه من فلم يبوس البطله
ضليت فاتحه عيوني مركزه وياهم وگلبي يدگ سريع اجه بلحضه على بالي ذياب من باسني اول مره
حسيت احساس مااعرف بشنو اشرحه بس مومثل من باسني قبل كم يوم كرهته بساعتها لان حسيته جاي يذلني بسرعه گلبت القناه

طلعت اغنيه ل محمد عبد الجبار اول مره اسمعها بوكتها اسمها شمسين توها بدت تركت الريمونت على صفحه وصفنت ع الاغنيه وبكل كلمه اتخيل نفسه اني الي جاي اغنيها لذياب لگيت روحي وحدي استمع الكلماتها وابجي
احسها لمست روحي بكلماتها العذبه وبدون وعي ابجي بدون صوت

لتسولف علينه من يسألون
عيون الناس لاتحسد عشگنه
واذا طلعت شمس فوت انت للبيت
لان شمسين معناها احترگنه
مكانك لابگلبي ولابالعيون
كل جسمي الك من جدمي للراس
مرات ارد ابوسك لكن احتار
اذا كلك خدود منين تنباس؟؟

الموسيقى الحزينه والكلمات كفيله تخليني ابجي بحرگه
درت وجهي الجهة الباب انصدمت بوجوده يباوعلي بكل هدوء بنضره ماعرفت افسرها
ضياع
حزن
شك
صدق
جمعت كلشي بيها
دفع الباب بهدوء عدلت گعدتي وخرت البطانيه
مسحت دموعي ونهضت صار يمي مايفصلنه شي
دنگت لان ماكو مجال اعبر

رفع وجهي بيده باوعت بعيونه جر حسره طويله
مسح دمعتي ودنگ بكل هدوء طبع بوسه على شفايفي
تركني وطلع بقيت بمكاني ماعدت احزر تصرفاته شنو اذا مايحبني ويشك بيه ليش هيج جاي يسوي

من هذا اليوم كثرت جيات نور بحجه ديكور الغرفه والترتيبات مع العلم بعد ثلاث شهور العرسهم

تعبت نفسيتي كلش لان اشوفها تتحرش بي اموت الف موته بداخلي اكول مو اني اكرها جا ليش جاي انقهر مااريدها يمه؟؟
وصلت المرحله نفسيتي ادمرت وحلفت بس تثبت برائتي يكون اعتذاره الي طلاگ وبس
يحررني منه وينتهي كلشي

بس لازم اخذ الرقم لان ماعدت اتحمل اكثر
صرت اكعد من الصبح من يروح للدوام حتى اصعد للغرفه ادور ع الموبايل براحتي
المشكله يقفل غرفته من يروح اول مايطلع اصعد اركض افتح الباب ماينفتح
اشوف ورقه بين الباب والحايط توكع مطبگه وصايره عاليه
اكثر من ثلث مرات من يطلع الصبح اصعد توگع نفس الورقه وحتئ لايشك انزلها وياي واشمرها بالزباله

رابع يوم من راح للدوام صعدت اركض ولحسن حضي شفت المفتاح مشكل بالقفل طرت من الفرح لان مبين ناسي

فتحت الباب ودخلت مأمنه هو ماموجود
دورت ع الجهاز بكل مكان واخيرأ لگيته بين الكتب بالمكتبه

سحبته وفتحته لان مقفول
اول مارحت للرقم اريد اتاكد من الصوت
بسرعه انطيت اتصال

وبنفس اللحظه انفتح الباب ودخل ذياب

يتتتبع