رواية ضحية طيش الفصل الخامس 5 - بقلم Khalek Poetess

*ودعتها وهي تحس بخوف فضيع ماتدري وش مصدره ..
ارعبتها ساره بكلامها..
ماتوقعتها تقولها مثل هالخبر ولا واحد في الميه..
حاولت تنسى شوي عشان تكمل شغلها وبعدين بتتفرغ لنفسها اخر الليل......
وبالليل كانت تصلي وتدعي ان كان في هالزواج خير لها ان الله ييسره وان كان شر عليها يعسره ولا يتمه..كانت تفكر في نفسها هي الحين ضايقه بلا مأوى ..بلا اهل..بلا احد يضمني له حتى اسمي اخفيته..نزلت دمعه بحجم الالم والحرمان اللي تحسبه تنهدت وهي تقول:حسبي الله على من كان السبب....
اما بالبيت عند سلطان كانت ساره تحكيله اللي صار وهي تصيح متألمه عشان غاده
ساره:مستحييل اتركها يا سلطان حتى لو رفضت راح اخليها توافق غصب..
لو شفتها وشلون تحاول تخفي ألمها وخوفها عني صحت دم..
تقولي انا مريضه وانا عرفت قصدها كانت تحاول تجيب أي عذر عشان اتركها لكني تمسكت فيها بينت لها ان مافيه امل اتركها

سلطان يحط يدينه على راسه:بس..بس الله يخليك يكفي_اخخخخ ياساره ليش تقولين لي كذا تزيدين همي.
.بس (ورفع راسه فوق)والله لعوضها ياساره...
انا سلبتها سعادتها باذن الله ان ارجعها لها انا وان اسعدها قد ما اقدر
ساره:يارب..والله ما تستاهل اللي صار لها..
.بس انا عندي شي محيرني الحين اذا تزوجتها وشلون بتسوي هي ماترفع البرقع عنها شكلها تخاف ان احد يعرفها ..احس انها بتقعد مبرقعه عند الناس بيشكون الناس خاصة انه مب من عاداتنا
سلطان:ههه ومن قالك اني ابقعد هنا ..
انا ابسافر بها علطول للشرقيه خلاص ابسكن هناك طلعت لي وضيفه هناك
ساره متفاجاه:والله؟؟!!ليش ماقلتلنا
سلطان:لاني ماكنت متاكد..وبعدين انا ابيها لو عرفت اني سلطان تعرف وانا هناك فماراح تلقى احد تعرفه الا انا وبتستسلم للامر الواقع اما هنا اخاف تنحاش لاي مكان ولعاد اقدر القاها خاصة اني ماعرف اسمها الحقيقي
ساره:يالله ياسلطان والله احس ان اللي بنسويه مب شي سهل..خاصة إنا مانعرف اسمها وشلون بطلعون عقد زواج
سلطان بغير اكتراث:الواسطة تسوي كل شي..انتي ماعليك من شي انا بدبر كل شي بس انتي جيبي لي موافقتها..بس والله اني خايف انها ماتوافق ابموت لو ماوافقت
ساره:لا انت امل خير والله يعطيك على قد نيتك..يالله نم وانا بروح أشوف عيالي
سلطان:تصبحين على خير
ساره:وانت من اهله
بعد ثلاث ايام راحت ساره لغاده بعد ماحن سلطان على راسها لانها قالت ابخليها تفكر اسبوع لكنه ماطاع ..وداها وأعطاها70 ألف قالها اذا اعطتها الموافقه انها تعطيها المهر عشان تتشرى لها لانه يبي العرس بعد شهر