بسم الله الرحمن الرحيم
صغيرة انا .... حبيبت انتي وانا
لم ازل بعمر الزهور لم تتفتحي
رسمتني ورسمت مخيلتي
حينها خط القلم ولم يتوقف
رعش الورق حين كتبت وصفها
واحتار الحرف كيف تكون
يا كلمات المعاني اظهري
فالقلب بالشوق والحنين لم يتمملي
يا جمل الخواطر تجمعي
فالاشعار تنتظر تقدمي
يا انا ويا زهرة انا
يا نبض الورود حين يغرد العصفور
ويا لسان الحكيم حين يخاطب المسكين
يا عين اليتيم بفقده اخيه واخته
هكذا توقفت حينها وقلت اعوذ بالله من كلمت انا
// الكاتبه بنين عباس//
فإذا جن اليل..... بارت 10
ايلين : يحاجيني ويضحك واني ضامه
راسي بصدره واشهك وخر راسي من
صدره وباسني بكصتي كام وكومني وياا
وكام يمشي وحاضني ورحنه بين
القاعتين كلها ملتمه زلم ونسوان اقاربنه
وجانو جايين البقيه سرمد و مهند وغيرهم
ايلين: من شافوني ضحكو وصاحو
الكل : اجت ام دميعه ههههه
طفر خالو يوسف و رد عليهم
خالي يوسف : بويه لاتخاف ع روحك
عندك بنيه تعادل زلم ونعم تربيه هم
ايلين : ابويه جان يباوعلي ويبتسم
رد خالو علي و هو يبتسم
علي : هاي ايلين بعد والكل يعرفه
ايلين : بقو يسولفون ويضحكون ويتناقشون
بهالموضوع واني احس روحي تعبانه حييل
من طشو رحت للمغاسل اريد اغسل
سمعت واحد يصيح
سرمد : ايلين
ايلين : التفتت والكا سرمد واكف و مبتسم وكال
سرمد : رفعت راسي بيج اليوم كافيه
ولو غلط طلعتج كدامهم وزلم شافتج بس هيبتج
وهم يسولفون بموقفج خلت كلبي يرعد عليج
اريد اكلج شي ومراح اعيده بعد منا لمن احس
بيج تبادليني نفسه هذا شعور الي بداخلي
وخلي هالكلمه ببالج دائما ترا طالعه من اعماق گلبي.
واتمنى تحسين بيها مثلي لئن من زمان انتظرها
ايلين : بين كلماته متقاطعه وحروفه كلبي
محس موجود شوفته كبالي و قريب يفرحني
اضيع من العالم بجوده واحس نفسي طير
رديت بكلمه وحده رغم داخلي الاف كلمات
ايلين : شنو
احاجي وارجف ووجهي يكت عرك رد
سرمد : ايلين
كتله بفهاوه وصوتي كوه طالعه
ايلين : هاا
سرمد : هاا يبعد الهاا احبج
بقيت صافنه بوجهه ومن مستحاي كتله
ايلين : شو متستحي انت
خله ايده ع وجهه واباعله بس متونه تهتز
بقيت اباعله شويه ورفع راسه يمسح بعيونه
ايلين : ياا شنو جنت تبجي شبيك
ابتسم وكلي
سرمد : ولج عليمن ابجي ع صخام وجهج
اضحك ع فطاريتج العلت گلبي
ايلين : اهاا يلاا رايحه
سرمد : بويه والحسين اعشكج وعشكي
الج عشك صغر مو يوم ويومين
كبرتي وي روحي وصرتي تمشين بالنفس انتي
ورايدج الي مو لعب مسربتين اريدج وياي العمر كله
صفن بوجهي وكال
سرمد : حاجيني لتبقين ساكته شعرايه كلبي
ايلين : ما اعرف
سرمد : شنو متعرفين
ايلين : يعني ما اعرف
سرمد : روحي روحي ناويه تسودنيني انتي بهالليل
ايلين : جاي امشي وهم عثرت كال
سرمد : اسم الله بويه شلون وي عثراتج
كلما تشوفيني لو احاجيج تعثرين
ايلين : خليت وركضت صرت ورا حايط
المغاسل واسمعه يكول
سرمد : ربي بجاه الحسين خليها الي ولاتمنع
عيوني من شوفتها بحق شهر محرم
ايلين : من سمعته هيج يكول لا اراديا عيوني دمعن
واحس كلبي يريد يطلع من مكانه ع كد ميدك قوي
رحت للحسينه الكل كاعد يسولف ع هذا سكران
رحت الأمي وكتلها راح انام تعبانه بس ردت انعزل
بيومها منمت بقيت للفجر اتكلب وميمر ع عيوني نوم
الحد م اذن كمت صليت وكعدن الخادمات كلهن
وبده الشغل ونسوي ريوك للزوار البايتين يمنه
وكامو يجون الزلم حتى ياخذون الريوكات
واسمعهم يحجون بينهم وجابو طاري سرمد
منتظر : اندري شبي يمكن فلاونزه
علي : خلي يسولها ريوك ياكل ما ماكل
شي من بارحه
خالتي سألتهم
خالتي : جا شبي سرمد
ج
كرار : اليوم صبح يون من الصخونه مشتعل
نار سووله ريوك خلي ياكل لكمه حتى ننطي علاج
كالت خالتي كومي
خالتي : ايلين سوي ريوك السرمد خطيه استعجلي
ايلين : ايي خاله
اني كبل طفرت وع السريع سويتله بيضه
وحليب دفيته اله ونطيته الكرار اخذه
ورا نص ساعه اجه حمودي اخوي للمطبخ
واني بالي يم سرمد وقلقه عليه واريد اسأل
بس ابطل خاف يعرفون و شيخلصني بعد
بقيت ع الاخبار اليحجون بيها ومنتظره بلكي
احد يسأل عليه من اجه حمودي للمطبخ
امي سألته شلون صار سرمد خطيه ما صار زين
حمودي : كاللها رجع قبل شويه للبيت
ايلين : يبوو مدري شصار بيه من سمعت راجع
وبعد م اكدر اشوفه وم اعرف اخباره شلونه
كبل دموعي كامن ينزلن والخنكه موتتني
رحت ركض للحمامات دخلت الواحد منهن
وبقيت ابجي وساده حلكي بايدي علمود لحد يسمع
سمعت صوت يم الحمامات مسحت دموعي وطلعت
شفت امي موجوده باوعت علي
ام ايلين : شبيهن عيونج
كلتلها واني منزله راسي منها
ايلين : مدري يحركني
وكل شويه افركهن
اخذتلها صفنه بوجهي وكالت
ام ايلين : اهاا روحي غسليهن بمي بارد
واذا مصارن زينات اشوفلج علاج لو قطرات
ايلين : خوش واني مدنكه م اريد تنتبه
اكثر عليه وهي مبينه شكت
خليت وطفرت من يمها رحت بالقاعه يم البنات
يسولفن بيناتهن واني مو وياهن بالي شارد
يفكر بسرمد هسه شلون صار بعده مريض افف
تفكير اكلني وما أكدر اركز ع شي
اخير شي حسيت ضربه ع ظهري انتبهت
ولكيتها حوراء كالت
حوراء : مو صارلي ساعه الغي شبيج
ايلين : مبيه شي راح انام لحد يكعدني
حوراء : وراج سالفه بس من تكعدين اعرف
شلون اطلعها منج ما اطلع حويره لو ما حجيتي
ايلين : دوخري مني هسه خلي انطمر وبعدين
صيري حويره حوري
تمددت وبقيت افكر شلون صار وشلون اشوفه
بعد واني تعودت عليه بهالشكم يوم تعبت من تفكير
الحد ماغفيت وكعدت ع صوت هوسه وصوت سوالف
رفعت راسي واشوف نسوان هوايه بالقاعه طلعن
الزايرات جايات حتى يباتن ودنيا مغرب صايره
حيل شكد نايمه لعد شفت امي كاعده بصفي تصلي
ايلين : يمه ليش ما بقيتوني نايمه هلكد
ام ايلين : شعندج اليوم كلما تريد وحده
تجي تكعدج م اخليها كلت خليها نايمه
شبيج يمه شو جنج مالج خلك كليللي
بسرعه وجهج ذبل وعيونج مورمات
ايلين : مابي شي بس شوي تعبانه
ام ايلين : الصبح جنتي شلوناتج كلتلها
ايلين : مدري شبيه عيوني يحركني وراسي
يوجعني
ام ايلين : كومي اكليلج لكمه حتى انطيج علاج
ايلين : مبيه حيل
اجت اخذت راسي وخلته ع رجليها
بقت تمسح عليه وتقره ايات
جنت محتاجه احضنها وابجي
بس خفت تشك بيه وتعرف وراي شي
هدئت وسكنت ع صوتها وحنيتها
شويه وكمت يم البنات بس وصلت يمهن
كامن يصيحن هلا بيج هلاا وبجيتج هلاا
طفرت مريم اخت حوراء صاحت عميي
توها حلت الكعده اجت سورها ونورها للبنات
ضحكت عليهن ورحت كعدت يم حوراء
وخليت راسي ع متنها
كامت تحجي ع كيف بس اني اسمعها كالتلي
حوراء : شبيج
ايلين : بعدين مو هسه
حوراء: على مود سرمد مو
ايلين : شمدريج
حوراء : جا صويحبتج المن اذا ما اعرف شبيج
سكتت بقينه نسولف والنوب كمنه قدمنه
العشه وراها غسلنه مواعين ومشه اليوم
كلها نامت وبقيت اتكلب م اكدر انام لان نايمه هواي
صار الفجر وكمنه حتى نحضر الريوك لزوار
راحن يوزعن الريوك وبقيت بوحدي بالمطبخ شويه
وسمعت صوت يكول
سرمد : هاا يبعد العافيه جنج ذبلانه
يتبتع......
//الكاتبه بنين عباس//
هاا شلونه بارت انطوني ريكم نياتي لا تنسو تصويت
عدد كلمات 1067
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!