رواية عشقتها ولكن الفصل الثالث عشر 13 - بقلم دينا دخيل

سما... رياااان ... انت رايح فين ومتشيك كدا؟ ريان.. انا ومالك هناخد اسراء وامل ونخرجهم وعاملين لهم مفاجأة. سما ... مفاجاه ايه هااا؟ ريان.. هههههه لا مش قايل. سما ... طب ينفع اجي معاك ... بليز بليييييز؟ ريان... هو بعد بلييز دي هقدر اعترض؟ يالا البسي وهستناكي في العربية تحت متتاخريش. سما باسته من خده... ربنا يخليك ليا يارب. ريان.. يالا يا بكاشه خلصي. سما... ههههههه حاضر.

ونزل ريان واستنى سما، وبعدها نزلت وهو مشي على بيت اسراء. وكان مالك وصل البيت قبله. وطلع ريان وسما فوق عندهم، وسلموا على أهلهم، وهما ضيفوهم وقعدوا لحد ما اسراء وامل جهزوا. ريان.. هناخد اسراء وامل نخرجهم بس مشوار يعمي ونرجع. محمد ... ماشي يا ريان ... خلي بالك منها. ريان ... في عينيا. سالم... طب عبدالرحمن هيجي مع أمل ويبقي معاكم عشان متخرجش مع خطيبها لوحدها. مالك ... ماشي يعمي ... مفيش مشكله.

يالا بينا عشان نلحق اليوم من أوله. أمل وآسراء كان عندهم فضول يعرفوا خارجين فين وهيعملوا إيه، بس كانوا فرحانين. ركبت اسراء وسما مع ريان. وركبت امل وعبدالرحمن مع مالك. ووصلوا لمكان عبارة عن حديقه فيها زرع وورود كتيرة. ونزلوا ودخلوا الحديقه دي. أمل باستغراب... احنا هنعمل ايه هنا؟ اسراء.. اه ... انا مش فاهمه حاجه خالص. ريان ... احنا مستنين الفوتوجرافر علشان هياخد لينا صور وهنعمل فوتو سيشن. اسراء بفرحه ... بتهزروووووا؟

امل .... بجد هنعمل سيشن الله ... كانت من أمنياتي. مالك ... ومالك ميقدرش يبقي امل حياته نفسها في حاجه وميحققهاش. أمل كانت بتبصله بفرحه وبحب اوووي. سما ... طب انا كدا حاسه إن ماليش لازمه. عبدالرحمن... هههههه تقريبا وانا كمان. ريان .... لا ليكم. هتتصوروا معانا بردو في الاخر متقلقوش، وممكن تقعدوا هنا على ما نخلص. اوك. سما وعبدالرحمن قعدوا على ترابيزه في الحديقة دي، وكانوا قاعدين يبصوا عليهم وهما بيتصوروا.

والفوتوجرافر وصل، واخد ليهم صور جميله جدا. بس طبعًا ريان كانت معظم الصور واسراء في حضنه، ودا كان مخليها متوترة ومكسوفة جدا. ريان ... على فكره لسه مقولتليش بحبك. اسراء... احم ... ولا انت ع فكره. ريان ... اي دا بجد؟ طب بحبك بحبك بحبك بحبك اكتر من حياتي. اسراء... وانا كمان. ريان بخبث ... وانتي كمان ايه؟ اسراء ... ريااااان متكسفنيش انت فاهم. ومش هقول حاجه. ريان...

هههههه ماشي متزوقيش بس هسمعها بردو، وغمزلها بعينه وهما بيتصوروا. وهي اتكسفت اووي وقلبها بيدق بصوت عالي. عند مالك، اخدوا صور تحفهه جدا، بس طبعًا في مراعاة لعدم اللمس لأنهم مخطوبين. بس مع ذلك عملوا سيشن حلو اوووي وصور باين فيها الحب لبعض. مالك ... يارب تكوني مبسوطه. أمل بفرحه ... جداا جدااا فوق ما تتخيل. مالك .... اعيش وافرحك يا امل حياتي. أمل ... إيه حكايه أمل حياتي دي بقا؟ مالك...

ما إنتي فعلا الأمل اللي مخليني عارف أكمل حياتي. أمل... ربنا يخليك ليا يا رب. مالك .... امل انتي معندكيش غير ربنا يخليك ليا. أمل.. هههههه لا عندي ربنا يفرحك. مالك... انتي ليه متقمصه دور أمي وهي بتدعيلي؟ والله الواد ريان دا اللي هايص هناك أهوو في الصور، وأنا ربنا يخليك ليا. أمل... لما نتجوز أبقي اقولك متقلقش. مالك ... ما أنا مش عارف إنتي عايزانا نكتب الكتاب يوم الفرح ليه؟

أمل.. عشان كان طول عمري عايزة يوم كتب كتابي يبقي يوم فرحي. ومالك بيعمل كل حاجه امل عايزاها صح. مالك ... دا مالك بيتثبت بالكلام أقسم بالله. إيه ابت الرقة دي؟ أمل... ما تتلم يااض بقا. مالك .... قلبتي جعفر. أنا هسكت. امل ... ههههههه احسن. عبدالرحمن... إنتي عندك كام سنه بقا يا آنسه سماا؟ سما ... ٢٣ سنه ولسه مخلصة كليه طب، وانت؟ عبدالرحمن.... انا عندي ٢٥ سنه ... ومتخرج من كليه لغات وبشتغل حاليًا. سما ... كويس.

عبدالرحمن... اه. وناويه تشتغلي بقا؟ سما ... مستنيه ريان هيعملي عياده ليا وساعتها هبدأ شغل. عبدالرحمن.. ربنا يوفقك. سما ... يارب ليا وليك. مالك وامل وريان واسراء خلصوا تصوير. وبعدها سما وعبدالرحمن اخدوا معاهم صور بردو عائليه جميله جدا. وخلصوا و... اسراء.. احنا كدا هنروح بقا. ريان ... لا لسه اليوم طويل. مالك... حاليًا هنروح الملاهي. سما ... هييييييه هيييييه. ريان... ههههههه واخد بنت اختي معايا مش اختي لا. سما ...

ما انت عارف إن بحب الملاهي. يالاا بيناااا. مالك... يالااا. ووصلوا كلهم عند الملاهي. ولعبوا بكل الألعاب هناك، وانبسطوا واتصوروا صور مجنونه وهما طايرين في الهواء. اسراء... انا عمري ما فرحت كدا. أمل... وانا فرحانه اوووي واليوم جميل جدا. مالك ... ولسه. يالا بس بينا نروح المطعم ناكل عشان أكيد كلنا جوعنا. سما ... اه والله انا عصافير بطني بتصوصو. مالك ..لا انتي مفجوعه يماما دي حاجه معروفة. سما بغيظ ... ماااالك اسكت.

شوف يا ريان. ريان... هههههههههههه اسكت يا مالك مضيقهاش. ويالا بينا على المطعم. عبدالرحمن كان مستغرب طريقة سما مع مالك وإنها براحتها معاه جدا. ومكنش يعرف إنها أخته. بس قال لنفسه ... وانا مالي إيه مضايقني ... كل واحد حر. وراحوا كلهم المطعم وطلبوا كل الاكل اللي بيحبوه. وشربوا قهوة و... امل .... طب كدا اتصورنا وعملنا سيشن. وروحنا الملاهي ... وجينا المطعم. ها هنعمل ايه بقا؟ ريان .... هندخل سينما. سمااا..... اوعاااا💃

دا إيه اليوم الجميل دا وياريت بقا فيلم كارتون. مالك ... فيلم كارتون ليه اطفال إحنا. سما. ... ماليش دعوه وبعدين افلام ديزني مش للاطفال بس. اسراء... احم يعني أنا كمان بحب أفلام الكارتون. مالك .... قابل يا معلم مراتك كمان. أمل... هو يعني أنا كمان مش بسمه غيرهم وتقريبًا سمعتهم كلهم. مالك ... نعممم يختي. عبدالرحمن.. هههههه هههههههه ههههههه هو تقريبا قاعدين مع بنات في كيجي توو قال كارتون قال. أمل.. اسراء.. سما في وقت واحد.

متتريقش على الكارتون لو سمحت. الكل ضحك عليهم وعلي طريقتهم. وفي الآخر طبعًا البنات اللي فازوا ووافقوا. ريان ... ها تحبوا تدخلوا فيلم ايه؟ اسراء.. ربانزل الجزء التاني لسه نازل جديد الأسبوع اللي فات يبقي ندخله. أمل.. انا أؤيد وبشده. سما ... وانا موافقه. ودخلوا سمعوا الفيلم واستمتعوا جدا، وكان الشباب جابوا ليهم فشار وشوكولاتة وعصير وخلص الفيلم. سماا.... اليوم دا تحفه اووي وجميل جدا. اسراء...

فعلاً أنا عمري ما ضحكت كدا ف حياتي. أمل... واليوم كان كله مفاجآت وتحفهه. ريان ... اي خدمه 😌. مالك ... المهم تكونوا انبسطتوا. الكل ... جدااااااا. والواحد تعب من كتر اللعب والمشي والأكل ههههههه. ريان ... طب يالا عشان نروح. وراحوا كلهم البيت وكانوا فرحانين. في مكان بيجتمع فيه شاكر وسميرة وإلهام. فلاش باك لمقابلة شاكر وإلهام. كانت إلهام سهرانه في نايت كلب، وكان شاكر هناك وشافها وكانت سكرانة.

وبتقول اسم ريان واسراء، وهو عرف إنها عايزة تتجوز ريان وتبعد اسراء. واتفق معاها إنهم يبعدوهم عن بعض وهي تتجوز ريان. وهو يتجوز اسراء. ( ويارب تكونوا فاكرين شاكر 🤦) الهام... طب دلوقتي هنعمل ايه ... ماهما اتجوزوا امبارح وكدا نعتبر خسرنا. سميره... هههههههههههه هو يعني عشان اتجوزوا يبقي مفيش حل؟ ناسيه إن فيه طلاق. الهام.... طب ودا هنعمله ازاي؟ شاكر .... احنا مصلحتنا واحدة. سميره مش عايزة ابنها يتجوز اسراء، وتتحوزيه انتي.

وانا عايز اسراء. وانتي يا إلهام عايزة ريان. يبقي نفكر في حاجة نخلي ريان هو اللي يرمي إسراء برا حياته وتكون هي كمان بتكرهه. إلهام... اه يعني هنعمل ايه؟ سميره... بشر أنا عارفه هنعمل ايه. ريان ابني كان طول عمره عايز لما يتجوز يخلف كتير عشان يبقي ولاده عزوة ليه وبيحب الأطفال جدا. دا يعتبر هو اللي مربي سما. وطبعًا لما هو يتجوز الهانم هيعيشوا في الفيلا عندي وهتبقي تحت عيني.

فأنا هحطلها حبوب منع الحمل في الأكل أو العصير كل يوم، وبكدا مش هتخلف وهو هيطلقها ويتجوز واحدة بتخلف. أو يتجوز عليها، وساعتها نقنعه بالهام، وانتي ساعتها تخليه يطلقها وتبقي انتي بس مراته، ودا بطريقتك. الهام بانبهار .... إنتي دماغك ألماظ يا طنط والله. شاكر ... بس دا مش كفاية. انتي تحاولي تحطي الحبوب دي في عصير مثلا وتخلي ريان اللي يخليها تشربه.

وساعتها لو اكتشفت حوار الحبوب هتعرف إن ريان هو اللي كان بيحطها، وأنه مش عايز يخلف منها وبيخدعها. وساعتها هتكرهه، وكدا نبقى ضربنا عصفورين بحجر واحد. وبعدها أنا أظهر الحنين لحد ما تحبني واتجوزها. حتى لو غصب عنها. سميره... دا أنت اللي دماغك ألماظ ههههههه. الهام... يبقي انتي يا طنط تحطي الحبوب من يوم فرحهم. سميره... متقلقيش هتصرف. هههههههه اعملنا كاس يا شاكر خلينا نحتفل بخطتنا. الهام.... هيهيهيهيهيهيهي.

وقعدوا يضحكوا وهما فرحانين بشرهم وخطتهم. ومر أسبوعين بعدها من غير أحداث مهمة غير. مالك وريان بيجهزوا لفرحهم اللي هيبقى يوم واحد. اسراء وامل وأهلهم اللي بيجهزوا كل حاجتهم كعرايس. وكانوا فرحانين جدًا وهما بيختاروا كل حاجة لبيتهم. وجابوا كل حاجة هيحتاجوها. وكان مالك وريان بيساعدوهم. وسما وعبدالرحمن اللي بدأ بينهم إعجاب بسيط. والكل بيجهز على قدم وساق ترتيبات الفرح اللي هو بكرة. عشقتها _ولكن دينا _دخيل

عشقتها ولكن الرابع والعشرون 24 فرح " مالك وامل" إسراء وريان" مالك وريان أخدوا اسراء وامل قبل الفرح بيومين لأكبر أتيليه في القاهرة، وجابوا فساتين الفرح وفساتين للحنة. وعملوا الحنة بسيطة كانت بين صحابهم وقرايبهم بس. يوم الفرح الصبح ريان ومالك أخدوا اسراء وامل وسما كانت معاهم للكوافير الموجود بقاعة الفرح عشان يجهزوا براحتهم، وراحوا هما كمان يجهزوا نفسهم.

الفرح كان في أكبر قاعات القاهرة، وكانوا قاعتين واحدة للشباب وواحدة للبنات، لأن الفرح كان إسلامي ومش مختلط. عند اسراء وامل. سما ... هنبدأ بايه يا مدام؟ _هنبدأ نعمل ماسكات ومونكير وسونا ونظبط الشعر، وبعدها نعمل الميكب. سما ... تمام ... يالا يا مرات اخويا انتي وهي عشان نبدأ. أمل... ياااااه كل دا هيتعمل 😂. اسراء... الموضوع كبير. سما ... متقلقوش لسه بدري وهنعمل كل حاجة، وأنا هنا أهو. يالا لو سمحتي ابداي معاهم. _حاضر.

وبدأت البنات تعملهم ماسكات وسونا وشوار للشعر ومونكير وحنة و... _دلوقتي هنعمل الميكب وبعدها تلبسوا الفساتين ونظبط الخمار والنقاب. وبدأت تعملهم ميكب، وكان خفيف بيجمل ملامحهم مش أوفر. وبعدها لبسوا الفساتين. فستان اسراء كان لونه بين الأبيض والفضي، وكان فيه كسرات عند الوسط وكان واسع وطويل وتحفهه، وعليه نقاب وخمار وتاج على النقاب. فستان امل كان أبيض وكان بطبقات كتيرة وديله طويل اووي، وعليه خمار وطرحة طويلة اووي. سما ...

بسم الله ما شاء الله إيه القمرات دي. _بجد إنتوا فعلاً قمرات اووي ألف مبروك. اسراء.. الله يبارك فيكي يحبيبتي. امل ... إحنا حلوين بفضلك. تسلم ايدك. _ربنا يفرحكم. يارب. سما ..... لا بجد إنتو حلوين اوي اوي اوي. واسراء ما شاء الله بالنقاب وقمرر، دا ريان لو شافك من غيره احتمال يلغي الفرح وياخدك وتروحوا. اسراء اتكسفت اووي واتوترت. سما ... وانتي يا موله مالك هيكتب الكتاب من هنا، والله أعلم بقا دا مجنون 😂😂.

أمل.. بت إنتي بتوترينا. إحنا خايفين لوحدنا. سما... ههههههه مش قصدي والله. ع فكرة المأذون وصل تحت، وزمانهم بيكتبوا الكتاب. أمل كانت متلخبطة ومتوترة من فكرة إنها شوية وهتبقى مرات مالك. هي كانت بتأخر كتب الكتاب عشان توترها دا، والباب خبط ودخل عبدالرحمن بورق جوازها. عبدالرحمن.... إيه الجمال دا. ربنا يفرحكم دايما. وباس دماغ أمل أخته. أمل... ربنا يخليك ليا يا رب. عبدالرحمن... ويخليكي ليا يا حبيبتي. يالا امضي على عقد جوازك.

عريسك هيموت وتتجوزوا بقاا. أمل كانت مكسوفة اووي بس فرحانة. ومضت على الورق وكل اللي قالها عليه عبدالرحمن. عبدالرحمن... مبروووك يحبيبتي. مبروووك يا اسراء. اسراء.. الله يبارك فيك يا عبدالرحمن... عقبالك. عبدالرحمن تلقائيًا بص لسما اللي لفتت نظره أول ما دخل بفستانها الأزرق وتسريحة شعرها الجديدة. وهي اتكسفت لما بص عليها و .... عبدالرحمن... هخرج بقا أودي الورق للمأذون.

وخرج عبدالرحمن، والماذون تمم الجواز، وكله بارك لمالك وهو ما صدق وطلع لأمل. مالك دخل الأوضة اللي فيها أمل، وكانت مدياه ضهرها وفستانها طويل اووي لآخر الأوضة، ومشي مالك وهو معاه بوكيه الورد لحد ما وقف قدامها وفضل بصصلها مبهور من جمالها. وأمل كانت مكسوفة اووي ومش عارفة تعمل إيه، بس فرحانة جدًا. مالك... إيه الحلاوة دي .... بقا القمر دا خلاص بقا بتاعي لوحدي؟ ألف مبروك يا قلب مالك من جوا. أمل... الله يبارك فيك يا مالك.

مالك بحب .. أمل أنا بحب.... قطعت كلامه أمل وحطت إيديها ع بوقه. هششششش متقولش حاجة يا مالك، انت قولت وعملت كتير.... أنا اللي المفروض أتكلم. مالك أنا بحبك اووي اووي، لا مش بحبك أنا بعشقك. حسيت دا لما أنقذتني من سامح وكنت هتقتله، وبردو مسيبتهوش غير لما أنا اللي قولتلك. حسيتك أماني وحمايتي وضهري اللي عمره ما هيميل بيا. ولما طلبت تقابل بابا، كنت ساعتها أسعد واحدة في الدنيا.

ومفاجأة الخطوبة وإنك عارف عني كل حاجة وكل تفصيلة وبتفاجأني بيها، خليتني أحبك أكتر. ولما كنت هقع بسبب إلهام، وأنت بردو اللي لحقتني واهتمامك بيا، ساعتها خليتني مش شايفة غيرك أصلاً. واليوم اللي عملتلي فيه السيشن والسينما وكل الحاجات دي، عرفتني إنك بتدور على فرحتي. لما خليتني أجيب الفستان اللي طول عمري أحلم بيه دا، خلاني أعرف إن عمر ما هبقى نفسي في حاجة وانت مش هتجبها.

مالك أنت أقسم بالله كتير عليا اووي، وأنت أحلى حاجة حصلتلي ف حياتي، ومكنتش بقولك إيه حاجة من دي عشان مكناش لسه اتجوزنا ومكنش ينفع و... أنا بحباااااااااااك اوووووي يا مالك. مالك دمع من كلام أمل وحبها أكتر وأكتر، ومن فرحته حضنها اوووي وشالها ولف بيها. مالك .... وأنا بعققققك. عبدالرحمن خبط ودخل. ها يا عريس انزل تحت بقا، وأنا هجبلك عروستك لحد عندك. مالك ... ماشي يعم ... متتتاخرش بس. عبدالرحمن... ههههههه أنت واقع اووي كدا.

مالك ... فوق ما تتخيل. ونزل مالك. عند اسراء ريان دخل الأوضة اللي هي فيها. وانبهر من رقتها وجمالها حتى وهي بالنقاب. ريان.. يعني إنتي قمررر كدا ومن غير ما أشوف وشك. اومال لما أشوفك هنبهر أكتر من كدا إيه؟ اسراء كانت مكسوفة وفرحانة من كلامه. ريان.... إحنا هنقضيها كسوف كدا ولا إيه؟ اسراء... ههههههه المفروض أعمل إيه يا ريان؟ ريان ... قلب ريان وعمر ريان وعقل ريان ودنيته كلها ملكك دلوقتي يا اسراء. اسراء بفرحة من كلامه.

واسراء محبتش في حياتها غير ريان. ريان هو اللي خطف قلبها وخلى كل دقة فيه بتنطق بإسمه. ريان بأس إيديها وحضنها جامد اوووي. ريان وعمره ما هيجرحك ولا هيسيبك يا اسراء. اسراء... أنا واثقة ف دا من غير ما تقول. سما .... هيييييييح أنا هنا يا ريان ع فكرة. ولاحظوا إن أنا سنجولة حراااام كدا عليا. ريان... واسراء.... هههههه معلش. سما ... طب يالا بقا انزل تحت. وعمو هيجيب اسراء ويجي. ريان... ماشي. هتوحشيني ع فكرة، وغمز لإسراء بعينيه.

وخرج. سما ... ريان بيحبك اوووي يا إسراء. ربنا يفرحكم ويديم محبتكم لبعض. اسراء.. يارب يحبيبتي يارب. ونزل مالك وريان يستنوا اسراء وامل، ودا في القاعة بتاعت البنات. عبارة عن دورين، الدور اللي فوق للكوافير. واللي تحت القاعة. وفيها سلمين طوال اووي، ودا اللي العروسة بتنزل عليه. وسلم كان عبدالرحمن ماسك إيد أمل ونازلين عليه. والتاني كان محمد ماسك إيد إسراء ونازلين عليه. عشان يسلموهم لعرسانهم.

وكل واحد أخد عروسته وباس إيديها ودماغها. عبدالرحمن لمالك ... خلي بالك من أمل يا مالك أو عي تزعلها. مالك .... أمل في قلبي قبل عينيا. عبدالرحمن... ربنا يفرحكم يارب. محمد لريان. مش هوصيك على إسراء يا ريان دي اللي ليا. ريان بابتسامة... وبقت اللي ليا أنا كمان. متخفش عليها يعمي عمري ما هزعلها. محمد ... ألف مبروك يبني وربنا يسعدكم. وبعدها دخلوا مكان اللي بتقعد فيه العروسة. ومالك وريان وصلوهم وراحوا قاعة الشباب.

ورقص مالك وريان مع أهلهم وصحابهم، وكانوا مبسوطين والشباب ولعوا الفرح. وعند اسراء وامل. صحاب إسراء وأمل كانوا معاهم ورقصوا وهيصوا مع بعض، وكانوا فرحانين جدًا. وأهلهم كانوا فرحانين لفرحتهم. وكان فيه سميرة اللي مكنتش طايقة الفرح كله. وجات الفقرة اللي العريس بيدخل قاعة البنات يرقص مع عروسته. ودخل مالك وريان. وكل البنات كانوا مبهورين بعرسان صحباتهم. وفي منهم اللي فرحان. وفي اللي بيحسدهم عليهم و ..

مالك أخد إيد أمل ورقصوا سلو مع بعض و... مالك ... ع فكرة مفاجأتي لسه مخلصتش. امل ... كل يوم مفاجأة أحلى من اللي قبلها. هحبك أكتر من كدا إيه بس؟ مالك .. طب اعرفيها الأول. أمل ... طب ماشي قول. مالك .... إحنا بكره هنروح شهر عسل وعارفه فين؟ في تركيا. أمل بانبهار ... بتهزززر صح؟ مالك ... وحياة أمل عندي ما بهزر. حجزت أسبوع لينا في تركيا وهنروح من بكرة. أمل بفرحة حضنت مالك. بحباااااااااااك بحباااااااااااك اوووووي. مالك ...

ربنا يقدرني وأعرف أفرحك كدا دايما. أمل... أنت مش متخيل فرحتي دلوقتي. طول عمري بقول نفسي أروح تركيا. مالك ... وأنا هعملك كل حاجة نفسك فيها. أمل ... ربنا يخليك ليا يا أحلى ما ليا. عند ريان كان بيرقص هو وإسراء وفرحانين جدا. ريان .... مش مصدق إن أنا واقف دلوقتي وبرقص معاكي في فرحنا. اسراء... لا يحبيبي صدق إحنا مع بعض أهو. ريان... تعرفي يا اسراء إنك كنتي حلم بالنسبالي. ورغم الصعاب اللي قبلتنا والناس اللي حاولت تفرق بينا.

بس بردو بقينا لبعض. اسراء... الحمد لله يا ريان إحنا بقينا لبعض ودي أحلى حاجة حصلتلي، هفضل أشكر ربنا عليها طول عمري. ريان شالها ولف بيها وحضنها جامد اوووي. وخلصوا العرسان رقصتهم، وبعدها كان فيه فقرات تانية ليهم وهما بيرقصوا بالعصيان. وبعدها اتصوروا صور كتير اووي. وكل صحابهم وأهلهم اتصوروا معاهم. ومالك وريان اتصوروا مع صحابهم. و خلص الفرح بسلام والكل فرحان وسعيد. والأهل واقفين بيودعوا بناتهم عشان هيروحوا مع عرسانهم.

و في مكان بعيد عنهم شوية في واحد واقف ومستخبي وبيبص لمالك وامل بشر، ودا كان .... سامح. سامح... فاكرين إن خرجت من حياتكم هههههههههههه. بتحلموا. أقسم بالله لهدفعك تمن المرمطة اللي اتمرمطتها يا مالك بسببك لحد ما أبويا اتصرف وطلعني من السجن. وإنتي بقا يا أمل بردو هتبقي بتاعتي حتى لو اتجوزتوا. وهحرق قلب مالك عليكي بس ف الوقت المناسب ... عند العرسان وصلوا بيتهم. ريان وصل هو وإسراء وأهله الفيلا، واللي هي كانت دورين.

وريان ليه في الدور التاني جناح كامل لوحده يعيش فيه. ومالك وصل هو وامل شقته. ودي كانت دورين تحت ريسبشن وصالون ومطبخ وحمام. وفوق الأوض وحمام. والشقة كبيرة جدًا. مالك دخل الشقة هو وأمل وهي كانت متوترة اوووي. مالك ... بصي غيري هدومك فوق براحتك، وأنا هغير في الحمام اللي هنا. وبعدين ناكل، إيه رأيك؟ أمل... ماشي. أنا أصلا جعانة. مالك .. وأنا جدًا. وطلعت أمل غيرت فستانها وخمارها اللي أخد منها وقت. ونزلت. مالك ...

إيه القمرر دا. أمل... دي عيونك اللي حلوة. وأمل لقت الأكل مامتها محضراه في علب على السفره. فحطتهم في طباق عشان يأكلوا. مالك ... مامتك قايمة بالواجب كله، والأكل كتير وجميل اووي. أمل.. بالهنا والشفا يقلبي. مالك ... والله إنتي اللي قلبي. وقعدوا أكلوا. وبعدها اتوضوا وامل لبست اسدال الصلاة وصلوا مع بعض عشان ربنا يكرمهم في أول حياتهم. و مالك حط إيده ع دماغ أمل وقال دعاء الزواج.

اللَّهمَّ إنِّي أسألُكَ خيرَها وخيرَ ما جبلتَها علي وأعوذُ بِكَ من شرِّها ومن شرِّ ما جبلتَها علي. وقام هو وأمل و......... عند ريان واسراء. دخلوا الجناح بتاعهم، واسراء كانت متوترة وخايفة، بس انبهرت من جمال وتصميم الجناح. اسراء... الجناح بتاعك حلوو اووي يا ريان. ريان.. بقا بتاعنا دلوقتي يقلبي. بصي هنزل اغير في الحمام اللي تحت واجيب أكل لينا، أكيد جعانة زيي. تكوني خلصتي. اسراء بكسوف ... ماشي. ريان بجرأة ...

لو احتاجتي إيه مساعدة أنا تحت ها. وغمزلها بعينه. اسراء... رياااااان اسكت. ريان... ههههههه حاضر. ونزل تحت وغير هدومه و... سميره... خد أكلك انت ومراتك أهو يحبيبي. ودا عصير برتقال لإسراء عشان زمانها مرهقة من الفرح وكدا. ريان اخد منها الأكل وباس دماغها. ربنا يخليكي ليا يا ست الكل. وطلع الجناح. سميره... ههههههه وريني بقا لما تشرب العصير دا. هتخلف منها إزاي؟ اسراء كانت خلصت وقلعت نقابها وشالت الميكب و... دخل ريان.

إيه الحلاوة دي يقلبي بس. إسراء.. احم. جبت اكل. ريان ... اه أهو تعالي يالا ناكل. واه اشربي العصير دا. اسراء.. حاضر. وشربت العصير. وأكلوا مع بعض. ريان... ها بقا يستي تحبي نقضي شهر العسل فين؟ اسراء... إيه مكان معاك جنة يا ريان. ريان ... كلامك حلو اووي يقلب ريان. خلاص ماشي أنا عندي بيت في باريس، ممكن نسافر باريس وهلففك كل حتة فيها. اسراء.. هنسافر بكرة. ريان.. اه.

وقامت إسراء اتوضت ووقفت عشان تصلي هي وريان، وهو حط إيده ع دماغها يقول الدعاء. اللَّهمَّ إنِّي أسألُكَ خيرَها وخيرَ ما جبلتَها علي وأعوذُ بِكَ من شرِّها ومن شرِّ ما جبلتَها علي. وقومها و......