رواية حياة الفهد الفصل الأول 1 - بقلم الكاتبة المجهولة

ياربي يعني يوم ما أهرب أهرب بفستان فرحي وكمان أروح الصعيد. تذكرة للصعيد يا حج، الله يستر. بص لي وللفستان اللي أنا لابساه: مينفعش كدة يا بنتي، تحطي راس عيلتك في التراب، فكري تاني وارجعي. إيه يا حج، هو إنت تعرفني؟ ما تجيب التذكرة وانت ساكت. أمسكي، بنات آخر زمن، ربنا يهديهم. ربنا يخدك. مشت وأنا متعصبة وجريت عشان ألحق القطر، ركبت أخيرًا.

كل اللي كانوا في القطر بيبصولي باستغراب، طبعًا ماهو حدث تاريخي، عروسة هربانة يوم فرحها وبالفستان كمان. سمعت الست اللي جنبي بتوشوش اللي معاها: شفتي، أهي دي آخرة اللي يدلع بناته ويسيبهم براحتهم. تلاقي أهلها قالبين الدنيا عليها. مش مكسوفة وهي هربانة كدا. ياترى حكايتها إيه. تلاقيها ماشية مع واحد وهربت عشان تروح له.

اتعصبت من كلامهم: النبي يا حاجة، لو عايزة تستفسري عن حاجة ابقي تعالي اسأليني، متألفيش من عندك، وبعدين خليكي في نفسك وملكيش دعوة بيا. زهقت من نظرات الناس لي وكلامهم، نمت شوية. يا عروسة، قومي يا عروسة، وصلنا. هاااه، في إيه يا عم، بتصحيني ليه. وصلنا، دي آخر محطة. دي الصعيد. أيوه... بقولك إيه، راجعي نفسك تاني، اللي بتعمليه دا مش صح. أنا طلبت رأيك؟ هل أنا طلبت رأيك؟ أنا بديكي نصيحة كأخ.

تسلم يا باشا، وفر بقى نصايحك لحد غيري. سبته ونزلت من القطر، مشيت شوية لحد ما وصلت لأول الصعيد، وطبعًا ما أقولكمش على نظرات الناس ووشوشتهم عليا. ياربي، هعرف إزاي البيت دا... أحسن حاجة إني أمشي وأسأل الناس. خد خد خد يا سكر، تعالي. آني مش سكر، آني ملح، ههههاهاي. اممم، واضح إنك رخيم وهتتعبني. إنتي عروسة هربانة. أيوه يا سيدي. غمز: طب ما تيجي أتوزجك. إنت بتقول إيه، يلا ماتتلم. الحق عليا إني عايز أساعدك.

طيب، عايز تساعدني، ممكن تقولي بيت عيلة المهدي فين. هاتي بوسة وأنا أقولك. إنت متأكد إنك طفل بريء، امشي ياض، مش عايزة منك حاجة. مشيت شوية كمان وكنت تعبانة أوي وعطشانة. وصلت عند أرض وكان فيه إزازة ميه على الأرض، خدتها بسرعة وشربت وغسلت وشي. مش عيب لما عروسة زيك تتفش يوم فرحها. اللهم طولك يا روح. لفت وشي وأنا بنفخ بضيق.

أول ماشفته، بحلقت فيه، شاب طويل وجسمه رياضي، ملامحه حادة وعيونه رمادي، لابس تيشرت مبين عضلاته وبنطلون رياضة. ... أيتا أيتا أيتا، لحظة يا جماعة، ما الصعيد فيها شباب جامدة وحلوين أهو، أومال مبنجيش هنا ليه. هتبحلقي أكده عاااد. يخربيتك، بوظت اللحظة، بص، متتكلمش تاني. إنت مالك يا جدع أنت، أهرب ولا لأ، دا شيء ما يخصكش. أه، دا إنتي طلعتي من البندر عااد، وبنت البندر جاية تعمل إيه هنا في الصعيد.

قلت لك، إنت مالك، متتدخلش في اللي ملكش فيه. خوفت إني كده يعني. بقولك إيه، أنا مش فضيالك، اخلص، عايز مني إيه. هعوز منك إيه يعني، الماية اللي طفحتيها دي بتاعتي. لو أعرف مكنتش شربتها، وبعدين خلي عندك دم، دا اللي سقى كلب دخل الجنة. يعني إنتي كلب. اتعصبت ورفعت صباعي في وشه: لم نفسك، أنا ساكتالك من الصبح. قرب مني أوي: عتعملي إيه عااد. اتوترت ورفعت فستاني وخدت نفس وطلعت أجري. الجري الجدعنة كلها يا جماعة، إنتو بتقولوا إيه.

هوووف، أخيرًا خلصت منه. لو سمحتي يا طنط، بيت عيلة المهدي فين. اتكلمت بقرف: طنط؟ ... امشي شوية، هو رابع بيت على اليمين. شكراً. أخيرًا وصلت.. كان قصر كبير أوي، مش بيت تقريبًا، دا أكبر بيت هنا في الصعيد. كان الباب مفتوح، دخلت القصر من جوة، كان تحفة، فضلت أتفرج بانبهار لحد ما حد حط إيده على كتفي، اتخضيت. خير يا عروسة، عايزة مين. احم.. ممكن أقابل الحج سالم المهدي. دقيقة، هزعقلك ع البيه وأجي. تمام.

بعد شوية، طلع أول ما شافني ابتسم، عرفت إنه افتكرني، عيوني دمعت وجريت عليه حضنته. إزيك يا حياة، عاملة إيه. كويسة الحمد لله. كدة يا حياة، ما تسأليش علينا إنتي وأهلك. عيطت كتير ومقدرتش أتكلم. مالك يا بنتي، بتعيطي ليه، وإيه الفستان اللي إنتي لبساه دا. مقدرتش أتكلم من العياط ومسكت في حضنه جامد. أهدي يا حبيبتي... يا بهية، هاتي كوباية لمون للهانم. أمرك يا بيه. شربت اللمون وهديت شوية وبدأت أحكيله كل حاجة.

ياااه يا بنتي، كل دا مريتي بيه، بس متخافيش، إنتي دلوقتي معايا... نادي البنات يا بهية يسلموا عليها. كلهم جم وسلموا عليا وهما فرحانين، طنط جميلة وأيه وياسمين وهشام، إلا واحدة، هي مكانتش مبسوطة، هايدي، حسيتها مغرورة، أنا معرفهاش أوي، متكلمناش قبل كدة. قعدنا مع بعض شوية. هعمل إيه أنا دلوقتي، أنا خايفة يعرفوا مكاني. متخافيش يا حياة، أنا فكرت في الحل، وإن شاء الله هتكوني بخير. يا أمي، إني رجعت، جيب لي الغدا.

تعالي يا فهد، في ضيفة عندنا. حاضر يا أبويا.... إيه ده، إنتي بتعملي إيه هنا. إنت!! إنتوا تعرفوا بعض. اتوترت: ل.... لا، وأنا هعرفه منين. تعالي يا فهد، سلم على عروستك. نعم!