رواية ضحية لمن لايرحم الفصل الثاني 2 - بقلم زهراء الحسناوي

شسولفلك ؟؟

وانه البيه حچي مكسر

مثل گلبي

زينب..اباوع الغصون غدت صفرة ترجف ومتمددة ماجنت اعرف انو دخلت بنهيار عصبي
رغم حالتها ودموعنه وتوسلاتنه محد بيهن عطفت علينه وحدة اتكول خطيه والثانيه اتكلها يطبهن مرض كون يموتن حقدت ساعتها عليهم بكد شعر راسي لان حملونه ذنب مااقترفنا

وحدة منهن بكدنه تقريبا جرتني من شعري المرت الشيخ حطت راسي بحضنها وصارت تلسع بيه راجديات على خدي مااتحملت دفعتها بس مابجيت ابد كانه دموعي انهزمن ويبسن جفوني وجهي غدة نار وغصون تباوعلي بعيون مفتوحه واسنان يصطكن من الخوف

انفتح الباب ودخل الشيخ وراه اثنين شباب الشيخ اجه بسرعه لزمني حطني ورة ظهرة يحميني والثاني راح للمرة الجبيرة جر راسها حضنها ويبجي يهدي بيها لان فقدت

واحد منهم راح يم النسوان كالهن ومحمد التمد ايدها عليهن اجنزها سمعت وحدة منهن كالتله ذياب لادافع الذني الحقيرات بسببهن مات ابن عمك

ذياب..هنننه كتتلنه؟؟؟؟

جنه..

ذياب..جاااا صمن احلوكجن واكعدن لاتحاسبنهن بذنب غيرهن ولو الامر بيدي هسه اردهن لهلهن

شيخ منهل..كافي بويه ذياب هاي سانيه بين العشاير اذا مااخذنه فصل ينضحك علينه

ذياب..عمي جاا هسه احنه مامضحوك عليينه؟؟
دمم حسين نبدله بنسووواااان؟
يطيح بيدي جتاااله وابوو فاضل اشطررره نصيين وانعل سلفه سلفاااه من سابع ظهررر

بس ياعمي فضيحتنه فضيحة نبدل دم ابنه بنسوان

ام لواء..مااايضلن مااريدهننن اموتهن بمكاان حسسين

شيخ منهل ..كولي ياالله ..كولي ياالله
الصار قضاء وقدر تعددت الاسباب والموت واحد وداعتج حد يومه لو ماكاتله ابنهم يمكن تلكينه ميت بفراشه لو يجي يمج يتكهرب ويموت
اذكري الله واستهدي برحمانج ولاتحمليهن ذنب ماجنته اديهن

زينب ..الشيخ صار يحجي ويه الشباب علمود عقد السيد والافتهمته من كلامهم اثنينهم يصيحوله عمي يعني مو اولادة

بمجرد ماذكرو عقد السيد انقبض كلبي اكثر وبداخلي كلت هاذا هو بعد ماكو مفر من المايرحمون

........

لواء ..اسمي لواء مواليد سنه1985 اخواتي اثنينهن اكبر. مني وعندي اثنين اخوان اصغر مني اختي الجبيرة ام جنه زوجها استشهد ب 2008 وترك الها بنات اثنين ولد واحد والدي قرر يبنيلها مشتمل بالحديقه لان كانت عايشه بااايجار وزوجها اهله حالتهم موكلش زينه دوب معيشين نفسهم مو انوب يعيشون اختي وعدها اربع ايتام

واختي الثانيه ام سجاد متزوجه ابغداد عدها ولد وبنيه احنه الاولاد الثلاثه اخر شي اني وحسين وحسن
حسن عندة انفصام بالشخصيه مرات اتشوفه زلمه كامل مكمل والكمال لله ومرات يدخلنه انذار بسبب تصرفاته
مرة جنت طالع مو بالبيت اتصلت بيه جنه بنت اختي كالت خالي الحكنه خالي حسن حبس الكل بالغرفه لازم المسدس وقفل البيبان وبس اني خاتله بالغرفه مامنتبهلي

بسرعه رجعت للبيت صعدت على سطح مشتمل بيت اختي ودخلت على بيتنه من فوك السطح نزلت اخذت السلاح منه

بسنه ٢٠١٤دخل داعش للموصل جماعة تطلق على نفسها دوله الاسلام
وهي اصلا ماتمت للاسلام بصله لانها دوله كفر دوله اجرام دوله ذبح وحرام واغتصاب
بعد المجازر والمعارك الضاريه الي تسببت ب استشهاد مئات ابناء العراق
احتل التنظيم الموصل برمشه عين
30الف جندي من القوات العراقيه اختفو
مثل السراب صحى العالم على واقع جديد
سقطت الحدود بين سوريا والعراق
واتخذ التنظيم من الموصل منطلق لتحركاته
التنظيم من استولى ع الموصل استولى على منشئات حيويه في المدينه من ضمنها مبنى محافظه نينوى والمطار

ارتكب داعش جرائم كثيرة من قتل وتدمير
ماسلمت منهم حتى المدارس والجوامع والمباني الحكوميه
وابشع واشنع جريمه كانت مجزرة سبايكر حيث راح ضحية اكثر من 1700عنصر من القوات العراقيه

السيد انطى فتوة الجهاد الكفائي
بدون تردد لبيت النداء
وقبل ماانطي علم لهلي رحت اطوعت بالحشد
سجلت اسمي ورجعت للبيت اجهز نفسي لان بعد كم يوم ننطلق لتحرير الاراضي المغتصبه من قبل الدواعش

بليل انطيت خبر للوالد مارفض بالعكس ايدني وايد قراري
بس امي رفضت لان يبقى كلب والده

ام لواء..ولك يمه انته رايح للموت برجليك اكعد اوليدي لاتفجعني بيك

لواء..يمه هذا مو اي موت هذا الموت بنهايته انول شرف الشهاده وهنيالي اذا رحت شهيد لتراب هذا الوطن المفروض تفرحين وتفتخرين ابنج باالحشد

شيخ منهل..كولي ياالله ياام لواء
اذا انتي ماتقبلين ابنج يطوع حتى يدافع عن ارضه وعرضه
وغيرج ماتقبل على ابنها وذيج تمنعه يروح
جا منو يحرر مناطقنه ترة اذا ضلت عليجن من باجر تلكين الدواعش اباب بيتنه وساعتها يكتلونه وياخذوجن
لان ذوله لايعرفون دين ولامذهب ولاحلال ولاحرام
خلي يتوكل واندعيله يرد غانم سالم محمل بالنصر

لواء..امي ماكدرت تحجي بعد كلام ابوي شكد بجت بس لاكدرت تخليني اتراجع عن قراري ولاكدرت اتغير كلام ابوي واتخلي يمنعني

بعد كم يوم دخلونه دورة تدريبيه كم يوم
يدربونه ع السلاح كان الوضع كلش صعب لذالك بسرعه التحقنه للموصل
طلعنه رتل كامل

مرينه بالمناطق الكان محتلها داعش اباوع للبيت المتهدمه
موت مخيف الدرجه تنتابك الرهبه من صمت المكان وحجم الخراب السببها داعش
مرينه بمنطقه زراعيه ماتشوف بيها بس بيوت متهدمه وبقايا معسكرات لتنظيم داعش

وشعاراتهم التارسه الحيطان شعارات الدوله الاسلاميه او دوله الخلافه
واليات عسكريه طحنتها اله العنف
وبقايه افرشه وسواتر دفاعيه لداعش
سيارات محتركه بسبب العبوات الناسفه

شكلنه ساتر فوك احد البيوت الكان ضررها بسيط
صعدنه فوك السطح نرمي على قاعدتهم
ااتعرفت على شاب من اهل الديوانيه ملبي فتوة المرجعيه حاله حال الالاف الشباب الي اطوعو بالحشد كل همهم ينضفون المناطق من جرذان داعش

اسمه علي ابو نمر ذيب ماينخاف علي
جان اي واحد من جماعتنه يهجم ويتصوب هو يروح يجيبه مايقبل واحد من عدنه يروح
يحلفنه براس العباس مانخطي خطوة وياه
ف هو يشمر روحه بالموت في سبيل يجيب اليتصوب من عدنه حتى لو ميت يجيبه ومايخلي جثته بالنص

شهور اني وعلي سوة نلتحق وننزل اجازة سوة صار اكثر من اخو تحشيشه وفطاريته وشهامته تجبر الشخص يتعلق بي

مرة الايام صعبه يوميه نفقد مئات الابطال الي ضحو بدمهم الخاطر بلدهم
بعد عشرين يوم نزلت للبيت وجان وقتها موعد زواج حسين بعد اسبوع

العصر سبحت ولبست دشداشه ونزلت للكاع اباوع للحنطه روحي بكاعي ترتاح نفسيتي من اشوف خضارها
جاي امشي ع الفرك وصارن كدامي اثنين بنات
لابيه ارجع لورة ولابيه اتقدم
كلت بكلبي توني سبحان بلكت ينزلن بالطين حتى اعبر لان الفرك كلش رفيع دوب مخلي رجليه اثنينهن ورافع ذيال دشداشتي لاتندمر طين

اتقدم عليهن وهنه يتقدمن الجهتي
صرت كلش قريب منهن اول وحدة منقبه ماطالعه بس عيونها مبينه من عيونها وكحه من خلت عينها بعيني مااحب المرة الترفع عينها ضليت مااعرف شنو اسوي تالي اني النزلت بالطين وخليتهن يعبرن

انتهى العرس ورجعت للدوام وهلمرة كان لازم نلتحق الجرف الصخر كانت اخطر منطقه
الي كما اطلقو عليها بالعمق الحقيقي لولايه الجنوب في تنظيم داعش وهي مركز القيادات العسكريه
والشرعيه والدينيه للتنظيم
وايضا تعتبر مركز وعاصمه للتنظيم
اباوع مامخلين شي غير الخراب
والابنيه المفخخه والجدران المليانه شعارات الطائفيه الي تحسها تروي الموت المخيف والمعارك الضاريه الي حصلت بجرف الصخر

اتمركزنه فوق بنايه حكوميه امامنه نقطه وحدة وهي العدو مايبعد عنه كلش
يومين مستمرين بتبادل اطلاق النار نوم مانايمين
اتخاف تغمض عينك وتالي يداهمون المكان

صرت اعرف كلشي عن حياة علي

من خلال كلامه عرفت عندة اخ واحد وسبع اخوات
ابوهم ميت وامهم مرة جبيرة
اخواته سبعتهن اكبر منه وعندة اخ واحد اصغر منه
رافض فكرة الزواج مثلي ماحاطها ابالي رغم كل محاولات امي ب اقناعي بس كنت ارفض الى ان ملت مني وقررت تزوج حسين

بس علي يحب بنت خالته وابوها معارض لان اول سبب كان بسبب فقرهم واوضعهم التعبان
والسبب الثاني لان اطوع بالحشد يكله خاف انطيها الك تالي يومين وتترمل بنتي

مرات يضحك يكلي
علي.. اطخ ابراسي اخذها وانهزم وعود خل ابوها يلزمني زوج الينطي لزمه على روحه

لواء..هههه استقر يفاندام مو هي كوترة تخطفها

علي..وداعتك مااخاف غير من الخلقني
واذا اطخ ابراسي لو يطلع جدها من كبرة ماانطيها
اخلي بنته اتحمض على كلبه وهم من يموت اخذها لو بعد خمسين سنه

لواء..مبين واكع للأخير

علي..ومتكسر الله وكيلك

لواء..اجتنه اخباريه انو التنظيم اجته مساندات وعددعهم كثر يعني اجاهم دعم وسلاح عكسنه
ثلاث ايام استمرت معارك طاحنه بيناتنه اباوع للشباب الجابتهم الغيرة وفزعو يحررون المناطق من اجلاب داعش هذا يصيح لبيك ياحسين وذاك يصيح لبيك ياعراق
وهذا اليهتف بكلام يشجعنه حتى نستمر

ثلاث ايام بلياليها لانايمين ولاشايفين النوم
بااول يوم النه بالمعركه علي انطاني شريط حبوب مااعرف شنو هنه بس كال هاي الحبوب ياخذوها سواق سيارات الحمل الي تكون عدهم حمولات المناطق بعيده ياخذوها حتى ماينامون وهمه يسوقون بليل ويسوون حادث
بوقتها ضحكت كتله ولك خاف هاي كبسله؟

كال كل ساعه اخذ منها هم شفتني اطوطح ؟

تركتها بجيبي تالي ثاني يوم انجبرت اخذ منها لان الوضع اتازم وكل دعم النه ماكو
شمرونه بنص الموت وراحو تعبنه الدرجه كلش جبيرة
ادينه ورمت من كثر سحب الاقسام والرمي

رابع يوم وماكو دعم قرب حتى العتاد والاكل يخلص
واولاد الكلب مستمرين باالرمي يتناوبون لان اهواي
بس احنه عددنه كلش قليل 15واحد وهمه عددهم اضعاف عددنه

رابع يوم الساعه 7الصبح انتهيت احس عيوني صارن احجار اريد بس اغمضهن ساعه حتى اتنشط
علي من شافني مامسيطر كال
روح ناملك ساعتين ارتاح بيهن
الرمي تقريبا هدء كل ساعه يرمون كم طلقه ويبطلون من الخوف تخاف تغمض عينيك دقايق
لذلك صرنه نتناوب ع الاستراحه كل ساعتين ينام واحد حتى ماينهكنه التعب كلنه
احنه فوك البنايه الشمس تصكع بروسنه كل واحد مسويله ضل بفد شي
ضليت حاير وين امدد وانام
اخر شي انتبهت اكو تبريد مركزي البوري مالته كلش جبير هو اليغذي كل البنايه

باوعت العلي كتله راح انام بنص البوري ساعتين وكعدوني علي ابتسم تركته واتشلبيت البوري
دخلت بنصه وزحفت للتقاسيم بحيث احس صرت بعيد عنهم حتى مااسمعهم

اول ماغمضت عيني غفيت
اهنااااك وفزيت من النوم مرتوي ومرتاح شبعان نوم
كل ضني الساعه 12الضهر
بس من شفت الساعه انصدمت الساعه 6العصر
يعني نايم 12ساعه متواصله عبالك ميت مو نايم من التعب ابد ماحسيت بروحي نايم كل هذا الوقت

بكلبي كلت اليوم الشباب يكتلوني لان تركتهم ونمت هلكد

زحفت على بطني وطلعت من البوري
جتت بالكاع
جمد جسمي واني اشوف المنظر الكدامي

يتتبع

واضمنك تعب چادود
وبعازت فرحتي اتمايزك يسمر
ي ابيض من نوايا الروح
واصفئ من الزلال وملمس المرمر

ذني حسابات البنات السون تاكات المتابعيهن

Dareen-2005

user44848278

sarasarali

user56353261

Zahraa_112

FATMA__30

-SRSED-