بسم الله الرحمن الرحيم
عندما تجتاحك الأحلام..
وتطلق بتفكيرك الى العنان ..
وتبدأ الأحلام الوردية تتعمق تفكيرك..
وتشعر حينها أنك أسعد مخلوق خلق على وجه الأرض...
وتصل حينها الى قمه السعاده..
تذكر حينها..!!!
أن كل هذا السعاده ربما تكون سراب...
فشعورك هذا مجرد شعور خاطف..
فثق انه ربما يتحقق وربما ينكسر حلمك..
فعد حالا وباقصى سرعه لديك الى أرض الواقع ..
حتى لاتصيبك الحسره بخذلان حلمك..
فمثل ماهناك "قمه" هناك "قاع"..
ولا تطمح الى القمه دائما فلربما تصل قريبا من القحه وتهوى
مخذولا الى القاع..
فالاحلام "خيال" واغلبها "سراب"...
"فطبع الحياة .."حزن" و"فرح"..
وطبع الورود"شوك" و"زهور"
//الكاتبه بنين عباس//
فإذا جن اليل....... بارت 11
راحن يوزعن الريوك وبقيت بوحدي بالمطبخ شويه
وسمعت صوت يكول
سرمد : هاا يبعد العافيه جنج ذبلانه
ايلين : طفرت ع صوته ورفعت راسي وشفته واكف
ووجها تعبان والهالات السود محاوطه عيونه كمت
وكفت ع حيلي من كام يكح قوي وانتبهت ع ايده
بيها كانوله بقيت اباوعله وعيوني تجمع بيها الدمع
من شفته استند ع الحايط ولزم راسه بيده
همست بصوت كوه طالع مني والشهكه حاشره
ببلعومي مسيطره ع نفسي بالكوه ماابجي كدامه
ايلين : شجابك غير تعبان
سرمد : واني اكدر اعوفج وماشوفج تمرضت بالزايد
واني بعيد عن وجهج تعلمت ع شوفتج شلون بيه
ايلين : ردت احاجي ودخلت وحده من اقاربنه للمطبخ
كاتبه : هذا لقب سري عكلو بيت ايلين و حوراء وبقيه
عكلو : ياا سرمد رجعت
سرمد : ايي رجعت خاله
عكلو: وشلون صرت جا المن غير ترتاح
سرمد : لا الحمد الله زين وهنا احسن شعندي
ابقى هناك وحدي واهلي وناسي هنا
رجع صاح يلا بويه ستعجلي نطينيهن ع السريع
عكلو : جا شعندك هناا تريد شي
سرمد : ايي اريد 4 خبزات
عكلو : ياا عمه جا ماتنطينه شمنتظره
ايلين : يي عمه جاي اريد انطي
وهو يستعجلني حتى متشك
سرمد : يلا ابويه انتي انطينياهن الولد منتظرين
ايلين : انطيته الخبز وراح
اجت يمي مقلصه عيونها كالت
عكلو: جا سرمد من شوكت هنا بالمطبخ كلتلها
ايلين : هسه وي دخلتج دخل قبلج بثواني
عكلو : اهاا جاا خوش
ايلين : خوشات عمه
رجعت كالت
عكلو: جا انتي شعندج هنا بالمطبخ
ايلين : البنات راحن يودن الريوك واني منتظرتهن هناا
ويه مخلصت كلامي هن كلهن دخلن للمطبخ يسولفن
طفرن كلهن من شافني واكفه وصاحن بصوت
شله البنات : بس لاا تريكتي وعفتينه
ايلين : باوعت العمتي ورجعت باوعتلهن. كتلهن
ايلين : لا بعدني بس جني ما اشتهي هن كبل افتهمن
عمتي غثتني لان هي متعوف واحد بحاله اذا
متضوجه جنه نسميها عكلو ومحد يعرف بس
احنه البنات حتى نحجي عليها براحتنه
من عرفن مضوجتني كبل شدن عبيهن ع خصرهن
تحزمن بيهن وكامن يهوسن ويدبجن ويصيحن
بنات : عكلو بالميدان دخيلك يالعباس دخيلك صارت
صوت عالي ودبجه قويه واني صار عندي واهس من
شفت سرمد وحجيت ويا واتحزم وادخل بنصهن.
وصعدت حجابي ع خشمي سويته مثل النگـاب وادبج
دبج زلم معدله وهي صافنه علينه وتصيح
عكلو: ياا شبيجن تسودنتن هسه تلمن الزلم علينه
وبقينه ندبج ونصيح
الكل :عكلو بالميدان ومن توصل دخيلك يالعباس
دخيلك نبقه نصيح هي هي هي وندبج بقيت ادبج
بنصهن شويه واحس صار هدوء وانتبهت البنات
واكفات وكل وحده مغطيه وجها وطلعه بس عيونها
وتضحك والتفت واشوف امي ونسوان عمامي
وخالاتي و سرمد وخالي وحمودي اخوي وعمي
ومهند واكفين وفاتحين عيونهم مصدومين من
عدنه شويه وتعالت صوت ضحكاتهم علينه
صاح عمي علي
علي : وعلي مو نسوان زلم معدله عدنه يلاا عيني
شباب شدو حيلكم خلي نروح نوزع جاي وماي للزوار
لان انتن مستحيل بنات وعدجن انوثه ورا الشفنا
منتظر : ولجن خليتنه نركض جنه مسودنين ع بالنه
صاير شي بالمطبخ نجي نشوف المهاويل مسطرين
بالمطبخ صاحت رقيه بته
رقيه : مو تدلل بويه
اني كلها بجهه ونظرات سرمد عليه المعرفت افسرها
بجهه ثانيه وفشلتي من عنده التمن البنات وصاح عمي
علي : هاا ايلين شو رجعتي مو جنتي مترأسه القائمه
تعاي بعد عمج دخلي ولتستحين ويضحك عليه
ايلين : ياا عمو جا هو بس اني غير كلنه
رد كرار و هو يضحك
كرار : والله لو ادري جان من اطلع اطلعج خوش دبج
ايلين : ضحكنه و بعدها التمينه كلنه عليه وكمنه نهوس
ونصيح حسين يمشي الزاير والعباس يتجيله ودخلو
يهوسون ويانه ويدبجون كلها التمت بالمطبخ
وكامو يهوسون النوب جابولنه سماعه بالمطبخ نشغل
قصائد ووجابولنه سمج حتى ننظفه ونسوي للغده
وقبل لنشتغل ونشغل السماعه وكف عمو علي وصاح
علي : بويه كل قطرة عرك تنزل منكم وكل تعب
تتعبونه وكل خطوه تخطونها مسجله وتشفعلكم بالدتيا
قبل الاخره شدو حيلكم ومايقصرون اهل البيت خله
جسمنه يقشعر من حجيه وخلانه نشتغل بواهس
ونتعارك ع الشغل كلمن تريد تلزملها شغله
يتبع....
//الكاتبه بنين عباس//
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!