تحميل رواية دموع العشق بقلم ايات عبد الرحمن pdf

رواية دموع العشق الفصل الاول

بصي يا حنين انتي لو عايزانا نكمل مع بعض يبقي لازم تتخ.لصي من بنتك دي لإنها هتكون عقبه في حياتنا في المستقبل وبعدين يا حبيبتي فكري كدا معايا لو هي فضلت معانا اكيد مش هنعرف نسافر ولا نخرج ولا نعيش زي ما احنا عايزين

حبيبي انا عشان اكون معاك مستعده اعمل اي حاجه بس

بس ايه

بس دي ملهاش حد غيري اهل باباها مستحيل يقبلوها لان زي ما انت فاهم اتجوزنا غص.ب عن اهله

لا لو هي راحت ليهم مش هيقبلوها وهتيجي تعيش علي قلبنا

احنا نتخ.لص منها نهائي وفكري لو فضلت ممكن تتسبب في طلا.قنا يعني بعيد الش.ر

لا ما تقولش كدا انا ما صدقت بقيت معاك

وبصت للصغيره بدون شف.قه ولا . رحمه . وقالت فعلا هتفضل عقبه في طريق حبنا

قولي هنعمل ايه

ايه رأيك نقت.لها وند.فنها بعيد عن البلد وبكدا مفيش حد هيعرف مكانها

بصت للصغيره اللي عمرها 5 سنوات وهي بتلعب بألعابها وقالت في حل تاني

ايه هو

هنسيبها في الشا.رع يمكن حد ياخدها ويربيها وتعيش بعيد عننا

بردوا مصممه ممكن ترجع

ما تقلقش

و تاني يوم فعلا بدؤا في التنفيذ واخدوا الطفله ومشيوا مسافه طويله

ساعتين في طريقهم عشان يتخ.لصوا من طفله بريئه كل ذن.بها ان والدها حارب الدنيا كلها عشان ام .ماتس.تاهلش وفي الاخر حتي ذكراياته بتتخ.لص منها يوم عن يوم

وبعد الساعتين وصلوا عند مقابر بعيده عن بلدهم جدا وفتحت حنين الباب وجيت تنزل الطفله لكن العا.شق الغدا.ر

دا قال ليها هو هيسيبها في نصف المقابر

وبالفعل نزل واخدها وفضلوا ماشيين شويه لحد ما قرب من بحيره صغيره وضحك ضحكته الخب.يثه وقال :

نصيبك تمو.تي كدا وما تقلقيش يا صغيره اخد اللي انا عايزه من امك وهجيبها جنبك ماتقلقيش هههههههههههه املاكها بس تكون ليا

واخد الصغيره وجه علي حرف البحيره ودفعها . في الميه

رواية دموع العشق الفصل الثاني

وزي ما اتفقنا ان المغر.ور دا دفع الطفله في الميه ووقف يشوفها وهي بتغ.رق وهنا بيشوفه اتنين صيادين وبيطلعوا يجروا عليه لكن هو بيجري ويركب العربيه ويمشوا بسرعه

وبينزل واحد منهم الميه عشان ينقذ الطفله

ايه مالك كنت بتجري ليه

مفيش.يا حبيبتي خوفت حد يشوفنا بس

واخيرا خل.صنا منها يا ساتر وبكدا بقي ااكد ليكي ان اول ما هنرجع هنروح عند اول مأذون يقابلنا دا احنا النهارده اخدنا احسن وأهم خطوه في حياتنا

في مكان تاني

الصيادين كانوا بيحاولوا يفوقوا في الطفله لحد ما فاقت

واحد من الصيادين ويدعي ميلاد بيتكلم مع صديقه الصياد  مصطفي

ملحوظة هنا ميلاد ومصطفي مش ديانتهم واحده ولكنهم اصدقاء واكتر كمان هما جيران

ميلاد: تفتكر هو عمل فيها كدا ليه

مصطفي: مش عارف يمكن مش بنته

ميلاد: وعشان مش بنته يعمل فيها كدا قلبه ما وجعوش عليها

مصطفي: هنقول ايه ناس جا.حده وماعندهاش اى . رحمه

ميلاد: طب وهنعمل ايه

مصطفي: انت ما عرفتش شكله او رقم العربيه

ميلاد: مالحقتش لو كنت بس مسكته ماكنتش سيبته غير . وروحه . في ايديا

مصطفي: طب هنعمل ايه فيها لو سيبناها ممكن يلاقيها المره الجا.يه ممكن يعمل فيها حاجه

ميلاد: لا مش هنسيبها

مصطفي: انا بفكر اخدها علي بيت عاصم بيه

ميلاد: وليه عاصم بيه بقي

مصطفي: عشان عاصم بيه بقاله سنين متزوج ومفيش عنده غير ولد والولد دا مسافر برا مصر وبعدها زوجته غملت عمليه وحاولوا بعدها بكل الطرق عشان يجيبوا اطفال لكن ارادة ربنا فوق كل شئ

ميلاد: ازاي مسافر وليه دا عاصم بيه صغير لسه في السن

مصطفي: مسافر بيتعلم برا

ميلاد: هو كبير

مصطفي:عنده سبع سنين

ميلاد: سبع سنين و مسافر دا انا اللي عندي 30 سنه ماسافرتش البلد اللي جنبنا ودا سبع سنين و مسافر ههههههه اما الدنيا دي حظوظ يا اخي بشكل

مصطفي: عارف يا ميلاد يا اخويا اللي زينا دا لو فتح مشروع ذهب اللي هيشتروا منه هيطلعوا فقرا وعايزينها لله كدا وخلاص

ميلاد:مش وش خير يعني

مصطفي: بالضبط الله ينور

ميلاد: طب هنفضل نتكلم عن الراجل وابنه ونسيب البت تمو.ت من البرد

مصطفي:لا هنمشي يلا

واخدوا الطفله وراحوا بيت عاصم واتكلموا معاه وحكوا ليه علي اللي حصل وشافوه وقالوا ان هما مش عارفين هيتصرفوا ازاي

زوجة عاصم اول ماسمعت كلامهم رفضت تسيب البنت تمشي وقالت لزوجها ان هما هيربوها يمكن ربنا اراد ان هما ما يبقاش عندهم اطفال تانيه عشان يربوا الطفله البريئة دي

وطبعا عاصم مش بيرفض ليها اي طلب ووافق واخدوها عشان يربوها

عند حنين و حسام

حسام طبعا وفي بوعده واخدها فعلا عند اول مأذون ولكن الغد.ار اخره غد.ر

وحنين مامضيتش علي عقد زواج بس دي مضت علي تنازل بجميع املاكها لحسام وكمان يقدر يتصرف فيهم زي ما هو عايز وطبعا الكلام دا من غير علمها

رواية دموع العشق الفصل الثالث

زي ما اتفقنا ان حنين بعد ما سابت بنتها الطفله اللي في عمر ال 5 سنوات عشان تتزوج وتعيش حياتها مع عاشق ابسط ما يقال عنه ان هو الغد.ر والخيا.نه بحد ذاتهم

وطبعا عرفنا ان وعوده دي كانت كذ.ب في كذ.ب ومضي حنين علي اوارق تنازل عن كل ممتلكاتها بدل عقد الزواج

وبكدا حنين اصبحت مابتكملش اي شئ ضيعت بنتها من ايديها وراحت منها كا املاكها وطبعا مش هنقول ان دا مش حقيقي

لان في فعلا اطفال اهلهم اتخل.وا عنهم بالطرق دي عشان يبدؤا حياه خاليه من اي مشا.كل ولكن كل حاجه بتترد ليهم بس بالاضعاف

هنكمل روايتنا

وهنا هنسرع الاحداث شويه لان الروايه احداثها بتتبني علي الطفله والطفل

حنين اصبحت مالهاش اي حاجه خالص وبعد ما الغد.ار دا غد.ر بيها طردها من البيت فضلت كتير اوى تبحث عن بنتها لكن كل دا كان مالوش اي لازمه

وبعد كدا راحت تعيش في بيت اختها

بعد ما أنهت كل حاجه حلوه في حياتها بإيديها

وهنا بتمر السنين وبتكبر الطفله اللي عاصم وزوجته بيطلقوا عليها اسم رنيم

في غرفه كبيره كانت واقفه بنت في العشرينات من عمرها قدام مرايتها وبتجهز عشان تنزل الجامعه

بتقف بكل ثقه وهي بتتباهي بمنظرها اللي زيها زي اي بنت عاديه بتحب شكلها جدا

مش هنوفصفها بشكل ملاك يعني هي بنوته اتربيت في بيت راقي عشان كدا هي هاي كلاس شويه

بالنسبه لشكلها فمن الطبيعي هتكون حلوه لانها كتير بتهتم بمظهرها وبشرتها جداً

بتمسك صوره لشخص واقف وواضح في عيونه الغرو.ر والتكبر

مش فاضل وقت كتير عشان توصل وارجع اشوفك تاني

عاصي انا بحبك اوي ونفسي انت كمان تحبني كدا لكن مش عارفه ليه انت ربنا خلقك جميل اوى وتتحب لكن قلبك يشبه الحجاره في جمودها

انا هروح الكليه دلوقتي وهعد الوقت لحد ما الكليه تخلص عشان لما ارجع الاقيك وصلت البيت

وسابت الصوره من ايديها ونزلت قابلت عاصم وزوجته

صباح الخير يا بابي

صباح الجمال علي عيونك يا روح بابي

انتي هتروحي الجامعه ولا ايه

ايوه هروح

طب وعاصي دا بقي علي وصول

قالت بكسره : مش عايزه اشوف نظراته ليا وهو داخل البيت وبيضحك واول ما يشوفني ضحكته تختفي

عاصم: حقك علي قلبي يا روح قلبي من جوا انا عارف انتي بتحبي عاصي اد ايه

وهو بالنسبه ليكي ايه فصدقيني هييجي اليوم اللي هيفهمك ويقدرك

وفي كمان خبر حلو

طب الحقني بيه بقي يا بابي

عاصي

ماله

هيتعين دكتور في الجامعه اللي انتي بتدرسي فيها يعني هيكون معاكي في البيت والجامعه والشركه كمان

قالت بكل فرحه : حقيقي انت اعظم اب في الدنيا كلها يا بابا

وانتي اعظم بنوته في العالم كله

الله الله من غيري كدا

لا انتى كل حاجه حلوه في حياتنا

ايوه ما انتي بتسيبيني للاخر

مااقدرش يا مامي ابدا

طب يلا عشان تفطري واوعي تقولي هتروحي الجامعه النهارده عاصي لسه مكلمني وقال ان مش فاضل غير نص ساعه وهيكون هنا

معلش يا

مش عايزه اسمع كلمه ذياده مفيش جامعه النهارده

يا ماما بس

قولت ايه يلا اقعدي عشان تفطري

عاصم: سيبيها تروح النهارده الجامعه

قولت لا ولا انا كلامي ما بقاش بيتسمع

خلاص يا رنيم بقي ماما قالت كلمه ولازم ننفذها مفيش جامعه النهارده

مش عارف ليه مفيش حد هيفسد اخلاقك غير الست دي

بتقول ايه يا عاصم

رنيم بقلة حيله : ولا حاجه وقعدت تفطر معاهم

وبعد وقت مش طويل بيدخل عاصي من الباب

وبيسلم علي والده ووالدته وهو فرحان جداً بشوفتهم

وهنا عيونه بتيجي في عيون رنيم اللي واقفه طايره من الفرحه وفي نفس الوقت واضح عليها علامات التوتر

بيسلم عليهم وبيقعدوا

عاصم: ايه يا عاصي انت نسيت تسلم علي رنيم ولا ايه

عاصي بتجاهل : ازيك يا رنيم وما استناش ترد عليه حتي

طمنوني عليكم عاملين ايه

والدة عاصي : الحمد لله يا حبيبي انت ايه اخبارك

زى ما انتى شايفه يا ماما قمر وراجع من السفر

حبيبي طول عمره قمر

وبتطول القعده شويه وبعد كدا عاصي بيطلع علي اوضته اللي هي المفروض حاليا لرنيم

حصلت عملية تبديل بين الغرف كنوع من التغير

في الوقت دا بتكون رنيم طلعت فوق وقعدت علي الارض جنب الدولاب وبتبكي عاصي دخل وما اخدش باله ان هي معاه في الغرفه وان دي بقيت خاصه بيها

قعد علي السرير شويه وكل دا ورنيم عيونها عليه بتتأمل ملامحه اللي كلها غض.ب من وجودها

بعد شويه عاصي وقف وقرر يبدل ملابسه فتح شنطته وخرج منها كام حاجه وبدء يفك ازرار قميصه

وهنا رنيم بتكون واقفه وهو مش شايفها

ولسه بيكمل فك باقي الازرار سمع شهقه عاليه بيلتف علي مصدر الصوت بيلاقيها لافه وشها للباب

وهتخرج بيمسك ايديها بقوه ويقفل الباب وبيدفعها علي الارض بقوه

رواية دموع العشق الفصل الرابع

رنيم جيت تخرج عاصي مسك ايديها ودف.عها على الأرض وقفل الباب وبص ليها بش.ر وقال

انتي يتعملي ايه في اوضتي انا  مش قولت ليكي اكتر من مره ممنوع تدخلي اوضتي او تقفي في مكان انا فيه

كانت واقفه ودموعها بتنزل ومش قادره ترد

ما تردي

دي اوضتي انا والله ماما بدلتهم عشان الاوضه دي فيها مكتبه عشان اذاكر فيها والتانيه لا فقالت انت مل بقيتش محتاج المكتبه

ازاي تاخد قرار زي دا من غير ما ترجع ليا

وبص ليها بقر.ف وفتح الباب ونادي علي والدته

والدة عاصي : في ايه مالك يا حبيبي بتنادي ليه

تعالي يا ماما المخلو.قه دي بتقول ان انتي بدلتي الغرف دا صح

الام بإرتباك وصوت هادي:  ايوه

ماما عليّ صوتك عارفاني بك.ره الصوت المنخفض

ايوه يا عاصي انا اللي بدلت الاماكن

ممكن اعرف ليه

عشان يا حبيبي اوضتك فيها مكتبه وانت مش بتحب القراءه و رنيم بتحبها عشان كدا بدلت الأماكن

انا هخرج دلوقتي وعايز لما ارجع الاقي الكائن دي طلعت من اوضتي والا هسيب ليها البيت كله

خلاص يا عاصي حاضر هنقلها حاضر

وبعد كدا عاصي بص لرنيم بكل كر.ه ومشي

رنيم: هو ليه بيعمل معايا كدا

معلش يا حبيبتي بكره يفهم كل حاجه هو عاش طول عمره بعيد عننا وكان دايما فاكر ان انتى اخدتينا منه

وهو انا عملت ايه غير كدا غير ان اهلي اتخلص.وا مني واخدت اهل تانيين من ابنهم

اهلك ايه يا رنيم انتى ما لكيش اهل غيرنا احنا اللي ربينا وسهرنا وعلمنا احنا اهلك وغص.ب عن اي حد فهماني

رنيم هزت رأسها بنعم وبعدين حضنت والدة عاصي وفضلت تبكي

بعد كام ساعه عاصي وصل وكانت كل حاجه رجعت زي ماكانت

طلع نام ورفض يتكلم مع اي حد في البيت

تاني يوم

الكل كانوا قاعدين علي السفره بتنزل رنيم

صباح الخير يا بابي صباح الخير يا مامي

عاصم : صباح الورد يا عيون بابي

الام: صباح النور ياروح مامي يلا عشان تفطري

صباح الخير يا عاصي

عاصي بص ليها بق.رف وما ردش

الام: يلا يا حبيبتي عشان تفطري

حاضر يا مامي وقعدت

وكل شويه تبص لعاصي اللي كان بيلعب في الطبق بالشكوكه

بعد شويه وقفت رنيم وقالت هتروح الجامعه

الأم: رنيم يا حبيبتي عاصي هيروح الجامعه هو كمان دلوقتي لان بداية شغله في الجامعه النهارده فروحي معاه

عاصي: هي مين دي اللي تروح معايا

عاصم: مش فيها حاجه يا عاصي يعني لما توصلها في طريقك وبعدين دي نفس الجامعه اللي هتدرس فيها

فهتضطر كل يوم توصلها معاك

عاصي نفخ بضيق وخرج

عاصم: هههههههههههه بسرعه يا رنيم عاصي زي الميه بيتبخر بسرعه يلا.

رنيم خرجت وعاصم وزوجته كانوا واقفين يشوفوا رد فعل عاصي ايه

عاصي: هفضل واقف مستني سيادتك طول النهار انا ولا ايه

حاضر

لا مطيعه اوى

رنيم ركبت العربيه وهي مر.عوبه عاصي مج.نون ممكن يعمل اي حاجه عشان يخل.ص منها

كانت طول الطريق وهي بتدعي ربنا يستر لحد ما يوصلوا

لكن ما انتبهتش ان هي طول الوقت مركزه معاه

عاصي بملل: عارف إني حلو ممكن بقي تبصي قدامك عشان اعرف اركز في الطريق ولا تحبي ادخل. بيكي في اي .جدار. واخلص .منك

رنيم بصيت قدامها بسرعه وما اتكلمتش

وبعد وقت مش كتير وصلوا الجامعه

وبدءت الدقائق تمر  واول محاضره بدءت

وكان عاصي هو في المحاضره الاولي

واول ما دخل كانت رنيم مشغوله فما اخدش باله من وجودها

عاصي: الحمد لله مش هنا كان زمان اليوم كله ملل

وهنا رنيم بترفع رأسها وبيشوفها عاصي وهو مصدو.م وهي مبتسمه

عاصي في نفسه: اكيد دا ذ.نب اه هو ذ.نب ولازم يتك.فر عنه

بس ماشي يا رنيم وعد مني الجامعه دي طول ما انا فيها مش هخليكي تحلمي بس مجرد حلم تدخليها

افرحي بيها كام يوم عشان الجاي ليكي كله دموع

في فيلا عاصم

الأم: مالك يا عاصم بتفكر في ايه

عاصم: ولا حاجه

مش عايز تقول ليا

موضوع عادي

طب عرفني بالعادي دا يا عاصم

انا بعتت مسدج لرنيم وعاصي ان هما يروحوا الشركه

ليه

عشان رنيم هتبدء شغل في الشركه مع عاصي

انت عايز توصل لايه يا عاصم

عايز ازوج رنيم وعاصي لبعض

الام : مستحيل

رواية دموع العشق الفصل الخامس

مستحيل

عاصم: هو ايه اللي مستحيل

الام : مستحيل عاصي هيوافق علي زواجه من رنيم انت اكتر واحد عارف اللي بينهم عامل ازاي

عاصم: وعشان انا اكتر واحد عارف اللي بينهم فأنا قررت ازوجهم لبعض

حتي لو كان بالغص.ب

الأم : عشان خاطري يا عاصم انا ماصدقت ان ابني رجع تاني لحض.ني انت عايزه يرجع يبعد تاني ليه

مين قالك ان ابنك هيبعد بالعكس رنيم اللي هتخليه ما يتحركش من جنبك

ازاي بقي

رنيم عايشه معانا وهي طفله في عمر 5 سنين ومتعلقه بينا وما اعتقدش ان هي تقدر تعيش بعيد عننا ولا احنا كمان نقدر نعيش في مكان رنيم مش فيه

البنت دي قفلت فراغات كتيره اوى في حياتنا لو هي ما كانتش موجوده كان زمان الفراغات دي من كتر ما بتكبر كان زمانها قت.لتنا

عندك حق يا عاصم انا ما اقدرش اتخيل يوم في حياتي ورنيم مش فيه البنت دي جزء من قلبي

عاصم: انا كنت مقرر لما تتزوج هخليها تعيش معايا هنا هى وزوجها مستحيل اسيبها تخرج برا البيت دا مستحيل

تفتكر يا عاصم عاصي هيوافق

مش برضاه دا قرار مش اختيار وكلمتي لازم تتنفذ

طب وهتصارحه امتي

مش دلوقتي هصارحه في الوقت المناسب

عند عاصي خلص المحاضره وقال لو مفيش حد فهم حاجه يقول

كانت رنيم لسه مش فاهمه اوي

انا

عاصي : استغفر الله العظيم ع الصبح اللهم ان كان ذنباً فإغفره

وكمل وهو الش.ر هيطير من عيونه مع ابتسامه تحسوها من جنب القلب كدا وهو بيضغط علي اسنانه

اتفضلي يا أنسه قولي

رنيم : هو بصراحه انا مش فاهمه اي حاجه ممكن حضرتك تعيد من الاول

اعيد من الاول كل دا

هو انا ما فهمتش حاجه خالص

بنت من الموجودين: معلش يا دكتور هي دايما كدا لازم قبل الدكتور ما يخرج تكون مزهقاه يومين ثلاثه وما يدخلش  هنا تاني

بنت ثانيه: بس ما اعتقدش ان هي ممكن تضايق حضرتك يا دكتور هي شكلها كدا الله وأعلم عيونها عليك

بنت أخري : لا هي خلاص مش لسه عيونها عليه دي عديتها بمراحل واتعالت اصوات ضحكاتهم

عاصي كان واقف ومركز معاها وهي واقفه ودموعها نازله

مش هنقول حس بألم في قل.به ولا ند.م ولا الكلام دا

لكن هنقول هو كان بيح.ترق من جواه من كلام البنات لان هو مش بيحب الفوضي ولا الكلام اللي ما لوش اي  معني

انتي وهي وهي ممنوعين من دخول محاضراتي لآخر السنه

يلا انفضلوا واي حد هيحاول يتكلم من غير إستأذان هيتمنع من المحاضرات زيهم مفهوم

وانتي اتفضلي اقعدي وبدء يعيد المحاضره من جديد

انتهي اليوم ورنيم كانت خارجه من الجامعه وهي واضح عليها علامات الحزن

عاصي كان واقف برا مستنيها لما تخرج عشان يوصلها البيت لإن مستحيل يوافق ان هي تشتغل في الشركه

عاصي:هتفضلي ماشيه كتير كدا ما تسرعي خطواتك شويه

حاضر

اووووف يلا اخلصي خلينا نمشي

واول ماركبوا العربيه واتوجهوا لطريق البيت

رنيم: احنا راجعين البيت ليه بابا قال نروح الشركه الاول

عاصي: مفيش شركات ومفيش شغل ومفيش خروج من البيت غير عشان الجامعه بس انتي فاهمه والا مش هتشوفيها تاني بعيونك وكمل بعصبيه فهماااااني

رنيم كانت في حالة صمت رهيبه كانت بتتكلم بدموعها

رددددي

كانت مغمضه عيونها وبتبكي بشده

اكيد مش هتقدري تردي

عارفه ليه عشان مش هتقدري تتكلمي مع حد انتي عارفه ومتأكده ان هو بيك.رهك اكتر من عد.وه

عارفه لو اشتغلتي في الشركه دي معايا

مش بس هسيب البيت ليكي انا هسيب ليكي البلد كلها وهمشي

الكلمات دي كانت صع.به جدا علي رنيم لان هي فعلا بتحبه

لحد ما وصلوا البيت

عاصم: حمدا لله علي سلامتك يا روح بابي ايه دا مالك في ايه وليه شكلك متغير كدا

عاصي احكيلي ايه اللي حصل معاكم

عاصي: احكي ليه يلا

رنيم:

عاصم: اتكلمي يارنيم ايه اللي حصل

رنيم:

عاصم : في ايه يا عاصي احكي

عاصي: مفيش حاجه هي هتحكي ليك انا هروح الشركه ووجخ نظره لرنيم وقال بحده :

زي ما اتفقنا ممنوع اشوفك في الشركه نهائي

وجه خارج عاصم نادي عليه وقال:

عااااصي جهز نفسك يوم الخميس عندنا مناسبه خاصه بيك

عاصي ؟؟؟؟؟؟؟؟

رواية دموع العشق الفصل السادس

التفت عاصي لوالده وقال : مناسبة ايه

عاصم: حفله بمناسبة رجوعك مصر

عاصي: مش مهم انا بفكر ارجع امريكا تاني

قابلت في مصر وجوه مش بك.ره في حياتي أدها

رنيم طلعت اوضتها وهي دموعها بتنزل بغزاره

ليه يا عاصي بتك.رهني اوي كدا مع ان انت عارف ومتأكد من حبي ليك ليه مصمم تك.سرني بالشكل دا

عند عاصي كان في طريقه للشركه بيسوق وهو مش مركز في الطريق وبيفكر ازاي رنيم قدرت تكسب محبة اهله بالشكل دا

وبعد كدا قال وهو عيونه بتتطاير منها الش.ر

انا بك.رهك يارنيم بك.رهك وعمري ما كر.هت في حياتي أدك

وفجأة بيعمل حا.دث ما هو مش مركز اصلا في الطريق

عند رنيم

كانت قاعده في اوضتها بتبكي وفجأة ضربات قلبها بدء تتعالي

حطيت ايديها علي قلبها وقالت : عاصي

وفتحت باب اوضتها ونزلت

عاصم: حقك عليا انا يا رنيم اكيد هييجي يوم ويفهم كل حاجه

رنيم: انا موجوعه اوي يا بابا

عاصم: حقك علي قلبي انا

رنيم: خا.يفه علي عاصي اوي حاسه بوجعه اوي روحي كإنها خرجت من مكانها

عاصم حض.نها وفضل يهدي فيها

وزوجته واقفه وعيونها بتدمع علي دموع  رنيم

وبعد نصف ساعه  عاصم جاله تليفون

من رقم غريب رد عليه

وللحظه كان عاصم واقف مكانه من غير حركه كل اللي قدر يقوله عاصي ومستشفى إيه

الأم: في ايه يا عاصم عاصي ماله

عاصم كانت عيونه علي رنيم اللي كانت واقفه زي التمثال

عاصم: عاصي

الأم: اتكلم يا عاصم ابني ماله

عاصم: عاصي عمل حا.دثه وفي المستشفى وحالته في خ.طر

رنيم: عاااصي

عاصم:كان متوجه للخروج من البيت

رنيم جريت عليه : خدني معاك يا بابا

عاصم: رنيم مس هينفع

عشان خاطري يا بابا

طب يلا

عاصم اخد الام ورنيم واتوجهوا للمستشفى

واول ماوصلوا عاصم سأل في الإستقبال

كان لسه عاصي في العمليات

طلعوا فوق وكانوا واقفين والقل.ق والخو.ف واضح عليهم جدا

الأم كانت واقفه ومفيش اي دموع بتنزل ولا بتتحرك عيونها علي باب غرفة العمليات وضربات قلبها بتتسارع خا.يفه

من خروج الدكتور يلبغهم خبر يحطم قلوبهم

عاصم كان بيمشي قدام غرفة العمليات وبيدعي ربنا يخرج ابنه منها علي خير

اما عن رنيم كانت واقفه ودموعها نازله وايديها علي قلبها وبتتمني لو كانت معاه

كان وج.عها هيكون سهل شويه دلوقتي حبيبها وحلم حياتها بين أيادي الله

وهي واقفه ومش عارفه تعمل ليه اي حاجه

لحد باب العمليات ما اتفتح وخرجت ممرضه تجري بسرعه ولما سألوها مارديتش وكملت جري

وبعد شويه دخلت تاني وهي بتجري وقفلت الباب

وسابتهم برا وهما الخو.ف محاصرهم

لحد بعد شويه الباب اتفتح وخرج الدكتور  وقال :

للأسف عاصي بيه .......................؟

رواية دموع العشق الفصل السابع

رنيم والأم وعاصم وأصدقاء عاصم كلهم كانوا واقفين قدام باب العمليات لحد ما الدكتور خرج وقال للأسف عاصي بيه خسر كميه كبيره من د.مه ومحتاجين متبرع فوراً كل دقيقه بتمر بتشكل خط.ر كبير علي حياته

رنيم : انا جاهزه خد د.مي كله ارجوك بس انقذ عاصي لو سمحت يا دكتور

الدكتور: ما ينفعش ناخد منك

ليه

كدا ممنوع هنا السيدات تتبرع بد.مها

رنيم بحده أول مره تظهر عليها:

عاصي مش هيعيش بد.م حد غيري انا مفهوم خد الكميه اللي هو محتاجها المهم

عروقه مش هيجري فيها د.م حد غيري

الدكتور: صدقيني

مش عايزه اسمع اي حاجه غير ان لو ما أخدتش الكميه المطلوبه مني الكميه اللي انت طالبها ليه هقط.ع شرا.ييني وانزل اضعافها

خلاص وعلي ايه اتفضلي واخدها عشان تتبرع بعد ما عمل اللازم ليها عشان لو د.مها فيه حاجه ماينفعش تتبرع كدا

كان في فاصل بينها وبينه عيونها نا اتحركتش من علي الفاصل علي امل تشوفه

وبعد شويه خرجت كانت الممرضة ماسكه ايديها لأنها رفضت حد تاني يدخل يتبرع

من الاخر مش باقيه علي حياتها يعني

زيها زي اي حد بيتمني يفدي اللي بيحبهم مش بس بد.مه لا بروحه كمان

خرجت رنيم وعيونها كلها دموع واول ما شافت والدة عاصي حض.نتها وفضلت تبكي لحد مااغمي عليها

بسرعه نقلوها لغرفه تانيه

عاصم : طمنا يا دكتور علي رنيم

الدكتور: الحمد لله خير مفيش حاجه تقلق ومفيش أي مضاعفات ولا حاجه هي بس اغمي عليها بسبب الد.م اللي اتبرعت بيه وشويه وهتفوق

الأم : طب الحمد لله

وقعدت جنبها وفضلت تحرك إيديها علي شعرها

لحد ما بدءت تفوق

عاصي

عاصم: الحمد لله

الأم: اهدي يا حبيبتي عاصي ان شاء الله هيكون بخير

انا عايزه أشوفه

لسه الأم هترد دخلت ممرضة وقالت ان عاصي خرج من العمليات ونقلوه العنايه المركزه

رنيم حاولت تقوم لكن ما قدرتش عاصم والأم منعوها لكن هي صممت

وراحوا عند غرفة العنايه الممرضه فتحت ليهم الستاره اللي علي نافذة الغرفه هما برا وشايفين عاصي وهو علي الأجهزه

رنيم كانت بتحرك ايديها علي زجاج النافذه  وكإنها بتحرك إيديها عليه

بعد شويه الدكتور بيخرج من عند عاصي

رنيم بلهفه : طمني علي عاصي يا دكتور

هو حالته بخير دلوقتي صح

الدكتور : الحمد لله احنا كنا فين

انا عايزه اشوفه

مش هينفع دلوقتي

ارجوك

طب خلاص خمس دقائق بالضبط

رنيم بفرحه : حاضر

ودخلت فعلا عند عاصي اللي كان علي الاجهزه تقريباً كله أجهزه

دموعها نزلت وقربت منه وطبعت قبللللله علي رأسه دموعها غلبتها أكتر ونزلت دموعها علي وجهه

مسحتها بإيديها وقعدت بالقرب منه تتأمل ملامحه لحد ما الاجهزه مره واحده صدرت صوت عالي جدا

رنيم: بصيت للأجهزة كانت شغاله كويس وبعد كدا الاجهزه صدرت صوت عالي وضربات القلب اتوقفت

رواية دموع العشق الفصل الثامن

فجأه الأجهزه بدءت تصدر صوت كان كفيل ير.عب رنيم واهل عاصي كلهم

وهنا بيدخل الدكتور ومعاه الممرضات وبيطلب منهم يخرجوها

دقائق مرت كإنها ساعات طويله جدا علي عاصم وزوجته ورنيم

لحد ما بيخرج الدكتور. وهو واضح عليه علامات الإرهاق

رنيم: لو سمحت يا دكتور طمنا على عاصي عاصي بخير صح

الدكتور: مش عارف هقول ايه

غير ان الحمد لله لحقناه علي أخر لحظه بس اللي انا مستغرب منه بس ان ليه حالته لحد دلوقتي مش منتظمه

مع ان اللي كان واضح قدامي وقدامنا كلنا ان هو بيتحسن في كل دقيقه

عاصم: يعني ايه يا دكتور مش فاهم قصدك

الدكتور: والله لحد دلوقتي حالته مش مستقره هنحطه تحت المتابعه 24 بس ان شاء الله هيكون في تحسن بإذن الله ثم دعواتكم

زوجة عاصم : يعني ممكن بيقاطعها صوت الدكتور

الدكتور: بعتذر علي قطع كلامك لكن الأعمار بيد الله كل اللي محتاجينه من حضراتكم في الوقت الحالي هو دعواتكم

ان يتخطي المرحله دي لو ضربات القلب رجعت بطيئه تاني فصدقوني مش هنقدر نعمل اي حاجه لعاصي بيه

لكن لو انتظمت ان شاء الله هيفوق في اقرب وقت ممكن

عاصم: يارب يادكتور يارب

الدكتور: بعد إذنكم

عاصم: انا هروح اصلي وادعي ليه وانتوا كمان ادعوا ليه يمكن يكون حد فيكم اقرب مني لله وربنا يستجاب ويشفي عاصي

رنيم: انا هصلي ومش هقوم من علي السجاده غير لما يقولوا فاق

والدة عاصي: وانا كمان هصلي وهدعي

عاصم: يلا

وبدؤا هما الثلاثه يصلوا ويدعوا

وبعد شويه عاصم كان منتهي من الصلاة وزوجته  كمان  لكن رنيم كانت لسه ما انتهيتش

بعد وقت طويل عاصم قرب من رنيم اللي كانت بتدعي وهي شبه منها.ره

عاصم: رنيم

انتبهت رنيم لوجوده

ايوه يا بابا

عاصم : قومي تعالي معايا عشان تتطمني علي عاصي

رنيم: عاصي ماله

عاصم: فاق من ساعه

رنيم بفرحه وقامت تجري من غير عاصم

لحد ما وصلت الغرفه اللي هو فيها ووقفت قدامها

كانت بتراقبه من بعيد لحد ما فزعت من عاصم اللي حط ايديه علي كتفها

بابا

ادخلي

لا

ليه

كملت رنيم بدموع وقالت : عشان لو عاصي

كملي

لو دخلت عنده هيتعب أكبر

ما تقوليش كدا تعالي معايا

لا

مش عايز كلام كتير يلا

ودخل عاصم ومعاه رنيم اللي اول عاصي ما شافها ضغط علي إيديه وغمض عيونه

استوووووووب بعتذر جداً علي التأخير

انا كنت مسافره من اسبوعين وما كنتش عارفه اكتب اي حاجه نهائي ولسه رجعت النهارده وحرفياً طول الطريق والمواصلات موقفين تركيزي بجد فبعتذر جدا وان شاء الله هبدء ألتزم من بكره دمتم بخير

رنيم كانت مركزه مع عاصي لحد ما بتدخل ممرضه تتطمن علي حالة عاصي

وبيكون التشابه بينها هي ورنيم كبير جدا

الممرضه: حمداً لله علي سلامتك يا عاصي بيه ولسه هتكمل عيونها بتيجي علي رنيم

معقول إنتي

رواية دموع العشق الفصل التاسع

الممرضه : معقول إنتي

رنيم بإبتسامه : ازيك

الممرضه : الحمد لله بس انا زعلانه منك اوي

ليه

عشان انتي وعدتيني نتقابل تاني ومش شوفتك بعدها

غصب عني كنت مشغوله شويه

عموما هنتقابل كتير طول ما عاصي بيه منورنا

حمدا لله على سلامتك يا عاصي بيه

عاصي في الأول كان متخيل الممرضه شكل رنيم عشان كدا كان بيرد بملل وغالباً كل اللي هيدخل عنده هيتخيله رنيم

عاصي: انا عايز ارجع البيت مش عايز افضل هنا

عاصم: اهدي يا عاصي لحد ما تقدر تقف

مش ههدي غير لما ارجع البيت

زوجة عاصم: عشان خاطري يا ابني اصبر حتي يومين

عاصي: مش هصبر انا وحاول بكل عصبيه يشيل الكانيولا من إيديه

رنيم جريت عليه بسرعه : ارجوك يا عاصي اهدي عشان خاطري اهدي بلاش تإ.ذي نفسك ارجوك

دفعها عاصي عنه وقال بكل حده :  انتي مين انتي عشان اعمل ليكي خاطر ها احذ.ري عشان لو قربتي تاني هتشوفي مني حاجه مش هتعجبك يلا امشي من قدامي

حاضر يا عاصي هخرج بس ارجوك اهدي

وخرجت

وهنا عاصي كان متعص.ب جدا كان في جنبه فاز فيها ورد دفعها بإيديه

وقعها علي الارض اتكسرت

وحاول مره أخري يفك الكانيولا لكن عاصم مسك ايديه ونادي علي رنيم

تطلب الدكتور بسرعه

وبالفعل في اقل وقت كان الدكتور موجود ومعاه 2 ممرضين

الدكتور : اهدي يا عاصي بيه بسرعه المهدئ

سيبني انا هند.مك علي اللي بتعمله دا وخلص كلماته وعيونه بدءت تغمض

بهدوء

عاصم: هو هيفضل في الحاله دي كتير

الدكتور: لا هو بس كل المطلوب في خلال الأيام اللي هيفضل فيها هنا

لازم تبعدوه عن اي حاجه تع.صبه يعني لو بيتضايق من وجود حد فبلاش الشخص دا يظهر قدامه

وحاولوا علي أد ما تقدروا تتكلموا معاه عشان يهدي ان شاء الله يا دكتور

رواية دموع العشق الفصل العاشر

البارت 10

تعويضاً عن امبارح

مر كام يوم وعاصي كان متع.صب فيهم اوي وطبعا منعوا رنيم تدخل عنده لحد ما خرج من المستشفى ورجع البيت

وأخيراً

عاصم: حمداً لله علي سلامتك يا بطل نورت بيتك من جديد

عاصي: الله يسلمك يا بابا

والدة عاصي: واخيراً يا حبيبي رجعت تنور بيتك من جديد البيت كان عتمه من غيرك

وهنا بيظهر اكتر وجه عاصي بيكر.هه انها هي رنيم

حمداً لله علي سلامتك يا عاصي

عاصي بص ليها بقر.ف وما ردش عليها نهائي غير بكلمه متوقعه منه جدا

اخرجي من هنا

رنيم بدموع : حاضر

والدة عاصي: ليه كدا يا عاصي هي عملت ايه

عاصي: ولا حاجه انا عايز انام شويه ممكن انتوا كمان تخرجوا

والدة عاصي: علي راحتك يا ابني وخرجت هي وعاصم اللي وقف علي الباب وبص لعاصي بعتاب وخرج وقفل الباب

مالك يا عاصم

صعبان عليا رنيم اوي كل مره عاصي بيكسر خاطرها بحس فيها بالعج.ز وان مش قادر اديها حقها

وان بظلمها اوي

تعرفي ان خا.يف يحصل ليا حاجه قبل ما اتطمن علي رنيم

لو حصل ليا حاجه المسكينه هتتشرد في الشوارع

ما تقولش كدا يا عاصم ربنا يطول في عمرك يا رب

عشان كدا انا قررت ازوجها ليه

وتفتكر هيوافق

غص.ب عنه مش .برضاه

انت عارف ابنك مستحيل هيوافق

ههد.ده ان هحر.مه من الميراث

انت بتقول ايه يا عاصم

دا اللي عندي رنيم ملهاش غيرنا

طب وهو مفيش حد تاني غير عاصي

اكيد في بس عاصي الانسب ليها

عاصي قوي جدا لكن رنيم

عارف ان رنيم بنوته كيوته وهادئه ومطيعه جداً لكن بردوا هو الأنسب ليها

بردوا مصمم

ايوه

طب وهنتكلم معاه ازاي

بص ليها عاصي وهو مبتسم وقال :

مش انا اللي هتكلم معاه

انا

ولا إنتي

اومال مين

رنيم هي اللي هتكلمه

زوجة عاصم ؟؟؟؟؟