رواية ضحية لمن لايرحم الفصل الثالث وسبعون 73 - بقلم زهراء الحسناوي

البارت الأخير

ضحيه لمن لايرحم

بقلم زهراء الحسناوي
،،،،،،،،،،،،،،،،،،،،،،،،،،

افترقنا
وذهب كل منا في طريقه
ليس عليك ذنب
وِلا أنا
الحياة قاسية والطريق مظلم
عاد الأمل الئ قبره وِعدِت انت وحيد
بينما انا مستمر في عزلتي وِكأبتي ،
وِأنِا مازلت انتظرك

،،،،،،،،،،،،،،،،،
صباح الورد والياسمين
بنات حنزل بارتين ختام قصة زينب هذا بارت والعصر بإذن الله بارت تكمله
اما قصه غصون هم انزل الها بارت وحدها
شكد ماردت اختم القصه بكم بارت ماكدرت لان احداثها اهواي حتقرون وتتاكدون شكد احداث خصمناها حتى نختم
قرائه ممتعه
،،،،،،،،،،،،،،،

زينب،، احس لعبت نفسي دخيل الله شنو من بشر ذني
حنان حقيره منتهين منها بس نذيره اشلون انطاج گلبج هيج تسوين بااخوج

حسن يحجي واني ساكته

حسن،، لوتشوفي زينب هسه رد الدم بوجها
رجعنا للبيت مفتح ومنتبه مو مثل البارحه والله گلت مايصبح علي الصبح بس النفس يصعد وينزل
سبحان الله يحيي العظام وهي رميم

يالله بعد اخوج انه رايح عدنه خطار
بس خل تگفض الوادم هليومين واحاسبهن وحده وحده

زينب،نهيت المكالمه ويه حسن
سمعت صوت عمي گمت رحت يمه
لگيته واگف بالباب يسولف ويه امي على سالفه البيت گالها لگيت بيت نظيف وبنائه زين جديد بعد بس نلگه بيت ثاني النه نشيل ونبتعد عن المشاكل

گتله عمي فوت اگعد خل نشرب جاي ونسولف
دخل عمي گعد ومريم راحت تسوي جاي امي ماتحجي ابد. ولاتناقش عمي تحترمه كلش
ومن يحجي تكله ابو مثنئ خيي احنه من ايدك هاي ل ايدك هاي

وعمي هم يحترمها دائما يسولف بيها من تصير مشكله ونسمع بيها يكول ذيج ام احمد سنين صارلها عدنه مايوم سمعت صوتها عالي
اختي بنت امي وابوي مااعزها بگد ام احمد

اجت مريم جابت الجاي
بس الدمعه بطرف عينها
كعدت يم عمي شال ايده حطها على راسها بجت

ابو مثنئ،، يابويه منو ويه مريمنه؟؟

مريم،، عمي لانشيل منا والله مااعرف اعيش بغير بيتنه ومنطقتنه خلونه اهنا ومالنه شغل بالوادم

ابو مثنئ،، نظل لعيونج والخاطرج بس راح احجي وافهميني واذا كلتي نظل بعدها وعيوونج ماننتقل بس سمعيني

زينب،، مريم دنگت تستمع لعمي

ابو مثنئ،، بنيتي وجودنه بالمنطقه صار غلط وخطر
اذا اليوم اني ساكت ومسيطر على ابني مااخلي يروح ياخذ ثاره من ال منهل لان همه قبلو بالفصل واخذو ورجعو سوو دگه عشائريه علينه

باجر هاي الشباب الزغار تكبر
والناس الماتخاف الله اهواي وراح يخلون حطب على النار حتى يرجعون يشعلوها وشبابنه يرحون ياخذون ثارهم لو ال منهل هم راح يصير عدهم اولاد ويكبرون وهم يردون ياخذون ثارهم من عدنه
ساعتها هاي الطلابه راح تروح بيها وادم مابها ذنب
وطلابه تجر طلابه وثار يجر ثار وتصير بحر دم
بيناتنه

اليوم انه مسيطر على مثنئ بحجه چتلنه ابنهم وهمه اخذو ثارهم
باجر من يكبر مرتضئ واخوانه الاصغار والشباب يحشون راسه بحجه انطيت اختك فصل ورجعو اخذو ثارهم وترجع السالفه تعلگ من جديد
تقبلين بهذا الحجي انتي؟؟

زينب،، مريم تبجي هزت راسها بمعنى لا

ابو مثنئ،، جا اذا ماترضين اشلون تردينه نظل بنفس المجان واحنه عشيرتين بيناتنه دم موماي يابويه

مريم،، هذا هو عمي نشيل

ابو مثنئ،، الله يرضه عنج بعد عمج
وهم باجر تصيرين بنت ولايه وترحين كليه
انوب ماتحلالج الجيه لهنا تكولين شعندي رايحه للعرب

زينب،، مريم ضحكت على سوالف عمي يعرف اشلون يقنعها
شرب جاي راد ينهض گتله عمي من رخصتك عندي سالفه وياك

ابو مثنئ،، احجي بنيتي

زينب،، عمي انه اشلون بسالفتي؟

ابو مثنئ،، والله يابويه تره انه ماساكت عنج مرتين رحت لشيخ عشيرتنه حتى يدزون على لواء حتى يطلگ بس كلنه ندري يگولون مريض واصل الموت
وهسه اليوم سمعت بي صحته زينه بلكت كم يوم واخذ وادمنه وشيوخنه حتى يطلگ ونخلص منهم

زينب،، دنگت ماحجيت وعمي تركنه وراح

يوميه يتصل حسن بيه بليل هم يسمعني صوت فاطمه وهم يحجيلي شنو يصير
يوميه اثناء كلامنه يسولف عن وضع اخو والافتهمته وضعه تحسن صار ياكل وينهض ويروح وحده للحمام
اسبوعين رجع وضع لواء كلش زين

يومين اتصل حسن مايجاوبني گلبي انعصر
من مايجاوب بسرعه عقلي يصير يصورلي شغلات تخوف بخصوص فاطمه
ساعه اكول اتكهربت ساعه اكول انجوت ساعه اكول غركت

اسمني بالي يمها اخاف عليها اكثر من روحي
لامرتاحه ولانايمه ليلي افكر بيها
ماانام اذا ماثوبها النزعته اخر مره بحضني اشم بي اشم بعطرها يالله انام

ثالث يوم اتصل حسن تحسه يريد ينفجر
نهضت من يم امي الماقابله اتصل بحسن بس لان بنتي عدهم تسكت ماتحجي من تشوفني شايغ گلبي على بنتي

دخلت للغرفه احجي وياه يرعد ويغلط ويشتم بااهله وباابو وامه ماخلئ واحد ماشتمه
كتله خير خيي شبيك منو وياك؟

حسن،، ولج ذني الس..... اليوم تعاركت وياهن گتلهن لاعبالجن نسيت سالفه مرض لواء وشنو طلع من امعائه اليوم تكتن الاكو والماكو والماتحجي طلقه احط براسها
ولج زينب كل وحده صارت تحلف ب امام اتكول مامسوين ومنين جبت هذا الحجي

حجايه مني وحجايه منهن گبت العركه ولواء سحل حنان شبعها كتل لان علت صوتها عليه
اول مره اشوفه هيج فاقد

تالي راح جاب كلام الله حطه جدامها
گالها اتحلفين مالج ايد بالسالفه ومامسويتلي ولاالج علم بالمسويلي العمل؟؟

زينب،، وحلفت؟؟

حسن،، ولج حطت ايدها على كلام الله ثلث مرات دگت القران تحلف ماالها علم بالعمل ومامسويه
ونذيره هم حلفها بس جانت خايفه عكس حنان
اتكول الحلف عدها هين

حتى لواء مايعرف شيسوي لان مرته برئت نفسها بالحلفان ونذيره هم

ريت الله يكسر رگابهن على حلفهن
حتى ضغطي صعد بسببهن

زينب،، بگلبي گلت التسوي عمل وسحر وماتخاف من الله بعظمته وشأنه ولاتحسب احساب الغضبه عليها
مستحيل تخاف من كلام الله وعدها الحلف مثل شربة الماي عادي

وره كم يوم عمي گال باجر الگعده بمضيف الشيخ مالتنه بحضور بني اجوادنه والساده والناس الخيره التفتي بالحگ
وهم عشيره ال منهل وبني اجوادهم ومشايخهم

انشاءالله يطلگ ونخلص من السالفه كلها

زينب وفعلا ثاني يوم عمي ومثنئ وكم واحد من گرايبنه انجمعت الوادم بمضيف الشيخ مالتنه
حتى يخلون لواء يطلگ

احس گلبي نار مثل حبل مربوط على رگبتي اريد احرر نفسي منه وارتاح
صح حسن حجالي بذني الاسبوعين اشلون لواء بده يسترد صحته ويتذكر كل السواه ويتعجب بنفسه وعمايله وحتئ جتل احمد گايللهم
ماجنت مفكر اكتله وبمرور الوكت گلت الله يحاسبه

بس مااعرف احس واحد گاعد بعقلي يدفعني حتى اخذ ثاري واحس مثل الغمامه على عيوني مااشوف

كل كلام حسن ماشفع لخو عندي واتمنى من كل گلبي اخلص منه

راح عمي والوادم للمشيه للمغرب يالله رجعو
جان عندي امل الشيوخ والوادم الراحت راح يضغطون علي ويخلو يطلگ

بس من رجع عمي وشفته صاير نار كبره وعصبي
افتهمت لواء رافض الطلاگ
وطالب من الوادم محد يدخل لان مستحيل يطلگ

مثنئ يحجي الافتهمنا السيد گايله مايصير
ب اي حق وشرع تخليها على ذمتك وانت اخذت ثارك من اخوها؟
طلگها وخلها تروح بحال سبيلها
بس هو عايف الوادم وطالع حتى مامكمل الگعده

روحي شبت بنار احس گلبي صار يركض ركض

لواء مايدري كل يوم يمر واني على ذمته اموت الف موته
لو مو سالفه السحر بس نزل من عيني وطلع من گلبي بصوره بشعه

غصون،، ساره كل اسبوع او اكثر اتصل بيها لان ضلت مسافره اربع شهور والدكتور هم كالهم لازم تضلون شهرين لان موزين عليها الطياره خل يثبتون الاطفال

خطيه اخر اتصال گالت خلصت فلوسنه واتصلنه بذياب حولنه ملبغ من عنده
الحمدالله بيها تؤم ولد وبنت لان بالزرع مال الاطفال زرعو اربع اطفال اثنين ميتين واثنين عايشين

طايره من الفرح صح كل اسبوع يالله اتصل بيها اكول فشله من رجلها خاف يمها بس مرات اذا مااتصل تزعل تكول وحدي بالشقه كاعده اضوج مااصدك ارجع للعراق واشوف فرحة امي

گتلها والله حتئ اني فرحانتلج من كل گلبي وبكل صلاة ادعيلج
كنت اسألها على وضعها گالت غصون تره ذياب طلگ نور قبل كم يوم تره صارلها اكثر من سنه عد اهلها وكل مايريد يطلگ تجي ناس حتى يرجعها بس هو جزت روحه منها يگول التخطط هيج وتسوي مصايب كلشي اتوقع منها

طلگها وهلمره عذراء موبس رجلها ضدها لا هلمره كل عيالها ضدها مجزعيها
عمتها من جها تحشي برجل عذراء حتى يبسطها
ونور هم كلساع ومطلعه سالفه تخليهم يتمالخون

صار يضربها كدام شريجتها يفشلها وذيج بس تضحك على عذراء
حتى امي جزعت وتعبت من مشاكل عذراء ورجلها وهي مره جبيره وذياب ماله شغل بيها من يوم السالفه لسه مايحجي وياها حالف لايعرفها ولاتعرفه

بنهاية كلامها حاولت تقنعني احجي وياه
بس انطي مجال نحجي سوه
گتلها خل انطيها الج من الاخير
حتى لو جانت عندي نيه او اكو امل بيناتنه انو نرجع بيوم من الايام
بس بعد ماابن عمج كتل ابن عمي من سابع المستحيلات ابوي يقبل ارجع لخوج
لان سالفة الثار موهينه ساره

من تسمع كلامي تسكت تكول ضايجه على ذياب
لان خطيه اتندم وعرف غلطه
سكتت ماحجيت

نهيت كلامي ويه ساره لگيت روحي ادخل على حسابه اريد اشوف شنو ناشر من زمان ماداخله للحساب

ناشر كم منشور من ضمنهم شعر ناشره قبل ساعات

ذياب،، رحت ولهسه احس بعدك تعيش وياي
غير اقتنع رايح حتى ادور حل؟
اجيت بوكت مامحتاج اسولف بيك
وصرت راس السوالف واللسان اختل
مايستاهلك گالو
گلت مشتاگ
اليحب يضحي لتگلي اليحب ينذل

غصون،، اقره بالشعر وارجع ادخل ع الردود مال التعليقات من كلامه تحسه تعبان

طلعت گلبي معصور لا هو الاحتواني ولااني العرفت اشلون اكسبه وتالي اثنينه صفينه جروحنه غميجه

وره كم يوم صرنه نتراسل اني وزينب على صفحة الفيس مالتها
مرات اريد شغله منها اضل محتاره ف ضفتها للاصدقاء

صرت من ادخل للحساب نفس الحاله اشوف رسائل جديده بس مبين احد قاريهن هلحاله مره او مرتين صارت بمحادثه زينب بس بعدين لا صرت اشوف الرسائل محد فاتحهن

العصر رجع مثنئ صحتله لغرفتي
حجيتله ع الحساب وفهمته من زمان عندي سوته حماتي الي

مثنئ،، وتسميج دهن الثول؟؟

غصون،، ضحكت گتله لا سوته الي قبل يوم وجنت مسميمه الحساب غير اسم بس ثاني يوم غيرته الي

مثنئ،، ومنو غيرته؟؟

غصون،، ساره

مثنئ،، تره ماكو حساب فيس يتغير اسمين بنفس الاسبوع

غصون،، شنو يعني؟؟
اباوعله صافن بالجهاز كعد بالكاع وجر المخده حطها بحضنه والموبايل بيده كعدت بصفه اباوع وياه

مثنئ،، ماتكدر تغير الاسم اذا مامغيره الحساب كله ومسويه جديد

غصون،، دخل ع الاعدادات

مثنئ،، شوفي اكو غيرج فاتح الجهاز يمه
وقبل دقايق جان فاتح حسابج بجهازه

غصون،، ضليت صافنه حتى اسم الجهاز الثاني مكتوب
بسرعه كتله اي ساره سوته بموبايلها ويمكن ضل مفتوح يمها

باوعلي مامقتنع بسرعه طلع من الحساب انطا حذف
وسوالي واحد جديد برقمي
كتب الايميل رقمي ومدلي الجهاز

مثنئ،، اكتبي كلمة السر بس كون تضلين حافضتها موتنسيها

غصون،، كتبت كلمة السر وانطيته الجهاز
ضاف بس حسابه ودز لبوي طلب ولزينب
بس احنه

اهنا يالله طخت عندي السالفه وتاكدت ذياب الفاتح الحساب يمه حتى كلامه هو وساره بيوم الغيرتلي الاسم اذكره اشلون خزرها من رادت تحجي

وره كم يوم جنت بالمطبخ اسوي جاي بليل اشرب احب اشرب بكل وقت
اخذت الكوب ومريت من يم غرفة امي سمعت ابوي يحجي ردت اعبر ستوقفني اسم ذياب وگفت

ماكدرت اكمل فضولي منعني اتحرك اريد افهم شنو السالفه
الافتهمته اكو سيد دازه ذياب لبوي واسطة خير يريد يرجعني وابوي خاصم الحجي ويه السيد
گايله احنه عشيرتين بيناتنه ثار

انطيتهم بنتي بدون اي حقوق وتالي الف سالفه طلعو عليها والحمدالله رجعت ومامستعد افرط بيها
وخاصتا هسه همه اخذو ثارهم يعني العداوه زادت مانقصت بيناتنه

كملت طريقي للغرفه
جريت موبايلي عندي اهواي حجي
بس اخاف احجي واذا حجيت ماراح يوصل مرتب مثل ماارسم واحجي واعتب واتعارك بدماغي

شمرت الجهاز مختنگه
هذا هو ابوي خصم الحجي وبعد مستحيل يقبل يرجعني لذياب
لازم اطوي صفحته وهلمره للابد

اطوي صفحتكم وارد اقراها
هي گوة عيونكم ننساها؟؟

زينب،، يوم يجر يوم وروحي معلعله على شوفة بنيتي
ماضل شي عن عمليتها وشايله هم من هسه اخاف عليها اتمنيت الالم والوجع يندارن جان درتهن إلي ولاشي يصيبها ولاتتأذه هي

بليل متمدده بفراشي ومريم يمي تقره عدها امتحانات رابع اعدادي
دگ موبايلي رفعتة عيوني صفنت ع الرقم

كلشي بروحي اشتعل نار بمجرد شفت الاسم
صار اكثر من سنه يم اهلي ابد مااتصل
شي بداخلي يمنعني اجاوب بس بدون تفكير فتحت خط وخليت الجهاز على اذني
اجاني صوته

لواء،، زينب

زينب،، بمجرد ماذكر اسمي احس احمد وگف جدام عيوني بسرعه سديت الخط اديه يرجفن
مريم صافنه بوجهي كالت منو اتصل؟؟
سكتت مااكدر احجي احس لشتي ترجف مو حب وانما كره وحقد وعصابي ماعدت اسيطر عليهن

اجتني رساله ع الخط

لواء،، زينب انطيني مجال احجي وياج
وداعة فاطمه احس بروحي جنت نايم وهسه صحيت وداعت بنيتي مااجذب عليج بحرف
ادري كارهتني لان اني كاره روحي اكثر منج
ومصدوم بروحي واول صدماتي حنان
بس انطيني مجال اكعد احجي وياج

زينب،، اقره وگلبي يدگ سريع صارت دگاته تاذيني اتمنيته جدامي احط سجينه بگلبه وماتبرد ناري

رجع دز رساله

لواء،، بس اريد احط ابالج جلَمتين خليهن ترجيه بااذنج
لو تنطبگ السما ع الگاع مااطلگ

زينب،، حتى ماكملت قرائه رسالته طفيت الجهاز طلعت الخط شمرته يم راسي
ماعندي استعداد اسمع حرف واحد

للصبح مانمت اتگول حط فوگ جروحي ملح
للصبح اتگلب بفراشي شكل احمد وهو يركض شارد وخايف منه مايروح من بالي
احنه مجرد نفكر بالموت الفكره ترعبنه وانخاف منها
شحال احمد شاف الموت بعينه يركض وراه؟؟

الله يساعد گلبك ياخويه
وانشاءالله حوبتنه وحوبة كل شخص مظلوم تطلع ب ال منهل

ثاني يوم لبست عباتي ورحت يم عمامي الضهر
لگيتهم كاعدين يتغدون

عمي سوالي مجال يمه گتله متغديه عمي الف عافيه
بس انه جيتي هاي المثنئ

مثنئ،، هله بيج خادمج اني

زينب،، خادم ربك خيي
بس اريد انطيك فلوس من تطلع جيبلي خط وياك جديد

ابو مثنئ،، يعني اله تنطي افلوس يالله يجيبلج خط؟؟
زينب،، سكتت

مثنئ،، اني اجيبلج خط وياي من اطلع العصر وتدللين

زينب،، دائما اشكر الله عندي عم گلبه طيب
ابد مامحسسنه احنه بعازه احد رغم هو هم وضعه موكلش زين بس تشوفه يصرف ع البيتين بدون ملل
امي قدمنالها ع الرعايه تستلم راتب كل شهرين لو ثلاث شهور مبلغ بس بهذا الوقت تاخرت المعامله

عمي كال اذا استلمت ام احمد راتب خوش راح يكون مبلغ زين حتى لو كل ثلاث شهور عاد يشيلنكم شويه
والافتهمته اني عمري 19سنه مو ويه امي بالبطاقه
بس اخواتي وامير لان قاصرين

امي بيوم القدملها عمي على رعايه الارامل كامت تبجي وتنعئ

ام احمد،، ردتك ماردت دنيا ولامال

زينب،، خلتنه كلنه نبجي عليها امي شمهما تدعي القوه جدامنه تبقى بداخلها محتاجه ابوي يمها
مرات اتكول البيت يحتاجله عمودين يسندنه
واذا وكع عمود منهن الثاني يتعب وعلى ساعه يوگع وينهد البناء

بعد اسبوع عن عملية فاطمه
احس بخوف موطبيعي
وبنفس الوقت اتمنى مااشوف لواء جدامي

بيوم الاشترالي مثنئ الخط رجعت الخط القديم للجهاز اخذت بس رقم حسن وارقام عمي وغصون
يعني بس ارقام اهلنه

قبل العمليه بيوم انقبض گلبي اتصلت بحسن
اسأله عليها

حسن،، يابه ليش خايفه تره سهله والله
هسه تموتين بسبب خوفج خليها وره الله واسكتي

زينب،، خيي الله يخليك خو ماگال الطبيب العمليه صعبه

حسن،، زينب ليش سموها عمليه؟؟
وشغله ثانيه انتي ماتردين بنتج تشييل الورم وترتاح؟؟

زينب،، مااتحمل بسرعه بجيت گتله من خوفي هيج احجي

حسن،، بويه توكلي على الله ومابيها شي انشاءالله
ويمكن على حجيج هذا مااجي اخذج وياها خليج بمكانج احسن
بعدنه ماگلنه بسم الله وانتي تتراجفين من هسه
جا باجر شيصير بيج من تدخل للعمليه؟؟

زينب،، بسرعه كتله لالا والله زينه اني عليك الله تجيني تاخذني واذا مااجيت الحگكم اركض وراكم حافيه
حجيتها وخنگتني العبره

حسن، يالله زنوبه صيري قويه وانشاءالله تشوفيها كلشي مابيها
اني لو منج افرح ماابجي لان راح تتعالج عينها

زينب،، جيبها يمي هسه والصبح اخذها منا اني وياها الله يخليك

حسن،، راح احجيلج سالفه
كفيلج الله من يوم الاتمرض لواء لهذا اليوم وخاصتا بعد ما طاب وصار زين مادخل لغرفة حنان
اخذ فاطمه ونايم بغرفتكم القديمه حتى هي صارت تسكت يمه لان النهار كله بحضنه ويطلعها وياه
ومهتم بيها وحتئ حنان ماله شغل بيها

هو خلاها لان ماعنده دليل عليها
والمصيبه حلفتله ع القران وبرئت نفسها

زينب،، سكتت ماحجيت لاتهمني حنان ولاهو يهمني
كتله خيي اهم شي لاتنساني راح من هسه احضر روحي حتى مايجيني نوم

جر نفس ادري يريد يحنن كلبي على اخو
مايدري گلبي اسود صار من حقدي عليهم

سديت الخط وحضرت عباتي وثوبي
وحجابي وتكرمون شحاطه ناصيه مال عجايز البسها
احس روحي كبرت عشرين سنه لجدام

اذكر قبل جم يوم اجت جيرانه يمنه ابنها بكد فطومه
من شافني اخترع ضل يبجي ومشكل بصدر امه يخاف مني ضحكت جدام الام بس بنفس الوكت انهضمت بداخلي
ال منهل خلوني بقايا انسان طفل شافني اخترع من شكلي على كد ماعضام وجهي بارزه وعيوني جواهن سواد موطبيعي غير الفقر الدم كلساع ادوخ
بس فقر الدم يرادله اكل واني منين اجيب النفس التشتهي تاكل

نهضت وكفت جدام المرايه شعراتي ينحسبن حساب لافتهن بقراصه مااحس عندي شعر براسي بگد ماخفيف
اباوع البشرتي الجنت قبل خبز مااخبز بدون مالبس نگبه اغطي وجهي بيها عن الحراره
هسه شكلي شاحب مثل ميت صارله شهر وراجع على قيد الحياة

همست بالحمدالله على كل حال
احسب للوكت حساب اخاف تاخذني نومه ويعوفني حسن ماياخذني وياه

خلص اليل كل شويه افز اباوع خاف طالعه الشمس
اخر فزه ويه صلاة الفجر نهضت توضيت مديت سجادتي وصليت
اندعيت دعوة ام لبتها
كتله ياالله بحق عظيم اسمك وبحق حملة عرشك
اطلعلي بنيتي سالمه وتتنوعلها يارب وتشافيها
بحق لا اله الا الله وبحق محمد رسول الله

لميت السجاده لفيت حجابي عدل
اهلي وعمامي يدرون بموعد العمليه امي ماقبلت اروح بس عمي كالها اذا ضلت يكتلها القلق
خليها تروح وياهم حماها رجال معدل
احسن من اهله

للساعه ب7ونص اتصل حسن گال اجيتج حضري روحج
مايدري اني محضره روحي من صلاة الفجر

لبست عباتي وجواريبي وشحاطتي وطلعت
اول مافتحت الباب مال الحوش شفت سيارة حسن
اجت من كترهم
سديت الباب وكفت بين مايوصل

وكفت السياره جدامي مانزل فتحت الباب مال كشن الوره وصعدت سلمت علي
سالته بااستغراب وين فطومه؟؟

حسن،، اخذها ابوها جدامنه هو وام سجاد

زينب،، انقبض كلبي ماردته يجي وياها
اتحركت السياره وحسن يسالني عن صحتي
واسأله عابره نريد يخلص وكت الطريف

وصلنه للمستشفئ من بعيد شفت سيارته
نزل وام سجاد نزلت وراه شايله فطومه احس گلبي طار اتمنه بحلظه اوصل يمها المها الحضني اريد بس اشبع من عطرها
احسها الجنه بالنسبه الي

ام سجاد وكفت على صفحه بيدها فاطمه وهو رجع للسياره يصفها بالكراج

وصلنه يمهم نزلت ماشافني لان راح
صارت بوجهي ام سجاد
شايله فطيم
شافتني دمعت عيونها
وصلت يمها فتحت ايدها والايد الثانيه لازمه بيها بنتي
لمتني الحظنها حيل وبجت

ام سجاد،، ييمه يزنيبه ولج خاله شصاير بيج؟؟

زينب،، مسحت دمعتي وجريت نفس اخذت فطومه من ايدها وگعدت على صفحه ع الكرسي
احس روحي حضنت الدنيا ومابيها
لميتها الصدري اريد ادخلها بين ضلوعي
اشمشم بيها فاصله مامهتمه للوادم التباوعلي

بنتي واستغربتني لان شهور ماشايفتني
ما مهتمه الوجودي عينها بكل مكان بس ماتباوعلي
لزمتها من خدودها ثبتت وجها باوعت بوجهي وبجت

اصعب موقف هذا بنتي جزء من روحي
اني التعبت بيها
واني الشبعت ضيم وقهر بحبالتها
تالي الطفله تباوع بوجهي خايفه تبجي
عينها العمتها

مدت ايدها ام سجاد شالتها مني سجينه نامت بصدري من سكتت عن البجي وحطت راسها على متن ام سجاد

ردت اگلها هذا متنج التنامين علي
مو متن غيري
صرت ابلع عبره وتخنگني الاصعب منها

نهضت من مكاني اريد اروح للحمام اريد اذب ماي على وجهي بلكت تهدئ نار گلبي

ممرضة دلتني بمكان الحمام رحت غسلت وجهي ومسحته بطرف عباتي من اذكر دموعها روحي تنعصر حقها اتخاف اذا تباوع بوجه هيكل عظمي

طلعت من الحمام بعدني توني مشيت خطوتين
اسمع صوت بنيه تمشي وراي تصيح خاله خاله

التفتت اباوعلها بگد مريم تقريبا بيدها جزداني
كالت خاله هذا الج مدت ايدها تقصد الجزدان
كتلها اي بعد خالتج الي
كالت من طلعتي من الحمام لگيته ع المغسله

اخذته منها الضاهر ملامح الكبر بانت عليه من زغري
التفتت صار جدامي لواء وحسن
ضل صافن بوجهي اخر مره شفته بيها قبل شهور بالبستان

دنگت ولاجن هو موجود رحت الجهة ام سجاد
كعدت يمها احس بي يباوع الجهتي بدون مااباوعله

اجه حسن وهو من بعيد ضل واكف بمكانه
يمكن هذا الشعور بالذنب يخلي يخاف يقترب
مدنگه جزداني بيدي افتح بالسحابه وارجع اسدها
سمعته حجه بصوت تعبان

لواء،، حسن جيب فاطمه نكمل طبلتها

زينب،، رفعت راسي حسن شال فطومه گمت وگفت جريت ايدها بستها مااكدرت اسيطر على دموعي
ابوس ابطن ايدها وكل بوسه اجر وياها نفس ترس روحي
حسن،، زينب كافي راح تموتين شوفي وجهج اشلون انگلب اصفر
روحي اكعدي الدكتور ينتظرنه مااطول جوه انشاءالله بس گولي يالله

اخذها حسن وراح احس روحي راحت ويتها
لواء يمشي جدامه

ام سجاد،، گولي يالله بنيتي سهله انشاءالله

زينب،، هزيت راسي مابيه احجي
كعدت وهي يمي كاعده جرت ايدي ولزمتها

ام سجاد،، يخاله وحگ علي مستحية منج مااعرف اشلون احط عيني بعينج بعد الصار

زينب،، بلعت ريگي كتلها خاله وانتي شلج دخل
اصلا زيناتج اهواي ماينعدن وياي وجميلج ماانسا طول عمري

جريت نفس وكملت كلامي تعبانه من كلشي
كتلها ماعتبت عليج لو مااحبج
بس گلت خالتي ماسألت عني

ام سجاد،، والله ييمه كل مره انشد حسن عنج ويوم السمعت بيج مسويه عمليه الگلبج وداعة ويلادي احس بنتي المسويه عمليه مو انتي

زينب،، سكتت شحجي؟؟
شويه ورجعو بيدهم اوراق الدخول
رفعت راسي يباوعلي وهو يتقدم دنگت وگمت
اجه حسن وكف يمنه سالته ام سجاد
ع العمليه گالها كم ساعه ويطلعوها

مااتحملت اضل واكفه يمهم اتمنى اروح يم بنيتي مااخليها وحدها طفله تخاف هسه من تشوف الدكاتره ملثمين وماكو واحد من اهلها يمها

حسن،، وين تردين؟؟

زينب،، ابلع بعبرتي كتله اشلون تسكت هسه ومحد يمها؟؟

حسن،، تره ابوها دخل وياها لزمها بين ماانطوها تخدير بسيط حتى يطلع عنها زينب راح تخليني اندم لان جبتج وياي

زينب،، كعدت مدنگه احس راسي انتفخ
لواء رغم وجوده بس ابد ماباوعتله
ولااريد اباوع بوجها

احس ريگي نشف نهضت اختل توازني
حسن يمي

حسن،، الله الله

زينب،، بسرعه لزم ايدي حسن وگعدني

حسن،، موكتلج لاتجين بس صوجي كتلج بموعد العمليه

زينب،، يحجي مدنگ لازم ايدي
رفعت راسي صارت عيني بعينه يباوعلنه وعلامات القلق واضحه على وجها
نزلت ايدي من ايد حسن كتله خيي مابيه شي والله

حسن،، متريگه انتي؟؟

زينب،، هزيت راسي لا

حسن،، شنو اجيبلج؟؟
لفة گص لو شنو؟؟

زينب،، كلشي لاتجيب والله مااشتهي

حسن،، ساعه واكتلها احجي شنو اجيبلج؟؟

زينب،، خيي مااريد كلشي بس لان بالي يم فاطمه دخت

من شافني قافله تركني وام سجاد ضلت تحجي ليش مااكلتي الصبح كتلها منين الي نفس اكل وبالي يم فطومه

ام سجاد كامت للحمام واني مدنگه مااريد احط عيني بعيني
حسيت بي اجه الجهتي رفعت رسي كعد يمي

يتتبع