رواية ضحيه_ام_جلاد الفصل العشرون 20 - بقلم أم احمد

ضحيه_ام_جلاد
ام احمد
الجزء الثاني
العشرون
(ان تستيقظ متاخر خيرا من لا تستيقظ )
هاي جمله جنت ارددها واني انهزم من بيت غزوان نزلت قريب عل بيت عمي واني وجهي ميتفسر من خوف والبجي وزائد هذا كله الگتله الي حصلته عل ايد غزوان لما صرت وسط البيت كعدت بالكاع الهث وابجي وعلي گابلني ويبجي جان وكت وجه الصبح والكل نايمه كمت عل حيلي ورحت عل غرفه حبوبتي فتحته ودخلت ارتمي عل سرير اريد شي من ريحة حبوبتي اريد شي يخفف عني الم وخوفي ويهدي من روعي اريد صدر حنين يحتويني ضميت علي الصدري وبدا يغفي واني ظليت ادعي فليحه ميصير عليها شي وتكوم بالسلامه ظليت اباع بالسكف الى ان غفيت
(غزوان)  حياتي اتلخبطت بالزايد وره زواجي من سماح نفسيتي تعبت اكثر منا زخم الشغل ومنا زخم سماح وابنها امير الي ابد مايسمع مني الكلمه ودومه مخالف الي وطبعا سماح وياه وطمطم اله الى ان عرفت هو يروح للخماره اتخبلت هو عمره 14 سنه شنو يشرب گلبته البيت عل سماح وابنها وضربتهم وراها صدمه من عرفت ناز جانت عل علاقه ويه امير اتخلبت بالزايد وسالت قسمه وتااكدت جنت اريد اطردها بس امي اتخربطت وعفتها الناز ورحت عل امي ونقلتها للمستشفى وعرفت امي بيها بدايه جلطه اظلمت الدنيا بعيني امي وعلي جانوا الدنيا كلها وحبهم بگلبي مزروع طلبوا مني انقلها ال بغداد حتى اسوي الها كل التحاليل المطلوبه واذا تطلب امر اطلع بيها عل خارج وره ساعتين من انتظار اجئ الدكتورة وكلي تكدر تشوفها  كيفت ورحت اطمنت عليها واجت سماح عليها وظلت وياها هيه وزنوبا مجنت احجي كلمه ويه سماح لان احس بيها حاقده عليه وسبب ابنها جانت زنوبا بس تبجي اليوم عرسها واني كتلها راح احجي ويه شيخ كاظم وافهمه عل وضع وان اجل العرس حضنته ال زنوبا وگتله لاتخافين عل امنا هيه قويه وراح تطلع منها كمشت ايدي زنوبا وجرتني عل صفحه وگالت ناز بريئه وهيه سماح هيج كالت عليها من غيرتها منها
زنوبا مو وگتها هل موضوع
-اذا تحب امي رجعها ال ناز
-ليش هيه طلعت من البيت
-اي كعدت ملكيتها
-وعلي  اخذتها
-اي
اني رايح هسه خابريني من سماح اذا صار شي زين
طلعت بوجهي عل بيت عمها اعرف بيها تروح عل ابن عمها وضاح منو غيره يوكف وياه
******************                 
كعدت الضحى وحد منتبه عليه اني موجودة عد بيت عمي خفت من بنات عمي بس اني مجنت مطوله عدهم جنت اريد اطلع عل ايران وانهزم من غزوان ومن شره طلعت من الغرفه وصارت بوجهي وصال جفلت مني وعاطت يمكن من وجهي وارم من ضرب حته حنجي گوه افتحه صاحت عل بقيه والكل التم عليه اني راسنا قبل مااحد يحجي بيهم گتلهم اني مامطوله عدكم كل الي اريده منكم كم فلس اطلع بيها عل ايران
-ناز شجاي تحجين منو هيج سوه بيج !؟
-غزوان ضربني وطردني فدوة وضاح بس ساعدني اروح عل ايران قبل ليحس عليه يريد ياخذ مني ابني هسه هو ملتهي ويه امه اريد عنوان خالي واكيد عمي او فلاح يعرف مكانهم دور بتليفوناتهم
-(كريمه)  لج عوبه تريدين تورطين اخويه ويه رجلج المجرم روحي محد يساعدج مكافي انحرمنا من امنا بسببج
-لا مو سببي امج حفرت الحفرة ورادت اوكع بس الله نقذني منها
-وهسه شنو الي سويتيه حتى زوجج هيج يملخج تملخ الله اعلم شنو دگه الي سويتيها وعل اثرها مهزومه منه وتردين تروحين عل ايران
كملت كلامها واني انهاريت بالبجه حسيت وحدي ضد موجه عاليه وتوديني بكل اتجاهات واني اغرگ
(وضاح) ناز لاتخافين اني مراح اخلي احد يطخج
-لا ابن عمي مااريد اورطك كل الي اريده عنوان اهلي وجم فلس الله يرضه عليكم ماعندي وكت
-هسه اشوف فلاح واساله لاتخافين اني وياج
راح وضاح واني رجعت للغرفه اعرف مراح اسلم من الساناتهم البنات عمي كعدت عل جربايه وافكر شلون انهزم وشلون اقوي عزيمتي مرت ساعه واجه وضاح بالعنوان مالهم انكربت روحي شلون ارجع الخالي الي بعمره ماحن عليه بس گلت احسن مااظل اهنا وانحرم من ابني عل اقل اهناك محد ياخذ مني ابني
(وضاح ) اني اوصلج البيت خالج لاتخافين مااعوفج
-لا مااريد تصير الك مشاكل ويه غزوان مثل مكالت اختك هو مينحزر
-ناز بس ليش هيج ضاربج
-مو مهم هسه ليش ضربني مهم اني جان اسوي هل شي من زمان مثل ماكلت الي صحوتي متاخرة جانت هسه لازم اطلع
-ناز اوصلج اني مااعوفج (حسيت باامان وان اكو شي يسندني غمضت عيني وفتحتها اعرف اذا خليته يروح ويايه راح ياذيهم غزوان وصيته انه اذا سال عليه يكولون انهم ميعرفون وين رحت كمشت ايديه وگتله وراك عائله )
-خل اطلع هسه وادعي اخلص من غزوان
ركبت سياره ومشت بيه جانت ميحتاج للدخول لاجواز ولاشي ضلت سياره تمشي بينا مااعرف شكد وكاع تصعد وتنزل واني خايفه لا غزوان يحس علينا ويطلبنا وياذينا وره ساعتين ونص وكفت السياره مااعرف شنو سبب بس اني خمطني گلبي وحسيت اذا راح تنفتح باب السياره راح يصير گدامي غزوان مااعرف شحجوا ويه السايق مال سياره ونزلونه وفتشوا السياره ورجعنا صعدنه ومشت مرا لخ حمدت الله وشكرته انهم مو جماعه غزوان &صار ساعه وهم وگفنا بس اهنا محد نزل بس الي صار انهم فتحو الباب وبس اني نزلوني ردت ادفعهم عني ماكو واحد اخذ ابني وگام علي يبجي ولاخ جرني من ايدي وصعدني بالسياره اول مصعدت للسياره شفت عباس هذا يشتغل ويه غزوان راسنا بيجيت واتوسلت بيه يعوفني مقبل وگال مااكدر اذا مااجيبج راسي يطيره الشيخ شويه وابوس رجليه بس ولاعبالك اتوسل بيه ورجعنا رجوع واحس السياره تمشي عل گلبي مو عل گاع اخذت علاوي ابين ايديه وحضنته واعرف ان غزوان راح يفرقني عن ابني وياخذه مني بس بذاك الحال هم حمدت الله ان ماقبلت وضاح يجي ويايه جان شخلصني من الحجي ان مهزومه ويه ابن عمها وهو منا متهمني ويه ابن اخوه &كلما طس سياره اني افز واحس روحي تريد تطلع اي هو الموت جان بس بطئ الي راح اروح اله هو موت ويمكن الموت ارحم منه مااعرف الوكت والا گالو وصلنا انفتح الباب وطلب عباس مني انزل مسحت دموعي ونزلت جنت كامشه ابني بكل قوتي مااريد اخسره اريد احارب ال اخر نفس علموده جان ليل ضليت واكفه جريت نفس عميق دفعني حرس ان اطب جو استجمعت اخر قوة عندي واني احس مبقه عندي قوة لان ولالكمه اكل حطيت بحلكي من بارحه فخوف عل جوع عل الم بكل جسمي معا هذا قاومت ودخلت واني مااريد بس احافظ عل ابني وماانحرم منه دخلت للبيت راسنا شبگتني زنوبا وكامت تبجي اني هم خفت لا فليحه صار عليها شي بس هيه طمنتني وگالت مابيها شي وسالت عليه اكثر من مره رادت تاخذ مني علي مقبلت انطي الها همست الي انه ينتظرج بغرفته فااحسن تاخذ علي مني گتلها لا ماانطيه وابني يبقه وياي استسلمت وعافتني رحت عل غرفته واني اذكر الي سواه بيه بارحه شراح يخلصني هسه منه دخلت اله جان كاعد ينظف سلاحه سديت باب ورايه من شاف باايدي علي گام عل حيله واجه عليه واخذه مني وحضنه وشمه جان علي نايم فز وبدا يتنعوص صاح عل زنوبا حته تاخذه
-لا ابني يظل عندي مااعوفه (گلتها واني مغمضه عيني اخاف اباع عليه واشوف عيونه الي كلها غضب )
-زينب تعالي اخذيه
-انطيني ابني (دفعني قوي وكعت بالگاع دخلت زينب واخذت علي وطلعت عل سريع هو رجع ينظف بالسلاح مالته ولاعبالك اني موجوده بالغرفه وياه كمت عل حيلي وگتله شراح تسوي
-لاتستعجلين شويه وتعرفين مصيرج
-ابني لاتحرمني منه
-هذا ابني ومااقبل يتربى بعيد عني
-منو راح يربيه ام امير الي ضيعت امه وانت صدكتها
- اني صدكت قسمه
-جيب امير واساله
-وهو راح يكلي اي عمي مرتك تحارشت بيه ناز لا تطوليها وتعرضبها شويه ويجي ابن عمج ياخذج وكل واحد يروح لحال سبيله ابني لاتخافين اني اجيب احد يداريه
- الله يخليك انت انحرمت من امك واني هم انحرمت منها ليش تعيد ماساة عل ابنك اوعدك اذا بقيتني اهنا مااخليك تشوفني نهائيا ولاتحس ببه بس خليني اداري ابني (عاط بيه)
كافي الله ياخذج واخلص منج كتلج ماتبقين اهنا وابني ماانطيه الوحده رخيصه
اني رخيصه الله يسامحك اذا تحجي عل خيانة فاانت سويت افضع من خيانه كل يوم تروح عل موزينات هاي مو خيانه صار سنة ونص يمك وانت ماطاخني بس مرا لو مرتين
لج كافي حقيرة اله تخليني اضربج جرني من ايدي حيل ودفعني عل كاع وگال كلمه لخ افرغ السلاح براسج
كمت عل حيلي
راح اروح بس مااكول الك بس الله ياخذ حقي منك ومن مرتك طلعت منه وعيوني تذرف دم مو دموع رحت عل زنوبا بوست ابني وطلعت بطلعتي شفت وضاح ضل يباع عليه من عيوني عرف اني انحرمت من ابني صعدني بالسيارة ورحنا عل بيت عمي اول موصلت دخلت الغرفة حبوبتي واني احسب عل غزوان وسماح واريد من الله ياخذ حقي منهم ظل وضاح يدك باب يحاول يحجي ويايه بس ومنطيته مجال وگتله خليني بهمي ظليت الليل كله ابجي واحسب عليهم جانت ليله اولى الي انحرم بيها من ابني وجه الصبح حسيت بجوع شديد صار يومين اني مماكله رحت للمطبخ اريد افتح فجوجي مااكدر من وره الضربه مالته كوه بلعت لكمه وگلبي نار عل ابني توضيت وخلت اصلي وادعي ان يرجع الي ابني
(سماح)  بعد الي صار وعرفت ناز انطردت ظليت اداري بفليحه واحس بنشوه النصر ان غزوان فقد مرته وابنه راح يربى عل ايديه اني وعدتك غزوان ان ادمرك وهاي اول خطوة مستعده اتحالف ويه الشيطان حتى اذيك اذيتني واذيت ابني بس ينراد الي صبر واخليك تخسر كلشي اخذت نفس عميق واني اكعد فليحه واشربها الدوه ظلت فليحه تسالني عل زنوبا وغزوان كتلها الصبح يجون عليج وسالتني عل ناز ليش مااجت عليها وزارتها گتلها ملتهيه ويه ابنها سكتت بعد محجت نمت ذيج الليله واني الفرح الي بگلبي مينوصف
(غزوان)  من الصبح وصيت عل وحده تجي تداري علي وتكون خاصه اله وصيت زنوبا عليه ورحت عل مستشفى ازور امي وصلت جانوا مطلعيها من طوارئ وحاطيها بغرفه خاصه كتلها سماح تروح عل بيت وتسال عل دايح ابنها وين يبات وصيتها دير بالها عل بيت ظلت تعوج بحلگها معاجبها كلامي مردت اضوح امي واضربها كدام امي راحت واني اعرف بيها هيه
فرحانه هسه
لان اني طردت ناز خليها بعقليتها غيرة نسوان بس اني جنت ضام الها ضميمه ههههه تخليها تفر بااذاناتها
(ناز)  مروا يومين بس حسيتهم سنتين متت عل شوفة ابني كلما احتصر افرش سجادتي وادعي ان انجمع باابني من جديد عيوني مابطلن دمع والكل عرفوا بمشكلتي كلهم يشمتون بيه الا وضاح واكف ويايه جانت ايام مره وسوده ماشفتها بيها بس حقد وشماته منهم حته ماانتبهت ان وضاح مطلق مرته اتفاجات وره اسبوع من شفت ابنه عمته تغسل اله يا كل هل حب وبعدين يطلگلها اوف ربي بس لا غزوان يطلكني جنت متامله فليحه ترجع للبيت وترجعني  وياها اكيد مراح تقبل عل تصرفات غزوان وراح تظهر برائتي
(سماح ) مرجعت عل بيت رحت عل بيت صديقه لاامير وعرفت هو يمه اخذته ورجعنا عل بيت وصيته بعد مايفتح حلكه ويحجي زايد ويه عمه وظليت اگله اصبر يشتدد عودك شويه بوسته وسويت اله اكل اكل ونام رحت وشفت زينب حايره بعلي من شافتني گالت مجاي تعرف توكله ولا تداريه وباجر يلا تجي وحده تعتني بيه اخذته ابين ايديه واني اول مرا اشيله اوف غزوان هذا فلذة گلبك بين ايديه گتلها ال لزنوبا تروح عل غرفتها ترتاح واني اخذته ال علي وصعد بيه البيتي ظل طفل مستغرب مني ويبجي حاولت اهدي من خوفه واستغرابه بس هو ممتعود عليه اجه حسين وحاول يفر ويسكت بيه وره ساعتين تعب من ال بجه ونام جفي
(ناز)  گلبي ماكلني عل ابني مااعرف شااسوي رحت عل وضاح وگتله نروح عل مستشفى
ليش شعدنا
اشوف فليحه
راح يطردج اكيد قبل متوصلين الها
فدوة وضاح امشي ويايه فدوه والله هيه الوحيده الي ترجع ابني الي
اوف اني اعرف راح ننطرد شر طرده من هذا المتعجرف
فدوه امشي
وره ربع ساعه احنه بالمستشفى سالنا عل اسمها ودلونا عليها اني اقدم رجل وارجع رجل من خوف منه بس مو باايدي گلبي نار عل ابني وقبل منوصل للغرفه شفنا طلع من الغرفه هو شافني هو عينه صارت بگصته ماادري شخبله يمكن كيف جايه لوكيف ويه ابن عمي ظل يعيط علينا ويطرد بينا كلامه كله كلام واحد غيرة ماكله گلبه بس يكابر ان يعترف ودفعني اجه وضاح وكف بطريقه وخر ايديه مني وتلازموه ابيناتهم وصياحهم گلب المستشفى گلاب اجوي الحرس مال مستشفى واطباء فاككوهم واحنه رجعنا للبيت مطرودين  شر طرده مثل مگال وضاح وهو احس بيه بركان وانفجر

ام احمد