تحميل رواية دموع العشق بقلم ايات عبد الرحمن pdf

رواية دموع العشق الفصل الحادي عشر

ازاي رنيم هي اللي تقول ليه يا عاصم انت عارف ان عاصي مش بيط.يق سيرتها ولا عنده صبر يكلمها كلمه واحده يبقي ازاي هتروح تقول ليه اتزوجني يا عاصي

عاصم: ممكن تهدي شويه

مش ههدي غير لما تقول ليا انت بتفكر في ايه وبعدين عاصي حاليا حالته ما تسمحش بكدا خالص

بفكر في ايه انتي عارفه كويس انا بفكر في ايه اما عن حالة عاصي فمتهيألي ان هو كويس وعشان اعصابه تكون هادئه ونفسيته ماتتعبش

هنأجل الموضوع دا شهر لحد ما يا خد كفايته من التحسن

طب

خلاص بقي انا هروح الشركه اشوف رنيم عملت ايه مع العملاء الصينيين خا.يف بجد نخسر الثفقه دي دي اهم ثفقه عندي بجد

لو خسرناها يبقي مستحيل نلاقي زيها

ادعيلنا بس وما تعرفيش عاصي ان رنيم بتشتغل من زمان معايا في الشركه وان ليها في الأسهم زي عاصي بالضبط

حاضر بإذن الله هتكسبوها ومفيش خسا.ره ابدا يارب يارب بعد اذنك بقي

انا

اتفضل

عند عاصي كان بيحاول ينام لكن مش عارف وبيفكر ازاي يتخ.لص من رنيم اللي حاجز كبير بينه وبين اهله

ماشي يا رنيم نها.يتك قربت اوي معايا اصبري بس عليا لازم اك.رهك في نفسك وحياتك كلها

في الشركه

عاصم وصل ودخل مكتب رنيم بعد ماخبط وامرته يدخل

بابا تعالي نورت المكتب

بنورك يا حبيبتي

عملتي ايه

تخيل يا بابا ان قدرت اكسب العملاء دول

ايوه

ازاي

قالت بلماضه : دا شغلي بقي المهم ان 80% الثفقع دي في ايدينا

انتي بتتكلمي بجد

ايوه يا بابا يعني ههزر في حاجه زي دي

طب والعشرين في الميه التانيين

دول بقي سيبهم عليا انا يا بابا وفي اقرب وقت اكتر ثفقه اتمنيتها هتكون بين ايديك

انا حقيقي فخور بيكي بجد

مش وقته يا بابا الفخر دا هيظهر لما نكسبها وقتها لازم نعمل احتفال كبير اوي لازم يشهد عليه كل منافسينا

عشان يعرفوا ان تعبنا ما ضاعش علي الارض

ان شاء الله هيكون احتفال كبير اوي

بإذن الله

وهنا هنسرع الأحداث شهر

وهنقول ان هما كسبوا الثفقه وعملوا احتفال كبير وعاصي اخد راحه كفايه

وفي ليله من الليالي الكل كانوا متجمعين علي طاولة الطعام

عاصم اتكلم بهدوء : عاصي

عاصي: ايوه يا بابا

عاصم: جهز نفسك كتب كتابك انت ورنيم كمان يومين

عاصي: نعم

اللي سمعته

اه ولو قولت ان دا من سابع المستحيلات

مش هتقدر تقولها تاني

افهم ان حضرتك مخطط لكل حاجه

افهم زي ما تفهم اللي عندي قولته

وانا مستحيل اوافق

مش برضاك

يعني ايه

يعني لو ما اتزوجتش رنيم لإنت إبني ولا اعرفك ومحروم من الميراث

حضرتك بتهد.دني

وانا قولت ليك اللي عندي

وانا كمان قولت اللي عندي يا بابا زواج من البنت دي مستحيل ولو علي الميراث فهيفيدني بإيه وانا عيشت طول عمري محروم من حنانكم وهي عايشه فيه

انا مسافر تاني ومش راجع واكتب كل حاجه بإسمها وانسوني زي ما انا عيشت طول عمري ناسيكم

وطلع اوضته يجهز نفسه عشان يمشي وحجز اول طياره علي امريكا

والدته طلعت تتكلم معاه لكن كان بدون سبب وما سمعش ليها اي كلمه

ومشي من غير حتي ما يقول اي كلمه ولما بعد شويه عن البيت رفع فونه وكلم شخص وقال ليه ان في اقرب وقت لازم تكون رنيم متو.فيه وزي ما خرجوها من الميه واخدوها لبيت اهله يقت.لوها في الميه وطمنهم ان هو ساب ليهم مبلغ كويس في مكان هو قال ليهم عليه

في المطار

بعد شويه وصل عاصي المطار وبدء يخلص اوراقه وفجأة بييجي ضابط ويقول ليه يتفضل معاه

افندم

اتفضل معانا

ليه

لقينا في شنطتك كمية مخد.رات كبيره ولازم تيجي معانا فوراً

رواية دموع العشق الفصل الثاني عشر

اتفضل معانا يا عاصي بيه

انت عارف انت بتتكلم مع مين

شغلنا في الشرطه ما بيفرقش بين اذا كنت ابن بيه ولا ابن راجل عادي

انا هخليك تندم على اللي عملته دا

اتفضل معانا لو سمحت

في بيت عاصم

عاصم كان معاه تليفون

طب كويس جدا حطيت كميه كبيره زي ما اتفقنا

المجهول : ايوه

تمام وقفل معاه وقرب من صوره لعاصي علي الحيط ومسح دموع نزلت من عيونه وقال :

سامحني يا عاصي كان لازم اللي حصل دا يحصل عشان تتعلم ان زي ما ليك حق عليا اليتيمه دي كمان ليها حق لو انت عيشتني في جنه علي الدنيا

هي اللي هتوصلني لجنة الأخره وطبعا يا جماعه كل دا مخطط ليه واللي في شنطة عاصي مش مخد.رات سكر بودر مع اتفاقيه بسيطه مع صديقة اللواء وبتوصيه من اللواء لابنه الضابط اللي هيحقق مع عاصي

طب كل دا حصل امتي وهما خلصوا المش.كله وعاصي طلع جهز نفسه ومشي

فلاش باك

اللواء : مالك يا عاصم شكلك متضا.يق ليه

عاصم : عاصي

ماله لسه تعبان

لا بيجهز للسفر بس من غير ما يعرفني

طب ماتحاول تمنعه او تتكلم معاه

مستحيل مهما قولت ليه يقتنع كل همه يبعد رنيم عننا ودايما بيعصي اوامري ومفيش اي حاجه بقول ليه عليها وبينفذها

واللي يخليه ييجي راكع تحت رجليك وبيطلب السماح تعمل ايه

لو طلب عمري كله هتنازل ليه عنه بس عاصي يفهم ان دي يتيمه لازم يحتويها ويخاف عليها ويحس ان دي مسؤوله منه هو كمان

طب في حاجه بس هي خط.يره شويه

ايه هي

اول ما عاصي يقرر يسافر كلمني

هتعمل ايه

هخلي حد اعرفه يحط ليه كمية سكر بودر علي اساس ان هي مخد.رات وهكلم ابني ياخده من المطار يومين ثلاثه اسبوع وهيطلع براءه بس في خلال الاسبوع دا هيكون شاف حياة الناس في السجون عامله ازاي وحياة الرفاهية اللي كان عايشها عامله ازاي لما ينام علي الارض يوم هيفتكر عصيانه ليك وبعد كدا هيتعلم يطيعك ازاي

ايوه بس دا ابني وما اقدرش أْذيه

كلنا عندنا اولاد يا عاصم ما تنساش كدا بس قدامنا اختيارين يا اما نعلمهم علي طاعتنا ويفضلوا جنبنا لحد ما يوصلونا لقبورنا ويغطونا بالتراب بإيديهم

يا اما نسيبهم للدنيا تلعب بيهم ويعالم اذا كانوا هيد.فنونا ولا لا

دي حقيقه مفيش مفر منها بس انا ما اقدرش اتحمل اشوفه بيتعذ.ب

خلاص ما ترجعش تشتكي

طب خلاص اللي تشوفه بس يومين بس

ههههههه ذود المده شويه

ما اقدرش

طب خلاص ما تقلقش سيبه ليا وفي اقرب فرصه هيرجع ليك ابنك

انت متأكد ان انت لوا.ء

ههههههه بيقولوا كدا

بااااااك

سامحني يا عاصي انا عايزك تكون احسن واحد علي الأرض

في الجامعة

كانت رنيم خارجه مع صديقه ليها وجيت عربيه وقفت قدامهم ونزل منها ولدين اخدوا رنيم ومشيوا

رواية دموع العشق الفصل الثالث عشر

ال 3 ولاد اللي خط.فوا رنيم كانوا رابطينها كويس جدا واخدوها علي مركب صغيره واول ماوصلوا نصف البحيره واحد فيهم شالها كانت بتحاول بكل قوتها لكن مش قادره لانها مقيده جدا وفي اقل من دقيقة كانت رنيم بتغ.رق في نصف البحيره وال 3 اولاد مشيوا وسابوها لوحدها

في نفس المكان اللي حبيب والدتها دفعها فيه وهنا بتخرج ست كبيره من عند المقابر وبتشوفها وهي بتغ.رق ودي بتكون المفاجأه ان هي والدة رنيم لكن مش هتعرفها لانها اتخليت عنها وهي في عمر الخمس سنوات

كانت واقفه بتص.رخ وبتنادي اي حد ينقذ البنت اللي بتغ.رق وهنا بيظهر نفس الاتنين اللي انقذوها في الاول خالص وهي طفله

وهما بردوا اللي هينقذوها دلوقتي ميلاد ومصطفي

ميلاد ومصطفي نزلوا الميه وفي الوقت دا الميه كانت كإنها ثلج لحد ما خرجوها وبدؤا يفوقوا فيها كانت شبه متجمده

حنين كانت بتتأمل ملامحها اللي كانت تشبهها وهي لسه صغيره

فاقت رنيم وهي مش عارفه تحرك حتي ايديها من البرد

حنين : انا بيتي هنا تعالوا معايا شيلوها بسرعه البنت هتمو.ت

مصطفي اتقدم كام خطوه وشالها ووصلوا بين حنين اللي كان واضح عليه جدا ان هو قديم وبدءت تشعل النير.ان لحد ما المكان بقي دافئ ورنيم فتحت عيونها من جديد بس بالتدريج

ميلاد اول ما شافها عرفها لان هو عارف عاصم وكان بيشوفها معاه دايما وعرف كمان ان هي الطفله اللي خرجوها من نفس البحيره بس في عمر الخمس سنوات

ميلاد: تعالي يا مصطفي عايزك في حاجه

مصطفي: حاضر

وخرج ميلاد وبعده مصطفي

في ايه يا ميلاد

البنت دي يا مصطفي خرجناها من البحيره دي وهي عندها خمس سنوات

انت بتقول ايه

زي ما قولتلك كدا

يعنى دي

ايوه واكيد عاصم بيه ما يعرفش باللي حصل ليها احنا لازم نعرفه والا هيقلب عليها الدنيا

طب يلا نرجع نبدل اللبس دا ونروح ليه

في قسم الشرطه كان واقف عاصي وبيتكلم بصوت عالي وبيحاول يثبت ان هو ما بيشتغلش في المخد.رات ولا الكلام دا

الضابط : استاذ عاصي احنا لقينا المخد.رات في شنطتك وزي ما انت عارف كل اللي يهمنا كضباط الدليل وانت ماشاء الله الدليل كان في نصف شنطتك

مستحيل انا بعترض علي كدا انا عاصي البحيري مدير اكبر شركات الشرق الأوسط مش واحد جاي من الشارع

وتقدر تثبت اني مش بتعاطي اي نوع من المخد.رات عن طريق التحاليل والفحوصات

ولو لقيت ان بس في نسبة واحد في الميه مخد.ر في د.مي انا موافق علي اي حكم هتحكموه عليا

لكن لو ما طلعش في حاجه وعد مني مكتبك الحلو اللي فرحان بيه دا

مش هتشوفه تاني بعيونك

عسكررررري

خد عاصي بيه نزله مع باقي المسا.جين لحد ما يثبت ان المخد.رات دي مش خاصه بيه

انت بتقول ايه

اللي سمعته يا عاصي بيه اتفضل خده

الله يسامحك يا بابا انت وعمو عاصم يا تري اخرتها ايه معاكم انا ضابط فعلا بس مش اد عاصي البحيري

ربنا يستر بقي انا لسه واخد ترقيه من شهرين شكلي هترفع علي المعاش كمان يومين

وفتح درج من ادراج مكتبه وخرج صوره لبنت وفضل يتأمل ملامحها شويه وبعد كدا قال :

قريب يارنيم هتكوني ملكي

عند عاصم كان وصل قسم الشرطه ودخل مكتب صديقه اللواء محمد

عاصم : قبل اي كلمه اتفاقنا كام يوم بس

محمد : هههههههههههه طب مش تقول السلام عليكم الاول

السلام عليكم الاول

طب اقعد ارتاح تشرب ايه

مش عايز حاجه يا محمد انا خا.يف علي عاصي

ما تخا.فش يا عاصم وعد مني عاصي هيخرج بالسلامه من هنا وهيخرج واحد جديد نهائي

يارب يا محمد تليفون عاصم بيرن بتكون زوجته المتصله واول ما بيفتح بيسمع صزتها وهي بتص.رخ

رواية دموع العشق الفصل الرابع عشر

عاصم : في ايه مالك بتص.رخي ليه حد حصل ليه حاجه

زوجة عاصم: رنيم ميلاد الصياد طلعها من البحيره وهي كانت بتغ.رق

انتي بتقولي ايه وهي فين

هي عند ست عايشه في بيت صغير في المقابر

انا في اقرب وقت هكون عندك وقفل ورجع البيت

في ايه يا ميلاد بنتي حصل ليها حاجه

لا يا عاصم بيه هي بخير الحمد لله

الحمد لله انا عايز اروح ليها بسرعه

زوجة عاصم: انا هاجي معاك يا عاصم

لا انا هجيبها وراجع علي طول

عند عاصي كان قاعد بعيد عن باقي المساجين وبيفكر ان ازاي لحد دلوقتي والده ما عرفش ان هو اتسجن

وبيفتكر رنيم اللي هو طلب من 3 اولاد يغر.قوها في البحيره واكيد هما نفذوا وكدا خلص من رنيم للابد

عند رنيم كانت قاعده مع حنين من غير ما تعرف ان هي والدتها وكانوا بيتكلموا لحد ما عاصم دخل بلهفه

رنيم بنتي

رنيم: بابا وقامت من علي السرير وحض.نته وفضلت تبكي كتير اوى وبعد كدا عاصم شكر حنين وساب ليها مبلغ من المال واخد رنيم ورجع البيت

وطلب ليها دكتور وفضل معاها لحد ما اتطمن ان هي بقيت بخير وراح عند عاصي

اللي المساجين ضر.بوه بسبب اسلوبه معاهم

اخد ضر.ب مبرح جدا جدا جدا وطبعا عاصم لما عرف قرر يتكلم مع صديقه عشان يخرج عاصي

لكن صديقه حاول كتير جدا يقنعه يفضل كمان يومين حتي

لكن عاصم رفض

ويمر يومين عاصي خرج من السجن وهو حرفياً متك.سر من كتر الض.رب

واتفاجئ جدا بوجود رنيم اللي اول ما شافته ابتسمت بخفه  وقالت :

حمدا لله على سلامتك يا عاصي

عاصي بغضب : وهو في سلام طول ما انتي موجوده هنا وسابها وطلع ياخد شاور

بعد شويه عاصي كان اخد شاور وخرج بابا اوضته بيخبط بيفتح بيلاقي رنيم

ياربي خير عايزه ايه مني

عايزه اتكلم معاك

وانا مش عايز اشوف وشك

ليه

عو تحقيق

لا مش تحقيق ولا حاجه انت ليه بتكر.هني كدا انا عملت ليك ايه

جو البراءه دا ماليش فيه وبدء يحس بدوخه غريبه مره واحده

مالك يا عاصي في ايه

مش عارف دوخت فجأه طب قوم معايا

مش قادر

ودموعه بدءت تنزل

انت بتبكي ليه يا عاصي انت تعبان قوم ثواني وهكلم الدكتور

وجيت تقوم مسك ايديها

لا بلاش

مش هسيبك في الحاله دي

عشان خاطري بلاش بابا وماما يعرفوا

ارجوك يا عاضي انت تعبان اوي

عشان خاطري يا رنيم

اول مره تقول اسمي

انا همو.ت وكنت عايز اسافر عشان مش عايزهم يعرفوا

لا ما تقولش كدا تاني انت هتعيش عشان بابا وماما وانا يا عاصي انا بحبك وما اقدرش اعيش من غيرك مهما عملت فيا

مش هينفع الحب دا

ليه وانا اقل من اللي هتحبها في ايه عشان ماليش اهل غيركم

انا عندي كا.نسر يا رنيم  وايامي معدوده

رنيم لاول مره تح..........ضنه وتقول بصوت عالي : عاااااااصي

رواية دموع العشق الفصل الخامس عشر

عاصي بدموع: بلاش دكتور يا رنيم لو سمحتي انا عندي كا.نسر ارجوكي بلاش بابا وماما يعرفوا

رنيم لأول مره تح.ضنه كدا وقالت بصوت كله وجع :

عااااااصي

لا اكيد انت بتهزر لا ارجوك خليك معايا ماتسيبنيش لوحدي ارجوك

عاصي بتعب : اهدي ارجوكي وكان بيحاول يقوم لكن مش قادر يقف حط ايديه علي رآسه وبدء يضغط عليها ويكتم صوته عشان مفيش حد يسمعه

رنيم قربت تاني وضميته ليها وفضلت تبكي وتترجي فيه عشان يتعالج لكن هو رفض نهائي

وطلب منها تجيب ليه ادويته الخاصه بعد ما قال ليها علي مكانهم

ويمر اسبوعين وعاصي بيتألم ومفيش حد حاسس بوجعه غير رنيم اللي كانت متابعه حركاته كلها

وكمان تقريبا كدا العدا.وه بينهم بدءت تزول شويه وعاصي بدءت يعتمد عليها في حاجات كتير

عاصم : انا مش متطمن لعاصي الفتره دي

والدة عاصي : ليه

عاصي رنيم الفتره دي متجمعين وكل شويه بشوفهم واقفين مع بعض

الحمد لله يا عاصي يمكن ربنا هداه

انا حاسس بحاجه غل.ط مش عاصي اللي يتعامل مع رنيم بكل اللطف دا ابدا من غير ما يكون في سبب يجبره علي المعامله دي

وفي ليله من الليالي

دخل عاصم ومعاه شخص غريب مفيش حد يعرفه وطلب من زوجته تنادي علي عاصي ورنيم

والمفاجأه ان والدة عاصي دخلت اوضته ولقيته هو ورنيم قاعدين ومن الواضح ان هو وهي كانوا بيتكلموا وهي قطعت كلامهم

كانت مستغربه جدا بس رجعت قالت يمكن عاصي حس بأخطاؤه تجاه رنيم فقرر يعاملها كويس

عاصي تعالي انت ورنيم بابا عايزكم

عاصي بإستغراب : عايزنا احنا الاتنين

ايوه

رنيم هزت رأسها بمعني ان هي ما تعرفش لما عاصي وجه نظره ليها

عاصي: حاضر يا ماما هننزل دلوقتي

خرجت الأم وهي مش مصدقه ان دا عاصي اللي حتي ماكانش بيقبل حاجه اسمها رنيم ودلوقتي قاعد معاها وفي مكان واحد كمان

عاصي: انا مش قولت ليكي مش عايز حد يعرف

رنيم: انا ما قولتش لحد حاجه يمكن في حاجه تانيه غير الموضوع دا

عاصي: تمام بس لو عرفت ان انتي قولتي لحد اكيد انتي عارفه هعمل فيكي اي

اتنهدت رنيم وقالت : اتطمن يا عاصي مفيش حد عرف حاجه ما اعرفش لحد امتي هتفضل كدا مش عايز حد يعرف حاجه عنك خالص

فكر مره واحده في بابا وماما بس

عاصي: يلا ننزل دلوقتي نشوف بابا عايز ايه

رنيم : يلا

ونزلوا

كان عاصم والشخص الغريب دا و2 اصدقاء عاصم وزوجة عاصم

في اي يا بابا في حاجه

ايوه

رنيم: في اي يا بابا قلقتنا

عاصم: اتطمني يا رنيم خير ان شاء الله اعرفكم

دا أ/ محمد نصر الدين اللي هيعقد قرانكم علي بعض

عاصي: يعقد قران مين علي مين

انت ورنيم

ايييييه

لو سمحت يا أ/ محمد شوف المطلوب ايه

في اللحظة دي عاصي بدء يشعر بدوار مفاجئ للحظه مسك ايد رنيم وضغط عليها اوي

رنيم كانت عارفه ان هو تعبان لان هو كان تعبان فوق

رنيم بصوت منخفض: انت كويس

عاصي : لا

وفي لحظه كان عاصي واقع مغمي عليه

رواية دموع العشق الفصل السادس عشر

عاصي اغمي عليه كان موقف صعب لرنيم وعاصم وزوجته

رنيم: عاصي رد عليا وبدءت تشوف النبض لسه شغال ولا لا لكن كان شغال

عاصم وزوجته كانوا مشغولين بإبنهم اللي لاول مره يشوفوه كدا

واحد من اصدقاء عاصم رفع تليفونه واتصل على الدكتور وقال ليه عنوان البيت وفي اقرب وقت كان الدكتور موجود

عاصم: طمني يا دكتور عاصي اغمي عليه ليه

الدكتور بأسف : عاصي بيه عنده كا.نسر ولو ما اتعالجش منه هيمو.ت

عاصم: انت بتقول ايه مستحيل عاصي كويس وبعدين انت عرفت ازاي

انا اللي اكتشفته عند عاصي بيه وقولت ليه ورفض يتعالج وهد.دني لو اتكلمت لهيشيلني من وظيفتي

مستحيل اصدق كدا عاصي

رنيم كانت واقفه ودموعها نازله بغزاره وواقفه جنب والدة عاصي اللي كانت شبه مصد.ومه وقاعده علي الأرض

حتي الدموع مش بتنزل

هنعمل ايه يا دكتور

مفيش غير ان لازم يتعالج في اسرع وقت لان كل لحظه بتمر عليه بتش.كل خط.ر علي حياته

خلاص تمام في اسرع وقت هيكون عندك انا عايز عاصي بخير يا دكتور عايز ابني واقف علي رجليه.

اعمل كل اللي تقدر عليه ولو عايز كل ثروتي انا موافق بس ابني يتعافي

الكلمات دي كانت كفيله تخلي كل الموجودين يبكوا بشده

مر الوقت وعاصم اجبر عاصي علي العلاج

وانتقل للمستشفي وبدؤا معاه في العلاج من الكا.نسر

الوجع كان صعب جدا عليه هو نفسه كان يائس لكن رنيم كانت دايما واقفه جنبه وبتطمنه وفي وقت ما يمنعوا عنه الزيارة رنيم الوحيده اللي تصمم وتدخل تهديه وطبعا الدكتور كان بيسمح ليها بكدا لان لازم قبل جلسة الكيماوي يكون هادي ومتطمن

ومع مرور الوقت بدء شعره يتساقط بغزاره كان حزين اوي علي نفسه وطول الوقت دموعه مش بتقف ورفض اي حد يدخل عنده

حتي رنيم

وفي يوم كان عاصي قاعد علي سريره في المستشفى وضامم نفسه وبيفتكر في ذكراياته مع رنيم واد اي كان قاسي عليها وهي كانت رحيمه معاه وفضلت جنبه لحد مارفض تكون معاه وحزن اكتر لما عرف ان في شخص متقدم ليها وشخص مناسب جدا ليها وبيحبها ووالده موافق عليه

قطع الحزن دا خبطه هادئه علي الباب فضل شارد لحد ما سمع صوتها

ما قدرتش اصبر لحد ما تحن وتوافق ادخل عندك

إنتي بتعملي اي هنا ودخلتي هنا ازاي

دخلت من الباب

امشي

لا انا مش همشي غير لما اتطمن عليك الأول

وانا بخير ممكن تمشي

عاصي انا تعبانه اوي ومش قادره اتكلم مع حد غيرك عارفه ان كرامتي معاك راحت في الأرض بس انا والله العظيم تايهه من غيرك اتعصب عليا اعمل اي حاجه لكن بلاش تمنعني عنك ارجوك

هو انتي ليه مش عايزه تقدري اللي انا فيه شايفه شكلي بقي عامل ازاي دا انا قولي مش عايز اشوف الشفقه في عيون حد حتي لو كان اقرب الناس ليا

وانا ما يهمنيش شكلك اللي يهمني ترجع من جديد نقف وتتعافي وبالنسبه لشكلك هيرجع احسن من الأول بس خلي في عندك امل بربنا

الف مبروك ع الخطوبه

انا رفضته

ليه

ماينفعش اكون مع حد وقلبي مع غيره ما ينفعش ان الاقيه بيمنعني ادخل يوم اتطمن عليك

رنيم

بلاش كلام يا عاصي انا جيت ليك النهارده وبطلب منك طلب وهنا دموعها بتنزل وبتقول :

تتزوجني يا عاصي

رواية دموع العشق الفصل السابع عشر والاخير

تتزوجني يا عاصي

ههههههه انتي فاهمه انتي بتقولي ايه

ايوه فاهمه فاهمه ان مش عايزه اكمل حياتي مع حد تاني غيرك فاهمه ان كل الناس دي ماتهمنيش في حاجه اد ماانت تهمني

رنيم انا م قاطعته رنيم لما حطيت ايديها علي صوته عشان مايكملش الجمله

هتتعافي يا عاصي وهترجع احسن من الأول كمان

رنيم انا بمو.ت في كل لحظه

ما تقولش كدا تاني انا مااقدرش من غيرك

للدرجه دي

واكتر بكتير

طب يلا ارجعي البيت وخلي بالك من نفسك

عارف ايه اكتر حاجه بتضايقني منك ايه

ايه

هروبك من الاجابات

انا

ايوه انت

طب انا هربت من اي

اول سؤال تتزوجني يا عاصي

رنيم انتي هتتعبي معايا كتير اوى

مش مهم اهم حاجه اكون جنبك ومعاك

يعني مش هييجي يوم تيأسي

مستحيل

خلاص يا رنيم اوعدك ان اول ما اخرج من هنا هنتزوج وهعملك فرح كبير اوي الكل يحكي عنه لسنين

انا مش عايزه فرح انا عايزه عاصي وخلاص بس انا مش ضامنه ان بعد خروجك من هنا تفضل علي الرأي دا

يعني اي

يعني هنتزوج وانت هنا

ازاي

هتعرف بعدين ويلا عشان انت مااكلتش من يومين ولا انا كمان

هتااكلي معايا

اممممم

طب يلا

مر يومين ورنيم وعاصي اتعقد قرانهم كان يوم مميز جدا وفضلت رنيم طول الوقت متابعاه لان هو اكله بسيط جدا فكانت بتفضل معاه كل يوم ساعه لحد ما يأكل وتخرجه شويه وبعد كدا ترجع البيت لحد ما يوم عاصي رفض اي حد يدخل عنده نهائي لإن كل شعره اتساقط ما بقاش في شعر خالص ولا في وجهه كمان

رنيم كانت بتصمم لكن هو كان بيغطي وشه منها وبيرفض تشوفه

=========

بالنسبه لوالدة رنيم فهي اتوفيت بعد رنيم ما مشيت من عندها بيومين لانها كانت مريضة قلب ومفيش ادويه ولا اهتمام ولا اي حاجه عشان تقدر تقف او تعيش

رنيم كانت كل يوم ترجع وهي حزينه عاصي رجع يرفض دخولها عنده بسبب شكله اللي اتغير 360 درجه

لكن ما يأستش ودخلت ليه تاني وثالث ورابع وقدرت تقنعه ان هي اتزوجته عشان عارفه ان هييجي يوم ودا يحصل ويمنعها تاني

الموقف كان صعب عليها حبيبها قدامها بالحاله دي وهو نفسه يائس من علاجه فدا صعب جدا لكن كانت بتتظاهر بالقوه عشان هو ما يضعفش

وبعد وقت طويل اوى عاصي اتعافي كليا وخرج كمان من المستشفى وبدء شعره في النمو من جديد صارع كتير جدا مع المر.ض لكن رنيم كانت دايما بتقويه وجنبه وعمرها ما مليت ولا يأست منه لحد مااتعافي وقدر يقف من جديد

عاصي كان مقرر هيعمب احتفال كبير بزواجه هو ورنيم لكن رنيم رفضت وقرروا ان المبلغ اللي هيعملوا بيه الاحتفال سواء كبير او صغير فهما هيتبرعوا بيه للمستشفى اللي عاصي كان بيتعالج فيها عشان ينقذوا عدد اكبر من الناس وان رنيم كمان هتتبرع لملجأ اطفال بمبلغ كويس جدا وتوفر ليهم جميع الاحتياجات

اما عن والد عاصي ووالدته فقرروا ان لازم عاصي ورنيم هيعيشوا معاهم في نفس الفيلا اللي هما عايشين فيها