رواية ضحية لمن لايرحم الفصل السابع وستون 67 - بقلم زهراء الحسناوي

البارت 50

ضحيه لمن لايرحم

بقلم زهراء الحسناوي

،،،،،،،،،،،،،،،،
مساء الورد والياسمين 🌹🌹
على احلئ وارقئ متابعات

،،،،،،،،،،،،،،،،
ليتنا لم نعد غرباء أبدآ
ليتك هنا للأبد
اعيش أقصى اللحظات وحدي
اقص على ذكرياتي لترد علي بضرورة نسيانك
لاأنكر بأني ابكي قليلاً من فرط الألم والحنين
لكني أجيد اخفاء ذلك
حتى عنك فتظنني أنني صلبا على غير عادتي
اضحك ببلاهه أمام ذكريات رحل اصحابها
وبقيت تحفر في قلوبنا للأبد
لقد ادركت أن كل الطرق لاتؤدي اليك
بل إلى السراب
الئ اللاشيء
الئ المجهول
لكن سنظل نتألم بقدر ماكنا يوماً أحبة
ليتنا لم نعد غرباء أبدآ
ليتنا لم نقطع كل هذا الطريق معآ فالعودة موحشة
لااظن لنا لقاء بعد هذا البعد
ولكن احببتك كثيرا
سأانتظرك وأنا اعلم انك لن تأتي

،،،،،،،،،،،،،،

غصون،، گاعدين نتغده واندفع علينه الباب حيل
دخلت مريم تبجي وتصيح الحگوو ززينب
احس گلبي وگع اريد اگوم على حيلي مااكدر

اهلي كلهم طفرو يتراكضون اول واحد ابوي طلع
نهضت من مكاني كوه يمي عباتي شلتها حطيتها على راسي وطلعت وراهم اسحل برجليه اباوع سيارة اباب حوش عمامي وعمتي كاعده بالباب تضرب على رجلها بدون روح مثنئ رجع يركض اريد اگله شكو مااكدر احجي

دخل للبيت جاب سويج سيارة ابوي ورجع يركض لمن وصلت يمهم وجان اشوف زنيبه امدده بالكشن الوره فاقده جايبها حماها ويريد واحد من اهلي يروح وياه
السالفه ركض ركض مخبوصين حتى الوادم طلعت تريد تشوف شكو ابوي ماقبل ياخذها حماها بسيارته
فنقولوها ابوي ومثنئ لسيارتنه
امي رجعنت للبيت لبست عباتها وجواريبها بيدها ركضت صعدت بالوره يمها وحطت راس زينب بحضنها
اباوعلها مصدومه مااكدر احجي بگلبي اكو شي يگلي هاي اخر مره تشوفيها
بسبب منضرها تحسها ميته

مريم بس شمرت عبايه نضيفه عليها وابوي زمخ بيهن لان انخبصنه مانعرف شنسوي
گالهن عوفنها بالسيااره نحل احزام عبايتها

اخذوها وراحو وحماها شغل سيارته ولحگهم
اتحسه راح ينگلب براس الشارع من سرعته
رحت كعدت يم عمتي بس صافنه وتضرب على رجلها وتهذي

ام احمد،، اطشررت السبحه
اطشررت السبحه

غصون،، مافهمت شتقصد رفعت ايدها مثل الازم سبحه بيده التفتتلي

ام احمد،، قبل جنه سبحه خرزه مكمشه بخرزه
مصفوفات صف
من مات ابو بيتي انحلت الشده واطشرت السبحه
مات هو ولحگه احمد وهسه بنيتي

غصون،، ابجي على بواجيها مريم كطعت روحها تندعي على بيت منهل دمرو زينب ماخلو شي بيها بس النفس ومااعرف شنو المصيبه الجديده المسويها
حتى توصل زينب الهيج حاله
ولااعرف شنو الاخذها يمهم وشصار وخلاها هيج تنهار

دخلت مريم جابت الموبايل انطتنيا وتبجي
زينه مفهمتهم انو زينب شافت الموبايل وطلعت تركض

من فتحت الرساله وشفت صوره جنسية بتها اني انصدمت احس عقلي وگف
معقوله هيج بشر مابگلبهم ذره رحم

وصلت وياهم الحقاره يسجلون بتها بااسم مرت ابوها الثانيه؟؟
اكيد هذا السبب الخلاها تفقد اعصابها وتركض الهم شايطه ومريم هم حجتلي اشلون طلعت ولگتها ماموجوده

ضلينه كاعدين بقلق مانعرف شنسوي لاعندي خط واتصل بواحد من اهلي اطمن عليها وزينب ماعدها رصيد حرگت الجهاز بالترميش عليهم اريد بس واحد يطمني اذا ما متت اني بسبب الحرگه ف متاكده عمتي تموت من القلق

لاساعه ولاساعتين احنه كاعدين على نار الوكت مايمشي اصعب شي هو الانتظار
تحسه يدمر اعصابك فكره تاخذك وفكره تجيبك

للمغرب يالله اتصل ابوي على رقم زينب
جاوبت بسرعه اريد اسمع منه اي خبر يطمني
بس من حجه احس كلشي بيه جمد من الصدمه

الدرجه ايدي ارتخت وگع الموبايل منها
خبر زينب اجه مثل الصاعقه على راسي

نسيت عمتي يمي كاعده من شافتني هيج لطمت على وجها صاحت

ام احمد،، ماااتت مووو؟؟

غصون،، زحفت يمها ماادري اهديها لو اهدي روحي لومريم الذبحت روحها تفرفح

گتلها عممه مابيها شي عاايشه والله عايشه بس
مرت باازمه قلبيه ماعدنه غير نندعيلها
الله يلتفت الها بشدتها

بليل اجه ابوي اخذ غراض وبطانيات گال دخلوها
واحتمال يسولها عمليه لان دگات گلبها كلش نازله

بعدها طفله وينها وين الأزمه القلبيه؟
حتى ابوي كعد يبجي عليها تحسه ضهره مكسور على زينب مابيده شي يسوي الها

كلنه دموعنه مانشفت اخذت اخواني الصغار ورحت بتت يم عمتي للصبح ولا واحد نام
قريتلها قراان ودعاء التوسل بالله عز وجل وبااهل بيت النبوه بلكت تتشافه وتردلنه اذا ماتت زينب اموت وراها مااتحمل فكره خسارتها

ابوي ثاني يوم كال فتحت عيونها وزينه بس الدكتور قرر لازم عمليه جراحيه راح يحطولها بطاريه للقلب
تساعد باانتضام النبضات

كلنه لازمين گلوبنه على زينب عمتي كاعده العصر بالباب اليروح تسأله واليرد تسأله عليها

احسها راح تنجلط من القهر سكرها يصعد اصيح الجيرانه تضربها ابرتها مال السكر لان مااعرف

كاعدين نندعي بالباب مال عمامي وجان نسمع الهوسه بجهة بيت الشيخ
ركضت الوادم مااعرف شكو عمتي فاصله لو تحترك الدنيا ماتنتبه بالها يم زينب

لان دنيا عصر وكت مغربيه نشوف الدخان من جهة ال منهل الدخان ترس الجو
شويه واجت سيارات الاطفاء راحت عليهم
اني وعمتي كاعدين مانعرف شكو بس نشوف الزلم تتراكض والنسوان راحت بكترهم

شويه واجن جاراتنه اثنين وكفن يمنه سالنه على زينب گتلهن بعدها حدر رحمة الله
من باب الفضول سألتهن شكو منو الاحترگ؟؟

المره،، هذا ابن الشيخ الزغير متعارك ويه اهله وماخذ نفط دايره بمضيف ابو وحارگه
هسه الوادم اطفي وهو يفرفح ماادري شبي خذو اخو وابن عمه يدفعون بي طلعو بره

وهم سمعنه اشاعه باسط اخته وكاسر ايدها
گوه مخلصيها من ايده

غصون،، اسمع واگول بكلبي عسنهم بنار جهنم كون كلهم يحتركون دمرونه ودمرو زينب خلوها انسانه ميته على قيد الحياه
شكلها يخوف بس عظام رجليها مشوها وهسه راح يحطولها بطاريه لگلبها
اشافت من حياتها؟؟
انشاءالله دار بيت منهل يصبح خراب وحوبت زينب تعثرهم
وتمحيهم عن بكره ابيهم لان يتيمه عذبوها ودمروها نسو قول الله تعالى؟(فإما اليتيم فلا تقهر)
ماخلو شي صاحي بزينب اني ارحم منها بهواي ع الاقل اهل ذياب ناس تخاف الله ماعدا عذراء
وحتى نور لو ماشايفه عذراء تنطيها وجه ماجان ادخلت واتجرأت هيج تسوي بذياب
تركتهن هنه وربهن يتجازن حاشه لله يضيع حق مظلوم ويجي يوم ينصره حتى ولو بعد حين

اخذت عمتي ودخلتها للبيت تون ماتگدر تكعد
تهذي بااسم اولادها
مرات من يندگ الباب تفز وتصيح
على مريم

ام احمد،، گومي افتحي الباب خاف اجه اخووج

غصون،، تكسر باب گلبي عليها عقلها رافض يصدگ موت ابنها مرات تحسها واعيه من تقرالهم الفاتحه
ومرات لا تشوفها تباوع للباب كل ضنها يدخل وليدها عليها

هذا حال كل ام تفگد ولدها
بزرها
ضناها
تعبها
سهر اليالي
مرات امي اتگول مايصير راس اذا مايشيب راس
قصدها ماينولد طفل اذا مايشيب راس امه
اهواي امهات فگدن ولدهن
اكو ماعدهن غيره مثل عمتي ام احمد
جانت تفكر العرسه
دائما تسولف بعرس احمد
قبل مانروح فصليات جنت اروح يمهم العصر
يرجع احمد للبيت تشوفه شاب طايش تفكيرة موناضج
يشوف الشباب تلبس وتطلع وتتونس واحدث موبايل بديهم وهو كلشي ماكو
مره اتعارك ويه عمي يتذمر من عيشتهم
شكد تشوفه وكح بس وره ساعه انتبهتله يبجي وره البيت لان يحس بالنقص ينقهر ويجي يطلع القهر بااهله

ترس اذني مره سمعته يكول الطلاب بالمدرسه تعيرني لان تخلص السنه واني بنفس البنطرون والقميص
ترك المدرسه بسبب استاذ
كدام الطالب فشله وعرض خدماته خدمة الرياء
عود شوفوني اني ساعدت فقير

الاستاذ كايله كدام الطلاب ليش دائما تجي للمدرسه بنفس الملابس؟؟
وحتى بالشته قمصله ماتلبس تجي بطرگ القميص؟

احمد ساكت لان حرجه سؤال الاستاذ

بيومها الاستاذ مالته كدام الطلاب گايل
باجر اشتريلك قمصله وبنطرون وقميص
الطلاب مسويه احمد مهزله ودائما يعيرونه الوصخ
لان ماعنده ملابس
ابوي بذاك الوقت هم جانت حالته موكلش زينه عايشين على افلوس الگاع النحصلهن من الموسم للموسم بعدين يالله فتحله محل يسترزق منه

من هذا اليوم احمد ترك المدرسه من تنمر الشبعان ع الجوعان
لأن الفقير بهذا وكتنه ينضحك علي وينداس بالرجلين
الامارحم ربي تشوف ناس خيره وتساعد الفقير بدون محد يدري
بهذا وكتنه الينطي اليتصدق بكيلو طماطه للجوعان
يصور روحه وينشر عود شوفوني تره اني اتصدق

خليت العشه كدام عمتي دفعته مااكلت كلبها نار على زينب
كالت كومي انطيني السجاده والقران اريد اصلي
كيفت لان حلو البشر يلجأ لله عز وجل بعز المحنه
لان المؤمن مبتلا الله يبعثله البلاء يختبره يصبر لو يجزع؟؟

جبتلها السجاده والقران تركتها وطلعت كعدت بره يم الباب احس شعر راسي وكف من خشوعها وصوت بجيها اثناء قرائه القران تقره بعبره مخنوگه
تركتها وكعدت بالغرفه الثانيه

ردت اعرف حمه زينب شمسوي بيهم؟؟
لان زينب هو الوحيد التحمد بي اتگول بس هو زلمه
بيهم نعتو بالجنون وهو اعقلهم

اتصلت بساره اول ماجاوبت سمعت صوت ذياب يحجي بصوت عالي دگ گلبي حيل
ساره جاوبتني وشويه شويه الصوت صار بعيد
عرفتها تركتهم وطلعت

بسرعه هي السألتني على وضع زينب
گتلها وضعها تعبان وباجر عمليتها اندعيلها

ساره،، والله من حجالنا ذياب ضلينه صافنين
كلنه مصدومين بتصرف لواء لان لواء ماجان هيج قبل صاير متغير كلش

غصون،، حسن شنو مسوي بأهله؟؟؟

ساره،، گولي شنو المامسوي بيهم
البارحه زينب حاجيتله عن سالفه حسين
الافتهمته حسين جان اله ايد بسالفه العلويه

وبنت عمج من واگعه حسن شايلها يركض بيها
حاطها بالسياره رايد يصعد وياه لواء مامخلي حسن
گايله تقتل القتيل وتريد تمشي بجنازته؟

تاركه حسن وجاي عليكم حتى واحد منكم يروح وياه للمستشفى
ابوج مامخلي بس حسن ماكدر يبقى ولاحگهم
ضال واگف ويه ابوج بره للفجر يالله راجع
گالب عليهم البيت وماخذ كرك وطالع
يركض لواء اتصل بذياب گاله
الحگ حسن راح للمقبره ماخذ كرك يريد يحفر قبر حسين

والله غصون لوتشوفي منتهي سالفه تحير وتوگف العقل حتى الصاحي مايعقلها
معقوله لان العلويه فقيره واهلها على گد حالهم
عمتي ونذيره هيج يسون بيها؟؟
مايردنها افتهمنا
بس موالدرجه هنه الينطن حسين فلوس حتى يدفع للشباب يشوهون سمعة حبيبة اخو

غصون،، وذياب لحگه للمقبره؟؟

ساره،، اي لحگو هو ولواء داخل للمقبره يركض
يريد يحفر قبر حسين يگول ذياب گوه لزمنا
اني ولواء يصيح
بس خل احفره واطلعه اتفاهم وياه
شنو السويته اله وهيج يطعني؟؟

غصون،، احس جسمي كزبر

ساره،، يصيح ولكم اني اعرف الاخو احزام ضهر لخو
مو عدو

گوه مرجعينه منتهي وصاعد ضغطه
مارجعو للبيت ماخذي يزورو الامام يردون يبرد گلبه
بس من رجع العصر باسط نذيره مكسرها تكسر
وكاسر ايدها

وراد يطگ عمي بس لواء وذياب صايرين جدامه
اني من يمي استحيت المفروض الاب هو القدوه لاولاده بس عمي وعمتي للاسف دمرو حسن
واكثرهم نذيره

وحسن ماخذ نفط وحارگ الديوان مال ابو
يصيح بس العنده بخت وزلمه يحقله يكعد بديوان
مو منهل المامحسوب ع الزلم

كوه جابو لهنا يمنه يردونه بس يهدئ
وقبل ساعه عافنه وطلع محد يدري بي
حتئ جهازه قافله راح نتخبل خاف يسوي بروحه شي

غصون،، سبحان الله الله سلط عليهم شخص منهم وبيهم يرعبهم ويرهبهم وشيسوي بيهم قليل
نهيت المكالمه ويه ساره باجر عمليه زينب
احس اصعب ايام عمري هو باجر

للصبح احنه نتگلب مانمنه ابد منتضرين عمليه زينب ونندعيلها الله يشافيها بليل الطبيب محدد موعد العمليه الصبح وابوي گال عمليتها من ساعتين ل ثلاث ساعات الله يطلعها طيبه ويلتفت الها

وفعلا من الصبح سوولها عمليه جراحيه وحطولها البطاريه

عمتي ااخ يااعمتي ماتعرف شتسوي
ساعه تصيح تعال ليه ي جليل (ابو احمد)

ام احمد،، تعال ليه ي أحمد ييييمه
تعالو اوگفو ويه زنييبه
لااابوو ولاخووو ويااهاا

غصون،، حضنتها وابجي كتلها عمه ابوي ابوها ومثنئ اخوها
ماحجت سكتت لان تدري هذا مجرد كلام نخفف بي الالم لان محد يحل بمكان الاب والاخ

ثالث يوم اتصلت ساره وهي اصلا يوميه تتصل تطمن على زينب اسألها عن حسن اتكول مانعرف عنه
شي وذياب ولواء ماخلو لامستشفئ ولامركز مادورو بيهن يردون يعرفون وين اختفه
جاي نحجي واسمع صوت ام ذياب تصيح الحمدالله من لگيتو

ساره سالت امها ورجعت حجت وياي
گالت لگو صارله ثلاث ايام نايم بالحضره مال الامام علي عليه السلام
اني ماشايفته غير مره بس من حجي زينب انعصر گلبي علي واتمنيت ربي يبرد گلبه ويريح باله

اسبوع كامل احنه لانايمين ولاشايفين النوم
حاطه موبايل زينب بيدي من يتصل ابوي احس گلبي ينعصر اخاف اسمع خبر يدمرني اخاف يگلي ماتت

زينب،، احس روحي طايره اشوف ابوي واخوي يمشون بطريق كربلاء جدامي واني امشي وراهم
همه بعيدين عني بمسافه واني شايله رايه (علم اخظر)
على متني وامشي وراهم اريد الحگ بيهم اصيحلهم
مايسمعوني اريدهم ينتضروني حتى الحگ بيهم وامشي وياهم لوبصفهم

بس كل مااركض همه يبتعدون
فتحت عيوني اني بمكان مااعرف وين كلشي بيه مامستقر
سمعت صوت رجال وعمي وياه
بعدها صوت عمتي احسها دنگت باستني براسي
لمن انتبهت عرفت روحي بالمستشفى
شوكت اجيت ومنو جابني وشوصلني اهنا مااعرف

اجه الدكتور وكف جدامي حاطيلي مغذيات وايرات مااعرف شنو خفت وارتبكت كعد جدامي الدكتور

الدكتور،، صحي النوم بنيتي الحمدالله على سلامتج

زينب،، بلعت ريگي بصعوبه كتله الله يسلمك

الدكتور،، بابا زنوبه انتي سباعيه وراح تسمعيني زين تمام؟؟

زينب،، هزيت راسي بمعنى اي

الدكتور،، بنيتي راح احجي بس ابد لتخافين لان كلشي اله حل وشغلتج جدا سهله

باباتي گلبج تعبان بسبب صدمه قويه
ف راح نسويلج عمليه بسيطه نزرعلج بطاريه
لتنظيم دگات گلبج

زينب،، خفت وبانت رجفتي من عيوني وشكلي
بس الدكتور هدئني عمي ساله شنو يعني بطاريه دكتور؟؟

الدكتور،، جهاز منظم القلب هو عباره عن جهاز توليد نبضات كهربائيه(بطارية صغيرة) توضع تحت الجلد في الصدر تحت عظم الترقوة ويعطي موجات كهربائيه ضعيفه والتي تنقل الى القلب بواسطة سلك يمتد من الجهاز الى القلب
يستعمل جهاز منظم القلب بشكل رئيسي عندما يهبط النبض بحدود ثلاثين او اربعين نبضه في الدقيقه وتباطؤ النبض يحدث فى جميع الاعمار ولكن بالغالب يحدث بسبب خلل في كهربائية القلب يؤدى الى التباطؤ وهذا بدوره يؤدى الى اعراض مرضيه مثل الدوخه و فقدان الوعي
و زرع جهاز منظم القلب فى هذه الحاله يرسل موجات كهربائيه لتحفز القلب على النبض وبسرعه معينه مثلا ستين او سبعين نبضه في الدقيقه وحاليا ضهرت اجهزه حديثه تتغير فيها النبضات حسب حاجة الجسم اذ تتراوح بحدود معينه مثلا من ستين إلى مائة نبضه

يمكن لتنظيم ضربات القلب تسريع إيقاع القلب البطيء، كما يمكنه أيضًا التحكم في إيقاع القلب بسرعة، كما يمكنه التأكد من تقلص البطينين الأيمن والأيسر بشكل طبيعي إذا كان المرضى يعانون من الرجفان الأذيني، وهو معدل ضربات قلب غير منتظم يؤثر على تدفق الدم بشكل صحيح.

زينب،، اسمع واحس گلبي ينبض بقوه من الخوف
الدكتور انتبهلي كال

الدكتور،، باباتي والله بسيطه لتخافين
العمليه ساعتين راح نسوي شق بسيط نوجه بيهن
خيوط جهاز تنظيم ضربات القلب عبر الوريد وإلى القلب، حيث يتم ربطها بعضلة القلب، ويتصل الطرف الآخر بمولد منظم ضربات القلب

عمليه جدا سهله واهواي ناس بعمرج يسوها ونجحت

زينب،، ردت مااسويها وخليها وين تصير خل تصير هو اني ميته بس نفس يصعد وينزل المن عايشه؟
بنيتي واخذوها مني
بس بسرعه صارت امي جدام عيني اذا متت تموت ماتتحمل
شجعت روحي وهزيت راسي بالموافقه ابتسم الدكتور وعمي باوعلي بتعب

حددو وقت العمليه بس خايفه كلش
ثاني يوم دخلوني للعمليات قبل ماادخل وصيت عمي بفطومه وكتله توصل الكلمه هاي الواء
گله مامبري الذمه لاانت ولااهلك

دخلوني للعمليه والساني يردد ياالله
ياالله دخيلك ياالله
التمو الدكاتره يحجون بالانگليزي ماافهم شي بس الخوف مسيطر على كل جزء بيه

شاديلي كانونتين الدكتور يم راسي وكف يسالني عن. اسمي جاوبته رجع سألني عندج اطفال
كتله اي واحس الساني ثگل
سمعته سال شنو اسمهم؟
جاوبته واحس صوته بعيد
فطومه
بعدها كلشي مااذكر غير مطلعيني بليل يالله صحيت

اربع ايام دخلت وره العمليه وقبل العمليه داخله يومين
اسبوع اني بالمستشفى
اخر شي طلعوني للبيت عمي ماقبل يوديني لهلي
گال تبقين يمي يرادلج راحه وفتره نقاها

لازم صوت ماكو تفكير ماكو قلق ماكو اكل منتظم وصحي
عمتج واني وغصون اهنا انداريج

كتله بصوت تعبان لاعمي وديني يم امي
بس ماقبل كال امج مريضه من تشوفج هيج تتعب وانتي هم تتعب نفسيتج اخذج يمي

ومن تجي امج تدخل تشوفج حاولي تبينين انتي زينه
هزيت راسي بمعنى اي طلعني بسيارته نايمه بالكشن الوره مجهزه الي

وصلنه للبيت خطيه دخل السياره للحوش
ساعدني راد يشيلني كتله لاعمي اني امشي مابيه شي
بس جنت احس نغزه بكلبي خفيفه وغير البطاريه من امد ايدي احسها مكانها عاليه رافعه الجلد
تخوف

لگيتهم مجهزيلي سرير ابو نفر بغرفة غصون
غصون من شافتني اتخاف تلزمني لزمت بس ايدي
وتبجي لازمه ايدي تبوس بيها
تعبانه مابيه حتى احجي دخلت للغرفه ساعدتني غصوني اتمدد بالفراش
عمي گال لاولاده الصغار الاسمع صوته اكتله
وفعلا صار البيت هدوء اذا تنذب الابره تسمعها

ثواني ودخلت امي ومريم يتباجن
همست مابيه شي يمه والله زينه هل تشوفيني بعينج مابيه شي

ابو مثنئ،، گولي يالله ام احمد مابيها شي
يالله عوفوها ترتاح بره نگعد نسولف خلها اتنام

زينب،، عمي يحجي بصوت ناصي
اخذهن وطلع
ضليت بس اني وغصون كاعده يمي دموعها تنزل بدون صوت

ابتسمت بتعب كتلها ام دميعه مابيه شي

غصون،، كمت من يم رجليها كعدت يمها هي فوك واني بالگاع لازمه ايدها
اباوع لايدها شراينها بارزه بصوره موطبيعيه
تحس ماكو لحم مجرد بعد الجلد شرايين وعظام

كتلها جوعانه اسويلج شي؟؟

هزت راسها ب لا لان اني يوميه اسويلها شوربه ويجي مثنئ ياخذها للمستشفى

زينب،، اكلت مااريد بس اريد انام

غصون،، نهضت بستها براسها تركتها وطلعت

زينب،، اول ماصرت وحدي اتذكرت شكله وهو مكتف ادي ومنتجي ع السياره
ماجنت متوقعه يجي يوم يشوفني افرفح جدامه ومايهتم
بمجرد اتذكرته نغزني گلبي مديت ايدي خليتها على مكان البطاريه

غمضت ونزلت دمعتي
شبقه بيه؟؟
احس روحي ميته مابيه روح مجرد جثه تتحرك
اخذو حيلي
وعافيتي
وشبابي
وصحتي
وبنتي
واهلي
دمروني دمار
رفعت عيوني للسما شكيت بدون مااحجي
لان الله يعلم مافي الصدور

عمي وغصون استلمو اوقات علاجي
حتى لوغصون كاعده يجي عمي يذكرها بموعد العلاج يكلها لاتنسين

امي صارت يوميه تجي شويه هي واخواتي يشوفني دقايق ويطلعن عمي مايخلي احد يدخل يمي
بس غصون تدخل تجيب اكل توكلني وتطلع
وهي تسبحني

حتى نسوان المنطقة من يجن مايخلوهن يدخلن يشوفني

عمي احتار شيسوي يكعد يمي يحجيلي عن صبر المؤمن وأن اكثر شي يقربنا لله تعالى هو الألم والمعاناة وانو الصبر مفتاح الفرج
ولابد يجي يوم تنتهي المعاناة ويحل محلها الفرح

جنت ارتاح من يحجي هيج وترتاح نفسيتي
لان عندي قناعه تامه الله راح ينصفني واخر معاناتي فرج بااذن الله

مر 20يوم على عمليتي وعمي مايقبل اروح لهلي
يكول ع الاقل ابقي شهر واني اكلج روحي
بس خل نفسيتج ترتاح وعمليتج ينشف خياطها

بيوم كاعده اني وغصون بالغرفه
غصون حاطه ماعون بي برتقاله تگشرها الي
انفتح الباب دخل عمي شايل فاطمه

احس روحي فرت مني فتحت عيوني مصدمه
اباوعلها بيد عمي شايلها مامصدگه
نزلت دموعي بدون ماامد ايدي اخذها

احس حتى هي مو الي
اكثر شي تحسه الام هو انتماء اطفالها الها
تحس انو ماتملك شي بالكون غيرهم همه
الا اني حتئ هذا الاحساس اتجردت منه

تعبت بفاطمه بطني الخشمي واركض اشتغل واحط جدامهم
اصعد للدرج وانزل واكرب كراب ومحد بحالي حتى ماجنت اكل واشبع مثل البشر يادوم اكل لگمه اسد بيها جوعتي حتئ ويه الجلاب اكلت

تالي اخذوها مني بدون وجع گلب
اباوعلها وابجي عمي گال

شوفي منو اجه يشوفج؟
جابها عمها تضل كم يوم يمج

خنگتني العبره مديت ايدي اخذتها
بدين ترجف عمي ماتركها الا اتاكد صارت بحضني
اباوعلها رافعه راسها تباوعلي بتك عين

دنگت بست عينها المغمضه
بلعت عبرتي
گتلها ها يبنيتي ماعرفتي امج؟؟

صافنه بوجهي حسيتها تتأمل ملامحي التعبانه
لميتها الصدري اريد ادخلها بين ضلوعي
حسيت بعمي نزلت دموعه تركني وطلع وغصون كاعده يمي تبجي

اتذكرت امي بيوم الحضنت احمد وهو ميت
شديت على حضنتي الها لمن بجت يالله بعدتها
الم بشعرها صاير كفشه
مونضيفه مثل ماجنت انضفها واعتني بيها

همست الها بصوت ناصي
كتلها يتيمه انتي مثل امج
بس الفرق بيناتنه امج وابوج عايشين
واتيتمتي

تليفوني عندي جابته الي غصون حسن اتصل بيه

رفعت خط

حسن،، اشلونج زنوبه؟؟
اشلون صرتي؟

زينب،، مسحت دموعي وجاوبته زينه خيي الحمدالله وهسه صرت زينه اكثر

حسن،، هو جبتها الج حتى ترتاح نفسيتج
خليها يمج للجمعه اجي اخذها

زينب،، اليوم ثلاثاء يعني ثلاث ايام تضل يمي
سالته على وضعه جر حسره كلش طويله

حسن،، زين انه ديري بالج على روحج

زينب،، نهيت المكالمه وفطومه بحضني
غصون گالت جيبيها اسبحها خل تطلع حلوه
فعلا ملابسها وصخات

جايبلها حسن جنطه صغيره بيها ملابس
وهم كلهن وصخات اكيد جايبها غصب عنهم
ومايعرف شنو يحطلها لام ملابسها اشلون ماجان
مبينات هاذرات الطفله مامعتنيات بيها
اليتم مو للاب اليتم للام
من تموت الام فعلا تحس روحك يتيم محد الك
الام هي التعتني تلبس تنضف توعي
اما الاب صح اله دور بس مومثل الام نهائيا

دخل عمي وعمتي كعدو يمي عمي اخذها مني حطها بحضنه يلزمها يوكفها وتوكع يضحك عليها احس گلبي فرحان طاير بيها من كثر الفرح ودكاته السريعه ينغزني

ملابسها الجبتهن وياي كلهن صغار حيصيرلها سبع شهور عدهم ومن تركتها جان عمرها اكثر من 6شهور يعني عمرها فوگ السنه

بس ماتمشي توگف وتوگع لوتمشي خطوتين وتوگع
عمتي كالت باجر الصبح اروح للسوگ اجيبلها احلى الهدوم الفطومه

لو شحجي مااجازيها وغصون طالعه عليها گلبهن طيب
عمي وعمتي عافوني وطلعو

طلعتلها غصون ملابس وجاي ادور الها على تكمله الملابسها فتحت جيب الجنطه طلعت افلوس
ضلينه صافنين ضجت لان مااريد منه شي

والفلوس مبينه اهواي ب400الف
جريت موبايلي اتصلت بحسن
بسرعه جاوبني
كتله خيي شنو هاي الافلوس؟
تره ماعايشين على فلوس اخوك ولو اكل خبز وماي مااخذ منه درهم

حسن،، بويه مني والله مني
مااحجي وياهم ولتحسبيني منهم
مالي غرض بيهم

زينب،، خيي مامحتاجه والله عمي مامقصر

حسن،، واني مادزيتهن لان ادري بي مقصر
زينب اخذيهن واسكتي اصلا مايسون تتصلين عليهن قليلات واذا رجعتيهن انسي احجي وياج مره ثانيه

زينب،، سكتت ماحجيت

حسن،، يالله بعد اخوج رايح انه وشتحتاجين
مايردج غير السانج

زينب،، راد يروح كتله اعتذر

حسن،، على شنو؟؟

زينب،، لان حجيتلك سالفه حسين

حسن،، زينب تعبان والله ومحضر جوازي اريد بس اشرد منا بس انتي الكاسره ضهري انتي وفطومه
مااكدر اعوفها ذني مجرمات يتيهنها واخاف تغرگ
لو تتاذه

صح انصدمت بسالفه اخوي عضيدي
بس صدمتي باامي اكبر ماتوقعتها توصل بيها النذاله الدرجه تدفع حسين عليه ولج تحرض اخوي
حتى يشوه سمعة العلويه
عايش. بين وحوش ناس لاتحلل ولاتحرم ولاتخاف من الله
صرت اشك بروحي مو ابنهم

زينب،، حجاها وخنگته العبره بجيت وياه
يجر حسرات تحس روحه الجاي تنازع

حسن،، روحي زينب راح تخليني ارجع اعدمهم
على اعصابي ارجع بليل انام بغرفتي
محتار بين اسافر وبين ااجر مشتمل بغير مكان
بس كتلج المربطني فاطمه

زينب،، نهيت المكالمه وياه ابجي على حاله
هم مظلوم مثل زينب
ناس كفره حتى على ابنهم ماعدهم رحمه

غصون اخذت فطومه سبحتها واجت ملفلفتها بالمنشف كتلها جيبيها اخذتها منها عريانه ابوس بيها مااشبع ماجاي ارتوي عطشان گلبي عليها
كل ماابوسها اجر حسره واكول الله يساعدج يايمه

اخذتها غصون بدلتلها ومشطتلها طلعت تخبل
فطومه كلش حلوه لوماعينها حواجبها مثل حواجب ابوها اطوال بشرتها بيضه وعيونها سود
عينها الصاحيه مفتحتها جبيره واسعه

غصون،، زينب بنتج اتخبل الطب اطور انشاءالله بس يشيلون الورم الفوگ عينها ترجع تفتحها وتشوف بيها تصير ماتتراوه من الجمال مالتها

زينب،، بشنو يفيدها الجمال وحضها مثل حض امها
ضاله من ايد ل ايد لا محصله حنان امها ولاابوها
ابوها راح يجي طفل ينسي فاطمه والدنيا كلها

غصون،، لتضوجين زينب موزين عليج خليها وره الله وداعتج مايضيع حگج ابد

زينب،، ونعم بالله

بليل ردت انيمها يمي ماقبلت غصون كالت افرشلها يمي بالكاع لا تلجم عمليتج لاتنامين صفح اهواي

للفجر اباوعلها اشلون نايمه عيوني ماجاي تشبع منها
من اشوفها تتحرك لااراديا ابتسم ويه حركتها
اتمنيت ماتجي الجمعه وماترجع يمهم

الخميس العصر اختنگت من البيت 20 يوم اني بالغرفه ماطلعت
لزمت صدري مختنكه غصون شالت فطومه دخل عمي

ابو مثنئ،، اشبيج بنيتي؟؟

زينب،، عمي مختنگه من البيت اريد اطلع

ابو مثنئ،، راح احطلج كرسي بالحديقه اباب الحوش نكعد كلنه يمكن من تشوفين وادم ترتاحين

زينب،، هزيت راسي بمعنى اي
نهضت من مكاني
عمتي حطت عباتي على راسي
اتمشى على كيف وراهم طلعت بره جو كلش حلو مومثل بالغرفه احس روحي محبوسه

كعدت ع الكرسي وهمه فرشو زوليه بالكاع ع الثيل
اباوع الوادم تروح وترد وكل شويه واحد يجي يسلم ويسال على وضعي اكتفي اهز راسي بمعنى زينه

جيرانه كلهم اهل واقارب ناس تعرف ناس من الزغر
فطومه بحضن غصون لازمه اديها تصفگلها
واني اباوعلها بين الفرحانه وبين الضايجه باجر يجي عمها ياخذها

سمعت صوت صرخه مال مره دوت بالمنطقه
الوادم كلها كامت تصيح ياالله شكو ومنو الصاحت
ركضو بجهة مصدر الصوت

انوب قوه الصايح يخلي جسمك يرجف
اخاف من صوت الصايح
ركضت الوادم وعمي نهض يتمشئ بخطوات بطيئه
عشر دقايق الهوسه مستمره

التمت الوادم وعمي يمهم
صوتهم عالي اسمعه
واحد منهم گال

الرجال،، شيخ منهل راجع بالسياره لوره
يريد يطلع سامع صوت طگه جوه التاير
من نازل شايفه ابن حسين راسه طاگ
جوه التاير

يتتبع