رواية ضحيه_ام_جلاد الفصل الثاني عشر 12 - بقلم أم احمد

ضحيه_ام_جلاد
ام احمد
الجزء الثاني
البارت الثاني عشر
الغضب مياذي  فقط صاحبه لكن ياذي  ايضا من حواليه💔 بعض الناس يلومون انسان عندما يصبح قاسي وقلبه صخر ولايلومون من كان سبب في مااصبح هو عليه الان💔
هذا هو غزوان انسان مليان بالغضب لااقل شي يصب كامل غضبه عليه بدون معرفة اسباب

طلعت السلاح وحطيته براسها وهيه ترجف من خوف
-احجي قبل ماافرغ السلاح براسج
-شنو الي احجي
رحت لميت رسايل وشمرتها عليها بدت تقراهم وهيه دموعها تصب وتهز براسها وتكول لا هاي مو الي احلف بالله موالي وكومته وضربتها راشدي
تخدعيني والله لااموتج احجي منو هذا الي تلتقين وياه رفعتها من ايديه وحطيت ايدي عل ركبتها واخنگ بيها ضلت تضرب بيه ودفع بيه عفتها وكعت بالكاع تكح ومنهاره لج احجي منو هو بهل اثناء اجت امي تدگ بالباب وتلكي افتح غزوان عوفها ابنيه راح تموتها
يمه روحي مالج دخل
فدوه يمه افتح خل افتهم ليش تضربها
عفت امي ورجعت عليها دفرتها ظلت تحلف ان هيه متعرف اي شي عن رسايل وتبجي جريتها من شعرها وكفتها وهيه تتوسل بيه اعوفها ضربتها راشدي لاخ وكعت بالگاع وبدت تزحف عل ايديها ورجليها تريد تخلص مني ضليت اضرب بيها الى ان حصرتها بالجربايه ظهرها عل جربايه وجها عليه اجيت كعدت يمها وگتلها اقتله گدامج يله اقتلج لاتخافين هسه مراح اقتلج وجها كله دم قربت راسي ليمها وعطت بيها كولي منو هو ابن عمج لو منو حقيره احجي رادت توخر مني حصرتها بالجربايه اخنگ بيها وهيه دفع بيه الى ان غابت روحها واغمى عليها ظليت اضرب عل وجها مااريدها تموت ومتكول الي اسمه كمت منها واني غضبي واصل حده وامي ظلت دگ الباب حيل رحت فتحته دخلت امي واختي ومرت ابويه كل عيط من شافوها مغمى عليها امي عاطت يمه ابنيتي ليش هيج حرام عليك
اسكتوا مالكم دخل بيها هاي وحده خاينه اخذت رسايل وانطيتها لزينب وكتلها اقري قرتهم ظلت امي تحاول تروح يمها واني مااخليها
يمه عوفيها خل تموت
ولك ظالم منو يكول رسايل الها
اسمها عليهم
ابنيه دره مال الله وين طالعه وين طابه وهيه لو عدها هيج شي تخليهم بغرفتك
الله يريد يفضحها ونستهم بالكنتور مالي
خايب وخر خليني اروح اشوفها اشسويت بيها عفتها لامي وراحت تكعد بيها صاحت عل زنوبا وشالوها وحطوها عل جربايه وعاطت امي يمه ابنيه نزيف الحكوني راح الطفل منا  كلمات امي وكعت عليه مثل  صاعقه نزل عل اذاني شنو طفل؟ منوحامل؟
اويلي غزوان انقلها عل مستشفى بسرعه
يمه شبيج ياطفل هذا
ابنك راح يموت
ناز حامل لا ممعقوله هذا اكيد مو ابني
حرام عليك ابنيه بريئه شوف منو هيج خلا رسايل كدامك منو اله مصلحه هيج يسوي تعال ساعدني
رحت ساعدتها واني افكار تعصف براسي وخلال نص ساعه احنه بالمستشفى اخذوها ناز ودخلوها جوا ظلت امي تلطم واني صدمه وره صدمه عقلي مجاي يستوعب حواليه وره ساعه طلعت دكتوره وكالت ان حالتها مستقرة وانهم سيطروا عل نزف وطفل بقدرة قادر بعد عايش ظلت امي تهلهل واني مااعرف افرح لو احزن هيه اذا حامل ليش مكالوا الي خليت ورجعت للبيت مااريدها ولااريد طفل كعدت بالغرفه افكر بلي صار معقوله هذا فعل فاعل وهيه بريئه واني ظلمتها مااعرف شجاب عل بالي ايام مصحه واذكرت جاسم من جان يضربنا اني واحمد بسبب وبدون سبب وشلون جنه مظلومين جنت مجرد طفل بريئ ماعندي اي اجرام بحياتي مااعرف حنيت لذيج نفسي البريئه النقيه حنيت حتى لااسم حسن بديت بداخلي اسال روحي اني منو حسن لو غزوان جان بداخلي صوت يجاوبني حسن وغزوان همه عمله لوجه واحد اثنينهم نفس الشخص المجرم القاتل الظالم حسيت نفسي ضايع بين الحاضر والماضي واسال روحي اني ظالم لو مظلوم اني الولد الي خطفوه واغتصبوه اني الي اتبروا منه اني الي ذبوه بالمصح اني الي قتلوه وهو عايش اني غزوان الي صار وحش ميعرف الرحمه همه سبب همه الي سوني ظالم الي اني بيه مااجه من فراغ لا اني ضحيه الهم كعدت بالكاع وابجي اريد ارجع انسان اني هسه وحش اباع عل گاع دم لون دم شفته هوايه وعيني اتعلمت عل شوفته ماعدت ذاك الطفل الي يركض بالبستان اني هسه جلاد وهمه سبب خلوني هيج اصير حطيت راسي بالكاع وراسي بيه اطنان من افكار سوده باوعت عل رسايل وظليت افكر منو اله مصلحه ياذي ناز اكيد مو امي ولااختي منو معقولة مرت ابوي هيه سبب زين ليش تاذيها وين الكه جواب عد منو وكلام امي صح هيه اذا عدها شي شلون تخليهم بكنتوري الجواب عد مرت ابوي كمت عل حيلي وصعدت ليفوك بخطوتين دخلت للغرفه جانت كاعده عل جربايه عبالك جاي تنتظرني عيوني احسهم راح يطلعن من مكانهم من شافتني عاطت وظلت تبجي وتكول ارحمني ارحمني رحت عليه وسحلتها وذبيتها بالكاع وكعت بالكاع وهيه تبجي اجت ليمي وباست رجلي وهيه تردد ارحمني ارحم شيباتي گومته وگتلها احجي الي من بدايه
احجي طال عمرك بس انطيني كلمه امان البناتي ونزلت عل رجلي مره لخ ضجت ونترت بيها وهزيته احجي لا اموتج هسه
والحمزه اني مجنت اعرف ان هاي رسايل راح تضر ناز ابنيه من اليوم الي دخلت البيت واني مااذيتها ولا احتكيت بيها وهيه هم حبابه والحمزه ماادري راح تنضر هيه(فقدت عليها وضربتها)
احجي احجي مرت عمها دزت عليه وانطتني اياهم وكالت حطيهم بغراض الشيخ واني مارضيت بس هيه لحت عليه وراسك اني مدري شنو الي بيها (گومتها من گاع )
اذا اخذتج البيت ابو فلاح تكولين كل هل كلام
اگول طال عمرك اگول بس بناتي باامانتك هنه خواتك
لزمتها من ايدها ودفعتها ليكدام وگتلها مجان فكرتي بناتج قبل متهجمين بيوت امشينا عل بيت الشيخ
طال عمرك خلي يطلع الضوء مل الصبح
امشي لاافرغ السلاح براسج
ونص ساعه جنت اني ومرت بويه بيت شيخ ابو فلاح جانت بحدود الخمسه الفجر ناس من هوستي وعياطي نزلوا مصربعين وصرت بنص بيتهم واجه عمها ال ناز و ولد عمها اني بس اعرف وضاح الكل يباع عليه جريت مرت ابويه وشمرتها بنصهم وگتلها احجي ظلت تشهك وتبجي وتبوس باايد شيخ جبر الكل ينتظر تحجي
اني من دخلت البيت شيخ ابوفهد مااذيت احد وجنت اجنب المشاكل كلكم تعرفوني خلفت منه ثماني بنات وكعدت عليهن وكلت الحمدلله ولايوم اذيت فليحه ولا بنتها دومي كافي خيري شري قبل اسبوع دزت عليه اختي وكالت هاي مكاتيب حطيهم بكنتور الشيخ والخلقني مااعرف شنو بيها ولااعرف ان ناز راح تنضر توسلت بيها ان مااسوي هل شي بس هيه اصرت عليه واني خليتهم وصار الي صار
(ابو فلاح ) شنو هاي مكاتيب شيخ غزوان
هاك اخذ وشوف حرمتك وجريمتها (من شاف الشيخ رسايل وجه گام ميتفسر وظل ساكت اتقرب عليه وگال شسويت ال ناز اجه ابنه وضاح واخذ رسايل وبدا يقراهم والكل عيونها عليه يردون يعرفون شنو مصيرها
(ابو فلاح) شيخ غزوان احنه گدامك شتفصل احنه نلبس وكون عل يقين ان حرمتي هيه تحرم عليه وراح ادزها عل اهلها وانت حقك علينا وشتشوف احنه قابلين
(وضاح)  شيخ غزوان احجي شسويت الناز
انداريت عليه وگتله مابيها شي وهاي مرت ابوي ماريدها بعد وحمدوا الله اني حرمتي مصار عليها شي لو صاير عليه شي جان حرگتكم كلكم وانت يامرت ابويه لاتخليني بعد اشوفج وبناتج هنه مالهن ذنب وراح يضلن يمي الى ان تجي قسمهم
طال عمرك لاتحرمني من بناتي امووت
ولاكلمه مو زين بس هيج لاتخليني اطلع كل خبالي عليج بعد لاتراوين خلقتج الزفره بعد
عفتهم وطلعت منهم ورحت عل مستشفى واطمئن عل ناز دخلت شفت امي برا كاعده وتبجي
ها يمه خير شكو
ماكو شي وليدي بس جاي يفحصوها خطيه متاذيه يكولون منكدر ننطيها مسكنات قويه علمود طفل شسويت ابني شكلك تعبان
لاتشغلين بالج يمه ناز طلعت برائتها والله كشف الي دبروا الحيله وطلعت الدكتورة ورحت عليها
انت زوجها مو
اي
ظالم متخلف ليش هيج مسوي بالطفله هيه هاي رجولة مالتك
اكدر اشوفها
لا مااخليك اله اذا هيه توافق
خمس دقايق بس
لا ماكو من تصحه اسالها يجوز تدخل تقتلها منعرف شنو مشكله
صارت العشره وناز جوا بالغرفه نايمه ومن كعدت امي دخلت عليها وشافتها من طلعت امي كتلها ادخل اشوفها
شااكلك يا ابني متريد تشوفك
حقها متقبل هسه اروح للبيت ارتاح شويه اجي عليكم العصر
اخذ راحتك يمه ولايظل بالك اني يمها
طلعت من مستشفى واني مخنوگ ممصدك ان اني اطلب اشوفها وهيه رفضت شوفتي ددخلت للبيت وقبضني گلبي لان لاامي ولا ناز بيه سبحت واخذت حبايه مال وجع راس ونمت
(ناز) فتحت عيوني بغرفه كلها ابيض واجهزه بكل مكان عل راسي دكتورة تفحصني من شافتني تحمدت عل سلامتي وابتسمت الي وراحت اذكرت شصار انرعبت كمشت بطني خفت لايكون فقد الطفل هو الشي الحلو بحياتي صار مااتحمل افقده وراها دخلت عليه فليحه وبوستني وتحمدت عل سلامتي من عيوني والخوف الي بيهم افتهمتني وعرفت سؤالي قبل ماانطقه وكالت يمه لاتخافين ابنج بخير بس ديري بالج لاتتحركين منا ال 24 ساعه وراها نطلعج نوديج عل بيت فرحت هوايه واني اعرف ابني بخير اتقربت فليحه عليه وهمست بااذني غزوان برا يريد يشوفج اسمه من سمعته جان كافي انه يرعبني وذكرت قساوته وجبروته (ناس اصناف ثلاثه بااذيتك اول ياذيك من غير قصد ويعتذر منك وثاني يكون بقصد بس يعتذر ويعوفك وثالث يكون بقصد بس فرقه عن ثاني ان يبقه ينتظر يشوفك متاذي ويجي يظل يباع عليك شلون متاذي ويتشفه بيك غزوان هو من نوع ثالث الي يكمل عل واحد للاخير )
لا يمه لاتخليه يدخل فدوه يمه
لاتخافين ابنيتي مراح اخليه يدخل وخلت وراحت
ظليت متالمه ومااريد اسد عيوني واذكر الي صار بيه واذيه الي حصلتها منه
*****************************************  
كعدت العصر جنت جوعان بشكل اذكرت اني حته ممتريك طلعت وصحت عل ام عباس تسوي الي غدا شفت خواتي يبجن عل امهن صحتهن جانت امينه 16عمرهامن عمر ناز وشجن 14 فهمتهن انهن يظلن اهنا معززات مكرمات وان امهن والي سوته ميغتفر الها لهذا دزيتها البيت اهلها ظلن يبجن گتلهن اني اخوجن وحزام ظهرجن ومراح اخليجن محتاجات شي ومراح افرقجن شي عن زينب شويه هدأن وراحن اكلت لكمه  وكلت اروح عل مستشفى اعرف ناز راح تبات بيها ابقه يمها واخلي امي ترجع شويه تاكل لكمه وترتاح وتجي باليل واني ارجع للبيت دخلت للمستشفى ماكو احد باانتظار  سالت ممرضه كالت حولها بغير غرفه وانطتني رقمها رحت عليهم دكيت الباب اجت امي فتحت من عيوني عرفت امي اريد ادخل ظلت امي ساكته وراها گالت اي يمه اتفضل هاي مريتك ومن حقك تتطمن عليها دخلت للغرفه وشفتها ايديها ملفوفه وراسها ملفوف وجزء من راسها مخيط واثار زراك عل رگبتها هاي اخر شي من خنگتها ظليت اباع عليها وهيه من شافتني غمضت عينها ودارت راسها اتقربت عليها حسيتها جفلت مني وحقها الي تسوي بعد مخطيت خطوتين كامت تبجي بهستيريه مستمره وترجف افتهمت ان هيه رافضه وجودي گتلها يمه روحي للبيت واني ابقه ودرات وجها عل امي وگالت يمه لاتعوفيني وياه☹️
لا يمه مااعوفج باقيه يمج لاتخافين &واجت امي وطلعتني من غرفة وگالت خليها ترتاح واني ظاله وياها ومن صبح نطلع خلي ام عباس تسوي الها مكان زين لاتنقهر يمه وليدي بعدها بصدمه ومتاذايه بس شويه تصير زينه هيه تجاوز هل مرحله
عفتها لاامي وطلعت ورحي طافره ورحت گبل عل اشرف البيتهم جان اشرف ازوج وره فتره من اجه الهنا واستقر ظليت وياها بالبيت وليل رحنا للخماره بس مااجت نفسي عل اي وحده من البنات شربت كم كاس وظليت بوعي ورجعت 12 دخلت للغرفه شفت ام عباس منظفه الغرفه ومعدلتها معقوله ناز تجي اهنا تنام اخذت حمام ونمت
من الصبح رحت عليهم ظليت برا الغرفه الى ان طلعت امي وكالت تفحصها الدكتورة ونطلع ظلينا ننتظر الدكتوره واجت فحصتها وكتبت النه خروجيه دخلت للغرفه جانت كاعده عل جربايه وجابوا الها كرسي متحرك وحطوها بيه وطلعنا من مستشفى وعيوني عليها اريدها تباع عليه ماكو امي جانت فرحانه حيل لان ناز بقت حامل وهمات اني صرت اهتم الها جنت موصي اول متنزل من سيارة يذبحون جوه رجليها علمود سلامتها واشتغلت هلاهل مال ام عباس وامي هم كل فرحان بسلامتها  دخلنا للبيت ورادت امي دخلها للغرفه مالتي ظلت ناز واكفه ومقبلت تدخل امي هم ماغصبتها ودتها عل غير غرفه ظليت ساكت وعرفت اني هلمرا سببت الها جرح عميق وصعب يلتأم بساع

ام احمد