رواية عشقتها ولكن الفصل السادس عشر 16 - بقلم دينا دخيل

عند ريان اسراء قامت من النوم وافتكرت أنها بقيت مرات ريان الأسيوي وطالبت تبص عليه جنبها وهو نايم وهي مبتسمة. وبعدها هو فاق وفتح عيونه. اسراء: صباح الخير. ريان بابتسامة: دا صباح الحلويات. أحلى صباح في الدنيا من يوم ما اتولدت. اسراء: هههههههههههه اتعود بقا على الصباح ده. وقوم يالا خد شاور واتوضى عشان تصلي بيا إمام. ريان: ربنا يباركلي فيكي يروحي ويجعلك زوجة صالحة ليا دايما. اسراء: حبيبااااي. ريان: وانتي قلبي.

اسراء بدلع: رياااان بقا قووم مش هنخلص كدا. ريان: هو بعد ريان دي المفروض أقوم؟ اسراء: هههههههههههه خلاص هسكت يالاااا. ريان: إنتي تؤمري يا ملكتي. وقام. وهي فضلت باصة عليه وهي مبتسمة وفرحانة. وخرج ريان وهي دخلت أخدت شاور واتوضت. وريان صلي بيها و... ريان: ها ياستي تحبي ننزل نفطر تحت ولا أخليهم يطلعوا الفطار هنا؟ عشان شوية وهنسافر. اسراء: خلينا ننزل تحت عشان أقعد مع طنط وسما شوية قبل ما نسافر. ريان: ماشي يقلبي يالاا.

اسراء لبست عباية استقبال ونزلت مع ريان تحت. سما: صباح الخير على أحلى عرسان. اسراء: صباح الفل يقلبي. ريان: صباح النور يحبيبتي. سما: قمرات ما شاء الله. اسراء: حبيبتي تسلميلي. سميرة: صباحية مباركة يا حبيبي. ريان: الله يبارك فيكي يماما. إسراء: الله يبارك فيكي يطنط. سميرة ابتسمت ليها بغيظ. يالا عشان تفطروا. ريان: اه يالاا عشان هنسافر كمان كام ساعة. سما: أيوه يعم شهر عسل بقا. سميرة بصدمة: تسافر!!!! تسافر فين؟

ريان باستغراب: باريس يا ماما. أسبوع كدا نتفسح براحتنا. سميرة: اهااا. سميرة بتفكر لما يسافروا هتحط الحبوب لإسراء إزاي ودي كانت مشكلة بس... سميرة: هبعت معاك سامية عشان تنضف البيت هناك. ده بقاله كتير متنضفش. ريان: واخدها ليه؟ ما ممكن أطلب أيه حد من هناك. سميرة: لا هي آمين وكمان هتريح مراتك. عشان مش هتروح تنضف وتطبخ وهي لسه عروسة. ريان: خلاص ماشي. وخلصوا فطار وكان أهل اسراء وصلوا يباركولهم ويسلموا عليهم قبل ما يسافروا.

واسراء طلعت لبست النقاب عشان عبدالرحمن. ونزلت قعدت معاهم هي وريان وسما. وكان عبدالرحمن كل شوية يخطف نظرة لسما. وهي بتعمل مش شايفاه و.... حنان: هنمشي بقاا. ريان: ليه يا طنط لسه بدري. ليلى: عشان لسه هنروح لأمل. وكمان تلحقوا تجهزوا نفسكم للسفر. اسراء: ماشي. وسلمت عليهم وودعتهم. وهما مشيوا. وريان واسراء طلعوا يجهزوا شنطهم للسفر لباريس. سميرة: بصي يا سامية شايفة علبة الحبوب دي؟

تحطي كل يوم حباية منها لإسراء في عصير أيه حاجة. سامعة؟ سامية: حبوب أيه دي يست هانم؟ دي حبوب منع حمل صح؟ سميرة: ملكيش دعوة. إنتي تسمعي الكلام وإنتي ساكتة وإلا تعتبري نفسك مطرودة وعيالك شوفي هتوكليهم منين. سامية بخوف: لا لا طرد أيه. خلاص حاضر هعمل اللي حضرتك تقولي عليه. سميرة: طب يالا جهزي نفسك. سامية مشيت بخوف. هي مش عايزة تعمل كدا بس مغلوبة على أمرها. ولا زم تنفذ كلام سميرة وإلا عيالها هيتشردوا. عند مالك وأمل

أمل نايمة وهو صحي قبلها ومسك وردة بيضايقها بيها على وشها لحد ما صحيت. مالك: صباحية مباركة يا أجمل عروسة في الدنيا. أمل بنوم: صباح الخير. مالك: يالا قومي بلاش كسل بقا في سفر بعد العصر. أمل: حاضر. هقوم أحضر الفطار. مالك: الفطار جاهز يقلبي... أهو. وجاب مالك من جنبه صنية أكل وحطها على السرير. أمل بابتسامة: جايبلي الفطار لحد السرير. إيه الدلع ده. مالك: هو أنا عندي غيرك أدلعه.

أمل: هههههههههههه بس أنا كدا هتعود على الدلع ده وإنت هتتعب كدا. مالك: السينيوريتا أمل تتعود براحتها وأنا تحت أمرها. أمل: بحب كلامك اووي يا مالك. مالك: وأنا بحبك اووي يقلب مالك. ويالا نفطر بقاا عايز الصينية دي تتمسح. أمل: حاسة إنك بتكلم بنتك هههههههههههه. مالك: إنتي فعلا بنتي وأمي وأختي وصحبتي وأهمهم مراتي وحبيبتي. ماليش حد يا أمل غيرك إنتي وريان دلوقتي. أمل: وأنا هملالك حياتك كلها وهخليك أسعد واحد في الدنيا.

مالك: ربنا يخليكي ليا وميحرمنيش منك أبدا. أمل: ولا منك أبدا. وقعدوا فطروا وهما بيضحكوا ويهزروا. وبعدها قاموا أخدوا شاور وصلوا. وقامت أمل تحضر الشنط عشان السفر لتركيا و.... مالك: هروح أشوف مين على الباب. زمانهم عمي وطنط. أمل: ماشي وأنا هغير هدومي وهنزل يحبيبي. ونزل مالك فتح الباب وكانوا أهل أمل. وسلموا عليه وباركوله. وأمل لبست عباية جميلة ونزلت سلمت عليهم وباركولها. و.... أمل: بس انتو اتاخرتوا على ما جيتوا ليه؟

حنان: كنا عند اسراء يا حبيبتي. أمل: وحشتني والله أول مرة أبعد عنها دا كله. مالك: دا يوم يقلبي هههههههههههه. أمل: أصل أنا وأسراء يمالك دايما مع بعض حتى كنا بنام في أوضة واحدة. فهي طبيعي توحشني. مالك: كدا كدا الفيلا هنا جنبنا. خمس دقايق بالعربية. حنان: بس هما زمانهم سافروا. تبقي تشوفيها لما تيجوا بقا يا حبيبتي. أمل: ماشي خلاص. سالم: هنقوم نمشي بقا. مالك: يا عمي انتو لسه جاين. سالم: يبني إنتوا عندكم سفر. عشان منعطلكوش.

أمل: ماشي يا بابا هتوحشوني. وسلمت عليهم كلهم وهما مشيوا. وهما طلعوا يلبسوا عشان يلحقوا طيارتهم لتركياا. اسراء وريان سافروا باريس. وقعدوا في بيت لريان هناك واسراء كانت منبهرة بيه وبالديكور بتاعه. وريان أخد اسراء في كل الأماكن المشهورة في باريس وكان ريان بيشتري أيه حاجة بتعجب اسراء. وكان كل يوم يعملها مفاجأة وهي كانت فرحانة اووي. وبتتمنى ربنا السعادة والحب ده يدوم وقضوا أحلى أسبوع في حياتهم.

وكان فيه معاهم سامية اللي بتحط لإسراء الحباية كل يوم بأوامر من سميرة. واسراء مكنتش تعرف وكانت بتاخدها من غير ما تحس. ومالك سافر مع أمل تركيا في شاليه هناك. ودي كانت أمنية أمل إنها تسافر تركيا وكانت فرحانة اووي. ومالك كان بيخرجها كل يوم في كل مكان في تركيا. وكانوا بيخرجوا بالليل ويشربوا شاي بطريقة. وياكلوا من الأكل المشهور بتركيا واشتروا حاجات كتير من المحلات بتركيا. وكان أجمل وقت أمل تقضيه بفرحة وسعادة بالطريقة دي.

ومع مالك حبيب قلبها. وكانت زعلانة إن الأسبوع خلص بس مالك وعدها إنه هيجيبها هنا تاني. وكان في سامح اللي مراقبهم وكان عارف إنهم مسافرين. سامح: ترجع بس يا مالك وأنا هدبر خطة أقتلك بيها. ههههههههههه وأتجوز أمل. وجه اليوم اللي هيرجع من السفر فيه. أمل ومالك واسراء وريان. سما كانت فرحانة اووي وخليت الخدم يعملوا كل الأكل اللي بيحبوه. وسميرة كانت فرحانة بس بطريقة تانية. وهي إن اسراء كدا هتبقى تحت عينيها وتعرف تتصرف معاها.

ومالك كان متفق مع ريان إنه يعمل مفاجأة لأمل. وبردو لإسراء. وهي لما يرجعوا ريان واسراء يلاقوا أمل ومالك في الفيلا. يسلموا عليهم. وكان أمل ومالك هيرجعوا في نفس اليوم اللي هيرجع فيه ريان واسراء بس الصبح وهما بالليل. ورجع مالك وامل بيتهم. غيروا هدومهم وريحوا شوية وبعدين.... مالك: البسي يقلبي عشان خارجين. أمل: بجد.. رايحين فين؟ مالك: مفاجأة البسي يالاا. أمل: ياااني على مفاجأتك حاضر هوااا. وباسته من خده. وراحت تلبس.

مالك: هههههههههههه متجوز طفلة ياربي. ولبسوا ومالك أخدها الفيلا بتاعت ريان. أمل: مش دي فيلا ريان. إحنا جايين ليه طالما هما مسافرين؟ مالك: لا ما هما هيرجعوا النهارده. وعارف إن اسراء وحشك فقلت أجيبك هنا عشان تشوفيها أول ما تيجي. أمل بحب: إنت أعظم راجل في العالم. بحبك اوووووووي. مالك: وأنا بعشقك أقسم بالله. أمل ضحكتله. وبعدها دخلوا البيت وسما رحبت بيهم. وعرفوا إن ريان واسراء على وصول.

ولما وصلوا وسمعوا صوت العربية قفلوا النور و.... ريان: أومال هما نايمين ولا إيه؟ اسراء: مش عارفة إيه الضلمة دي. بس نايمين أيه إنت لسه مكلم سما. وفجأة النور فتح وامل طلعت تجري على اسراء وحضنتها اوووي. اسراء: وحشتيني اوي يا موله. أمل: وإنتي كمان يا سووو. ومالك حضن ريان. مالك: وحشتني يااض. ريان: وانت كمان. سما سلمت على أخوها وإسراء، اللي بقوا زي الأخوات. وسميرة جت سلمت عليهم.

وقعدوا كلهم يحكوا عملوا إيه وهما مسافرين، والأماكن اللي زاروها في تركيا وباريس. وقعدوا يضحكوا ويهزروا. وبعدين أكلوا مع بعض. وشوية ومشي مالك وأمل لبيتهم، عشان ريان وإسراء يرتاحوا. على اتفاق مالك وريان ينزلوا الشركة بكرة، لأن مفيش حد هناك بدلهم في الشركة. ولازم يشوفوا شغلهم المتأخر.