رواية دروب الإِندِثـار الفصل الثامن 8 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 6 ♡♡

لا تنسون التصويت + متابعة للحساب + التعليق بين الفقرات ☘️

‏طفيَتنيّ مِثل الجّكارة .

•••••••••••••••••••••••••••♕•

ضايعة ، تايهه مو عارفة الطريق والاختيار الصح ممكن القرار ينزلني للاتعس وممكن يرفعني للسماء ما جاي اعرف شنو اقرر ولا افكر بشي صح..

امشي بضياع وعقلي يكرر بكلامه والحديث إلي دار بيناتنا..

فتح السايق الباب ومن ردت انزل همس بصوت هادئ..

- اعتذر عن الطريقة الي جبتج بيها

رمقته بنظرة سخرية وحقد تنهد واضاف يبررلي الموقف..

- جانوا راح ياخذونج بهدوء يعني يکلولج وتجين برضاج بس هروبج ونجدتج من الشرطة وترتهم وما عرفوا يتصرفون وتعاقبوا ؏ غباء تصرفاتهم واوعدج ما راح يتكرر لحد ما اسمع قرارج

نزلت دموعي من تذكرت بسرعة سحب كلنس ومده الي يحجي..

- لا لا تبجين بكلمة وحدة اگدر احل كلشي وبعد وقت ؏ الاخبار الي اطلعتج عليها يعني لحد الان ماكو قرار بـ اتخاذ هاي الاجراءات تمام اخذي وقتج وفكري زين اي شي يتجدد اني انطيج علم

- ما اريد خواتي يتأذن

- وعرضي يشمل هذا الشي بس تنطيني الاوكِ اخذجن من حلك السبع وكلمتي ما تتثنى واگدر أأثر ؏ الاكبر مني بالمنصب واخذجن

- اريد افكر بس اخاف سُعاد تأذيهن

ابتسم بشموخ يلبس نظاراته..
- چؤ ما تتجرأ تسوي شي من وره ظهري تعرف العواقب تكون وخيمة بس..

رجف گلبي ، هزيت راسي بسُرعة اريده يكمل..

- اختج ممكن تأثر ؏ قرارج؟

سكتت اتذكر سارة اي ممكن تأثر وهواي وحيل خايفة من القادم والمستقبل المجهول ، رفعت نظري اله وگلت..

- اگدر اروح؟

- اخذي راحتج مدامتي

گعدت ؏ بلوكه تصير مقابيل الملجأ مالتنا ، صافنة بالفراغ شلون بيه شنو راح اسوي شلون احمي خواتي من هاي التهلكة

عمو كليم؟؟

ابتسمت بتعاسة ودعموعي تجري جري ، مستحيل الانسان الي شمرني بهذا المستنقع ينقذني من تعاستي ويساعدني
ما عاد هو ابوي الروحي ولا اني رنيمه وامانة اخو..

هو دمر الامانة واني كرهته لحد الموت وكل يوم ادعي ربي يوجعه بـ اعز احبابه وما يوفقه بحياته بس الي اشوفه العكس هو مرتاح حيل مرتاح واني الوحيدة متعوبة..

رفعت راسي من شخطت سيارة گدامي خفت وگمت اسحب خطواتي داخله ، رفعت راسي اباوعلها ببرود وهي متخصرة تهز برجلها ومادة ايدها..

- لفلوس؟

ضحكت اي ضحكت ؏ وضعي وكلشي بحياتي صفگت ايد بـ ايد وهمست..

- بححح ماكو فلوس

باوعت لأيدي..
- وين غراضج لعد؟

- شمرتهم بالزبل واجيت

فتحت عيونها بوسعهن وما حسيت غير براشدي تلته دفرات صفعات ما دافعت ؏ نفسي جنت فاتحه عيوني وصافنة بالفراغ حتى الـ آه ما فلتت من حلگي...

برود غريب احتل كل ذرة مشاعر بداخلي!

شنو ذنبي طفلة استغلت بهاي الطريقة القذرة للعالم وصارت سلعة تنباع وتُشترى للي يسوه وما يسوه بين ايدين ناس لا تُحصى من البشرية قط..

انتشلت بـ ايدين من الحرير من الضرب اسمع اصوات بعيدة عن مسامعي خيال لـ اشخاص بهيئة مو واضحه شوي شوي سحبني الظلام داخله لكن حتى احلامي ما سلمت منها وعانيت..

احلام بشعة تخنگ روحي وتفرفحني وبعد معانات فتحت عيوني بصعوبة ، الشي الوحيد الي مخليني متمسكة بحياتي البائسة وجود خواتي..

محاوطاتني وبس فتحت عيوني طفرن يستفسرن هل اكو وجع احس بي ، بس اني ما جاي احس بوجع جسمي أذيتي بگلبي وروحي..

رنيم- زينه وخرن شوي

گعدت بصعوبة احس رغبتي بالحياة صفر مسحت سارة ؏ راسي وهمست..

- بشنو تحسين حبيبتي؟

رفعت عيني بعينها وجاوبت بهدوء..
- ولا شي

عقدت حواجبها بغرابة ودموع اسم ؏ مُسمى گالت وهي دموعها ؏ خدها..

- ليش هيج ضربتج رنيم؟

مسرة- شنو صار ليش تخبلت عليج

سدت حلگها دموع وگالت بخوف..
- اشش اش لا تسمعج وتجي

صفعتها مسرة بغضب وردت..
- نجبي انتِ شنو تسوي اكثر من هيج بعد

سارة- انتن الاثنين تنجبن وانتِ رنيم جاوبي شنو صار وضربتج

رفعت الغطه وگمت بصعوبة انتچي ؏الحايط وجاوبتهن بقمة البرود..

- ذبيت الاغراض وما بعتهن واذا ؏ عملتها راح تدفع الثمن غالي بس احتاج تلفون

طلعت الرقم من جيبي وافكر شلون اتواصل وياه بسرعة گالت سارة بشك..

سارة- رقم منو هذا؟

- محد ، منو تگدر ادبر تلفون؟

مسرة- اني ادبرلج

سارة- اششش گعدي ما ادبرين لحد ما اعرف رقم منو

دموع- بس لا كـ...

- لاااا مو هو وهسه اريد التلفون ورجاءًا سارة لا تدخلين

سارة- انتِ من كل عقلج؟؟؟

هزيت راسي وباوعت لـ مسرة وهمست..
- روحي وديري بالج تلزمج الحية سُعاد

ركضت مسرة تجيب التلفون الي ما اعرف من وين راح ادبره ، ضلت سارة تنظرلي بشك شوي وگالت بهدوء وتهديد..

- يا ويلج اذا طلع إلي بالي صح!

نزلت عيني بدون ما اجاوبها متوترة وخايفة من الي راح يصير خايفة من ردة فعلها ومن عذاب وشنو راح يسوي ويه سُعاد؟

شوي ودخلت مسرة تحرك حواجبها بتلاعب وتلوح بتلفون ابتسمتلها بتعب واخذته بس دونت الرقم وبقيت صافنه ، اتصل لو لا؟ ما جنت اعرف هذا الاتصال راح يغير كل حياتي وياخذها لاتجاه ثاني اصعب..

اتصلت وحطيته ؏ أذني انتظر رد!! رن هواي وفصل نزلت اكتافي بيأس ورجعت اتصل وهم نفس الشي باوعت الخواتي بتعب ورجعت اجرب للمرة الثالثة والاخيرة
بقى يرن وقبل لا ينسد كلش اجاني صوته يرعد...

عذاب- منووووو؟

فزيت وبقيت ساكته بخوف ، بعد دقيقة هدأت انفاسه وهمس بتردد..

- رنيم؟

- اي

- ههههه عذريني ما توقعتج انتِ ، گولي امر خدمة؟ لو اشتاقيتيلي؟!

باوعت لـ سارة بخوف وهي خازرتني همست بصوت يرجف..

- تگدر تجي؟

رد علي وصوته خايف..
- بيج شي؟ منو وياج؟

شهگت ابچي ما گدرت اسيطر ؏ نفسي وهو گال بـ استعجال قبل لا يسد الخط..

- جايج جايج مسافة الطريق

انهاريت ؏ الارض حاطة ايدي ؏ حلگي وابجي بخنك
لزمتني سارة من اكتافي وهزتني بجنون تصرخ..

سارة- شسويتييي انتِ شسويتييي

- علمودجن والله

ضربت ؏ وجهه وهي تهمس بلوعة..
- ليش ولج ليشش شلون تسوين هيج راح تضيعين نفسج وتضيعينه راح ادخلينه مستنقع اسوء من هذا

هزيت راسي واني الزم ايديها..
- لا لا لا والله انقذجن محد راح يلمسجن بعد وعد

دفعتني وگامت تفتر بالغرفة بجنون متخبلة گعدت اشرحلها كلشي گال عليّ عذاب وتخبلت بالزايد تزلغ بخدودها وتصرخ بهمس..

- الف حل اكووو الففف حلللل مووو هذا

اباوع لدموع ومسرة وحدة حاضنه الثانية
ويبجن بهمس، هي دقائق وسمعت صوته
يصرخ ؏ سُعاد بصوت عالي كل البنات طلعن يباوعن من الشباك وهو بالساحة
نزلت بخطوات هزيلة جسمي يرجف من الضرب..

اباوعله خازرها وزلم ثنين واگفين يم البوابه بس شافوني نزلوا راسهم ، كل ما اتقرب عليه تتسع عيونه بصدمة..

عذاب- منو سوه بيج هيج؟

اثار الضرب كانت واضحة
اباوع لـ سُعاد تخزر بيه تريدني انكر ، نزلت دمعتي بعجز وهمست..

- سُعاد

بنفس اللحظة الي نطقت بيها اسمها ما اشوفه غير انطاها راشدي لزگها بالارض وشهگت البنات مصدومات..

- امشي اخذج للمستشفى

هزيت راسي بالرفض وگلت..
- ساعدني

ابتسم وكأنوا انتصر ؏ فد شي نزل راسه وحك جبينه بطرف اصبع السبابه وگال بتلاعب..

- شنو قصدج؟

- موافقة اتزوجك

اتسعت ابتسامته بس ما اكتملت وره ما نطقت سارة بصوت ثابت..

- اذا اتزوجتي تنسينه احنه ما نروح وياج

درت عليها ارجف..
- شرحتلج!!

سارة- هه وعبالج هذا راح يكون النور الي بنهاية النفق صدگين عيشتنا هنا افضل بـ الف مرة من جحيمه

- سارة فدددوة

- لا رنيم اني ما امنعج بس احنه ما نروح هذاك الباب تگدرين ترحين

حضنت مسرة ودموع كل وحدة من جهة ودارت داخله ، بقيت جامدة بمكاني بخوف شوي وگال هو..

عذاب- عادي انتظر منا لمن تقنعينها اني اهم شي عندي موافقتج وحصلت عليها بعد كلشي ما اريد

بقيت ساكته ما جاوبته ، نزل ركبه ونص يم سُعاد الي بعدها ؏ الارض
ضغط ؏ فكها بقوة وگال بنبرة قاسية..

- يا ويلج اذا مسيتي شعرة منها ادفعج ثمنه غالي وبعد طلعة بالتقاطعات ما تطلع واذا سمعت غير هذا الكلام موتج ما يكلفني غير رصاصة وحدة

بقت ساكته ترجف ، صاح بوجهه..
- مفهووووووم؟

سُعاد- مفهوم مفهوم باشا

نتر وجهه من ايده واباوع لـ اصابه تارك اثر باوعلي وگال بهدوء ولا جنه قبل شوي..

- دخلي ارتاحي

مشيت اسحب بنفسي سحب بس دفعت الباب واشوفهن حاضنات بعض ويبجن ، نترت سارة..

- ليش ما رحتي؟

- ما اتحرك خطوة بدونجن

مشيت لحد ما وصلت يمها حطيت راسي بحضنها ودموعي تجري..

رنيم- شلون سارة بس فهميني شلون اسمح ياخذونجن يأذونجن واني اگدر انقذجن

- مو حل هذا رنيم مو حل والله انتِ راح ادخلين نفسج مستنقع اتعس من الي احنه بيه هذا اذا ما دخلته

مسرة- وبعدين احنه ما نريد حياة سعيدة ؏ حساب تعاستج عذاب راح يأذيج

دموع- اني عندي حل

گالتها بخوف وتردد تمسح بدموعها..

سارة- شنو؟

عضت شفتها تهمس..
- نطلب المساعدة من عـ عمج كليم

وسعت عيوني من سارة ضربتها ؏ حلگها ونترت..
- جنه بواحد تردينه نصير بـ ثنين خلي حلولج الج

دموع- جاي اگول احساسي يمكن رنيم فاهمة القصة خطأ انتِ ليش هيج حاقدة؟

سارة- لو مثل ما تگولين وهو بالسلك العسكري جان هسه لگاها

هنَّ يتجادلن واني بالي شارد بشنو اسوي واخلص خواتي همست..

- سارة يمتى يصير عمرج 18

تنهدت..
- بعد شهر

- ومسرة ودموع

- بعدهم صغار دموع توها 14 ومسرة 15

شهگت احس روحي توجعني من افكر ياخذون سارة من ايدي وما اگدر اسوي شي..

- ياخذونج مني سارة والله اموت وراج

سارة- اششش محد ياخذني راح نشرد

وي همستها ندفر الباب بسرعة خلتنا وره ظهرها واحنه نشوف سُعاد واگفه وتخزرنا بغضب مدت ايدها ونترت..

- وين التلفون؟

طلعته من جيب الدشداشه بسرعة حذفت الرقم لان خاص وحذرني احذفه وشمرته الها هزت راسها وطلعت ضاربه الباب بقوة ، گالت مسرة بخوف..

- سمعتج سارة؟

رنيم- ما اعتقد لو سمعت جان هسه احنه بخبر كان بس سارة شنو قصدج انتِ

نصت صوتها وگالت..
- اي مثل ما گلت نشرد واحنه عندنا فلوس نگدر ندبر نفسنا بيهن

بعد ما خططنا نشرد باجر الفجر كل وحدة راحت نامت بفراشها او نمثل النوم ، افكار تاخذني وتجيبني شلون راح نگدر نطلع بدون ما يلزمونه
صح طاوعت سارة بس اعرف عذاب خلاني براسة وما راح يعوفني بحالي..

مسرة•

گعدنا الصبح ؏ صياح سُعاد جنها دجاجة مهلسة لبسنا وطلعنا جنه كلنا محجبات عدا سارة لان هي اصلًا مسيحية ، فضولي اخذني للتقاطع الي تگعد بس رنيم اريد اعرف شنو الاخبار..

اباوع الضباط صايرة ضجة قوية بحيث ناس تركض منا وناس تركض منا
استغربت من الوضع بس اتسعت عيوني من سمعت واحد صاح بصوت خشن وثگيل..

- البنت نخطفت گدام عيوناااااا واحنه لحد الان ما مسوين شيييي

واحد مسح ؏ ظهره وبقوا ساكتين منزلين راسهم محد يجاوبه نتر بيهم..

- انصرفوااا

يعني كل هذا علمود رنيم والمسعدة نايمة هسه بس هو هذا نفسه كليم؟ توترت من صارت عين الي بصفة عليّ حجوا بيناتهم شوي وباوعولي بنفس اللحظة..

توترت شلت الاغراض وگمت اريد ارجع لـ مكاني امشي بسرعة وگلبي يضرب بقوة احسه راح يشك صدري ويطلع
وبالاخص من سمعت صوت واحد يصيح بقوة..

- لحظةةة

وگفت جامدة اباوعله شاب طويل عيونه سود مكحلة خزرتهن خلتني انعل فضولي الجابني لهنا وواگف يمه واحد كبير بالعمر شواربه عليهن خصلة بيضة بوقور نظرات حانيه ما بيهن اي قساوة..

كليم- اهدي بابا ماكو شي تخافين منه هو كم سؤال وروحي

- شـ شـنوو!

گال الي بصفة بنتر..
- امشي وياي

كليم- قسورة بهداي ، يلا بابا مو حلوة بنص الشارع

مشيت اتمتم واسب بنفسي ؏ الساعة الي طعت بيها فضولي واجيت هنا غير سارة من تعرف تكتلني كتله غسل ولبس اطلعلي جلد جديد..

باوعلي خازرني بسكته بردة فعل لا ارادية مديتله لساني اعيب عليّ فتح عيونه متفاجأ وحرك راسه متحلفلي بسرعة صاح الي يمه..

كليم- قسوووورة

- حاضر سيدي

ابتسمت منتصرة من بعد ما دار عليّ لحد ما وصلنا لمكان يگعد بي شرطي المرور تسالموا وطلبوا منه يطلع وهو بدون نقاش عاف المكان وطلع اشرلي ؏ الكرسي وگال..

- گعدي بابا

گعدت اباوعله بخوف ابتسم بتعب وهمس..
- لا تخافين

باوع لغراضي ورجع عينه بعيني وگال..
- عندج خوات؟

- اي

- كم وحدة

- تلاثه

تنهد وگال..
- وحدة تلبس نُقاب؟

حسيت جسمي رجف باوعت للاسمه قسورة رفعلي حاجبه وكأنوا اكتشف شي بلعت ريك وهزيت راسي بـ لا..

- شگد عمرهن خواتج

- صغااار

قسورة- اي شگد؟

مسرة- سبعة ثمانية تسعة

من گلت "تسعة" حط ايدة ؏ گلبة وتنهد ساد عيونه بتعب ضرب قسورة ؏ كتفة وگال..

- زين انتَ خالي؟

كليم- اي اي بعد خالك وصلها للبيت قسورة

انتفضت..
- هاا لا لا لازم ابيع هذول واني ارجع وحدي

هز راسه وغمز لـ قسورة ما فهمت شنو قصدة ، ابتعد عن الباب واشرلي بـ ايده اطلع وهو خازرني ما اهتميت اخذت غراضي وركضت ارجع لمكاني والتوبة اذا اوصل لهنا..

مشه اليوم عادي والدنيا صارت ظهر والشمس حرگتني حرك واني ما اريد ارجع ويايه غراض اخاف تضربني الحية وضربتها توجع..

شاردة بالي راح نسوي بالليل!
واذا شردنا وين راح نروح منو موجود النا
منو يلمنا من الشارع ويحتوينا
منو يحمينا من الذيابه الموجودة بي؟؟؟

فزيت ؏ هورن مال سيارة گدامي ، هذا شنو جابه هنا؟؟ نزل نظاراته شوي ؏ خشمه وگال بتعالي..

قسورة- انطيني العندج وتوكلي لبيتج

- مشكور خويه

خزرني ونتر..
- لا تخلينييي انزلل واتعب انطيني العندج وتوكلي صار ظهر عيب گعدتج هنا

اباوع الشارع فارغ قليل السيارات الي بي
گمت مثل الحبابة انطيته الكلنس الباقي واخذت لفلوس..

- گبل للبيت ركض

- اي اي

عفته ومشيت بسرعة شوي شوي بديت اركض اريد اوصل خفت احس احد مراقبني والوضع مو امان مدري اني احس هيج لان نريد نشرد ، بس دخلت شفت سُعاد لازمة عودة بيدها وواگفه بلعت ريك وتقدمت انطيتها لفلوس حسبتهن وحطتهن بصدرها تبتسم بحقارة..

سُعاد- عفية مسرة عفية

دخلت متجاهلتها بس شافتني رنيم طفرت تتفقدني بخوف..

رنيم- انتِ زينه؟؟

- اي شبيج؟

رنيم- سُعاد گالت ما اگدر اضربج الوعج بخواتج مطيتجن عدد غراض اكثر من كل مرة علمود ما تبيعنهن وتضربجن گدامي

- لا يا عار واني عبالي كل البنات مكثرتلهن مو بس احنه

رنيم- خايفة ؏ سارة ودموع

گعدنا وحده تصفن بالثانية لـ الاربعة العصر وهنَّ ماكو نسحنت ارواحنا وما تقبل نطلع نشوفهن قافلة الباب..

رنيم صارت تروح وترجع بالغرفة ميته قهر وتهمس..
- كله بسببي اذا صارلهن شي ما اسامح نفسي

مسرة- اشش هسه يجن لا تخوفيني

ويه كلامي ندك الباب بقوة كلنا ركضنا بره وهي طلعت فتحت الباب بس دخلت سارة نترت..

- شكو قافلة الباب؟

سُعاد- طنه ورنه يردن يطلعن وراجن يدورن

سحبت من ايد دموع لفلوس وحطتهن ويه فلوسها ابتسمت بخبث وعدتهن گدامها اخر شي انطتهن الها وگالت بهدوء..

سارة- مو سارة الي تخليج تحققين غايتج

اجت سحبتنا للغرفة تنتر معصبة..

رنيم- ليش تأخرتن؟

سارة- دموع ما گدرت تبيعهن كلهن بقيت وياها لحد ما بعناهن لان اعرف هاي العار تضربها

فتحت شعرها الاسود مثل الليل تنثر بي بتعب وادلك بفروة راسها باوعتلي مقلصة عيونها..

- شنو وضعج انتِ يمتى رجعتي؟

مسرة- هاا مو شسمه بالوحدة خلصت

سارة- بالوحدة كل مرة عدد اقل وتتأخرين

ردت اتشرد منهن وهمست..
- تحقيق هو تحقيق بعتهن وخلصت كافي

سحبتني من هدومي..
- احجي مسرة لا تخليني امد ايدي عليج

- شبيج شنو احجي

- اجيت لمكانج وما لگيتج وين وليتي

بلعت ريك اباوع لخواتي مترقبات اجابتي بفارغ الصبر ، هربت عيوني وجاوبتها بتردد..

مسرة- رحت للمكان الي تبيع بي رنيم

رنيم•

سارة ترزل بيها واني انتظر كلمة منها عن الوضع هناك..

رنيم- شفتي؟

خزرتني سارة تستغفر ومسرة گالت..
- ما اعرفه بس اعتقد هو الي حقق وياي

خرطت سارة خدودها وگالت..
- صخام بوجهج مسرة شحقق وياج

- سألني كم اخت عندي وشگد عمرهن

رنيم- شـ شنو جاوبتي؟

مسرة- لا گتله صغار تلاثه عمرهن سبعة تسعة ثمانية هيج

تنهدت مرتاحة بس هي كملت..
مسرة- گال عندج اخت تلبس نُقاب وگتله لا

- يدور عليّ

صار هدوء رهيب بس سارة بقت خازرة مسرة الي ما طلع صوتها ومنزلة راسها ، صار المغرب گمنا صلينا وسارة طلعت تشوف شنو اكو عشه وترجع علمود ناكل تقربت مسرة بحذر مني ودموع من شافتها هيج هم تقربت تسمع..

باوعت للباب ورجعت تباوعلي وهمست بصوت ناصي كلش..

مسرة- كليم هم عنده ولد اخت؟

- ليش؟

- اففف جاوبي واگلج

- اي اولا اخته نجلاء كبار تلاثه

- شنو اسمائهم؟؟

باوعتلها بنظرة شك..
- قسورة وليث وأيهم

ابتسمت بسرعة ضربتها راشدي ؏ كيف خازرتها نترت..

- شبيج شبيج

- شعندج وياهم

- عزااا شلي بيهم كلهم وياه قصدج

دموع- منو هو؟؟

مسرة- احم شسمه هو حقق وياي هم

رنيم- منووو منهم؟؟

- قسورة هم ضابط هناك يشتغل وياه كليم ثنينهم حققوا وياي

- وانتِ ليش تسألين عنه؟

- ووجع هيج فضول

گامت وعافتني اباوع لدموع تهز بيدها شوي وگالت..
- طارت بعالم الاحلام اختج

رنيم - تولي اصلًا اليوم نولي منا بعد ما تشوفه

اجت سارة حطت الصينية گدامنا نواشف كالعادة الحمد لله والشكر بس خلصنا گالت نامن شوي واني اکعدجن ارتاحن..

صدك نمنه نرتاح وجانت هاي اخر ليلة انامها براحة بعد الي راح يصير جانت اخر ليلة تجمعنا بدون وجع..

فترة وگعدتنا سارة تهمس جمعنا بجنطة صغيرة كل احتياجاتنا وكل وحدة انطت لفلوس العندها لـ سارة بسرعة حسبتهن طلعن 139 مسحت وجهة بتعب وگالت..

- بلكي يكفنا نروح لكربلاء هناك امان

رنيم- گلبي ما مرتاح سارة

جانت دموعها بعينها بس گلت هيج نزلن مسحتهن بسرعة..

سارة- يا بالهدف يا بالنجف ؏ الاقل نحاول ولا نتلوث بهاي القذارة

طلعنا بسكته سارة فتحت الباب و؏ قدر الامكان حاولت ما اطلع صوت بس صرنا بالشارع ركضنا نبتعد عن المنطقة وبس صوت حشرات الليل والكلاب وانفاسنا السريعة ترافقنا..

صارت سارة تجر بينا وراها ادخلنا بين الافراع خاف احد لاحگنا علمود تضيعة ، وگفت جامدة واحنه نفس الحالة من شفنا عذاب گاعد ؏ كرسي بنص الطريق يدخن وعيون حمر
ردنا نرجع وره بس زلمه حاوطونه من كل مكان..

احس گلبي صار بين رجليه وبرودة لامست اطرافي من همس..

- ثمنه غالي هروبج رنيمي!

..

وتستمر الحكاية.. 🚬♣