رواية عشقتها ولكن الفصل الثاني 2 - بقلم دينا دخيل

إسراء وأمل استيقظتا على صوت موبايل أمل وهو يرن. أمل بنوم: الو. _الو... انتي لسه نايمة يا كسلانة. أمل: عبد الرحمن عامل إيه. _أنا بخير الحمد لله... قلت أصحيكوا بما إننا رايحين نشوف الشغل النهارده وعارف إنكم مش هتقوموا على المنبه. أمل بتذكر: آآآه دا إحنا كده هنتأخر. إسرااااااااااء إسرااااااااااء قومي هنتأخر. أمل: ماشي يا بودي هقفل بقى عشان يدوب نلحق. إسراء: شكراً يا أسطى. وقفت أمل مع أخوها.

إسراء وهي تبص في الساعة: يا ربي دا إحنا يدوب نلبس ونمشي. أمل: آه يلا. ولبست أمل فستان تركواز وعليه خمار كحلي. وإسراء لبست فستان موف غامق وعليه خمار ونقاب أسود. وركبوا تاكسي للشركة. وصلت أمل وإسراء على عنوان الشركة اللي انبهروا من جمالها ودقة تصميمها. إسراء: الله جميلة أوي الشركة دي. أمل: آه جداً وما شاء الله كبيرة أوي. يارب نتقبل فيها. إسراء: يارب. وطلعت أمل وإسراء وقابلوا السكرتيرة.

هناء: تمام يا آنسات ممكن تتفضلوا هنا مع باقي اللي مقدمين لحد ما يوصل المدير ويعمل الإنترفيو معاكم. إسراء: تمام شكراً لحضرتك. وقعدت أمل وإسراء مع باقي البنات. واللي كانوا معظمهم لبسهم يظهر أكتر ما يستر من أجسامهم. إسراء: إحنا وقعنا في كباريه ولا إيه يا أمل. أمل: هههههههههههه تقريباً كده. تقريباً كمان طالعين من عند نقاش على هنا على طول. إسراء: طب بس بقى عشان ما ياخدوش حسنات على قفانا إحنا.

أمل: أهم حاجة بس نتقبل أنا أصلاً خايفة. إسراء: إن شاء الله خير. ودخل ريان ومالك الشركة بهيبتهم المعتادة. واللي أول ما دخلوا التفتوا ليهم كل البنات وبدأوا يتهامسوا ما بينهم. شوفي قمرات إزاي. يالهوي على الهيبة بتاعتهم. مزز أوي. شامين ريحة البرفيوم فظيعة. وإسراء وأمل استغربوا منهم لأن صوتهم كان عالي واللي أكيد وصل لريان ومالك وإنهم إزاي مش مكسوفين من كلامهم.

مالك وريان لما دخلوا سمعوا همسات البنات بس لفت نظرهم إسراء وأمل لأنهم كانوا هما بس اللي يعتبر مش بيبصوا عليهم وكمان لبسهم مختلف عن باقي الموجودين. هناء: صباح الخير مستر ريان. صباح الخير مستر مالك. مالك: صباح الخير يا هناء مين البنات دول. هناء: دول اللي مقدمين على الوظيفة حضرتك. ريان: تمام يا هناء ربع ساعة وهنبدأ الإنترفيو. هناء: أوك مستر ريان. ودخل ريان المكتب ومعاه مالك.

مالك: إيه يا عم البنات اللي هناء جايباهم دول شكلهم مش شغل أصلاً. ريان: ليه يعني بتقول كده. مالك: لييييه... إنت بتسأل دا اللي ماسكة المراية واللي ماسكة مبرد ضوافر وشكلهم جايين يتجوزوا. ما عدا كام واحدة. ريان: هههههههههههه ما يمكن الكام واحدة دول ينفعوا دلوقتي نشوف مش هنحدد من مظهرهم. مالك: ماشي. وبدأ الإنترفيو. جاء دور أمل. مالك: اتفضلي يا آنسة أمل. أمل: شكراً لحضرتك. ريان: ممكن السي في بتاعك. أمل

وهي بتدي السي في لريان: اتفضل. وقعد ريان يسأل أمل كام حاجة لحد ما خلص الإنترفيو. ريان لمالك: مالك.... ماااالك. مالك: احم.... نعم. ريان: في إيه إنت سرحان. مالك: لا مفيش حاجة أنا مركز أهو. تمام يا آنسة أمل استني تليفون مننا بخصوص الإنترفيو. وبيمد مالك إيده يسلم عليها وهو بيديها السي في بتاعها. أمل: احم آسفة مش بسلم على رجالة. تمام هستنى تليفون من الشركة. وأخدت أمل الورق بتاعها وقالت: عن إذنكم وطلعت.

ريان: لا والله يعني طول المقابلة دي سرحان. وبيققلد صوت مالك: استني تليفون مننا بخصوص الإنترفيو وبتسلم عليها كمان. يحنييييييين. مالك: إيه يا ابني مفيش حاجة عادي يعني كنت هعمل كدا مع أي حد. ريان: اممممم أصل قبل البنت دي كان في بنات كتير محصلش كدا ليه. مالك: عادي يا ريان ف إيه. يلا نكمل الباقي بلاش لكك كتير. ريان: يلااا. ودخلت إسراء وقدمت السي في بتاعها. وكانت الوحيدة المنتقبة بين البنات.

مالك: السي في بتاعك تمام يا آنسة إسراء. إسراء: يعني في أمل أتقبل. مالك: إن شاء الله بس النقاب.... إسراء: ماله.... هو في مشكلة. مالك: يعني إحنا مشتغلش معانا قبل كدا منتقبات ف قلقان إنه يبقى عائق في الشغل. إسراء: عائق!! معتقدش حضرتك إنه كدا وأنا شغلي ماليش أي علاقة بالنقاب وإن شاء الله لو اشتغلت مع الشركة هبقى قد المسؤولية بس لازم تبقوا عارفين إن مش هقلعه حتى لو مش هتقبلوني.

ريان اتفاجأ من كلامها بس الأكيد أنه عجبه طريقة كلامها. ريان: خلاص يا مالك. تمام يا آنسة إسراء لو اتقبلتي هتتقبلي بيه ومش هيبقى عائق واستني تليفون من الشركة. إسراء: شكراً جداً لحضرتك يا مستر ريان. عن إذنكم وخرجت إسراء لأمل اللي ركبوا تاكسي ورجعوا البيت. إسراء: كنت خايفة من حتة النقاب دي أوي. أمل: الحمد لله إنهم قالوا عادي. بس يارب نتقبل. أنا خايفة أوي. إسراء: وأنا والله ربنا يستر. عند ريان ومالك.

مالك: أخيراً خلصنا الواحد تعب. أووف. ريان: ومين سمعك يا ابني.... أصلاً نص البنات دي ملزقة وزي ما إنت قلت مش جاين للشغل. مالك: إلا من رحم ربي منهم. إنت قررت هتقبل مين ﮱ. ريان: آه.... بص هتلاقيهم في الكشف هنا راجع كدا وقولي. مالك مسك الورق وبيبص فيه. تمام أوي هخلي هناء تكلمهم بقى ويبدأوا من بكرة. ريان: تمام. إسراء: موبايلي بيرن. أمل: طب ما تردي. إسراء: دا رقم غريب..... اممم أما أرد أشوف.

وردت إسراء وكانت هناء بتبلغها إنها اتقبلت في الشغل ومن بكرة تيجي الشركة تستلم شغلها مع مستر ريان. إسراء: عاااااااااا اتقبلت يا مولة اتقبلت 💃. أمل بفرحة: بجد كويس جداً مبروك يا حبيبتي. وأمل لقت موبايلها بيرن وكانت هناء بتعرفها إنها اتقبلت وهتشتغل من بكرة مع مستر مالك. أمل: اتقبلت أنا كمان يا سوسو 💃. إسراء: الحمد لله. يلا نصلي نشكر ربنا. أمل: آه يلا. وصلت إسراء وأمل وحمدوا ربهم على الشغل. وناموا عشان يقوموا بدري للشغل.

وكل واحدة كانت سرحانة في مستقبلها وشغلها. إسراء وشغلها مع ريان اللي لاحظت إنه جادي جداً وشكله شديد في شغله. وأمل وشغلها مع مالك اللي ارتاحت ليه بس بردو قلقانة لأنها أول مرة تشتغل في شركة كبيرة كدا.