رواية ضحيه_ام_جلاد الفصل الثالث عشر 13 - بقلم أم احمد

ضحيه_ام_جلاد
ام احمد
الجزء الثاني
بارت الثالث عشر
مرات تسبب جرح جبير صعب الغيرك ينساه او يتجاوزه ويمكن ميكدر يتجاوزة ابد بس مثل حالة ناز هيه مجبورة تتحمل وتضل يمي لان متكدر ترجع لااهلها مجبورة تتحمل وتسكت تجرع المر باايديها ممسموح الها تحجي او تطالب بشي اي حقوق الها ماكو
خلال اسبوع من حادث ضلت ناز تجنبني ولا تقبل تتواجد بمكان اني بيه امي تگول سويت بيها حاله نفسيه لان باليل تكعد تبجي بدون سبب اني هم بعد كمت احترم رايها ومااحاول اخليها تشوفني دزيت عل ولد فهد لان البيت جان حزين منا ناز وامي مااشوفهم ومنا خواتي بس يبجن عل امهن صار البيت عبارة عن حزن رغم ان مرت ابويه اذتنا بهاي عملتها اخيرة بس هيه مرا سنين الها محد سامع صوتها ولاعليها بااحد دومها تجنب مشاكل وهيه همات دمها خفيف وتحب تنكت ويه الكل بس بعد جنت عل نفسها واني مااكدر اسامحها بعد واحتراما ال ناز بعد مااكدر اخليها ترجع للبيت فكرت اخذ الولد واروح سفره للشمال وصدك اخذت امير وحسين واشرف وعائلته وطلعنا لااربيل اسبوع اتقربت هوايه من حسين وصار يحبني يشوف بيه ابوه الي انحرم منه &اخوي فهد جان هامل سماح واولادها ودومه يم مرته لخ الي عرفته اهلها اخذوها وسافروا خوفا مني ولاعرفت الهم خبر &
اما امير جان متنونس حيل بس من يمي يتحسس هوايه مهم اني زرعت براسهم انهم مهمين الي وان اذا جوي يمي ميحتاج يرحون للمدرسه وراح اعلمهم الصيد والشغل وراح يصيرون اصحاب اطيان وحلال الفكرة عجبتهم هوايه واترسخت باادمغتهم وبااخص انهم ميحبون دراسه وجان خالهم هوايه يعيرهم انهم ماعدهم حلال ولااملاك وعايشين عل نفقته وره مرجعنا گتله
حسوني ابقه يمي وباجر نطلع للصيد
صج عمي الشيخ ابقة اليوم يمك
اي رواح اشتري الك مهره شكلت
موافق (واهنا دغه امير وكله وامنا)
امير عوف اخوك ورح گول لاامك هو باقي يمي
(حسين)  اي امير لاتدخل اني باقي يم عمي الشيخ اهناك خالي مااحبه ولااريد اروح للمدرسه
(امير) وامنا تعوفها
لا مااعوفها اجي اشوفها كل وكت يوديني عمي الشيخ (اجه وكمش ايدي وباسها)
(غزوان) امير انت هم ابقه يمي اني احتاجك وامك اول تالي تروح وتزوج وانت لازم تسوي الك مكان تعيش بيه واني اولى بيك من خالك
ظل امير يباع عليه وعل اخوه وگال مااعوف امي اني
(غزوان)  براحتك اني مااجبرك ان تبقه
حسيت بحجم الم الي راح تحسه سماح من تعرف ابنها فضلني عليها
**************************************   
بيت شيخ عطوان
-شنو اخوك بقه مجاي افتهم
-هذا الي صار يمه حسين بقه يم عمي
- ليش هيجي يسوي اني امه يتخلى عني
متحملت ان ابني يترك البيت وهيج يروح بساطه لبست ورحت عليه ارجعه
-وين طالعه هو شنو ماالج رداد
- رايح ارجع ابني لحضني ياخوي
-لا مترحين الولد عاجبه يبقه يم عمه
-اني امه اولى بيه
-سماح كتلج هو راح ياخذ منج ولادج وانت عبالج لعب جعاب بابه هذا الي يريده يسويه
- ابني ارجعه الي ان اجيت  ويايه او لا
-لا مترحين واذا طلعتي اكسر رجلج افتهمتي
رجعت دخلت الغرفتي واني العن حظي وممصدك ابني راح مني
بهل سهوله ظليت احسب عل غزوان وادعي عليه
*****************************************     
خليت حسين يختار اله غرفه وعدته كل طلباته اوامر فرح الولد وحضني صح هو ابن فهد بس اني بديت استلطفه قبل جنت مااطيقهم بس هسه احس بيهم قريببن عليه عفته ونزلت جوا ورحت گبل عل غرفة ناز دكيت الباب ودخلت ماكو احد موجود وشويه طلعت هيه وامي من حمام من شافوني فزوا عبالهم بعدني مسافر رحت بست ايد امي وسلمت عل ناز جاوبتني بصوت ناصي حتى مفتهمت شكالت او يمكن مجاوبت راحت كعدت عل جربايه وامي غطته جانت احسن باقي اثار خفيفيه عل ايديه ووجه مال ضرب صار اسبوعين مشايفه ظلت امي تلطف بالجو وهيه ناز منزله راسها ولارفعته التافيت عل امي وكتلها
يمه خلينا شويه ويه مرتي (شالت راسها وباوعت عليه بعيون حزينه كانما تگول اني مرتك واخير اعترفت اني مرتك مو خدامتك) طلعت امي من غرفه وهيه توصي بيه عل كيفي وياها سديت الباب ورحت عليها وكعدت يمها عل جربايه جريت ايديها وظليت كامشهم
شلون صرتي (مدنجه راسها )
زينه الحمدلله
مراح تسامحيني
هو اني يحق الي اغضب او اضوج اني مجرد خدامة الك
ههههه لا انتِ هسه مرتي وام ابني (مديت ايدي وشلت راسها وخرت شعرها عن وجها شفتها دموعها )
ليش تبجين
متعلمه عيوني عل بجي من خلقت الى هسه (حجم حزن الي دخل الگلبي جان فظيع هيه نفس معاناتي حياتها كلها الم وحزن هيه هم بعدوها عن امها هيه هم ظلت بدون بيت وعائله تضمها )
ناز لاتبجين اني مراح اضربج بعد( مسحت دموعها وضليت كامشها من خدودها طريه جانت خايفه مني هوايه جنت اسمع دگات گلبها من خوف )
كل الي اريده بيت بسيط الي ولاابني احميه ومااخليه يتعذب مثلي بالبيوت
هذا ابن شيوخ هذا ابني مراح احد يمسه (حسيت نحوها باانجذاب يمكن لان صار اسبوعين ممتقرب لمرا وهيه لابسه هدوم خفيفه ومبين جسمها وشعرها عبالك بيه جاذبيه اتقربت عل راسها هيه ارتبكت وغمضت عينها وبستها حسيت بيها ترجف مااعرف خوف لو شنو جانت مستسلمه الي وخرت عنها وهيه بعدها مصدومه بفعلي ابتسمت الها استحت مني ونزلت راسها وكتلها متجين الغرفتج اليوم انتظرج هذا شعرج عوفيه مفتوح يخبل عجبني اريدج قربت راسي عليها وهمست بااذنها اريدج عل طول تنامين بحضني وخرت منها انتبهت عل روحي كامش ايديها حيل وعاصرهم وهيه رغم ان متاذايه بس متحجي مصدومه بيه ممتعلمه ان ابتسم بوجها او اعاملها زين وخرت منها وكمت عل حيلي وكتلها انتظرج زين
باوعت عليه وهيه من خجل صارت طماطه ونزلت راسها وكالت
وامي شااكول الها
شتكولين الها گولي الها راح ارجع انام يم زوجي وهيه راح تفرح الج
استحي
هههههه لاتستحين لاتتاخرين زين
اي صار
طلعت منها واني من صدك الي رغبه بيها صدك هيه ناعمه بس حسيت اريدها &صبرها عليه واحتوائها الي والاهم ان اثنينه عانينه بطفولتنه وارواحنا مجروحه واثنينه حسينا بالنبذ من مجتمعنا ارواحنا المعذبه اجه الها وكت وتلتقي وتذوق الراحه والسلام &
(ناز)  مصدكت ان هذا هو غزوان الي هيج اتصرف ويايه وباسني لا ويكلي تعالي يمي بالغرفه معقوله يريدني ظليت ممصدگه روحي واضحك بصورة لااراديه دخلت عليه فليحه وشافتني اضحك
ها يمه خير شصار
يمه گرصيني
ليش يمه كولي
يمه غزوان ضحك ويايه ويكلي تعالي ههههه نامي يمي
هههههه الله يهدي سركم يمه انتوا اثينكم اتعذبتوا بلكي ترتاحون
يمه اريد تساعديني اختار شي حلو البسه
شتلبسين انت حلوه
صدك يمه اني حلوه
اي حلوه شناقصج  قابل وهاي انت اكبر زلمه خليتيه يحبج ويريدج
ههههه هو يريدني بس گلبه مو يمي اعرف
لا يمه انت املي اله عيونه هو هسه ينطيج گلبه هديه
ههههههه ياريت يمه ياريت
*********************************     
(سماح ) اني اعلمك غزوان افندي عبالك اني سهله مراح اخليك دوسني تاخذ مني ابني هيج بسهوله لا اني فهد بجلات قدره مكدر يذلني تجي انت تريد تذلني رحت عل مرت اخويه خالد وكتلها اريد مبايل مال خالد محتاجته ضروري انطته لي طلعت رقم غزوان وحفظته رجعت مبايل ورجعت الغرفتي وخزنت الرقم مبايلي انتظرت لليل اني اخابره اله اخرب عليه مثل مجاي يخرب عليه الا اخليك تعوف مرتك الا اهدم بيتك
***************&&&&&&&&&&&&&&&&&&&&
عل عشه جانت ناز لابسه تراك حلو وشعره عايفته مثل ماطلبت منها اول مرا تشاركنا اكل من يوم الحادث وهيه معتكفه بغرفتهاومتطلع منها كل شويه اباع عليها وهيه تنزل راسها خجلانه امي وزنوبا بس يضحكن عشه جان مميز والكل فرحان اني خابرت اشرف كتله اليوم مااطلع وياك ودخلت الغرفتي انتظر ناز تجي الي اخذت حمام وطلعت دگ مبايلي كلت هذا اشرف خل يولي مااجاوبه اعرفه يلح عليه نروح سوه مدرت بال للتليفون وشويه اندگ الباب ودخلت ناز مبتسمه عل خجلانه رحت عليها ودخلتها جانت يمكن خايفه اعذرها لان الها ايام تعيسه بهاي الغرفه حته لاتخاف مني راسنا حضنته وبستها من راسها ظلت ترجف
ليش ترجفين خايفه مني
مااعرف ليش ارجف
يوجعج شي
لا بس فرحانه واخاف
ليش تخافين
ممتعلمه افرح
ههههه لاتخافين ايام الجايه راح تكون حلوه اوعدج
حضنتها وقربت راسها الي وبستها هيه راحت ذابت ابين ايديه اخذتها للجربايه وجان يدگ مبايل مرا لخ ضجت ورحت گلت الا اطيح حظه لااشرف باوعت رقم غريب منو هذا الي يتصل عليه شلته
محد يحجي بس سمعت حسره عرفت هاي مرا ويايه
الووو اتفضلي
شلونك غزوان (صوتها گعدني عبالك هزني هز حسيت گلبي نبض بالحياة ايباخ صوتها اله رنه بااذاني )
هااااا شو متحجي شبيك ( باوعت عل ناز كاعده وتباع عليه مكدرت احجي سديته )
ناز اني عندي مكالمه ضروريه شويه واجي (اشرت الي براسها بالموافقه)
طلعت رحت خارج البيت واتصلت بيها
هههههه لازم جنت يمها وخفت تحجي
اني مااخاف من احد شذكرج بيه
بعدك تريد تزوجني
امنيتي هاي وتعرفين هل شي كلشي زين
واني عندي شروط
كل شروطج مجابه بدون نقاش
غير تعرف شنو شروطي
احجي اسمعج
ماادخل عل ضره
اي وبعد
ترجع الي كل فلوس زوجي گيعانه وبساتينه وبيوته وسجلهم بااسمي
وبعد شنو
هاهيه معندي شي
شوفي ام امير عل فلوس هينه بس مرتي ليش مترديها
ماادخل عل ضره
هيه مسكينه ومالها احد
هاي شروطي وانت براحتك
سماح مرتي مااطلگها
ليش تحبها
تعرفين گلبي الج
لعد
هيه هدوها الي ومااكدر ارجعها
وانت تريد تساوين وياها سمعت هيه عجميه تساوين ويه عجميه
سماح هيه ابوها عراقي بس ربت باايران
هاي شروطي غزوان وانت حر بعد بكيفك وياريت اخوي مايعرف ان اتصلت عليك مع سلامه
سدت تليفون واني ممصدك هاي سماح خابرتني وتريدني ازوجها صح فرحت بس شرطها ان اعوف ناز صعب وناز حامل
(ناز)  غزوان جان كلش حباب ورمانسي وعدني ان بعد مياذيني وكلي ايام الجايه كلها سعاده فرحت هوايه وعشت وياه احله

لحظات بس من دك تليفون عافني وجاوب بس محجه شي سده وطلع برا يخابر ظليت كاعده انتظره اتاخر هاي الغرفه شهدت عل لحظات تعيسه ومرعبه بس هو گلي لاتخافين بعد وطلب مني اظل وياه فد غرفه جنت بسعاده عظيمه منا غزوان بدا يعاملني زين ومنا اني حامل منه جنت بقمه سعاده &
انفتح الباب ودخل جان مبين عليه ضايج راح علگ جكاره وسحب نفس وذبه اني رحت ليمه وكفت گباله وابتسمت اله بس اكو غلط عيونه مو نفسه قبل شويه جانت نظراته تختلف حسيته نفس نظرات يوم العرس من شافني جان مشمئز مني اتقدمت عليه هو راسنا گام عل حيله وگلي ناز روحي لغرفتج (كلماته جانت اقسه عليه من السيف من يوگع عل رگبه احد جنت بقمه سعادتي وعل غفله عبالك دفعوني الى اسفل تعاسه )ظليت واكفه بمكاني متحركت رجيله جمدن بمكانهن وعبالك مجاي افهم ليش هيجي يحجي ويايه التاف عليه وكلي بصرامه وعنجهيته معهودة شبيج مسمعتيني طرشه روحي الغرفتج
اي صار (عيوني انترسن دموع ) وصلت للباب هو منطيني ظهره عبالك يتهرب من عيوني وانكساري داخلي يسال ليش هيجي تكسرني شسويت الك اني &ظليت كامشه اليده مال باب ودموعي يجرن اريد اعرف ليش رفضني وهو قبل شويه جان كله لهفه واشتياق التاف وشافني بعدني واكفه يم الباب عاط بيه شبيج كتلج طلعي برا
ليش
شنو ليش هيجي براحتي اسوي الي يعحبني
سبب مخابره مو
مادخلج انت واطلعي احسن مااطلع عليج خبالي هسه
طلعت منه واني حجم الم الي بصدري مثل جبال حسيت روحي مخنوگه واريد اجر نفس،ماكو هيج اني لعبه باايدك ساعه تريدني وساعة تطردني مسحت دموعي ودخلت الغرفتي ذبيت روحي عل جربايه واني اذكر الصبح شلون باسني وشلون جان كامش ايدي وهسه شلون هاني ماكو اي شي يبرر اعماله بس اني راح اصير اقوة ومراح اصدگ بيك بعد اني راح ابين الك اني انسانه مو جاريه عندك

ام احمد