تحميل رواية فتاة فى زمن قاسي بقلم دودو محمد pdf

فتاة فى زمن قاسي بقلم دودو محمدفتاة فى زمن قاسي الفصل الحادي عشر 11

فى شقة عمر

علياء كانت نايمه على السرير وسمعت صوت الباب بيتفتح حاولت تقوم من على السرير بس مقدرتش كانت دايخه وباب الاوضه خبط تانى قالت

علياء :- م.م.مين

عمر :- انا يا علياء

علياء :- قعدت على السرير وغطت نفسها كويس وقالت ادخل

عمر :- دخل وقال عامله ايه دلوقتى

علياء :- دايخه شويه

عمر :- قولتلك اجيب ليكى دكتور يطمنى عليكى

علياء :- ا.ا انا كويسه بس ممكن الدوخه دى تكون ضعف او ضغطى واطى شويه

عمر :- لو فضلتى كده لحد بكره هجيب ليكى دكتور غصب عنك

علياء :- ربنا يسهل وبصت على الباب وقالت امال فين اخواتى مش انت وعدنى انك هتجيبهم ليا

عمر :- اختك مياده فى السكه إنما اختك سمر مش موجوده لا فى الجامعه ولا فى البيت واخوكى عبدالرحمن بدء شغل جديد جرسون فى كافيه كبير واستلم شغله ومش هينفع يجي دلوقتى

علياء :- طيب هما عرفوا مكانى ازاى

عمر :- مياده بس اللى عرفنا نوصل ليها وقولنا ليها انك عايزه تشوفيها إنما سمر وعبد الرحمن ميعرفوش حاجه لسه

وفى الوقت ده جرس الباب رن بصت علياء على الباب بفرحه وقالت

علياء :- دى مياده ولسه هتقوم داخت

عمر :- خليكى مكانك انا هفتح ليها وهجيبها عندك وخرج وسابها وراح فتح الباب

مياده :- اتفاجئت وقالت انت مش انت اخو خطيب مريم ايوه انا فاكره شكلك يوم ما جيت خرجت علياء من القسم

عمر :- ايوه انا اتفضلى

مياده :- واختى جات عندك ازاى

عمر :- طيب مش هنقف نتكلم على الباب ادخلى وهى هتفهمك كل حاجه

مياده :- بصت وراه عمر بفرحه وقالت علياء ودموعها نزلت منها وطلعت تجرى عليها وقعدت تبوس فى ايد علياء وفى راسها وفى كتفها وقالت يااااه يا علياء واحشتينى اوى اوى

علياء :- ضمتها فى حضنها بدموع وقالت وانتوا اكتر انا كنت هتجنن عليكم ومسكت وشها ما بين ايديها وقالت كل حاجه فيكى وحشانى يا مياده وضمتها تانى فى حضنها وقالت بجد واحشتينى الدنيا من غيركم وحشه اوى

مياده :- بعدت عنها ومسحت دموعها وقالت ليه يا علياء بعدى عننا كل ده ولا حتى حاولتى تطمنينا عليكى عمرك ما كنتى قاسيه علينا كده انتى متعرفيش كانت حالتنا عامله ازاى احنا كنا هنموت عليكى يا علياء

علياء :- بدموع غصب عنى والله يا مياده

مياده :- انا عايزه افهم كل حاجه يا علياء انتى ايه جابك هنا وهربتى ليه مننا وده بيعمل ايه هنا فى الشقه يا علياء أسأله كتير اوى عايزه اعرف اجابتها

علياء :- بأنكسار بصت على الأرض وقالت انا هربت علشان

عمر :- قطعها وقال اقعدى يا انسه مياده وانا افهمك كل حاجه وبص لعلياء أنها متقولش حاجه

مياده :- قعدت وبصت لعلياء وقالت كملى

عمر :- انا هقولك اختك بعد اللى حصل ليها ودخولها القسم وكلام الناس عليها حالتها بقت صعبه وانا بالصدفه روحت عندكم علشان اشوف اقدر اعمل ايه علشان اعوضكم عن اللى حصل بسبب اخويه لاقيت الانسه علياء منهاره وبتكسر فى كل حاجه فى البيت وبتصرخ ولاقتها اغمى عليها اخدها وروحت بيها المستشفى والدكتور قال إن هى عندها انهيار عصبى وطلب منى اخد بالى عليها اليومين دول جبتها هنا فى الشقه بعد ما اقنعتها بصعوبه شديده بس يا ستى وبقيت بطمن عليها قبل ما اروح الشغل واجى اطمن عليها وانا راجع من الشغل

مياده :- فعلا الشقه كانت متبهدله بطريقه غريبه وده اللى قلقنا عليها اكتر قولنا ليكون حد اتهجم عليها وخطفها وكمان أهل الحاره شافوا علياء وهى راكبه العربيه مع واحد

علياء :- غمضت عينيها بوجع والدموع كانت نازله من عينيها

عمر :- ايوه دى عربيتى وانا اللى كنت راكب العربيه

مياده :- طيب ليه مبلغتش حد فينا باللى حصل وسكت كل ده

عمر :- كانت حالتها النفسيه وحشه جدآ قولت اسيبها يومين مع نفسها لحد ما تتحسن شويه

مياده :- طيب وحضرتك بتعمل معاها كده ليه

عمر :- علشان الحاله اللى اختك وصلت ليها دى بسبب اخويه حبيت اساعد ولو بشئ بسيط جدآ علشان اصلح اللى حصل

مياده :- بصت على علياء وقالت علياء انتى ساكته ليه

علياء :- بدموع سكوتى افضل حل يا مياده الكلام ولا ليه اى اهميه دلوقتى

مياده :- انتى ليه بقيتى سلبيه كده يا علياء عمرك ما كنتى بالضعف ده طول عمرك قويه وبتدينا الدافعه اللى نكمل بيها طريقنا عمرى ما شوفتك ضعيفه اوى كده

علياء :- وقفت بأنهيار و قالت علشان خلاص تعبت مبقتش حمل اى ضربات من الدنيا تانى طول عمرى بعافر مع الدنيا علشان مفيش حاجه تضركم بس خلاص طاقتى خلصت انا خلاص مبقتش قادره استحمل اى ضربات تانى من الزمن القاسي ده انا تعبت والله العظيم تعبت وقعدت فى الارض وقعدت تعيط

مياده :- قعدت جنبها واخدتها فى حضنها وقالت أهدى يا علياء حقك عليا مكنتش اقصد اضغط عليكى والله

علياء :- قعدت تعيط اكتر ومسكت فى اختها جامد وقالت انتو مصدر قوتى يا مياده خليكم جنبى متبعدوش عنى

مياده :- انا جنبك اهو يا علياء وعمرى ما هبعد عنك مهما حصل

عمر :- قومى يا علياء قومى ومد أيده ليها

علياء :- بصت ليه وبصت لايده وقالت شكرآ

عمر :- انا معملتش حاجه تشكرينى عليها انا اللى لازم اشكرك علشان بتعلم منك معنى الصبر وكل يوم بتثبتى ليا انك مختلفه عن الناس كلها وانك شخصيه جميله اوى من جوه ومن بره

مياده :- بصت لعمر وبعدين بصت لعلياء بأستغراب

عمر :- هسيبكم مع بعض وهمشى ووقت ما تحبى تروحى يا انسه مياده هتلاقى العربيه واقفه ليكى تحت السواق هيوصلك لحد باب البيت

مياده :- ليه هى علياء مش هتروح معايا

عمر :- انا شايف انها لسه تعبانه ولسه الناس فاكره اللى حصل ومنستش واى كلمه هتتقال على اختك هتأثر فيها وهترجع لنقطة الصفر من اول وجديد خليها قاعده هنا براحتها لحد ما الناس تنسى وتبقى هى كويسه وتقدر تبص فى وشوش الناس ولو تحبى تقعدى معاها انتى وأخواتك هنا فى الشقه معنديش اى مشكله

مياده :- افتكرت اللى حصل لسمر وكلام سمر القاسي اللى هتقوله لعلياء قالت أنا بقول خليها هى هنا وانا هاجى اطمن عليها كل يوم وبلاش سمر تعرف مكان علياء دلوقتى

عمر :- اشمعنا

مياده :- ها اصل سمر خفيفه وممكن تحكى لاى حد عن وجود علياء فى الشقه هنا والناس تفهم غلط

عمر :- خلاص مفيش مشكله طيب عبدالرحمن

مياده :- انا هعرفه بطريقتى

عمر :- تمام اللى يريحك وبص لعلياء وقال محتاجه حاجه يا عل اقصد يا انسه علياء

علياء :- بصت ليه بوجع ودموع وهزت راسها يمين وشمال

عمر:- حاولى تهديها شويه وياريت تخليها تاكل علشان مش بتاكل خالص وبقت ضعيفه اوى

مياده :- حاضر

عمر :- بص لعلياء وقال هكلمك اطمن عليكى سلام وخرج وسابهم

مياده :- بصت لأختها وقالت قومى من الأرض يا لولو وسندتها وقعدتها على الكنبه وقالت بس ايه الموضوع

علياء :- بعدم فهم موضوع ايه

مياده :- اللى اسمه عمر ده اهتمامه الزياده بيكى ده بيقول أن الموضوع فيه أن ونظراته ليكى مش نظرات عاديه

علياء :- ع.ع.عادى هو انسان محترم جدآ وطيب اوى بس

مياده :- بس ايه بقى

علياء :- بس هو فين واحنا فين احنا أخرنا نخدم عنده فى الفيلا لكن اكتر من كده مستحيل

مياده :- بس الحب ميعرفش المستحيل

علياء :- ضحكة بوجع وقالت حب!! هو بيعطف عليا اه صعبت عليه جايز بعد اللى اخوه عمله فيا إنما يحبنى ده مستحيل هو قال يعطف عليا ويعوضنى عن الخساره اللى حصلت ليا بسببه

مياده :- لالالا نظرته ليكى بتقول غير كده بتقول أن هو بيحبك وواقع فيكى

علياء :- سيبك منه المهم قوليلى عاملين ايه والبت سمر وعبد الرحمن ايه اخبارهم

مياده :- سمر لسه لسانها طويل ولمضه زى ما سبتيها وعبد الرحمن اشتغل فى كافيه بيشتغل بليل ويروح الجامعه بالنهار

علياء :- بس كده هيبقى تعب عليه اوى

مياده :- اوى بس هو عايز يشتغل ويصرف على نفسه

علياء :- ط.ط.طيب اخبار الحاره ايه

مياده :- اتنهدت وقالت زى ما هى مفيهاش حاجه جديده مراد بينزل شغله ويرجع ينام كالعاده ومهند أخوه طلع راجل اوى يا علياء من يوم ما انتى اختفيتى مسبناش لحظه وبقى يدور عليكى زينا واكتر ومراد برضه بقى يدور معانا ومروان كان بيدور معاهم

علياء :- اول ما سمعت اسم مراد قلبها وجعها اوى وافتكرت اللى عمله فيها ودموعها نزلت منها واول ما سمعت اسم مروان ابتسمت ليها وقالت ومروان عامل ايه فى الشغل

مياده :- كويس بيحاول يثبت نفسه فى الشغل وبعدين قالت بتوتر ا.ا انا كنت عايزه اقولك على حاجه حصلت يوم ما انتى اختفيتى

علياء :-بأستغراب قولى

مياده :-بكسوف مروان

علياء :- ماله

مياده :- بكسوف اعترف ليا بحبه وقال انه عايز يتقدم ليا طبعآ لما ظروفه تتحسن اكتر من كده

علياء :- بصت ليها بصدمه والدموع نزلت من عينيها وقالت مروان بيحبك انتى

مياده :- ابتسمت وقالت ايوه وعايزه الصراحه انا كمان حاسه ان قلبى مرتاح ليه ومعجبه بشخصيته بس طبعآ مقولتش ليه الكلام ده

علياء :- بصت الاتجاه التانى وهى مش قادره تسيطر على دموعها

مياده :- بصت على اختها لاقتها بتعيط قالت بأستغراب علياء انتى بتعيطى

علياء :- حاولت تمسك دموعها وقالت ل.ل.لاء د.د.دى بس دموع الفرحه ربنا يسعدك يارب يا حبيبتى

مياده :- اترمت فى حضنها وقالت بحب انا بحبك اوى يا علياء بحس انك امى مش اختى والله

علياء :- اتنهدت بوجع ودموعها كانت نازله منها طبطبت على اختها وقالت وانا بحبك اوى اوى ومسحت دموعها وبعدت عنها وقالت يلا علشان الوقت أتأخر ومحدش يحس بغيابك وحاولى تعرفى عبدالرحمن مكانى وتخليه يجى ليا هو وسمر وحشونى اوى

مياده :- عبدالرحمن هقوله إنما سمر بلاش دلوقتى

علياء :- ليه

مياده :- ها م.م.ما انا قولتلك سمر خفيفه وممكن تقول لحد انك قاعده هنا وكلام الناس مش بيخلص

علياء :- غمضت عينيها بوجع وقالت انتى صح وعلشان كلام الناس انا مش هقعد هنا ولا لحظه واحده انا هروح معاكى

مياده :- أهدى يا علياء انا شايفه أن كلام عمر صح انتى لسه تعبانه ولو روحتى الحاره دلوقتى اسألت الناس مش هتخلص وكله هيسأل انتى كنتى قاعده فين لحد دلوقتى وايه سبب الاختفاء المفاجئ ده وكلاااااام كتير اوى مش هنخلص منه

علياء:- بدموع وايه الجديد احنا واخدين على كده وسابتها ودخلت الاوضه غيرت هدومها وخرجت من الاوضه وقالت يلا بينا

مياده :- انتى عمرك ما كنتى متهوره كده ايه اللى حصل

علياء :- تعبت وزهقت من كل حاجه بعد كده مش هعمل حساب لناس ولا لاى حد

مياده :- بصت ليها وقالت علياء انتى موجوعه اوى من جوه ممكن تتكلمى

علياء :- بصت ليها واتنهدت بوجع وقالت قلبى وجعنى اوى يا مياده ومفيش اصعب من وجع القلب والله

مياده :- شدتها فى حضنها وطبطبت عليها

علياء :- دموعها نزلت منها ومره واحده قعدت تصرخ وقعدت فى الارض وقالت الدنيا بتعاند معايا ليه حالفه متخلنيش سعيده كل حاجه حلوه بتخدها منى انا خلاص مش عايزه حاجه من الدنيا والله مبقتش عايزه حاجه

مياده :- أهدى يا علياء أهدى يا حبيبتى وقعدت تطبطب عليها

علياء :- بعدت عن مياده ومسحت دموعها وقالت هبقى كويسه متقلقيش يلا بينا وقامت وقفت وقالت يلا بينا وفتحت الباب وخرجت

مياده :- قامت من على الأرض وطلعت تجرى وراه علياء وقالت علياء انتى يا بنتى اصبرى

علياء :- نزلت الشارع ووقفت مره واحده حست أن الدنيا بتلف بيها ودايخه

مياده :- راحت عند علياء وقالت علياء مالك

علياء :- بصت ليها ومره واحده وقعت على الارض اغمى عليها

مياده :- علياء علياء م.م.مالك وقعدت على الأرض وقالت علياء ردى عليا علياء وقعدت تخبط على وشها وتقول ردى عليا ارجوكى وفتحت شنتطها وطلعت ازازة البرفيوم بتاعتها ورشة على ايديها وقربتها من مناخير علياء وفى الوقت ده الناس اتجمعت حاوليها قالت ليهم بدموع لو سمحتوا ابعدوا شويه علشان النفس

علياء :- بدأت تحرك راسها يمين وشمال وفتحت عينيها لاقت ناس كتير حاوليها وهى وقعه فى الارض واختها مياده بتعيط وبتبص ليها قالت بتعب هو ايه اللى حصل

مياده :- أغمى عليكى مره واحده ووقعتى فى الارض

علياء :- بتعب مسكت راسها وقالت الدنيا بتلف بيا اوى

مياده :- تعالى طيب اوديكى المستشفى

علياء :- لالالا مش لازم ساعدينى اقف بس

مياده :- ساعدت علياء تقف وقالت علياء انتى تعبانه بجد اسمعى الكلام وتعالى اوديكى المستشفى

علياء :- كانت هتقع مسكت فى مياده وقالت حاولى تقعدينى على اى حاجه بسرعه

مياده :- وقفت تاكسى وقالت يلا

علياء :- يلا فين

مياده :- اسمعى الكلام هنروح المستشفى

علياء :- بس

مياده :- مفيش بس يلا اركبى

علياء :- بصت ليها بوجع وركبت التاكسى وركبت مياده معاها وبعد وقت وصلوا المستشفى ونزلوا الاتنين ودخلوا المستشفى و مياده سندت علياء ودخلت اوضت الكشف

الدكتور :- خير ايه اللى حصل

مياده :- دايخه واغمى عليها من شويه

الدكتور :- حصل ده كتير ولا اول مره

علياء :- بتعب حصلت ليا امبارح مره

الدكتور :- حضرتك متجوزه

علياء :- بتوتر ل.ل.لاء

الدكتور :- تمام اتفضلى يا انسه بره لحد ما اكشف عليها

مياده :- ماشى وخرجت بره تستنى وبعد وقت خرج الدكتور قالت ليه خير يا دكتور

الدكتور :- الضغط عندها واطى جدآ وضعيفه جدآ جدآ انا هكتب ليها على شويه مقويات وفيتامينات تخدهم وتأكل كويس وهتبقى تمام أن شاءالله

مياده :- شكرآ يا دكتور

الدكتور :- العفو عن اذنك وسابها ومشى

مياده :- دخلت عند علياء فى الاوضه لاقتها بتعيط قالت علياء أهدى بقى

علياء :- مسحت دموعها وقالت معاكى التليفون بتاعك

مياده :- اه ليه

علياء :- خدى اتصلى على الرقم ده

مياده :- اخدته وقالت رقم مين ده

علياء:- اتصلى بس

مياده :- حاضر وطلبت الرقم وقالت خدى اهو

علياء :- اخدت التليفون وانتظرت الرد وقالت ايوه يا عمر انا علياء

عمر :- علياء رقم مين ده

علياء :- رقم مياده انا عايزاك تيجى ليا ضرورى

عمر :- حاضر دقايق وهكون عندك فى الشقه

علياء :- انا مش فى الشقه انا فى المستشفى

عمر :- بخضه المستشفى ليه حصلك حاجه

علياء :- تعال وانا هعرفك كل حاجه

عمر :- مستشفى ايه

علياء :- مستشفي (......)

عمر :- تمام نص ساعه بالكتير هكون عندك سلام

علياء :- قفلت السكه ومدت ايديها بالتليفون وقالت روحى انتى علشان اتأخرتى

مياده :- لاء طبعآ مستحيل اسيبك وبعدين انتى مش قولتى هترجعى معايا الحاره

علياء :- مبقاش ينفع رجوعى الحاره يا مياده انا قررت خلاص هوافق على طلب عمر

مياده :- اللى هو ايه

علياء :- هو طلب ايدى وانا هوافق

مياده :- بأستغراب نعم وده امته وازاى

علياء :- امبارح طلب ايدى وانا مردتش عليه

مياده :- علياء انا مبقتش فهماكى بجد ازاى كنتى عايزه تسيبى البيت وتمشى وازاى دلوقتى موافقه تتجوزيه حاسه ان انا بقيت تايهه ومش فاهمه حاجه حاسه انك بقيتى واحده تانيه غير اختى اللى اعرفها فيه حاجه انتى مخبيها عليا

علياء :- بتوتر ح ح.حاجة ايه دى اللى هخبيها عليكى يا مياده مفيش حاجه انا زى ما انا بس كل الحكايه ان مدمره نفسيآ ومش قادره افكر ولا اخد اى قرار

مياده :- ودلوقتى قدرتى تقررى انك هتتجوزى اللى اسمه عمر ده

علياء :- بوجع ايوه قررت

مياده :- علياء هو فيه حاجه حصلت ما بينكم

علياء :- مياده ايه اللى انتى بتقوليه ده انتى عارفه اخلاقى مستحيل اعمل حاجه زى كده

مياده :- المشكله ان انا عارفه ومتأكده انك لا يمكن تعملى كده بس فيه حاجه مفقوده فى الموضوع ومش قادره افهمها وفى الوقت ده الباب خبط ودخل عمر وراح عندها بلهفه وقال

عمر :- علياء انتى كويسه

علياء :- الحمدالله وبصت لمياده وقالت مياده ممكن تسبينا لوحدنا شويه

مياده :- بصت ليها هى وعمر وقالت ماشى وخرجت وقفلت الباب وراها وقعدت على الكرسى وقالت يا ترى ايه السر اللى انتى مخبياه عليا يا علياء وبعد وقت خرج عمر من الاوضه وقال

عمر :- يلا يا انسه مياده اوصلك

مياده :- لاء انا هفضل هنا مع علياء

عمر :- علياء نامت وهى اللى طلبت منى اروحك معايا فى السكه

مياده :- بس مش هينفع اسيبها

عمر :- متقلقيش عليها هى كويسه يلا اتفضلى معايا

مياده :- بصت على الباب واتنهدت وقالت ماشى ومشيت مع عمر وركبت العربيه ووصلها عند البيت ورجع تانى اخد علياء وروحها الشقه بتاعته تانى

«««««««««««««««««««««««««««««««

عند سمر

كانت قاعده على الرصيف وبتعيط وهى بتتفرج على الفيديو اللى ملك صورته ليها وسمعت صوت بيقول ليها

- عملتى ليه كده فى نفسك

سمر :- مسحت دموعها بسرعه وقفلت التليفون ورفعت راسها لفوق وقالت انت ايه جابك هنا

مهند :- ردى على سؤالى ليه عملتى كده فى نفسك كسبتى ايه لما فضحتى نفسك كده

سمر :- م.م.ملكش دعوه متدخلش فى اللى ملكش فيه وقامت وقفت ولسه هتمشى

مهند :- مسكها من دراعها وقال لما اكون بكلمك متسبنيش وتمشى مفهوم

سمر :- شدت دراعها وقالت والله وده من ايه أن شاءالله عايز تعمل راجل روح اعمل على اختك مش عليا انا فاهم

مهند :- داس على دراعها وقال لسه ليكى عين تتكلمى يا بجحتك بت واحده غيرك بعد اللى حصلها ده تنكسر وتتهد مش تبقى متفرعنه كده

سمر :- بعصبيه لا عاش ولا كان اللى يكسرنى

مهند :- لاء عيشت وكنت وانا اللى هكسرك يا سمر

سمر :- انت بتحلم

مهند :- داس على أسنانه وبص فى عينيها بعصبيه وقال حتى لو حلم مهند هيخليه حقيقه

سمر :- حست بخوف وتوتر وقالت س.س.سيب دراعى

مهند :- داس اكتر على دراعها وهو بيبص فى عينيها

سمر :- بألم ااااه سيب دراعى بقى

مهند :- امشي معايا

سمر:- لاء

مهند :- انا بحب اقول الكلمه مره واحده امشى بقولك

سمر :- بخوف مشيت معاه وقالت هوف حاجه مقرفه انت مالك بيا يا اخى سيبنى فى حالى

مهند :- مردتيش عليا كسبتى ايه لما فضحتى نفسك

سمر :- ملكش دعوه ومتدخلش فى اللى ملكش فيه

مهند :- انتى واحده معندكيش دم ولا همك اختك المختفيه ولا همك سمعتك ولا همك اخوكى وكسرته قدام أهل الحاره لو عرفوا اللى حصل ده ولا اختك مياده لو عريس فكر يطلبها لجواز وعرف سمعتك اللى زى الزفت دى هيطفش منها

سمر :- مبقاش غير واحد حشاش زيك يجى ويتكلم معايا وينصحنى كنت روح انصح نفسك بدل ما انت اربعه وعشرين ساعه بتشرب حشيش وعمال تعاكس فى البنات بلاش وحياة أهلك تعملى فيها كبير وناضج

مهند :- انا راجل واللى بعمله ده عادى ومهما الناس تتكلم عليا مش هيضرنى بحاجه انما انتى بنت والمفروض اهم حاجه فى البنت سمعتها وانتى ماشاءالله سمعتك زى الزفت

سمر :- بعصبيه سمعتى زى الزفت علشان طموحه علشان عايزه أطلع من الفقر ده واعيش شبه البنى ادمين علشان بدور على فرصه تيجى تخرجنى من ام الحاره اللى عايشه فيها دى انا واحده ربنا خلقها عندها طموح وبحاول احقق طموحى ومش هييأس وهفضل ادور على الفرصه دى مره واتنين وتلاته لحد ما فى مره هتصيب وهبقى غنيه ومعايا فلوس كتير اوى واجيب كل اللى بحلم بيه وفى نفسى

مهند :- محدش قالك متحلميش احلمى بس بأدب وبشرف مش تروحى فيلا شاب غريب وتسمحى لنفسك تبقى بالمنظر ده مفكرتيش لو كان اصحابك دول محدش فيهم لاحقك كان ايه هيحصلك كنتى هتخسرى كل حاجه هتخسرى شرفك ولا كان هيعبرك بعد كده احنا الشباب عندنا حيل كتيرررررر اوى علشان نوقع البنت بيها بنعرف سكة البنت دى ايه وبندخلها منها لحد ما ناخد اللى احنا عايزينه وبعد كده نقول ليها امك فى العش ولا طارت عمرنا ما هنفكر نرتبط بالبنت اللى سلمت نفسها لينا لأنها مش هتكون موضع ثقه لينا وشاطرين اوى اوى فى الكدب وعندنا اسلوب نخلى اى بنت تقتنع أننا واقعين فيها وأنها هى الحب الاول والاخير رغم أننا ممكن نكون مش طيقنها بلاش تنخدعى بالمظاهر وحافظى على نفسك علشان لو خسرتى اهم حاجه مش هتلاقى اللى يعبرك راعى ربنا وحافظى على نفسك يا شيخه وارضى بالمكتوب علشان البطر آخرته وحشه اوى

سمر :- سقفت وقالت برافوووو لاء بجد اقتنعت بكلامك انت اهبل يالا مفكر الناس كلها واطيه وزباله زيك ولا ايه وبعدين انا سمر متخلقش لسه اللى يضحك عليا

مهند :- داس على أسنانه بغيظ وشد التليفون من ايديها وفتح الفيديو وقال وده ايه كان بمزاجك وجسمك اللى من غير هدوم خالص ده كان بمزاجك

سمر :- شدت التليفون من أيده وقالت انت ازاى تسمح لنفسك تمسك تليفونى وبعدين انت جاى هنا بتعمل ايه

مهند :- متغيريش الموضوع مش عليا الكلام ده يا حلوه

سمر :- ا.ا انت مالك بتحاسبنى بصفتك ايه ابويه اخويه خطيبى جوزى

مهند :- لاء بنت الحاره بتاعتى ويعتبر انا اللى مربيكى ومن حقى اوقفك لما الاقيكى بتعملى الغلط

سمر :- وانا مش صغيره ومش مستنيه حد زيك يقولى اعمل ايه ولا معملش ايه

مهند :- بت انتى مستفزه اوى وانا مصبر نفسى عليكى بالعافيه

سمر :- وليه تغصب على نفسك اتفضل امشى وملكش دعوه بيا خالص

مهند :- داس على أسنانه بغيظ ورفع أيده علشان يضربها

سمر :- بخوف حطت ايديها على وشها

مهند :- وقف أيده فى الهوا وقفلها بغيظ ونزلها تانى

سمر :- بعدت ايديها من على وشها وقالت بنى أدم همجى

مهند:- يا بنتى لمى لسانك بدل ما اقطعولك

سمر :- ولا تقدر

مهند :- ده على اساس انك مكنتيش عامله شبه الأرنب دلوقتى وانا برفع ايدى علشان اضربك

سمر :- انا هخاف منك انت

مهند :- كده طيب ورفع أيده

سمر :- خافت وحطت ايديها على وشها وصرخت

مهند :- ضحك وقال جبانه ومقاوحه

سمر :- شالت ايديها وبصت ليه بغيظ وسابته ومشيت

مهند :- مشى وراها ومسكها من دراعها وقال اتزفتى هنا لما أوقف تاكسى

سمر :- لاء مش هركب معاك

مهند :- متعصبنيش

سمر :- ما تتعصب عادى يعنى

مهند :- اللهم طولك ياروح

سمر :- بعد الشر قول اللهم قصرك يا روح علشان تغور وارتاح من غلاستك

مهند :- قفل أيده جامد بغيظ ووقف تاكسى وفتح الباب وقال اركبى

سمر :- قولتلك مش هركب معاك

مهند :- لاقه السواق بيبص ليهم بأستغراب قال احم دى خطيبتى وبص لسمر وبرق ليها وداس على اسنانه وقال اركبى احسنلك

سمر :- حست بخوف نفخت وركبت التاكسى

مهند :- رزع الباب وركب جنب السواق لاقه بيبص ليه قال بنات اليومين دول مدلعين على الاخر كل شويه يزعلوا ويطلعوا عين اللى خلفونا اطلع يا سطا وبص وراه على سمر

سمر :- بصت ليه بقرف وقالت بارد

مهند :- بص على السواق وبعد كده بص من الشباك

سمر :- بصت على مهند بغيظ وبعدين فتحت التليفون بتاعها وجابت الفيديو واتفرجت على نفسها ودموعها نزلت منها من غير ما تحس

مهند :- كان متابع سمر فى المرايا واول ما شاف دموعها نزلت منها بص ليها بأستغراب ورجع يتابعها تانى فى المرايا

سمر :- اخدت بالها أن دموعها نزلت مسحتها بسرعه وبصت على مهند علشان تتأكد أنه مشافش دموعها لاقته مش بيبص ليها اتنهدت براحه وغمضت عينيها بوجع وافتكرت كل اللى بيحصل ليها وبعد وقت وصل التاكسى الحاره نزلت تجرى من التاكسى وطلعت على الشقه من غير ولا كلمه

مهند :- بص عليها وهى ماشيه وحاسب التاكسى وطلع وراها

سمر :- طلعت الشقه ملاقتش حد موجود اترمت على السرير وقعدت تعيط وحست بأيد على كتفها رفعت راسها وقالت ايه جابك ورايا تانى وازاى تدخل اوضى اطلع بره لو سمحت

مهند :- انا لاقيت الباب مفتوح خبط محدش رد وسمعت صوت عياطك علشان كده دخلت

سمر :- انا مش بعيط واطلع بره لو سمحت

مهند :- قعد جنبها على السرير ومد أيده على خدها وقال امال الدموع دى ايه

سمر:- قالت م.م.ملكش دعوه

مهند :- مشي ايده على شفايفها وقال عارفه انتى بتبقى جميله اوى وانتى بتعيطى

سمر :- اتوترت وقالت ا.ا ازاى يعنى

مهند :- يعنى بتبقى هاديه وكيوت مش البنت ام لسان طويل اللى عايزه قطعه

سمر :- بصت ليه بكسوف

مهند :- قرب من شفايفها وغمض عينه ولسه هيبوسها

سمعوا صوت حكمت بتقول

حكمت :- مهند!! انت بتعمل ايه هنا ؟

مهند :- وقف بتوتر وقال ها م.م.مفيش اصل قابلت سمر فى سكتى ووصلتها معايا

حكمت :- والله قابلتها تقوم توصلها لحد البيت وسريرها كمان

مهند :- لاء يا اما اوعى تفهمينى غلط

سمر :- كانت واقفه بتدعك فى ايديها من الموقف

حكمت :- افهمك غلط ايه بس انت ازاى تعمل كده دول امانه فى رقابتنا وصلت بيك الجرأه تعمل كده ليه طيب كنت فكر أن عندك اخت وممكن يتعمل فيها كده

مهند :- وانا عملت ايه بس يا اما والله العظيم ما حصل حاجه

حكمت :- انا لازم اقول لابوك يشوف صرفه

مهند. :- نهار مش فايت انتى بتقولى ايه بس اقسم بالله ما لمستها

حكمت :- الحمدالله أن ربنا بعتنى فى الوقت المناسب وطلعت علشان اجيب ليهم اكل وشوفت كل حاجه بعينى

مهند :- انتى شوفتى ايه بس انتى دخلتى علينا لاقتينا على السرير يعنى

حكمت :- بتريقه لاء كنتوا قاعدين على سجادة الصلاة

مهند :- بص لاقه السرير مشى أيده على شعره وقال بصى هو فعلا احنا كنا قاعدين على السرير بس محصلش حاجه والله وبص على سمر وقال ما تنطقى وقولى حاجه ولا بلعتى لسانك دلوقتى

حكمت :- هتقول ايه بس ما هو الغلط مش عليها هى صغيره ولسه طايشه الدور والباقى على الشحط الكبير اللى مفروض يكون عاقل وفاهم الصح من الغلط

مهند :- يا دين النبى انتى ليه مكبره الموضوع بس يا اما انزلى معايا بس

حكمت :- انا نازله اكلم ابوك يشوف حل للموضوع ده

مهند :- لطم وقال الطم يا اما حل ايه وربنا ما لمستها اقسم بالله ما عملت معاها حاجه انتى ناويه تعمليلى تهمه وخلاص

حكمت :- انت لازم تتجوزها

سمر :- بصت ليهم بصدمه

مهند :- لولولولولولوى على البركه لبست

سمر :- ايه اللى انتى بتقوليه ده يا خالتى انا ساكته من بدرى ومش برد عليكى بس لحد هنا وكفايه انا مستحيل اتجوزه

مهند :- حمدالله على السلامه اخيرآ نطقتى وبص لامه وقال اهى رفضت كويس انها جات منها هى يلا يا حبيبتى

حكمت :- اوعى كده وبصت لسمر وقالت ولما انتى مش عايزاه ليه سيباه يقرب منك

سمر :- ومين قالك يا خالتى أن انا كنت هسيبه يقرب منى انا لسه هتكلم لاقيتك داخله علينا

وفى الوقت ده دخلت مياده بأستغراب وقالت

مياده :- خالتى ام مريم مهند فيه ايه يا خالتى

حكمت :- اتنهدت وقالت مش عارفه اقولك ايه يا بنتى

مهند:- ايووووه شغل الناس الكبار ده انا عارفه مدام اتصعبت كده يبقى بترسمى على كبير اقسم بالله امى وانا عارفها امشى يا حبيبتى

حكمت :- بس يا قليل الادب

مياده :- انا مش فاهمه حاجه

حكمت :- انا كنت جايبه ليكم صنية الاكل زى ما طلبتى منى فى التليفون لاقيت البيه ده قاعد مع سمر هنا فى الاوضه

مياده :- بصدمه انت يا مهند تعمل كده

مهند :- والله العظيم ما عملت حاجه انا كنت بوصلها ما انتى عارفه كل حاجه

مياده :- وانا قولتلك توصلها لحد اوضت نومها

سمر :- استنوا بس يعنى ايه انتى عارفه كل حاجه ويعنى ايه قولتلك وصلها لحد اوضت نومها

مياده :- ها

سمر:- انا قولت برضه الموضوع فيه أن ايه هيجيبه عند الجامعه بتاعتى وفى الوقت ده وهو اصلا بيقوم بعد الضهر والعصر كمان اتاريكم متفقين عليا

مهند :- قعد على الكنبه وقال وادى قاعده بقى شكل الموضوع هيطول

حكمت :- ضربته على كتفه وقالت وليك عين تهزر

مياده :- سمر انا اللى كلمت مهند علشان يروح يجيبك علشان اللى حصل

سمر :- وانا قولتلك مش صغيره علشان حد يودينى ويجيبنى وبعدين ملاقتيش غير المستفز ده

مياده :- اهو المستفز ده الوحيد اللى بيقدر عليكى

سمر :- انا متخلقش لسه اللى يقدر عليا يا مياده

مياده :- اهو غرورك ده اللى كان هيوديكى فى ستين داهيه

سمر :- والله العظيم اهى الداهيه دى احسن مليون مره من وشكم

مياده :- انتى بجد بقيتى قليلة الادب وعايزه كسر رقابتك

سمر :- ومين بقى اللى هيكسر رقابتى ده وشاورت على مهند

حكمت :- استهدوا بالله يا بنات

مهند :- هو من نحية كسر الرقبه دى حاجه سهله اوى عليا يا سمر ومش هتخدى حاجه فى ايدى بلاش تستفزينى

سمر :- بلاش تاخد قلم فى نفسك انت كمان هى تنفخ فيك وانت تعمل فيها سبع الرجال

مهند :- وقف وراح عندها وقال تحبى تشوفى انا سبع الرجال ولا لاء

سمر :- عايز تتفشخر قدامها روح اتفشخر على حد تانى بعيد عنى

مياده :- انتى عبيطه يا بت

سمر :- عاملين فيها روميو وجوليت

مهند :- بص لمياده وقال هى بتقول على مين روميو وجوليت

مياده :- بأحراج تقصدنى انا وانت

مهند :- ااااه كملت

حكمت :- بااااااااس فيه ايه اسكتوا كلكم مش عايزه اسمع صوت حد فيكم

سمر :- طيب

مياده :- حاضر يا خالتى

مهند :- حط أيده على بؤقه

حكمت :- مياده يا بنتى انا عارفه أن الظروف اليومين دول صعبه علشان اختفاء علياء بس احنا هنيجى انا وعمك عبده ومراد ومهند بكره بليل علشان نتقدم لأختك سمر

مهند :- لمين بقى أن شاءالله

حكمت :- ليك انت يا اخرة صبرى

سمر :- معلش يا خالتى مع احترامى ليكى بس انا قولت لحضرتك مش موافقه

مياده :- سيبك منها يا خالتى احنا هنكون فى انتظاركم

سمر :- ايه اللى انتى بتقوليه ده

مياده :- اخرسي خالص

مهند :- طيب انا هنزل انام بقى ابقوا بلغونى قررتوا ايه وسابهم ونزل

سمر :- ده لو اخر واحد مش هتجوزه

حكمت :- طيب انا نازله علشان اكلم عمك عبده وسابتهم ونزلت

مياده :- بت انتى معندكيش ريحة الدم بعد الفضايح اللى حصلت منك دى ليكى عين تتكلمى

سمر :- على جثتى اتجوزه مش هسيب فقر واروح لفقر انا هتجوز واحد يخرجنى من ام الحاره دى يعيشنى الحياه مش أندفن فيها بالحياه

مياده :- محرمتيش من طموحاتك دى اللى كانت هتوديكى فى ستين داهيه وتفضحك لولا اصحابك

سمر :- مش هييأس اكيد هلاقى الشاب اللى يحقق ليا كل احلامى مش تقوليلى مهند

مياده :- طيب اعملى حسابك بقى مفيش غير مهند اللى هتتجوزيه

سمر :- طيب عند بعند مش متجوزه مهند وأعلى ما فى خيلك اركبيه وسابتها وخرجت من الاوضه

مياده :- خرجت وراها وقالت طيب ورينى هترفضى ازاى بكره هيجوا ويتقدموا ليكى وانا وعبد الرحمن هنوافق

سمر :- عجبك اتجوزيه إنما أنا لاء يا مياده

مياده :- بكره مش بعيد

سمر :- هنشوف يا مياده ايه اللى هيحصل

مياده :- بصت ليها بغيظ وسابتها

سمر :- بغيظ لو اخر راجل مش هتجوزه الموت ارحم من اعيش مع واحد زى ده ونامت على الكنبه وغمضت عينيها

««««««««««««««««««««««««««««««

فى شقة عبده

فى اوضت مهند ومراد

دخل مهند الاوضه وحدف نفسه على السرير ونفخ وكان قاعد على السرير التانى مراد بص لمهند بأستغراب وقال

مراد :- مالك بتنفخ كده ليه

مهند :- مش حابب اللى بيحصل ده

مراد :- اللى هو ايه

مهند :- اتنهد وقال اللعبه اللى احنا بنعملوها دى

مراد :- لعبة ايه

مهند :- هو فيه ايه يا اخى انت اللى نازل عليك أسأله وبس كأنك مش عايش معانا فى البيت

مراد :- وانا هعرف منين انا برجع من الشغل بنام علطول وبقوم انزل الشغل علطول

مهند :- من يوم اللى حصل ده وانت بقيت في دنيا تانيه يا مراد مبقتش حاسس بأى حاجه بتحصل فى البيت بقيت تقوم من النوم تنزل الشغل ترجع من الشغل تنام

مراد :- بوجع ربنا ما يوريك اللى انا فيه يا مهند انا بموت وبحاول أظهر قصادكم أن مفيش حاجه وان انا طبيعى من يوم اللى حصل ده وانا بقيت بنى أدم تانى وشخص تانى خالص كل حاجه ماتت جوايا انا دبحت بأيدي دول الانسانه الوحيده اللى سكنت قلبى ببرأتها وبقلبها الكبير وضيعتها وضيعت نفسى معاها اسكت يا مهند اللى انا فيه ده صعب حد يتحمله

مهند :- يا ابنى انت افهم اللى حصل ده كان غصب عنك مش بمزاجك واكيد هى لما تهدا وتفكر بهدوء هتعرف كده لان هى متربيه معانا واكيد عارفه انت ايه واخلاقك عامله ازاى ومستحيل تعمل كده

مراد :- وقف ومسك سيجاره وولعها وقال مش قادر انسى نظرتها ليا بعد ما فؤقنا نظرتها ليا فيها اتهام كره احتقار الموت اهون ليا من الكلام اللى كان موجود فى نظرتها دى

مهند :- بأستغراب مراد انت من امته بتشرب سجاير

مراد :- لسه الايام دى مش لاقى حاجه اطلع فيها وجعى غير الدخان ده

مهند :- راح عنده و شد من أيده السيجاره وقال انت هتستعبط ما انت طول عمرك بتكره ريحتها

مراد :- شدها من أيده تانى وقال هات يا مهند مفيش حاجه بتفضل على حالها يعنى هى جات على شربى لسجاير

مهند :- اتنهد بوجع وقال حالتك بتدهور يا مراد

مراد :- بوجع عارف ومش هرتاح غير لما الاقيها واتجوزها

مهند :- اكيد هتظهر قريب تلاقيها قاعده عند حد من أهلها

مراد :- وهى من امته تعرف حد من أهلها ما انت عارف من يوم موت ابوها وامها ومحدش بيسأل فيهم ومتعرفش مكانهم فين

مهند :- اتنهد وقال محدش عارف يمكن سألت وعرفت مكان حد منهم

مراد :- انا بفكر اقبل عرض عمر

مهند :- بأستغراب عرض ايه ده

مراد :- عمر عرض عليا اسافر مع اخوه بره امسك فرع الشركه هناك واخلى بالى على اخوه

مهند :- بصدمه نعم وانت هتوافق تسافر وتبعد عننا

مراد :- مش قادر استحمل تأنيب الضمير يا مهند ومش فى ايدى حاجه اختفت ومش قادر اوصل ليها حاسس نفسى متكتف وحاسس أن ربنا بعت ليا موضوع السفر ده علشان اعيد حساباتى من جديد واعيش حياة جديده ودنيا تانيه

مهند :- والله وهتقدر تعيش عادى وتنسى اللى حصل ده

مراد :- هحاول على الاقل ابعد شويه عن الضغط اللى بقيت عيشه ده

مهند :- والله انت حر

مراد :- اتنهد وقال لازم ابعد الفتره دى لازم وشرب السيجاره

مهند :- بص على اخوه بوجع واتنهد ونام على السرير وقعد يفكر فى اللى حصل مع سمر

««««««««««««««««««««««««««««

اشرقت شمس صباح يوم جديد لتبدء علياء بفتح عيونها على صوت خبط على باب اوضتها قعدت على السرير وقالت

علياء :- مين

عمر :- انا يا علياء

علياء :- ادخل

عمر :- فتح الباب ودخل وقال عامله ايه دلوقتى

علياء :- اتنهدت وقالت كويسه

عمر :- لو حاسه بتعب قوليلى اجيب ليكى الدكتور

علياء :- بعصبيه قولتلك انا كويسه

عمر :- أهدى يا علياء انا بطمن عليكى مش اكتر

علياء :- اتنهدت وقالت انا اسفه مكنتش اقصد اتعصب عليك

عمر :- ولا يهمك انا عارف انك عصبيه من الضغط اللى عليكى

علياء :- ممكن اطلب منك طلب

عمر :- اكيد اطلبى

علياء :- انا عايزه اخواتى التلاته النهارده

عمر :- بأستغراب التلاته

علياء :- ايوه

عمر :- اعتبرى طلبك ده اتنفذ وممكن كمان اجيب المأذون النهارده بليل واكتب كتابك

علياء :- اتنهدت بوجع وقالت موافقه

عمر :- بفرحه اوعدك انك مش هتندمى على قرارك ده

علياء :- بوجع بتمنى انك انت اللى متندمش على جوازك منى

عمر :- ليه بتقولى كده

علياء :- بوجع علشان اتحملت غلطه انت ملكش دعوه بيها

عمر :- ولا انتى ليكى دعوه بيها اللى حصلك ده غصب عنك مش برضاكى قضاء ربنا يا علياء

علياء :- بدموع ونعم بالله

عمر :- امسحى دموعك و قومى اغسلى وشك واتوضى وصلى على ما احضر ليكى الفطار وابتسم ليها وخرج

علياء :- بصت على عمر وهو خارج واتنهدت وقامت دخلت الحمام اتوضت وخرجت أدت فرضها وخرجت من الاوضه لاقت عمر حضر الفطار

عمر :- تعالى يا علياء انا حضرت الاكل خلاص

علياء :- قعدت على الكرسي وبصت لعمر

عمر :- قعد وقال بأستغراب بتبصى ليا كده ليه

علياء :- انت ليه بتعمل معايا كده

عمر :- ما انا قولتلك قبل كده بعوضك عن اللى حصل فيكى بسبب اخويه

علياء :- انت ليه متجوزتش لحد دلوقتى

عمر :- اتنهد بوجع وقال علشان ملاقتش اللى انا بحلم بيها وبتمناها

علياء :- وايه اللى اتغير دلوقتى وخلاك تتجوزنى

عمر :- علشان انتى فيكى كل المواصفات اللى عيشت احلم بيها

علياء :- بتريقه فيا انا طيب ازاى ايه كنت بتحلم بواحده خدامه فى البيوت ولا بواحده مغتصبه وخسرت اغلى ما عندها ولا واحده شحاته زى مش لاقيه اللقمه

عمر :- كل اللى انتى قولتيه ده مش عيب ولا حرام سبق وقولتلك أن الشغل مش عيب المهم يكون شريف وقولتلك برضه اللى حصلك ده غصب عنك مش برضاكى والفقر عمره ما كان ذنب لصحبه انا حبيت فيكى البنت المكافحة الشريفه اللى شقت وتعبت علشان تربى اخواتها بشرف ورزق حلال حبيت فيكى القوه اللى فى عينيكى رغم كل اللى حصلك حبيت فيكى الاصرار والتحدى اللى جواكى انتى قويه اوى يا علياء وطول عمرى كنت بحلم بواحده زيك ست بمية راجل اللى لو يوم حصلى حاجه ابقى مطمن ان اللى سيبها ورايا ست قويه هتقدر تتحمل المسؤوليه وتعيش بشرف هتقدر تحافظ على فلوسى اللى تعبت على ما عملتها ست تخاف عليا وتصنى وانا متأكد انك هتعملى معايا كده عرفتى انا اختارتك انتى ليه رغم أن انا لسه عرفك بس حاسس ان انا اعرفك من سنين طويله علياء انا سبق وقولت ليكى حياتى كانت ازاى يعنى مش مولود وفى بؤقى معلقه دهب زى ما بيقولوا وعلشان كده حاسس بيكى وباللى زيك

علياء :- يعنى عمرك ما هتعيرنى باللى حصلى ده

عمر :- قطع لسانى لو فكرت فى يوم اعملها انتى هتبقى ام عيالى يا علياء مستحيل افكر اعمل كده اطمنى مسير الايام تعرفك انا ايه

علياء :- اتنهدت بأرتياح وابتسمت ليه

عمر :- ابتسم ليها وفى الوقت ده تليفونه رن رد وقال صباح الخير يا مراد

علياء :- اول ما سمعت اسم مراد المعلقه وقعت من ايديها

مراد :- صباح النور يا فندم انا كنت عايز أبلغ حضرتك أن انا موافق على السفر

عمر :- بجد فرحتنى والله بالموافقه دى خلاص ريح اليومين دول وجهز نفسك لسفر

مراد :- بس كنت عايز حضرتك فى موضوع ممكن اقابلك

عمر :- تقابلنى بس انا مش رايح الشركه النهارده

مراد :- معلش يا فندم ممكن اجيلك الفيلا

عمر :- بس انا مش فى الفيلا ينفع تأجله لحد بكره

مراد :- مش هينفع يا فندم

عمر :- تمام انا هبعت ليك العنوان وهنتظرك

مراد :- تمام شكرآ يا فندم وقفل السكه

علياء :- بتوتر عنوان ايه اللى هتبعته ليه

عمر :- عنوان الشقه هنا

علياء :- ها ط.ط.طيب ازاى هيجى هنا وانا موجوده

عمر :- متخافيش ادخلى جوه لما يجى اشوفه عايز ايه وهيمشي علطول

علياء :- بتوتر م.م.ماشي وبعد وقت سمعوا صوت جرس الباب علياء بصت بخوف على الباب وبصت لعمر

عمر :- متخافيش محدش هيعرف انك هنا ادخلى الاوضه ومتخرجيش منها غير لما اقولك

علياء :- بخوف م.م.ماشى وقامت دخلت الاوضه بتاعتها

عمر :- فتح الباب وقال تعال يا مراد

مراد :- اسف يا فندم ازعجتك

عمر :- مفيش إزعاج ولا حاجه ادخل

مراد :- دخل وقعد وقال كنت عايز اطلب من حضرتك طلب قبل ما اسافر

عمر :- اطلب يا مراد محتاج فلوس

مراد :- لالالا مش عايز فلوس مستوره والحمدالله

علياء :- فتحت الباب فتحه صغيره وبصت منها وشافت مراد وافتكرت اللى حصل حطت ايديها على بؤقها علشان تكتم صوتها وهى بتعيط

عمر :- امال ايه هو الطلب

مراد :- كنت محتاج من حضرتك تشوف حد يسأل على الانسه علياء اللى اخوه حضرتك دخلها القسم قبل كده وحضرتك خرجتها

عمر :- اتوتر وقال ها ل.ل.ليه خ.خ.خير هى مشيت

مراد :- ا.ا.ايوه

عمر :- طيب وانت مهتم بيها ليه مش هى مشيت بمزاجها

مراد :- ها اصل إخواتها هيموتوا عليها ومش عارفين يوصلوا ليها وطلبوا منى أن انا اساعدهم وادور عليها وانا وعدهم وكنت عايز الاقيها واطمن عليها قبل ما اسافر

علياء :- كانت بتسمع كلامه وهى دموعها نازله منها وقعدت تقول واطى وندل وجبان انا بكرهك بكرهك وقفلت الباب وقعدت وراه وقعدت تعيط

عمر :- عمومآ انا هخلى رجالتى تدور عليها ولو وصلوا لحاجه هبلغك

مراد :- وقف وقال شكرآ يا فندم انا كنت متأكد أن حضرتك مش هترفض تساعدنى

عمر :- ابتسم ليه وقال انا اللى لازم اشكرك علشان وافقت تسافر مع اخويه أدم

مراد :- على ايه الشكر يا فندم بتمنى اكون عند حسن ظن حضرتك عن اذن حضرتك

عمر :- اتفضل وراح وصلوا لحد الباب وقفل الباب وراه وراح خبط على باب اوضت علياء بس محدش رد قلق عليها فتح الباب وقال ..

الفصل 12 و13

فتاة فى زمن قاسي بقلم دودو محمدفتاة فى زمن قاسي الفصل الثاني عشر 12

فى شقة علياء واخواتها

صحيت مياده من نومها وبصت على السرير لاقت سمر مش موجوده قامت بسرعه وخرجت من الاوضه لاقتها نايمه على الكنبه اللى بينام عليها عبدالرحمن اتنهدت بأرتياح ودخلت تانى اوضتها ومسكت التليفون وطلبت رقم مهند وانتظرت الرد

مهند :- بصوت نعسان الو مين معايا

مياده :- انا مياده يا مهند

مهند :- خير يا انسه مياده

مياده :- رغم أن انا زعلانه منك بس قولت اشكرك على اللى حصل امبارح

مهند :- طيب يا ستى العفو بس زعلانه منى ليه

مياده :- علشان دخولك اوضت اختى

مهند :- نعم مش ده اتفاق

مياده :- لاء مش اتفاق احنا اتفقنا انك هتروح تجيبها من الجامعه وتوصلها لحد باب البيت مش لحد الاوضه

مهند :- هو بصى انتى عندك حق بس الصراحه صعبت عليا لما سمعت صوتها بتعيط اصل اختك جبروت ومش بالسهوله دى أنها تعيط دخلت ومعرفش بقى ايه اللى حصل

مياده :- مهند ارجوك متخيبش ظنى فيك كل الناس حظرتنى منك بس انا مقتنعه انك العكس وانك هتطلع راجل فى اتفاقنا صح ولا ايه

مهند :- متقلقيش والله هحاول اعمل ضبط نفس شويه وانا معاها

مياده :- كل ده تهديد ليها مش اكتر علشان تبطل طموحها الزياده عن اللزوم ده،، مهند اخر مره هطلبها منك بلاش تخيب ظنى فيك دى اختى ولو اذتها هحمل نفس الذنب طول عمرى ومش هرحمك

مهند :- اتنهد وقال احنا لسه فى أولها لو خايفه وقلقانه نلغى الاتفاق

مياده :- لاء تلغى ايه احنا على اتفاقنا

مهند :- تمام شوفى عايزانى اعمل ايه وهعمله

مياده :- معلش هتعبك معانا شويه هتجهز نفسك وتوصلها الجامعه

مهند :- ربع ساعه واكون جاهز

مياده :- لاء ربع ساعه ايه دى سمر بتاخد ساعتين فى تجهيز نفسها على مهلك

مهند :- تمام سلام

مياده :- سلام وقفلت معاه وقالت بقلق ربنا يستر ومطلعش غلطانه واكون بسلم اختى ليه واتنهدت وقامت خرجت من الاوضه بصت على سمر لاقتها لسه نايمه دخلت الحمام وقفلت الباب وراها

سمر :- فتحت عينيها اول ما سمعت صوت باب الحمام وقامت قعدت على الكنبه وقالت بقى كده بتعملوا عليا لعبه حلو اوى اوى انا هخليكم تندموا على لعبكم ده وضحكت بخبث وفى الوقت ده باب الشقه اتفتح ودخل عبدالرحمن وقال

عبدالرحمن :- بتعب السلام عليكم

سمر :- وعليكم السلام

عبدالرحمن :- غريبه اول مره اجى الاقيكى صاحيه وقاعده هنا كمان

سمر :- بضحك اصل النهارده يوم مش عادى

عبدالرحمن :- بعدم فهم يعنى ايه مش فاهم وفى الوقت ده باب الحمام اتفتح وخرجت مياده وقالت

مياده :- صباح الخير يا حبيبى

عبدالرحمن :- صباح النور يا مياده

مياده :- مش هينفع يا حبيبى اللى انت بتعملوا فى نفسك ده شغل طول الليل وجامعه طول النهار هتتعب جامد كده

عبدالرحمن :- لازم اعمل كده يا مياده مش هستنى حد يمد أيده فى جيبه ويصرف عليا انا لازم اعتمد على نفسى

مياده :- ربنا يقويك يا حبيبى

سمر :- بتريقه مش هتقوليلوا على الخبر السعيد

عبدالرحمن :- خبر ايه ده

سمر :- مهند الحشاش متقدم ليا

عبدالرحمن :- بصدمه نعم متقدم ليكى ازاى

سمر :- ما تتكلمى يا ميزو سكته ليه

مياده :- بصت ليها بغيظ وبعد كده بصت لاخوها وقالت تعال هفهمك

عبدالرحمن :- قعد وقال هتفهمينى ايه بس يا مياده ازاى اللى اسمه مهند ده يطلب سمر مبقاش غير الحشاش ده.اللى يتجوز اختى

مياده :- اهدا وبالعقل كده خالتى ام مريم هى اللى ربتنا صح

عبدالرحمن :- ايوه بس ده مش معناه أن الزفت ده ياخد اختى

مياده :- ليه بس مهند راجل وانت شوفت بعينك من يوم ما علياء اختفت وهو مسبناش لحظه واحده

عبدالرحمن :- يا مياده انا مش بنكر كل ده بس هو صايع وسمعته زى الزفت ولا وراه شغله ولا مشغله غير طول النهار يحشش ويعاكس فى البنات فى الشارع ازاى بس اديله اختى

مياده :- طيب اهدا كده هو عمره عاكس حد فينا

عبدالرحمن :- وانا هعرف منين ما يمكن كان بيعاكس حد فيكم انتوا التلاته ومحدش بيتكلم

مياده :- انا عن نفسى عمره وعلياء على ما اعتقد عمره ما عاكسها

سمر :- بتريقه شهاده لله شاب ونعم الاخلاق

مياده :- بغيظ اخرسى انتى بقولك وبصت لاخوها وقالت يعنى بيعاكس بعيد عننا ومفيش شاب مش بيعاكس بنات يا عبدالرحمن وانت شاب وعارف كده

عبدالرحمن :- ماشى انا معاكى طيب والحشيش ما اخوه مراد اهو سمعته زى الفل وعمره ما شرب السيجاره لو هو اللى كان اتقدم لحد فيكم مكنتش هعترض كنت هوافق علطول إنما مهند لاء والف لاء انا مش هرمى اختى لواحد زيه

مياده :- عبدالرحمن خالتى ام مريم هى اللى طلبت منى كده وانا بقى مقدرش اقولها لاء وقالت هتيجى النهارده هى وعمى عبده ومراد ومهند

عبدالرحمن :- يا سلام يعنى أرمى اختى علشان مكسوفه تقولى لاء انا هقولها يا مياده دى اختى وانا حر اوافق أو أرفض محدش ليه عندنا حاجه

سمر :- بتريقه ليه بس زعلتنى ده انا كنت هموت عليه اهئ اهئ اهئ وبصت بأستفزاز لمياده

مياده :- وقفت وقالت وانا اختك الكبيره وبقولك موافقه على الجوازه دى يا عبدالرحمن

عبدالرحمن :- وانا الراجل هنا واعرف مصلحة اختى اكتر منك يا مياده

سمر :- بصت ليهم وقالت طيب خدوا القرار لحد ما ادخل اشوف فيه اكل فى البيت ده ولا كالعاده فقر وسابتهم ودخلت المطبخ

مياده :- بصت عليها وهى ماشيه بغيظ ورجعت بصت لعبدالرحمن وقالت افهمنى يا حبيبى الوحيد اللى هينفع مع اختك هو مهند اختك بتخاف منه وهيقدر يظبطها بدل ما هى متفرعنه كده ومش لاقيه حد يلمها

عبدالرحمن :- بذمتك انتى هتأمنى على اختك معاه

مياده :- على فكره مهند مش وحش كده انا شايفه أنه اتغير اوى الايام دى وبعد عن الشله اللى كانت سبب ضياعه ومش بينزل يوقف فى الشارع زى الاول

عبدالرحمن :- افرضى انا وافقت هيعيشها ازاى وهيصرف عليها منين وهو مش شغال

مياده :- اقعد النهارده معاهم واسألهم السؤال ده وشوف ردهم ايه

عبدالرحمن :- اختك لو اتعذبت معاه فى حياتها انتى اللى هتبقى السبب وهحملك المسؤوليه

مياده :- بصت ليه وضحكت بتوتر وقالت اللى فيه الخير يقدمه ربنا

عبدالرحمن :- انا هروح الجامعه بقى عايزه حاجه

مياده :- قربت منه وقالت بصوت واطى انا عرفت مكان علياء

عبدالرحمن :- بفرحه بجد وساكته ليه يلا نروح ليها

مياده :- حطت ايديها على بؤقه وقالت شششش وطى صوتك مش عايزه سمر تعرف

عبدالرحمن :- ليه

مياده :- هبقى اقولك كل حاجه بليل لما ترجع من الجامعه

عبدالرحمن :- بس انا هتجنن عليها ومش هقدر اصبر لبليل وبعدين استنى هنا انتى عرفتى مكانها ازاى

مياده :- مش هعرف اقولك ايه حاجه دلوقتى امشى دلوقتى بس وهعرفك كل حاجه بعدين

عبدالرحمن :- اتنهد وقال ماشي ووقف وقال سلام

مياده :- اتنهدت وقالت ربنا يستر ومتخيبش ظنى يا مهند

سمر :- وهى خارجه من المطبخ ومسكه سندوتش فى ايديها قالت مين بينده على خطيبى ها

مياده :- بت انتى بطلى استفزاز

سمر :- بغنى يا دبلة الخطوبه عقبالنا كلنا ونبنى طوبه طوبه فى عش حبنا نتهنى بالخطوبه ونقول من قلبنا يا دبلة الخطوبه عقبالنا كلنا

مياده :- اقسم بالله لو ملمتيش نفسك هقطعلك شعرك يا سمر موتى بغيظك هتتجوزيه يعنى هتتجوزيه

سمر :- وانا ايه هيغظنى ده انا حتى حلمت بيه حلم ربنا يجعله من حده ومن نصيبه يارب قال ايه خير اللهم اجعله خير لابس ابيض فى ابيض وطاير فى السما وهب مره واحده وقع على جدور رقابته واتكل على الله وانا ارتحت منه للابد

مهند :- وقف على الباب وقال اه يا رقابتى انشالله انتى يا مقصوفة الرقبه

سمر :- وقفت وراحت عنده وقالت عريس الغفلة وصل اهو اتفضل يا عريسى يا غالى

مهند :- كتك عرسه تحش رقابتك انتى كل ده مخلصتيش

سمر :- وانت مالك عايز ايه يعنى

مهند :- اخص عليكى يا كتكوته هو ينفع يعنى اسيب خطيبتى تروح الجامعه لوحدها

سمر :- ناااااعم وانت هتعيش الدور بقى وتقولى اوصلك ده على جثتى

مهند :- معنديش مانع يبقى خليها على جثتك واكسرك رقابتك ايه رأيك

سمر :- بغيظ بقولك ايه يا بتاع انت ملكش دعوه بيا ومش هتوصلنى فاهم

مهند:- تؤتؤتؤ كده مهند يزعل

سمر :- ما تزعل ولا تتفلق عادى ايه يعنى

مهند :- بلاااااش زعلى مش هتقدرى عليه

سمر :- بقولك ايه غور بقى من وشي ولسه هتمشي

مهند :- مسك دراعها وداس عليه وقال قسمآ عظمآ لو مدخلتيش جهزتى نفسك فى اقل من ربع ساعه و الاقيكى هنا لكون سحلك من شعرك اللى فرحانه بيه ده واوديكى الجامعه بمنظرك ده

سمر :- بألم ااااه سيب دراعى ومش هتوصلنى

يا مهند

مهند :- داس على أسنانه بغيظ وبصلها وقال طيب لو منفذتيش الكلام اللى قولته ده خلال ربع ساعه متلوميش غير نفسك وجربى زعلى يا سمر

سمر :- بصت ليه بخوف وسحبت دراعها وقالت يووووه هوف بقى ربنا يخدك علشان ارتاح منك ودخلت تجرى على اوضتها

مياده :- بصت لمهند وقالت بفرحه ايوه كده عاش يا وحش

مهند :- اصبرى عليا بس هخليها تعرف أن الله حق

مياده :- بس براحه عليها شويه

مهند :- انتى مش عايزه اختك تتعدل انا هعدلها ومر ربع ساعه قال بصوت عالى شكلى كده هنفذ الكلام اللى قولته لو مخرجتيش دلوقتى حالا

سمر :- خرجت تجرى من الاوضه وهى جاهزه وقالت منها لله اللى دبستنى فيك

مياده :- ابتسمت وقالت معجزة من معجزات الزمن أن سمر تجهز فى ربع ساعه امال فين الساعتين والتلاته اللى كنت بتجهزى فيهم

سمر :- بغيظ بت انتى ملكيش دعوه بيا فاهمه

مهند :- انزلى يلا قدامى

سمر :- اللهى تنزلك النازله ما تلحق نفسك والناس تضحك عليك ونزلت تجرى على السلم

مهند :- ضحك على كلامها ونزل وراها

مياده :- وقفت وقالت بركاتك يا مهند ياااااه وبعدين قعدت على الكنبه وقالت بس صعبت عليا والله ربنا يهديها لنفسها ودخلت الاوضه غيرت هدومها وأدت فرضها وخرجت من باب الشقه ونزلت لاقت مروان خارج من الشقه كالعاده ابتسمت ليه وقالت صباح الخير

مروان :- بحب صباح النور واحشتينى

مياده :- اتكسفت وبصت فى الارض

مروان :- ضحك على كسوفها وقال تعرفى انك بتبقى احلى وانتى مكسوفه

مياده :- احم ب.ب.بلاش تتكلم معايا بالطريقه دى يا مروان

مروان :- بأستغراب ليه

مياده :- علشان حرام انت راجل غريب دلوقتى واى كلمه من دى ليا انا وانت بناخد ذنب عليها

مروان :- بحب اكتر حاجه شدانى ليكى ادبك واخلاقك والتزامك بدينك انا محظوظ أن ربنا بعتلى واحده زيك عمومآ يا ستى هانت اثبت نفسى فى شغلى ونقدر نوصل لأختك وهاجى أتقدم ليكى علطول

مياده :- بكسوف أن شاءالله عن اذنك

مروان :- ايه رايحه فين خليكى شويه ملحقتش اشبع منك

مياده :- م.م.معلش بس اتأخرت على الشغل سلام وسابته نزلت

مروان :- بص عليها وهى نازله بحب وقال ربنا يقرب البعيد وتبقى بتاعتى حلالى ونزل وراها وراح ركب الاتوبيس وراح على شغله

**

فى شقة عمر

قفل عمر الباب وراه مراد وراح خبط على باب اوضت علياء محدش رد قلق عليها فتح الباب وقال

عمر:- علياء انتى مش بتردى ليه

علياء :- كانت خارجه من باب الحمام قالت اسفه مسمعتش الخبط

عمر :- علياء انتى كنتى بتعيطى

علياء :- بتوتر ل.ل.لاء ليه بتقول كده

عمر :- باين عليكى انك كنتى بتعيطى وعلشان كده اول ما سمعتى صوتى دخلت الحمام صح

علياء :- انت عارف اللى انا فيه ده مش سهل خالص يا عمر

عمر :- انا لو مكنتش متأكد من أخلاق مراد كنت قولت هو اللى عمل فيكى كده علشان كل ما بتسمعى اسمه دموعك بتنزل بس مراد مستحيل يعمل كده من زمان عندى فى الشركه وعمره ما رفع عينه فى موظفه فى الشركه

علياء :- غمضت عينيها بوجع وقالت اسكت لو سمحت بلاش تفكرنى باللى حصل

عمر :- انتى ليه مش عايزه تقوليلى مين عمل فيكى كده

علياء :- علشان مش لازم تعرف مين هو

عمر :- ليه مش لازم يا علياء

علياء :- عمر لو بجد عايز تساعدنى أخرج من اللى انا فيه ده بلاش تجيب سيرة الموضوع ده تانى ممكن

عمر :- اتنهد وقال حاضر يا علياء ولو أن مفروض مدام وافقتى على طلب الجواز اعرف مين اللى عمل معاكى كده بس عمومآ اللى يريحك عن اذنك وسابها ومشى

علياء :- قعدت فى الارض وقعدت تصرخ وتعيط وقالت يااااارب انا تعبت والله العظيم تعبت مفيش واحده تستحمل اللى انا شوفته انا مش بعترض انا راضيه بقضائك بس مبقاش عندى طاقه استحمل الوجع ده كله الطف بيا يارب وريحنى بقى من العذاب اللى انا فيه ده يارب وفى الوقت ده سمعت صوت الاذان حست بأرتياح وابتسمت ومسحت دموعها وقامت من على الأرض دخلت اتوضت وخرجت فرشت سجادة الصلاة على الأرض وبدأت تأدى فرضها وبعد وقت انتهت من الصلاة وحست بطمأنيه وارتياح قامت اخدت المصحف وقعدت تقراه فيه

**

فى كلية التجاره

وصل عبدالرحمن ودخل وهو بيفكر فى موضوع سمر ومهند ومشى من قصاد مريم من غير ولا كلمه

مريم :- انت ياااااا

عبدالرحمن :- مردش عليها ومشى

مريم :- ما تلم اخواتك شويه يا عم واحده طفشت والتانيه مقضيها مع اخويه مهند صحيح بنات ملهمش حاكم

عبدالرحمن :- اول ما سمع كده وقف مكانه

مريم :- بس اختك عرفت ترسم على اخويه كويس اوى ما هى تربية خدامه وقعدت تضحك

عبدالرحمن :- راح عندها ووقف قصادها وهو الشرار بينط من عينه ورفع أيده ضربها بالقلم ومسك دراعها وداس عليه جامد وقال حسك عينك تجيبى سيرة حد من اخواتى تانى فاهمه

مريم :- من الالم دموعها نزلت وقالت اااااه سيب دراعى بيوجعنى

عبدالرحمن :- داس اكتر على دراعها وقال ووجعك ده يجى ايه جنب الوجع اللى بحسه لما تجيبى سيرة اخت من اخواتى

مريم :- بألم اااااااه دراعى

عبدالرحمن :- اخر مره يا مريم اسمعك تجيبى سيرة حد من اخواتى فاهمه وساب دراعها وزقها وقعت على الارض ومشي وسابها

مريم :- مسكت دراعها بألم وقعدت تعيط وبصت حاوليها لاقت الكل بيتفرج عليها قامت تجرى وروحت على البيت

**

عند مراد

جهز اوراق السفر وكان ماشى فى الشارع وماسك السيجاره فى أيده وماشى يفكر فى علياء ودموعه نزلت منه وقال

مراد :- بدموع ووجع حقك عليا يا علياء والله انا بحبك وعمرى ما فكرت اذيكى انتى الشمس اللى كانت بتنور حياتى كنت بخاف عليكى من الدنيا بحالها وللأسف طلعت انا اللى كنت اكبر خطر عليكى ارجعى يا علياء وانا اوعدك هعوضك عن كل لحظه اتألمتى فيها بسببى وسكت شويه ونفخ الدخان فى الهوا وقال وحتى لو رجعت هكون فين هكون هربت بعيد من وجعى وتعذيبى من تأنيب الضمير اللى مش بيخلينى انام الليل هبقى ندل واسيبك تتوجعى لوحدك هبعد يا علياء هبعد عن اكتر مكان بيفكرنى بيكى يااااااارب انا عمرى ما عملت حاجه تغضيبك طول عمرى بخاف اعصيك يارب سامحنى على غلطه مليش ذنب فيها غلطه ضيعتنى وضيعت البنى ادمه الوحيده اللى حبيتها ياااااارب الرحمه من عندك يارب وقعد يعيط

**

عند مهند وسمر

نزلوا الاتنين من التاكسى وحاسب مهند السواق وراح وراها وقال

مهند :- اصبرى يا زفته

سمر :- زفته فى عينك انا ليا اسم تنادينى بي وبعدين بقى انت هتقدر على فلوس التاكسى اللى بتوصلنى بيه كل يوم ده ولا ماما اللى هتدفعوا ليكى يا حلوه

مهند :- لاء مش ماما اللى هتدفعه يا خفه واتعدلى فى الكلام احسنلك

سمر :- والله وانت بقى هتجيب منين وانت عاطل وقاعد جنب امك لا شغل ولا مشغله

مهند :- اللهم طولك يا روح

سمر :- ما قولتلك بعد الشر اللهى يقصر روحك وابتسمت ليه

مهند :- رفع كفه قصاد عينيها وقال شايفه دى

سمر :- بتوتر م.م.مالها

مهند :- لو ملمتيش نفسك هتنزل على وشك تعدلك

سمر :- بخوف ها م.م.متقدرش

مهند :- لا اقدر يا حيلتها وعايزه تشوفى اقدر ولا لاء حاولى تستفزينى تانى

سمر :- ربنا يخدك وارتاح منك انت طلعت ليا منين بس

مهند :- من مصباح علاء الدين يا حلوه

سمر :- ههه سم ووصلوا عند باب الجامعه وقفت سمر مكانها وبصت بتوتر لمهند

مهند:- بصلها بأستغراب وقال ما تدخلى

سمر :- ها ا.ا.اه ما انا هدخل

مهند :- اخلصى ادخلى

سمر :- م.م.ماشى وبصت ليه بتوتر ودخلت وهى بتبص لمهند

مهند :- أتأكد انها دخلت ومشى

سمر :- اول ما دخلت لاقت هيثم وانجى واقفين راحت عندهم وقالت ص.ص.صباح الخير

هيثم :- بص لانجي وقال امشى يا انجي

انجي :- بصت بزعل لهيثم وقالت حاضر ومشيت معاه

سمر :- بصت ليهم بزعل ومشيت لاقت ملك واقفه مع شلة شباب وبتضحك راحت عندها وقالت انتى واحده و**** ازاى تسمحى لنفسك تعملى معايا كده هندمك ندم عمرك يا ملك وهعرفك مين سمر

ملك :- بضحك وليكى عين تتكلمى يا شباب المزه مستعده تبيع جسمها لليدفع اكتر

الشباب طلعوا فلوس وقربوا من سمر

سمر :- بخوف ابعدوا عنى بقولكم ابعدوا

ملك :- مالك مش انتى اللى قولتى كده بنفسك اختارى بقى

سمر :- ابعدوا عنى بقولكم مش هرحمك يا ملك مش هرحمك وقعدت تزق فى الشباب علشان تبعد عنها بس معرفتش خافت وقالت ابعدوا عنى

ملك :- كانت عماله تضحك على منظر سمر وهى خايفه والشباب بتقرب منها

سمر :- قعدت فى الارض بخوف بس لاقت مهند بيبعد الشباب عنها قامت جريت من الأرض واترمت فى حضن مهند بخوف وجسمها كله كان بيتنفض

ملك :- اول ما شافت مهند خافت ومشيت

مهند :- متخافيش امشى معايا يا سمر

سمر :- كانت ماسكه فى مهند ومش عايزه تبعد عنه

مهند :- انتى يا بنتى لزقتى ولا ما صدقتى تمسكى فيا

سمر :- بعدت عنه وقالت تصدق انك واحد معندكش دم

مهند :- ده اللى هو انا ده انتى حتى مفيش كلمة شكرآ علشان انقذتك

سمر :- انت هتاخد قلم فى نفسك؟ على فكره بقى انا مكنتش مستنيه مساعدتك انا كنت اقدر أدافع على نفسى كويس اوى

مهند:- ده على اساس انك مكنتيش شبه الأرنب فى الارض دلوقتى

سمر :- انت ايه اللى رجعك تانى

مهند :- الحق عليا قلقت عليكى لما شوفت منظرك وانتى خايفه تدخلى

سمر :-بتريقه شهم اوى الصراحه

مهند :- تصدقى انا غلطان وسابها ومشى

سمر :- شافت الشباب بتبص ليها خافت وطلعت تجرى وراه وقالت م.م.مهند استنى

مهند :- وقف وقال نعم

سمر :- انا مش هقدر اكمل اليوم هروح معاك

مهند :- ليه ما تكملى

سمر :- ما خلصنا بقى قولتلك هروح معاك

مهند :- جبانه ومأوحه امشى يا اختى

سمر :- هوف بارد ومشيت معاه تانى وروحوا على البيت

**

عند هيثم وانجي

انجي كانت عماله تعيط وهيثم بيهدى فيها وقال

هيثم :- ممكن افهم انتى بتعيطى ليه دلوقتى

انجي :- بدموع صعبانه عليا سمر

هيثم :- اللى زى دى متصعبش عليكى نسيتى اللى عملتوا معاكى ومعانا نسيتى شادى اللى هيسافر من البلد بسببها دى واحده انانيه متستهلش دموعك

انجي :- بدموع بس انا بحبها ومهما عملت فيا هتفضل صاحبة عمرى يا هيثم سمر كل مشكلتها انها طموحه زياده عن اللزوم واللى فى قلبها على لسانها مش بتعرف تتجمل كلامها بيجرح اه بس احسن ما تكون منافقه وتجمل الكلام وهى سوده من جوه سمر طيبه اوى وقلبها ابيض اسألنى انا عنها انا اكتر واحده اعرفها على الحقيقه انا مش عارفه ازاى سمعت كلامك وسبتها ومشيت

هيثم :- لاء يا انجي سمر واحده انانيه وبتغير منك ومش بتحبك زى ما انتى بتحبيها كده انتى طيبه اوى يا انجى ومفكره الناس كلها زيك انسى سمر يا انجى

انجى :- بدموع مقدرش يا هيثم مقدرش وطلعت تجرى تدور على سمر بس ملاقتهاش روحت على البيت وهى دموعها على خدها

فتاة فى زمن قاسي الفصل الثالث عشر 13

انتهى الوقت الدراسى لمياده وعبد الرحمن والاتنين اتفقوا مع بعض أنهم يتقابلوا ركب عبدالرحمن الاتوبيس وراح عند مدرسة مياده وانتظرها وبعد وقت خرجت مياده وقالت

مياده :- واقف من بدرى

عبدالرحمن :- لاء من شويه يلا بينا عند علياء

مياده :- اصبر فيه عربيه هتيجى تخدنا

عبدالرحمن :- عربية مين

مياده :- هتعرف كل حاجه اصبر شويه بس

عبدالرحمن :- لما نشوف اخرتها ايه معاكى وبعد وقت وصلت العربيه ليهم واخدتهم على شقة عمر وشويه ووصلوا عند البيت

مياده :- انزل يلا

عبدالرحمن :- انزل فين

مياده :- هنا علشان تشوف علياء

عبدالرحمن :- علياء وايه هيجيب علياء فى مكان زى ده

مياده :- فوق هتعرف كل حاجه

عبدالرحمن :- بص لمياده بعدم فهم وفتح الباب ونزل وطلعوا الاتنين عند الشقه ورنت مياده الجرس

علياء :- فتحت الباب واول ما شافت عبدالرحمن اترمت فى حضنه

عبدالرحمن :- دموعه نزلت منه وباس راسها وقال واحشتينى يا علياء واحشتينى اوى

علياء :- بدموع وانت اكتر يا حبيبى عامل ايه كل حاجه فيك واحشتنى

عبدالرحمن :- مش كويس طول ما انتى بعيده عننا انا فى بعدك عرفت معنى اليتم يا علياء حسيت بموت امى واحتياجى لحضنها بلاش تبعدينى عن حضنك يا علياء وقعد يعيط

علياء :- بدموع حقك عليا يا حبيبى مش هبعدكم عن حضنى تانى أبدآ وبعدت عن حضن عبدالرحمن وحضنة مياده وقالت واحشتينى

مياده :- لسه فاكره اه من لاقه أحبابه نسى أصحابه

علياء :- يا عبيطه انتوا التلاته حبايبى

مياده :- ضحكت وقالت عارفه انا بهزر معاكى

علياء :- فين سمر

مياده :- انا مقولتش لسمر مكانك يا علياء

علياء :- ليه بس يا مياده دى واحشتنى اوى

مياده :- هقولها بس مش دلوقتى

علياء :- ضحكت وقالت احنا هنتكلم كتير على الباب ادخلوا ودخلوا الاتنين وقفلت علياء الباب ودخلت وراهم

عبدالرحمن :- ممكن افهم انتى ليه بعدى عننا ودى شقة مين دى اللى انتى عايشه فيها

عمر :- خرج من جوه وقال انا أقولك

عبدالرحمن :- وقف بأستغراب وراح عند عمر وقال انت انت بتعمل ايه هنا مع اختى

عمر :- هقولك اتفضل اقعد

عبدالرحمن :- بعصبيه انا لا عايز اقعد ولا نيله انا عايز افهم ايه اللى بيحصل بالظبط

عمر :- اهدا يا عبدالرحمن

عبدالرحمن :- اهدا ازاى واختى هربت من بيتها وعايشه مع راجل غريب

علياء :- بصدمه ايه اللى انت بتقوله ده يا عبدالرحمن

عبدالرحمن :- بعصبيه بقول اللى انا شايفه بعيونى يا علياء

مياده :- يا ابنى اهدا انت فاهم الموضوع غلط

عبدالرحمن :- والله وايه الصح بقى

عمر :- الصح أن اختك مهربتش ولا حاجه كل الحكايه أنها كانت مغمى عليها وانا بالصدفه كنت جاى عندكم واخدها المستشفى وبعد كده جبتها تعيش هنا بعيد عن اى ضغط نفسى يأذيها لأنها كانت عندها انهيار عصبى وكانت ممكن توصل لمرحله أنها تتخلص من حياتها وتموت نفسها وانا مش عايش معها ولا حاجه انا باجى اطمن عليها واشوفها محتاجه حاجه ولا لاء وامشي علطول بس هى دى كل الحكايه

عبدالرحمن :- وانت بتعمل كل ده معها ليه

مياده :- هو حاسس بالذنب يا عبدالرحمن علشان اللى حصل لعلياء ده كان بسبب اخوه ومريم

عبدالرحمن :- كان لازم تعرفنا مكانها

عمر :- مكانش هينفع لأن حالتها كانت صعبه جدآ واي كلمه هتجرحها كانت هترجعها لنقطة الصفر من اول وجديد

عبدالرحمن :- كلمه تجرحها من مين مننا احنا اخواتها احنا نجرح علياء؟! اصلك متعرفش علياء بالنسبه لينا ايه علياء مش مجرد اخت كبيره وخلاص علياء اختنا وامنا وابونا وكل حاجه لينا فى الدنيا دى علياء جذمتها تاج فوق راسنا نفتخر بي علياء وجودها جمبنا قوى وبعدها عننا ضعف انا لو قعد اوصفلك هى ايه بالنسبه لينا مش هخلص بأختصار علياء حضنها لينا جنه بنعيش فيها طول ما هى معانا

علياء :- كانت بتسمع الكلام ده ودموعها نازله منها

عمر :- بعد كلامك ده مش محتاج اتكلم وأوضح ليك حاجه لان معناه انك واثق فيها وعمرك ما تشك فيها

عبدالرحمن :- لاء طبعآ عمرى ما اعملها كل الحكايه انا كنت عايز افهم ليه غابت عننا كلنا

مياده :- يا استاذ عمر انت لسه متعرفش علياء اختنا علياء حاجه كده صعب تلاقى زيها فى الدنيا كلها قلب طيب بس قوى نفسها عزيزه عناديه وقويه حموله فوق ما تتخيل شخصيه نادر اوى لما تلاقى زيها فى زمنا ده

عمر :- انا فعلا شوفت كل ده فى اختك يا انسه مياده وعلشان كده انا عايز اتجوزها لان انا عيشت عمرى كله احلم بواحده شبه علياء وما صدقت لاقتها

عبدالرحمن :- انت عايز تتجوز علياء اختى

عمر :- ايوه فيها ايه

عبدالرحمن :- لاء فيها انت فين واحنا فين العين عمرها ما تعلى عن الحاجب يا استاذ عمر

عمر :- ضحك وقال فى الاخر كلنا ايه ولاد حوا وادم ومخلوقين من طين واخرتنا نومه فى الارض تحت التراب يبقى ايه المانع لما اتجوز اختك علشان كانت شغاله خدامه يعنى؟ على فكره شغلت الخدامه دى شرف ليا ولاختك وليكم ولاى حد علشان شغلانه شريفه ووسام لاى حد يرتبط بيها

عبدالرحمن :- مش عارف ليه مش قادر اقتنع بكلامك

عمر :- علشان مش قادر تتخيل أن واحد زي يعجب بأختك ويتجوزها صح

عبدالرحمن :- بالظبط كده

عمر :- بكره الايام هتعرفك انا ايه

عبدالرحمن :- وانتى رأيك ايه يا علياء

علياء :- بألم وكسره موافقه يا عبدالرحمن

عبدالرحمن :- اتنهد وقال طيب ممكن نقعد مع اختنا لوحدنا شويه

عمر :- اه طبعآ براحتكم انا هروح الفيلا عندى ووقت ما تخلصوا اتصلوا بيا علشان اجيب المأذون معايا وابتسم ليهم وسابهم ومشى

عبدالرحمن :- قعد جنب علياء وقال علياء انتى موافقه بجد ولا مضغوط عليكى

علياء :- مضغوط عليا انت ليه بتقول كده

عبدالرحمن :- علشان حسيت انك بتقولى موافقه بوجع وانكسار

علياء :- بوجع اكيد هكون موجوعه ومكسوره يا عبدالرحمن اللى انا شوفته مش شويه يخلينى اخاف من اى خطوه بخدها مصير مجهول لا عارفه اذا كان الايام الجايه تعويض لتعبى ولا الزمن هيصعب عليه يخلينى سعيده ويكمل عليا

مياده :- قعدت جمبها وحضنتها وقالت لاء يا حبيبتى أن شاءالله هتعيشى سعيده وفرحانه معاه جدآ عمر شكله طيب وبيحبك بجد

علياء :- من اللى شوفته مبقاش عندى ثقه فى اى حد

عبدالرحمن :- لو مش عايزاه وخايفه منه ارفضى

علياء :- بأندفاع لاء طبعآ مينفعش ارفض

عبدالرحمن :- بأستغراب ومينفعش ليه

علياء :- ها ا.ا.انا مرتاحه ليه بس خايفه من الخطوه مش اكتر

عبدالرحمن :- مش مرتاح للموضوع ده يا علياء بس دى حياتك وانتى حره فيها ربنا يسعدك ويفرح قلبك وباس راسها وحضنها

علياء :- ضمته ليها اكتر وقالت وميحرمنيش من وجودكم فى حياتى يارب

مياده :- بصت فى الساعه وقالت اتصلى يا لولو على عمر علشان نلحق ميعادنا

علياء :- ميعاد ايه

مياده :- بصت ليها بتوتر ومردتش عليها

علياء :- ما تردوا عليا فيه ايه

عبدالرحمن :- ما تردى على اختك وقولى ليها ميعاد ايه

علياء :- بعدم ارتياح بصت لمياده وقالت هو فيه ايه انا حاسه انك عامله مصيبه

مياده :- بتوتر ا.ا اصل خالتى ام مريم جايه عندنا النهارده

علياء :- بعدم فهم وقلق جايه عندنا ليه

مياده :- ها

عبدالرحمن :- اقولك انا يا علياء الهانم عايزه تجوز اختك سمر لمهند

علياء :- وقفت بصدمه وقالت نعم ايه اللى انت بتقوله ده يا عبدالرحمن

عبدالرحمن :- هو ده اللى اختك مياده عايزه تعمله

علياء :- بصت لمياده وقالت ما تردى ايه الكلام اللى اخوكى بيقول عليه ده

مياده :- ايوه يا علياء ماله مهند راجل بجد والوحيد اللى بيقدر على اختك وهى بتخاف منه اختك سمر بقت تعمل حاجات صعبه اوى ومفيش حد قادر عليها ولا مالى عنيها

علياء :- والله وايه الجديد ما سمر طول عمرها كده واحنا بنتعامل معاها بطريقه خاصه مش معنى انها لسانها طويل شويه يبقى نجوزوها واحد حشاش

عبدالرحمن :- نفس الكلام اللى قولته ليها انا قولتلها مش موافق يمكن لو كان اللى طلب ايديها اخوه مراد كنت هرحب ووافق علطول

علياء :- ولا ده كمان اللى اتنين زفت انا بكره اسمع اسم الشخصين دول وبصت لمياده وقالت الموضوع ده مش هيتم يا مياده فاهمه

مياده :- بس

علياء :- بعصبيه مفيش بس اللى انا قولت عليه هو اللى هيمشى

مياده :- سكتت ومردتش عليها

علياء :- ردى عليا يا مياده هترفضى مهند ده صح

مياده :- بصت على الأرض وهزت راسها وقالت حاضر هرفضه

علياء :- أن شاءالله هتيجوا تعيشوا معايا هنا وتبعدوا عن المكان ده وقرفه

عبدالرحمن :- لاء طبعآ هنعيش هنا بصفتنا ايه

علياء :- اخواتى

عبدالرحمن :- مش سبب كافى يا علياء

مياده :- مش وقته الكلام ده اتصلى بعمر يا علياء

علياء :- رفعت سماعة التليفون وطلبت رقم فيلا عمر وقالت ليه انهم منتظرينه وقفلت السكه بتوتر وبصت لاخوتها وابتسمت

وبعد وقت وصل عمر ومعاه المأذون واتنين شهود وحط أيده فى ايد عبدالرحمن وبدء يكتبوا الكتاب

علياء :- كانت ماسكه فى اختها مياده بخوف وماسكه دموعها فى عينيها

مياده :- حست بخوف علياء طبطبت على ايديها علشان تطمنها وابتسمت ليها وبعد وقت انتهى كتب الكتاب ومضى الشهود على العقد ومضت علياء وهى ايديها بترتعش ومشي المأذون

عمر :- وقف وراح شد علياء وقفها وباس راسها وقال مبروك

علياء :- اتوترت لما عمر باس راسها وابتسمت ليه بخوف وقالت ا.ا.الله يبارك فيك

عبدالرحمن :- وقف وبص لمياده علشان توقف وقال هنمشى احنا بقى

علياء :- ل.ل.لاء خليكم

مياده :- هنيجى ليكى بكره وباستها وحضنتها وقالت مبروك يا حبيبتى ربنا يسعدك يارب

علياء :- حضنتها وقربت من ودنها وقالت خليكم بلاش تسيبونى لوحدى

مياده :- ابتسمت ليها وقالت متبقيش شبه العيال الصغيره كده متخافيش عمر بيحبك

عبدالرحمن :- راح عند علياء وباس راسها وقال مبروك يا علياء ربنا يسعدك ويفرح قلبك يارب

علياء :- اترمت فى حضن عبدالرحمن وقعدت تعيط

عبدالرحمن :- مسك وشها ما بين ايديه وقال شششش بلاش دموعك دى يا علياء افرحى يا حبيبتى وانسي الحزن بقى ومسح دموعها وقال يلا يا حبيبتى سلام ونزلوا الاتنين وسابوها مع عمر

علياء :- وقفت تدعك فى ايديها بخوف وتوتر

عمر :- شاف حالة علياء اتنهد وراح مسك ايديها وقال تعالى يا علياء

علياء :- سحبت ايديها بخوف وقال ا.ا اجى فين

عمر :- متخافيش يا علياء انا كنت هقعدك على الكنبه علشان عايز اتكلم معاكى كلمتين

علياء :- بصت ليه بتوتر وراحت قعدت على الكنبه

عمر :- اتنهد وراح قعد على الكرسى جمبها وقال انا مقدر اللى انتى فيه ده وعارف اللى انتى مريتى بيه مش شويه ومن حقك تخافى منى يمكن علشان لسه متعرفنيش كويس بس انا عمرى ما هطلب منك حاجه غير لما الاقيكى مستعده ليها كويس وانك بقيتى بخير هكون ليكى نعم الزوج ونعم الأب طلباتك كلها هتكون مجابه من قبل ما تطلبيها حتى هخدك تعيشى فى الفيلا بس لما أدم اخويه يسافر علشان ميقولش ليكى كلام يجرحك اى حاجه حابه تعرفيها عنى اسألى وانا هرد عليكى بكل صراحه

علياء :- بصت ليه بأرتياح وابتسمت ليه وهزت راسها يمين وشمال وقالت م.م.مش عايزه اعرف حاجه

عمر :- قعد جمبها على الكنبه ومسك ايديها وقال انا فرحان اوى انك بقيتى مراتى على سنة الله ورسوله لان كنت بحس بالذنب دايمآ لما كنت باجى هنا واحنا مفيش حاجه تربطنا ببعض

علياء :- سحبت ايديها من ايد عمر وقالت م.م.ممكن اطلب منك طلب

عمر :- موافق من غير ما تقولى

علياء :- مش تعرف الأول انا عايزه ايه

عمر :- من غير ما اعرف اى حاجه تطلبيها تتنفذ علطول من غير نقاش

علياء :- ربنا يخليك بس كنت عايزه اخواتى يعيشوا معانا

عمر :- من غير ما تقولى انا كنت ناوى اعمل كده وفعلا طلبت من الشغالين يحضروا الاوض المقفوله فى الفيلا

علياء :- ابتسمت ليه وقالت شكرآ

عمر :- من غير شكر يا علياء ده بيتك واعملى فيه اللى انتى عايزاه ومد أيده فى جيبه وطلع علبه قطيفه وفتحها كان فيها خاتم الماظ وقال ايه رأيك

علياء :- لمين

عمر :- ليكى انتى انا عارف أنه ولا حاجه بس هجيب ليكى اللى تشاورى عليه وتختاريه

علياء :- لاء بالعكس أنا شايفه أنه غالى اوى وملهوش لزوم تتعب نفسك وتجيب ليا حاجه زى كده انا مش بتاعة مجوهرات يا عمر

عمر :- مجوهرات الدنيا متغلاش عليكى يا علياء ومسك ايديها لبسها الخاتم وقربها من شفايفه وباسها

علياء :- سحبت ايديها من أيده وقالت ش.ش.شكرآ وقامت وقفت

عمر :- رايحه فين

علياء :- ه.ه.هنام

عمر :- بص فى الساعه وقال دلوقتى لسه بدرى

علياء :- م.م.معلش تعبانه وعايزه انام عن اذنك وسابته ودخلت اوضتها

عمر :- بص عليها وهى داخله وابتسم وشغل التليفزيون وقعد يتفرج عليه

علياء :- دخلت الاوضه وسابت الباب مفتوح حته صغيره وبصت منه لاقت عمر قعد قفلت الباب وقعدت على حرف السرير وقال ايه ده هو ناوى يقعد هنا ولا ايه واتنهدت بقلق وقعدت تهز فى رجليها بتوتر

««««««««««««««««««««««««««««

فى شقة اخوات علياء.

وصل عبدالرحمن هو ومياده الشقه ودخلوا جوه لاقوا سمر قاعده على الكنبه وقالت

سمر :- ايه ده بقى أن شاءالله انتوا جاين مع بعض كده ليه

مياده :- ها د.د.ده احنا اتقابلنا على السلم المهم انتى جيتى امته

سمر :- ها ا.ا.اصل حسيت بشوية تعب ورجعت تانى مع مهند

عبدالرحمن :- مع مين ؟!

سمر :- مهند ما أختك مياده خلته الحارس الشخصى ليا بيوصلنى ويجيبنى

عبدالرحمن :- بص لمياده بغيظ وقال انتى ازاى تعملى كده بقيتى بتعملى حاجات غريبه يا مياده

سمر :- وحياتك عندى يا بودى اقولها مينفعش يا مياده الناس تقول علينا ايه يا مياده وهى تقولى اخرسى انا عارفه مصلحتك اكتر منك وضربتنى كمان واترمت فى حضنه وعملت نفسها بتعيط

عبدالرحمن :- خلاص متعيطيش يا حبيبتى مفيش مهند تانى خلاص

مياده :- انا عملت كده يا كدابه

سمر :- صوتها على اكتر بالعياط وقالت شايف يا عبده بتزعق ليا ازاى فينك يا بابا تيجى تشوف اخواتى وهما بيجوا عليا عاااااا

عبدالرحمن:- اتعصب اكتر وقال ملكيش دعوه بيها يا مياده وانا قولت مفيش مهند ده مفهوم وطبطب عليها وقال أهدى يا حبيبتى محدش يقدر يعملك حاجه

سمر :- بصت بلؤم لمياده وكملت تمثيل العياط ومسكت فى عبدالرحمن اكتر

مياده :- بصت ليها بقرف وقالت بنى ادمه كدابه ومخادعه وسابتهم ودخلت اوضتها

سمر :- هتعمل ايه يا بودى مع الناس اللى جايه دلوقتى

عبدالرحمن :- انا هكلم مهند فى التليفون وهقوله أن مفيش جواز دلوقتى وانك هتكملى تعليمك

سمر :- بفرحه يس

عبدالرحمن :- بصلها وضحك على طريقتها

سمر :- باسته من خده وقالت ربنا يخليك ليا يارب ودخلت تجرى على اوضتها لاقت مياده قاعده على السرير مضايقه راحت قعدت جمبها وقالت ميزو

مياده :- ملكيش دعوه بيا فاهمه

سمر :- ليه كده بس

مياده :- علشان انتى واحده كدابه

سمر :- ده على اساس انك مش بتكدبى خالص

مياده :- لاء مش بكدب

سمر :- يا ميزو ده انا سمعاكى بودنى وانتوا بتتفقوا عليا

مياده :- ها ت.ت تقصدى ايه

سمر:- بصى يا مزتى انا عارفه انك انتى وسي مهند بتاعك ده متفقين عليا وانا الصراحه عجبتنى اللعبه وكنت ناويه اطلع عين اللى خلفوه بس رجعت وقولت دى خطوبه وممكن يطفش اى عريس غنى يقرب ليا وتضيع عليا فرصة عمرى قولت تمثيل بتمثل واكسب اخوكى فى صفى وهو مش موافق على الموضوع اصلا عرفتى مين اللى بدأ اللعب الاول

مياده :- خايفه عليكى اوى يا سمر من دماغك دى اخرتك سوده وبكره افكرك

سمر :- انا اللى بكره هفكرك لما اكون عايشه فى فيلا لا فيلا ايه هبقى عايشه فى قصر وعندى خدم وكل اللى بحلم بيه تحت رجلي

مياده :- يا خوفى احسن تصحى على كابوس

سمر :- هاها كابوس مين يا ميزو مش سمر اللى تشوف كوابيس

مياده :- هزت راسها يمين وشمال وقالت مفيش فايده فيكى وقامت غيرت هدومها ونامت

سمر :- نامت على السرير وقالت ياااااه اخيرآ خلصت منك بس يا حرام هتوحشنى وقعدت تضحك وغمضت عينيها ونامت

««««««««««««««««««««««««««««

فى شقة عبده

خرج مهند من اوضه وقال بصوت عالى

مهند :- يا اما يا اما انتى فين

حكمت :- خرجت من المطبخ وقالت ايه فيه ايه

مهند :- عبدالرحمن اتصل بيا وبلغنى أنهم مش موافقين على طلب الجواز علشان اختهم هتكمل تعليمها احسن بركه انها جت منهم انا اصلا مكنتش حابب الموضوع ده

حكمت :- بقى كده هما اللى خسرانين اصلا

مهند :- ايوه عندك حق هما اللى خسرانين اصلا وسابها ودخل اوضه ونام على سريره

مراد :- مالك مش شكل واحد فرحان يعنى أنك خلصت منها زى ما قولت

مهند :- ها لا فرحان اصلا انا مكنتش مقتنع باللعبه دى

مراد :- ضحك وقال بلاش تضحك على نفسك علشان وشك باين عليه كل حاجه

مهند :- انا مش زعلان بس يعنى كنت بدأت اغير حياتى شويه

مراد :- تغير حياتك ليه

مهند :- ها ع.ع.علشان ابقى مناسب ليها بص انا عارف ان بتكلم كلام اهبل اصلا هى بالنسبه ليا طفله ده انا اللى مربيها

مراد :- بتريقه لاء واضح فعلا أنه مش فارق معاك وقام يحضر شنتطه

مهند :- انت خلاص هتسافر

مراد :- اه خلاص بعد بكره أن شاءالله

مهند :- رغم أن انا وانت علطول كنا مختلفين مع بعض بس مكنتش اتوقع انك هتبعد فى يوم عنى

مراد :- ضحك بوجع وقال ولا انا كنت اتوقع اسيب هنا مهما حصل بس مفيش حاجه بنتمناها بتتحقق

مهند :- طيب كنت اصبر يمكن ترجع علياء

مراد :- علياء مش هترجع يا مهند صعب بعد الغياب ده كله ترجع هتعمل حساب كلام الناس عليها

مهند :- اتنهد وقال ياريت ما اخد منه الحبايه مكانش كل ده حصل حقك عليا يا مراد

مراد :- راح مسك علبة السجاير وولع سيجاره وقال انت كنت سبب يا مهند بس ده مقدر ومكتوب فى الاول والاخر محدش ليه يد فى حاجه اكيد ربنا ليه حكمه من كده بس محدش لسه عرف ايه هى

مهند :- عندك حق خلى بالك على نفسك يا مراد اوعى اللى حصل ده يأثر عليك

مراد :- انا حاسس نفسى أن بقيت واحد تانى خالص مش عارف هبقى احسن ولا أسوأ بس كل اللى انا عارفه مش هبقى زى ما انا

مهند :- قام وقف وحضنه وقال هتوحشنى

مراد :- اتنهد وقال انت اكتر خد بالك على نفسك وعلى امك و ابوك واختك

مهند :- متقلقش عليهم

مراد :- ياريت تشتغل وتريح ابوك شويه

مهند :- مشى أيده على شعره وقال انت عارف رأى فى موضوع الشغل ده بس ربنا يسهل

مراد :- انوى انت بس وهو هيسهل يلا هنام انا بقى تصبح على خير

مهند :- وانت من أهله

مراد :- طفى السيجاره فى الطفايه وراح نام على سريره غمض عينه شاف صورة علياء قصاده فتح عينه واتنهد وحط المخده على وشه ونام

«««««««««««««««««««««««««««««

مر يومين وسافر مراد وآدم والفيلا جهزت لاستقبال علياء و اخواتها بعد محاولات كتير من عمر علشان يقنع عبدالرحمن يعيش معاهم فى الفيلا وسمر عرفت كل حاجه عن علياء من مياده وفرحت لما عرفت انها هتسيب الحاره وهتعيش فى فيلا واكدت عليها مياده أن محدش يعرف حاجه خالص على علياء وهى من يومها منزلتش الجامعه وبتحلم باليوم اللى هتتنقل تعيش فيه فى الفيلا

وصلت علياء مع عمر واخواتها على الفيلا ودخلوا الخامسه من الباب واول ما دخلت سمر بصت حاوليها وقالت بفرحه

سمر :-بعدم تصديق انا هعيش هنا فى المكان ده يعنى خلاص مفيش عيشه على السطح تانى ولا فقر ياكل فى جسمنا

مياده :- يا بنتى كفايه فضايح ايه اللى انتى بتقوليه ده

سمر :- انا قولت ايه انا مش مصدقه نفسى انا حاسه ان انا بحلم

عمر :- سبيها على راحتها يا مياده وراح عند سمر وقال عيشى براحتك واى حاجه تتمنيها هتلاقيها علطول

سمر :- بفرحه بجد يعنى اى حاجه اى حاجه

عمر :- بضحك اى حاجه

سمر :- طيب انا نفسى فى عربيه

علياء :- بعصبيه سمر كفايه كده عيب والله اللى انتى بتعمليه ده

سمر :- ايه ما هو اللى قال

عمر :- سبيها يا علياء وبص لسمر وقال من بكره هيكون عندك عربيه وبالسواق بتاعها على احدث موديل وهخليه يعلمك كمان السواقه

سمر :- بفرحه بجد احلف

عمر :- ضحك وقال وحياة علياء عندى

سمر :- بغمزه مدام حلفت بحياة علياء تبقى صادق

مياده :- منك لله يا شيخه على الفضايح اللى انتى عملتيها دى

سمر :- بقولك ملكيش دعوه اطلعى انتى منها

عمر :- وانتوا يا مياده وعبد الرحمن مش محتاجين حاجه

مياده :- لاء شكرآ

عبدالرحمن :- مش معنى ان وافقت اجى اعيش معاكم يبقى هتصرف علينا انا هصرف على اخواتى وعلى نفسى مش محتاجين حسنه من حد

عمر :- راح عند عبدالرحمن وقال انا مش حد انا جوز اختك وفى مقام اخوك الكبير ودى مش حسنه مفيش اخ بيحسن على اخواته

عبدالرحمن :- كل كلامك ده على راسى بس برضه هشتغل واصرف على اخواتى

عمر :- طيب براحتك بس بلاش الشغل بتاع الكافيه ده انا هشوف ليك شغلانه بالشهاده بتاعتك وبشهريه محترمه فى الشركه عندى

عبدالرحمن :- انا موافق على شغل الشركه إنما المرتب يبقى زى زى اى موظف هناك مش اكتر ولا اقل

عمر :- خبط على كتفه وقال وانا موافق

سمر :- بصوت عالى ايه ده مين ده

عمر :- بص بأستغراب وقال دى صورة أدم اخويه لسه مسافر من شويه

سمر :- بصدمه اخوك

عمر :- ايوه ليه

سمر :- ها م.م.مفيش

مياده :- راحت عندها وقالت بصوت واطى مين ده

سمر :- بصوت واطى ده اللى انا روحت معاه الفيلا

مياده :- بصوت عالى ايه

عمر :- خير يا مياده

مياده :- ها م.م.مفيش بس ممكن اعرف اوضى فين

عمر :- اه ثوانى وقال بصوت عالى يا ام حسن

ام حسن :- ايوه يا بيه

عمر :- خديهم على الاوض بتاعتهم

ام حسن :- حاضر اتفضلوا معايا

مياده :- مسكت ايد سمر وقالت تعالى معايا عايزاكى وطلعوا مع ام حسن وعرفوا مكان الاوض بتاعتهم

عمر :- بص بأستغراب لعلياء وراح عندها وقال واقفه هنا بتبصى على ايه

علياء :- مين دول

عمر :- ده ابويا ودى امى الله يرحمهم وده أدم اخويه انتى عارفه طبعآ

علياء :- بأستغراب ومين دى

عمر :- بص ليها بوجع وقال ريم

علياء :- ريم مين

عمر :- ريم تبقى... الفصل 14 و15

بقلم دودو محمد رواية فتاة فى زمن قاسي الفصل "22" الثاني والعشرون كامل للقراءة مباشرة عبر مدونة .

للدخول إلى فهرس الرواية كاملة، حيث يوجد به جميع الحلقات أضغط هنا

فتاة فى زمن قاسي بقلم دودو محمد

رواية فتاة فى زمن قاسي الفصل 22 الثاني والعشرون

ملحوظة للوصل إلى جميع فصول الرواية أكتب في جوجل (فتاة فى زمن قاسي مدونة دليل أو "")

فى الشركه

انتهى وقت العمل والكل بدء يمشى ودخل السكرتير المكتب عند علياء وقال

السكرتير :- حضرتك ماشيه

علياء :- ايوه فيه حاجه تخص الشغل

السكرتير :- لاء بس الاستاذ مراد من بدرى نايم فى المكتب بتاعه وحرارته مرتفعه جدآ وبيتكلم وهو نايم

علياء :- طيب وانا مالى

السكرتير :- ا.ا.انا قولت اقول لحضرتك علشان تقوليلى اتصرف ازاى

علياء :- متتصرفش سيبه وهو هيقوم دلوقتى ومش هيبقى فيه حاجه

السكرتير :- بس حضرتك كده ممكن يحصل ليه حاجه لازم يروح المستشفى

علياء :- عندك أخته روح قولها

السكرتير :- مشيت من شويه علشان عربيتها عطلانه ورايحه الورشه تصلحها

علياء :-بعصبيه يووووه يعنى عايزنى اعمله ايه

السكرتير :-بزعل احم ا.ا اللى حضرتك تشوفيه

علياء :- متزعلش منى مش قصدى اتعصب عليك

السكرتير :- حصل خير يا فندم

علياء :- اتنهدت وبصت على منار اللى نايمه على الكنبه وقالت خلى بالك منها لحد ما اروح اشوفه

السكرتير :- ابتسم ليها وقال حاضر يا فندم

علياء :- خرجت من المكتب بتاعها وراحت عند مكتب مراد ودخلت وراحت عنده لاقته نايم على الكنبه بيرتعش ووشه كله عرق وبيتكلم وهو نايم ويقول

مراد :- انا اسف يا علياء اسف و بيكرر فى الكلمه غمضت عينيها بوجع ودمعه نزلت منها على خدها مسحتها بسرعه وقربت ايديها من وشه وقبل ما تحط ايديها عليه بعدت ايديها تانى بسرعه ورجعت لوراه وجسمها كله بقى يتنفض وقعدت على الكرسى بخوف وبصت عليه بدموع وافتكرت اللى عمله فيها قعدت تعيط وتهز راسها يمين وشمال وبعد وقت قامت تانى وقربت منه ومدت ايديها على راسه ببطئ شديد وغمضت عينيها بتوتر والم لاقته حرارته عاليه جدآ خبطت على كتفه بطرف صوبعها وقالت ا.ا انت انت يااااا انت رد عليا وخبطت جامد على دراعه بس مردش عليها راحت عند تليفون المكتب وطلبت دكتور عيادة الشركه وقالت ليه يجى على مكتب مراد وقعدت تانى على الكرسى وفضلت تبص عليه وهو بينادى بأسمها وبيتأسف ليها بأستغراب وبعد وقت جه دكتور الشركه وكشف على مراد وقال

الدكتور :-بداية حمى

علياء :- طيب وايه العمل يا دكتور

الدكتور :- انا هديله حقنه دلوقتى تنزل الحراره دى بس لازم حد يعمل ليه كمادات بارده علشان تنزل بسرعه

علياء :- يعنى مش هينفع يفوق ويروح وهناك فى البيت يعملوا ليه كله ده

الدكتور :- لازم الاول كمادات علشان الحراره تنزل

علياء :- اتنهدت وقالت شكرآ يا دكتور

الدكتور :- ياريت يشرب سوايل كتير

علياء :- حاضر وغيرت اتجاه وشها وهو الدكتور بيديلوا الحقنه

الدكتور :- خلص وقال عن اذنك وخرج وسابهم

علياء :- راحت مسكت التليفون وطلبت فوطه وميه وبعد شويه جات الفوطه والميه وبدأت تعمل ليه الكمادات

مراد :- كان بيتكلم وينادى على علياء ودمعه نزلت منه

علياء :- شافت الدمعه وهى نازله على خده وهو بينادى عليها وبيتأسف ليها دموعها نزلت منها وفضلت تعيط وفى الوقت ده سمعت صوت خبطه ضعيفه جدآ على الباب مسحت دموعها بسرعه وقامت فتحت الباب وقالت منار تعالى يا حبيبتى

منار :- بدموع دورت عليكى كتير مش لاقيتك وعمو اللى بره قال انك هنا

علياء :- شالتها وباستها وقالت حقك عليا يا حبيبتى متزعليش

منار :- هو عمو مراد ماله

علياء :- بصت على مراد وقالت تعبان شويه

منار :- نزلت تجرى وراحت عنده وشالت الفوطه وحطتها فى الميه ورجعت حطتها تانى عليه بس من غير ما تعصرها

علياء :- قالت لاء يا مونى لازم تعصريها وشالتها تانى وعصرتها ومسكت ايد منار وقالت حطيها كده وفى الوقت ده مراد بدء يفتح عيونه واحده واحده والصوره كانت مش واضحه اوى ليه وبدأت واحده واحده توضح ليه وشاف علياء ومنار قريبين منه جدآ فكر نفسه بيحلم ابتسم ليهم وقال

مراد :- حلم جميل اوى مش عايز اصحه منه

منار :- بس انت يا عمو مش بتحلم

مراد :- بأستغراب مش بحلم وحط أيده على راسه لاقه فوطه مبلوله بص لعلياء وقال ايه اللى حصل

علياء :- وقفت وقالت حرارتك ارتفعت جامد والدكتور قال إنها حمى واخد حقنه وقال لازم كمادات علشان تنزل الحرارة

مراد :- وهو مش مصدق نفسه قال وانتى اللى قعدى جمبى وعملتى ليا الكمادات

علياء :- ايوه اصل انا بعامل ربنا مش البنى ادمين

مراد :- قام قعد بصعوبه وقال بفرحه شكرآ يا علياء

علياء :- انا لو عليا كنت سيبتك تموت وارتحت منك

مراد :- حاول يقوم كان هيوقع

علياء :- ياريت بس تتعظ أن الإنسان أضعف كائن على الأرض

منار :- تعال يا عمو انا اسندك توقف

علياء :- شدتها وقالت تعال هنا يا منار

مراد :- على فكره انا مش هاكل منها حته دى بنتى

علياء :- بصدمه ا.ا.ايه

مراد :- اقصد اقول زى بنتى

علياء :- اتنهدت بأرتياح وقالت قطع لسانك اياك تقول كده تانى فاهم انا بنتى اشرف واطهر من أنها تكون بنت واحد شبهك انا شايفه انك بقيت كويس اهو ومسكت ايد منار وقالت يلا بينا يا مونى

منار :- لاء انا عايزه اقعد مع عمو مراد شويه

علياء :- بعد كده مش هجيبك معايا هنا تانى خالص علشان مش بتسمعى الكلام

مراد :- قام وقف وقرب من منار ومشى أيده على وشها وقال منار حلوه وهتسمع كلام مامى ومش هتتعبها صح

منار :- بس انا عايزه اقعد شويه صغنين معاك يا عمو

مراد :- بص لعلياء لاقها بتتنهد بص تانى لمنار وقال روحى مع مامى وانا اوعدك هخليها تجيبك معاها الشركه علطول

علياء :- يووووه بقى يلا يا منار

مراد :- ابتسم ليها وقال يلا روحى مع مامى

علياء :- اخدت منار ومشيت وهى متعصبه

مراد :- قعد تانى على الكنبه واتنهد وحط راسه ما بين ايديه بتعب وقال واخرتها ايه يا علياء امته بقى هتسمعينى وتعرفى الحقيقه وقام خرج من المكتب وروح البيت

««««««««««««««««««««««««««««

فى فيلا علياء

طلعت مياده عند اوضت سمر علشان تشوفها صاحيه ولا نايمه وتبلغها أن مهند طالب يشوفها واتصدمت اول ما شافت منظرها وصرخت وطلع يجرى مهند على صوت صريخ مياده ووقف مكانه مصدوم من المنظر

مياده :- بدموع سمر ردى عليا وبصت لمهند وقالت الحقنى يا مهند سمر مش عارفه مالها وايه الدم اللى نازل منها ده

مهند :- واقف مكانه ومش بيتحرك من الصدمه

مياده :- بدموع سمر ردى عليا، انت مالك واقف كده اتصرف يا مهند

مهند :- فاق من صدمته ودخل الاوضه وشالها وبص لمياده وقال انزلى جهزى اى عربيه بسرعه يا مياده

مياده :- نزلت تجرى والدموع على خدها وطلبت من السواق يشغل العربيه

مهند :- نزل حطها فى العربيه من وراه وقعد هو جمب السواق

مياده :- ركبت وراه جمب سمر واخدتها فى حضنها وقالت بدموع اطلع بسرعه على اقرب مستشفى

وبعد وقت وصلت العربيه عند المستشفى ونزل مهند يجرى وشال سمر ودخل يجرى بيها على المستشفى ومياده معاه حطها فى اوضت الكشف والدكتور جه يجرى ودخل يكشف عليها

مياده :- بدموع يارب استر يارب

مهند :- كان واقف قلقان واول ما الدكتور خرج طلع يجرى عليه وقال خير يا دكتور

الدكتور :- انت جوزها

مياده :- ليه يا دكتور

الدكتور :- معلش مفيش نصيب البيبى نزل ربنا يعوض عليكم

مياده :- بصت بصدمه لدكتور وقالت بيبى ايه

الدكتور :- المدام كانت حامل هو انتوا متعرفوش ولا ايه

مياده :- بصدمه حامل

الدكتور :- خبط على كتف مهند وقال متزعلش ربنا هيعوضك بأحسن منه أن شاءالله المدام هتدخل دلوقتى يتعمل ليه الرعايه الطبيه اللازمه وهتبقى تمام عن اذنكم وسابهم ومشى

مهند :- كان واقف من الصدمه مش قادر يتكلم

مياده :- لطمت وقالت يا خبر اسود ومنيل سمر كانت حامل طيب من مين يا فضحتنا السوده ليه كده يا سمر ليه انا كان قلب حاسس انك عامله مصيبه كبيره وقعدت فى الارض تعيط وتقول ليه عملتى فى نفسك كده يا سمر ليه ورفعت راسها وبصت لمهند وقالت بترجاك يا مهند محدش يعرف حاجه عن الموضوع ده ابوس ايدك متفضحش اختى

مهند :- بص لمياده كتير ومردش عليها

مياده :- انا لازم اعرف اللى كان فى بطنها ده ابن مين وقعدت تعيط وبعد وقت رجعت سمر الاوضه تانى وهى تعبانه دخلت مياده وراها بعصبيه وقالت انطقى اللى كان فى بطنك ده ابن مين

سمر :- بدموع وتعب ابوس ايدك مش وقته يا مياده والله العظيم تعبانه وبطنى بتتقطع من الالم

مياده :- انتى ازاى تعملى فى نفسك كده ازاى انتى طول عمرك رخيصه طول عمرك مستعده تبيعى نفسك لاى واحد غنى ومعاه فلوس بس اللى مستغرباه ليه تعملى كده دلوقتى انتى مكنتيش محتاجه حاجه عيشتى العيشه اللى كنتى بتحلمى بيها كل حاجه كانت متوفره ليكى ليه عملتى كده ردى عليا

سمر :- قعدت تعيط ومردتش عليها

مياده رفعت ايديها ولسه هتضربها

مهند :- مسك ايديها وقال مينفعش يا مياده احنا فى المستشفى والناس هتتفرج علينا

سمر :- بدموع مهند

مهند :- بص الاتجاه التانى ومرضاش يبص ليها

مياده :- العمل ايه دلوقتى هقول لأختك واخوكى ايه دى علياء لو عرفت ممكن تروح فيها ولا البيبى لقدر الله يحصله حاجه من الزعل وعبدالرحمن ده ممكن من عصبيته يقتلك منك لله يا سمر منك لله

سمر :- مسكت بطنها وقعدت تعيط بألم

مهند :- انا مضيت بره على أساس انا جوزها ولما سألونى على قسيمة الجواز قولتلهم أن انا نسيتها فى البيت لما شوفت منظرها كده من الخضه

مياده :- بحزن شكرآ يا مهند

مهند :- بصلها بقرف وقال طول عمرك واطيه ورخيصه ازاى تسمحى لنفسك تعملى كده فى اخواتك طيب الاول قولنا علشان محرومه من الفلوس وعندك طموح زياده إنما دلوقتى ايه مبررك يا خساره يا سمر يا خساره

سمر :- غمضت عينيها بألم وحسره وقعدت تعيط

مهند :- بص لمياده وقال الدكتور قال نقدر نمشى

مياده :- بأنكسار قالت حاضر وبصت لسمر وقالت يلا وسندتها تقوم

مهند :- شاف منظر الهدوم عليها قلع القميص بتاعه اللى فوق التيشيرت وحطه على كتف سمر وقال لمياده خليها تلبسه بدل منظرها ده وسابهم ومشى

مياده :- لبسته لسمر وقالت امشى يلا ربنا ينتقم منك على اللى انتى عملتيه فينا ده

سمر :- بوجع ودموع هو فيه انتقام اكبر من اللى انا فيه ده يا مياده

مياده :- ليه عملتى كده

سمر :- بدموع مش وقته الكلام ده ارجوكى انا تعبانه ومش قادره اقف

مياده :- بصت ليها بدموع ونزلوا ركبوا العربيه

مهند :- كان قاعد بيبص من الشباك وسرحان

مياده :- مهند

مهند :- مردش عليها

مياده :- خبطت على كتفه وقالت مهند

مهند :- بص ليها بحزن وقال ايوه

مياده :- اوعوا يا مهند حد يعرف بحاجه

مهند :- متقلقيش يا مياده وبص لسمر بوجع وغيظ ورجع بص تانى من الشباك

سمر :- كانت عماله تعيط وحطه ايديها على بطنها من كتر الالم

وبعد وقت وصلوا الفيلا نزلت مياده وساعدة سمر تنزل ونزل مهند وقال

مهند:- انا ماشى عايزه حاجه يا مياده

مياده :- لاء شكرآ يا مهند

مهند :- بص لسمر بقرف ولسه هيمشى

سمر :- داخت وكانت هتقع

مياده :- سمر مالك

مهند :- طلع يجرى عليها وشالها وطلع بيها على اوضتها وحطها على السرير

مياده :- حاسه بأيه

سمر :- بتعب متقلقيش الدوخه دى طبيعيه من الحبوب

مياده :- حبوب ايه

سمر :- ها وغمضت عينيها بألم وقالت مش وقته يا مياده انا تعبانه ومش قادره اتكلم

مهند :- هتفضلى علطول كده كدابه وملكيش امان اذنكم وسابهم ومشى

مياده :- طيب قوليلى مين عمل معاكى كده واللى حصل ده بحاجه رسمى ولا كان فى الحرام

سمر:- بصت الاتجاه التانى ودموعها نزلت منها ومردتش عليها

مياده :- انطقى قوليلى الحقيقه حرام عليكى اللى بتعمليه فيا ده

سمر :- بدموع انا تعبانه وعايزه انام

مياده :- مفيش نوم غير لما تردى عليا يا سمر

سمر :- وانا بقولك تعبانه ومش قادره اتكلم وعايزه انام ممكن بقى تسبينى انام

مياده :- بوجع نامى يا سمر نامى وسابتها وخرجت من الاوضه

سمر :- حطت ايديها على وشها وقعدت تعيط

«««««««««««««««««««««««««««««««

فى بيت عبده

دخل مراد على اوضه وحدف نفسه على السرير بتعب وبص لمهند بأستغراب وقال

مراد :- مالك يا مهند

مهند :- مفيش

مراد :- يا ابنى شكلك فيه حاجه كبيره

مهند :- يووووووه قولتلك مفيش حاجه يا مراد وخرج وسابه

مراد :- بص ليه بأستغراب وهز كتفه ونام على السرير بتعب وقال يا ترى الايام مخبيه ليك ايه يا مراد وطلع صورة منار من تحت المخده عنده وبصلها بحب ومشى أيده على الصوره وقال معقول تكونى بنتى انا يا منار معقول يكون القدر كاتب لينا يكون فيه حاجه بتجمعنا انا وامك للابد انتى لو طلعتى بنتى بجد هبقى مش عايز حاجه من الدنيا غيرك انتى وامك تبقى معايا طول العمر واعوض علياء عن اللى عملته فيها زمان يارب متكونش مجرد احلام وتطلع حقيقه وقرب الصوره من شفايفه وباسها بحب وحطها تانى تحت المخده وقام غير هدومه ونام تانى على السرير

««««««««««««««««««««««««««««««

عند مهند

خرج من الاوضه وهو متعصب وقال

مهند :- انا نازل تحت شويه يا اما

حكمت :- رايح فين

مهند :- مخنوق شويه هنزل اشم شوية هوا

حكمت :- ماشى بس متتأخرش

مهند :- ربنا يسهل وسابها ونزل وفى الوقت ده سمع صوت سيد بينادى عليه بصله بأستغراب وقال ياااااه سيد فينك وفين اراضيك

سيد :- ازيك يا صاحبى كده برضه متسألش عليا كل ده

مهند :- أسأل عليك فين ما انتوا اختفيتوا فاجئه

سيد :- بقالى اربع سنين فى الحبس ولسه خارج وامى واختى كانوا قاعدين فى الشقه التانيه

مهند :- كفاره بس كان ايه السبب

سيد :- كذا قضيه فى بعض بس المحامى عرف يخففهم واتحكم عليا بأربع سنين

مهند :- حمدالله على السلامه ولسه هيمشى

سيد :- استنى هنا رايح فين لازم نعمل معاك الواجب ده انا جالى كذا حته بس ايه عسل وطلع سيجاره وقال مسا يا زميلى

مهند :- بس انا بطلته من زمان يا سيد ومش حابب ارجع ليه تانى

سيد :- فين مهند بتاع زمان بطل الشرب والشقاوة مالك بس يا زميلى مصيبه لتكون حبيت اصل سكة الحريم واعره وبضيع هيبة اى راجل

مهند :- ها ل.ل.لا حب ايه، بس مش عايز ارجع لسكه دى تانى

سيد :- اوعى يا صاحبى الستات كلهم خاينين

مهند :- افتكر سمر وقال عندك حق يا سيد كلهم خاينين

سيد :- يبقى وقعت فى الحب اهو باين عليك

مهند :- اتنهد وقال ولع سيجاره من اللى معاك يا سيد

سيد :- ايوه بقى يا معلم هو ده الكلام وولع سيجاره ليه وبسها وقال أدى السيجاره وعليها بوسه كمان

مهند :- اخدها منه وقال انا هاخد دى وخلى البوسه ليك مش عايزها واخد منها نفس وقال ياااااااه كان واحشنى اوى الحشيش ده تسلم يا زميلى

سيد :- انا تحت امرك يا كبير

مهند :- اخد نفس تانى وقال اللى سيبتك علشانها طلعت متستهلش واحده رخيصه انتى احسن منها مليون مره

سيد :- روق يا صاحبى كلهم واطين ميستهلوش

مهند :- عندك حق يا سيد كلهم واطين وقعد يشرب السيجاره مع سيد

««««««««««««««««««««««««««««

فى فيلا علياء

دخلت علياء الفيلا ملاقتش حد استغربت وطلعت فوق دخلت منار اوضتها وراحت خبطت على باب اوضت سمر ودخلت لاقتها نايمه راحت قعدت جمبها ومشيت ايديها على شعرها وقالت

علياء :- سمر يا سمر

سمر :- فتحت عينيها وقالت ع.ع علياء

علياء :- عامله ايه يا حبيبتى من يوم موت عمر وانا مشوفتكيش علطول نايمه

سمر :- ها ا.ا.انا كويسه بس برجع من الشغل تعبانه بنام علطول

علياء :- انتى وشك اصفر يا بنتى لو الشغل تعب عليكى بلاش تروحى تانى انتى مش محتاجه الشغل عندك اللى يكفيكى وزياده

سمر:- بحزن قالت الموضوع مش موضوع فلوس يا علياء ا.ا.انا بنزل اسلى نفسى بس

علياء :- طبطبت على خدها وقالت ماشى يا حبيبتى بس بلاش تتعبى نفسك اوى بالشكل ده

سمر :- ح.ح.حاضر

علياء :- ابتسمت ليها وقالت هسيبك تكملى نوم وسابتها وخرجت من الاوضه

سمر :- بصت عليها وهى خارجه واتنهدت بحزن ودموعها نزلت منها

علياء :- دخلت اوضتها غيرت هدومها ونزلت تحت وقالت بصوت عالى مياده يا مياده

مياده :- نزلت من فوق وقالت ايوه يا علياء

علياء :- كنتى فين

مياده :- كنت مريحه شويه فى اوضى لحد ما تيجى ونتغدا كلنا مع بعض ايه اخرك كده

علياء :- مفيش كان عندى شغل كتير فى الشركه

مياده :- ربنا يقويكى

علياء :- يارب عبدالرحمن جه

مياده :- ايوه فى اوضه

علياء :- طيب خليهم يحضروا الاكل ونزلى اخواتك علشان ياكلوا

مياده :- حاضر

علياء :- راحت عند مكتب عمر وغمضت عينيها بألم واتنهدت وفتحت الباب ودخلت بصت فيه ودموعها نزلت منها راحت عند كرسى عمر وقعدت عليه وقالت ربنا يرحمك يا حبيبى واحشتينى اوى اوى يا عمر وفتحت الدرج ومدت ايديها على الأوراق بتاعته وبدأت تفتحها وتشوف مكتوب فيها ايه لاقت اكترهم يخص الشغل ولسه هتقفل الدرج شافت صوره مدت ايديها بأستغراب واخدتها بصت فيها لاقت عمر واقف جمب واحده ومعاها طفلين صغيرين استغربت مين دول وقالت انا اول مره اشوف الصوره دى يا ترى مين دى اللى مع عمر ومين الولد والبنت دول وهزت كتفها وحطت الصوره تانى فى الدرج وقفلته وخرجت من المكتب لاقت الاكل على السفره قعدت وقالت هى سمر مش هتنزل تاكل ولا ايه

مياده :- ها ل.ل لاء هى سبقتنا واتغدت

عبدالرحمن :- طول عمرها طفسه ومش بتصبر على الاكل

علياء :- تاكل بالهنا والشفا دى صعبت عليا اوى خسه خالص ووشها اصفر اوى ومرهق

مياده :- ا.ا.اصلها بتسهر كتير وبتصحه بدرى لشغل ومش بتنام كويس

علياء :- اه علشان كده

عبدالرحمن :- اه صح قبل ما انسى يا علياء

علياء :- ايه

عبدالرحمن :- تليفون عمر الله يرحمه معايا من يوم ما مات خديه اهو وطلعه من جيبه وحطه على السفره وقال هو فاصل شحن من ساعتها

علياء :- اتنهدت بحزن واخدته وقالت الله يرحمك يا حبيبى

عبدالرحمن :- امال انتى نازله الشغل امته يا مياده

مياده :- الاجازه بتاعتى هتخلص على اخر الاسبوع ده بتسأل ليه

عبدالرحمن :- ما تسيبك من المدرسه وتعالى اشتغلى معانا فى الشركه

مياده :- هروح اشتغل ايه فى الشركه يا ابنى انا معرفش حاجه عن شغل الشركات

عبدالرحمن :- انا قولت بدل بهدلت المدرسه وكده وتبقى وسطنا

مياده :- لاء انا ايه يخلينى اسيب الشغل اللى بفهم فيه واروح مكان معرفش فيه حاجه

عبدالرحمن :- ساكته ليه يا علياء قولى ليها حاجه

علياء :- عبدالرحمن عنده حق يا مياده تعالى الشركه معانا يعنى انا كنت اعرف حاجه فى الشغل ده بس اهو بتعلم على الأقل تبقى جمبى هناك انا مش بشوف عبدالرحمن هناك خالص هو فى مكان وانا فى مكان تانى وافقى يا مياده

مياده :- بس

علياء :- مفيش بس قولى انك موافقه

مياده :- اتنهدت وقالت ماشى يا علياء

علياء :- ربنا يخليكى ليا وميحرمنيش منك أبدآ

مياده :- ابتسمت ليها وقالت ولا منك يا حبيبتى وقامت وقفت وقالت هطلع ابص على سمر

علياء :- وقفت وقالت وانا هطلع اريح فى اوضى مش قادره تعبت اوى النهارده

مياده :- ربنا يقويكى يا حبيبتى

والاتنين طلعوا فوق علياء دخلت على اوضتها ومياده دخلت عند سمر

سمر :- وهى الدموع على خدها قالت خير يا مياده

مياده :- واخرت الدموع ايه يا سمر مش هترجع اللى راح خلاص

سمر :- قولتى ليهم حاجه

مياده :- لاء ومش هقول عبدالرحمن لو عرف ممكن يموتك فيها ويضيع مستقبله وعلياء ربنا يعينها على الوجع والحزن اللى هى فيه على فراق جوزها مش هزيد عليها الهم واروح اقولها على خيبتك انتى كمان همك كفايه انا هشيله لوحدى

سمر :- مش مجبوره تشيلى همى يا مياده

مياده :- لاء مجبوره لانك مش اختى انتى بنتى اللى بابا وماما ماتوا وسابوها حتة لحمه حمرا عندها ايام كبرتى على أيد علياء شالت همك وفضلت تدلع فيكى لحد ما بقيتى مفيش حد بيهمك طول عمرى كنت بخاف عليكى وأقسى عليكى علشان كنت خايفه عليكى من نفسك يا سمر وكل اللى خوفت منه حصل وروحتى سلمتى نفسك لواحد معرفش لحد دلوقتى هو مين من غير ما تخافى من حد ولا حتى خوفتى من غضب ربنا عليكى

سمر :- بدموع كنتى جايه ليه يا مياده

مياده :- جيت اطمن عليكى

سمر :- واطمنتى سبينى لوحدى بقى

مياده :- اخوكى ولا اختك لو شافوا دموعك دى هيشكوا انك فيكى حاجه

سمر :- خلاص يا مياده ماشى امشى بقى

مياده :- قعدت جمبها على السرير وشدتها فى حضنها وقعدت تعيط

سمر :- مسكت فى مياده اكتر وقعدت تعيط جامد

مياده :- بدموع ليه تعملى فيا كده يا سمر ليه

سمر :- انا اسفه يا مياده اسفه

مياده :- ياريت الاسف بيرجع اللى راح ياريت

سمر :- وهى بتعيط قالت حقك عليا يا مياده حقكم عليا كلكم

مياده :- بعدت عنها ومسحت دموع سمر وقالت كل حاجه هتبقى تمام أن شاءالله متقلقيش

سمر :- هتعملى ايه

مياده :- يارب بس اللى فى دماغى يحصل يبقى ربنا كرمنا احسن كرم

سمر :- انتى ناويه على ايه

مياده :- هقولك بس مش دلوقتى يلا بس ادخلى اغسلى وشك وانا هنزل اجبلك اكل

سمر :- مليش نفس

مياده :- لازم تاكلى كويس يا سمر علشان تعوضى الدم اللى نزل منك اعملى زى ما قولتلك على ما ارجعلك وسابتها ونزلت

سمر :- اتنهدت بوجع وقامت دخلت الحمام

««««««««««««««««««««««««««««««

عند ملك وادم

كانوا قاعدين على السفره وبياكلوا وقالت ملك

ملك :- الخطه ماشيه زى الفل كمان اسبوع ننفذ اللى اتفقنا عليه

أدم :- اتنهد وقال مش عارف يا ملك عقلى رافض الفكره دى ليه

ملك :- تانى يا آدم

أدم :- انا بسبب اللى احنا متفقين عليه انا وانتى ده مش قادر افتح الظرف اللى عمر سايبه ليا خايف يكون بيوصينى على مراته وبنته وضميرى يعذبنى اكتر

ملك :- خلاص سيبك من الظرف وبلاش تفتحه خالص ولع فيه وخلينا احنا زى ما اتفقنا فكر فى فلوس اخوك اللى مش قادر تطول منها مليم بسبب الهانم اللى كانت خدامه حامل فكر لو طلع اللى فى بطنها ده ولد هيكوش على كل حاجه وانت هتطلع من المولد بلا حمص وفلوس اخوك بح مش هيتبقى ليك غير حتة الشركه والفيلا اللى فى دبى وكام مليم هتخدهم منهم يعنى هما هيبقوا الكل فى الكل وانت الشحات اللى فيهم بعد ما كانوا هما الشحاتين وانت سيدهم فكر كويس انا عايزه مصلحتك مش اكتر

أدم :- بصلها ومردش عليها وقعد ياكل

ملك :- وبعدين يا حبيبى متشغلش بالك انت بأى حاجه انا عندى الرجاله اللى هتخلص الموضوع ومش هيسيبوا وراهم اى اثر اعتمد على لوكا حبيبتك ومتخافش

أدم :- قام وقف وقال الحمدالله شبعت

ملك :- قامت وراحت وقفت وراه وحضنته من ضهره وقالت قولت ايه يا حبيبى

أدم :- اتنهد وقال اعملى اللى عايزه تعمليه يا ملك وطلع على اوضه

ملك :- طلعت وراه وابتسمت ليه بدلع ونزلت الروب اللى كانت لابسه فوق القميص وقالت واحشتنى

أدم :- انا تعبان وعايز انام شويه يا ملك

ملك :- راحت جمبه وقالت انا هنسيك كل التعب بس سيب ليا نفسك خاااالص ومشيت ايديها على صدره وقربت منه و(.......)

«««««««««««««««««««««««««««««

فى اوضت علياء

دخلت علياء اوضتها وحطت تليفون عمر على الشاحن واتنهدت بحزن وحطت التليفون على الكومدينوا وسابته وقالت لنفسها

علياء :- افتح التليفون احسن علشان اشوف مين حاول يكلم عمر الله يرحمه ومسكت التليفون شغلته وهو فى الشاحن ووصلت رسايل كتير جدآ من ناس حاولت تتصل بيه وسابت التليفون وراحت دخلت الحمام وبعد وقت خرجت على صوت تليفون عمر وهو بيرن اخدته وردت وقبل ما تنطق بكلمه وقفت مصدومه من الكلام اللى سمعته

المتصل :- ...

رواية فتاة فى زمن قاسي الفصل الثالث والعشرون

الفصل السابع والعشرون "27" من رواية فتاة فى زمن قاسي بقلم الكاتبة المتميزة "دودو محمد"

للدخول إلى فهرس الرواية كاملة، حيث يوجد به جميع الحلقات أضغط هنا

فتاة فى زمن قاسي بقلم دودو محمد

الفصل السابع والعشرون (27) من رواية فتاة فى زمن قاسي

ملحوظة للوصل إلى جميع فصول الرواية أكتب في جوجل (فتاة فى زمن قاسي مدونة دليل أو "")

فى المستشفى

بدء مراد يفتح عينيه واحده واحده وبص حاوليه بصعوبه لاقه نفسه نايم فى الأوضه ومريم قاعده جمبه ولابسه اسود وبتعيط وامه نايمه على الكنبه ولابسه اسود ومهند قاعد فى الجمب التانى من السرير وحزين واول ما مريم شافته فتح عيونه قامت تجرى وراحت عنده وقالت

مريم :- حمدالله على السلامه اخيرآ فؤقت هروح ابلغ الدكتور

مراد :- بدموع منار بنتى فين انا عايز منار بنتى

مهند :- اهدا يا مراد منار كويسه متقلقش وفأقت الحمدالله

مراد :- بدموع بلاش تكدب عليا يا مهند انا عارف ان بنتى ماتت

مهند :- والله العظيم منار عايشه ومحصلش ليها حاجه

مراد :- عايشه امال هما لابسين اسود ليه

مهند :- بدموع بابا تعيش انت يا مراد

مراد :- بدموع بابا م.م.مات امته

مهند :- من تلت ايام

مراد :- تلت ايام ليه هو انا نايم بقالى قد ايه

مهند :- انت دخلت فى غيبوبه فى الاوضه بتاعة منار لحظة ما بابا مات من تلت ايام ولسه فايق دلوقتى

مراد :- بدموع ااااه يا بابا حتى الدفنه بتاعتك اتحرمت منها الله يرحمك يا بابا موت وانت زعلان منى حقك عليا يا بابا ياريت كنت انا اللى موت وارتحت من العذاب ده وبص على أمه وقال واكيد امى زعلانه منى علشان كنت أنا السبب فى موت بابا

مهند :- بص على أمه بحزن وقال لاء امك من ساعة ما سمعت خبر موت بابا الله يرحمه وهى نايمه النومه دى بتقوم تاكل لقمه بالعافيه وترجع تنام تانى

مراد :- اتنهد بوجع وقال اااااااه يا أبا الله يرحمك يارب الصبر من عندك يارب وفى الوقت ده دخل الدكتور وقال

الدكتور :- حمدالله على السلامه يا استاذ مراد

مراد :- بحزن الله يسلمك يا دكتور

الدكتور :- حاسس بأيه دلوقتى

مراد :- صداع فى دماغى شديد

الدكتور :- ده طبيعى حاسس بحاجه تانى

مراد :- لاء

الدكتور :- كشف عليه وقال تمام كله تمام الحمدالله

مراد :- بنتى عامله ايه يا دكتور

الدكتور :- البنوته فأقت الحمدالله وبقت زى الفل وهتخرج هى ومامتها النهارده واهو انت كلها يومين وتحصلهم

مراد :- انا عايز أخرج النهارده ارجوك يا دكتور

الدكتور :- مينفعش

مراد :- ليه مش لسه كنت بتقول دلوقتى أن بقيت تمام

الدكتور :- ايوه بس لازم تفضل تمانيه وأربعين ساعه تحت الملاحظه علشان نشوف الغيبوبه عملت معاك مضاعفات ولا لاء

مراد :- انا حاسس نفسى كويس يا دكتور ابوس ايدك خرجنى النهارده

الدكتور :- مينفعش والله عايز تخرج يبقى تمضى إقرار على نفسك بكده

مراد :- امضى مفيش مشكله

الدكتور :- تمام حمدالله على السلامه مره تانيه عن اذنكم وخرج وسابهم

مهند :- ليه يا مراد هتخرج خليك هنا احسن علشان لو حصلك مضاعفات

مراد :- انا لازم أخرج لازم اخد بنتى فى حضنى واضمها

مريم :- عندك الايام الجايه كتير لما تخرج ابقى احضنها براحتك المهم دلوقتى صحتك

مراد :- مش هبقى كويس غير لما اخد بنتى فى حضنى انا هخرج النهارده يعنى هخرج

مهند :- اهدا طيب واللى انت عايزه هيحصل وفى الوقت ده الباب اتفتح ودخلت مياده ومعاها منار

مراد :- بفرحه منار

مياده :- حمدالله على السلامه يا مراد واديته منار

مراد :- بفرحه الله يسلمك يا مياده وقعد يبوس فى منار وقال عامله ايه يا حبيبتى

منار :- الحمدالله انت بقيت كويس يا عمو

مراد :- انا بقيت كويس دلوقتى بس بعد ما شوفتك بس ممكن اطلب منك طلب

منار :- قول يا عمو

مراد :- ممكن تقوليلى يا بابا

منار :- بس انت مش بابى بابى مسافر

مياده :- ارجوك اصبر عليها شويه هى لسه صغيره ومش فاهمه حاجه واكيد لما تكبر شويه هتفهم كل حاجه

مهند :- اصبر عليها يا مراد

مراد :- نفسى اسمعها منها اوى

مياده :- معلش بكره تسمعها كتير بس انا لازم اخدها دلوقتى وارجع تانى عند علياء انا لما عرفت انك فؤقت من مريم قولت اجبها ليك واجى اطمن عليك

مهند :- شكرآ يا مياده انتى جدعه اوى

مياده :- العفو يا مهند انتوا جمايلكم علينا من زمان اوى وانا عارفه أخلاق مراد ايه وان اللى حصل ده غصب عنه وعلشان كده عملت ليه حاجه بسيطه أن جبت ليه بنته يشوفها وشالت منار وخرجت بيها

مراد :- يارب صعبه عليا والله لما بنتى تقولى يا عمو وتبقى مكتوبه على اسم حد تانى غيرى

مهند :- الصبر وكل حاجه هتبقى تمام

مراد :- طيب وعلياء عامله ايه

مهند :- الحاله النفسيه صعبه جدآ عندها بسبب فقدنها الجنين وجسديآ شوية الكسور اللى عندها بس استريح انت دلوقتى وان شاءالله كل حاجه هتكون كويسه وبص لمريم وقال خلى بالك منهم وخرج وسابهم وراح جاب اكل وبعد وقت رجع دخل الاوضه تانى عند مراد وقال خدى يا مريم كلى وصحى ماما تاكل واكلى مراد

مريم :- طيب وانت

مهند :- متشغليش بالك بيا وسابهم وخرج راح خبط على باب اوضت علياء فتحت ليه سمر وقالت

سمر :- نعم

مهند :- خدى الاكل

سمر :-شكرآ احنا اكلنا عبدالرحمن جاب لينا اكل

مهند :- خدى الاكل يا سمر انتى مراتى وملزومه منى انا فاهمه

سمر :- بلاش تعيش الدور يا مهند دى مهمه بتقوم بيها وكل واحد هيروح من طريق

مهند :- شايف انك شميتى نفسك شويه وبدأتى ترجعى سمر القديمه

سمر :- خرجت من الاوضه وقفلت الباب وقالت بغيظ بطل بقى كل ما تشوفنى توجعنى بكلامك وتعايرنى باللى حصل خلاص غلط ودفعت التمن وتمنه كان غالى جدآ وكفايه بقى تذل فيا محدش طلب منك انك تتجوزنى انت اللى عملت شهم واتجوزتنى خلصنا بقى انا تعبت

مهند :- مسكها من دراعها وقال واحده زيك تعيش طول عمرها مكسوره من عملتها وسمعتها اللى زى الزفت مش تكون متفرعنه زيك كده صحيح الطبع غلاب وانتى هتفضلى طول عمرك كده يا سمر

سمر :- اه انا هفضل طول عمرى كده مش عجبك طلقنى وتبقى عملت فيا معروف وسبنى اعيش حياه ودنيا جديده ونضيفه مفيهاش اى ذكريات من الماضى

مهند :- وسختك هتفضل معاكى مدى الحياه يا سمر لأن اللى فيه طبع عمره ما هيغيره

سمر :- داست على أسنانها بغيظ وقالت انا بكرهك يا مهند بكرهك ودخلت الاوضه وقفلت الباب فى وشه

مهند :- بص على الباب ونفخ وحدف الاكل فى الارض ومشى وسابه

«««««««««««««««««««««««««««««««

فى اوضت علياء

كانت قاعده على السرير وأخواتها قاعدين حاوليها ودخلت سمر ونفخت وقعدت على السرير وقالت

سمر :- انا مش مسمحاكم على اللى عملته فيا ده ملقتوش غير اللى اسمه مهند ده وتجوزهونى

مياده :- يعنى كنت عايزه نعمل ايه بعد ما الزفت ده هرب ومجاش الفرح نسيبك تتفضحى

سمر :- والله العظيم الفضيحه كانت اهون عليا من الجوازه دى

علياء :- بوجع وحزن ربنا ما يكتبها عليكى الفضيحه يا سمر أصلها صعبه اوى وبتوجع اوى اوى ودموعها نزلت منها

سمر :- انا اسفه يا علياء

علياء :-بدموع متتأسفيش يا سمر كلنا ضحية مجتمع ذكورى ظالم دايمآ بيحاسبوا الواحده على غلطه ممكن متكونش ليها يد فيها وضحيه فى ساعة شهوة راجل، دايمآ بيلومو الواحده على غلطه ملهاش ذنب فيها ويحملوها هى كل الغلط ويفضلوا يقولوا أن هدوم الواحده هى السبب ضحكتها السبب كلامها السبب نظرتها السبب وكله بيثير الراجل إنما الراجل ملهوش ذنب ذئب وديع بس غرائزه بتثير من اى حاجه ومع ذلك هو بريئ والذنب على البنت وبس يلعن ابو ده مجتمع

مياده :- الكلام ده ينطبق عليكى انتى يا علياء إنما سمر هى اللى باعت نفسها بأيديها محدش غصبها على حاجه

سمر :- غلط ودفعت تمن غلطتى اعمل ايه تانى علشان اكفركم عن ذنبى ده

علياء :- سمر اتضحك عليها وغلطت يا مياده وبصت لعبدالرحمن وقالت سامحها يا عبدالرحمن احنا ملناش غير بعض

عبدالرحمن :- علياء قفلى على الموضوع ده أن قولتلكم عندى أختين بس والتالته ماتت اللى ترمى نفسها فى حضن راجل وتبيع نفسها وشرفها ومتفكرش فى حد حرام تعيش انا لو كنت سبتها تعيش فأنا سبتها تعيش علشان خاطركم انتم إنما بالنسبه ليا ماتت

سمر :- مسكت أيده وقالت عبدالرحمن اهون عليك انا اختك الصغيره حبيبتك اختك غلطت غلطه كبيره واعترفت بده سامحنى ده ربنا غفور رحيم واحنا بشر ومحدش معصوم من الغلط ورحمة بابا وماما سامحنى

عبدالرحمن :- سحب أيده من ايديها وقال مياده خليها تبعد عنى وعرفيها متحاولش تكلمنى تانى علشان لحد ما اموت لسانى مش هيخاطب لسانها

مياده :- سامحها علشان خاطرنا يا عبدالرحمن

عبدالرحمن :- لو فضلتوا تتكلموا فى الموضوع ده كتير انا همشى ومش هتشوفوا وشى تانى ولا هتعرفوا طريق ليا فاهمين وسابهم وخرج

سمر :- دموعها نزلت منها وقعدت فى الارض وقعدت تعيط

منار :- مامى هى خالتوا بتعيط ليه

علياء :- بدموع خالتوا تعبانه شويه

منار :- اه زى عمو مراد

علياء :- اتعصبت وقالت متجبيش سيرته تانى يا حبيبتى

منار :- ده طيب اوى وحتى قالى قوليلى يا بابى

علياء :- قالك تقوليلى يا بابى هو انتى شوفتيه

منار :- اه كنا عنده انا وخالتوا مياده ونايم على سرير زى ده بالظبط يا مامى

علياء :- بصت بغيظ لمياده وقالت ليه يا مياده تعملى كده

مياده :- اتوترت وقالت ك.ك.كان لازم اعمل كده يا علياء ده ابوها برضه ومن حقه يشوفها ومتنسيش أنه دخل فى غيبوبه تلت ايام بسبب الخوف عليها بلاش تحرميه منها مش بقولك سامحيه بس على الاقل بلاش تعاقبيه بالبنت علشان كده حرام كفايه عليه موت أبوه

علياء :- بنتى لاء يا مياده مش هسمح ليه يقرب من بنتى فاهمه

منار :- مامى اللحقى خالتو سمر نامت فى الارض

مياده :- بصت بخوف وخضه لاقت سمر مغمى عليها طلعت تجرى وخبطت على وشها وقالت سمر يا سمر شكلها اغمى عليها تانى هروح اشوف دكتور بسرعه وخرجت تجرى وجابت الدكتور وفوق سمر

علياء :- وهى قاعده على السرير قالت هى ايه حكايتها يا دكتور بيغمى عليها كتير اوى

الدكتور :- طبيعى هى عندها ضعف والضغط واطى علطول عندها بيسبب ليها اغماء والضغط النفسى ليه عامل كبير فى الموضوع ده

مياده :- طيب والحل يا دكتور

الدكتور :- حاولوا تخرجوها من الضغط ده خدوها يومين تشم هوا فى اى مكان هادى واهتموا بالتغذيه كويس وهى أن شاءالله هتكون كويسه عن اذنكم وخرج وسابهم

علياء :- بدموع واخرت اللى انتى فيه ده ايه يا سمر حاولى تنسى يا حبيبتى

سمر :- بدموع انسى ازاى وكل اللى حواليا بيوجعنى وبيحاكمنى اربعه وعشرين ساعه انسى ازاى وكله بيعاقبنى ورافضين يدونى فرصه

مياده :- اخدتها فى حضنها وقالت انتى عندك حق ومن هنا ورايح مش هسمح لحد يجرحك بكلامه وعبدالرحمن يهدا شويه وانا هكلمه واخليه يسامحك ومسحت دموعها وقالت لازم ننسى الدموع دى بقى اللى بقت شئ أساسى فى حياتنا احنا لازم نعيش

علياء :- انا قررت اعمل حاجه وانتوا وراحتكم

مياده :- ايه هى

علياء :- اتصلى بالمحامى

مياده :- ليه

علياء :- اسمعى الكلام بس يا مياده

مياده :- حاضر ومسكت تليفونها واتصلت بالمحامى وبلغته أن يجى المستشفى لعلياء وقفلت السكه

وبعد وقت وصل المحامى ودخل الاوضه عند علياء وشويه وخرج ومشى وعبدالرحمن اخد اخواته ومشوا من المستشفى

««««««««««««««««««««««««««««««

انتهى اليوم والكل روح بيته ونام وبدأت شمس يوم جديد بنورها الساطع فى سماء القاهره ليبدء مراد بفتح عيونه على صوت أخته مريم وهى بتقول

مريم :- مراد قوم بسرعه عندى خبر ليك مهم

مراد :- خير يا مريم خبر ايه ده

مريم :- علياء واخواتها رجعوا شقة السطح تانى

مراد :- قام قعد على السرير بصدمه وقال ايه اللي انتى بتقوليه ده

مريم :- والله العظيم انا سمعت صوت حد فوق طلعت بصيت سمعت صوتهم جوه فى الشقه

مراد :- معقوله يعنى هما سابوا الفيلا ورجعوا عاشوا هنا خلاص وبص جمبه على السرير التانى وقال مهند انت يا ابنى

مهند :- امممم

مراد :- قوم بسرعه

مهند :- طلع راسه من تحت المخده وقال ايه فيه ايه

مراد :- علياء واخواتها رجعوا الشقه فوق

مهند :- بصدمه ايه مين قالك

مراد :- مريم سمعت صوتهم فوق

مهند :- يعنى ايه الكلام ده

مريم :- يعنى هما سابوا كل حاجه ورجعوا عاشوا فى الحاره

مراد :- لو ده اللى حصل بجد يبقى الفرصه جات لحد عندى وبنتى هتبقى جمبى علطول ويمكن كمان اقدر اخليها تسامحنى

مهند :- حلو معنى كده أن سمر هتبقى عايشه هنا جمبى واقدر وابتسم وسكت

مريم :- ابتسمت وقالت رجوعهم هنا هيسهل علينا حاجات كتير احم اقصد عليكم يعنى يلا بقى قوموا وتعالوا معايا عند ماما علشان نايمه ومش راضيه تصحه

مراد :- لازم نحاول نخلى ماما صاحيه لأنها بتهرب من الواقع بالنوم ده

مهند :- موت بابا تعبها اوى الله يرحمه

مراد :- الله يرحمه حاول تنزل تفتح المحل تانى يا مهند بلاش تقفله بابا كان متعلق بالمحل ده اوى

مهند :- من غير ما تقول هو ده اللى هعملوا يلا قوم معايا وقاموا خرجوا من الاوضه ودخلوا عند امهم وقالوا

مراد :- ماما يا ماما

حكمت :- امممم

مهند :- قومى يلا حضرى الفطار احسن احنا جعانين

حكمت :- عندكم اختكم انا تعبانه وعايزه انام

مريم :- ما انتى عارفه يا ماما أن انا مش بعرف اعمل اكل ولا اقف فى المطبخ اصلا

حكمت :- يا ولاد سبونى انام بقى

مراد :- قومى يا ماما علشان خاطرنا اقعدى معانا زى الاول

حكمت :- بدموع القاعده ملهاش لازمه مدام ابوكم مش فيها

مهند :- يا ماما حرام عليكى اللى انتى بتعمليه فيكى وفينا ده بابا الله يرحمه وانتى كده بتتعبيه فى نومته واحنا محتاجينك جمبنا

مراد :- قومى يا ماما يلا علشان عندنا خبر حلو ليكى

حكمت :- مبقاش فيه حاجه حلوه فى حياتى خلاص من بعد موت ابوكم

مريم :- منار حفيدتك حبيبتك هنا

حكمت :- قامت قعدت بسرعه وقالت بفرحه بجد فين هى

مراد :- هنا بس مش عندنا فى الشقه رجعوا عاشوا تانى على السطح

حكمت :- بفرحه بجد يعنى بنت ابنى هتبقى جمبى علطول انا لازم اشوفها وقامت وقفت

مهند :- يا ماما استنى مش هينفع تطلعى ليهم اصبرى وانا هكلم مياده تنزلها ليكى

حكمت :- انا عايزه حفيدتى يا مراد ده ربنا بعتها ليا فى الوقت ده علشان تعوض غياب ابوكم

مراد :- ربنا بعت لينا منار علشان تنور حياتنا كلنا وانا مش هسكت هكتبها باسمى و هعيشها فى حضننا هعوض السنين اللى عاشت فيها بعيد عننا

مهند :- اهم حاجه بالهدواه يا مراد بلاش تتسرع علشان علياء متعاندش معاك وتيجى بنتيجه ع

كسيه

مراد :- عارف يلا بقى يا ام مراد قومى حضرى لينا الفطار وخلينا نتجمع مع بعض زى زمان

مريم :- وانا هعمل معجزة الزمان وهدخل اساعدك فى المطبخ يلا وقامت حكمت ودخلت المطبخ وحضرت الفطار وساعدتها مريم وقعدوا يفطروا

«««««««««««««««««««««««««««««

على السطح

فتحت علياء عينيها على صوت خبط على الباب خبطت على كتف سمر وقالت

علياء :- سمر يا سمر قومى شوفى مين

سمر :- يوووه يا علياء بقى خلى مياده انا عايزه انام

علياء :- يا بنتى انا لو مكنتش متجبسه كنت قومت فتحت انا قومى يلا

سمر :- هوف حاضر وقامت وخرجت من الاوضه بصت على عبدالرحمن لاقته نايم على الكنبه والغطا واقع من عليه حطته عليه وراحت فتحت الباب وقالت ا.ا انت جاى هنا ليه

أدم :- فين علياء يا سمر

سمر :- جوه فى الاوضه

أدم :- ممكن اقابلها

سمر :- طيب خليك ثوانى هنا ودخلت عند علياء وقالت ده اللى اسمه أدم عايز يقابلك

علياء :- طيب تعالى سندينى أخرج ليه اهم حاجه اخوكى نايم ولا صاحى

سمر :- وهى بتسندها قالت لاء فى سابع نومه

وخرجوا الاتنين بره الشقه خالص وقعدت على الكنبه اللى على السطح وقالت

علياء :- ادخلى اعملى حاجه لادم يشربها يا سمر

سمر :- هوف حاضر تشرب ايه

أدم :- لاء شكرآ مش عايز حاجه انا جاى اتكلم كلمتين مع علياء وماشي علطول

سمر :- احسن برضه

علياء :- يا بت اتلمى

سمر :- انا داخله جوه احسن الجو هنا خنقه وسابتهم ودخلت

علياء :- متزعلش من سمر هى بس بتهزر

أدم :- لاء من حقها طبعآ تعمل اكتر من كده المهم انتى ليه عملتى كده

علياء :- عملت ايه

أدم :- اتنازلتى على الفيلا والشركه لمرات عمر وعياله

علياء :- لان هما الأحق دلوقتى وحطت ايديها على بطنها بحزن وقالت ابنه وخسرته والبنت مش بنته ومش من حقها مليم واحد من فلوس اخوك وانا مش محتاجه حاجه كفايا اللى عملوا معايا وهو عايش والفيلا والشركه جزء بسيط برده لريهام مرات عمر وعياله علشان كنت سبب ظلمهم لما اخد عمر منهم

أدم :- انتى طيبه اوى يا علياء وانا اسف على كل حاجه عملتها معاكى بتمنى تسامحينى

علياء :- اكيد هسامحك ومش هزعل منك علشان انت اخو عمر

أدم :- بتمنى انك ترجعى تعيشى فى الفيلا تانى وتنزلى الشركه

علياء :- خلاص يا آدم مبقاش ينفع انا رجعت لحياتى القديمه اه كانت فقيره بس كنت عايشه من غير احساس بالذنب أن اخد حق مش من حقى

أدم :- على فكره ريهام هى اللى طلبت منى اجيلك واطلب منك ترجعى الفيلا تعيشى معاها هى بتتصل بيكى وتليفونك مقفول

علياء :- مش معايا تليفون تليفونى راح فى الحادثه

أدم :- طيب قولتى ايه

علياء :- انا اسفه مش موافقه انا خلاص اخد قرار مش هسيب هنا مهما حصل وهرجع اشتغل خدامه زى زمان

أدم :- خليكى عايشه هنا براحتك بس بلاش تنزلى تشتغلى تانى فى البيوت اللى انتى محتاجه كله انا هوفره ليكى ومصاريف منار كلها عليا

علياء :- لاء طبعآ بنتى انا اللى هصرف عليها من شقايه يا آدم وشكرآ جدآ على شعورك واهتمامك ببنتى

أدم :- علياء منار هتفضل بنت اخويا واختى حتى من بعد ما عرفت الحقيقه

علياء :- شكرآ يا آدم

أدم :- وقف وقال انا همشى وابقى اسمحى ليا اجى أسأل عليكى وعلى منار

علياء :- اه طبعآ تيجى فى اى وقت تنورنا

أدم :- ربنا يخليكى عن اذنك ونزل فى نفس الوقت اللي كانت مريم نازله فيه بص ليها وقال ازيك يا مريم

مريم :- كويسه

أدم :- مريم انا اسف

مريم :- اسف على ايه مش فاهمه

أدم :- علشان كل اللى عملته معاكى زمان

مريم :- اه انت تقصد على جرح قلبى ووجعه لا يا راجل بسيطه متحطش فى بالك

أدم :- انا عارف ان اللى عملته معاكى صعب بس طمعان فى كرم قلبك انك تسامحينى

مريم :- وايه اللى حصل يعنى غيرك كده

أدم :- حاجات كتير حصلت أنا مش عايز حاجه غير انك تسامحينى

مريم :- بتحلم يا آدم انا عمرى ما هسامحك لو بتموت قدامى كده وبصت ليه بقرف ومشيت

أدم :- اتنهد ونزل وراها ركب عربيته ومشى بيها

«««««««««««««««««««««««««««««««

عند انجى وهيثم

كانت راكبه انجى العربيه مع هيثم وهى متعصبه وقالت

انجى :- ممكن افهم انت مش عايز تسامح سمر ليه البنت بقى فيها اللى مكفيها وانت كل ما اجبلك سيرتها تتعصب

هيثم :- علشان بكرهه وبكره اللى عملته فيكى زمان ولو انتى نسيتى انا عمرى ما هنسى اللى عملته معاكى يا انجى وانتى بتصدقى اللى هى فيه ده بكره ترجع انيل من الاول ومتسألش فيكى

انجى :- يوووووه بقى يا هيثم هو هو نفس الكلام بتاع كل مره انت لو شوفتها دلوقتى هتصعب عليك والله

هيثم :- انا مش عايز اشوف وشها ومن الاخر بقى انا مش عايزك تعرفيها تانى

انجى :- ايه اللى انت بتقوله ده يا هيثم لاء طبعآ مش هعمل كده سمر صديقة عمرى ومش هبعد عنها مهما حصل

هيثم :- حتى لو قولتلك يا انا يا هى

انجى :- بصت ليه بصدمه وقالت انت بتقول ايه

هيثم :- زى ما سمعتى يا انجى يا انا يا هى

انجى :- بصت ليه بدموع وقالت روحنى يا هيثم

هيثم :- ردى عليا الاول يا انجى

انجى :- روحنى يا هيثم بدل ما أنزل واركب تاكسى

هيثم :- ماشى يا انجى براحتك وشغل العربيه ومشى بيها وروحها على البيت ونزلت انجى من غير ولا كلمه وطلعت على بيتها

««««««««««««««««««««««««««««««

فى السطح

صحيت مياده من نومها وخرجت وقالت

مياده :- صباح الخير

التلاته :- صباح النور

مياده :- انتوا صاحين من بدرى ولا ايه

عبدالرحمن :- انا لسه صاحي دلوقتى

علياء :- واحنا صاحين من شويه يلا ادخلى الحمام وتعالى علشان نفطر

مياده :- لاء افطروا انتوا انا يدوب هغير هدومى وهنزل الشغل

سمر :- انتى نازله النهارده

مياده :- ايوه

سمر :- وانا كمان هنزل الشغل

مياده :- انتى مش هينفع

سمر :- ليه بقى أن شاءالله

مياده :- علشان انتى دلوقتى واحده متجوزه ولازم جوزك هو اللى يقول تنزلى ولا لاء

سمر :- نعم مين ده اللى يقول انزل الشغل ولا لاء على فكره مهند ده ملوش كلمه عليا وياريت تخليه يطلقنى

مياده :- اتلمى يا سمر مش هنرجع زى زمان مهند مش هيطلقك دلوقتى الراجل كتر خيره عمل اللى عليه واتجوزك وقال إنه هيطلقك بس مش دلوقتى علشان كلام الناس

سمر :- يبقى خلاص انا حره مش هستنى أوامر من حد

مياده :- ايوه اظهرى وبانى يا سمر شكلك رجعتى شديتى حيلك تانى

علياء :- بس كفايه انتى وهى انتوا مش بتزهقوا من الخناق

سمر :- انتى مش سماعها بتقول ايه مهند مين ده اللي استنى أمر منه

علياء :- استحملى لحد ما يطلقك وبعد كده ابقى انزلى الشغل براحتك

سمر :- بقولكم ايه انا هنزل الشغل يعنى هنزل الشغل ومحدش ليه عندى حاجه ودخلت الاوضه بتاعتهم

عبدالرحمن :- بنى ادمه معندهاش دم ولا كأنها عامله حاجه ورجعت انيل من الاول ياريت كنتوا سبتونى اقتلها واخلص منها

مياده :- وتودى نفسك فى داهيه ليه مهند هيعرف يظبطها

علياء :- انتى عارفه لو اللى اسمه مهند ده عاملها حاجه يا مياده انا هوريه

مياده :- علياء ابوس ايدك بلاش دلع تانى فى سمر كفايه اللى وصلت ليه ده بسبب دلعك فيها لو كنتوا سمعتوا كلامى من الاول سبتوا مهند يتجوزها مكانش كل ده حصل سيبو مهند براحته وهو هيعرف يخليها تمشى على العجين متلغبطهوش

عبدالرحمن :- وانا ده رأى جوزها وهو حر معاها

علياء :- بصت ليهم هما الاتنين وسابتهم ودخلت الاوضه عند سمر لاقتها قاعده على السرير وبتعيط دخلت قعدت جمبها على السرير وشدتها فى حضنها وقالت شششش أهدى يا حبيبتى

سمر :- بدموع انا عارفه أن انتوا عمركم ما هتثقوا فيا تانى بس انا فعلا محتاجه فرصه تانيه يا علياء اثبت ليكم أن انا اتغيرت فعلا

علياء :- انا عارفه انك اتغيرتى بدليل دموعك دى عمرك ما كنتى تحبى تنزليهم قدام حد حتى احنا ودلوقتى بتعيطى عادى وبتتكلمى وتطلعى كل اللى جواكى وده اكبر دليل على انك فعلا اتغيرتى

سمر :- انتى عارفه انا بكره مهند ليه علشان كل ما يشوفنى يعايرنى باللى حصل معايا ده ويقولى كلام بيوجع اوى انا نفسى انسى اللى عملته ده وابدء من جديد بس محدش فيهم راضى يدينى فرصه لده

علياء :- انا معاكى وفى ضهرك واللى انتى عايزاه هنفذهولك يا سمر

سمر :- اترمت فى حضنها وقالت ربنا يخليكى ليا يا علياء

منار :- فتحت عينيها وقالت مامى بابى كان هنا وزعلان منك ومخاصمك

سمر وعلياء :- بصوا لمنار بأستغراب

علياء :- فين بابى يا حبيبتى

منار :- وانا نايمه جه وكان زعلان منك ومش عايز يكلمك وضحك ليا وسابنى ومشى

سمر :- مشيت ايديها على شعر منار وقالت ده حلم يا حبيبتى انتى بتشوفيه وانتى نايمه بس ومش بيحصل حقيقى

منار :- طيب انا عايزه ارجع اوضى تانى امته يا مامى هنمشى من البيت الوحش ده

علياء :- شالت منار وحطتها على رجليها وقالت ده بيتنا يا منار اللى هنعيش فيه علطول خلاص مفيش فيلا تانى

منار :- لاء انا عايزه اوضى واللعب بتاعتى وقعدت تعيط

علياء :- اتنهدت بحزن وقالت يا حبيبتى اسمعى كلام ماما الفيلا دى وحشه فيها حاجات تخوف وانا مشيت منها علشان خايفه عليكى منهم

منار :- اه علشان متعورش تانى والدكتور يدينى حقنه

علياء :- ايوه علشان كده

منار :- ماشى بس انا جعانه

علياء :- قولى لخالتوا سمر تقوم ونطلع ناكل كلنا مع بعض

منار :- يلا يا خالتو، منار جعانه اوى

سمر :- لعبة فى شعرها وقالت لاء مقدرش على جوع منار يلا بينا وخرجوا التلاته من الاوضه وبصت سمر لمياده وقالت مياده حضرى الفطار

مياده :- ما تحضرى انتى اتشليتى

سمر :- ما انتى عارفه مش بعرف وعلياء متجبسه ومش هتقدر تحضر مفيش غير انتى

منار :- علشان خاطر منار جعانه يا خالتو

مياده :- اتنهدت وقالت علشان خاطر منار هحضره ودخلت المطبخ حضرت الفطار وحطته ليهم ودخلت لبست هدومها وخرجت وقالت أنا ماشيه عايزين حاجه

علياء :- خلى بالك على نفسك

مياده :- حاضر باى ونزلت من على السلم وبصت على باب مروان واتنهدت بوجع ونزلت راحت تركب الاتوبيس لاقت مروان هو كمان واقف اتفاجئت بيه وهو اتفاجئ بيها مشيت بعيد عنه وسمعت صوته بيقول

مروان :- مياده يا مياده

مياده :- غمضت عينيها بوجع وحاولت تتحكم فى مشاعرها وبصت ليه وقالت افندم

مروان :- عامله ايه

مياده :- كويسه

مروان :- واحشتينى اوى على فكره

مياده :- لو سمحت اتكلم بأدب والتزم حدودك معايا

مروان :- انا عارف انك زعلانه منى بس غصب عنى بحبك وبغير عليكى وببقى واحد تانى خالص لما بشوفك مع اى راجل غيرى

مياده :- خلاص يا مروان كلامك ده مبقاش يهمنى لان انا كرهتك وخرجتك من حياتى

مروان :- كدابه يا مياده الكلام ده من وراه قلبك لأن عيونك فضحاكى

مياده :- انت ايه يا اخى معندكش دم يعنى بعد اللى عملته فيا وقولته جاى بكل برود تقولى واحشتينى والمطلوب منى ايه اقولك وانت كمان واحشتنى ده انت مستفز بجد كنت فين اليومين اللى فاتوا وقت ما كنت ضعيفه ومحتاجك جمبى تقوينى كنت فين وانا قلبى بيتقطع من بعادك عنى ومن اللى احنا كنا فيه لاء يا مروان أفعالك كرهتنى فيك وبجد مبقتش حابه اشوف وشك تانى وفى الوقت ده الاتوبيس جه بصت ليه بقرف وركبت الاتوبيس

مروان :- بص ليها بوجع وراح وراها وركب الاتوبيس ووقف جمبها وقال مياده

مياده :- بصت ليه بغيظ وبعدت عنه وراحت مكان تانى

مروان :- راح وراها وقال ارجوكى اسمعينى

مياده :- مروان بلاش شغل المراهقين ده وياريت متجيش ورايا تانى علشان منزلش واروح الشغل مشى وسابته وراحت مكان تانى

مروان :- بص عليها وهى ماشيه واتنهد بوجع وبعد وقت كل واحد راح على شغله

««««««««««««««««««««««««««««««

فى الشركه

دخل عبدالرحمن الشركه ودخل على مكتبه وشاف مريم فى سكته بص ليها ودخل قعد على الكرسى بتاعه دخلت مريم وحطت الملفات قصاده مضاها ورجع بضهره لوراه اخدت مريم الملفات وخرجت وطلبت ليه القهوه وشويه ودخلتها ليه وحطتها على المكتب ولسه هتخرج

عبدالرحمن :- استنى هنا

مريم :- اتنهدت ووقفت وقالت نعم

عبدالرحمن :- وقف وراح عندها ووقف قصادها وقال متزعليش

مريم :- بأستغراب مزعلش على ايه

عبدالرحمن :- على اللى حصل منى فى المستشفى اعصابى كانت تعبانه ومكنتش عارف انا بعمل ايه

مريم :- اه لاء مفيش مشكله انا عارفه أن اللى حصل ده غصب عنك كلنا كنا اعصابنا مشدوده

عبدالرحمن :- يعنى مش زعلانه

مريم :- احم لاء بس عندى سؤال

عبدالرحمن :- اسألى

مريم :- انتوا رجعتوا تعيشوا على السطح تانى

عبدالرحمن :- ايوه

مريم :- ليه

عبدالرحمن :- علشان ده اللى المفروض يتعمل بعد ما علياء خسرت ابن عمر والبنت طلعت بنت اخوكى مش بنته

مريم :- يعنى مش هترجعوا تانى تعيشوا فى الفيلا

عبدالرحمن :- لاء

مريم :- بفرحه احسن

عبدالرحمن :- نعم

مريم :- احم اقصد اقول يعنى احسن علشان بنت اخويا هتعيش جمبنا وكده

عبدالرحمن :- قرب اكتر ليها وقال فرحانه علشان بنت اخوكى بس

مريم :- ها ا.ا.ايوه

عبدالرحمن :- قرب تانى ليها وقال متأكده

مريم :- ه.ه.هو فيه ايه

عبدالرحمن :- مشى أيده على خد مريم وقال مفيش

مريم :- بتوتر ل.ل.لو سمحت ابعد ش.ش.شويه

عبدالرحمن :- قرب اكتر ليها وقال ليه

مريم :- ع.ع.علشان حرام وعيب مينفعش ك.ك.كده لو سمحت ابعد

عبدالرحمن :- قرب اكتر ليها وقال خلاص نخليها حلال

مريم :- ت.ت.تقصد ايه

عبدالرحمن :- تتجوزينى

مريم :- ها

عبدالرحمن :- ت ت ج و ز ي ن ى ومشى أيده على شفايفها وقرب منها ولسه هيبوسها

مريم :- زقته بعيد عنها وقالت م.م.مينفعش اللى انت هتعمله ده مينفعش

عبدالرحمن :- غمض عينه وقال ما بقولك تتجوزينى

مريم :- وانا لسه مردتش عليك وحتى لو وافقت مينفعش تلمسنى غير بالحلال عن اذنك وخرجت وسابته

عبدالرحمن :- بص عليها وهى خارجه ورجع قعد تانى على مكتبه وقال بالحلال نخليها بالحلال وقعد يشرب القهوه بتاعته

«««««««««««««««««««««««««««««

فى السطح

دخلت علياء اوضتها تريح شويه وسابت منار مع سمر وكانت سمر قاعده تلاعب منار والباب خبط قامت فتحت الباب وقالت

سمر :- نعم عايز ايه

مهند :- عايز مراتى

سمر :- متلاقيش يا حيلتها

مهند :- انا سايبك بمزاجى يا سمر

سمر :- والله انت هتعيش الدور ولا ايه

مهند :- وانا ايه اللى يمنعنى اعيش الدور ما انتى مراتى فعلا وشدها ولف دراعه حاولين وسطها

سمر :- اتفاجئت من قرب مهند ليها زقته وقالت ابعد عنى يا حيوان

مهند :- ايه مشبهش الرجاله اللى كنتى بتنامى فى حضنهم على الأقل انا الوحيد اللى حضنه حلال

سمر :- انت واطى وزباله فعلا بنى أدم صايع وحشاش انا بكرهك وقعدت تضربه على كتفه وتقول سبنى ابعد عنى

مهند :- قال يعني انا اللى بحبك يا بنتى انا متجوزك علشان استر على فضحتك متنسيش بس سبب الجواز ايه يا مزه

سمر :- حيوان ابعد عنى بقولك

مهند :- شدها سندها على الحيطه وقال انا لو عايز اخد منك حاجه هخدها ومحدش هيقدر يمنعنى لكن انا اللى ميشرفنيش المس واحده جسمها رخيص ومع كل راجل شويه وقرب من رقابتها وغمض عينه وفى الوقت ده خرجت منار وقالت

منار :- خالتوا مين ده

مهند :- بعد عن سمر ونزل عندها وقال احم انا عمو مهند يا حبيبتى ومد أيده علشان يسلم عليها

منار :- بصت على ايده وطلعت تجرى على سمر ومسكت فيها بخوف وقالت لاء انت وحش علشان خليت خالتو سمر تعيط

مهند :- رفع راسه لاقه سمر دموعها نازله منها اتنهد بوجع وقام وقف

سمر :- شالت منار ودخلت جوه وقفلت الباب فى وش مهند

مهند :- قعد على الكنبه وحط راسه ما بين ايديه ونفخ وقال ليه يا مهند ليه وقام وقف ونزل فتح المحل

قراءة الفصل الثامن والعشرون من رواية فتاة فى زمن قاسي أضغط هنا

فتاة فى زمن قاسي الفصل التاسع والعشرون "29" بقلم الكاتبة "دودو محمد"

فتاة فى زمن قاسي بقلم دودو محمد

رواية فتاة فى زمن قاسي الفصل 29 التاسع والعشرون

فى الشركه

دخلت مريم الشركه وهى متأخره دخلت تجرى على المكتب بتاعها واخدت الملفات ودخلت بيها على مكتب عبدالرحمن وحطتهم قصاده وقالت

مريم :- انا اسفه جدآ اتأخرت النهارده شويه

عبدالرحمن :- ابتسم ليها ومضى الملفات وقال ولا يهمك المهم انك بخير

مريم :- ابتسمت ليه وقالت شكرآ ثوانى والقهوه تكون عندك عن اذنك

عبدالرحمن :- مريم استنى ثوانى

مريم :- وقفت وقالت نعم

عبدالرحمن :- قام وقف وراح عندها وقال فكرتى فى الطلب اللى طلبته منك

مريم :- ها ل.ل لسه

عبدالرحمن :- تمام خدى وقتك فى التفكير بس ياريت فى الاخر تكونى موافقه

مريم :- أن شاءالله عن اذنك

عبدالرحمن :- مريم

مريم :- نعم

عبدالرحمن :- انتى حلوه اوى النهارده

مريم :- بصت ليه بكسوف وقالت ش.ش.شكرآ وخرجت من عند عبدالرحمن وقعدت على المكتب بتاعها وابتسمت بحب ومسكت التليفون وطلبت القهوه لعبدالرحمن وبعد وقت جات القهوه دخلت حطتها ليه على المكتب وخرجت تانى قعدت وبدأت تشوف شغلها

«««

عند مياده

نزلت مياده من شقتهم علشان تروح شغلها قابلت قصادها مروان نفخت ونزلت من على السلم طلع يجرى وراها مروان وقال

مروان :- مياده استنى يا مياده

مياده :- اتنهدت وقالت نعم يا مروان

مروان :- انا اسف يا مياده بالله عليكى سامحينى

مياده :- لاء يا مروان انسانى بقى علشان عمرى ما هسامحك ولا انسى كلامك اللى انت قولته ليا

مروان :- انتى ليه مش عايزه تصدقى أن انا عملت كده من غيرتى عليكى علشان بحبك المفروض ده يشفع ليا عندك مش يكرهك فيا

مياده :- ضحكت بتريقه وقالت يشفعلك عندى ازاى مش فاهمه انت فاهم انت عملت فيا ايه انت شكيت فيا واتهمتنى أن انا رخيصه حاولت افهمك كتير أن مهند مش اكتر من اخ وانت ولا هنا مهند من زمان وهو عايز سمر يا مروان

مروان :- طيب وانا كنت هعرف ازاى أنه بيحب اختك يا مياده اى راجل مكانى وشاف علاقتك مع مهند كان هيعمل زى وزياده الغلط من عندك انتى انك من الاول مفهمتنيش الحقيقه

مياده :- فعلا يا مروان الغلط من عندى بس مش علشان مفهمتكش الحقيقه لاء علشان حبيت واحد شكاك زيك انت لو كنت حبتنى بجد كنت عمرك ما هتشك فيا ولا تقول اللى قولته ليا ابعد عنى يا مروان علشان انت بالنسبه ليا انتهيت عن اذنك وسابته ومشيت

مروان :- طلع يجرى وراها تانى ووقف قصادها وقال علشان خاطرى ادينى فرصه تانيه وانا اوعدك هبطل الغيره الزياده دى وهخد بالى فى الكلام معاكى بعد كده

مياده :- اتنهدت وبصت الاتجاه التانى

مروان :- انا عمرى ما زعلتك يا مياده غير بس فى موضوع مهند لكن عمرى ما جرحت احساسك ولا قسيت عليكى فى يوم من الايام انا واحد بيغير زياده عن اللزوم بس هحاول اتحكم فى غيرتى دى بعد كده ومسك ايديها وقال مياده انا بحبك ومقدرش اعيش من غيرك ربنا يعلم انا كنت عايش ازاى اليومين اللى فاتوا دول كنت جسم من غير روح انسان الى انزل الشغل وارجع من الشغل انام انا اتعذبت اوى اليومين اللى بعدنا فيهم عن بعض

مياده :- دموعها نزلت منها وقالت كلامك كان قاسى اوى عليا يا مروان مش عارفه انت ازاى قدرت تقوله ليا ازاى

مروان :- علشان انا واحد غبى وحمار متهور علطول ومسح دموعها وقال ربنا ياخد اللى كان السبب فى دموعك دى يا مياده

مياده :- بأندفاع بعد الشر

مروان :- ابتسم وقال لسه خايفه عليا بعد كل اللى حصل منى ده

مياده :- بصت فى الارض ومردتش عليه

مروان :- اوعدك يا مياده عمرى ما هزعلك منى تانى علشان دموعك دول غاليين عليا اوى

مياده :- بصت ليه بحب وابتسمت ليه

مروان :- خلاص مش زعلانه منى

مياده :- هزت راسها بمعنى لاء

مروان :- بحبك اوى يا مياده اوى انا خلاص مش قادر اصبر على بعدك عنى اكتر من كده انا عايز اجى اتقدم ليكى يا مياده

مياده :- بفرحه بجد

مروان :- ايوه بجد انتى صبرتى معايا كتير لحد ما ظبط امورى والحمد الله انا اقدر دلوقتى افتح بيت واصرف عليه ها ايه رأيك

مياده :- موافقه طبعآ اول ما ارجع من الشغل النهارده هقولهم فى البيت

مروان :- ماشى وانا هستنى ردك

مياده :- ماشى يلا باى ونزلت تجرى من على السلم وهى فرحانه

مروان :- ابتسم بحب وقال ربنا يخليكى ليا يا مياده ونزل وراها

«««

عند سمر

دخلت الاوضه بتاعتها هى واخواتها واترمت على السرير وافتكرت اللى مهند عمله معاها ابتسمت بكسوف ومشيت ايديها على شفايفها وقالت

سمر :- ا.ا ايه ده يا سمر انتى اتجننتى معقوله هتفكرى فى واحد زى ده وسكتت شويه وقالت وفيها ايه مش جوزى وبعدين هو مش وحش اوى كده يعنى هو صحيح كان حشاش وصايع بس دلوقتى ربنا هداه ومبقاش يشرب البتاع ده تانى وبطل يعاكس فى البنات وفتح محل أبوه وبقى يشتغل فيه وسكتت وقالت ايه اللى انتى بتقوليه ده يا بنتى مهند وبعدين محل ايه ده اللى شغال فيه هجيب ايه يعنى قرشين يأكل منهم مين ولا مين وبعدين هو لاقى شقه يقعدنى فيها ؟ ده شحات وسكتت شويه وقالت تانى يا سمر هتفكرى فى الفلوس اللى كانت سبب كل حاجه وحشه فى حياتك وبعدين يكفى أنه شهم واتجوزنى علشان الفضيحه ودمه خفيف اوى وشكله حلو بس هو كبير شويه عليا بس حلو ناضج وضحكت وقالت مهند ناضج ده اللى هو ازاى ده عقله اصغر من عقلى وقامت قعدت وقالت يووووه بقى يا سمر مالك اتقلب حالك اوى كده كل ده من بوسه

منار :- خالتو سمر انتى بتتكلمى مع مين

سمر :- ها م م.مش مع حد يا حبيبتى

منار :- بس انا شيفاكى وانتى عماله تتكلمى وتبصى قدامك ومفيش حد قاعد قصادك

سمر :- خالتك اتجننت يا مونى عمك مهند قلب حالها، وشالتها وقعدتها على السرير

منار :- عمو مهند الوحش اللى كان بيضربك يا خالتو

سمر :- لالالا عمو مهند مضربنيش ده كان بيزعق ليا علشان عملت غلط مش انتى لما بتعملى غلط ماما بتزعق ليكى

منار :- اه بس هو مامتك يا خالتو

سمر :- ضحكت وقالت مامتى ازاى بس يا مونى عمو مهند يبقى جوز خالتو سمر

منار :-زى بابى ومامى كده

سمر :- ايوه بالظبط

منار :- طيب فين بنتك زى منار كده

سمر :- بنتى

منار :- ايوه مش مامى وبابى معاهم منار انتى وعمو مهند فين بنتكم

سمر :- افهمها ليكى ازاى بس بصى يا منار يا حبيبتى انا وعمو مهند متجوزين بس مش متجوزين

منار :- انا مش فاهمه حاجه يا خالتو

سمر :- ما انتى لازم تكونى مش فاهمه حاجه اصلك لسه صغننه بصى لما تاكلى كتير اوى وتكبرى هبقى افهمك ماشى

منار :- ضحكت وقالت ماشى

سمر :- هى امك مش طالع ليها صوت ليه يكونش حد دخل وقتلها

منار :- يعنى ايه

سمر :- هو انتى كل اللى نازل عليكى يعنى ايه يعنى ايه وشالتها وخرجت من الاوضه لاقت علياء قاعده وعماله تعيط قعدت قصادها على الكنبه وقالت مالك يا لولو

علياء :- بدموع مليش

سمر :- ولما مفيش بتعيطى ليه

علياء :- منار ادخلى الاوضه جوه

منار :- حاضر يا مامى ودخلت الأوضه

علياء :- تعبت يا سمر خلاص مبقاش فيا طاقه اعافر مع حد مراد مش هيسكت لحد ما ياخد بنتى منى وانا مش هقبل أن يحصل كده مستحيل اخلى بنتى تقرب من شخص زباله زى ده كفايه أن بنتى لما تكبر هتعرف انها جات من ليله ابوها اغتصب فيها امها والضغوط النفسيه اللى هتتعرض ليها ده غير كل لما بشوفه بفتكر شكله وهو بيهجم عليا علشان ياخد منى اعز ما املك بسببه اتعالجت سنين عند الدكتور علشان اتقبل فكرت الجواز من اول وجديد ووجعى لما كان عمر بيتعامل معايا بكل طيبه وحنيه وانا حاسه أنه كتير عليا علشان انا واحده مغتصبه ومش قادره اقدم ليه ربع اللى عمله معايا حاجات كتير اوى حصلت ليا بسبب اللى عمله معايا متغفرهاش مليون كلمة اسف يا سمر

سمر :- حاسه بيكى ومقدره اللى انتى فيه ده يا علياء بس الصراحه مراد مؤدب وكويس وطيب جدآ وكلنا اتصدمنا لما عرفنا اللى عمله فيكى وكلهم قالوا إن اللى عملوا فيكى ده غصب عنه كان تحت تأثير مخدر واخده بالغلط على اساس حباية صداع يعنى ده عذر يشفع ليه عندك يا لولو

علياء :- حتى لو كلامهم ده صح انا استفد ايه غير أن خسرت عمرى كله بسبب غلطه مش مقصوده اتجوزت واحد مبحبهوش علشان يستر عليا ويدارى فضحتى جبت بنتى من ليله كل ما هبص فى وشها هفتكرها بيها اهى الغلطه اللى مش مقصوده دى خسرتنى كتير ووجعتنى كتير اوى يا سمر مهما اتكلم واقول مش هقدر اقولك اللى عيشته ومريت بيه بسبب الغلطه اللى مش مقصوده دى

سمر :- طيب علشان خاطر بنتك سامحيه يا علياء حرام لما يبقى باباها عايش وتعيش يتيمه وبعيده عنه

علياء :- وقفت وقالت أنا هدخل انام شويه وسابتها ودخلت الاوضه تنام شويه

ومر اليوم وانتهى وكل واحد دخل اوضه ينام وبعد وقت سمعوا الاربعه خبط على الباب قام عبدالرحمن وفتح الباب وهو بيفتح عينه بصعوبه قال

عبدالرحمن:- مهند خير فيه ايه

مهند :- فين علياء يا عبدالرحمن

عبدالرحمن:- بتسأل عليها ليه عايز منها ايه

مهند :- مراد يا عبدالرحمن وفى الوقت ده خرجوا التلاته من الاوضه طلع يجرى مهند عند علياء وقال علياء ارجوكى الحقى مراد اخويه

مياده :- بخضه خير يا مهند ماله

مهند :- مراد سلم نفسه لشرطه واعترف على نفسه أنه اغتصب علياء

كلهم بصوا لبعض بصدمه

سمر :- احسن يستاهل خليه ياخد جزاءه

مياده :- اخرسى يا سمر وبصت لمهند وقالت هو ازاى يعمل كده بس هو مش عارف أنه بكده بيفضح نفسه وعلياء

مهند :- انا معرفش ايه اللى خلى مراد يعمل كده بس مراد من يوم اللى حصل مع علياء ده مش مظبوط ودايمآ أعصابه تعبانه وتصرفاته كلها متهوره وبقى شخص تانى خالص غير اللى انتوا تعرفوا مراد كل اللى يهمه دلوقتى أن علياء تسامحه وبنته تعرف ان هو ابوها وممكن يرمى نفسه فى النار علشانهم ارجوكى يا علياء تعالى معايا وخليه يخرج من المكان ده علشان خاطر بنتك

علياء :- بصت ليه من غير ما ترد عليه

مياده :- علياء ردى على مهند انت طول عمرك قلبك كبير لازم تخرجى مراد من المكان ده علشان خاطر سمعتك وسمعة بنتك

علياء :- بصت ليهم ومردتش عليهم

مياده :- ردى علينا يا علياء متسكتيش كده

علياء :- سابتهم ودخلت الاوضه

مهند :- كلموها يا جماعه يمكن تسمع كلام حد فيكم

مياده :- المشكله ان علياء رافضه تخلى اى حد يتكلم فى الموضوع ده وانا حاولت معاها كتير والله هو اكيد عمل كده لما علياء قالت ليه حاول تكفر عن ذنبك وساعتها هسامحك ممكن يكون هو ده السبب اللى خلى مراد يعمل كده

مهند :- والحل دلوقتى ايه

مياده :- مش عارفه

وفى الوقت ده خرجت علياء وهى لابسه العبايه بتاعتها

عبدالرحمن :- رايح فين يا علياء

علياء :- قسم الشرطه

مياده :- دلوقتى

علياء :- اه دلوقتى وسابتهم ومشيت

مهند :- انا هروح معاها

عبدالرحمن :- انا اللى هروح مع اختى

مياده :- وانا

وسمر :- وانا

مياده :- خليكى انتى هنا مع منار ادخلى هاتى العبايه بتاعتى

سمر :- بغيظ مش هجيب حاجه لحد

مياده :- مستفزه ودخلت تجرى ولبست العبايه بتاعتها ونزلوا التلاته وراه علياء ووقفوا تاكسى وراحوا على القسم

سمر :- نفخت بغيظ ودخلت نامت جمب منار

تكمله الفصل التاسع والعشرون فتاة فى زمن قاسي

فى قسم الشرطه

وصلوا الاربعه عند القسم ونزلت علياء من التاكسى ودخلت تجرى وقالت للعسكرى

علياء :- ممكن لو سمحت اشوف واحد جاى النهارده معترف على نفسه أنه مغتصب واحده

العسكرى :- لاء مينفعش الصبح هيروح لنيابه ابقى روحى شوفيه هناك

علياء :- ارجوك لازم اشوفه ضرورى

العسكرى :- والله الامر مش بأيدى

علياء :- طيب بأيد مين

العسكرى :- حضرة الظابظ منير

علياء :- فين مكتبه طيب

العسكرى :- اخر الطرقه دى يمين

علياء :- شكرآ ليك وسابته وراحت مكان ما قال ليها العسكرى والتلاته وراها وراحت وقالت للعسكرى اللى على الباب ممكن اقابل منير باشا

العسكرى :- ليه

علياء :- موضوع شخصى ممكن لو سمحت

العسكرى :- طيب خليكى هنا ثوانى ودخل جوه وشويه وخرج وقال اتفضلى

علياء :- شكرآ ودخلت

التلاته لسه هيدخلوا

العسكرى :- ممنوع هى بس اللى مسموح ليها تدخل

مهند :- بص لعبدالرحمن ومياده وقال يمكن تقدر تشوفه وتقنعه أن يتنازل عن اللى فى دماغه ده

مياده :- علياء ربنا يستر

علياء :- دخلت ووافقت قصاد منير ودعكت فى ايديها

منير :- اتفضلى اتكلمى يا انسه

علياء :- مدام حضرتك

منير :- اوك اتفضلى اتكلمى

علياء :- فيه واحد اسمه مراد جه سلم نفسه واعترف أن هو اغتصب واحده

منير :- ايوه ماله

علياء :- عايزه اشوفه

منير :- وحضرتك تقربى ليه ايه أن شاءالله

علياء :- بتوتر انا زى أخته متربيه معاهم وكنت عايزه اطمن عليه

منير :- اكيد طبعآ ممكن وطلب من العسكرى أنه ينزل يجيب مراد من الحجز ونزل جابه ودخله المكتب عند الظابط وخرج وسابه

مراد :- بص لعلياء وقال علياء انتى ايه جابك فى الوقت ده

منير :- طيب انا هسيبكم مع بعض شويه وخرج وسابهم مع بعض

مراد :- راح عند علياء وقال بتمنى اللى عملته ده يخليكى تسامحينى يا علياء انا غلط ولازم اخد جزاء غلطى ده

علياء :- بصت ليه ومردتش عليه

مراد :- علياء انا ممكن أرمى نفسى فى النار لو ده هيخليكى تسامحينى انا عارف ان انا غلط بس كان غصب عنى والله ودموعه نزلت منه وقال انا حياتى كلها واقفت عند اللحظه دى انتى عارفه يعنى ايه لما ادبح بأيدى دول اكتر انسانه حبيتها فى حياتى انتى عارفه شعورى ايه لما اشوف نظرة الكرهه اللى فى عينك ليا دى انا بموت فى اليوم مليون مره يا علياء انا عمرى ما كنت أتخيل أن كل ده يحصل فى حياتنا بتمنى أن كل ده يطلع كابوس من اللى بقيت اشوفهم علطول فى نومى وهصحه منه الاقى كل ده محصلش، مسألتيش نفسك ليه ربنا بعت لينا منار؟ علشان يربطنا ببعض العمر كله حته منى ومنك حته ربنا بيعوضنا انا وانتى بيها على تعب الاربع سنين اللى مرت علينا بوجع يا علياء

علياء :- مدت ايديها على خده ومسحت الدمعه اللى نازله منه وقالت لاء انا مش عايزه دموع عادى انا عايزه اشوفك بتبكى دم يا مراد عارف انا فرحانه اوى بدموعك دى كل ما بشوفك بتتعذب كل ما نار قلبى بتهدا اوعى تفكر أن الشويتين دول هيخليك تصعب عليا واسامحك لاء يا مراد مش هتصعب عليا عارف ليه علشان دموع عينى مصعبتش عليك وانت بتغتصبنى وبتاخد منى اعز ما املك دموعى وقتها كانت بتزيد دبحك فيا زى ما دموعك دلوقتى بتزود عندى حب الانتقام منك اكتر واكتر

مراد :- مسكها من دراعها وقال امته بقى هتفهمى أن انا عملت كده وانا تحت تأثير المخدر انا لو فايق كنت مستحيل هعمل فيكى كده انا بحبك يا علياء حرام عليكى كفايه بقى انا مش بعمل كده علشان اصعب عليكى لاء انا بعمل كده علشان اعاقب نفسى على غلطه مكانتش مقصوده انا تعبان اكتر منك ونفسى ارتاح بقى اربع سنين وانا حياتى واقفه على اللحظه دى اربع سنين وانا مش قادر انسى نظرت عينك ليا سعتها اربع سنين وانا الكوابيس مش بتفارق منامى اربع سنين عايش فى عذاب بسبب اللحظه دى ونفسى ارتاح بقى ويوم ما لاقيتك عذابى زاد وكبر لما عرفت انك متجوزه وكمان الراجل اللى كنت شغال عنده وزاد عذابى اكتر واكتر لما عرفت أن ليا بنت من صلبى وبتقول لغيرى يا بابا واسمها مكتوب على اسم راجل تانى كل ده مش عذاب فيا يا علياء ويشفع ليا عندك لو بجزء بسيط

علياء :- قعدت على الكرسى وقالت للاسف مش هقدر اسامحك عمرى يا مراد وهقدم الورق اللى يثبت انك انت اغتصبتنى وهجيب الدكتور يشهد بده مدام انت اللى بدأت الحرب يبقى انا هستعمل كل اسلحتى فيها

مراد :- بص بدموع لعلياء واتنهد وخبط على الباب دخل العسكرى قال ليه مراد انا خلصت

العسكرى :- اخده ورجعه تانى الحجز ودخل منير وقعد على الكرسى وبص لعلياء وقال هو ايه هيخلى واحد زى مراد ده يجى يسلم نفسه فى حاجه حصلت من اربع سنين وفين البنت دى

علياء :- بتوتر ا.ا.انا البنت دى يا باشا

منير :- انتى ؟!

علياء :- ايوه انا البنت اللى اغتصابها من اربع سنين ومعايا بنت منه بسبب الليله دى بس انا اتجوزت شخص تانى وكاتبه البنت دى بأسم راجل تانى

منير :- اتفضلى اقعدى واحكيلى كل حاجه

علياء :- لو سمحت ممكن اطلب منك طلب

منير :- اتفضلى

علياء :-..............

««««««««««««««««««««««««««««««

اشرقت شمس صباح يوم جديد بنورها الساطع فى سماء القاهره لتبدء سمر بفتح عيونها على صوت تليفونها مدت ايديها اخدته من جمبها وبصت فيه لاقيته رقم غريب استغربت وردت عليه وقالت

سمر :- السلام عليكم

المتصل :- ازيك يا مزه واحشتينى اوى اوى اوى

سمر :- انت مين

المتصل :- زوما يا روح قلب زوما

سمر :- قامت قعدت وقالت ا.ا انت متصل بيا تانى ليه ابعد عنى لو سمحت انا دلوقتى واحده متجوزه

حازم :- اسرع وانجز برضه يعنى نقدر نتقابل تانى براحتنا ولو حصل ما بينا حاجه مش هيبان حاجه

سمر :- انت واحد وسخ ابعد عنى بقى كفايه اللى حصل ليا بسببك

حازم :- بلاش تعملى فيها شريفه اوى ده انا وصل ليا شوية فيديوهات ليكى ايه عنب

سمر :- بأستغراب انت تقصد ايه مش فاهمه

حازم :- فيديوهاتك انتى واللى اسمه أدم حاجه ايه ناااار ده انتى طلعتى رخيصه من زمان اوى وكنتى عامله عليا واحده شريفه

سمر :- فيديوهات ايه دى ومين ادهالك

حازم :- اللى اسمه أدم بنفسه وهبعتهم ليكى افكرك بيهم يا مزه بس اعملى حسابك انا لازم اقابلك النهارده بعد العصر يا مزتى هستناكى فى (.......)

سمر :- انت بتحلم يا حازم انسانى لو سمحت

حازم :- لاء مش بحلم يا مزه علشان لو منفذتيش اللى قولتلك عليه حاجات كتير اوى هتوصل لجوزك وسلميلى على الشرف يا حلوه

سمر :- انت ايه يا اخى شيطان ربنا ينتقم منك

حازم :- وانتى جايه بقى هاتى ليا باقى المبلغ اللى كنت طالبه من اختك بس من غير ما تحس

سمر :- بأستغراب مبلغ ايه ده

حازم :- باقى المية الف عايز منها خمسين ألف

سمر :- بصدمه خمسين ألف يعنى انت مياده دفعت ليك خمسين ألف علشان تتجوزنى

حازم :- ايووووه

سمر :- مفيش ولا مليم هتخده مننا تانى يا حازم ومش جايه وأعلى ما فى خيلك اركبه

حازم :- بلاش تتهورى علشان متتعوريش يا حلوه استقبلى الاول اللى هبعته ليكى وبعد كده ابقى اتكلمى علشان لو منفذتيش اللى قولتلك عليه كل ده هيكون عند جوزك المغفل سلام يا مزه وقفل السكه وبعد وقت وصل لسمر رسايل على تليفونها فتحتها وبصت فيها بصدمه وقالت الواطى الندل الجبان مصورنى معاه على السرير ياااااه يا سمر غلطى كتير واديكى بتدفعى التمن دلوقتى ودموعها نزلت منها وجابت فيديو بتاعها هى وادم وقالت الوسخ انت طلعت بنى أدم غشاش وفى الوقت ده الباب خبط مسحت دموعها وقامت تجرى فتحت الباب لاقت مهند بصت ليه بتوتر وقالت م.م.مهند فيه حاجه

مهند :- اجهزى يلا علشان اوصلك الشغل

سمر :- بصت ليه وقالت انت وافقت

مهند :- انتى شايفه ايه

سمر :- بس هنزل ازاى ومحدش من اخواتى جه

مهند :- التلاته فى القسم مستنين مراد يتحول على النيابه وانا قولت اجى اوصلك وارجع عندهم تانى

سمر :- طيب ومنار

مهند :- هاتيها انزلها عند امى اهى حتى تبرد النار اللى فى قلبها على مراد

سمر :- بس خايفه علياء تزعل

مهند :- انتى مش هتنزليها عند حد غريب يا سمر انتى هتنزليها عند جدتها

سمر :- م.م.ماشى ادخل خدها من الاوضه

مهند :- دخل أخدها من الاوضه ونزل ينزلها عند أمه

سمر :- دخلت الاوضه وقعدت على السرير وقالت هتعملى ايه يا سمر فى المصيبه دى ما صدقت حياتى بدأت تهدا يارب حلها من عندك وقامت فتحت السوسته بتاعة الترنج وقلعته وفتحت الباب ولسه هتخرج من الاوضه لاقت مهند وقف قصادها اتوترت وحطت ايديها على جسمها العريان وقالت ا.ا.انت بتعمل ايه هنا

مهند :- اتوتر اول ما شافها كده ودخل الاوضه وقرب منها وقال جيت اقولك أن منار نامت فى حضن امى متقلقيش

سمر :- وهى بتبعد عنه قالت م.م.ماشى م.م.ممكن تستنى بره لحد ما البس هدومى

مهند :- قرب منها ومشى أيده على كتفها العريان وقال هستناكى بره اخلصى بسرعه ولسه هيمشى

سمر :- مسكت أيده منعته أنه يمشى واترمت فى حضنه وقعدت تعيط

مهند :- اتفاجئ باللى حصل ومد أيده ببطئ وطبطب على ضهرها وقال مالك يا سمر

سمر :- مسكت فيه اكتر وقعدت تعيط

مهند :- بقلق اتكلمى يا سمر قوليلى فيه ايه وبعدها عن حضنه وراح مسك الترنج بتاعها وحطه على كتفها وقعدها على السرير وقال اتكلمى يا سمر انا سامعك

سمر :- بصت ليه بتوتر وخوف وقالت اللى اسمه حازم ده رجع كلمنى تانى

مهند :- اتغيرت ملامح وشه وداس على أسنانه وقالت ورديتى عليه ليه

سمر :- ده كلمنى من رقم غريب ورديت عليه ومعرفش أن هو

مهند :- مسكها من دراعها وقال كان عايز ايه

سمر :- بألم اااه دراعى يا مهند

مهند :- اتكلمى بقولك كان عايز منك ايه

سمر:- بصت ليه بخوف ونزلت عينيها فى الارض ومردتش عليه

مهند :- بعصبيه وصوت عالى انطقى

سمر :- بدموع بعت ليا فيديوهات ليا وليه والفيديو القديم اللى كان متصور ليا مع اللى اسمه أدم ده وبيهددنى يا أقابله النهارده واديه خمسين ألف يا يبعت ليك الفيديوهات دى

مهند :- بعصبيه ورينى الفيديوهات دى

سمر :- بصت ليه بخوف

مهند :- بعصبيه بقولك ورينى وبص على السرير شاف التليفون مد أيده واخد التليفون

سمر :- بدموع حاولت تاخد التليفون من أيده وقالت ابوس ايدك بلاش

مهند :- زقها بعيد عنه وفتح الفيديوهات وشافها اتعصب اكتر وحدف التليفون على الارض وقال عااااااا هقتلك يا حازم الكلب هقتلك وبص لسمر وقال شوفتى اخر عمايلك السوده شوفتى وسختك وصلتك لحد فين

سمر :- بدموع والله العظيم انا اتغيرت عارفه أن غلط زمان بس انا دلوقتى بحاول اكون انسانه جديده نضيفه، وانضف من كل الماضى ده بقى والله العظيم يا مهند انا اتغيرت

مهند :- بغيظ عمرك ما هتنضفى يا سمر علشان ماضيكى الوسخ هيفضل وراكى طول حياتك

سمر :- انا لو مكنتش اتغيرت يا مهند مكنتش هقولك كل اللى حصل ده بس علشان انت جوزى واى حاجه هتحصلى هتوجع كرامتك كراجل قولتلك

مهند :- قام وقف ومشى أيده على شعره وقال اشمعنا انتى من وسط البنات كلها اشمعنا انتى يا سمر

سمر :- بدموع اشمعنا انا ايه يا مهند

مهند :- غمض عينيه بوجع وقال ولا حاجه انا هتصرف مع اللى اسمه حازم ده يا سمر وهطلقك بعد ما أبعده عنك خالص

سمر :- بصدمه تطلقنى

مهند :- بوجع اه هتطلقك انا عملت اللى عليا والباقى عليكى انتى بقى حاولى تحافظى على نفسك وعيشى بشرف شويه بقى

سمر :- قعدت على السرير بدموع ومردتش عليه

مهند :- تقعدى هنا مفيش خروج من الشقه لحد ما اطلقك بعد كده انتى حره قوليلى العنوان ايه اللى قالك عليه

سمر :- بدموع ووجع قالت ليه العنوان

مهند :- بصلها بوجع ونزل وسابها

سمر :- اترمت على السرير وقعدت تعيط

فى فيلا أدم

فاق أدم من نومه وقام دخل الحمام وبعد وقت خرج وجهز نفسه ونزل لاقه ملك نايمه على الكنبه والدنيا متبهدله حاوليها سجاير وازايز البيره نفخ بقرف ودخل المطبخ عمل لنفسه نسكافيه وخرج من المطبخ وقعد على الكرسى ومسك اللاب توب بتاعه وفتحه لاقه الفيديو بتاعه هو وسمر نفخ وقال

أدم :- هى عايزه توصل لايه بالظبط وقال انتى يا هانم ممكن تقومى وتقوليلى حضرتك حطه الفيديو ده على اللاب توب ليه

ملك :- فتحت عينيها وقالت فيه ايه يا حبيبى ده بدل ما تقولى صباح الخير يا حبيبتى

أدم :- بعصبيه ردى عليا ليه حطه الفيديو ده هنا

ملك :- قامت قعدت وقالت قولت يمكن تحب ترجع الذكريات نزلته ليك على اللاب توب بتاعك

أدم :- قام مسكها من دراعها جامد وقال شغل الاستفزاز ده ميمشيش معايا يا ملك لو كنتى نسيتى انا مين افكرك

ملك :- شدت دراعها من أيده وقالت لاء فاكره يا حبيبى مين انت كويس اوى انت ابو ابنى اللى فى بطنى وشريكى فى الورث ولو فاكر نفسك انك كده بتهددنى وتخوفنى لاء فوق يا حلو ده انا ملك اللى من غيرها مكنتش بتعرف تتصرف فى اى حاجه لولا دماغى انا مكنتش وصلت لربع اللى انت وصلت ليه

أدم :- ياريت يا شيخه ما عرفتك على الأقل اخويه كان هيثق فيا ويموت وهو مطمن على ولاده معايا مش خايف عليهم منى انتى خلتينى شيطان كل اللى حاوليه بيخافوا منه منك لله يا شيخه منك لله

ملك :- بلاش تحسسنى انك ملاك وليك جناحيين انت اللى كنت بتطلب منى اساعدك وانا كنت بنفذ طلبك ده بلاش تعيش الدور علشان مش لايق عليك اتعدل كده وخلينا فى المهم يا حبيبى امته هتتجوزنى وهتكتب ليا اللى اتفقنا عليه

أدم :- بقرف ربنا يسهل

ملك :- اقسم بالله يا آدم لو ناوى تلعب بديلك معايا لاندمك ندم عمرك فاهم

أدم :- قام وقف وبصلها بقرف ومشى وسابها

ملك :- مسكت التليفون وطلبت رقم وانتظرت الرد

المتصل :- صباح الخير

ملك :- صباح النور ها عملتى ايه

المتصل :- الفيديوهات وصلت ليها وهتقابله زى ما طلب منها

ملك :- حلو اوى اهم حاجه فيديو أدم راح معاهم

المتصل :- اكيد

ملك :- تمام كده عينك علي ادم فى الشركه

المتصل :- حاضر

ملك :- اى حاجه تحصل بلغينى اول بأول

المتصل :- بس فيه حاجه عايزه اقولها ليكى

ملك :- ايه

المتصل :- السواق بيهددنى انه هيروح يقول لمرات عمر كل حاجه لو مأخدش فلوس

ملك :- سبيه عليا السواق ده انا هخلى الرجاله تخلص عليه علشان نخلص من زنه

المتصل :- اوك ماشى

ملك :- يلا باى وقفلت السكه وقالت بكره كل ده هيكون ليا انا واللى فى بطنى بس وقعدت تضحك بصوت عالى

«««««««««««««««««««««««««««««««

عند انجى

كانت نايمه على السرير بتاعها ودموعها على خدها وفى الوقت ده تليفونها رن بصت فيه لاقته هيثم حدفت التليفون جمبها وقعدت تعيط وفى الوقت ده جرس الباب رن قامت خرجت من اوضتها وراحت فتحت الباب وقالت

انجى :- هيثم

هيثم :- ممكن افهم انتى ليه مش بتردى عليا ولا بتنزلى الشغل

انجى :- ربعت ايديها على صدرها وقالت مفيش

هيثم :- انجى دخول سمر فى حياتنا جاب مشاكل كتير ما بينا

انجى :- المشكله مش فى سمر ولا فى غيرها المشكله فيك انت يا هيثم عايز تفرض عليا رأيك وخلاص من غير مناقشه ولو رفض تخيرنى يا اسمع كلامك يا نبعد عن بعض

هيثم :- بصدمه انا كده يا انجى؟ انا عمرى ما عملت معاكى كده غير المرادى علشان حاسس وجود سمر فى حياتنا هيخلق مشاكل كتير ما بينا وعلشان بحبك وباقى عليكى وبخاف على مشاعرك احسن ما تجرحها ليكى تانى زى زمان

انجى :- وانا مش صغيره وعارفه انا بعمل ايه وقولتلك أن سمر اتغيرت واللى حصل ما بينا زمان اتأسفت ليا بدل المره مليون مره عايزها تعمل ايه تانى سمر صديقة عمرى ومش هقبل اى حد يبعدنا عن بعض حتى لو انت

هيثم :- انا مش عارف هى عامله ليكى ايه علشان تحبيها الحب ده كله

انجى :- هى معملتش ليا حاجه بس فيها حاجه موجوده اسمها الوفاء لناس بتحبهم زيك وزى سمر وانا ربنا خلقنى وافيه يا هيثم ولازم تتقبلنى كده لان انت مستنفع كمان من الوفاء ده

هيثم :- ماشى يا انجى بس مترجعيش تعيطى بعد كده لما ترجع لطبيعتها من اول وجديد

انجى :- لاء مش هعيط علشان انا واثقه فى سمر

هيثم :- بكره نشوف

انجى :- بصت ليه وبصت الاتجاه التانى

هيثم :- بصرف النظر انك لحد دلوقتى سيبانى واقف على الباب بس واحشتينى

انجى :- محدش فى البيت

هيثم :- حلو ده انا ادخل بقلب بقى وابوس كمان

انجى :- هيثممممممم

هيثم :- ضحك وقال بهزر والله

انجى :- عارفه انك بتهزر

هيثم :- طيب ايه مش واحشك زى ما واحشتينى

انجى :- امشى بقى

هيثم :- مش همشى غير لما تردى عليا

انجى :- هيثم

هيثم :- قلب هيثم من جوه

انجى :- امشى يلا

هيثم :- طيب هتنزلى الشغل امته

انجى :- بكره

هيثم :- طيب ما تجيبى بوسه لحد بكره

انجى :- هيثم بطل قلة ادب

هيثم :- ضحك وقال اموت فيك يا ابيض لما بتتكسف

انجى :- قفلت الباب فى وشه وسندت ضهرها على الباب وابتسمت بحب ودخلت على اوضتها

««

فى النيابه

دخل مراد عند وكيل النيابه علشان يتحقق معاه فى القضيه وبدء وكيل النيابه يسأل مراد ويرد عليه ودخلت علياء

وبدء وكيل النيابه يسألها وقال

وكيل النيابه :- هل تم اغتصابك على يد المتهم مراد عبده

علياء :- بصت لمراد مده ورجعت بصت لوكيل النيابه ومردتش عليه

مراد :- بص لعلياء وقال اتكلمى يا علياء قولى الحقيقه

وكيل النيابه :- اسكت انتى متتكلمش غير لما أسألك

مراد :- بص فى الارض وقال حاضر

وكيل النيابه :- ها ردى على سؤالى يا علياء

علياء :- بصت لوكيل النيابه واخدت نفس عميق وقالت ..

فتاة فى زمن قاسي الفصل الثلاثون أضغط هنا

فهرس رواية فتاة في زمن قاسي جميع الفصول أضغط هنا

الفصل الثلاثون "30" من

فتاة فى زمن قاسي بقلم دودو محمد

رواية فتاة فى زمن قاسي البارت الثلاثون 30

فى النيابه

كان وكيل النيابه بيستجوب مراد وعلياء فى قضية الاغتصاب وسأل علياء هل مراد اغتصابها بصت ليهم هما الاتنين ومردتش عليهم كرر السؤال تانى وقال

وكيل النيابه :- ها ردى على سؤالى يا علياء

علياء :- بصت لوكيل النيابه واخدت نفس عميق وقالت لاء يا باشا

مراد :- بصلها بصدمه

وكيل النيابه :- انتى متأكده من كلامك ده ولا مضغوط عليكى من حد

علياء :- لاء حضرتك محدش ضغط عليا هى دى الحقيقه محصلش الكلام ده يا باشا

مراد :- قولى الحقيقه يا علياء

وكيل النيابه :- بس هو اعترف على نفسه وقال إنه تم اغتصابك تحت تأثير مخدر وانتج عنه حمل وإنجاب طفله

علياء :- غمضت عينيها بوجع واتنهدت وردت لاء يا باشا محصلش اغتصاب ولا حاجه اللى حصل ما بينا ده كان بكامل إرادتنا احنا الاتنين

مراد :- لالالا بلاش تقولى كده يا علياء قولى الحقيقه ارجوكى

علياء :- بتمنى من حضرتك يا باشا تقفل القضية علشان سمعتى انا وبنتى واكيد لو كان حصل اغتصاب كنت اعترفت بده ومنكرتش

النيابه :- طيب اتفضلى أمضى هنا على اقوالك

علياء :- مضت ولفت بصت لمراد والدموع فى عينيها وخرجت

مراد :- والله العظيم اللى انا قولته كله حصل انا اغتصبتها من اربع سنين يا باشا

وكيل النيابه :- صاحبة القضيه نفسها أنكرت ده ورفضت الدعوه يبقى كده مفيش قضيه أمضى هنا وتقدر تمشى

مراد :- بس انا لازم اتعاقب

وكيل النيابه :- اتفضل أمضى وامشى

مراد :- مشى ببدء وراح مسك القلم ومضى وخرج لاقه مهند ومياده ومريم واقفين بص ليهم وقال علياء راحت فين

مهند :- مشيت مع عبدالرحمن

مياده :- ليه يا مراد تعمل كده انت باللى عملته ده بتفضح نفسك وعلياء وبنتك

مراد :- بدموع تعبت عايز اعمل اى حاجه تكفر عن ذنبى انا تعبت من تأنيب الضمير والله العظيم احساسه صعب جدآ فوق ما تتخيلوا الموت اهون مليون مره من الإحساس بالذنب اربع سنين حياتى وقفت على اللحظه دى ومش عايزه تمشى قولت يمكن لما اعمل كده يخف العذاب اللى بحس بيه ده انا نفسى بنتى تتكتب على أسمى وتنادينى بابا زى اى بنت بتنادى على ابوها وعلياء مش راضيه تقربها منى

مهند :- عارفين انه احساس صعب بس لازم تنسى بقى

مريم :- وبعدين انت تتعب نفسك ليه علشان بنتك برضاها ولا غصب عنها منار بنتك وسهل اوى تكتبها بأسمك ومعاك اللى يثبت

مياده :- أهدى شويه احنا عايزين نهدى مش نشعلل وبصت لمراد وقالت اهدا بس وسيب علياء عليا وان شاءالله ربنا يهديها وكل شئ يتصلح

مهند :- روح انت يا مراد وروح مياده واختك وانا هروح مشوار صغير كده وجاى وراكم

مراد :- بوجع ماشى ومشى هو ومريم ومياده على البيت

««««««««««««««««««««««««««««««««

فوق السطح

وصلت علياء مع عبدالرحمن وهى دموعها على خدها ودخلت قعدت على الكنبه ودعكت رجليها بألم وخرجت سمر وقعدت جمبها وقالت

سمر :- عملتى ايه

علياء :- بدموع أنكرت واتنازلت عن القضيه

سمر :- طيب مدام عامله كده برضاكى بتعيطى ليه

علياء :- بدموع انا لو عليا كنت اعترفت بكل حاجه وخليته يتعدم بس اللى مانعنى اعمل كده بنتى هتبقى صعبه عليها لما تكبر وتعرف اللى حصل

سمر :- عملتى الصح يا علياء

علياء :- فين منار لسه نايمه كل ده

سمر :- ها ل.ل.لاء مش نايمه

علياء :- امال فين هى

سمر :- دعكت ايديها فى بعض وقالت م.م.منار عند خالتى حكمت

علياء :- بصت ليها بصدمه وقالت بنتى تحت بتعمل ايه ازاى يا سمر تنزليها تحت دى الامانه اللى سبتها ليكى

سمر :- فيها ايه يا علياء ما هى جدتها برضه وهتخاف عليها زيك واكتر كمان

علياء :- وقفت وقالت بنتى متنزلش عند الناس اللى تحت تانى فاهمه ونزلت عند حكمت ورنت الجرس

حكمت :- فتحت الباب وقالت تعالى يا بنتى

علياء :- فين بنتى

حكمت :- متقلقيش يا بنتى منار فى عينيا من جوه دى بنت ابنى الغاليه اللى وجودها جمبى بينسينى وجع الدنيا كلها

علياء :- انا عايزه بنتى

حكمت :- قاعده جوه كنت بأكلها تعالى خديها

علياء :- غمضت عينيها بوجع ودخلت وراها لاقت منار قاعده على الكرسى والأكل قدامها

منار :- اول ما شافت امها قامت جريت واترمت فى حضنها

علياء :- شالتها وباستها وقالت عامله ايه يا حبيبت مامى

منار :- كويسه يا مامى وتيته دى طيبه اوى قعدت تلعب معايا كتير وعملت ليا اكل طعمه حلو اوى تعالى خدى حته

حكمت :- مشيت ايديها على شعر منار وقالت روح قلب تيته انتى يا منار

منار :- بحبك اوى يا تيته قد الدنيا دى كلها

حكمت :- بحب قالت وانا بحبك اكتر من نور عينيا يا منار

علياء :- بصت لحكمت وبصت لمنار واتنهدت بوجع وقالت يلا يا منار

منار :- خلينى قاعده مع تيته شويه

حكمت :- سبيها يا بنتى قاعده معايا شويه ملحقتش اشبع منها

علياء :- بصت لحكمت واتنهدت ونزلت منار وقالت متتعبيش تيته

حكمت :- بفرحه ربنا يخليكى يا بنتى ويريح قلبك ويبعد عنك كل ظالم

علياء :- بصت ليها ومشيت وسابتها وفتحت الباب لاقت مراد ومريم قصادها غمضت عينيها علشان تحبس دموعها وحاولت تبعد عن الباب علشان هما يدخلوا وهى تطلع

مريم :- شايفه أن رجلك انتى واختك اخدت على هنا

مراد :- مريم اسكتى واتفضلى ادخلى على اوضك

مريم :- من غير ما تقول داخله وسابتهم ودخلت

علياء :- حاولت تمشى وقف قصادها مراد نفخت وقالت ممكن تخلينى امشى

مراد :- ليه خرجتينى من الحبس وانكرتى اللى حصل

علياء :- علشان بنتى وسمعتها

مراد :- وانتى يا علياء

علياء :- بصت ليه بقرف وقالت وانا ايه

مراد :- وانتى مش ناويه تسامحينى

علياء :- اللى انت عملته فيا صعب اسامحك عليه العمر كله حتى لو كان غصب عنك

مراد :- عارف أنه صعب بس مش مستحيل

علياء :- بصت ليه ومردتش عليه وفى الوقت ده جت منار تجرى وقالت

منار :- بابا عمو مراد جه

مراد :- فرح وشالها وقعد يبوس فيها وقال حبيبت بابا واحشتينى

منار :- وانت واحشتنى اوى يا بابا عمو مراد

مراد :- ابتسم وقال بلاش تقولى بابا عمو مراد قولى بابا بس

منار :- حاضر

مراد :- باس ايديها وقال حضرك الخير يا قلب بابا من جوه وبص لعلياء وقال شكرآ يا علياء انك سمحتى لينا نشوف منار ونقعدها معانا شويه

علياء :- انا معملتش كده علشانك انا عملت خاطر بس لست الكبيره اللى متعلقه بيها إنما لو عليك انت مكنتش هخليك تلمح خيالها حتى

منار :- بابا مش انت بابا

مراد :- بصلها بأستغراب وقال ايوه انا بابا

منار :- ومامى دى وشاورت على علياء

مراد :- ايوه

منار :- ليه مش عايش معانا زى بابى ومامى كانوا عايشين مع بعض

مراد :- بص لعلياء بتوتر وحاول يتوه الموضوع وقال ايه ده انتى كنتى بتاكلى

منار :- ايوه تيته كانت بتأكلنى

مراد :- طيب روحى لتيته خليها تغسل ايدك وبؤقك ونزلها وقال اجرى يلا

منار :- سابتهم وطلعت تجرى عند حكمت

علياء :- بصت ليه مده وقالت اعمل حسابك بكره هنروح نكتب منار بأسمك وسابته ومشيت

مراد :- مصدقش اللى سمعه بودنه بص على علياء وهى طالعه ودخل يجرى على أمه بفرحه وقال علياء وافقت تكتب منار بأسمى يا امى انا مش مصدق نفسى اخيرآ بنتى هتتكتب على أسمى

حكمت :- بفرحه علياء طيبه وبنت حلال هى بس مجروحه من اللى حصلها بسببك من زمان

مراد :- شال منار وقال اخيرآ هيبقى اسمك منار مراد عبده وضمها فى حضنه وقال يااااااه يا بنتى ياااااه الف حمد والف شكر ليك يارب

حكمت :- يلا ادخل خد حمام سخن كده وفوق وتعال كل لقمه

مراد :- مش عايز اسيب منار دقيقه واحده انا هقعد العب معاها طول النهار

منار :- بفرحه بجد هيييييييه

مراد :- شالها على كتفه بفرحه وطلع يجرى بيها

حكمت :- ربنا يخليها لينا ويجعلها فرحت ايامنا الجايه يارب

عند مهند

راح العنوان اللى كان حازم متفق مع سمر عليه وبص على البيت بغيظ وقفل أيده بعصبيه وطلع رن الجرس وبعد وقت فتح حازم الباب واتفاجئ بمهند حاول يقفل الباب تانى فى وشه بس معرفش ومهند زق الباب ودخل مسك حازم من هدومه وقال

مهند :- بعصبيه انت ايه مش بتحرم لازم تضرب علشان تبطل وساخه عايز ايه من مراتى وضربه بالبوكس فى وشه وقال بتتصل بيها ليه تانى انطق

حازم :- بألم هى اللى اتصلت بيا وعايزانا نرجع لبعض تانى وانا اللى رفض وهددنى لو مسمعتش كلامها هتقول ليك أن انا اللى بتصل بيها وبهددها

مهند :- ضربه بالبوكس فى وشه وقال كداب كمان يعنى وسخ وكداب ده انتى نهايتك على ايدى النهارده

حازم :- مش كداب ومعايا الدليل انها بتكلمنى علطول ومقطعتش علاقتها بيا

مهند :- بص ليه بصدمه وقال دليل ايه ده

حازم :- طلع التليفون من جيبه وقال اهو وشغل ليه تسجيلات ما بينه هو وهى وهما بيتكلموا مع بعض فى التليفون

مهند :- كداب كداب مستحيل سمر تعمل كده مستحيل

حازم :- التسجيلات اهى وسمعتها بودنك

مهند :- داس على أسنانه بغيظ وبص لحازم بعصبيه وقعد يضرب فيه لحد ما وشه كله جاب دم واغمى عليه وقام وقف ونزل يجرى ووقف تاكسى وركبه ومشى بيه

««««««««««««««««««««««««««««««««

فى الشركه

فى مكتب أدم

كان قاعد على مكتبه وبيفكر هيعمل ايه مع ملك علشان يبعدها عن طريقه وفى الوقت ده الباب خبط ودخلت ريهام وقالت

ريهام :- انا كنت حابه اروح لعلياء

أدم :- كان سرحان ومش سامع حاجه

ريهام :- أدم يا آدم

أدم :- ها ايوه يا ريهام

ريهام :- كنت بقولك عايزه اروح لعلياء

أدم :- ليه فيه حاجه

ريهام :- لاء انا بس عايزه اشوفها

أدم :- اوك بعد الشغل هبقى اخدك عندها

ريهام :- قربت منه وقالت مالك يا آدم

أدم :- مفيش يا ريهام

ريهام :- لاء شكلك مشغول بحاجه كبيره قولها ليا يمكن اقدر اساعدك

أدم :- بص ليها بتوتر وقال ها

ريهام :- قربت ليه اكتر وقالت بقولك انا جمبك ووقت ما تحب تتكلم هتلاقينى موجوده

أدم :- بلع ريقه بتوتر وبص على جسمها وبص على شفايفها وقرب منها ولسه هيبوسها بعد عنها فاجئه وقام وقف وقال بتوتر ا.ا.انا اسف مش عارف كنت هعمل كده ازاى

ريهام :- قربت منه وقالت بس انا مش زعلانه مشاعرك هى اللى خلتك تفكر فى كده زى ما مشاعرى برضه متقبله فكرة قربك منى

أدم :- بصلها بصدمه وقال نعم

ريهام :- قربت منه جدآ وقالت زى ما انت سمعت ومشيت ايديها على شفايفه وقالت انا ست زى اى ست ليا مطالبى الشخصيه واكيد يعنى انا مش مسؤوله عن احساسى وشعورى غصب عنى يعنى

أدم :- انتى ايه اللى بتقوليه ده يا ريهام انتى كنتى مرات اخويه الله يرحمه اللى لسه ميت مكملش شهر ازاى تسمحى لنفسك تعملى كده وتقولى كده

ريهام :- اخوك ههه اخوك اصلا مقربش منى من كام سنه من ساعة ما تجوز علياء كان حرمنى من ابسط حقوقى الشرعيه وانا ست واكيد بعد السنين دى كلها اقابل شاب زيك مشاعرى هتميل للقرب منك

أدم :- كان بيبص ليها بصدمه وهى بتتكلم

ريهام :- لفت دراعها حاولين رقابته وقالت ما تيجى تسهر معايا النهارده

أدم :- ها

ريهام :- قربت من شفايفه وباسته وقالت تعال اسهر معايا بليل وهنسيك كل همومك

أدم :- بلع ريقه بصعوبه وبعد ايد ريهام عنه وقال انتى ازاى بالوقاحه دى انا اخو جوزك وعم ولادك ازاى تفكرى تعملى كده وازاى تفكرى أن انا هوافق اعمل معاكى كده انتى بجد طلعتى واحده *****

ريهام :- ليه كل ده متحسسنيش انك نضيف اوى طول عمرك وانت عايش حياتك بالطول والعرض مع كل واحده شويه ولا ملك اللى انت عايش معاها فى الحرام كل ده عادى مش و*** صح

أدم :- بس انتى بالذات مقدرش اعمل معاها كده انتى كنتى مرات اخويه فاهمه يعنى ايه يعنى حتى لو انا فيا الصفات الوسخه كلها مستحيل هنام على سرير مع مراته ام ولاده

ريهام :- اخوك فين اخوك اخوك مات خلاص مبقاش ليه وجود فى الدنيا والحى ابقى من الميت

أدم :- انا بجد مصدوم فيكى وسكت شويه وقال استنى انتى تعرفى موضوع ملك ده منين

ريهام :- ها اخوك كان قايل ليا عنها

أدم :- عمر الله يرحمه مكانش يعرف حاجه اصلا عن موضوع ملك ده وبعدين اخويا ازاى مكانش بيجى عندك وأزاى قال ليكى الموضوع ده

ريهام :- ها ا.ا انا قولت مقربش منى بس كان بيجى عادى يبص على ولاده وكان بيحكى ليا كل حاجه

أدم :- مش عارف ليه حاسس انك كدابه يا ريهام

ريهام :- وانا هكدب ليه

أدم :-بقرف اطلعى بره مكتبى يا ريهام

ريهام :- براحتك انت الخسران وصدقنى قربك منى كان هينقذك من حاجات كتير اوى عن اذنك وسابته وخرجت

أدم :- ازاى عمر كان متجوز واحده زى دى ازاى انا لازم افهم الموضوع ده لازم ورجع قعد على الكرسى تانى

««««««««««««««««««««««««««««««««

فى السطح

كانوا الاربعه قاعدين بياكلوا وقالت علياء

علياء :- انا هكتب بكره منار بأسم ابوها

التلاته بصوا لبعض بأستغراب

مياده :- عين العقل يا علياء وربنا يهديكى عليه وتسامحيه هو كمان

علياء :- عمرها ما هتحصل يا مياده انا لو كنت هكتب بنتى بأسمه فده علشان خاطر بنتى متعلقه بيه وعايزاها تعرف حقيقتها وأبوها الحقيقى وهى صغيره بس مش اكتر انما هو بالنسبه ليا ولا حاجه مجرم وسرق منى اعز ما املك وعمرى ما هسامحه على اللى عملوا فيا ده

عبدالرحمن :- طيب بالمناسبه دى مش ناويه توافقى بقى على جوازى من مريم

علياء :- انا قولتلك يا عبدالرحمن عايز تتجوزها اتجوزها بس أنسى أن اروح معاك واطلبها ليك

عبدالرحمن :- ما انتى نزلتى عندهم تحت وسمحتى ليه يقرب من بنتك اشمعنا انا يا علياء انا مش هقدر اروح اتقدم لبنت وانتى مش معايا لأن انتى امى يا علياء وهتبقى صعبه عليا والله

علياء :- اتنهدت وقالت ماشى يا عبدالرحمن

وفى الوقت ده جرس الباب رن قام عبدالرحمن يفتح الباب لاقه مهند قال

عبدالرحمن :- خير يا مهند

مهند :- فين سمر يا عبدالرحمن

عبدالرحمن :- جوه

مهند :- ممكن ادخلها

عبدالرحمن :- اتفضل

مهند :- دخل وقال السلام عليكم

التلاته وعليكم السلام

مياده :- خير يا مهند

مهند :- انا اسف لو جيت ليكم فى وقت زى ده بس مكانش هينفع ينتهى اليوم من غير ما اعمل اللى ناوى اعمله ده

مياده :- بأستغراب تعمل ايه يا مهند

مهند :- بص لسمر وقال سمر انتى طالق

سمر :- بصت ليه بدموع وغمضت عينيها بوجع

مياده :- ليه يا مهند ليه

مهند :- علشان ده اللي لازم يحصل يا مياده ورقتها هتكون عندها وهى حره بعد كده تحافظ على نفسها ولا متحافظش دى حاجه بأيديها هى وبص لسمر مده ونزل وسابهم

سمر :- قعدت على الكنبه بكسره ووجع وقعدت تعيط

علياء :- قعدت جمبها واخدتها فى حضنها وقعدت تطبطب عليها وقالت فى ستين داهيه احنا اصلا كنا عارفين انه هيطلقك لان كان متجوزك فتره وخلاص المهم دلوقتى خليكى قويه وركزى فى حياتك ومستقبلك انتى لسه صغيره وقدامك كتير يا حبيبتى

سمر :- بدموع للاسف كلمة الطلاق دى كسرتنى يا علياء انا عارفه أن انا عملت كتير فى حياتى وان دى نتيجه طبيعيه بس وسكتت وحطت ايديها على وشها وقعدت تعيط وقالت صعبه عليا اوى اوى يا علياء

مياده :- ياااااه يا سمر اخيرآ حبيتى بجد وبقيتى انسانه زينا بس للاسف فؤقتى متأخر اوى بعد ما كله بقى يتهرب منك

عبدالرحمن :- كانت لازم تعرف أن هى دى نهاية الو**** وأنها مهما عملت مسيرها هتتعاقب على أفعالها تشرب بقى وتشوف مين هيقبل يعيش معاها بعد ما يعرف ماضيها الاسود

علياء :- بعصبيه مش وقت كلامكم ده سبوها فى حالها اللى فيها مكفيها بدل ما انتوا نازلين سلخ فيها خدوها فى حضنكم واحتواها خلاص غلطت وعرفت غلطها واتغيرت ادوها فرصه لتغير ده مترجعوهاش بأفعالكم دى للاسوء مش هسمح حد يتكلم معاها بالاسلوب ده ويجرحها فاهمين

عبدالرحمن :- بلاش دلع فيها بقى كفايه يا علياء انتى السبب فى اللى هى وصلت ليه ده بسبب دلعك الزياده فيها بقت شخص انانى مفكرتش لحظه واحده فينا وهى بتسلم نفسها لراجل غريب تستاهل اللى حصل ليها واللى هيحصلها علشان تعرف أن الشمال دايمآ آخرته سوده

علياء :- عبدالرحمن خلاص قولت محدش ليه دعوه بيها وبصت لسمر وقالت قومى معايا يا حبيبتى

سمر :- بصت ليهم بدموع وقامت وقفت

مياده :- دموعها نزلت منها وراحت عند سمر وشدتها فى حضنها وطبطبت عليها وقالت انا اسفه يا سمر والله العظيم بحبك واللى بعمله ده من خوفى عليكى وزعلى علشانك

سمر :- مسكت فيها وقعدت تعيط بوجع

علياء :- شششش أهدى يا حبيبتى خلاص متزعليش وانسى كل اللى حصل ده تعالى معايا ودخلوا التلاته الاوضه بتاعتهم

««««««««««««««««««««««««««««««««

فى شقة عبده

دخل مهند وهو حزين وموجوع ومتكلمش ولا كلمه ودخل على اوضه وكان مراد قاعد بيلعب مع منار بصله بأستغراب وقال

مراد :- ماله ده

مريم :- هيكون ماله اكيد حاجه بسبب اللى ماتتسمى اللى اسمها سمر دى

منار :- متقوليش كده على خالتو سمر

مريم :- بت انتى اتكلمى عدل معايا انا عمتك برضه زى ما هى خالتك

منار :- لاء انتى وحشه إنما خالتو سمر حلوه

مريم :- جاتك نيله عليها طالعه لسانك طبق الاصل منها

منار :- وطالعه ليكى برضه يا عمتو

مريم :- مراد لم بنتك

مراد :- عيب يا مونى منتكلمش كده مع اللى اكبر مننا لازم نحترمه وزى ما سمر خالتو مريم عمتو برضه

منار :- حاضر يا بابا اسفه يا عمتو

مريم :- ماشى

حكمت :- قوم شوف اخوك ماله يا مراد

مراد :- حاضر يا امى وقام وقف

منار :- وقفت وقالت هاجى معاك يا بابا

مراد :- لاء يا حبيبتى خليكى هنا مع عمتو وتيته وانا جاى ليكى علطول

منار :- حاضر يا بابا

مراد :- لعب فى شعرها وابتسم ليها ودخل الاوضه عند مهند

منار :- عمتو العبى معايا

مريم :- العب معاكى؟! ليه شيفانى عيله قدامك

منار :- طيب ما خالتو سمر وخالتو مياده بيلعبوا معايا وخالوا عبدالرحمن كمان بيلعب علطول معايا

مريم :- ماشى هما بيلعبوا لكن انا مش بلعب مع حد وامشى يا بت بعيد

منار :- انا مش بحبك انتى وحشه وطلعت تجرى على جدتها واترمت فى حضنها

حكمت :- طبطبت عليها وبصت لمريم وقالت براحه على البنت شويه يا مريم بلاش تكرهيها فيكى

مريم :- متصدعنيش بقى وقامت وسابتهم ودخلت اوضتها

منار :- هى عمتو مش بتحبنى ليه يا تيته

حكمت :- باست راسها وقالت بالعكس عمتو بتموت فيكى بس هى تعبانه شويه وعايزه تنام المهم مش جعانه اعملك تاكلى

منار :- لا يا تيته شبعانه

حكمت :- طيب احطلك عصير

منار :- ماشى

حكمت :- وقفت ومسكت ايديها وقالت سندى تيته علشان كبرت ومش بتقدر تمشى زى الاول

منار :- مسكت ايديها وقالت تعالى يا تيته اسندك

حكمت :- ربنا يخليكى ليا يا روح تيته ودخلوا المطبخ

««««««««««««««««««««««««««««««««

فى اوضت مهند

دخل مراد وقعد قصاد مهند على السرير وقال

مراد :- مالك يا مهند

مهند :- مفيش

مراد :- مفيش ايه يا ابنى انت مش شايف منظرك عامل ازاى

مهند :- بحزن انا طلقت سمر

مراد :- بصدمه طلقتها طيب ليه

مهند :- م.م.مفيش حسيت انا وهى مش لايقين على بعض وبعدين فيه فرق كبير فى السن ما بينا

مراد :- مش مقتنع بكلامك الصراحه بس كل اللى انا شايفه انك بتحب سمر يا مهند ومش هتقدر تعيش من غيرها

مهند :- وقف وقال اه بحبها وعلشان بحبها مش هقدر اكمل معاها تانى كل ما هشوفها قدامى هفتكر حاجات كتير مش عايز افتكرها، بفضل احبها وانا بعيد عنها احسن ما أكرهها وانا قريب منها

مراد :- مش قادر افهم كلامك

مهند :- مش لازم تفهم كلامى المهم النتيجه فى الاخر ان انا وسمر أطلقنا

مراد :- طيب اتكلم وقول السبب يمكن نقدر نصلحه ونرجعكم لبعض

مهند :- مبقاش ينفع الرجوع يا مراد خلاص

مراد :- بصله بقلة حيله وقال ربنا يصلح حالكم يارب

مهند :- بصله بوجع وغمض عينه وسابه

فتاة فى زمن قاسي الفصل 31 الواحد والثلاثون أضغط هنا