رواية دخيله بنت الشيوخ الفصل الحادي عشر 11 - بقلم اوسار

#دخيله_بنت _الشيوخ
بارت 11
بقلمي نوره ..

يمه بس فهميني ليش اشفتي عليها شو الصبح ردتي تاكلينها .. اكل شميتيهه شم
مبينه وكحه وتسويلك مشاكل واحنه نريد نستقر
شنو زعطوط كدامج انه ماافتهم اخلي بنيه تسويلي مشاكل وبعدين يمه  هذا رزقي .. الفلوس العندي مال السياره وفلوس اتعابي وي ابوي  ماتكفي راح تخلص
ورانه ايجار البيت وعلاجج لازم تلتزمين بي ولازم نراجع دكتور هنا خو ماتبقين هيج هاا يمه شو سكتي

انه ارجع اشتغل شو شبيه مابيه شي عمليتي نجحت وارتاحيت ماعايزني شي ..ارجع اخيط
مااريدج اتعبين انه اريدج ترتاحين
جاا اوعدني ااخطبلك مره بنهاية هذا الشهر واذا نسمه بعد احسن
كمت تقربت منها يمه انه مااريد اتزوج هسه و الله يخليج شيلي نسمه من بالج اعتبرها مثل اختي انه وبالنسبه لاسيل مجرد سايق اوصلها واجيبها انه خوش
خوش الله يصبرني ..

هف رايح انام تردين شي
روح نام
رحت لغرفتي البيت عباره عن غرفتين نوم وصاله ومطبخ وصحيات وحديقه زغيره كلش مثل المشتمل زغير كدرت احصله احس نفسي محظوظ ونيتي صافيه .. من حصلته ع كدنه ..
رحت عود انام .. لزمت التليفون .. وتذكرت ابوي كلت اخابره .. دكيت عليه .. دك جاوب كتله شلونك يابه
هسه تذكرت عندك ابو
يابه انه زعلان عليك بس خابرت اسئل عنك
هي تاليتي مو ربيتك سويتك زلمه ردت اعيشك ملك
يابه بس مو هيج .. تاخذني من امي وتحرمني منها
امك عنيده ..خطبتها و كتلها ارضي بيه ماكو واحد يسوي سوايتي نطيتك اسمي وربيتك .. وامك ماقصرت وياهه
مالهه ذنب امي حقها توفي الرجلها وماتتزوج غيره
الحجي مايخلص لو بعد مية سنه كلي امك شونها كلبها شونه وانتوا استقريتوا بغداد شونها
يابه زينه امي واحنه استقرينه الحمدلله
ماناقصكم شي
لا الحمدلله امي شونها وخواتي
امك زينه وانت دوم تخابرها بعد شنو
اي امي حمديه حسبة امي وربتني ماانسئ فضلها
الله يثخن لبنكم
يابه امي بس ترتاح وتنقل الشيخه لخوانك واخلص من شرهم وعد ارجع يمك ..
شحده واحده يأذيك وراسي يشم الهوا
يابه بعد مااعرفت انه مو ابنك عرفت ليش اخوانك يكرهوني .... لذلك لازم ابتعد فتره وارجع ..
الله كريم وليدي بلكي اكدر امرلكم انتوا وين ابغداد
هاا يابه لاتعب روحك احنه نجيكم نمرلكم فد يوم
ان شاءالله ايلول ولو بعدك عني تعبني ومرضني بس ماراح اعوفكم انه
ماتقصر يابه ولاانه راح اتركك يجي يوم وارجع ..
ان شاءالله مرحب بيك تشيلك العين انت وامك هاا
بيتك عامر يابه اودعناك
الله وياك /
خليت راسي ع المخده وافكر بحجي امي ليش خذت نضره على اسيل لازم اسئلها باجر اكلهه شحجت ويا امي .
نمت والصبح كعدت ..
الصبح كعدتني امي تريكت وبدلت واريد اطلع .. لزمتني امي وتعدل بالستره مالتي كالت يمه روح بدربك وتعال بدربك لاتباع يسره ولايمنه ..
امرج يمه تردين شي بعد ..
اريدك سالم وبس
يلا لعد دخلي جوه موزين عليج البرد
تانيتها تدخل وطلعت شفت بعيونها حجي .. مثل الجنت اشوفه كبل لاتعترفلي شنو ضامه عليه هالمره ماادري
رحت على اسيل .. وكفت يم بابهم ودكيت هورن ثواني وطلعت ظليت اباوعلها .. لافه عبايتهه عليهه كلش وشفافهه ترجف .  مدنكه وتمشي .. وصلت للسياره فتحت الباب وصعدت .. كالت صباح الخير
رديت صباح النور ...
حركت السياره .. ظليت اباوعلها بالمرايه .. هي مدنكه وتحوس بكتبها مدري شسوي .. كل شويه اريد احاجيهه .. اخجل شعندي وياهه واحاجيهه
ظليت عين ع الطريق وعين عليها الى ان انتبهت بس شافتني اباوعلها ضحكت .. وانه هم على ضحكتها ضحكت .. كتلها اسيل اكدر اسالج سؤال
هههه اسئل
هسه ليش تضحكين كايل نكته انه
لا والله بس انه هيج
مامبين مبين عليج ثكيله
لادبس ماادري ليش من اشوفك اضحك هي تجي الضحكه
موشايفتني قرد كدامج
لا والله مو هيج بس كلما اريد ارد عليك تجي ع وزن اسمك واضحك
ممم سفيهه بصوت ناصي
لا والله مو سفيهه اصلا مو هيج انه ...
شنو من ذانات عليج وسمعتيني ..
ههههه سمعتك شنو تريد تسألني
ولو فضول مني بس شنو .. حجيتوا انتي وامي ..
هاا امك مبينه طيبه وكلش حلوه فدوه الهه سألتني انه منو وبت منو وين بيتنه ومن هالحجي
هاا ..ظليت احجي وي نفسي  والله احتاريت ويا امي هي كالت اهلهه بغير محافضه .. لعد شبيهه ..
قطعت تفكيري اسيل كالت عندك شي العصر
ليش ..
اريد توصلني البيت صديقتي اليوم العصر
زين بيش ساعه
وكت شويه اذا تكدر ساعه 3:00
تمام حضري نفسج اجي عليج
ماشي ...
اسيل ...
سلام انه اسيل .. عمري 19مرحله اولى كلية هندسه مدنيه .. طاح حظي علما طلعت معدل وبعد معاناة وي امي .. يلا قبلت ادخل كليه امي حريصه علينه هواي ... انا البنت الجبيره وبعد عندي خوات اثنين بالمتوسطه ميس وروان ...
احنه عائله محافظه كلش .وامي مسيطره علينه هواي ونخاف منها كلش ومانكدر نرفضلها طلب . ومن وصلت للسادس امي كلتلي بس هالسنه وتكعدين بالبيت ماكو كليه واختلاط ويا الولد ودائما تكلي .. ابن عمج رافد بس يخلص دراسه ابغداد تنخطبون شلج بالكليه
انه اضوج واعتبر رافد مثل اخويه امي ربته لان بعد ماانعدم ابوه وامه تركته امي وابوي ربوا كبل لاانولد لان امي بقت 7سنوات يلا جابتني
ضجت من حجيها وانه حلم حياتي ادخل كليه ظليت الح عليهه ماكو تصدني ماتسمعني تكأبت كلش ..
؛وتركت الاكل .. امي شافتني هيج مادارتلي بال بعدهه تمرضت بسبب قلة الاكل ودخلت مستشفى حن كلب امي عليه .. وكلتلي تدخلين كليه بشرط تطلعين معدل يدخلج طبيه
انه فقدت الامل لاني مو شاطره كلش بس شسوي لازم اوصل .. بدت المدرسه وشديت حييلي وظليت ادرس طبعا بدون دروس خصوصيه اعتمدت على نفسي وعلى النت .. اطلع شرح واساعد نفسي
امي مراقبه تليفوني ودائما بيدها وماتقبل انزل لافيس ولااي برنامج بس وتس اب او فايبر وممنوع نشوف مسلسلات تركيه وافلام عربيه وبعد كومه ممنوعات ...دخلت كليه يله انطتني تليفون جنت استخدم تليفونهاا وادرس بي واتواصل وي صديقتي الوحيده
المهم درست ودرست بس ماكدرت اطلع معدل طبيه صعب طلعلي هندسه .. وامي ماقبلت واحنه من النوع ابوي مانحجي ويا مانكدر نفتح ويا موضوع بس هو يحجي ويانه من شدة خوفنه منه رغم هو مايكتلنه بس يخزرنه يمكن يغمى علينه تعلمنه ع الخوف منه وامي هم تخاف منه خوف موطبيعي مثل الي مسوي شي ويخاف ينكشف ..
بس الحمدلله ابوي من شافني طلعت معدل زين هو اهتم بيه وسجلني كليه امي ماتكدر تحجي وي ابوي بس تفتشني دائما تشوف شنو عندي من اطلع تفتش جنطتي وملابسي وتكصني كص بنظراتها ومن اجي هم ..
تعودت على هيج مابيدي شي .وخواتي هم نفس الشي دوم مراقبتنه . امي تكول البنيه اذا دللتها تتمرد
لذلك ماكو دلال وكلمتها هي المسموعه ..
من داومت كليه .. ابوي اجرلي خط .. ماكو مااعرف ويايه بنات بالمنطقه لان احنه مانختلط باحد فجنت وحدي بالسياره .. قبلها بيوم اجه ابوي للغرفه انه وخواتي جنه كاعدين كال تحضري باجر الصبح يجي عليج ايلول .السايق يوصلج للكليه . وطلع
من طلع ابوي ظلينه انه وخواتي صافنين ايلول شنو وطكيناهه ضحكه .. وظلينه نصنف ونضحك
تالي من خليت راسي على المخده ظليت افكر بشكل ايلول شنو هو هذا ايلول وليش مسمينه هيج اسم ..
وراح فكزي البعيد واضحك لوحدي يمكن رجال شايب بس مو المفروض يسمونه ابو فلان .. اوو. شبيج اسيل الصباح رباح وباجر اشوف شون شكله
لم اجه الصبح ..سمعت هورن  وطلعت للباب شفت سياره يم الباب ويمهه الولد شاب ووسيم هم ومرتب .. كبل لزمتني ضحكه تذكرت تصنيف خواتي .. سألته انت السايق الراح توصلني كال اي
وبقيت كل ماا اشوفه اريد اضحك ماادري ليش

اما اليوم العصر حفلة صديقتي الوحيده .. انخطبت واليوم حنتها .. توسلت بامي  توسل وامي اخذت موافقة ابوي يلا .. كالت روحوا .. واكيد اخذ خواتي وياي .. امي ماتطلع من

  البيت هواي ... بدلت ملابسي لبست فستان رصاصي  كصيف وكصير وعلى الخصر بي حزام ماروني شتوي ورهمت ويا بوت ماروني  ... وشال ماروني .. طبعا مكياج ممنوع لان اذا خليت ينمسح وجهي بالحايط ...
حضرت عبايتي وطلعت اشوف ميس خلصت لو بعدهه
طلعت وبيدي عبايتي شافتني امي
هي شلابسه خاتون ..
يمه شلابسه غير هدوم
دوري وجهج والغرفتج كبل ولبسي غيرهن واذا معجبني هم بدليهن .. 
يمه راح اللبس فوكهن عبايه .. والحنه بس للبنات
اسيلوو لاتخليني هسه اخليج تبطلين
يمه جا شلبس دشداشه .. المن اشتريتهن اذا مااللبسهن
احسن ولو ماترحين هم احسن
رحت للغرفه اتأفأف ياربي شلابسه هسه انه
رحت نزعت البوت وشمرته ع جهه وطلعت بلوز نيلي .. وبيهه لمعه فضيه وتنوره سوده كلوش .. وبوت اسود وشال هم اسود ادري امي شمااللبس ماراح ترضا عني .. لفلفت روحي بالعبايه وطلعت ..
شفت ميس جاي تتفحصها امي وتنطيهه نصايح سمعت صوت الهورن معناهه اجه ايلول كتلها يله ميس اجه السايق .. اجت امي يمنه كالت ساعه وحده والطريق نص ساعه روحه ربع وجيه ربع والكاجن بالبيت لو مااعرفها ام مها وتصير كرايبي جان ماخليتجن ترحن
خوش يمه المهم اروح اشوفها وراجعه
طلعنه انه وميس روان ماقبلت تجي صعدنا ويا ايلول اختي ظلت تكرصني باوعتلهه خزرتهه
بقى يسألني ع البيت وانه اوصفله الطريق الحد ماوصلنه كال يمته تطلعون كتله بس ساعه .. كال خوش بس نزلنه انه وميس جان تكول ميس ولج هذا صاك ... ايلول شو ماكتيلي
ولج والله اذا سمعت امي هذا حجيج تكولين ع الولد صاك جا والله تسويج وصله وصله وتشمرج للجلاب
شبيه مخبله هيج احجي كدامها
يلا ندخل
دخلنه سلمت ع صديقتي بوستهه وباركت الها وامي مشتريه الهه هديه انطيتهه لامها
وكعدنه البنات اللبس اشكال وبهالبرد .. واحنه كاعدين چنه ارامل .. وكامن يركصن .. وانه ظليت اهز ابمكاني اتمنيت اكوم اركص ميس خذاهه الواهس وهزتلهه شويه كمت كعدتهه كتلها لااحد يكول لامي ونروح بستين داهيه .. كعدت
بعدهه دك تليفوني امي جاوبتهه .. تطمئن علينه . وراها بربع ساعه هم دكت علينه .. كالت يلا تعالن ..
يمه بعدهه توهه بدت الحفله خلينه متونسين ماصار ثلث ساعه من كعدنه
كلبي كرصني رجعن للبيت
خوش يمه
ميس .. هاا شبيهه امي
اتكول يلا ..
ليش تونه كعدنه
تككول جهاز استشعار الازمات الي هو كلبها دك عدها راح تصير مصيبه مثلا خاف  نشرد ويا صحبانه يلا كومي
والسايق خاف راح
راح اخابره
عزه العزاج عندج رقم هذا الصاك
لاتكولين صاك لااهبدج ببوكسي هسه اعدل خريطة وجهج لعد شون بالكليه وين ادري بي وصل غير اخابره هف ..
خابرت ايلول كال انه هنا مارحت
كتله خوش .. طالعين ..
كمنا بوست صديقتي وتمنيت الها السعاده .. وسلمت ع امها وخواتها وطلعت ..

ايلول .. من طلعت مالافه عبايتهه زين انفتحت وطلعت ملابسهه الي لابستهه جوه .. واكو ولد بره ..
انه ضجت ظلت تباوعلي ومبينه ضايجه ظليت اخزرها واباوع العبايتهه شلون مفتوحه هي استغربت نضراتي ولفت روحها وانه هم استغربت من نفسي ليش هيج تصرفت وياهه شعليه بيها ..

اسيل ....
جنت كلش ضايجه اليوم وصلنا للبيت وانه مطنكره ضوجتني امي حييل ... لابلبس متهنيه ولابطلعه ولابكل شي .. حتى ماتعشيت كبل رحت للغرفه ادرس والدراسه صعبه كلش ..
تذكرت ايلول .. وتصرفه وياي اليوم من الضوجه خذيت التليفون وطلعت رقمه وجانت الساعه 11وكل شويه اروح على رقمه وطلع منه الى ان اخر شي دكيت بالغلط ع رقمه وتوترت اريد اطلع ماكدرت ... كوه سديته وشمرت  التليفون ع الجربايه وظليت افتر بالغرفه متوتره ..
دقايق ودك التليفون ركضت اشوف منو صخام هذا هو يدك
شون اجاوب لو لا بس فشله انه دكيت عليه بالغلط لازم اجاوب
خذيت التليفون وايدي ترجف... كلت الوو
الوو هاا اسيل اكو شي
لا ماكو شي
لعد متصله بيه ...
انه ااا انه ااا ...
اي شبيج تمتمتين اي لعد منو دك عليه ابوي ..
اي بالغلط ايلول
عبالي اكو شي او باجر ماترحين وخابرت
لالا اروح باجر تعال عليه
اي اكيد اجي
اي
اسيل
نعم
تحبين نحجي انتي ؟!
ايي .. هاا لا
اي لو لا
بكيفك اذا تحب انت ..
اممم اوك نحجي ..
وظلينه نحجي حجتلي عنها وعن اهلهه وحجيتلهه عني كتلهه الوحيد لامي وعندي خوات من ابوي
استمر الحجي بينه ومرت الايام احس تعلقت باسيل وشفت بيهه البنيه الي تعجبني والي اريدهه حبيتها  واعترفت الها بحبي .اكتشفت هي هم تبادلني نفس المشاعر .. وصارت بينه علاقة حب بريئه جنت اخاف عليها واغار اروح للجامعه ادخل اشوفها وي صديقاتها وكلهن مبينات محترمات ..
قررت ماارتبط بغيرها بس هي بقت امي ماعاجبتهاا
شون وياهه ...
انه بطبعي احجيهه طك بطك الحجايه رجعت بالليل للبيت ... تعشيت وكعدت يم امي كتلها يما اريد احاجيج
احجي يمه حبيبي ..
يمه اريد اخطب اسيل ..
شنووو
اي حبيتها يمه
يبوووي عليك من باجر نطلع نولي نرجع للبصره
اي مايصير تره يمه لازم تفهميني انت ليش تكرهينهه
مااكرها بس مو الك هي مو الك يمه رجعني للبصره
ماارجع اذا مااخطبها
ماتصير الك ولك يمه مااتصير
بس كليلي ليش
باع يمه انه طكت روحي وتعب كلبي وردت ارجع الديرتي مابيدي شي اريد اعرف اخبارهم تعبت طلعت روحي
جبتك واجيت هنا اي هنا هي ديرتي ومن اجت اسيل هنا وراك تدور عليك چني شايفتها دمها مو غريب عليه سألتها انت بت منو كالت انه بت حاكم حاكم ابن منو ابن الشيخ بندر امج شسمهه اسمهه فاطمه
عرفتها هي بت اخوي يعني بت خالك ييمه اي اسيل بت خالك اتركها وامشينه نرجع للبصره ..
ليش يمه ليش هي ثاني مره تخدعيني مايصير هيج حسي بيه
والله طك كلبي على اهلي واريد اعرف اخبارهم
عرفت من اسيل ابوي مات بالتسعينات كبل لاتصير بجم سنه واخوي ابو رافد انعدم .. لان كتل ابوك واخوي الزغير استشهد بحرب ايران .. بقه بس ابوهه من اخواني ..
بس ردت اعرف اخبارهم ..
وانه شنو ذنبي احب ووحده واعشگها. . وتطلع محرمه عليه شنو ذنبي
اخطبلك انسام وانساهه وخلنه نرجع للبصره
رايح انام ..
يمه راح تتركها يعني
باجر انهي وياهه كل شي ...

يتبع ..