الفصل الرابع

رواية دموع تحت اقدام عشق الجزء الرابع 4 بقلم محمد منصور دموع تحت اقدام عشقرواية دموع تحت اقدام عشق الحلقة الرابعة وتنهي شروق المكالمة مع مالك وتبص للموبيل بغضب مخيف ثم ترن علي موبيل وائل وهي ناوية علي الشر ويرد وائل قائلا ايوة يا شروق شروق بابا كنت عايزاك تعرف ان مالك يبقي

وهنا تسمع شروق صوت الويتنج ودة بيحصل في حالة اتصال شخص بشخص اخر اثناء مكالمة جارية فتبعد شروق الموبيل عن ودانها وتبص لرقم المتصل فتلاقي رقم مالك وهنا يدق قلبها وفي نفس الوقت تسمع صوت وائل يقول مالك يبقي اية يا شروق ردي علية فتحط شروق الموبيل علي ودانها مرة تانية وتقول مالك ابن عمنا مستحيل يكون هو اللي عمل كدة وائل وانتي بقي متصلة بيا مخصوص علشان تقولي كدة. اقفلي

وينهي وائل المكالمة وتفتح شروق الخط علي مكالمة مالك ليقول مالك ممكن تبطلي جنان وتسمعيني كويس شروق عايز تقول اية مالك ممكن نتقابل علشان نتكلم شروق اسمع مافيش كلام ما بينا. ولازم تعرف وانت بتتصل انا كنت هاحكي لبابا علي كل اللي بينا واخلي الفضيحة تبقي بجلاجل مالك بعصبية لية دة كله شروق

علشان يا شاطر اخربها عليك انت وعشق ولو كنت فاكر انك ممكن تتمتع بيها انسي لاننا متجوزين وماينفعش تتجوز عشق طول ما انا عايشة لان الشرع والدين ما يسمحش بالجمع بين اختين يبقي لازم علشان تتجوز عشق اكون ميتة مالك انا ما كنتش اعرف انك بالغباء دة. يا شروق والله العظيم انا ما فيش حاجة بيني وبين عشق اعقلي بقي وصدقيني شروق بشك والشريحة اللي اتبعتت من عليها رسالة الحب واللي انت شايلها معاك وحاططها في الموبيل ومشغلها كمان مالك

الشريحة دي مش بتاعتي دي بتاعت امي وانا حاطتها في الموبيل الجديد بتاعك علشان اشغلها بس مش اكتر مش علشان اكلم عشق منها. وانا مستعد اثبت لك شروق هاتثبت لي ازاي مالك هاقبلك دلوقتي ونروح اي فرع فودافون وتعرفي الشريحة متسجلة باسم مين فتسكت شروق لانها اقتنعت بهذا الحل، ،،،،،،، وبعدها بساعة ومن امام احدي فروع فودافون يخرج مالك ومعه شروق وهو بيبص لها وبيقول لها يارب تكوني دلوقتي صدقتي شروق بحنية

حقك علية يا مالك. بس انا بحبك اوي وماقدرتش استحمل ان في واحدة تانية ممكن تاخدك مني مالك المهم بس تكوني صدقتي شروق صدقتك. بس السؤال دلوقتي مين خد شريحة خالتي صباح وبعت من عليها الرسالة مالك مش هاتكون فاطمة طبعا. بس ممكن يكون رامي شروق باستغراب رامي مالك لية لا. شروق اتاري ساعة بابا ماكان بيتخانق مع مامتك رامي ماقدرش يرد مالك بضيق امي. وعمي لية اتخانق مع امي شروق هي كانت خناقة وبس دة كمان طردها من المستشفي

مالك بعصبية مكتومة ممكن تحكي اللي حصل بالظبط، ،،،،،،،،، وبعد منتصف الليل ومن داخل اوضة رامي اللي كان قاعد في وسط الاوضة حزين علي اللي حصل وبيبكي فتفتح فاطمة باب الاوضة وتدخل علية فيبص لها ويقول ماما نامت فاطمة بتاثر شديد نامت الحمد لله. وكانت دمعتها علي خدها وعماله تلوم مالك ثم تقف فاطمة قدام رامي وتبص له وتقول له بحدة ولكن بصوت واطي

شايف الرسالة بتاعتك وصلتنا لي اية. مشكلة كبيرة بين العيلتين واتظلم مالك في النص وامك اتهانت قدامنا. وعشق مش حرام اللي حصل فيها. والله صعبانة علية ياما قولت لك اقصر طريق الطريق المستقيم لية اللف والدوران رامي بحزن شديد فاطمة. كفاية انا مش قادر استحمل. ويقف وهو يبكي بحرقة دة انا لغاية دلوقتي صوت عمك وهو بيهين امي في وداني. انا تلف الايام واكون السبب في اهانة امي. لو كنت اعرف ان حبي لعشق هايعمل دة كله ماكنتش حبتها.

ويبص لفاطمة ويقول ياريتك ماسمعتي كلامي. ولا كنا بعاتنا الرسالة دي فاطمة خلاص اللي حصل حصل المهم دلوقتي لازم بكرة الصبح تروح لعمك وتحكي له علي اللي حصل وتفهمه انك ماكنتش تقصد رامي يبص لها مخضوض لا. انا ماقدرش اقف قدام عمي واقول له انا اللي بعت الرسالة لعشق. وساعتها اوري وشي ازاي لي امي. ويبكي رامي بحرقة ويقول دة الموت عندي اهون. ولا ان امي تعرف اني انا اللي كنت السبب في اهانتها. فاطمة

طيب ومالك. يفضل يتحاسب بذنب معملهوش لية رامي عارف ان الذنب ذنبي ومش عايز مالك يتحاسب بذنبي انا بس انا، ،،،،، في هذة اللحظة يفتح باب الاوضة ويدخل مالك ويبص لرامي وفاطمة ويقول وانا ما يهنش علية ان اخويا الكبير تتهز صورتة قدام اي حد في العيلة مهما كان مين هو. فيقف رامي ويروح ناحية مالك ومالك يقول انت عملت علشانا كتير وحرمت نفسك من كل حاجة علشان احنا نبقي كويسين. ومهما انا عملت مش هاقدر اوفي لك حقك رامي

يعني هاتشيل ذنبي وتقول انه ذنبك مالك رامي. انا بعترف اني مش كويس لكن انت بالنسبة ليا اب مش اخ وبس. وانا عرفت عمي قال اية لامي وانا هاثبت له ان الست اللي نايمة جوة دي عرفت تربي وطلع من تحت ايدها رجاله. لسة ماتخلقش اللي يهين امي فاطمة مالك انا مش مصدقة اللي انا بسمعه دة. انت اللي بتقول كدة مالك

لو الكلام يخصني انا هاعرف ازاي اطنش. لكن الكلام دة يخص امي واخويا الكبير ما ينفعش اطنش مهما كنت وحش بس في الاخر أنا ابن حلال مش ابن حرام ولو كنت السبب في اني اجيب لامي الشتيمة لازم ارد لها حقها رامي بس اللي حصل في امنا كان بسبب ذنبي انا مالك بلغة الانتقام كل واحد مننا ولية الذنب بتاعه. ومهما كان الذنب امي ماتخلقش اللي يقل منها بسببي او بسببك.،،،.،،،،

وبعدها بيوم ومن داخل المستشفي يقف مالك قدام عمه وائل ومرات عمه وعبير وشروق فيقول له وائل وليك عين تيجي لغاية عندي فيمسك مالك ايد عمه ويبوسها وهو يقول حقك علية يا عمي. انا مش عارف ازاي انا عملت كدة وائل يعني انت اللي بعت الرسالة لعشق مالك وهو باصص في الارض انا فتصدم شروق من اللي سمعتة فيهجم وائل علي مالك ويمسكة من لايقة القميص بمنتهي الغضب فتروح له خديحة مسرعه وتقول له

وائل احنا في مستشفي. ما تفرجش علينا الناس وتعمل فضيحة لبنتك مالك عمي انا بحب عشق وعايز اتجوزها فتنصدم شروق اكتر واكتر وتقول انت اية اللي حصل في دماغك. عشق مستحيل تتجوزك فتبص لها عبير وخديجة ومن بعدهم وائل فترتبك شروق وتقول ازاي يتجوزها بعد اللي عمله. طالما بيحبها ما طلبش ايدها لية من بابا مالك كنت خايف لتكسفني. كان لازم اتاكد الاول من حبها ليا وائل وهو بيسيب هدوم مالك يقول برضو دة مش مبرر مالك حقك علية يا عمي

1 2الصفحة التالية مدونة كامومنذ 6 أيام 0 5 دقائق