رواية فأذا جن الليل الفصل الثالث عشر 13 - بقلم الكاتبه بنين

                  بسم الله الرحمن الرحيم

الاهتمام لا يأتيك إلا من شخص يريدك فلا يسأل عنك إلا
من يفتقدك ولا يفتقدك إلا من يلاحظ مساحة الفراغ من
بعدك والإهمال لا يأتي إلا من اثنين إما شخص لديه بديل
أو شخص لا يريدك أساسا الظروف بريئة فهناك من يختلق
الاعذار ليرحل وهناك من يختلق الوهم ليبقى وشتان ما

//الكاتبه بنين عباس//

                      فإذا جن اليل...... بارت 12

ايلين :مشت الايام واني يوميه اشوفه وميبطل حركاته لو يغمز لو يشمرلي حجايه من غير كل شويه يدزلي اكل لو حلويات يشتريلي بايد كرار واني ماقبل

وارجعهن اله ويجي يتعارك وياي حتى اخذهن
مره اجاني كرار شايل علاكه مثل العاده

كرار : هاج دزاها الج  سرمد

ايلين : ما أريد اي شي رجعها اله

كرار : واني امشي ع كيفكم يا ودي يا جيب

ايلين : ما كتلك روح جيبلي ترا

كرار : لعد خلي سرمد يصرف وياج

ايلين : تعال لك تخوفني شنو هاا

كرار : لا يابه ما اخوفج بس هو يجي احسن

ايلين : راح كرار واني رحت اكمل ويا بنات دخل
سرمد حواجب معكوده ويباوعلي ويخنزر سويت
نفسي ما منتبها اله ومتكده  راح اخذها راسي فوك رجلي وضليت كل شوي اباوع الكا يراقبني وين ما امشي صاح علي كدام الكل خلت جسمي يرجف
هسه لو من الاول ماخذه علاكه مو احسن من هسه
الكل صافن علينا اخخخ ولا ابطل عناد درت وجهي اله

سرمد : اكوول ايلين

ايلين : جمدت مكاني رغم الحر بقيت صافنه
حجت امي

ام ايلين : يمه مو يصيحج الولد شبيج صافنه

ايلين : هاا ماما ما انتبهت شتريد

سرمد : ها اكول جيبلي مي

ايلين : رحت جبتله مي من صرت قريبه منه
حجه بصوت ناصي

سرمد : هاي اخر مره ترجعين شي الدزه الج
راح اروح ويجي كرار يجيبلج وذا رجعتيها
لا  تلومني

ايلين : من اباوعله انسه كلشي عنادي وعصبيتي
واكون انسانه ثانيه هزيت راسي معنى ماشي
وهذا كدرت علي طبعاا

سرمد : عفيه شطورتي

ايلين : بتسمت شافني بتسم وطلع

  الحد مصار اخير يوم النه بالحسينيه وكلنه التهينه انلم بالغراض جنت بالقاعه اني شويه وانتبهت احد يأشرلي من الشباك

لكيته سرمد رحتله وصرنه ورا القاعات بقيت مدنكه راسي والعب برجلي متوتره وقلقانه لان وحدنه وخاف يجينه احد هو هم بقه ساكت شويه وكالي

سرمد :شلونج يحيلي وحالي

ايلين :  احس رعشه سرت بجسمي من سمعت هيج كال بالكوه جاوبت

ايلين : الحمدلله زبنن

سرمد :  من هسه طك كلبي بويه وتاليها شلون
تعودت عيوني على شوفتج يوميه

ايلين : مدري

سرمد : شنو المدري يبعد المدري

ايلين : مدري يعني مدري

سرمد : ياعلي كتلتني بفهاوتها ولج عليتي گلبي

شويه وتحول كلامه للجديه

سرمد :  شوكت تفضينها وتعترفيلي واحنه اليوم اخير يوم هالمكان يجمعنه

ايلين : بعدني ممستعده

سرمد : الشنو بعدج ممستعده

ايلين :  لهواي اشياء وماعرف نفسي شاريد باوعلي بنظره معرف افسرها وكالي

سرمد : هاهيه بويه براحتج بالج ع نفسج واكلي زين لتهملين روحج

وعافني وراح ومبين عليه زعل بقيت اكل بنفسي
والوم بروحي والنوب ارجع اكول لا السويتي صح افتهمي نفسج شتردين احسن متورطين الرجال

وياج وبقيت بين نارين رجعت اكمل وياهم نسوي الغراض وبالي يمه وكل شويه اطلع اشوفه يشتغل
والجكاره مطاحت من حلكه ويعيط ع اقل شي كملنه

كلشي ردنه نصعد بالسياره وتلاكه ويانه سلمت عليه امي وصعدت بالسياره ردت اصعد وشفته دنك سوه نفسه يعدل بالبنطرون وكالي

سرمد : بحفظ الله يبعد حيلي

ايلين : كالها وكبل عدل وكفته ورفع ايده وسلم وصاح

سرمد :بويه ابرونه الذمه خاف طلع مني شي مو حلو لو ضوجتكم

الكل رد علي والنعم منك ماقصرت شلتنه
شيل ودوم تركض كدامنه ينطيك مرادك الحسين
ان شاء الله

صاح عليهم 

سرمد :  يي والله ادعولي محتاج الدعائكم

جان من يحجي كل شوي يلتفت علي
واني تاخذني نظراتي اله والكه روحي
صافنه علي وعلى كل حركاته و ما اعرف سبب

حركت السياره وعفنه كلشي حلو ورانه واحلى
ايام بكل سنه جنه نحسبلهن حساب خلصت
ومن هسه راح يصيرن ذكرى كلما نحن الهن نرجع

نسولف بيهن مشت الايام سريع بين البيت ومدرسه
وبهذاك اليوم بتحديد صار الي ما توقعته يصير
بيوم من الايام بس بلعكس صار وخلاني بصدمه

.....

يتبع....

//الكاتبه بنين عباس//

لا رغبه لدي واكأني هذه المره تخليت عن كل رغباتي...

اعرف بارت قصير بس حبيت انزل الكم بارت