رواية دروب الإِندِثـار الفصل التاسع 9 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 7 ♡♡

لا تنسون التصويت + متابعة للحساب + التعليق بين الفقرات ☘️

‏يَجي يوم ونعِيش بخير وترد أيامنِه
الحّلوه يَجي يوُم التعِب يسَوه .

•••••••••••••••••••••••••••♕•

- اروح فدوة لهذا الجمال والنزاكة

ابتسمت بخجل من نطقت هيج بيبي وهي تعدل حجابي بستها بخدها وطلعت اركض اريد الحك ؏ عمو عليم خاف يعصب مني ويرزلني لان تأخرت وهو عنده شغل..

بس صعدت صاح..
- لو باقية بعد شوي!!

- اسفة عمو

طول الطريق يسب ويغلط ويسوق سريع كلش خفت لزكت نفسي بالباب لحد ما وصلنا نزلت اركض بدون ما اباوعله ، ما جان عندي صديقات ابد كل البنات يتنمرون ؏ عيوني الي جانن لونهن كل وحدة لون مختلف..

اخلص الفرصة بالصف ما اطلع وفوك تعلوقت الحولة صارن يصيحلي بيج توحد وهواي القاب تخليني اخاف اختلط بيهن خاف اتأذه اكثر ، رغم كلشي جنت شاطرة وكله الاولى وعلاماتي كاملة صح بداية وفاة بابا تراجع مستواي بس هسه رجعت مثل قبلي لان اغلب وقتي ادرس حتى ؏ التلفون ادرس وما انزل جوه خصوصًا اذا عمو ما موجود..

دك الجرس حلة اخذت الجنطة وطلعت اباوع داير ما دايري لحد ما لمحته واگف هو ورجال غريب شكلة اغرب ، بس وصلت گله..

- هاي!

باوعلي الرجال من فوك ليجوه وضحك تك خد يهز راسة..

- خوش بضاعة بس اريد صورة علمود يشوفونها وبعدين نتفق ؏ السعر

عليم- صعدي يلـه

صعدت اباوعلهم حجوا شوي واجه صعد وساق للبيت..

بس نزلت سلمت ؏ بيبي وجدو وصعدت لغرفتي شمرت الجنطة وغيرت ملابسي ودخلت بفراشي حتى غده ما تغديت واصلًا محد تذكر وصاحلي..

بنص نومتي واحس بـ ايد تتمرر ؏ رقبتي وشعري ابتسمت وهمست..

- عموو

فتحت عيوني وبسرعة اتسعت بصدمة توني اريد اصرخ بفزع وحط ايده ؏ شفايفي كاتم صوتي وخانگني..

عليم- اششش نفس زايد اذبحج

حتى ما رمشت من الخوف من حط السجينه ؏ رقبتي باعد ايده احس جسمي ينتفض من الخوف والرجيف ابتسم بخباثة وگال..

- واخيرًا راح تنفعين بشي يا عديمة الفائدة ام تك عين ههههه

دموعي توكع ؏ جوانبي وتتخلل بشعري وبس صوت نفسي واضح ما اتجرء احجي اخاف يأذيني الجرح يوجع لحد الان لوعتي من احترگت تاكل بگلبي مو حمل جرح ثاني..

هز راسه وگال كلمات ذبحني..
- عمج ما يريدج واكدلي اتخلص منج قبل رجعته وزواجه

عيوني تحرگني احس صخنت من الصدمة طلعت كلماتي مقطعة..

- كـ كـذاب ا انتَ

- ههههه تحبين تسمعين منه ما عندي مشكلة

ضغط بالسچين ؏ رقبتي وگال بتحذير..
- حرف زايد منج اذبحج من الوريد للوريد وما يرفلي جفن فاهمة؟

هزيت راسي موافقة وهو طلع تلفونه واتصل فاتح المكبر رن مرة ومرتين ونفتح الخط اجاني صوته الهادئ وهو يلهث..

كليم- ها يابه

-هلا هلا بيك خوية شلونك

كليم- ماي عيني بخير اذا انتو بخير الوالد والوالدة شلونهم

- مشتاقيلك حبيبي ، اگلك؟

كليم- امر خدمة

- علمود شغلتك شنو گلت

جاوبه بعدم اهتمام واحس جوابه فتحلة جرح بنص گلبي ما عرفتله علاج..

كليم- گتلك بيعها من ارجع للبيت ما اريد اشوفها وهم ما اريد انشغل بهيج امور تافهه وراي زواج

ابتسم عمو عليم بخباثه واني النفس صرت گوه اسحبه ردت احجي بسرعة خزرني وضغط ؏ السچين بقوة ورد..

- متأكد؟

- اي بيعها تولي ، يلا محتاج شي اريد اروح

- سلامتك وان شاء الله من ترجع ما تلگاها

-كفو منك ، في امان الله

جسمي كله باد حيلي راح حتى من ابتعد عمو عليم بقيت بفراشي صافة بالسقف ودموعي تنزل ، هيج بسهولة يبيعني؟ ليش وبابا وامانته هيج هانت عليّ؟ راح يلوع بابا بقبرة!

بس ليش؟ معقولة علمود زوجته؟ اي اي اكيد علمودها ما يهون عليّ زعلها بالتالي اني منو علمود يهتملي بس مو بيع مو يدمر مستقبلي!!
طفلة اني ياناااس طفلة ما تخطت التسع سنوات وتنباع ويضيع مستقبلها..

شوي وحسيت بقماش صار ؏ وجهي بدون ما اعرف سحبت نفس شوي وسحبني الظلام
ظلام ما بعده نور ، تعب ما بعده راحة ، ضياع ما بعده ضياع..

فتحت عيوني احس بوجع فضيعععع براسي
مسطورة اباوع داير ما دايري بغرفة بيها مكتب
وجدرانها وصخة وقديمة تحركت اتلمس نفسي بخوف نهضمت من شفت شعري بدون حجاب
بعد ما التزمت بي!!

؏ صفنتي بعدني ما هاضمة الي صار ودخلت مرة بلبس قصير وضيق شعرها ناري قصير علجها بحلگها بسرعة صاحت بدلع يلعب النفس..

سُعاد- واخيرًا گعدتي

گعدت ؏ الكرسي شابكة ايديها وهمست بجدية..
- تسمعين كلامي لاول واخر مرة ويتنفذ بالحرف الواحد وان مانفذتي يا ويلج مني يا الحولة

جنت بس اسمع ما فاهمة شي ، خايفة ، غريبة ، وحيدة بلا سند من بقيت ساكته نترت..

- مفهومم؟

- اريد عمو

- اشش تنسين حياتج قبل واذا ما نسيتيها اخليج تنسينها بطريقتي

گالتها تبتسم بكل حقارة ، هزيت راسي برفض وبچيت اشهك..

- اريددد عمووو كليممم

ما حسيت غير بجسمي ينسحب بره اصرخ واتوسل تعوفني اباوع هواي بنات بعمري واكبر مني بس يباوعون لحد ما اختفوا عن نظري ، وانشمرت بمكان مثل الغرفة وحرام تتسمى غرفة..

ريحتها تخنك من غير جنها قبر..

بهذا اليوم نچويت لاول مرة بسيخ من نص ظهري انظربت بسوط لحد ما تشطب جسمي وترك اثر لعمر كامل انحبست بهذا القبر لـ تسع ايام وتسع ليالي بگد عمري مثل ما گالت سُعاد عرفت شنو معنى اجوع واسكت اخاف من الضرب تعلمت اقبل بالي ينطونه الي..

من بعدها فعلًا نسيت انطق اسم عمو كليم مو بس لان سُعاد طلبت هذا الشي لا حقد انزرع بروحي اله وكرهته وكرهت كلشي يخصة بس التزمت بحجابي وهنا تعرفت ؏ سارة ومسرة ودموع وبدة بيناتنا رابطة خوة بالروح مو بالدم..

فتحت عيني اباوع لـ عذاب بعد ما مر شريط حياتي گدامي مثل الحلم وجملته بالي تخنگني واني اعرف عواقب فعلتي وخيمة فعلًا بس اريدها بعيدًا عن خواتي..

كل مرة سارة هي توگف گدامنا وتحمينا هل مرة اني تقدمت بخطوات ترجف ورجلين خدرانه گدام خواتي ودموعي تنزل..

- عـ عوفهن واني اجي وياك

عذاب- ههههه جؤ بطاقتي الرابحة شلون اعوفها

- فدووة اجي واوافق بس عوفهن يروحن

رادت تحجي سارة نترت ايدها وخزرتها تسكت اخاف يأذيها بسرعة گال ونظراته تخترق سارة..

- العقل المدبر راح ياخذ الجزء الاكبر من العقاب

- لا لا ما دخلهن هذا قراري ، اني طلبت منهن نشرد

سارة- رنيممم لا تچذبين

- اششش سكتي لا تدخلين

هز راسه وگال بدون اهتمام..
- اخذوهن

اجوا يسحبون بخواتي مني واحس روحي تطلع ويه كل صرخة منهن ، نسحبت ايدي بقوة وهو مخنزر نتر..

- امشي بدون صوت لا تخليني أأذيج

- ابوس ايدك لا تأذيهن فدوة لا تأذيهن توجع روحي والله توجع روحي

غمض عيونه وصاح..
- لا تسوون شي بس اخذوهن للبيت وقفلوا عليهن زينننن

استسلمت للامر الواقع ومشيت وياه عيني ؏ خواتي خوف ورعب من القادم ، لزكت بالباب اباوعله وجسمي يختض مثل السعفة
عضيت شفتي وهمست..

- شنو راح تسويلنا؟

- من نوصل تعرفين

- الله يخليك خواتي لا تأذيهن واني اسويلك اي شي اطلبه مني

جان اكو مثل الستارة عازل بينا وبين السايق من گلت هيج سدها وبحركة سريعة سحبني وصار فوگي ساد حلگي، تخبلت عيوني نفجرت بالدموع واني احس بي يضغط بجسمه ؏ جسمي مربطني بقوة ايدي واني لا حوله ولا قوة..

تقرب وهمس وجانت ريحة انفاسة مو طيبة تلعب النفس مال عر*ك..
- تنطيني الاريده هسه وبرضاتج واعوفج انتِ وخواتج لا وفوگاها حبت مسك اساعدج اطلعين خارج العراق

من سكنت حركتي افكر بكلامة بعد ايده مبتسم بـ انتصار بسرعة تفلت بنص وجهه وگلت..

- تخسه انتَ والي مثلك يلمحون اظفر مني يا عار الزلم

مسح وجهه بغضب ونزل ايده بكل قوته ضربني راشدي وابتعد يگعد بمكانه يهز براسه متوعد خاف جنت بس خايفة هسه احس بيني وبين الموت شعره بس لو يموت ما يحصل ؏ مُبتغاه مو اني الابيع نفسي وجسمي لواحد منحط مثله..

وگفت السيارات ونزلوا خواتي يعتون بيهن صاحت سارة بكل حيلها من شافته قبض ؏ شعري من وره الحجاب وسحبني لغير اتجاه...

سارة- اگطععع ايددددك اذاااا لزمتهاااا اشرببب من دمككك والله

جنت مستسلمة ما اعرف خوف صدمة بس اعرف لو مو اتوسل لو انزل ابوس رجلة ما راح يرحمني ؏ الاقل خلي احفظ كرامتي..

شمرني بنص مكتبة جان فخم باللون الاسود والفضي بس بي رهبة بس ما جان عندي وقت القي نظرة ؏ الاثاث بسرعة درت ودمعت عيوني من شفته شمر السترة وفتح ازرار القميص وهم شمره واتجه لركن بي مشروبات..

اجيت اتقيء من عرفته عر*ك يعني يشرب واكيد هسه يفقد لان شايفة سُعاد شيصير بيها من تشرب لعبت نفسي
رجعت لامه نفسي بالركن وابجي بصوت ناصي باوعلي عيون حمر ولكلاص يصك عليّ بشربه وحدة..

عذاب- مو اني الينتفل عليّ وتبقين بدون حساب رنيمي

ضرب الكاس بالحايط وتناثر صرخت بصوت حاضنه نفسي خصوصًا من هجم عليّ يريد يشك هومي ويبعد الحجاب وكل ما ادفعها يتوحش ويضربني بقوة
روحي حسيتها طلعت من شمر الشال وحط خشمه براسي يسحب النفس بقوة رابط ايدي فوك راسي والعباية مشككه عليّ شوي شوي ثگل نفسه وترك ثگل جسمه عليّ..

حاولت لحد ما گدرت افلت نفسي منه والم نفسي واغطي شعري جسمي كله يرجف وحيل ما عندي بس كل هذا وكمت حاولت افتح الباب ومقفول جانت اكو تحفية بسرعة اخذتها بس خفت يگعد وكل املي بالهروب يروح..

ضليت اتلفت اريد اشوف شي افتح الباب بي بدون صوت وهم اربطة اي اي اربط ايدة علمود يتأخر وما يلحگني..

حسيت نفسي بفلم لا لا بكابوس!!

رجت ادور بجيوبه واني ارجف ضحكت وبسرعة كتمت ضحكتي بأيدي خاف يگعد وعيوني تلمع من شفت المفاتيح..

مديت ايدي افتح بحزام البنطرون تحرك وهمس يهلوس..

- ريحيني رنيمي

لعبت نفسي منه سحبت ايدي وربطتهن وره ظهرة بكل قوة عندي وهو مثل الجثة ماله نفس..

ركضت فتحت الباب وطلعت امشي ؏ اطراف اصابعي خاف احد موجود ويلزمني ، ابچي وايدي ؏ حلگي خاف يطلع صوت شهگتي ويفضحني وكل خطتي تروح هباء منثور
بس البيت جان عبارة عن هدووووء رهيب اذا اشمر ابره بي ينسمع صوته وفهمت محد موجود هنا..

اتلفت وافتح غرفة غرفة ؏ كيف وادور بيها
وماكو خواتي ماكوو!!! انرعبت والف فكرة
خطرت براسي حتى الطابق الثاني دورته لحد ما گعدت ؏ الدرج ابچي اصلًا اني مسحيل اشرد بدونهن..

رجعت ادور لحد ما شفت باب جوه الدرج من حديد اريد افتحة ما ينفتح وبي صوت خفت احد يـسمع دگيته وهمست..

- ســارة!

شوي وسمعت حركة جوه واجاني صوتها مثل حبل النجاة..

سارة-رنيم رنيممم بيج شي؟!!

- اشش اش صوتج لحد يسمع فدوة نصي صوتج جاي احاول اطلعجن

جاوبتني بصوت مبحوح من البچي وخيبة امل واضحة..
سارة- اني وحدي رنيم فرقوني عن خواتنا ما گدرت احميهن

جان كلامها صدمة بالنسبة الي ما استوعبتها لان اني بنفسي دورت البيت وما لگيت شي ، جفلت ؏ صوت ضحكاته وزادت نبضات گلبي الي احسها تنبض بكل جسمي من الخوف واني اشوفة واكف ومتچي رجل وحدة ؏ الحايط وايدي ثنينهن بجيوبة..

سارة- رنيم رنيم بيج شي جاوبيني؟!

نعقد لساني عاجزة عن الاجابة وعيوني تمركزت عليّ ابتسم بخباثة وگال..

عذاب- من كُل عقلج كاس او كاسين ممكن يأثرن عليه؟
بس للصراحة زاد اعجابي ذكية رنيمي تصرف ذكي بس جان لازم تقفلين الباب وره ماطلعتي علمود تكمل خطتج

حسيت النفس وگف وسـارة تعيط تريد تفهم شنو بيه ومنو يمي ، نزلت دمعتي من گال..

عذاب- برجليج ومثل ما طلعتي رجعي ولا تخليني اتخذ اجراء بحقج ما راح يكون لطيف

حضنت نفسي اعصر بملابسي وهو واگف گدامي مثل ملك الموت ، انتبه لتصرفي وگال برود..

- جانت جرت أذن بسيطة لا تخليني اضطر اسوي الاسوء يلا بهدوء امشي گدامي دنحجي

- خـ خواتي ووين؟

عذاب- بأمان

- أريد اشوفهن

- چؤ مو هسه

بقيت واگفه صاح..
- تحركييييي

وكعت المفاتيح من ايدي ومشيت ارجف مثل السعفة واسمع صريخ سارة وخايفة يأذونها سد الباب بدون ما يقفله وگعد بمكانه صافن عليه..

عذاب- گعدي

گعدت افرك بأيدي بقوة رجع گال..
- ليش شردتي؟

رفعت نظري اله وجاوبت بصدق..
- اني ما احبك واخاف منك واكرهك لانك قذر مثلهم وبعدني صغيرة ما اريد اتزوج وبالاخص انتَ وبنفس الوقت ما اريد خواتي يتأذن
الله يخليك عوفنا نروح والله بعد ما تشوف وجهنا ولا نتقربلكم

- انتظرج تكبرين مو مشكلة

نترت معترضة..
- بسس اني ما اريدددك

- تردين عمج كليم؟

حسيت صاعقة لزمت جسمي ونفضته من گال هيج وهو يرسم ابتسامة لئيمة على وجهه ، شلون عرف؟ بسرعة رفع ملف من مكتبة وگال..

- تفاصيل حياتج من وانتِ عمرج يوم لحد الان ابوج رسن عيشتج عند **** كليم وصولج لهنا كلشي بالحرف الواحد

صك ؏ اسنانه وهمس دمارات گصته ناطه..
- وجودج بالسيطرة الي هو بيها كلامج وياااه عبالج غافل اني لا ست رنيم متوهمة!

ضرب الطاولة بسرعة صرخت تقرب لازمني من اكتافي ويهز بجسمي..

- تحبينه لجججج تحبينــه؟!!

- لاااا اكو طفلة تحب عمها الي رباها مثل ابوها!!

دفعني متخبل ونطق بكلام جمدني مكاني..
- بسسس هوو يحبججج متخبلل يدور ؏ أثر الجج قبل شوي مقتحم الملجأ وشاحط الكل يسأل عنجج

ضربتين ؏ الراس توجع! كان يوم متعب بحيث وگعت ما حاسه بشي رايحه بغير عالم ، عالم ما بي كل هاي الأذية..

فتحت عيوني بعد فترة احس جسمي كله يوجعني تحركت وصرخت بوجع اباوع لأيدي مشكلة بيها كانونة! اصفن بالغرفة واسعة وطرازها غريب لونها كلة اسود و الاضواء خفيفة..

بهدوء نفتح الباب ودخل يباوعلي بنظرات ما عرفت افسرها ، للحظة وگف متفاجأ بعد ما حضنت نفسي اعصر بملابسي
هز راسه بأسف وسحب الكرسي يگعد قريب مني..

عذاب- هبط ضغطج تعبتي شلون تحسين نفسج هسه

- اريد خواتي

- صار اجيبهن وابقيهن يمج بس اول تاكلين وتاخذين علاجج واني اوعدج اجيبهن الج

- هسه!

- واني گلت تاكلين وبعدين اجيبهن

هزيت راسي موافقة بعد ما أيست يقبل بسرعة رفع التلفون الارضي وگال..

- تالا جيبي الاكل والعلاج لغرفتي بسرعة

ضايعة ما اعرف الصح من الخطأ الكلام الگاله نخر عقلي! معقولة جاي يدور عليه بس ليش وهل هو جاي يدور ؏ الطفلة الباعها او ؏ المنقبة الي تبيع بالتقاطع..

عن اي رنيم يبحث؟

جفلت من حسيت بأيد خشنة تمسح دموعي الي ما اعرف يمتى وكعن ، عيونه حُمر عض شفته وهمس..

- لا تعامليني هيج اموت

- شتريـد مني؟ اعتقني!

- احـبـج وعيونج هذن الضيعني

هزيت راسي رافضته ورافضة كلامه..
- مو جبر مو بالقوة اني ما احبك ولا راح احبك

نزل عيونه لصدري خفت وجسمي رجف نطق بهدوء..
- گلــبج منو يحب؟

- محددد والله محدد بس خواتي ما اريييد من الدنيا غيرهن

سد عيونه بقوة وگام من انطرق الباب ، سمحلها تدخل
جانت بنية صغيرة شايله حسّن مو طبيعي عبالك اجنبية بس بعيونها حزن يفوق الجبال..

خلت صينية الاكل وطلعت واني صافنة بفراغها فززني من گال..

عذاب- تعرفين قصة تالا؟

هزيت راسي لا! گعد گدامي وهمس..
- اكلي واني اسولفلج نخلص الوقت علمود يجن خواتج بسرعة

بديت اكل واستمع اله..
- تالا جانت مثلج هههه اي لا تباوعين هيج مثلج يعني بنفس المكان مرت بنفس الظروف بس تالا نباعت

شهگت غاصة بالاكل ابتسم ومدلي الماي اشرب ، شربت ورجعت لكلاص..

- منو اشتراها؟ شلون وصلتلك؟

اخذ الخاشوگه يوكلني وكمل
حيل اندمجت بقصتها..

- اني اشتريتها بس انچبي لا تنططين عيونج مو مثل ما مفكرة ، اشتريتها حتى انقذها لان جانت طفلة عمرها عشر سنوات من باعوها لان جميلة وجانت وجبة سهلة الهم كسرت خاطري واشتريتها حتى انقذها

- وتزوجتها هم؟

- لا.. خليتها خادمة هنا يعني تشتغل لصالحي

- شعجب؟ حلوة حتى احله مني ليش ما عجبتك؟

- الجمال مو كلش رنيم مرات الانسان يحب الروح واني حبيت قوتج دفاعج المستميت عن خواتج تمنيت بيوم ادافعين عني وعن حُبنا بهذا الشكل ردتج تحاربين علموي عيونج سبني ضعت بيهن من اول لحظة انتِ اجمل أنثى شافتها عيوني

بچيت بخوف حسيت انقطع الامل بعد كلامه..
- اني هم طفلة مثل تالا

- انتظرج تكبرين انتظرج تحبيني ونتزوج ادللج والله

- ما احبك عالمك اكرهه

- اتغير علمودج اترك حتى شغلي

- گاعد اگول اكرهكككك وعمرييي ما راح احبككك ولا احب واحد مقرففف مثلككك اعتقنييي

شمر صينية الاكل ؏ الارض خازرني بلعت العافية جمدت بمكاني ، نتر..

- انسي خواتج

گال هيج وطلع تخبلت كسرت الغرفة كلها صوتي راح بلاعيمي موتتني من الوجع ، لحد ما تعبت ووكعت بمكاني صافنه بالفراغ والشهگه ما تروح مني..

ساعات واني ؏ حالي لا هو رجع ولا احد دخلي ولا اني الي سكتت من البچي احس عيوني انتفخن من گد البچي..

توني بديت اغفه من التعب وفزيت ؏ صوت صريخ مال بنية احس روحي فرفحت وياها تصرخ بوجع وجزع كأنو جاي يسحبون روحها من جسمها انتفضت من صار صدى الصوت بالغرفة..

عيوني طلعن من مكانهن واني اشوف بالشاشة الموجودة تنعرض صورة زلم ثنين يجردون بسارة من هدومها وهي تصرخ احس فقدت ما احس بنفسي بس صافنه اباوع..

اباوع للفراغ بعد ما طفت الشاشة الي اشتغلت لثواني معدودة.. 

اختي گدامي اغتصبوها بـ ابشع الطرق بيا عين اباوعلها بعد؟؟

بيا عين وانا خليت مخاوفها تنعاد؟ بيا عين وعاشت نفس الوجع مرة ثانية بسببي؟!!!

..

وتستمر الحكاية.. 🚬♣

الانستا راح افتح بي اسك لأي سؤال اجاوبكم!
احبكم 💙