تحميل رواية دكتور بطاطس بقلم منار مجدي pdf

كريم بضحك:ياعم اخرج الاول وبعدين اتعرفو

سيد:ماشى يا لمض خديه يا موده خلى الدكتور يشوف وشه هينفع وله إيه النظام نشيله تنحط واحد جديد بدل الفقرى ده.

موده ضحكت وسندت كريم وخرجت وهى بتقوله :يالا يا فقرى

خرجو جيه مالك يخرج وراهم

سيد:استنى

ملك بلع ريقه ورجع جمبه تانى.

سيد:هات كرسى واقعد هنا.

جاب مالك كرسى لقا سيد بيحاول يقوم ومش قادر فساعده

سيد: شكرا قولى بقا انت اسمك ايه

مالك:أسمى مالك وانا شغال دكتور فى الجامعه وعندى تسعه وعشرين سنه

سيد:اممم ايه بقا هلاك تقبل بعرض كريم

ملك بلع ريقه:عشان بحبها ومش فى انى بشكك فى حبك ليها بس لما شوفتها وهى منهاره وخايفه ووشها متعور اكتر من ما حضرتك شوفته وكمان لما كريم حكالى أن ثائر يعتدى عليها انا مستحملتش تسببها اكتر من كده كنت عايز احى اتقدملها لما تتخرج اصلا من بدرى بس سمعت من كريم أن حضرتك بتجهز عشان تجاوزها إلى عمل فيها كده مكنتش مستحمل وكنت حاسس انى لو اتأخرت اكتر من كده هتضيع منى خالص.

سيد: امممم طيب بالنسبه للفرح حددت معاد.

مالك:افهم أن حضرتك موافق

سيد:ابنى كريم عرف يختار صح

مالك:طيب كويس

سيد:انا اول ما قالى افتكرت الواد وليد الاهبل هو جدع وكويس بس تافه شويه.

مالك ابتسم:طيب الحمدلله ايه رأي حضرتك فى بكره للفرح.

سيد:مش بدرى اوى

مالك: وانا مش قادر استنى والله انا اصلا كان نفسى يكون انهارده اصلا

سيد:خلاص بكره كويس هتروح معايا بقا

مالك:ليه

سيد:عشان عروسه بقا وهتجهز.

مالك:طيب اقدر اجيبها لحضرتك بكره بدرى

سيد:ده انت واقع خالص على رأى الواد كريم

مالك:هو قالك كده

سيد:مش عليك

مالك:طول عمرى بحب كريم كده لله ف لله

سيد ضحك دخلت موده مع كريم

موده:القمر بيضحك على ايه

وليد:القمر ده انا

موده:وليد عيب متقولش كده اكيد مش انت

ريم:اكيد قصدها انا صح

موده:لا طبعا أنا قصدى على الحمر بتاعى الحج عم سيد

كريم:الحج وعم مره واحده

موده:مدوقش

كريم:مشوفتهاش يا بابا بره كانت بتزق ثاىر ازاى وبتزعقله.

وليد:وااااو.

ريم:اوعى الشجاعه بقا.

سيد:بنت سيد

موده:حبى الاول يا ناس

كريم:مش قولتى كده على الشاورما برضو

موده:والله يا بابا هضربه.

سيد:سيبيه هو متشلفط لوحده

موده:خلاص هسامحه.

مالك:اه بصى ده حتى مسكين خالص

ضحكت موده:اه فعلا معاك حق.

كريم:ما خلاص بقا الله.

ريم:موده تعمل إلى هى عايزاه

سيد:صحيح يا موده بكره فرحك.

وليد وريم:ايه

موده لما شافت ريم ابتسامتها اختفت

كريم:دول نايمين فى البطاطا.

مالك:انا اتجوزت موده امبارح بس كتب كتاب على السريع كده بكره الفرح الكبير وطبعا انتو معزومين.

وليد:بس انا هجهز العروسه

جيه يقرب لموده ضربته فى بطنه:بس ياض يا سافل ياض

ريم بصيت فى الارض راحت موده ليها

ريم حضنتها:انا مبسوطه ليكى اوووى.

موده بصدمه:متأكده

ريم:اكيد طبعا اختى إلى مجبتهاش امى هتتجوز.

موده شديتها لبره

موده:اسمعى انا عارفه انك بتقولى كده عشان مزعلش بس احب اقولك انى اتجوزت وانا مصدومه اصلا ومكنتش عارفه انا بمضى على ايه وله ايه بيحصل طبعا عارفه ثائر عمل ايه.

ريم بضحك:لا يا بنتى انا اصلا اكتشفت انى مش بحب دكتور مالك.

موده:امال بتحبى مين.

ريم:فى دكتور جديد اسمه قازم بس ايه يا موده عسل.

موده:بس يا بت انتى هتشلينى انا هجوزك كريم وتكيف فيكى ثواب تعالى يا آخره صبرى

دخلو واول ما دخلو قرب مالك ليها.

موده:هو فى ايه

مالك بسرعه قعد على ركبته اتخضيت موده بصيتلهم وبعدين بصيتله لقيته قاعد على ركبته وبيبصلها

مالك:تقبلى تتجوزيني يا موده ونكمل بقيت حياتنا سوا.

موده:هنا وفى المستشفى.

مالك:اه مفيش مشكله ها قولتى ايه رحلة وجعتنى.

كريم:اعملى زى ماما زمان يا موده

ابتسمت موده وبصيت للساعه وافتكرت.

فلاش باك

موده:يا ماما لما بابا اتقدملك عرفتى ازاى انه هو الانسان الصح.

كريم:ايوه يا ماما قوليلنا

مامتهم:ساعتها غمضت عين. وانا بتخيل مين اكتر حد حبيته فى حياتىلقيت صوره فى خيالى مواقفه كل حاجه تخصه كانت عجبانى عشان كده شوفته ووافقت على طول اصل النصيب بيجى مره واحده.

عوده الفلاش باك

مالك:رجلى وجعتنى اوى

كريم:اتقل شويه.

موده ابتسمت وغمضت عينيها شافته فى الجامعه وهو بيسألها الساعه كام وشافته فى المطعم (ضحكت) كمان شافت عصبيته فى العربيه وعقد الشغل والاسنسير وعنده فى الاوضه .

فتحت عينيها وهى بتضحك وحطيت ايديها فى ايديه:موافقه.

جيه يقوم بحماس كان هيقع سندته موده بصيلها وحضنها جامد

كريم:شايف يا بابا.

سيد بضحك:جوزها بقا عادى.

كريم:عشان خاطرك بس يا حج.

موده بكسوف:احم مالك ابعد عيب كده.

مالك كان حاضنها جامد ومش سامع حاجه تانى غير صوته لنفسه وهو بيقول اخيرا اخيرا.

كريم:ايه يا باشا كده كتير.

سيد:معاك حق كفايه عليه كده.

جيه كريم يقرب برقتله موده أنه لو قرب هتنفخه.

كريم بعد .

موده حطيت إيديها على ضهره:احم خلاص بقا كده عيب اوى يعنى.

فاق مالك وبعد عنها بإحراج.

بعد فتره كبيره.

كريم: الدكتور قال ممكن تخرج بقيت كويس.

موده:طيب مستنين ايه يالا نروح.

ركب سيد وكريم مع موده ومالك و موده قدام جمب مالك كانت مكسوفه بس مش حابه تبين ده.

كريم:وصلنا فين السرير بسرعه.

نزل كريم وسيد نزل وموده ومالك كمان.

سيد:موده روحى مع جوزك يا حبيبتى.

موده:بس انا لسه فرحى بكره وله نسيت.

سيد:لا منسيتش بس مالك وعدنى هيجيبك بكره بدرى مش كده

مالك:اوعدك.

موده:خلاص يا بابا الى تشوفه يا بوص.

حضنها سيد وطلع مع كريم وموده ركبت مع مالك تانى.

مالك:احم موده.

موده بكسوف:نعم.

مالك:انتى وافقتى صح.

موده:اه.

مالك:يعنى بتحبينى وله لا.

موده بكسوف جامد:اممم انت رأيك ايه.

مالك:مش عارف عشان كده بسألك.

موده:اممممم لازم يعنى.

مالك:طيب خلاص مش لازم دلوقتى.

اتنهدت موده بإرتياح.

مالك:ممكن طلب.

موده: اتفضل.

مالك: ممكن تقولى أسمى.

موده:دكتور مالك

مالك: لا من غير دكتور.

موده:ايه.

مالك:يالا مش صعبه ده انا زى جوزك يعنى.

موده:مش هعرف.

مالك ركن العربيه قدام العماره بتاعته.

مالك لف ليها:ليه بس جربى قولى ورايا كده مالك.

موده بتوتر:ما ما لا مش هعرف.

مالك قرب ومسك وشها:مااالك.

موده بكسوف وتوتر: مالك.

مالك فرح اوى:قوليه تانى كده.

موده بكسوف:مالك خلاص بقا.

مالك بهيام:اللله بقا انا اسمى حلو كده.

موده:هننزل طيب.

مالك:اه طبعا بس الاول.

موده:إيه.

مالك:تعالى هقولك.

موده قربت ودنها باسها مالك فى خدها بعدت بسرعه كان مالك بيعمل كده 😋 خافت موده وبربشت كذا مره بعيونها.

مالك قرب منها وطبع شفايفه على شفايفها وشدها لحضنه.

موده كانت بتزقه بس بالنسبه ليه ضعيفه جدا بعد مالك عنها وهو بينهج نزلت موده بسرعه نزل وراها جت تتطلع على السلم شالها ودخل الاسنسير بيها.

موده:بلاش هنا كل مره يعطل.

مالك:خليه يعطل.

موده بصيتله بإستغراب:هخاف منه اوى.

مالك:مش هتحسى بحاجه.

موده وهى خايفه:إزاى وانا خايفه من دلوقتى.

مالك نزلها وقرب منها وهى بترجع وخايفه من الاسنسير.

قرب مالك لوشها وهمس في ودنها:متخافيش.

موده هديت شويه بس مالك طبع شفايفه على رقبتها وهى دقات قلبها بتزيد طلع مالك لوشها وهى دقات قلبها بتزيد اكتر لحد ما وصل لشفايفها موده مبقيتش حاسه بحاجه خالص مسك مالك ايديها وحطها حوالين رقبته وشدها من وسطها وقربها ليه.

موده استسلمت على الاخر لحد ما وصل الاسنسير فتحت موده عينيها وشافته مغمض مندمج موده كانت مبسوطه بس متوتره وخايفه فى نفس الوقت زقيته موده.

موده:وصلنا.

مالك:وماله نكمل جوه.

موده اتوترت وخافت وفركت فى إيديها.

مالك:يالا.

موده:انت روح انا هرجع لبابا وكريم

ضحك مالك ودخل شالها وخرج ودخل البيت وقفل الباب برجله ودخل الاوضه ونزلها وقفل الباب بالمفتاح كويس .

موده:انا هدخل اخد دش.

جريت موده للحمام وقفلت الباب بسرعه.

موده لنفسها:هعمل ايه دلوقتى ده مصمم وبعدين بقا همثل انى تعبانه لا لا هو هيقلق جامد طيب اعمل ايه هخرج واقوله عايزه انام اه هو كده. اخدت الدش وخرجت كان مالك قاعد مستنيها على السرير موده اتاوبت ولفت الناحيه التانيه ونامت واستغطيت.

مالك :وماله.

طفى النور وشدها وكمل.

تانى يوم صحى مالك ولقاها فى حضنه ابتسم وباس رأسها صحيت موده واتمطعت.

مالك بابتسامه:يا صباح الجمال.

موده بكسوف:صباح النور.

مالك:جاهز انتى انهارده هتبقى عروسه مالك.

موده بكسوف:اه.

مالك:طيب. وقرب لشفايفها وباسها بحنيه

موده:انا هقوم عشان بابا زمانه مستنى.

مالك:ينهار وعدته مأخركيش يالا بسرعه.

قامت موده اخدت دش ولبست وخرجت كان مالك بيلس ابتسمت وراحت قدامه وعدلتله لياقه وجت تمشى قربها من وسطها بعدت موده برأسها:هنتأخر.

مالك:مش مهم.

موده:منظرك قدام بابا هيبقا زفت خالص.

مالك:خالص خالص.

موده:خالص خااااااالص.

مالك:إذا كان كده بقا يبقا نمشى.

موده:شاطر يالا بقا.

جت تبعد شدها تانى.

مالك:طيب عشان انا شاطر مش استاهل مكافئه.

موده:طبعا تستاهل هبقا اجيبلك شكولاته يالا بقا هنتاخر.

مالك:بس انا مش عايز شوكولاته.

موده:امال عايز ايه بقا خلصنى اتأخرنا.

مالك:مش هقولك هاخد مكافئتى لوحدى.

وجيه يقرب منها بعدت موده.

موده:هيماااااا.

مالك:يخربيتك اسكتى هتصحى وتيجى.

موده:يبقا سيبنى.

مالك ضيق عينيه:على فكره بقا انا مش بتهدد.

وشدها وطبع شفايفه على شفايفها جامد وشدها اكتر.

دخلت هيام بخضه: فى ايه.

موده برقت ليها وبصيتله لقيته مبتسم بصيت لهيام وهى مش عارفه تنطق منه هيام ابتسمت وخرجت وقفلت الباب.

موده حاولت تزقه بس مش راضى يبعد .

بعد فتره بعد عنها وهو بينهج ومبتسم ليها.

موده وهى بتنهج برضو:إيه الاحراج ده بس يا ربى

ومشيت من قدامه وهو بيبتسم خرجت موده لهيام.

هيام:صباحيه مباركه يا عروسه هههه.

موده بكسوف:هيما انسى إلى شوفتيه ماشى وبعدين انا لسه هبقا عروسه انهارده وهلبس فستان ابيض وعايزكى انتى تلبسينى فستانى مكان ماما الله يرحمها ها ايه رأيك.

هيام بدموع:بجد انا هلبسك فستانك.

موده:مش عايزه.

هيام حضنتها:لا عايزه انا كان عندى حلم زمان انى اجيب بنت والبسها فستانها بإيديا لكن للاسف معرفتش جوزى حبيبى سابنى ودفنت حلمى معاه.

موده حضنتها:انا بنتك عارفه حضنك شبه حضن ماما اوى لما بحضنك بحس انى بحضن امى انا بحبك اوى يا هيما.

هيام:تقدرى تقوليلى يا ماما هبقا مبسوطه اوى.

موده: ورايح هقولك يا ماما هيما.

هيام بضحك:ماشى.

مالك:وانا مليش احضان وله هى للحبايب بس.

موده بعدت:احضنيه احسن يغير منى.

هيام:تعال فى حضن امك يا قلب امك.

مالك راح حضنها وباس رأسها موده ابتسمت ليهم جت تمشى مسكها مالك من إيديها.

بعدت هيام:طيب هلبسك فستانك امتى.

موده:ينهار ابيض هى الساعه كام اتأخرنا.

هيام كانت لابسه فنزلو كلهم سوا وركبو وصلو بيت موده.

سيد:اهلا اهلا بالعرسان.

اتكسفت موده جامد وحضنته وباست رأسه .

كريم:وانا مليش.

موده:انت ليك كله كله تعال.

حضنته موده كان مالك اول مره يدخل بيت موده وشاف صورها وهى صغيره كانت كلها مع كريم كان مبتسم وهو بيشوفها.

سيد:مجانين صح بس قلبهم حنين على بعض وبيحبو بعض فوق ما تتصور مستحيل حد يقدر يفرقهم وعمرهم ما خبو حاجه عن بعض.

مالك:عارف وانا حابب كده حابب اشوف اخو موده وهو حنين عليها وبيخاف عليها انا اه بغير شويتين بس انا مبسوط ليها.

سيد:هى محظوظه بيك كريم ابنى عرف ينقى وهو اختار زين الرجاله كلهم.

مالك بإحراج:احم اسف عشان اتأخرنا انا السبب.

سيد ضحك:عارف من امبارح انكو هتتأخرو متقلقش انا مجهز كل حاجه وفاهم كويس لانى برضو اتجوزت عن حب وفاهم ايه بيحصل لانك كنت باين اوى امبارح

مالك بكسوف:احم طيب هنزل انا بقا.

سيد بضحك:كريم نازل معاك.

نزل مالك وكريم

وموده وهيام وريم وصلت دخلو الاوضه.

وصلت الكوافيره ودخلتلهم.

أما سيد فمشى للمقابر وزرع ورده حلوه جمب قبر زوجته.

سيد بدموع الفرح:وردتنا كبرت واتجوزت يا حبيبتى وانا نفذت وعدى انتى قولتلى اول ما موده تتجوز ازرعلك ورده على قبرك صح وانا اهو بنفذ إلى طلبتيه يا ريتك كنتى هنا وشوفتيها بفستانها الابيض ووسطنا ومعانا ربنا يرحمك يا حبيبتى هفضل ادعيلك لأخر نفس فيا انا كنت بحبك ولسه بحبك وهفضل احبك للمامت انا همشى دلوقتى بس أنا متأكد اننا هنتقابل تانى.

مشى سيد .

عند موده.

ريم:ايه الجمر ده بس.

هيام:بسم الله ماشاء الله تبارك الله.

موده:انتو مأفورين صح.

هيام:اجمل عروسه فى الدنيا.

موده اتكسفت واحمرت وهى بتبص فى المرايا.

ريم:بجد قمر.

موده:عقبالك يا قلبى من جوه.

ريم :بس دكتور قازم يبوص فى وشى.

هيام:اتعلمى تقدرى نفسك هتلاقى ميت مليون مقدرك وعايزك.

ريم:محدش عايزنى.

هيام:اش عرفك مش يمكن فى بس انتى مش شايفاه.

موده:البعيده عاميه بعيد عنك.

ضحكو هيام موده على ريم.

الباب خبط

موده:ادخل

سيد:العريس وصل ايه ده بسم الله ماشاء الله.

موده بكسوف وهى بتتحرك لمين وشمال:خلاص بقا يا بابا.

سيد:بتتكسفى يا موده من ابوكى تعالى هنا يا مقصوفه الرقبه.

موده حضنته وهى بتعيط بص سيد على إيديها لقاها لسه لابسه الساعه.

سيد:هى معاكى على طول يا بنتى وعايشه جواكى عشان انتى نسخه مصغره عنها بس شقيه حبتين عنها هى كانت هاديه.

موده:عارفه يا بابا ومتأكده انها مبسوطه عشانى.

باس سيد رأسها.

كريم:عروستنا القمر جاهزه.

حضنته موده:انا طول عمرى جاهزه.

كريم:اه يا واد يا جامد انت.

موده فى ودنه:ده انا وله إلى ورايا.

كريم: اممم بصراحه انتو الاتنين.

موده ضحكت وبعدت.

موده:اوعى تكون ناسى.

كريم:مستحيل انا مجهز كل حاجه متقلقيش بعد الفرح هنروح.

موده: كفك يمان.

سيد:تعال يا مالك خد عروستك.

دخل مالك وشافها فتح بقه معقوله فى كده كانت جميله وبقيت اجمل موده بصيتله بكسوف وهى بتبتسم.

كريم :اتحرك يعم كسفتنا.

مالك:احم .قرب لموده وباس رأسها:انتى انهارده اجمل من الجمال شخصيا القمر نازل من السما يحيكى.

موده بضيق عين :يعنى انا فى الطبيعى مش حلوه.

كريم:هاتو خنجر اموت نفسى اختى هتموتنى بحسرتى يعنى يا بجمه بيقولك كلام حلو وتقفليها كده.

موده:انا بجمه يا كريم اوكى اوكى.

ريم مسكت موده : بلاش دلوقتى الله يباركلك.

مالك:انتى طول عمرك جميله بس بقيتى اجمل لما بيقيتى بتاعتى لوحدى محدش يقدر يقربلك تانى غيرى.

كريم:وانا.

موده:مين دلوقتى بيفسد اللحظه.

سيد:طيب يالا يختى وبعدين عيشى اللحظه.

مالك انكچ إيديها وخرجو.

موده لريم: جاهزه اعملى إلى دربتك عليه من زمان.

ريم:مستعده يا معلمتى.

موده ضحكت وريم قعدت تزغرط هى وهيام وراها.

موده منكشحه اوى مالك بصيلها.

موده:فى ايه مبسوطه بصحبتى الله تلميذتى النجيبه.

مالك ضحك راحو على المسرح وبدأوا رقص السلو.

موده:مكنتش متوقعه ان احلامى هتتحقق بالذات لما اتجوزنا افتكرت أن عمر احلامى ما هتحقق بس دلوقتى احلامى كلها اتحققت كلها انت متخيل.

مالك:كانت ايه هى احلامك.

موده:لما عرفت قلبى بيقولى ايه كان حلمى انك تكون جوزى بس انا كنت مقتنعه أنه مش هيتحقق لانى كنت مستحيل اتجوزك لأن صادقتى المفضله كانت معجبه بيك وده اتحقق رغم كل ده وحلمى التانى انى اعيش اجمل قصه حب

...

رواية دكتور بطاطس الفصل الثاني عشر

موده:حلمى التانى انى اعيش اجمل قصه حب زى الروايات وديه كمان اتحققت وحلمى الاخير انى اعمل فرح زى ده وهلبس الفستان ده وهرقص سلو كده وهبقا اسعد واحده في الحياه وكلهم اتحققو و انت معايا.

مالك:مكنتش اعرف ان قلبك قالك من بدرى.

موده:لا قالى.

مالك:طيب مش هتقوليلى قالك ايه

موده:لا مش هنا

مالك مسكها من وسطها ورفعها ولف بيها وبعدين نزلها وحضنها.

بعد وقت كانت موده وكريم وريم ووليد على المسرح وموده ماسكه الميكروفون:الساعه فى ايدك كام يعمو الساعه كام.

كريم وريم ووليد:يا عمو الساعه كام متقوله الساعه كام.

كانو شبه الاطفال وهما بيغنو.

بعد وقت.

كريم:وعريسنا راجل جدع ابو نن عين امه ده مبياكلش يا ناس غير من ايدين أمه.

موده:بس النهارده خلاص جاتله إلى هتلمه هينام بقا فى حضنى انا مش فى حضن أمه .

كان مالك مبتسم وبيضحك وهيام بترقص وتضحك مع موده

خلص الفرح وركبو العربيات كريم كان سايق عربيه مالك إلى متزينه وبيعمل بيها خمسات وموده ماسكه فى مالك.

موده بزعيق:بطل هبل ياض انت مش عايزه اموت دلوقتى ده انا حتى لسه عروسه جديده.

مالك حضنها بدراعه ومسك دراعها جامد بصيتله موده

مالك:انا معاكى متخافيش.

موده هزيت راسها وكريم هدى السرعه

موده:بقيت كويسه شيل ايدك بقا.

مالك ابتسم وبص الطريق ومشالش أيديه

كريم:وصلنا

مالك:فين يابنى مش شايف حاجه.

موده:وصلنا عند ماما تعال معايا.

نزلو ودخلو عند قبر موده قعدت قدامه كالعاده بصيت لقيت ورده

موده:بابا قالك قبلى يالا مش مشكله انا جيت بعده المهم انى جيت اه خسرت الرهان بس جيت.

مالك:رهان ايه

كريم:كان رهان بين بابا وماما وموده احنا كنا عارفين أن ماما هتموت لأنها كان عندها الكانسر كانت موده عايزه تضحكها وتفرحها فقالت هتجوز وهجيلك اقولك يا ماما وبابا رد وقال لا انا إلى هقولها الاول راحت موده قالت:لا يا ماما متصدقهوش طالما مفيش دليل انا هيجيلك بالفستان كدليل فبابا اضايق راحت ماما قالتله هصدقك لو جيت الاول وزرعت ورده حلوه على قبرى موده قالت لا انا هروح الاول وهو ده الرهان إلى حصل بس بابا فاز.

موده بدموع:بس ايه رأيك في الفستان حلو صح

وفجأة بتسمع هوا تطير الطرحه بتاعتها

موده:انا عارفه انك شايفه دموعي بس مش بإيدى انتى اكيد فاهمانى انتى على طول بتفهمينى من غير حتى ما اتكلم صح بس انا همسح دموعى وهفضل قويه زى ما قولتيلى انا بحبك اوى يا ماما كريم تعال.

قعد كريم جمبها

موده:ماما كريم نفذ إلى قولتيه وجوزنى وسلمنى لعريسى إلى قلبى اختاره زى ما قولتى.

نسمه هوا تانيه

كريم:وحشتينا اوى يا ماما

موده:تعال.

شاورت لمالك قعد جمبها

موده:شوفتى يا ماما هو ده جوزى

مالك:موده تفتكرى عجبتها

موده ابتسمت:إذا كنت عجبت بنتها اكيد عجبتها

كريم:طيب يالا بقا.

قامو وركبو وكريم وصلهم لحد بيتهم وهيام قالت هتبات عند اختها عشان كده مجتش

مشى كريم وموده كانت بتعمله باى وفجأة يشيلها مالك ويركبو الاسنسير .

موده بكسوف:ممكن تنزلنى.

مالك ضحك:مستحيل

موده خافت ومسكت الجاكت بتاعه وخبت وشها فيه

ضحك مالك وخرج من الاسنسير وفتح باب الشقه ودخل وقفله برجله وهو شايلها

موده: دلوقتى ممكن تنزلنى

مالك قعد على الكنبه وحطها على رجله:قوليها الاول

موده: اقول ايه .

مالك:إلى قلبك قالك عليه.

موده:مقليش حاجه

مالك:براحتك يبقا هنفضل قاعدين كده للصبح.

موده:مقليش حاجه سيبنى بقا

كان مالك مسكها من وسطها جامد عشان متقومش من على رجله

مالك:تؤ تؤ لازم اسمعها انهارده

موده:تسمع ايه

مالك:بتحبينى وله لا.

موده غمضت عينيها واتنهدت وبعدين فتحتها ومسكت وشه: اه بحبك يا مالك من بدرى كمان خلاص ارتحت.

سابت وشه وجت تقوم شدها لرجله قرب لشفايفها وهى بعدت ونزلت من على رجله للكنبه وهو بيقرب وهى بتبعد بوشها لحد ما نامت على الكنبه

موده:مش عارفه اتنفس عايزه اقوم.

ابتسم مالك وهو بيقرب:هعمل تنفس اصتناعى.

موده برقت:ل...

سكتها مالك وطبع شفايفه على شفايفها جامد وأيديه ماشيه على دراعها وشبك ايديه فى ايديها

بعد فتره موده زقيته واتعدلت وهى بتاخد نفسها بصعوبه وبتنهج

مالك قام وشالها ودخل الأوضه ونزلها ولف وقفل الباب كويس ولف ليها وهى بترجع لورا وهو بيقرب وعينيه على شفايفها شدها لحضنه خبطت فى صدره بصيت له واحمرت لما حسيت بإيديه بتفتح سوسته الفستان شالها من وسطها وحطها على السرير وهى بتبعد وهو بيطلع على السرير وبيقرب ليها ايديها فلتت وقعت على السرير.

مالك بابتسامه:مش هتهربى منى أبدآ.

موده😳😳

مالك ضحك وطبع شفايفه على شفايفها وحضنها وإيديه طلعت قلعها الفستان هى اتكسفت أوى بس كانت مبسوطه نزل مالك لرقبتها وجسمها وهى نفسها طالع نازل.

تانى يوم صحى مالك وهى مبتسم ليها وهى فى حضنه حضنها جامد وباس رأسها صحيت موده بابتسامه قالت:صباح الخير.

مالك:يا صباح الجمال والقمرات.

موده ابتسمت واستغطيت كويس لأنها سقعانه.

مالك:انتى كويسه.

موده:اممم سقعانه بس.

مالك حضنها اكتر:وكده.

موده:لا بس مكسوفه شويه.

مالك:لا لازم تبطلى تتكسفى منى زى جوزك يعنى.

موده:اممممم هحاول.

مالك:طيب قولى يا مالك كده عشان اتأكد.

موده بابتسامه وهى حضناه:يا مالك يا حبيبى.

مالك:ايه الجمال ده على الصبح بس بتحلوى كل شويه.

ضحكت موده بكسوف ومالك اتعدل فوقيها.

موده:ما احنا كنا بنهزر ايه قلبك دلوقتى.

مالك:انتى انتى قلبتى حياتى كلها بقيت بحب الحياه.

موده:مين حياه اوعى تكون بنت.

مالك:يخربيت عقلك ده.

موده🥺:ماله عقلى.

مالك باس راسها:قمر زى صحبته

ابتسمت موده بكسوف كده😊

مالك:ابتسمتى يبقا مبسوطه

موده:انا طايره.

مالك:يبقا إلى هعمله هيبسطك اوى.

موده:هتعمل ايه يا مالك.

مالك وهو ببيشد البطانيه فوقيهم:ياااه مالك منك بتغسلنى من جوه. ضحكت موده.

بعد فتره كبيره كان مالك نايم وموده جمبه صاحيه وبتبصله وهى مبتسمه ومركزه فى ملامحه .

موده حطيت صوبعها على خده:عندك غمزه بس مش بتبان من دقنك بحبها اوى وعينيك حلوه برضو لما بتبصلى بيبقو بيلمعو بحبها اوى برضو ههه وشعرك برضو عارف كنت مضايقنى اول مره شوفتك لما طردنى من المحاضره بس دلوقتى لما بفتكر بضحك على نفسى بس كنت بتتكلم كده

موده وهى بتقلده: الساعه كام يأنسه.

لما تظبطى ساعتك ابقى تعالى احضرى.

مالك:انا بتكلم كده.

موده اتخضيت:ايه ده انت صاحى من امتى.

مالك:من بدرى لما كنتى بتبصيلى ولما قولتى بتحبى دقنى وغمزتى وعينى الى بتلمع لما بتشوفك .

موده اتكسفت وجت تنسحب وتنزل من على السرير شدها ليه.

مالك:بس فى سؤال محيرنى.

موده :سؤال سؤال ايه.

مالك:مش بتحبى ديه كمان. شاور على شفايفه.

موده بسرعه:لا.

مالك بزعل:بجد.

موده:لا بحبها بس بتخلينى مكسوفه اوى.

مالك:ليه بس مش قولنا متتكسفيش منى خالص.

موده:مش عارفه مش بإيدى.

مالك:اممم معاكى حق بإيدى انا.

موده:مش فاهمه.

مالك وهو بيقرب لوشها:هفهمك.

فضل يبوس فى وشها بسرعه وهى بتضحك وبتحرك وشها زقيته.

موده:يعنى بتبقا مبسوط وانا محمره كده

مالك بابتسامه:جدآ بتبقى مدام فراوله خالص.

موده بضحك:يبقا مدام فراوله متجوزه دكتور بطاطس .

مالك:صحيح ليه سمتينى بطاطس.

موده:اممممم مش هقولك اعرفها لوحدك.

مالك:اممممم طيب هعرف هعرف يعنى خلينا فى موضوعنا.

موده:موضوع ايه انا قايمه اصلا فين هيما من الصبح متعرفش انت هى فين.

مالك:مش هتيجى دلوقتى تعالى كده.

وشدها واستغطو تانى.

تانى يوم صحيت موده وقامت براحه اخدت دش وخرجت حطيت إيديها على بطنها.

موده: عارفه يا بطنى انك جعانه استنى هعمل فطار بس متعمليش صوت اشطا يالا بينا.

دخلت موده بالبرنس المطبخ بتدور على اى حاجه لقيت كورن فليكس بس واندومى مفيش خضار وله اى حاجه تانى.

موده:امال بياكلو ايه مقدميش غير الكورن فليكس ده بقا.

حطيت وسخنت اللبن وكانت واقفه مستنيه اللبن وهى بتدندن وبتحرك جسمها براحه دخل مالك وراح من ضهرها حضنها من وسطها ونفسه فى رقبتها.

مالك:صباح الخير.

موده:صباح النور صحيت امتى.

مالك بيتاوب:لسه دلوقتي.

موده حطيت إيديها على خده:انت نايم خالص ايه قومك قبل ما تفوق يابابا.

مالك باسها من خدها:ملقتكيش جمبى اتخضيت فقومت.

موده ابتسمت:متتخضش تانى انا هنا اهو هروح فين.

مالك:يعنى مش هتسيبينى.

موده:انت وحش.

مالك:معرفش بس تقريبا لا.

ابتسمت موده:طيب شكلك وحش.

مالك ابتسم: حبيبتى امبارح قالت انى حلو.

موده:طيب خاين.

مالك:مستحيل.

موده بضحك لفت لوشه:يبقا هسيبك ليه.

مالك:عارفه دمك مش خفيف وخوفتينى.

موده:متخافش و😠على فكره بقا انا دمى خفيف وكيوت حتى بص بصيتله برقه ونفخت بقها وحطيت صوبعها على خدها وفعلا شكلها كان كيوت خالص.

ابتسم مالك:لا معاكى حق فعلا انتى كيوت خالص وتتاكلى اكل.

موده اتكسفت ونزلت إيديها ولفت عشان اللبن لفها مالك ليه.

مالك:مش قولنا متتكسفيش منى.

موده:انا انا مش مكسوفه خالص. وشها احمر اكتر.

مالك بضحك:هو واضح.

جت موده تلف حضنها قبل ما تلف من وسطها وطبع شفايفه على شفايفها جامد وشالها وحطها على الرخامه وكمل بعد فتره بعد عنها وهو بينهج موده جت تقوم شدها تانى وكمل.

اللبن فاااار.

موده عماله تزقه مفيش فايده بصيتله إلى هو انا معنديش حل تانى سامحنى بقا وعضيت لسانه بعد عنها وهو بيتوجع ومطلع لسانه نزلت موده وقفلت على اللبن بسرعه .

مالك مسكها:فى ايه ليه عملتى كده.

موده:هو هو اللبن فار.

مالك بص للبن وبصيلها:تقومى عضانى.

موده:حاولت ازقك الاول صدقنى.

مالك:مليش فيه.

شالها وحطها على الرخامه تانى.

موده:انا اسفه.

مالك قرب لشفايفها بابتسامه وطبع شفايفه على شفايفها تانى.

موده اندمجت معاه جدا ومحستش بنفسها وهى بتحضنه وبتشده مالك فتح عينيه لقاها مندمجه مسك رأسها بإيديه وعضها عضه خفيفه بعدت موده بوجع.

موده:بتردهالى يعنى.

مالك:بس كنت عايزك تشوفى انا حسيت بإيه.

موده لوت بوظها زى الاطفال ونزلت.

مالك مسك أيديها.

موده:جعانه سيب إيدى.

مالك:انتى زعلانه.

موده:لا هزعل ليه انت عملت حاجه.

مالك:عضيتك.

موده:كويس انك عارف.

مالك:ما انتى كمان عضيتينى.

موده:كنت عايزه الحق اللبن.

مالك:بس وجعتينى.

موده بصيتله:اتوجعت جامد.

هز مالك راسه كده😔:واتعروت بصى.طلع لسانه لموده.

موده بصيت للسانه لقيته متعور فعلا قربت ليه وحطيت إيديها على وشه وهى بتبص للسانه قربت ببطء وهى خدودها حمره وطبعت شفايفها على شفايفه براحه شالها مالك بعدت موده.

موده:استنى.

مالك:ايه تانى.

موده:احم جعانه اوى.

ابتسم مالك وحطها على الرخامه وحط الكورن فليكس وعليه اللبن والسكر وحطه على التربيزه إلى فى المطبخ موده جت تنزل مسكها مالك وشالها وقعد وحطها على رجله وأكلها بإيديه.

موده والأكل فى بقها:صح هو فين الاكل إلى هنا.

مالك:موجود.

موده:ملقتش غير الكورن فليكس ده واندومى.

مالك :طيب عايزه ايه تانى.

موده:عايزه ايه!فين الخضار الاكل الاكل يا مالك.

مالك:ماما مش بتعرف تطبخ فعنايات وهى جايه بتجيب على القد فاهمه.

موده هزيت راسها:بس انا بعرف اطبخ لازم نجيب حاجات للبيت

مالك:خلاص الاسبوع الجاى نبقا ننزل.

موده: اشمعنا بعد اسبوع ليه مش دلوقتي.

مالك مسك وسطها جامد وبابتسامه قال:عشان احنا لسه عرسان جداد ومش فاضيين.

موده كحت جامد.

أداها مالك المايه شربت:انا شبعت خلاص.

مالك قام وهو شايلها:يبقا يالا بينا بقا.

موده:عايزه اغسل بقى طيب.

مالك:هغسلهولك انا

ودخل الأوضه.

بعد تلت شهور.

موده: يالا يا مالك بقا هنتأخر.

قام مالك وهو بيفرك عينيه: صباح الخير يا حياتى.

موده بابتسامه:صباح النور يا حبيبى يالا بقا.

لبس مالك بدله وموده لبست فستان نبيتى جميل.

مالك:جاهزه

موده:اه ايه رأيك.

مالك فاتح بقه وقرب وطى على ركبته قدامها:تتجوزيني.

موده بضحك:حبيبى قوم احنا متجوزين اصلا قوم يالا.

قام مالك وهو بيبصلها.

موده:حلوه.

مالك: تؤتؤ.

موده:ايه.

مالك:اكتر من حلوه.

حضنته موده.

مالك:كده هضعف ومش هنروح فرح وله خطوبه حتى.

ضحكت موده وبعدت عنه:طيب يالا قبل ما تغير رأيك.

نزلو العربيه ومشيو للفرح.

موده:اكيد متوتر دلوقتى.

مالك:ممكن.

موده: انت يوم فرحنا كنت حاسس بإيه.

مالك:حماس شديد ومبسوط وكنت عايز اخطفك من غير فرح

موده:كويس انك معملتش كده.

مالك:بس بفكر اعمل كده دلوقتى.

موده:مالك اعقل.

مالك:أسمى حلو كده ازاى.

موده ضحكت

مالك: اوعى وشك يالا وصلنا.

نزلت موده وجريت فى حضن العريس

كريم:اتأخرتى كده ليه.

موده:عقبال ما جهزت يا روحى بس ايه القمر ده.

كريم:بجد حلو

بعدت موده:جامد توم كروز فى نفسك اوى.

كريم:بطلى تريقه.

موده:والله مش بتريق.

وليد:قوليله مش عارف متوتر ليه المفروض الواحد يكون متحمس مش متوتر وخايف.

موده:بس ياض انت.

وليد:ماشى ماشى حقك يعنى عشان انا السنجل الوحيد البائس فى الشله تعملو كده معايا ماشى ماشى.

محمود:متقلقش يا وليد انا معاك.

وليد حط أيده على كتف محمود:شقيقى.

موده:انتو جاهزين.

كريم:هتعملو ايه.

وليد ومحمود:جاهزين.

موده لكريم: مفاجأة.

راحت للمسرح وهما معاها ومالك كمان.

محمود:لا انت صاحبى وله رأفت .لا لا لا لالا لو مرضيتش اعتبارى لو مرضيتش اعتبارى لو حقيقى كنت صاحبى لو حقيقى كنت صاحبى هاتلى حقى وخودلى طارى.

وليد:يا حبيبى يا حبيبى.

موده: يا صاحبى خلاص ابعد عنى ابعد عنى اعمل معروف اعمل معروف.

ريم:ده بجد

كريم:انا كمان مش مصدق إلى شايفه

ريم بصيتله لقيته بيبصلها

ريم:مالك يا كريم فيك ايه ومبرقلى كده ليه شكلى وحش.

كريم:قمر انتى قمر يا عروستى

اتكسفت ريم وبصيت فى الارض

كريم:مكسوفه يا ريم

ريم:جدا

موده نطيت عليها:صاااااحبتى.

كريم مسكها:رايحه فين براحه يا ماما.

موده:ايه ده فى ايه اوعى ياض

ريم:متقولوش ياض قدامى.

موده:وحياه امك

كريم:بنت اتأدبى.

مالك:سيب مراتى ياض

كريم:اختى قبل ما تكون مراتك

موده:ما خلاص بقا اوعى بقا يا بتاع ريم يا ملزق.

كريم بشهقه:انا ملزق.

موده:ملفتش نظرك بتاع ريم.

يتبع.....

رواية دكتور بطاطس الفصل الثالث عشر والاخير

كريم يصيبها بملامح غاضبه استخبت موده ورا مالك.

مالك:خلاص يا باشا هى فى حمايتى دلوقتى

ريم:موده ايه رأيك فى الفستان.

موده:مش هقولك انتى بقيتى شريره معايا

ريم ضحكت:كل ده عشان قولتلك متقولوش ياض انا كان قصدى قدام الناس لكن لوحدنا اعملى إلى انتى عايزاه يا صاحبتى.

موده ابتسمت

الدى چى: دلوقتى فقره السلو يتفضل العريس وعروسته على المسرح وبطلب من الكابل الموجودين يشاركوهم الرقصه

كريم وريم راحو ومالك مسك أيد موده وراحو

المسرح ورقصو سلو وموده حاسه بضيق تنفس بس استحملت ووليد ومحمود سوا سلو بدل السنجله😂😂😂

بعد الفرح في عربيه مالك وموده

مالك:حبيبتى انتى كويسه حاسك مش كويسه

موده:دوخه بسيطه متقلقش

مالك:تحبى نروح للدكتوره.

موده:لا مفيش داعى.

مالك بصيلها لقاها بتدوخ وسندت رأسها على الكرسى وبتفتح عينيها بالعافيه لف بالعربيه للمستشفى

مالك:موده خليكى معايا يا حبيبتى موده موده.

موده:اممممم

مالك: قربنا للمستشفى خليكى معايا اوكى خليكى فاتحه عينيكى.

وصل المستشفى ركن ونزل شالها ودخل بيها بسرعه العياده

خرجت الدكتوره بعد شويه

مالك:ها يا دكتوره هى كويسه صح هى كويسه.

الدكتوره:اه كويسه وبومب كمان

مالك:امال ايه تعبها.

الدكتوره:هى داخت بس وده من أعراض الحمل عادى.

مالك بصدمه:حمل.

الدكتوره:انتو متعرفوش ديه المدام حامل فى شهر ونص.

مالك:ايه

الدكتوره:مبروك يا استاذ عن أذنك.

دخل مالك ليها بسرعه

موده:مالك الدكتوره اديتنى حقنه والدوا ده ومش فاهمه هى كانت بتقولى اخدهم ليهاو حتى عندى ايه هى قالتلك حاجه.

مالك بصيلها بدموع

موده بخضه:فى ايه متقولش انا عندى زى ماما وهمو..

سمعتها مالك بايديه

مالك:متنطقهاش تانى انتى سامعه انتى زى الفل بس هتجيبلنا لعبه نلعب بيها بعد فتره كده

موده بصيتله بصدمه ولان ايديه على بقها معرفتش تتكلم

مالك حط أيده على بطنها:هتجيبى نونو صغير انتى حامل يا حياتي كلها.

موده دموعها نزلت وهى مصدومه مالك شال أيديه ومسح دموعها.

موده بدموع:انا هبقا ماما وانت بابا يا مالك بجد.

مالك:بجد

موده:مش مصدقه

مالك:لا صدقى بقالك شهر ونص حامل يا حبيبتى

موده حطيت إيديها على بطنها:شهر ونص بحالهم

ابتسمت وبصيت لبطنها ومالك وطى وباس بطنها وهى حطيت إيديها التانيه على شعر مالك

مالك مسك أيديها وباسها موده اتكسفت قام مالك وشالها وركبها العربيه ومشيو.

فى البيت كانت موده قاعده على السرير وأيديها على بطنها

ومالك نايم على رجلها وهى بتلعبله فى شعره بايديها التانيه

مالك:تفتكرى هيحبنى.

موده:اكيد هيحبك وتكون قدوته وهيقلدك فى كل حاجه

مالك:تفتكرى

موده:انا متأكدة اناوامه شخصيا وبحبك.

مالك:فعلا

موده باست رأسه:اكيد طبعا انت جوزى وحبيبى وقره عينى كمان

مالك:لا كده كتير عليا

موده:مش كتير وله حاجه انا بجد بحبك يا مالك وكل يوم بعيشه معاك بحبك اكتر من اليوم إلى قبله عارف بقيت اكتر حاجه بتخوفنى انك فى يوم تبطل تحبنى وتبعد عنى ساعتها انا هموت بجد .

مالك:قولتلك متجبيش سيره الموت تانى وانا عمرى ما هبطل احبك ومش هبعد عنك ابدا ببساطة عشان بحبك.

موده:وانا كمان بحبك

مالك قام ومسك وشها بايديها:انتى حياتى

موده وهى بتبصله وهو بيقرب:وانت كونى وروحى.

مالك طبع شفايفه على شفايفها بحنيه ونيمها ونام جمبها

بعد فتره

موده:مالك.

مالك:امممم

موده:انت شامم إلى انا شماه.

مالك:شامه ايه.

موده:ريحه بيتزا سجق

مالك: دلوقتى

موده بعياط:ايوه انا عايزه منها دلوقتى.

مالك:خلاص خلاص هطلبلك واحده.

موده بابتسامه:كبيره لو سمحت.

مالك بضحك:حاااضر.

موده:اقولك خليها شاورما.

مالك:ماشى إلى انتى عايزاه.

موده:وله خلينا فى حبى القديم البطاطس.

مالك:ايه.

موده:اصل انا وانا صغيره مكنتش باكل من بره غير البطاطس على طول بطاطس بطاطس غيرت فى الجامعه بس وبقيت شاورما بس حبى القديم بطاطس.

مالك حضنها.

موده:شوفت غبائى كنت عايزاك تعرفها لوحدك.

مالك:انا بموووت فيكى.

موده:وانا كمان يا يادكتور بطاطس ههههه.

بعد كام شهر فى معاد الولاده.

موده:مالك انا خايفه.

مالك:متخافيش هو بس مقلوب ومش هينفع طبيعى متقلقيش مش هتحسى بحاجه.

موده:عارفه بس خايفه خليك معايا.

كريم:كلنا معاكى يا حبيبتى.

موده:هيما لو حصل حاجه خلى بالك من بنتى ومن مالك كويس.

هيام بدموع:يا حبيبتى مفيش حاجه هتحصل صدقينى.

مالك:متخافيش انا معاكى.

كريم:موده اسمعى انتى لازم ترجعى عشانى عشان مفيش كريم من غير موده.

موده بابتسامه:ومفيش موده من غير كريم.

وليد:والله هعيط منكم.

ريم:متخوفنيش يا موده الله يخليكى انا حاسه ان أعصابى سايبه خالص.

موده بتعب:لا انشفى كده لسه قدامك اربع شهور.

ريم بعياط:هستناكى هنا لحد ما تخرجى.

موده:إلى عايزه ربنا هيكون.

مالك:انا واثق أن ربنا هيحفظك ليا انتى وبنتنا وهترجعى انا واثق فى حكمه ربنا.

موده:لو حصلى حاجه مش عايزاك تزعل وعيش حياتك وخليك مبسوط ولما تيجى تزورنى ابقى اضحك عشان اشوف غمزتك الحلوه ولما تجوز بنتنا ابقى ازرع ورده حلوه على قبرى ماشى ولو فى يوم حبيت اتجوز تانى عشان انا هكون مبسوطه لما اشوفك مبسوط.

كريم مستحملش وخرج وعيط

مالك كان بيعيط حضنها:انتى هترجعيلى عايزك قويه واوعدينى متسبنيش لو مش عشانى عشان بنتنا يا موده.

سيد:مكنتش اتخيل اسمع نفس الكلام من بنتى.

موده:بابا خليك قوى عشان كريم ماشى.

الممرضه:يالا العمليات جهزت.

مالك:لو حصلها حاجه هوديكو كلكم فى داهيه.

الممرضه بخوف:حاضر.

سحبت موده بالسرير ومالك كان ماشى معاها وماسك ايديها وهى مبتسمه ليه واول ما وصلت لباب العمليات سابها وهو بيعيط.(الراجل لما يحب يجدعااااان)

فضلت ساعتين جوه.

الدكتوره بصوت عالى:انقلو الطفله من هنا.

خرجت الممرضه بالطفله للحضانه ومالك راح وراها.

مالك:فى ايه مالها موده كويسه وبنتى كويسه.

الممرضه:بنت حضرتك بس عندها مايه كتير على الرئه أما حاله المدام فى الدكتوره إلى تعرف عن أذنك.

وقف قدام العمليات وهو بيشوفهم الدكتوره بتخيط وموده بتكلمهم وده طمنه.

بعد فتره خرجت الدكتوره.

الدكتوره: حمدالله على سلامتها إلى حصل معاها معجزه إلى زيها بيكونو صعب يكملو بس هى كانت قويه وشجاعه.

مالك بدموع:يعنى كويسه.

الدكتوره:ايوه بس كان ألمها كبيره فأضطرينا نزودلها بنج.

مالك:وده هيأثر عليها في حاجه.

الدكتوره:هلوسه بسيطه مش اكتر.

مالك بارتياح:متشكر جدا يا دكتوره.

الدكتوره:العفو ده واجبى عن أذنك.

مشيت الدكتوره والممرضات نقلو موده إلى كانت بتهلوس.

الممرضات بضحك:تقدر تدخل يا استاذ المدام بسم الله ماشاء الله عليها دمها خفيف.

مشيو ودخل مالك.

مالك: حمدالله على سلامتك يا حبيبتى.

موده:الله يسلمك يا دكتور بطاطس هههههه.

مالك:بقالى كتير مسمعتهاش منك.

موده:انا بحبك اوى على فكره.

مالك:وانا كمان بحبك اوى.

موده:بنتنا شبهك صح.

مالك:اكيد شبهك انتى.

موده بعياط:بس انا كنت عايزاها شبهك.

مالك قرب وحضنها:شبهنا احنا الاتنين.

موده حضنته:هو انا مت وله لا.

مالك:لا ومتقوليش كده تانى مش هستحمل تبعدى عنى.

موده حضنته جامد:انت حبيبى.

ونامت وهى بتخطرف وبتقول كلام مش مفهوم وتضحك.

مالك كان بيمشى إيده على شعرها لحد ما نامت ونايمها وقام صلى ركعتين شكر لربنا وكان بيعيط وهو بيشكر ربنا.

كريم رجع المستشفى وعينيه مورمه من العياط ومعاه ريم ووليد كمان وكلهم نفس الحاله وسيد رجع وهو مش حاسس بحد زى ما يكون عنده فقدان للأمل خلص مالك صلى وجرى عليهم.

مالك:موده كويسه الحمدلله كويسه

كريم بضحك وسط عياط:كنت متأكد انها هتكون كويسه.

ريم بضحك: الحمدلله الحمدلله والنونو الصغيره.

مالك:هتتحجز اسبوع وقالولى فى تحسن.

سيد: الحمدلله يا رب الحمدلله.

دخلو ليها كانت بتحلم وبتضحك.

مالك ابتسم:طفلتى نايمه.

سيد: الحمدلله.

خرجو من عندها وروحو.

مالك كان قاعد جمبها قامت موده.

مالك:صحى النوم.

موده بابتسامه: حبيبى انا عايشه

مالك: الحمدلله يا حياتى.

موده ابتسمت وبصيتله: كان فى حاجه كنت واعده نفسى لو عيشت اعملها اول ما افوق.

مالك:ايه.

موده:قرب عشان اقولك.

بص مالك حواليه وقرب عشان يسمعها بإستغراب.

موده مسكت وشه وطبعت شفايفها على شفايفه جامد وشديته.

مالك فتح عينيه جامد من الصدمه بس بعدين اندمج معاها.

بعد فتره بعدت موده وهى بتنهج:عملتها ووفيت بوعدى لنفسى هههه.

مالك حضنها:وحشتينى اوى.

موده حضنتها:وانت كمان وحشتنى اوى مالك هى بنتنا فين.

مالك:فى الحضانه متقلقيش هى بتتحسن وهتبقا كويسه انا لسه راجع من عندها.

موده: الحمدلله.

بعد كام شهر.

موده:يا ريم مخنوقه مخنوقه مش عايز يقربلى خالص.

ريم بضحك:تلقيه بس خايف عليكى يا موده.

موده:انا هموت من بعده عنى يا ريم مش قادره.

ريم: بصى عشان انتى صعبتى عليا انا هقولك تعملى ايه.

موده:قولى بسرعه.

ريم:انا هاخد نغم معايا وانتى تعملى****************.

موده:الله على افكارك الجهنميه يالا بسرعه بسرعه هو قدامه ساعتين بس.

ريم:طيب انا ماشيه.

موده:كده كده هيما عند اختها ومش هتيجى غير بعد بكره يالا بقا يا ريم طرقينا بسرعه.

ريم ضحكت واخدت نغم ومشيت.

وموده زينت الأوضه بتاعتهم بورد وشموع وبلالين كتير

ولبست فستان جميل اوى وحطيت مكياج خفيف وحطيت البرفان بتاعها الى مالك بيحبه.

وقفلت انوار الشقه كلها ودخلت الاوضه تستناه.

رجع مالك لقا البيت ضلمه.

مالك:غريبه هى موده نزلت وله ايه غريبه مش بتنزل غير لما بتقولى.

مالك دخل الاوضه وانصدم عمر ما موده عملت كده فكانت متوتره ..

مالك:انا بحلم صح.

موده:اعتبر نفسك في حلمك.

مالك قرب ليها وحضنها من وسطها.

مالك:عارفه نفسى فى ايه دلوقتي.

موده بابتسامه:اعمل إلى نفسك فيه.

مالك:مش هقدر اعرضك للخطر تانى انا لما صدقت بقيتى كويسه مش هستحمل خسارتك.

موده بصيتله وهى ماسكه وشه:مفيش خطر دلوقتى وانت مش هتخسرنى انا معاك بس لو فضلت كده اكيد هتخسرنى يا مالك.

مالك:لا لا مستحيل اسمح اخسرك.

موده بابتسامه:لو كان معادى اول ما اخلف مكنش زمانى هنا لو ربنا افتكرنى ممكن يفتكرنى فى اى وقت وانا بصلى وانا فى الشارع وانا قاعده حتى مش ضرورى وانا بخلف او وانا حامل وبعدين انت دكتور وعارف كل ده وله ايه يا دكتور بطاطس.

ضحك مالك وسط دموعه وحضنها.

موده:وبعدين هنقضيها احضان كتير انا تعبت وانت وحشتنى اوى.

ضحك مالك: المهم متندميش. وشالها.

موده ضحكت:لا مش هندم عشان انا بحباااااااااك.

مالك:اوكى.

وعاشوا حياتهم فى سعاده أبديه

تمت