رواية ضحية طيش الفصل السادس 6 - بقلم Khalek Poetess

** الجزء الثالث **

بالدار..
كانت ساره قاعده مع غاده وتسولف معها.....بعد فتره...
ساره:هاه بشري وش قررتي
غاده منزله عيونها:مدري وش اقولك احس اني مرتاحه بس مادري احس بالخوف
ساره اطمنها:صدقييني والله بترتاحين باذن الله ولو أي شي ضايقك عقب الزواج تعالي قوليلي وانااوريك فيه
غاده تبتسم:يعني بتصيرين ساعدي الايمن
ساره:ههههه والايسر بعد ان بغيتي ..اعتبريني من اليوم امك واختك وصديقتي ..يمكن فارق العمر بينا مب كبير لهالدرجه بس انتي اعتبريني كذا
غاده دمعت عيونها ..لو ان ساره جت تخطبها في بيت اهلها كان الوضع غير
ساره دمعت عيونها ماكانت متحمله تشوف دموع غاده لانها تدري ان السبب في دموعها وبعدها عن اهلها اخوها..ضمتها لصدرها وهي توعدها ان تكون حياتها من اسعد مايكون..اعطتها المهر وطلبت منها انها تروح تسكن معها في بيتها الين تتزوج لانه صعبه بالدارتطلع وتدخل علراحتها خاصة انها بتحتاج السوق كثير...عارضت بشده غاده لكن ساره قالتلها ان رجلها مسافر ماراح يرجع قبل ست شهور وانها قاعده في بيت اهلها فبتروح بيتها عشانها ومافيه الا هي وياها..بعد محاوله كبيييره وافقت وهي منحرجه وقالت انها بتخلص الاجراءات حقت فصلها من الدار وبتدق عليها من بكره تجي تاخذها واتفقو على كذا وراحت ساره..
غاده صابها الهم كانت خااايفه لكن مصيرها تفارق هالدار........ وكانت تقول ساره اعتبرتني بنتها واختها وصديقتها ماراح اخاف على نفسي عندها...بس بناتي ما اتحمل افارقهم ..دمعت عيونها وهي تتذكر اهلها..ااااه فارقت أهلي وهاذاني افارق بناتي اااه يالدنيا...راحت وعلمت اسما باللي صار فرحت لها موووت لكنها حزنت على فراقها ..غاده وصت اسماء على بناتها وطلبت منها انها ترعاهم عقبها لانهم تعلقو باسماء من كثر ماكانت تقعد مع غاده
من بكره ودعت بناتها بعد ماخلصت الاجراءات بكت وبكو بناتها لفراقها وعدتهم انها بتجيهم دايم ولا راح تقطعهم..الكل بكى متأثر من روحتها كلهم حبوها لاخلاقها العاليه وروحها الطيبه...مرت ساره وخذتها وودتها لبيتها
بالبيت...
ساره:اعتبري هالبيت بيتك لا تنحرجين من شي أي شي تبينه اطلبيه كل شي يرخص لك يالعنود
غاده:ماتقصرين يا ساره والله... الله يعطيك العافيه
ساره:يالله عاد تعالي اوريك غرفتك واليوم ابخليك ترتاحين ومن بكره انشا الله بنبدا نشتري بس مانبيك تهلكين نفسك عشان ما يجي العرس وانتي مرهقه
غاده:انشا الله...بس بغيت اقولك ساره انا مابي عرس كبير ولا ابي احد يشوفني...ابقعد بالبيت وانتم روحو للصاله واذا خلص العرس يجي ياخذني
ساره:خلاص اللي تامرين به ...اصلا هو حتى ما يبي عرس وطقطقه بس حنا غصبناه قال ابي اتزوجها وعلطول نفس يوم العرس اخذها عالدمام
غاده بروعه:ليييييه
ساره:بسم الله عليك يا عنود هو شغله هناك لا تخافين صدقيني اريح لك
غاده بارتباك وتوتر:لا اخااف....... انا كنت مرتاحه شوي انك بتكونين حولي بس هناك محد بيكون معي
ساره:سلطان معك وانا ماراح اقطع اتصالي بك ابد
*سلطان..اسمه سلطان..اااخ حتى ماكنت اعرف اسمه ولا فكرت اسالها وش اسمه
ساره:هدي عمرك وانشا الله ما يصير الا خير انتي الحين نامي وريحي الى بكره ورانا كرف
غاده تبتسم:انشا الله ..تصبحين على خير
ساره:وانتي من اهل الخير
*كانت غاده تتقلب طول الوقت بالفراش ..ماتدري ليش قلبها ينغزها رغم ان ساره تطمنها بس ماتدري وش سبب الخوف...
مر الشهر بسرعه وخلصت كل شي بفضل الله ثم ساره وصديقتها عهد اللي مثلت انها خالتها...كانت غاده ماتدري وش تجازيهم به من فضايلهم عليها...
وفي يوم الزواج الصبح..
قامت مبكر الساعه ثمان يمكن من التوتر اصلا هي كانت طول الايام الماضيه متوتره ..لكن اليوم غير حست انها وهقت نفسها..كانت تفكر لو كشفها اكيد بيرميها وماراح يصدق قصتها بيحسبها وحده من البنات الخايسات..وبطيح من عين ساره وهي اللي ماصدقت ان الله يعوضها بوحده مثل ساره ..بس كان املها بالله قوي لانها كانت طول الايام تدعي انه يسترها ويتمم على خير .... راحت للتسريحه تبي تكد شعرها لقت ظرف استغربت من حطه بس قالت مافيه الا ساره مسكته يوم فتحته لقت فيه صوره..انتفضت غاده يوم شافتها..هذا هو سلطان...كانت تنتفض وعيونها تصب دموع ماتدري ليه مع ان شكله يجيب الاطمئنان كان ملتحي ووجهه نور وعليه ابتسامه هاديه بس كانت تحس بنفضه فضيعه بجسمها ..رجعت الصوره وهي تذكر الله(بتستغربون بتقولون كيف ماعرفته..طبعا ماعرفته لان شكله تغير كثير عقب ماطول لحيته..غير انها ماكانت تركز بشكله يوم كانت عنده)
بعد فتره دخلت عليها ساره اللي حطت لها الصوره قبل صلاة الفجر كانت تبي تعرف ردت فعلها وهل هي بتعرفه ولا لا
ساره:سلالالالالالالالام يا احلى عروس
غاده بحيا:وعليكم السلام
ساره:هاه كيف اصبحتي انشا الله بخير
غاده تتنهد:الحمد لله بس احس بخوووووف فضيع
ساره:ههههه شي طبيعي انك تحسين بالخوف بس قوي قلبك وافرحي ترى هذي ليلة العمر...امممم شفتي الظرف_كانت تبي تقيس النبض_
غاده بحيا شدييد:ايه
ساره ارتاحت اكييد ماعرفته: هاه علميني اعجبك ولا ترى ابروح اسوي له ترميم
غاده ضحكت غصب:تسوينها والله
ساره:اصلا كان سويت له بدون ما اقولك بس واثقه من جماله بسم الله عليه يطيح الطير من السما
غاده:هههه ايه اخووك مدحيه
سارة:لا والله مب عشانه اخوي الا عشانه صدق وسيم ليتني إنا اخذت وسامته
غاده:يوووه ساره والله انك تهبلين وش تبين اكثر
ساره:مب ذاك الزود بس يله اهم شي الاخلاق
غاده:هههههه وحب الوطن هههههه
*قعدو يسولفون شوي عقب قامو يصلون الضحى بعدين افطرو وعقبها عاد جت منظفه تنظفها وبدى الشغل والحوووووووووسه
*نرجع لسلطان اللي ماتكلمنا عنه طول الشهر كان طااااااير وناسه كان من شدة فرحته ما يقر بمكان رايح جاي والابتسامه شاقه الحلق الكل استغربو منه خاصة انه الفتره اللي قبل كان كئيب ولا يطلع عند احد واكثر ما فرحه ان الله استجاب دعائه ويسر له زواجه بغاده...بس كان خايف من اول لقاء ووشلون بيكلمها هل ممكن انها تعرفه او تميز صوته عالاقل بتتذكر أي شي منه ....بس كان متوكل على الله..