رواية ضحية طيش الفصل التاسع 9 - بقلم Khalek Poetess

وبالدم ام:
كان سلطان رايح السوبر ماركت مع غاده طبعا هي عيت بس هو اصر عليها الين وافقت ونزل معها يشترون للبيت ..وهم يدورون بعد عنها شوي لانه كان يبي يدور شي..يوم رجع لها تعلقت بذراعه وهي تصيح
سلطان مرتبك:وشفيك عنود
غاده تصيح:انت تبيهم يخطفوني
سلطان بتوتر:من منهم
غاده يزيد صياحها:انت تبيهم ياخذوني ..يخطفوني..ليه تروح وتتركني ليييييييه
كانت ماسكه ذراععه بقوه وهي تغرس اظافرها بقوة خوفها والمها بذيك اللحظه...
سلطان تقطع قلبه حس انه معاد يقدر حتى يجمع انفاسه مسك ذراعها وضمها لصدره بقوه يبي يحسسها بالامان وطلع من السوبر ماركت وترك الاغراض...
بعد مارجعو البيت.. دخلت غاده غرفتها علطول حتى ما اعطت سلطان فرصه انه يكلمها..دخل بعدها سلطان يوم شافها قافله الباب قعد بالصالة..كان يفكر الى متى هالحال..لازم اسوي شي ...يمكن لو عرفت اني انا سلطان اللي خطفتها بيخف خوفها عالاقل بتحس بالامان من ناحيتي..لا لا بالعكس بتكرهني زياده..بس بتحس بالامان من اللي خايفه منه اني اكشفها لاني انا راعي الجريمه_ظرب كف بكف بحسره عقبها قام قال لازمم انفذ قراري واللي يصير يصير هي بتنصدم بالبدايه لكن مالها الا انا............................................... .......................

كان سلطان جالس بحديقة المستشفى ..صار له اسبوعين بالمستشفى!!....بتستغربون صح؟!!...سلطان قال لغاده انه هو اللي اعتدى عليها ومن يومها وهي مرقده بالمستشفى ما تحس باللي حولها....كان سلطان قاعد وحاط يدينه على راسه ويفكر....تذكر ذالك اليوم ناداها وقال انه يبيها بموضوع ..طلعت له زي العصفور المرتعش..تذكر شكلها وهي اطالعه بخوف..رحمها بقووه ..قعدت ع الكنبه اللي قباله بعد كم كلمه بسيطه تلطف الجو وتخليه قادر يتكلم..
سلطان:عنود وش اسمك؟؟
عنود بخوف وحيره:ع عنود ليه؟
سلطان معقد حواجبه:لا مب عنود ابي اسمك الحقيقي
عنود زاد خوفها كنت اقرى افكارها كانها تقول كشفني اكيد احد علمه:و والله اسسمي عن عن عنود
سلطان بحنيه يطالعها:بس انا اللي اخترت لك هالاسم صح يا عنود؟
عنود اطالعه برعب وتشكك:وششلون لالا اصلا هذا اسمي ؟!!
سلطان وهو يبلع ريقه: مب انا اللي اخترته لك ياعنود يوم وديتك للدار!!!!!!!
نقزت غاده وهي تشهق وترجع لورى كانت حاطة يدها على فمها وتشر باليد الثانيه عليه وعيونها تصب دموع وكأنها بدت تسترجع الصوره وتقارن بينهم ....
ومن بين عبراتها بصوت واهن ممزوج بصدمه وخوف ووجع والم وعدم تصديق:ان نت انننننننت ههههو
وقف سلطان وهو منزل عيونه للارض ما كان متحمل نظراتها ولا المها كافي اللي شافه:ايه يا عنود ا ان انا هو اخذتك ابي اصل..
ماحس الا بغاده تنطلق مثل الاسد الثااير باتجاهه ..غرست اظافرها بوجهه وهي تصرخ:حقييييييييييييييييييييييييييييييييييييييييييي ييييييييييييييييييييييييير اكككككككرررررررررررررههههههههك يالحقيييررررررر
كانت تسدد له ظربات متتاليه بكل انحاء جسمه بكل ما اعطاها الله من القوه اما هو كان مثل الصنم واقف بدون ما يتحرك ولا حركه كانت دموعه تنزل بصمت ..كان يبيها تطهره من اللي سواه بظرباتها له ...لكن فجأه طاحت غاده عالارض..شالها بسرعه بحظنه هزها حاول يقومها لكن مافيه امل خذاها للمستشفى وهناك قالو عندها انهيار عصبي حاد..ومن يومها الى اليوم وهي مرقده بالمستشفى تقوم لحظات وترجع بغيبوبه الاسبوع الاول كانت اذا قامت وشافتني تصرخ وتحاول تقوم عشان تظرربني جتها حاله هستيريه شديده..وما تهدا الا اذا اعطوها المهدئات كنت دايم اقعد عند راسها اقرى عليها القران .... هاليومين الاخيره صارت احسن اذا قامت ما تصارخ بس كانت تناظرني بالم شدييييد وكانها تقول انت السبب بدماري..كانت تعذبني بنظراتها اكثر من صراخها...كانت وهي نايمه تهذي بكلمات ما افهمها كنت اسمعها بعض الاحيان تبكي وهي تنادي امها وابوها..كنت اقعد اصيح معها..ياليتها بس تعلمني منهم والله لجيبهم لها حتى لو علمتهم باللي سويته وقتلوني ما يهمني اهم شي ترجع لاهلها ...علم ساره انه قالها سالته وش صار عليها قالها انها انهارت بس ما علمها انها دخلت المستشفى كان يصرفها كلما دقت تبي تكلمها طبعا غاده ما تدري ان ساره تدري عن السالفه....
مسح على وجهه باسى وقام بيروح لها...
دخل الغرفه لقاها قايمه وكان شكلها احسن بكثيرمن الصبح ارتاح سلطان:السلام عليكم
غاده:.........................
سلطان جلس بالكرسي اللي بجنبها:الحمد لله شكلك احسن بكثييير من الصبح
*ما سمع الا تنهيده الم طوييله ومتقطعه طلعت منها...سكت سلطان درى انها ماتبيه يتكلم..فتح المصحف وقام يقرى بصوت مسموع ...كان صوته جمييل وخاشع وهاللي يريح غاده ولا يخليها تنفعل كان وهو يقرى يسترق النظرات لها يلقاها مغمضه وعيونها تدمع ...بعد فتره من القراءه سمعها تناديه بصوت واهن وكانت هذي اول مره تناديه من يوم تزوجو!!!!
غاده:سلطاان
سلطان بصوت حنون:لبيه
غاده وهي تعصر عيونها بالم:ليه تزوجتني؟؟؟ وش تبي بي(وهنا خنقتها العبره)ما يكفي اللي سويته فيني!!
سلطان قام من مكانه بسرعه وقرب منها ..مسك يدها بقوه وهويقول برجاء:تزوجتك لاني ابغاك ..لاني ابغى اعوضك ما اخذته منك..لاني ابغى ارجع لك السعاده اللي سلبتها منك..لاني ابي افرحك بحياتك بعد ما سرقتها منك..ابغاك يا عنود لانك انتي سبب هدايتي بعد الله ..بسببك عرفت الله..بسببك تغيرت حياتي من فوق لتحت
*كانت غاده تصيح بحرقه..ماتدري وش تسوي... هي مصدقته بس ماتقدر تسامحه ما تقدر ابد*
غاده:بس انا ما بغاك اككككككككررهههههههك اكرهك ياسلطان دمرت حياتي ابعدتني عن أهلي... ضيعتني شردتني بعد ما كنت بنت ناس وحمايل ينرفع لاسمهم الراس .. وفي الاخير تزوجتني
سلطان كان يضغط على يدها بقوة الالم اللي يحس به من كلامها:لكن انا ابيك ومستحييل اتخلى عنك مستحييل ياغاده ..وصدقيني بجاهد الين ارجع لك كل اللي اخذته منك وفقدتيه بحياتك بسببي
*ما تكلمت غاده ..استمرت في صياحها وطلع سلطان يخليها تراجع نفسها ويهدي عمره...................
**********************