رواية دخيله بنت الشيوخ الفصل العاشر 10 - بقلم اوسار

#دخيله_بنت_الشيوخ
بارت 10بقلمي نوره

يايمه افهمني وانه ادري غلطت
يعني شنو غلطتي انه ابن حرام
لا يمه لاتكول هيج انت ابن حلال .. وحب نضيف انت ابن احلى عشگ .. ..... ..... ..... ...... ....... ..... وحجيتله كل شي
وهي انه هسه عمري 45سنه وكل شي ماافتهمت من حياتي ..
ضحك باستهزاء .. صدك تحجين ..
امي محكوم عليهه بالموت
وابوي الي مفروض هو ابوي حارم امي مني طول هالسنين اخخخ ليش جبتبني لعد من الاول جان سقطتيني وكام ظل يدفر بالباب .. زين شنو ذنب ابوي هاا شنو ذنبه
لا يمه اهدأ الله يخليك .ابوك ذنبه حبته وحده مخبله مثلي . عفيه سامحني الله يخليك وانه هسه كدامك تريد تطبق عليه حكم العشاير طبقه تريد تسلمني لخوتي سلمني بعد ماعاد يهمني شي جان كل همي انت .. وهسه انت صرت رجال وماينخاف عليك
ظل يفرك براسه بتوتر وفتح الباب وطلع ... طلعت وراه اركض يمه تعال يمه اهدا يلا تطلع
شخط السياره وراح وخله گلبي يوجعني علي ..
دخلت للبستان وطحت حسيت بالم بگلبي واختنكت اريد اتنفس مابيه .. عركت كلش
والم من يم ايدي الحد گلبيي جانت تجيني هيج اعراض من قبل فتره بس هسه زادت عليه كوه سحيت روحي .. وصلتها للبيت مالتي الي هو عباره عن مطبخ وحمام وغرفه قاسمتهه نصين ابردات نص هول ونص للنوم ..
شمرت روحي بالمطبخ سحاحه .. التليفون مو يمي اخابر الزينب تجيني .. اخخ الم موتني انه شبيه ..
قويت روحي  ورحت للغرفه ادور التليفون لم طحت بي دكيت على زينيب جاوبتني نسمه كالت  هاا عمه
كتلها تعاليلي نسمه ماادري شبيه
هسه عمه اجيتج
سديت التليفون ونمت ع الكاع .. وظليت اتكلب ..
ومخليه ايدي على كلبي .. اختنكت
طبت عليه انسام واجتني ركض هاا عمه شبيج خيرج ولج نسومه راح اموت من الم گلبي
وراها اجت زينب تنهد وتتنفس بصعوبه ..كالت . ولج
شبيج ولج خوفتيني عليج ..
ولج لحكيني زنوبه ايلول عرف كل شي وطلع زعلان شخط السياره وراح .. ماادري ...وين ..بس ...لاصار عليه شي... احجي وانهد بصعوبه
ولج انت شبيج
ولج راح اموت خابري عليه ايلول خل يجيني يمكن راح اموت ..
اسم الله عيني هاج نسومه خابري ايلول
ان شاءالله يمه ..
.................
يمه مايجاوب يدك بس مايرفعه ..
اكيد زعلان مني ولو يدري تخربطت يجيني ..
مايتركني امووت ..
راح اخابر بيت الشيخ يجيبولنه سياره ..
خيه عوفي هسه تمار يجي وهو بروحه مريض سمعت عنه مريض سكره صاعد عوفي
جا اعوفج تمووتين ولج نسومه دكي على حمديه
صار يمه
نسومه ماتعرفين تحكرين امج
يمه جاوبت خالتي حمديه هاج
جيبي التليفون .. الو شونج خيه ام فاطمه اكلج تره ام ايلول تعبانه اي اي گلبها بلكي تدزولنه سياره نوديهه للمستشفى اي فدوه يله متانين احنه
يلا كومي .. حضري روحج
نسمه جيبي عبايتهه
صار يمه ..
جابت نسمه عبايتي كعدت ولبسوني شويه واندكت الباب .. دخل تمار متلهف رغم صار جبير وشيب عمره بنهاية الخمسين سنه وبعده ع لهفته الي بس انه موبيدي .. شي عليه
دخل يحجي ويا زينب يكللها شبيها ..
شيخ تخربطت كلبها
باوعلي .. هذا كلبج حمل واجد وتعب اظاهر
جاوبته هو بس كلبي حتى متوني طاحت من حمل الدنيا
اخخخ ياعجوز الشوم اخخخ ويعض صبعه كال كومنهه خلي اوديهه للمستشفى السياره بره اتاني
كومني زينب ونسمه وطلعوني من البيت امشي كوه وكاضه كلبي .. وتمار يمشي كبلنه هو وعباته الكبر ووقاره مبين عليه .. صعد كدام يم السايق وانه وزينب ونسمه كعدنه وره .. وصلونه للمستشفى وهناك خلوني تحت المراقبه ومادريت عن شي بعد ..

أيلول .....
انه ايلول رافقتوني من ولادتي الحد هسه على لسان امي .. من 24سنه وهي تحجي .. كافي تعبت .. راح اخذ القلم منها واحجي عنها هسه .. الى ان تطيب لان تعبانه
عشت طفوله مترفه .. بين امهات اثنين وحده احن من الثانيه عليه بس جان كلبي يميل اكثر لامي هاله ماجنت افتهم ليش حمديه امي وهاله هم امي رغم هاله ماربتني فتحت عيني على حمديه وهاله جانت تجي .. الي يوميه وتكلي انه امك وحمديه هم تكلي هاله امك
كبرت وصار عمري 15سنه ابو عزلني عن خواتي البنات وماعرفت ليش .. وكل مااسئلهم يكولون عادات وتقاليد ومن هالحجي ..

الى ان لحيت على امي وحجتلي كل شي .. عرفت تمار مو ابوي .. ابوي ميت مكتول وامي شارده انصدمت .. اول صدمه بحياتي .. ماتوقعت كل هذا عرفت قصة ابوي والمعاناة الي عاشهه وحياته وسبب موته هو  امي ..عرفت خدعوني صعب شعوري بلحظته ظليت ادفر بالباب .. واذا ابقه افقد اكثر  طلعت من البيت مدخن بركان وانفجر بيه شخطت السياره ورحت كعدت على كورنيش شط العرب  ادخن واباوع للشط واحس هموم جبال على متوني شفت تليفوني يدك رقم امي قفلته .. كربت دنيه ليل .. مااشتهي ارجع .. لالبيت ابوي ولالبيت امي .. صعدت بالسياره بلحظه صرت مهموم واحسب لو ماعرفت احسن .... طلعت وين اروح ماعندي اخوان واولاد عمي ماارريد اروحلهم عمامي يكرهوني ةهسه عرفت السبب .لان انه مو ابن اخوهم كلت اشوفلي احد اروحله ... رحت على صديقي بالكوفي .. سلمت عليه وكتله اريد مكان ابات بي الليله كال ابشر تعال يمي بالبيت وديت المره لاهلها رحت وي صديقي لبيته .. وسوينا عشا انه ويا .. هو بعمري متزوج من سنه وعنده طفل ..
كلي ايلول .. صار عمرك 24 هم يالله زواج
لا يمعود زواجيش .. هسه و ابوي والشغل ويا متعب وطلباته متخلص .. هلكان ميت من الشغل كله ارجع بالليل ..
اي حقك شعجب اليوم بينت مبين منطيك اجازه ..
لا شويه مشكله بسيطه عفت البيت .. يمعود مايثق باحد بس بيه .. بس بالايام الجايه بلكي ارتاح راح ينقل الشيخه لاخوانه اقصد  لعمامي .. لان اكو مشاكل وهم يردوهه جاي يلحون عليه .  بلكي ارتاح وافكر اتزوج .. بس ناوي ادرس بالاول ..
الله يوفقك ايلول خوي تستاهل ..
يلا رحمن تره نعست بلكي تفرشلي ولك راح تبقى تكرك براسي
هههه غير ماشايفك صار هواي .. بس انت مبين عندك حسبه شكلك مو مرتاح
اي والله ابد اريد انام بلكي انسى ...
يلا تدلل كايم افرش
فرش الي وتمددت حسره تجيبني وحسره توديني ..
راسي راح يطك ولااكدر انام .. كضيته الليل تدخين شون خدعوني وضحكوا علي حقدت على تمار اكثر شي شون استغلني كل هي السنين ويا ودراستي حرمني منها ..
اما امي اخخ امي معقوله انه  امي ناهبه وابوي مكتول .. شهالعيشه هي لو ماحاجيتلي امي احسنلي
للفجر يلا نمت .. حلمت امي تحاجيني تكلي ماسويت الحرام وابوك ماجاسني بالحرام ابد تزوجني يالله من عرفت حامل بيك ردتك سند الي لو غيري جان  ذبتك من بطنها كعدت مخنوك .. نفس الكلمات الي سمعتها منها سمعتها بالمنام ..
تعوذت من ابليس .. وفتحت تليفوني .. كومه مكالمات من ابوي  ورسائل .. فتحت وحده منهن
من رقم امي مكتوب بيها ايلول امك بالمستشفى وعدهه ذبحه وخالينها تحت المراقبه
انه قريت هيج كلش ضجت اكيد بسببي .. صار هالشي خابرت ابوي .. جاوب وظل يحجي ويصيح وينك انت وين وليت شنو قافل تليفونك ومن البارحه لليوم انت ماكو شنو ماعندك احساس
كتله بلله لاتصيح انت مو ابوي حتى تسيطر عليه كافي خضعتلك 24سنه عبالي صدك ابوي طلعت مو ابوي وحارمني من امي ظل يصيح سديته وبدلت خليت صديقي نايم وطلعت .. بدربي للمستشفى رحت شفت امي  تعبانه ومخلينها تحت المراقبه رحتلهه بوستها من راسها ..
فتحت عيونها كالت يمه ايلول
اشش سكتي وارتاحي لاتحجين اي شي راح اعوضج انه عن ايامج السود وابدلها الج بضوه
يمه ايلول هسه ردتلي روحي
سالمه رويحتج ييمه
قهرتني دموعها .. طلعت .. اجه ابوي يحجي وياي مااحاجي ..
ولارجعت للبيت من يومها ..
بعد فتره امي صارت زينه بس تحتاج تشخيص وقسطره .. ويرادلها وقت طلعتها للبيت وهي مثل الطير وطالقين سراحه .. ظليت اهتم بيها وبقيت يمها وقاطعت ابوي ..
بعد عملية القسطره ونجاحها طلعتها بالبيت ..
وبقيت وياهه اخدمها بيدي تستاهل هي الجنه مالتي عرفت ابوي تمار  شكد رادهه بس هي بقت محافظه على حبها لوالدي المرحوم .. كبرت بعيني اكثر
كعدت يمها .. هاا يمه ابالج شي
اي يمه اريد اطلع منا اريد اروح غير مكان تعبت
تدللين عيوني الج انه وين ترردين ترحين
يمه شرايك نروح للعماره نكعد هناك مو احسن
وشمعنى العماره ..
يمه ماادري شو مشتهيه اروح هناك ونعيش بعيد عن تمار مو احسن بس لاتكله احنه رايحين هناك كله رايحين الغداد
يجرالج يمه يبعد عيوني ... انت شعدي غيرج
تدرين اليوم الصبح دزالي فلوس بيد ارشد ابن عمي يكول هي اتعابي مال ذيج الايام
اي يمه انت ماقصرت ويا شكد تعبت شكد فريت حقك اخذه لاتتنازل عنه ..
اي يمه اكيد
روح صالحه وطيب خاطره كبل لانسافر
ميخالف انه اروح ارتبلنه مكان هناك وارجع
انه اختار المنطقه هناك خوش
منين تندلين مناطق العماره
اندل يمه اندل جنت اروح ويا ابوي هناك اي لعد شون مااحن يايمه عندي طلب بعد
كولي
كبل لاانروح خل اخطبلك نسمه ..
لايمه مااريدهه
ليش يمه
يمه انطوائيه مااريد هيج انه
يااء ولك مربيتها على ايدي انه ليش تغلط عليها ..
هههه ماغلطت يمه هي مو غلطه هي صفه يعني ماتحب تختلط ماتحب تتشاقه وتنهزم بسرعه من اقل كلمه مااحبها ماتعجبني ..
جا شون تريدهه مريتك
انه اكلج اريدهه وكحه ولسان حتى كل راشدي تحصل مني اقوه من الثاني
اريدهه تلعب وياي والعب وياهه وماتزعل مثلا بالشتا اذب عليهه ماي ثلج متزعل تاخذهه بروح رياضيه
واذا بالصيف .. نايمه اطفي عليهه السبلت واخليهه تموت حر بجو البصره هم عادي ماتزعل اخليهه تصعد على ضهري مثل القرد واهبدهه بالكاع هم عادي ميخالف كون ماتزعل
هههه الله يعينها عليك انت مخبل مو صاحي
يكولون طالع امي اريد اجرب العشگ يمه
جربه حتى تعذرني من شردت وياابوك ..
اي اريد احس بيج اكثر ..

بعدهه ..
رحت
رتبت النه بيت هناك انه وامي بالمنطقه الي رادتهه هي وبعت سيارتي الحديثه واشتريت وحده غيرها ارخص منها حتى اشتغل بيهه اجره.. رحت لامي كتلها يله حتى نروح للعكاره ودعت زينب وبتهه باللطم والبجي وانه هم ودعت امي حمديه ماانسى فضلها بتربيتي رحت اودع  ابوي شفته ضايج طحت على راسه وبوسته اخذته امي ورحنه  للعماره
بعد مااستقرينه طلعت ادور شغل لاگاني رجال من المنطقه وكتله اريد شغل .. خط مال طالبات موضفات معلمات اي شي ... كلي عندي بتي .. راح تداوم كليه هالاسبوع .. اذا تكدر تاخذهه خط كتله ماشي انطاني عنوان بيته و رجعت للبيت
شتفتني امي كتلهه راح اوصل البنيه
بيها الخير حبيبي دير بالك على نفسك الله يحميك
يارب
يوم ثاني رحت عليهه للبيت .. وكفت بالباب انتظرها طلعت بنيه لابسه عباية راس اجت كالت صباح الخير
صباح النور
انت السايق التوصلني للمدرسه تحجي وتبتسم ..
انتبهت على ملامحها بيضه وحواجبها ثخان وممخليه قطرة مكياج بوجهه كتلهه اي صعدي
صعدت اول ماحركت السياره كالت اكول وضحكت
باوعتلها بالمرايه .. كتلها كولي بس ليش الضحك
والله جاي اضحك على نفسي ههههههه
شنوو
كتلك اكول انت اسمك ايلول صارت نفس الوزن وضحكت
هاا
اي لاتضوج تره مو قصدي
منو كلج ضجت ...
تره اسمك صح غريب بس حلو
منو طلب رايج باسمي
مممم ههههههه لا عبالي ضجت مني والله مااقصد
سكتت باوعتلهه بالمرايه خزرتها دنكت وخلت ايدها على حلكها يمكن ضحكت مبينه وكحه ولسان
وصلتها للكليه .. نزلت من السياره واجت يم الجامه مالت السياره البصفي كالت جا شون راح اعرف انت
جاي
ماادري
اكلك انطيني رقمك اخابرك اذا ردت اطلع
عندي تليفونين واحد صرصور خليته للشغل الي يريدني يخابرني عليه ..  انطيته الهه كتلهه ببرود سجلي رقمج هنا ودكي حتى يطلع يمج رقمي
خذته كالت صرصور وفتحت عيونها
عصبت عليها كتلها بابا راح تناسبيني انت شعليج
لا مو هيج بس مااعرفله
فتحي تليفونج اردلج الرقم فضينه صارلج ساعه واكفه بالشارع ماتعرفين تحجين وانت كاعده بالسياره الناس شراح تكول علينه
هي بسرعه طلعت تليفونها رديت الها رقمي بعصبيه وراحت .... شكد تدوخ
بعدها حركت السياره ورحت .. على باب الله اشتغل
وافكر بيها هي بس لاتبطل فشله من ابوها هسه تكله رزلني .. صار مو عد طلعتهه من الكليه رجعت حتى اخذهه وصلت لهناك .. ثواني ودك التليفون .. رفعت خط گلت الو
الو اجيت
منو انت
اسيل ..
اسيل منو ..
اسيل الي ماجرتك توصلني للكليه .. 
هاا اسمج اسيل
اي
يلا طلعي جيتج
خوش
اجت شفتهه من بعيد سلمت عليه وفاتحه حلكها تضحك ظليت اباوع الروحي اكو شي بيه يضحك والله ماادري .. شبيهه هي خبله مهبوله
وصلتها للبيت ويوم ثاني توقعت .. تبطل .. ماتروح ويا .. بدلت وطلعت انتظرها يم باب بيتهم هم طلعت تبتسم ولاجني مرزلهه كبل يوم درت على سيارتي وظليت اهز بيدي ماكدرت اكتمها
هي اجت كالت صباح الخير
صباح النور
وصعدت انه وهي هم وصلتها للكليه ..
واستمرت هيج الايام .  فد يوم طلعت من البيت ورحت اريد اوصلها .صعدت اسيل . خابرتني امي
كالت االباب مقفول عليه من بره واريد اطلع اشر هدوم ..  اذا انت قريب تعال .. كتلها ابشري
اللتفتت لاسيل كتلها بس اروح البيتنه امي مقفول عليها الباب من بره
اي عادي براحتك
حركت ورحت للبيت .. فتحت الباب وطبيت شفت امي .. كالت يمه لوعتك وجبتك مناك الهناك .. ميخالف يمه طاب الحمام انه
طبيت الحمام وطلعت .. شفت اسيل تسولف  يم امي وامي تبوس بيهه وتشمهه شم تعجبت هي منين تعرفها تبوس بيهه عبالك تعرفها ..
كلت لاسيل ها شنزلج
شفتك تاخرت نزلت اشوف
ماتكدرين تكعدين بمكان واحد ظلت تضحك
كتلها روحي للسياره هسه اجي راحت بقيت يم امي .. كتلها يمه هي صدك جنها جكليته بس على كيفج تره ردتي تاكليهه
طبطبت على متني كالت هسه روح ومن ترجع نحجي كتلها خوش
صعدت للسياره واسيل خبصتني بامي فدوه امك شحلاتها وفدوه شون حلوه بس ليش كله مغطيه وجهه كتلها هي ترتاح هيج ..
وصلنه للكليه .. نزلت رجعت للبيت ..
لان امي خابرتني كالت تعال .. رحت لامي شفتها متوتره ومثل الخايفه ..
هاا يمه شبيج خير
ماكو شي بس عوفهه هي البنيه وبعد لاتوصلها
ليش بلا ليش احسن وبعد لاتوصلها مفهووم
يتبع
اسفه ع التاخير كتبته واني منعسه لان الصبح جنت طالعه والعصر خطار ولاحكت ابد اعتذر ..