رواية عشقتها ولكن الفصل الأول 1 - بقلم دينا دخيل

المنبه بيرن الصبح في أوضة إسراء وأمل. إسراء بنوم: أمل... أمل. أمل بنوم: أمممممم. إسراء: قومي يالا. أمل: يست سيبيني أنام شوية، قومي إنتي. إسراء بنوم: أمممممم ماشي 😴. وبعد ساعتين بعد ما المنبه رن، قامت أمل وإسراء. إسراء: عجبك كدا بقينا الضهر. أمل: وإنتي مقومتيش إنتي ليه. إسراء: يعني أسيبك نايمة لوحدك يعني مقدرش 😂. أمل: طب يالا نعمل فطار، وعايزين ندور ع شغل بقا. إسراء: أه فعلا...

من يوم ما اتخرجنا قاعدين في البيت، وأنا مليت أوي. أمل: وأنا جدا والله، يالا نقوم كفاية كسل. وقاموا رتبوا البيت وفطروا وقعدوا يدوروا ع النت ع شغل مناسب لدراستهم. أمل: بت... ابت، لقيت إعلان في شركة عايزين موظفين والإنترفيو بكرة. إسراء: شركة إيه؟ أمل ماسكة الفون وبتقرا: اسمها الأسيوطي للعمران. إسراء: شكل من اسمها إنها مشهورة، طب هما عايزين كام موظفة، احنا اتنين ي فلحة.

أمل: في الإعلان مش محددين، قالوا موظفين، وفي ورق مطلوب، تعالي نقوم نجهزه بقا. إسراء: أشطاا يالااا، ياااه أخيرا هنعمل حاجة بدل الملل دا. أمل: يست إنتي شوفتينا لسه اتقبلنا. إسراء: إن شاء الله هنتقبل، تعالي نشوف هنلبس إيه بكرة. أمل: بقولك الورق نجهزه تقوليلي لبس، بس تصدقي عندك حق، يالا نختار هدومنا ونبقى نجهز الورق بالليل 😂💃. ونسيبهم يختاروا لبسهم ونروح لريان.

ريان لبس بدلته الكحلي وسرح شعره ورش البرفيوم المميز بتاعه ونازل من أوضته. ريان: صباح الخير ي نوجاآآ. نجوي: حبيب قلبي صباح النور. سميرة: يعني قولت لجدتك صباح الخير ومقولتش لمامتك يعني. ريان: صباح الخير. سميرة: ومالك بتقولها كدا لي. نجوي (جدته أم أبيه) : في إيه ي مرات ابني ما قالك صباح الخير. سميرة: يعني ما شوفتيش طريقته اللي بيعاملني بيها، آآاه ما إنتي اللي مقويتيه عليا.

ريان: ماماااا، إنتي عارفة كويس إنها عمرها ما قوتني عليكي ولا كرهتني فيكي، بالعكس هي اللي ربتني واهتمت بيا لما حضرتك كنتي بتسيبيني وتروحي تشوفي صحباتك في النادي وتسافري، ف لو سمحتي كفاية بقا. ولف لجدته باس إيديها ورأسها: مش عايزة حاجة ي نوجاآآ. _عايزة سلامتك ي قلب نوجا. وطلعت سميرة أوضتها وسابتهم. مالك: نوجاآآآآآ. _يا لهوي خضتني ي مالك... كل يوم كدا. ريان: إنت مش هتبطل هبل يعني وتعقل شوية. مالك: لا لا أحبوش.

نجوي: هههههههههههه والله إنت هتموتني مرة ي مالك. مالك: بعد الشر عليكي ي قمر إنتي، بفكر أجوزك ي نوجا وإنتي بتحلوي كدا. نجوي: هههههههههههه يالا بقا كل بعقلي حلاوة. مالك: أبدا 😌😂. نجوي: وبعدين أتجوز بعد جوزي الله يرحمه ازاي بس، هو كان في زيه و... مالك بهمس لريان: يالاا نهرب بسرعة جدتك هتفتح وتقعد تفتكر جدك وأمجادهم مع بعض 😂. ريان: مش إنت اللي فتحتها، استلم بقا.

مالك: ونعم الصحاب 🙂، نوجا حبيبتي هنمشي بقا في أشغال ورانا، وإنتي اقعدي افتكري رومانسياتك إنتي والحاج الله يرحمه براحتك 😂. ريان: أصل إنت فالح في شغل أوووي. مالك: أه طبعا، دا الشركة من غيري تقع ي بيبيبي. ريان بقرف: بيبي إيه ي أهبل، بتكلم ابن أخوك. مالك: خلي العقل ليك ي حبيبي هيهيهيهيهيهيهي. ريان ضحك من طريقة صحبه: ي بني ي خربيتك هتشلني قدامي يالااا. مالك: يالا. ركب ريان عربيته ولقى مالك بيركب جمبه.

ريان: كمان هتركب معايا، فين عربيتك. مالك: أصل اتخبطت إمبارح ووديتها... ريان بخضة: طب إنت كويس... حصلك حاجة. مالك بابتسامة: أه الحمد لله محصلش حاجة متقلقش، وبمزح للدراجاتي خايف عليا ي قلبييييييي. ريان: إنت ي بني اتكلم جد شوية خضتني عليك، يالا نمشي. مالك: أبو الصحاب متقلقش، صحبك أسد. ريان: أه ما أنا عارف 😂. وصل ريان ومالك الشركة عشان شغلهم. الهام قاعدة مع سميرة في النادي. الهام: وحشاني أوووي ي طنط... ماما بتسلم عليكي.

سميرة: الله يسلمها ي قلب طنط، بس إيه الحلاوة دي. الهام بجد: ي طنط يعني هعجب ريان. سميرة: طبعا ي حبيبتي، ما أنا مش هجوزه غيرك. الهام: يارب ي طنط، أنا بحبه أوووي ونفسي يبصلي حتى. سميرة بمكر: هيحصل متقلقيش. استووووب نقف عند الهام، تبقى بنت صاحبة سميرة، مغرورة جدا وبتحب الفلوس وعشان كدا نفسها تتجوز ريان، لبسها ضيق وقصير وبتحط ميكب أوفر... بتسهر طول الليل مع صحابها في النايت كلوب...

معندهاش حدود لحاجة، بتعمل اللي في دماغها. ونرجع لأمل وإسراء. أمل: كدا جهزنا اللبس وورقنا، يارب نتقبل بكرة بقا. إسراء: يارب ي حبيبتي، تعالي نصلي قيام وندعي. أمل: يالا بينا. وصلوا ودعوا ربهم وخلصوا. أمل: إسراء. إسراء: أنا جعانة. أمل: وأنا كنت هقولك كدا أصلا 😂. إسراء: طب قومي نشوف حاجة ناكلها ونسهر ونشوف فيلم حلو. أمل: أشطااا فيلم كوميدي لمحمد هنيدي. إسراء: أشطاااات. وقعدوا واكلوا وسهروا مع بعض.

أمل: يالا ننام بقا عشان ورانا إنترفيو بكرة. إسراء: أه يالاا، أنا خايفة نقوم نقفل المنبه وننام والله 😂. أمل: نفس إحساسي القذر، أصل احنا مالناش نشتغل احنا بنحب المرقعة 😂. إسراء: هو في أحلى منها 😂، يالا تصبحي ع خير. أمل: وإنتي من أهله ي حبيبتي.